Luftëtari

luftetari-1280x686.jpg
Sej rie14:50 | 14/05/2019

Luftëtari pezullon trajnerin Ahmataj dhe dy futbollistë duke i akuzuar si shkaktarë për eliminimin në Kupë ndaj Tiranës. Vendimi i klubit merret 6 ditë pas luajtjes së ndeshjes.

Nuk pritej aspak që të ndodhte në këtë moment.

Jo se trajnerët apo lojtarët nuk janë ndëshkuar më parë në klubet shqiptare të futbollit, por jo që kjo të bëhej gati një javë pas luajtjes së ndeshjes.

Luftëtari deklaroi se pezulloi për 2 javë trajnerin Julian Ahmataj dhe futbollistët Aleksi e Xhekson, për shkak të humbjes në duelin e Kupës ndaj Tiranës.

Gjysmëfinalja e dytë, që përfundoi 3-2 për tiranasit në “Selman Stërmasi”, u luajt në 8 maj, por vendimi I klubit gjirokastrit nuk u mor direkt pas saj, por dy ditë edhe pas ndeshjes së Superligës ndaj Kukësit.

Arsyeja zyrtare është se Ahmataj, Aleksi e Xhekson quhen përgjegjës për humbjen dhe eliminimin nga Kupa, ndërsa nuk sqarohet nëse dyshimet janë për gabime teknike apo të qëllimshme.

Burime pranë klubit pohojnë për ABC News-in se kjo ishte një lëvizje e pritshme e drejtuesve, tashmë që sezoni po përfundon, dhe mbijetesa thuajse është siguruar.

Aleksi e Xhekson kanë deklaruar se nuk do të rinovojnë kontratat, pra Luftëtari duket se nuk ka dëshirë t’i ketë në përbërje, ndërsa pozicioni i Ahmatajt mbetet i paqartë./ABC News Albania 24/7

ahmataj.jpg
G. P.21:47 | 07/05/2019

Luftëtari do të luajë ndaj Tiranës ndeshjen e kthimit të gjysmëfinales së Kupës së Shqipëisë. Trajneri i gjirokastriteve Julian Ahmataj e cilëson Tiranën si favorite.

Luftëtari, apo Tirana në finale e Kupës së Shqipërisë. Të dyja klubet e duan shansin për në Europë, dhe të dyja luftojnë për mbijetesë dhe kanë të dyja nga 40 pikë. Në vigjilje të kësaj sfide, trajneri Ahmataj thekson se Tirana është favorite për të shkuar në finale, pasi ka luajtur ndeshje të këtij niveli dhe e ka fituar titullin, ndërsa e kundërta është për Luftëtarin që për herë të parë në histori arrin në këto nivele.

Ndoshta edhe për të larguar presionin, Ahmataj shikon favorit Tiranën, e cila duhet medoemos në këtë sfidë të mbrohet shumë mirë. Dhe këtu është avantazhi i lehtë gjirokastrit që nuk kanë pësuar gol në fushën e tyre, dhe një I shënuar në kryeqytet të mërkurën do të ndërlikonte shumë pozitat e bardhebluve./ABC News Albania 24/7

refik-halili.jpg
G. P.22:30 | 04/05/2019

Presidenti i Tiranës Refik Halili kërkon vazhdimësinë e rezultateve pozitive ashtu sikurse tekniku Mema. Në kampin korçar trajneri Shehi përgëzoi lojtarët për lojën pavarësisht rezultatit.

Pas ndeshjes mes Tiranës dhe Skënderbeut presidenti i klubit bardheblu, Refik Halili tha se shpreson që Tirana të vazhdojë të fitoje si dhe u ndal pak edhe tek incidenti në tribune VIP.

Trajneri i bardhebluve Ardian Mema u shpreh mjaft entuziast për tre pikët dhe pranoi se Tirana kishte fatin me vete. Sa i përket derbit ndaj Partizanit, Mema tha se nuk është koha për të menduar për këtë sfidë pasi fillimisht është ndeshja e kthimit në Kupë.

Në kampin e Skënderbeut, trajneri Orges Shehi u shpreh paksa i nevrikosur për mënyrën sesi e pësoi golin skuadra e tij, por i përgëzoi lojtarët për atë që treguan në fushë./ABC News Albania 247

teuta-luftetari.jpg
G. P.22:15 | 04/05/2019

Skuadra e Teutës barazoi me Luftëtarin dhe humbi mundësinë për t’u ngjitur në vendin e tretë pas disfatës së Flamurtarit.

Takimi i zhvilluar në Durrës mes Teutës dhe luftëtarit përfundoi me rrjeta të paprekura. Dy ekipet që garojnë për objektiva të ndryshme zhvilluan një ndeshje mjaft të bukur dhe me raste të pastra shënimi, por nuk arritën të konkretizonin në gol. Teuta e nisi lojën me dy sulmues për të kërkuar me çdo kusht golin, por nuk ia dolën.

Në kampin tjetër, Luftëtari nuk qëndroi në pritje pasi u shfaq rrezikshëm përballë durrsakëve. Të dyja ekipet vinin në këtë duel pas barazimeve dhe fitorja ishte objektivi primar. Durrsakët nuk përfituan nga humbja e Flamurtarit duke shpërdoruar një mundësi të artë për t’u ngjitur në vendin e tretë.

Sa i përket Luftëtarit, tre pikët do të mbanin në vendin e shtatë, ku aktualisht pozicionohet Tirana. Në takimet e tjera, Partizani fitoi 3-0 ndaj Flamurtarit, Tirana mundi Skënderbeun, Laçi barazoi me Kastriotin dhe Kukësi mori tre pikët në tavolinë pasi ishte parashikuar ndeshje ndaj Kamzës./ABC News Albania 24/7

shkurtaj.jpg
G. P.18:44 | 24/04/2019

Skuadra e Kukësit fitoi ndeshjen e parë të gjysmëfinales së Kupës së Shqipërisë ndaj Skëndërbeut me shifrat 2-1. Rexhinaldo dhe Shkurtaj ishin autorët e golave për verilindoret, ndërkohë që për korçarët shënoi Dejvi Bregu. Takimi i kthimit do të zhvillohet në datën 8 Maj në Korçë.

Kukësi nuk kursen Skënderbeun. Skuadra e teknikut Ernest Gjoka fitoi me rezultatin 2-1 duelin e parë të Kupës së Shqipërisë, e cila u zhvillua në Kamëz. Kupa e Shqipërise është objektiv kryesor për të dyja skuadrat, e cila shikohet si mundësia e vetme për të shpëtuar sezonin.

Kukësi e kërkoi me ngulm këtë fitore dhe ia doli të kalojë në avantazh në minutën e 20 me Rexhinaldon. Sulmuesi merr një asist perfekt nga Rroca dhe nuk tregohet i saktë përballë Dajsinanit.

Në fundin e pjesës së parë, Kukësi ka një tjetër mundësi kësaj radhe provon Limaj, por goditja ndalet në duart e gardianit të juglindoreve. Pjesa e parë mbyllet me avantazhin minimal të Kukësit.

Fillimi i fraksionit të dyte të lojës nisi në mënyrën më të mirë për Kukësin që dyfishoi shifrat me Vasil Shkurtajn. Sulmuesi vlonjat përfitoi nga një vendosje e gabuar e prapavijës mike dhe shënon lehtësisht përballë Dajsinanit.

Gjithsesi Skënderbeu ngushton diferencën me Dejvi Bregun, i cili përfiton nga një gabim i portierit Frashëri. Në minutat e mbetura nuk ka ndryshim rezultati dhe skuadra e Kukësit mori një fitore me mjaft vlera në takimin e parë. Sfida e kthimit do të luhet në Korçë në datën 8 Maj./abcnews.al

shorti.jpg
G. P.13:07 | 16/04/2019

Një klasike e futbollit shqiptar do të luhet në gjysmëfinalet e Kupës së Shqipërisë. Janë përcaktuar çiftet pas tërheqjes së goglave në selinë e Federatës.

Ishte shorti i fundit për këtë sezon. Kupa e Shqipërisë njohu çiftet gjysmëfinaliste dhe njëri prej tyre mund të quhet klasiku i këtyre viteve në futbollin shqiptar.

Pikërisht Kukësi-Skënderbeu, sfida e dy skuadrave që kanë pretenduar më shumë trofetë të paktën prej 5 vitesh. Ndeshja e parë, me shumë gjasa do të jetë në “Elbasan Arena”, dhe besohet se Skënderbeu mund të quhet i favorizuar nga ky short, por kuksianët nuk janë dakord.

“Besoj që çdo ekip që është në këtë fazë është me ambiciet e veta. Ndeshjen e parë do ta luajmë në fushën tonë dhe pretendojmë për të paktën një titull këtë sezon. Shpresojmë të bëjmë maksimumin dhe të fitojmë”, tha Nexhipi, drejtor teknik i Kukësit.

Skënderbeu, gjithashtu është tepër optimist.

“Ndeshje e fortë, e bukur. Do të ketë emocione për këtë pjesë, kjo është e sigurt. Ajo që është akoma më e sigurt është se Skënderbeu është koma në vendin e parë në Kupë, dhe kupa po këtë vit do jetë në Korçë”, tha Lulja, drejtues i Skënderbeut.

Çifti tjetër është Luftëtari-Tirana, një përballje që historikisht do të kishte pasur kryeqytetasit favoritë absolutë për finalen. Këtë herë mund të quhet ndryshe, dhe kështu besojnë edhe gjirokastritët.

“Më pëlqeu shorti që ra me Tiranën sepse me këto ekipit të kryeqytetit sikur ua kemi marrë dorën. Ëstë interesante sepse jemi të dyja ekipet për mbijetesë. Do jetë një gjysmëfinale e bukur. Të dyja kemi shpresë”, tha Artur Dadaj, drejtues i Luftëtarit.

Tirana dëshironte të shmangte Kukësin, dhe kjo dëshirë iu plotësua.

“Personalisht më pëlqeu duke qenë se me Luftëtarin do kemi të bëjmë dhe në kampionat, do ishte mirë të bënim edhe në kupë, kështu që besoj ishte një short i mirë. Objektiv është Europa, objektiv është Kupa, por duhet të shkëputemi nga zona e ftohtë”, tha Laçi, drejtor sportiv i Tiranës.

Ndeshjet do të luhen në 24 Prill e 8 Maj, dhe finalja në 2 Qershor, me stadiumin që mbetet për t’u përcaktuar./abcnews.al

LUFTETARI-NE-PRAG-TE-LAÇIT_ABC-M1-T1.mpg_snapshot_00.41-1280x720.jpg
ent ela15:38 | 13/04/2019

Luftëtari nuk ka rrugë tjetër përveçse të kërkojë fitoren ndaj Laçit në javën e 29-të të Superligës. Futbollisti Donald Rapo thotë se skuadra e ka kaluar tronditjen e humbjes me Kastriotin.

Është padyshim një nga skuadrat më të çuditshme.

Luftëtari ka qenë në gjendje për rezultate tepër kontradiktore këtë sezon, ndërsa ndërsa vlerësohet si mjaft cilësor edhe pse i janë larguar disa nga më të mirët.

Gjithsesi, gjirokastritët po përgatiten për ndeshjen e radhës me Laçin për javën e 29-të, të ndërgjegjshëm se rrezikojnë seriozisht statusin në elitë, sidomos pas humbjes në fushën e Kastriotit.

Vetëm 4 pikë I ndajnë nga vendi I parafundit, dhe mesfushori Donald Rapo, thotë se çfarë kërkohet këtë herë.

Kërkohet fitorja, por si është gjendja psikologjike e futbollistëve pas humbjes me një rival direkt?

Luftëtari ka 34 pikë në vendin e 7-të, një më shumë se Tirana dhe 4 mbi Kastriotin. /abcnews.al

 

partizani.jpg
G. P.22:45 | 06/04/2019

Skuadra e Partizanit ka pësuar një humbje befasuese 3-1 nga Luftëtari në “Selman Stërmasi”. Gjithsesi të kuqtë ruajnë distancën në 9 pikë me vendin e dytë që mbahet nga Kukësi. Humbet edhe Tirana ndaj Flamurtarit minimalisht 1-0 dhe tashmë rrezikon seriozisht rënien një kategori m poshtë.

Partizanin mposhtet sërish nga Luftëtari, kësaj radhe në kampionat me rezultatin 3-1. Një humbje që e mban në 9 pikë diferencën me Kukësin e vendit të dytë që humbi ndaj Kastriotit.

Sfida zhbllokohet në minutën e 3 të takimit. Duka godet jashtë zone, por topi devijohet nga Asani duke përfunduar në rrjetë. Nga përsëritjet filmike duket qatë që Asani është në pozicion jashtë loje.

Gjithsesi Luftëtari barazoi në minutën e 38 me sulmuesin Dunga, i cili shfrytëzon siç duhet krosimin nga e majta. Gjirokastritët nuk mjaftohen me kaq pasi në minutën e 44, është sërish Dunga që realizon duke dërguar skuadrën në avantazh në dhomat a zhveshjes.

Partizani duket i dorëzuar përballë Luftëtarit që dominon lojën. Sulmuesi nga Kenia, Isnmail Dunga është në ditën e tij m të mirë pasi realizon edhe golin e tretë me takë duke i vendosur kapakun sfidës. Partizani gjithsesi është i qetë në vendin e parë dhe titulli është vetëm një hap larg.

Në takimin tjetër, Tirana u mund në transfertën e Flamurtarit me rezultatin 1-0. Sukaj realizoi golin e vetëm për vlonjatët ndërkohë që Tirana humbi një penallti me Imamin.

Pas ndeshjeve të javës së 27, Partizani udhëheq kampionatin shqiptar me 54 pikë, 9 pikë më shumë se Kukësi i vendit të dytë, ndërkohë që Tirana është tre pikë larg Kastriotit që ndodhet në zonën e rënies./abcnews.al

luftetariiii.jpg
ent ela18:40 | 30/03/2019

Luftëtari arriti një fitore të rëndësishme në Superligë ndaj Skënderbeut, duke iu larguar edhe më shumë rrezikut të rënies nga kategoria. Skuadra korçare pati epërsi, por ishte e pafat.

Me atë që u pa në fushë, fati nuk ishte me humbësin.

Skënderbeu pati epërsi të ndjeshme brenda në Gjirokastër ndaj Luftëtarit, dhe jo vetëm që nuk arriti fitoren, por doli nga fusha i mundur.

Skuadra që vazhdon të luajë futbollin më të bukur në Shqipëri nuk është më, ajo që dominon edhe tabelën, dhe kampionët u shtangën dy minuta para fundit.

Sulmuesi Dunga shënoi golin e vetëm të përpalljes së javës së 26-të të Superligës, një sukses që e ngjiti Luftëtarin në kuotën e 31 pikëve, duke mbajtur në distancë Kastriotin e vendit të parafundit.

Gjithsesi, me përjashtim të faktit që fitoi dhe që pati ndonjë rast, pak mund të flasësh për ekipin vendas.

Historia e ndeshjes I takon thuajse plotësisht formacionit të trajnerit Orges Shehi, që goditi traun, rrahu edhe shtyllën, si dhe pati epërsi në lojë.

Në minutën e 65-të, Shehi hodhi në fushë edhe Devi Bregun, vlonjatin që luajti më parë për Luftëtarin, dhe që u prit me brohoritje nga publiku gjirokastrit.

As Bregu nuk mjaftoi, pasi edhe ai ishte pa fat, ose fare pak I pasaktë.

Humbja bën që Skënderbeu ta ketë më të vështirë tani të mbajë një nga vendet e para, dhe të pretendojë Europën nga kampionati, gjithnjë nëse e fiton gjyqin në KAS-in e Lozanës./abcnews.al

52797009_1693259127486094_3550373327270838272_n.jpg
ent ela20:41 | 02/03/2019

Kukësi bëri detyrën duke mundur Luftëtarin në Elbasan dhe duke u afruar me Partizanin kryesues të Superligës. Kukësianët janë tani 6 pikë larg kreut.

Nuk pritej të ishte nga më të vështirat, por jo edhe kaq e lehtë.

Ka disa herë ndeshje të tilla në Superligën shqiptare ku gjithçka shkon sipas parashikimit, dhe ku me më shumë interes është të marrësh vesh rezultatin, sesa të ndjekësh lojën.

Kukësi mundi 2-0 Luftëtarin në një “Elbasan Arena” të boshatisur dhe u afrua në 6 pikë me Partizanin kryesues.

Limaj dhe Xharia shënuan në pjesën e parë për formacionin e trajnerit Cungu, ndërsa gjirokastritët u kujtuan të luanin vetëm në 25 minutat e fundit.

Në dhjetor, dy klubet u morën vesh për transferimin e Shkurtajt dhe Rrocës nga Luftëtari te Kukësi, dhe sulmuesi ishte në formacion, madje dha edhe top për gol, kurse mesfushori mungoi për shkak dëmtimi.

Kuksianët dominuan lojën deri në minutën e 65-të, dhe i vetmi lajm i keq për ta ishte dëmtimi i mbrojtësit të rëndësishëm Cuculi, i cili u detyrua të linte fushën e lojës.

Me Musollin po ashtu të dëmtuar, Cungu mund ta ketë problem qendrën e mbrojtjes, nëse shqiptari I Maqedonisë mungon gjatë.

Pas 24 ndeshjesh të luajtura, Kukësi ka 44 pikë ndaj 50 të Partizanit, ndërsa Luftëtari mbeti në kuotën e 25 pikëve, 5 pikë mbi zonën që të zbret në Kategorinë e Parë. /abcnews


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono