luigi di maio

sergio.jpg
G. P.21:52 | 22/08/2019

Presidenti i Italisë u ka dhënë 5 ditë kohë partive politike për të tentuar krijimin e një qeverie të re dhe shmangien e zgjedhjeve të parakohshme. Opsioni më i përfolur për tejkalimin e ngërçit politik është ai i një aleance mes Partisë Demokratike dhe Lëvizjes 5 Yjet.

Presidenti i Italisë, Sergio Mattarella u ka dhënë kohë deri të martën partive politike që të gjejnë një marrëveshje për zgjidhjen e krizës dhe që vendi të mos shkojë në zgjedhje të parakohshme.

“Kriza zgjidhet me vendime të qarta, të marra në një kohë sa më të shkurtër”, deklaroi Mattarella në një fjalim të mbajtur të enjten, në përfundim të ditës së dytë të konsultimeve.

Kreu i shtetit vlerësoi se kriza e hapur me dorëheqjen e kryeministrit Konte është e rëndë dhe duhen konsultime të mëtejshme për të arritur, siç tha ai, në përfundime dhe për të marrë vendimet e duhura.

“Është detyra ime të marr vendimet e duhura për vendin”, vijoi Mattarella.

Duke komentuar zërat për bisedime mes partive politike për krijimin e një qeverie të re, presidenti theksoi se ekzekutivi i ri duhet të gëzojë shumicën në Parlament dhe të ketë një program të mirëfilltë politik.

Në këtë aspekt, sipas mediave italiane, duket se kanë nisur bisedimet mes Partisë Demokratike dhe Lëvizjes 5 Yjet. Kryetari Luigi Di Maio dhe bashkëpunëtorët e tij të afërt janë mandatuar nga grupi parlamentar për të zhvilluar bisedime me demokratët.

Gjasat, sipas burimeve mediatike, janë që palët të takohen ditën e premte. Më herët gjatë ditës, në përfundim të seancës së konsultimit me presidentin, kryetari i Ligës së Veriut, Mateo Salvini u shpreh i gatshëm të rifillojë bashkëpunimin me ish-partnerët e tij.

“Jemi gati të rifillojmë nga puna pa i mbajtur mëri njëri-tjetrit. Ndryshe, le të shkojmë në zgjedhje”, deklaroi Salvini.

Ndërkohë, në debatet politike u përfshi edhe ish-kryeministri Silvio Berluskoni, i cili deklaroi se partia e tij nuk do të bëjë aleanca me parti që më parë e braktisën.

“Ose një qeveri e qendrës së djathtë, ose në zgjedhje”, tha Berlusconi. Se çfarë do të ndodhë, kjo mbetet për t’u parë në ditët në vazhdim./ABC News Albania 24/7

matarella-berluskoni.jpg
nev ila19:34 | 22/08/2019

Në Itali janë mbyllur pasditen e së enjtes konsultimet e presidentit të Republikës, Serxho Matarela me krerët e partive politike, për të gjetur një zgjidhje mbi krizën që ka përfshirë vendin fqinje.

I fundit që vizitoi selinë presidenciale në Romë ishte kreu i Lëvizjes 5 Yjet, Luixhi Di Maio, i cili u shpreh në favor të krijimit të një mazhorance të re dhe solide për të shmangur zgjedhjet e jashtëzakonshme.

Të mos e lëmë anijen të mbytet. Jemi të gjithë italianë dhe duhet t’i lëmë mënjanë interesat”, deklaroi Di Maio.

5 Yjet përflitet se mund të arrijnë një marrëveshje me krerët e Partisë Demokratike, të cilët në rast të kundërt kërkojnë që të mos vonohen zgjedhjet.

Më herët gjatë ditës, në Kuirinale ishte kryetari i Ligës së Veriut, Mateo Salvini, i cili pas takimit kokë më kokë me kreun e shtetit u shpreh i gatshëm të rifillojë bashkëpunimin me ish-partnerët e tij.

Jemi gati të rifillojmë nga puna pa i mbajtur mëri njëri-tjetrit. Ndryshe, le të shkojmë në zgjedhje”, deklaroi Salvini.

Ndërkohë, në debatet politike u përfshi edhe ish-kryeministri Silvio Berluskoni, i cili deklaroi se partia e tij nuk do të bëjë aleanca me parti që më parë e braktisën.

Ose një qeveri e qendrës së djathtë, ose në zgjedhje”, tha Berluskoni.

Pritet që orët në vazhdim të jenë vendimtare për Italinë, e cila ndodhet në një moment kritik./ABC News Albania 24/7

 

 

 

173c772c-8624-11e9-b861-54ee436f9768-1280x720.jpg
G. P.14:25 | 20/08/2019

Ka nisur seanca parlamentare në Itali ku pritet që kryeministri Giuseppe Conte të flasë para deputetëve. Por mediat italiane raportojnë se Conte mund të përshpejtojë gjërat duke dhënë dorëheqjen. Zv/kryeministri dhe lideri i Lëvizjes 5 Yjet Luigi di Maio u shpreh se çdo gjë e ka në dorë presidenti Matarella duke theksuar se Salvini ka shkatërruar çdo gjë.

Nëse Conte, pas fjalës në parlament do të japë dorëheqjen para kreut të shtetit pa shkuar deri tek votimi i mocionit të votëbesimit, Lëvizja 5 Yjet do të shkojë në presidencë për ti kërkuar kreut të shtetit një mundësi për krijimin e një qeverie të re. Në çdo rast rrëzimi i qeverisë aktuale është tashmë një fakt.

Sipas mediave italiane Conte ka përgatitur një fjalim shumë të fortë, duke kritikuar Salvinin, liderin e Legës në koalicion me Lëvizjen 5 Yjet. Menjëherë roli i protagonistit do ti kalojë kreut të shtetit i vetmi që ka të drejtë për të caktuar një rrugëdalje. Qoftë për një rikthim në kutitë e votimit qoftë për krijimin e një mazhorance të re parlamentare./ABC News Albania 24/7

di-maio.jpg
G. P.21:16 | 09/02/2019

Lideri i Jelekëve të Verdhë, Shalenson konfirmoi se do të bashkohen me Lëvizjen 5 Yjet të Italisë për të marrë pjesë në zgjedhjet parlamentare europiane, duke theksuar se kanë të njëjtat këndvështrime.

Jelekët e Verdhë dëshirojnë të bëhen aletatë të Lëvizjes 5 Yjet dhe ndërkohë do të krijojnë një lëvizje të madhe popullore e cila do të marrë pjesë në zgjedhjet parlamentare europiane. Lideri i lëvizjes franceze Kristof Shalenson deklaroi se synimi është transformiimi i Europës.

Duke komentuar takimin me Luixhi di Maio, ai ushpreh se kanë të njëjtin këndvështrim për emigracionin, duke mos varfëruar më popujt afrikanë e duke i lejuar ata të zhvillohen.

Duke konfirmuar dhe njëherë më shumë se lëvizja në Francë do të jetë simotër e Lëvizjes 5 Yjet në Itali, ai shtoi se takimi u përqëndrua më shumë në shkëmbimin e teknologjive.  Lideri i Jelekëve të Verdhë u shpreh se vizita e Di Maios në Francë shkaktoi tronditjen e institucioneve franceze./abcnews.al

BE-ITALIA-EMUGRANTET-1280x720.jpg
ent ela15:19 | 24/08/2018

Komisioni Evropian ka reaguar lidhur me kërcënimet e fundit që i erdhën nga qeveria italiane se nuk do të paguante 20 miliardë euro për buxhetin, nëse nuk zgjidh krizën me shpërndarjen e emigrantëve. Brukseli thotë se kërcënimet nuk të çojnë në asnjë vend. Ndërsa shton se derdhja e kontributeve është detyrim ligjor.

Komisioni Evropian i është përgjigjur zëvendëskryeministrit të Italisë Luigi Di Maio, i cili të enjten kërcënoi se nuk do të paguante kuotën e 20 miliardë eurove për buxhetin e Unionit, nëse Brukseli nuk do të ndërhynte për shpërndarjen e emigrantëve të bllokuar në bordin e një anijeje të rojes bregdetare italiane në portin e Katanias në Sicili. Komisioni Evropian nënvizon se “kërcënimet në Evropë nuk të çojnë në asnjë vend”. Mënyra se si Evropa funksionon, vijon më tej zëdhënësi, “është bashkëpunimi dhe jo kërcënimet. Gjithashtu më tej tha se në çdo rast Brukseli po punon shumë fort për të gjetur një zgjidhje. Kurse ministrin e këshilloi duke thënë se derdhja e kontributeve është detyrim ligjor.

“Anija, Diciotti, shpëtoi rreth dyqind veta dhe ne do të kishim pritur një bashkëpunim efektiv dhe më të shpejtë të shteteve të tjera të BE-së”. Këtë e theksoi ministri i Jashtëm italian, Enzo Moavero. Në shenjë proteste për bllokimin, 150 emigrantë në bordin e anijes bregdetare zhvilluan një grevë urie, e cila zgjati disa orë.

I ashpër ishte reagimi i ministrit të brendshëm Matteo Salvini, për lajmin e grevës së urisë së emigrantëve. “Të bëjnë çfarë të duan. Unë nuk ndryshoj mendje. Në Itali jetojnë 5 milionë qytetarë të varfëri të plotë, të cilët grevën e urisë e përjetojnë çdo ditë, në heshtjen e bamirësve, gazetarëve e shumë të tjerëve”, u shpreh ai.

Ndërkohë, një ftesë për të ndihmuar Italinë ka ardhur dhe nga Berlini. “Vendet e goditura nga fenomeni migrator, Italia mes tyre, nuk mund të lihen vetëm”, thotë zëdhënësi i kancelares Angela Merkel. Ndërsa më tej nënvizon se të gjithë shtetet duhet të bashkëpunojnë për të gjetur një zgjidhje të përbashkët. /abcnews.al

1526106620-dimaio-salvini-lapresse.jpg
G. P.19:50 | 22/05/2018

Pas zgjedhjes së emrit të kryeministrit, Liga e Veriut dhe Lëvizja 5 Yjet në Itali po negociojnë emrat e ministrave. Ndërkohë, presidenti Matarella që duhet të mandatojë kryeministrin e ri gjendet përballë presionit të BE. Franca dhe Gjermania kanë bërë thirrje për formimin e një qeverie pro-europiane.

Në pritje të përgjigjes së presidentit për emrin e kryeministrit, liderët politikë në Itali janë takuar në fshehtësi të martën për një raund të ri negociatash. Matteo Salvini dhe Luigi Di Maio, siç raportojnë mediat italiane, këtë herë kanë diskutuar për emrat e anëtarëve të kabinetit qeveritar.

Sipas agjencisë së lajmeve “ANSA”, pikë kyçe në këtë aspekt është posti i ministrit të Ekonomisë, për mbajtjen e të cilit përflitet emri i Palo Savona. Në përfundim të takimit dy krerët politikë janë shprehur optimistë, duke i cilësuar bisedimet të qeta dhe konstruktive.

Ndërkohë, ministrja e Jashtme e Francës, Nathalie Loiseau i ka bërë thirrje qeverisë së ardhshme të Italisë që të mos zgjedhë të veprojë si “ujk i vetmuar” në Bashkimin Europian.

“Fati ynë është i lidhur ngushtë me njëri-tjetrin dhe të ecësh i vetëm në Europë nuk është as e mundur, por as e dëshirueshme”, ka thënë Loiseau gjatë një raportimi në Parlamentin francez.

Një apel të ngjashëm ka bërë edhe ministri gjerman i Ekonomisë.

“Shpresojmë në një qeveri pro-europiane, sikurse ka qenë në 70 vitet e fundit”, ka thënë Peter Altmaier.

Zyrtari i lartë ka nënvizuar se po i ndjek me vëmendje zhvillimet në Itali. Reagimet e ndërkombëtarëve vijnë në një kohë kur edhe figura e kandidatit për kryeministër, Giuseppe Conte, është vënë në dyshim. Por për Salvinin dhe Di Maion, skepticizmi i Perëndimit është vetëm një tymnajë për të mbuluar frikën e tij nga rruga e ndryshimit që ka zgjedhur Italia./abcnews.al

di-maio-1-1280x661.jpg
G. P.20:11 | 21/05/2018

Dy partitë fituese të zgjedhjeve në Itali i kanë dorëzuar emrin e propozuar për kryeministër Presidentit të Republikës, Sergio Mattarella. Në një deklaratë pas takimit me kreun e shtetit, kryetari i Lëvizjes 5 Yjet, Luigi di Maio ka thënë se Italia ndodhet përpara një momenti historik.

Ai ka shprehur bindjen se personi i propozuar për drejtimin e qeverisë, Giuseppe Conte, do të jetë në gjendje të çojë përpara programin. Di Maio ka theksuar se programi përmban kriteret e kërkuara nga partia e tij, mes të cilave të ardhurat familjare, shëndetësia, arsimi dhe rritja e shpenzimeve.

Në të njëjtat linja, kryetari i Ligës së Veriut, Matteo Salvini ka deklaruar se pas dorëzimit të emrit të kryeministrit tek presidenti pret që qeveria e re të nisë sa më shpejt nga puna. Ai ka thënë se, ekzekutivi i ri do të ketë në fokus interesin kombëtar, duke respektuar të gjitha normativat dhe detyrimet, me qëllim zhvillimin e ekonomisë së vendit.

Mezi presim të fillojmë nga puna”, ka thënë Salvini./abcnews.al

salvini-di-maio.jpg
G. P.15:01 | 17/05/2018

Sipas mediave italiane Mateo Salvini dhe Luigi Di Maio kanë gjetur marrëveshjen përfundimtare për krijimin e koalicionit qeverisës në vend. Madje është rënë dakord dhe për emrin e kryeministrit, i cili do i dorëzohet gjatë ditës presidentit të vendit Sergio Matarella.

Vijojnë bisedimet në Itali mes liderit të Legës, Mateo Salvini dhe kreut politik të Lëvizjes 5 Yjet, Luigi Di Maio. Tema kryesore dhe e vetmja që nuk është zgjidhur ende është emri i kryeministrit të ri të vendit. Por megjithatë mediat italiane shkruajnë se është vendosur se cili do të drejtojë koalicionin e ri qeverisës.

Janë burime nga Lëvizja 5 Yjet që konfirmojnë se të dyja forcat politike e kanë gjetur marrëveshjen për emrin e kryeministrit dhe pritet që propozimi të dërgohet në presidencë.

Forza Italia e Silvio Berlusconit, në një deklaratë për media konfirmoi se do të mbështesë koalicionin e ri qeverisës me shpresën se do të dijë të çojë vendin përpara pas 70 vitesh bllokimi.

Edhe një ish-bashkëpunëtor i Lëvizjes 5 Yjet konfirmoi në një intervistë radiofonike se emri është gjetur dhe brenda ditës do t’i dorëzohet presidentit Matarella./abcnews.al

itali-qeveria.jpg
G. P.10:36 | 11/05/2018

Partitë 5 Yjet dhe Liga e Veriut në Itali ndodhen pranë marrëveshjes për krijimin e qeverisë. Edhe pse nuk ka dalë ende emri i kryeministrit eventual dhe programi qeverisës, presidenti Mattarella ka bërë thirrje për një qeveri joarmiqësore ndaj BE-së.

Lëvizja 5 Yjet dhe Liga e Veriut në Itali kanë bërë hapa përpara drejt marrëveshjes për krijimin e qeverisë, në një kohë kur kanë kaluar mbi 2 muaj nga mbajtja e zgjedhjeve. Në një komunikatë të përbashkët për shtyp, liderët Luigi Di Maio dhe Matteo Salvini kanë deklaruar se synojnë t’i japin përgjigje problemit që ka mbërthyer vendin që prej 4 Marsit, duke krijuar sa më parë një qeveri politike.

Për momentin nuk ka të dhëna se cili do të jetë drejtuesi i ekzekutivit, por mediat italiane aludojnë se ai do të vijë nga një palë e tretë. Ndërkohë, sapo palët të bien dakord për programin qeverisës, anëtarët e Lëvizjes 5 Yjet do të zhvillojnë një votim online për të verifikuar nëse ai përputhet me prirjet e saj. sidoqoftë, lideri Di Maio është shprehur optimist.

“Nuk mund ta fsheh gëzimin dhe lumturinë time që më në fund mund të nisim zgjidhjen e problemeve të Italisë”, ka shkruar ai në profilin e tij në Facebook.

Më herët gjatë ditës presidenti Sergio Mattarella, i cili pranoi të zgjaste afatin e negociatave duke dhënë kohë deri të dielën, u bëri thirrje palëve që të shmangin krijimin e një qeverie armiqësore ndaj BE-së dhe euros.

“Do të ishte një gabim i rëndë të kërkonim zgjidhje të shekullit të 19-të për problemet e shekullit të 21-të”, tha Mattarella.

Sidoqoftë, një marrëveshje eventuale mes palëve do të sillte detyrimisht populistët e Ligës së Veriut në pushtet, që kanë premtuar mbajtjen e një referendumi për nxjerrjen e Italisë nga eurozona. Premisat për këtë kanë shqetësuar investitorët, që i druhen euro-skepticizmit, të shprehur edhe nga 5 Yjet./abcnews.al

Italian-election-results-Matteo-Salvini-Luigi-Di-Maio-927438.jpg
G. P.18:55 | 10/05/2018

Vijojnë në Itali bisedimet mes Legës dhe Lëvizjes 5 Yjet për mundësinë e krijimit të qeverisë. Mediat italiane shkruajnë se dhe Berlusconi ka dhënë mbështetjen e tij, Di Maio dhe Salvini i kanë kërkuar presidentit Matarella kohë deri të dielën.

Pas mbështetjes së dhënë nga Silvio Berlusconi, lideri i Forza Italia, pjesë e koalicionit të qendrës së djathtë, liderët e Legës dhe Lëvizjes 5 Yjet vazhdojnë bisedimet në përpjekje për të krijuar qeverinë e re. Presidenti i vendit Matarella u ka dhënë 24 orë kohë Di Maios dhe Salvinit për të arritur një marrëveshje, por të dy kanë kërkuar më shumë kohë, deri të dielën.

Mediat italiane shkruajnë se marrëveshja e parë e arritur është ajo e një emri të tretë të profilit të lartë, si kryeministër i vendit. Por as Di Maio dhe as Salvini nuk pranojnë të bëjnë publik kandidatin e tyre pa arritur më parë një marrëveshje për pikat e programit të qeverisë për të cilin po punohet ende. Ndërkohë të dy liderët po reflektojnë nëse do të jenë ose pjesë e ekzekutivit të ri.

Sapo të arrihet marrëveshja, do u prezantohet anëtarëve të Lëvizjes 5 Yjet, të cilët do të votojnë nëse e pranojnë ose jo. Luigi di Maio i Lëvizjes 5 Yjet është treguar optimist në një video të publikuar në profilin e tij në “Facebook”, ku shprehet se me Salvinin po bëhen hapa të rëndësishëm para, dhe se të dy janë të përkushtuar për t’i dhënë vendit sa më shpejt një qeveri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono