luiziana

luiziana.jpg
ad min23:59 | 12/07/2019

Shteti amerikan i Luizianës po bëhet gati për të pritur stuhinë “Berri”, që do të sjellë reshje të dendura dhe përmbytje. Për të minimizuar sado pak dëmet, autoritetet kanë shpallur gjendjen e jashtëzakonshme.

Në Luiziana të Shteteve të Bashkuara është shpallur gjendja e jashtëzakonshme për shkak se një stuhi tropikale po i afrohet zbarkimit. Stuhia “Berri” ka marrë shpejtësi teksa ka lëvizur në Gjirin e Meksikës në ditët e fundit.

Sipas autoriteteve, shpejtësitë e erërave të saj janë rritur deri në 80 kilometra në orë dhe mund të arrijnë forcën e një uragani në momentin që prekin tokën. Pritet që krahas erërave të forta të ketë edhe shira të dendura, që do të prekin kryesisht qytetin Nju Orlins, që në të kaluarën është goditur nga stuhitë dhe përmbytjet.

Shërbimi Meteorologjik Kombëtar ka paralajmëruar se përmbytjet përbëjnë rrezikun më të madh për banorët pasi shiu parashikohet të arrijë deri në 50 centimetra. Gjithashtu, lumi Misisipi që përshkon shtetin e Luizianës i ka arritur tashmë nivelet maksimale dhe është gati të dalë nga shtrati.

Stuhia “Berri” ka gjasa të përplaset në tokë të shtunën dhe më pas do të humbasë kuotë teksa do të kalojë në Luginën e Misisipit të poshtëm gjatë fundjavës.

Edhe pse mes stuhisë “Berri” dhe ndryshimeve të klimës nuk është verifikuar një lidhje direkte, rritja e temperaturave po fuqizon faktorët që i bëjnë dukuri të tilla edhe më të forta. Teksa ajri është ngrohur në dekadat e fundit, tani ai përmban më shumë lagështirë, që do të thotë se stuhitë janë të ngarkuara me shumë shi./ABC News Albania 24/7

cifti.jpg
ad min12:30 | 22/11/2018

Dita e Falenderimeve në Shtetet e Bashkuara ka sjellë dhe mrekulli për disa familje. Punonjësit e një kompanie do të ndajnë mes tyre 20 milionë dollarë shpërblim. Ndërsa një çift në Luiziana zbuloi papritur që kishte blerë biletën fituese të një lotarie.

Për këtë festë të Ditës së Falenderimeve punonjësit e një kompanie që merret me ofrimin e përkujdesjes shëndetësore në shtëpi, e kanë shumë të qartë se kë do të falenderojnë. Themeluesi Mark Baiada në fakt ka vendosur që të surprizojë punonjësit që punojnë për të me një çek 20 milionë dollarësh, të lëvruara nga llogaria e tij personale. Baiada e njoftoi vendimin e tij gjatë një darke me qindra punonjës, të cilët iu përgjigjën lajmit me përqafime dhe thirrje të ndryshme.

Sigurisht që asnjë nuk pasurohet aq shumë sa të mos ketë nevojë të punojë, pasi kompania numëron 26 mijë persoma të punësuar në të gjithë Shtetet e Bashkuara. Ajo që do të marrin në shtëpi varion nga 50 dollarë për të sapopunësuarit dhe dhjetra mijëra dollarë për punonjësit më të vjetër. Mark Baiada, megjithatë, nuk është pëlqyer gjithmonë nga punonjësit e tij, në fakt ai është aktualisht nën hetim për akuzat se nuk i ka paguar jashtë orarit shumë prej tyre.

Ndërsa një çift në Luiziana duke të falenderojë fatin pasi ka gjetur një biletë lotarie duke fituar 1.8 milionë dollarë. Harold dhe Tina Ehrenberg do të kalojnë Ditën e Falenderimeve më të bukur të jetës së tyre falë gjetjes së papritur. Ndërsa po rregullonte shtëpinë, në sajë të vizitës që do t’i bënin prindërit për festë, Tina ka gjetur bileta të ndryshme të lotarisë shtetërore, për të cilat kishte harruar se i kishte blerë.

Pasi kontrolloi numrat në uebfaqen zyrtare të Lotarisë në Luiziana , çifti ka zbuluar se janë bërë të pasur: një nga biletat përmbante të gjithë numrat fitues. Një mrekulli, duke parë që kishin kaluar dy javë, dhe paratë do të shkonin kot nëse brenda 180 ditëve nuk do të dilte fituesi. Duke hequr taksaj, Ehrenbergët do të marrin 1.2 milionë dollarë. Por nuk do të ketë shpenzime të çmendura. Harold dhe Tina theksojnë se shumën e fituar do të ruajnë për periudhën e pensionit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono