luiza gega

MARATONA-E-TIRANES-1280x720.jpg
ent ela12:00 | 07/10/2018

Kryeqyteti mirëpriti Gjysmë Maratonën e Tiranës. Në edicionin e saj të tretë morën pjesë 2500 garues nga 40 shtete të ndryshme të botës.

https://youtu.be/caaWwxlF2Vw

Gjysmë Maratona e Tiranës këtë vit u mbyll me një incident. Atletia nga Kenia Agnes Chebet pretendoi çmimin e parë në kategorinë 21 kilometra për femra, por ai shkoi për shqiptaren Luiza Gega. Atë që ndodhi e shpjegoi vete atletia shqiptare.

“Ndërkohë që ne ishim në skenë duke folur, ndodhi rreth 5 minuta para, ndërkohë që unë po zhvishesha, u nisa 58 sekonda prapa, isha shumë e demotivuar, se isha prapa dy konkurenteve të mia kryesore, por thashë që do jap sa të kem mundësi, me kohë jam e para, kurse me vend jam e dyta”.

Të parë kenianet dolën në kategorinë 21 kilometra për meshkuj. Ndërkohë që trimufuan edhe në garën prej 10 kilometrash. Sa i përket personave me aftësi speciale kupa shkoi tek Bledar Suxha.

Ndryshe nga dy edicionet e mëparshme në ketë Gjysmë Maratonë kryetari i Bashkisë së Tiranës nuk ishte ndër garuesit. Erion Veliaj përshendeti pjesëmarrësit dhe shpjegoi arsyen e mungesës.

“Shumë më kanë pyetur nëse do marr pjesë në maratonë. Edhe unë do marr pjesë në maratonë, vetëm se do vrapoj për në maternitet meqë u bëra me djalë. Herën tjetër do kthehem dyfish në garë”,

I pyetur se cili është emir i përzgjedhur për vogëlushin e sapolindur, Veliaj tha:”Këtë do ta them pas pak se dua ta konsultoj edhe mamanë, por e  sigurt që do të jetë një emër shqiptar, por edhe tirons”.

Ky ishte edicioni i tretë i Gjysmë Maratonës së Tiranës. Në të morën pjesë 2500 vrapues nga 40 shtete të ndryshme të botës.  /abcnews.al

REKORD-KOMBETAR-I-LUIZA-GEGES-1280x720.jpg
G. P.17:19 | 13/08/2018

Luiza Gega zhvilloi një garë të shkëlqyer në Europianin e atletikës në Berlin. Sportistja shqiptare vendosi rekord të ri kombëtar, edhe pse nuk arriti të fitonte medalje.

Pa medalje, por aspak me kokë ulur.

Luiza Gega u shfaq e lumtur pas garës së saj në Kampionatin Europian të atletikës, ku zuri vendin e katërt në rand kontinental.

Sportistja 29-vjeçare shqiptare vendosi rekordin e ri kombëtar në 3 000 metra me pengesa, me kohën 9’24”78, duke zbritur me më shumë se 1 sekondë, rekordin e mëparshëm të vendosur vjet në Oslo, me kohën 9’26”05.

“Ky është sporti, – komentoi ajo në një postim në FB, – gjithsesi, krenare. Vend i katërt në Europian dhe kaq shumë afër medaljes”.

Gega mbeti vetëm 32 të qindat larg vendit të tretë, pra medaljes së broznit.

Gara në stadiumin “Olimpik” të Berlinit ishte tepër e fortë, siç e tregon qartë fakti se Gega nuk arriti dot në podium edhe pse vendosi një rekord shumë të mirë kombëtar.

Rekordi shqiptar është ndër 24 më të shpejtët  në botë, në mes të mbi 200 shteteve që marrin pjesë në Lojrat Olimpike.

Atletja 29-vjeçare nuk arriti dot suksesin e vitit 2016 në Amsterdam, kur doli nënkampione e Europës, ndërsa në karrierë ka dalë dy herë kampione e Lojrave Mesdhetare.

Gega mban 8 rekorde kombëtare shqiptare, nga të cilat 5 në stadiume dhe 3 në salla të mbyllura.

Kampione e Europës, ndërkaq, u shpall atletja gjermane, Gesa Krauze, me kohën 9 minuta, 19 sekonda e 80 të qindat. /abcnews.al

MBULIM-LUIZA-GEGA.mpg_snapshot_00.02-1280x720.jpg
G. P.08:39 | 13/08/2018

Atletja shqiptare, Luiza Gega, bëri një paraqitje shumë të mirë, por nuk arriti të fitonte dot medalje në Kampionatin Europian që po zhvillohet në Berlin. Rekordmenia e Shqipërisë u rendit e katërta në garën e 3 000 metrave me pengesa, duke e humbur medaljen e bronzit vetëm për 32 të qindat e sekondës.

Gega arriti kohën 9 minuta, 24 sekonda e 78 të qindat, por tre garueset e tjera ishin shumë të forta dhe të paarritshme për të.
Atletja 29-vjeçare nuk arriti dot suksesin e vitit 2016 në Amsterdam, kur doli nënkampione e Europës, ndërsa në karrierë ka dalë dy herë kampione e Lojrave Mesdhetare.
Kampione e Europës u shpall atletja gjermane, Gesa Krauze, me kohën 9 minuta, 19 sekonda e 80 të qindat./abcnews.al

LUIZA-GEGA-1280x720.jpg
ent ela14:49 | 10/08/2018

Atletja shqiptare Luiza Gega, e cila po merr pjesë në kampionatin Europian që po zhvillohet në Berlin, e ka mbyllur garën e 3000 metrave me pengesa në kohën 9 minuta 33 sekonda e 11 të qindat, duke u renditur e dyta.

Në këtë mënyrë atletja shqiptare ka arritur të sigurojë kualifikimin në finalen e madhe që do të zhvillohet të dielën në orën 20:55.

Koha më e mirë e Luiza Gegës këtë vit është 9 minuta e 22 sekonda, e cila është koha e dytë më e mirë në këtë sezon nga të gjitha atletet garuese që marrin pjesë në këtë Kampionat Europian të Atletikës.

Ndaj dhe shpresat mbeten të mëdha për Luiza Gegën, e cila vetëm një muaj më parë në qershor të këtij viti fitoi medaljen e artë në Lojërat Mesdhetare të Taragonës. /abcnews.al

luiza-gega.jpg
G. P.14:40 | 01/06/2018

Luiza Gega thyen një tjetër rekord të atletikës shqiptare. Ajo garoi në Ligën e Artë në Romë, në konkurrimin më të fortë të vitit në 3 000 metra me pengesa.

Nuk mundi të ishte mes më të mirave, por sërish arriti sukses.

Luiza Gega e tregoi veten edhe një herë në nivelet më të larta të atletikës shqiptare duke thyer rekordin kombëtar në 3 000 metra me pengesa për femra.

Atletja 29-vjeçare garoi në Mitingun e Ligës së Artë në Romë, duke zënë vendin e 9-të mes 22 sportisteve, në konkurrimin më të fortë të vitit 2018 deri tani.

Gega dha kohën 9’22”, që është përmirësim i rekordit të mëparshëm, mbajtur po nga ajo vetë, me plot 4 sekonda.

Ishte e pamundur që shqiptarja të luftonte për një pozicion më të mirë, pasi vendi i 8-të, xhamajkania Aisha Progt, vrapoi 3 sekonda më shpejt sesa ajo.

Për fat të keq, Luiza nuk mori dot pikë kualifikuese, vetëm për shkak të një pozicioni.

Fituese doli Hivin Xhepkemoi Kijeng e Kenias me kohën 9’04”96, koha më e mirë e vitit, duke lënë prapa dy atlete të tjera keniane.

Luiza Gega është atletja më e mirë femër e Shqipërisë, duke pasur rekordet kombëtare në 800, 1500 e 3 000 metra me pengesa, ndërsa është shpallur nënkampione e Europës në 2016, ka dalë kampione e Lojërave Europiane në 2015 dhe nënkampione e Lojërave Mesdhetare në 2013./abcnews.al

vlcsnap-error030-1-1280x720.jpg
G. P.16:27 | 18/02/2018

Atletika shqiptare e nis me medalje vitin 2018. Luiza Gega dhe Izmir Smajlaj u shpallën kampionë Ballkani dhe premtuan suksese të tjera.

Të paktën i kemi dy atletër për krenari.

Edhe pse “mbretëresha e sporteve” nuk është në Shqipëri ashtu siç ka qenë dikur, sërish Luiza Gega dhe Izmir Smajlaj mjaftojnë për të fituar medalje ndërkombëtare.

Dy medalje të arta u fituan prej tyre në Kampionatin Ballkanik në Salla të Mbyllura që po zhvillohet në Stamboll.

Luiza Gega nuk fali në garën e saj të preferuar, atë të 3 000 metrave duke u shpallur kampione e Ballkanit, e duke i shtuar edhe një tjetër sukses karrierës së saj të shkëlqyer.

Ajo dha rezultatin 9 minuta e 67 të qindat, duke e lënë konkurrenten më të afërt plot 16 sekonda prapa.

Atletja 29-vjeçare la prapa atleten e Qipros, Valeria Zhandarova, dhe bullgaren Diliana Minkina.

Në garë mori pjesë edhe atletja e Kosovës, Luljeta Shala, e cila nuk arriti dot në zonën e medaljeve.

Izmir Smajlaj, ndërkaq shkëlqeu në kërcim së gjati duke konfirmuar titullin europian për salla të mbyllura që arriti në Beograd.

Ai kërceu 7 metra e 80 centimetra në “Atakoi Atletiks Arena” të Stambollit, rezultat që mjaftoi për të fituar vendin e parë dhe medaljen e artë.

Synimi i radhës për shkodranin 24-vjeçar është titulli europian në stadium të hapur, dhe ai premton që ta realizojë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono