lufte

trump-kina-1280x704.jpg
nev ila19:58 | 17/10/2019

Krahas luftës tregtare, që ka ndikuar në tkurrjen e ekonomisë botërore, Uashingtoni dhe Pekini tani janë përfshirë edhe në një luftë diplomatike. Kjo, pasi administrata amerikane ka nxjerrë një seri kufizimesh për aktivitetet e diplomatëve kinezë në Shtetet e Bashkuara.

Diplomatëve kinezë në Shtetet e Bashkuara do t’u duhet të njoftojnë para kohe autoritetet amerikane përpara se të zhvillojnë takime me zyrtarët vendas. Kështu thotë një udhëzim i ri i Departamentit të Shtetit, i cili përfshin edhe vizitat e diplomatëve në institucionet arsimore, si shkolla dhe universitete.

Duke reaguar qeveria kineze deklaroi se Shtetet e Bashkuara po shkelin ligjet ndërkombëtare, por Uashingtoni tha se diplomatët amerikanë përballen me të njëjtat kufizime në Kinë.

Lëvizja e administratës amerikane vjen në një kohë tensionesh mes dy vendeve për shkak të luftës tregtare. Sipas Departamentit të Shtetit, rregullat do të aplikohen për takimet me zyrtarë të pushtetit qendror e lokal, si dhe për vizitat në institucionet arsimore e ato kërkimore.

Një zyrtar amerikan deklaroi se në këtë mënyrë Shtetet e Bashkuara po balancojnë nivelin e lojës diplomatike me Kinën.

“Në Kinë, diplomatët amerikanë nuk kanë akses të lirë në takimet sociale, që janë të rëndësishme për të bërë punën e tyre”, sqaroi zyrtari.

Ndryshe, vijoi ai, diplomatët kinezë deri më sot kanë patur mundësi të shfrytëzojnë shoqërinë e hapur amerikane. Autoritetet në Shtetet e Bashkuara argumentojnë se diplomatëve kinezë nuk u është dashur të kërkonin leje për takimet e tyre, por vetëm të njoftonin Departamentin e Shtetit më parë./abcnews.al

Turqia.png
Vladimir Prenga09:31 | 12/10/2019

Turqia nuk po kalon momente të qeta, teksa ka nisur një mësymje në Sirinë Veriore. Një ditë më parë populli turk gëzoi për triumfin ndaj Shqipërisë në futboll, por sigurisht sytë janë në tjetër vend. Gjithçka e qartë, mjafton vetëm të lexosh atë që trajneri Senol Gunes ka shprehur pas ndeshjes me kuqezinjtë tanë.

“Vendi ynë lufton prej vitesh me terrorizmin. Është e vështirë të flasësh për futboll në një ditë si kjo. Jemi gati të jetojmë në harmoni me të gjithë në vendin tonë, pa dallim rrace, gjuhe apo feje. Ata që rrisin terroristë, shpresoj që të mbyten në gjakun e tyre. Ka qenë një periudhë e vështirë për shtetin tonë dhe zhvilluam një ndeshje stresuese. I uroj të gjithë tifozët, ndërsa lojtarët i putha në ballë. Po kalojmë një moment jashtëzakonisht të vështirë. Ishte një përballje stresuese dhe shumë e vështirë, kështu që nuk dua të bëj shumë analiza për takimin”, ka deklaruar Gunes.

Në fakt gjithçka ishte kuptuar pa nisur ndeshja. Masa sigurie të një niveli të lartë, ndalim i futjes së pankartave dhe shumë sendeve të tjera në stadium, kontrolle të rreptësishme, ndërkohë që edhe festa e golit ishte me një qëndrim “gati-tu”. Edhe Turqia e futbollit po e përjeton luftën.

Lojtarët e Turqisë, duke festuar golin e Tosun

LOTËT DHE GAFAT – Tërbim për humbjen. Shqipëria nuk e meritonte, por në futboll ndodh gjithçka. Rey Manaj mund të ishte kthyer në një hero, por lushnjari në dy raste nuk ia doli të shënonte dot. I pari ishte më flagranti dhe sulmuesi sqaroi pas ndeshjes se ia devijuan topin, ndërsa në rastin e dytë e mori keq dhe nuk diti të përfitonte.

Të gjithë gabojnë, sikurse bëri edhe portieri Thomas Strakosha. “Nuk munda ta ndihmoj skuadrën time atëherë kur duhej. Më vjen keq, pasi jam 24 vjeç dhe e kam njëfarë eksperience. Nuk më lejohet të bëj gabime të tilla”, deklaroi pas ndeshjes portieri, i cili më parë kishte marrë mbështetjen e gjithë shokëve të skuadrës.

Madje i pari që shkoi drejt Strakoshës së përlotur ishte Etrit Berisha, ai të cilit “gardiani” i Lazios i ka zënë vendin. Shqipëria vjen e para dhe normalisht të gjithë mbështesin njëri-tjetrin. Berisha ka provuar në të shkuarën të jetë në vendin e Strakoshës dhe e di çfarë do të thotë të gabojë portieri. Turqia i përket së shkuarës, Shqipëria tani duhet të mendojë për Moldavinë dhe më shumë për të ardhmen. Është momenti… /abcnews.al

Manaj në një aksion kundër Turqisë
djathi-italian-1280x719.jpg
nev ila23:07 | 03/10/2019

Rreziku për një luftë tarifash tregtare mes Shteteve të Bashkuara dhe Bashkimit Europian ka futur në “ethe” vendet e kontinentit të vjetër. Mes tyre, Italia po bëhet gati për të mbrojtur produktet e saj më prestigjoze si djathi, midhjet dhe pije te ndryshme.

Tarifat amerikane për produktet “Made in Italy”, që do të hyjnë në fuqi më 18 tetor, do të prekin me 25 për qind djathin, midhjet dhe pijet italiane.

Kështu thuhet në një listë të hartuar nga autoritetet amerikane, ku bëjnë përjashtim vetëm vaji i ullirit dhe vera.

Administrata Trump, sipas një zëdhënësi, shprehet megjithatë e gatshme të negociojë me BE-në për t’i zgjidhur nyjet e problemeve në tryezë.

Por rreziku për të thelluar klimën e tensionuar dhe për të arritur në një luftë të mirëfilltë tregtare ekziston dhe duke parë reagimin e tregjeve, do të kishte një efekt shkatërrues.

Situata ka shkaktuar reagimin e krerëve të shtetit italian. Vetë presidenti Serxho Matarela ka deklaruar se duhet të veprohet me përgjegjshmëri.

“Duhet të veprojmë me një përgjegjshmëri të madhe dhe të përbashkët. Zëvendësimi i politikave të bashkëpunimit me ato të konkurrencës nuk ndihmon”, ka thënë Matarela.

Ndërsa ministri i Jashtëm, Luixhi Di Maio, që në ditët e fundit u takua me sekretarin e Shtetit, Majk Pompeo ka deklaruar se do të bëjë gjithçka për të mbrojtur sipërmarrjet italiane.

“Do t’i mbrojmë me të gjitha forcat kompanitë italiane. E kam diskutuar çështjen edhe me sekretarin Pompeo dhe kemi nisur punën për një zgjidhje që mbron produktet ‘Made in Italy’”, ka thënë Di Maio.

Shefi i diplomacisë italiane ka theksuar se, një luftë tarifash do të dëmtonte edhe vetë Shtetet e Bashkuara.

Ndërkohë, në Europë lista me produktet amerikane që do të bien pre e “hakmarrjes” është tashmë gati.

Ajo varion nga verërat kaliforniane tek arrat dhe lajthitë dhe nga çamçakëzat tek duhani./ABC News Albania 24/7

arlind-gjokutaj.jpg
G. P.14:55 | 08/09/2019

Nëntë subjekte që tregtojnë apo prodhojnë karburante dhe gaz në vend  janë gjobitur gjatë aksionit kundër informalitetit. Drejtori i Përgjithshëm i Doganave, Arlind Gjokutaj tha se nga shitjet e padeklaruara nga këto subjekte, detyrimi i munguar në buxhetin e shtetit kap vlerën e 1 milionë eurove.

Drejtoria e Doganave ka bërë bilancet dhe ka nxjerrë përgjegjësitë pas kontrolleve të kryera tek të gjithë operatorët e sistemit me shumicë në vend që importojnë, tregtojnë apo prodhojnë karburante dhe gaz, të gatshëm për konsum.

Nga i gjithë procesi i kontrollit ka rezultuar se mbi 752 litra karburant dhe 77 mijë litra gaz rezultonin të padeklaruara me një detyrim ndaj buxhetit të shtetit në vlerën e 1 milionë eurove.

“Kontrolli u krye për periudhën 2018 – deri në gusht 2019, dhe konsistoi në krahasimin e të dhënave të sistemit informatik doganor, matjeve fizike të vitit 2018 me gjendjet e matjeve fizike të kryer nga grupi i kontrollit, duke shtuar veprimet doganore të periudhës në kontroll. Si rezultat i këtij procesi kanë rezultuar mangësi nga gjendja e deklaruar te të gjithë operatorët që operojnë me karburant në magazinat e lira, 1 operator që operon me gazin natyral të lëngshëm dhe 1 rafineri prodhimi. Në total, nga i gjithë procesi i kontrollit rezultuan diferenca për 752,015 litra karburant dhe 77,451 litra gaz. Në total detyrimi i munguar dhe penalitetet për këto sasi janë rreth 129 mln lekë (1.06 mln euro)”, tha Gjokutaj.

Drejtori i Përgjithshëm i Doganave, Arlind Gjokutaj, paralajmëroi subjektet se kontrollet nuk do të ndalen, ndërkohë që publikoi edhe masat e marra ndaj punonjësve që kanë abuzuar me detyrën.

“Aktualisht janë liruar nga detyra 5 doganierë mbikqyrës, janë thirrur në komisionin disiplinor 9 doganierë të tjerë. Përfitoj nga rasti të rikujtoj që ky nuk është një aksion i kufizuar në kohë, por një Plan Operacional Veprimi i vazhdueshëm me objektiv të qartë: asnjë kompromis ndaj informalitetit dhe çdo operatori që do rezultojë me parregullsi”, tha Gjokutaj.

Nga muaji Korrik, qeveria ka nisur një aksion të gjerë kundër informalitetit. Aksioni ka qenë i bazuar kryesisht në bizneset e mëdha dhe më konkretisht në operatorët e sistemit me shumicë në vend që importojnë, tregtojnë apo prodhojnë karburante dhe gaz./ABC News Albania 24/7

FARC-kolumbi.jpg
nev ila12:39 | 30/08/2019

Pas vendimit të liderëve të FARC në Kolumbi, Ivan Markez dhe Jezus Santrik  për të rimarrë armët në dorë, digjen të gjitha marrëveshjet për paqe në vend.

Një video e publikuar në rrjetet sciale tregon se të dy liderët do të rifillojnë çdo gjë nga e para.

Markez ishte zhdukur prej disa kohësh, ndërsa Santrik rrezikon ekstradimin në SHBA pasi akuzohet për trafik droge.

Populli kolumbian nuk e priti mirë planin për paqe dhe amnistinë ndaj anëtareve të FARC, dhe me anë të një referendumi e kundërshtoi këtë marrëveshje.

Ndërsa ish- presidenti i vendit Huan Manuel Santos fitoi Nobelin për paqe pikërisht për arritjen e kësaj marrëveshjeje që tashmë nuk është më në fuqi./ABC News Albania 24/7

 

 

lufta.jpg
G. P.19:27 | 25/08/2019

Një peshkatar profesionist është vënë në disa momente shumë të vështira në ujërat e Floridas. Mediat shkruajnë se teksa Rob Gorta po kapte një peshk të madh, u shfaq një peshkaqen, i cili ia hoqi nga duart prenë.

Ngjarja ndodhi disa javë më parë në ujërat e ishullit Anna Maria, ndërkohë që Gorta e ka bërë publike videon në Youtube. Në të dallohet qartë që teksa peshkatari mundohet të kapë peshku, shfaqet një peshkaqen kokëçekiç, i cili ia merr prenë.

“Ma mori nga duart”, dëgjohet të thotë Gorta.

“Lufta” mes peshkatarit dhe peshkaqenit zgjat pak minuta, por në fund Gorta humbi. Ndërkohë sipas mediave, peshkaqeni kokëçekiç është një nga llojet më pak të rrezikshme të peshkaqenëve.

/abcnews.al

germany.jpg
G. P.08:43 | 14/08/2019

70 vjet më parë u ratifikuan nga 196 vende të botës Konventat e Gjenevës. Ato ofrojnë mbrojtje për grupet që preken më shumë në konflikte, për të plagosurit, të sëmurët, të burgosurit dhe civilët që jetojnë nën pushtim.

Edhe 70 mbas përpilimit të Konventave të Gjenevës, vendet e botës diskutojnë si të mbrojnë më mirë civilët në konfliktet e armatosura, ku shtetet ose grupet jo shtetërore nuk respektojnë ligjet humanitare. Sipas të dhënave të OKB, dhjetëra mijëra civilë janë vrarë, plagosur e sakatuar vitin e kaluar në Siri, Jemen, Sudanin Jugor, Libi, Myanmar, Nigeri, Çad e Ukrainë. Sulmet ndaj civilëve dhe objekteve civile si shkolla, spitale, shtëpi, tregje, kampe refugjatësh, objekte që mbrohen nga ligjet humanitare ndërkombëtare, janë shtuar dhe konfliktet kanë patur efekte shkatërruese tek fëmijët. Dhuna seksuale e lidhur me konfliktet ka vazhduar të përdoret si strategji dhe gazetarët, personeli mjekësor dhe aktorë humanitarë kanë qenë po ashtu objekte sulmesh në shumë konflikte.

Prandaj Këshilli i Sigurimit të OKB, i kushtoi dje një debat të hapur përmirësimit të zbatimit të ligjeve humanitare ndërkombëtare. Mbrojtje më e mirë e fëmijëve në konfliktet e armatosura, ishte fokusi kryesor. Takimi u drejtua nga ministri i Jashtëm polak, Jacek Czaputowicz. Polonia, cila ndodhet në fazën e fundit të pjesëmarrjes rotative dyvjeçare në Këshillin e Sigurimit, mban këtë muaj presidencën e radhës dhe e ka shpallur forcimin e ligjeve humanitare ndërkombëtare si një nga prioritetet.

Teknologjia ka ndryshuar konfliktet

“Ne u fokusuam tek faktorët që ndikojnë mbi efektivitetin e ligjeve humanitare duke patur parasysh ndryshimin e specifikave në konfliktet që zhvillohen me armë moderne. Këto faktorë kanë të bëjnë me shkeljen e ligjeve humanitare nga shtete dhe nga aktorët joshtetërorë, si përshembull grupet terroriste, të cilët ndryshojnë llojin e konflikteve të armatosura, nëpërmjet teknologjive, si drone, robotë, armë kibernetike,” tha ministri Czaputowicz.

Megjithëse të gjitha vendet anëtare të Këshillit të Sigurimit, janë dakord për rëndësinë e zbatimit të Konventave të Gjenevës, diskutimet e vendeve janë të ndryshme sa i përket mënyrës, si duhet të bëhet mbrojtja e civilëve në konflikte të caktuara. Disa vende si SHBA, Franca dhe Mbretëria e Bashkuar kërkojnë që të mbahet përgjegjësi dhe të vendosen saksione kur ligjet humanitare nuk zbatohen, kurse Kina dhe Rusia bëjnë thirrje për maturi dhe mospërdorim të masave   detyruese, në mënyrë që të mos preket sovraniteti. Këto ndryshime kanë penguar Këshillin e Sigurimit të luajë rol aktiv në mbrojtjen efektive të civilëve në Siri dhe Jemen, thonë burime nga Këshilli i Sigurimit.

Luftërave u duhet vënë fre

Prandaj ministri i Jashtëm gjerman, Heiko Maas, që mori po ashtu pjesë në debatin e hapur bëri thirrje që të kapërcehen diferencat, kur bëhet fjalë për jetën e njerëzve. “Ne nuk duhet të lejojmë kurrë që luftërat të zhvillohen pa fre,” tha ministri gjerman Heiko Maas. Ai i kërkoi vendeve t’ i bashkangjiten nismës franko- gjermane “Humanitarian call for action”, të anoncuar në muajin prill.

Ministri i Jashtëm gjerman kërkon që ata sulmojnë ndihmësit humanitarë, të vihen para përgjegjësisë, prandaj Gjermania përkrah organizatat që dokumentojnë krimet e luftës në Siri. Ministri gjerman kërkoi po ashtu që të ndihmohen ata që luftojnë përditë për të drejtën humanitare.

Vitin e kaluar, OKB ka regjistruar vdekjen dhe plagosjen e 22.800 civilëve, pjesa më e madhe prej 11.000 në Afganistan, 2660 në Irak, 1300 në Mali,1500 në Somali, 3700 në Sudanin Jugor dhe 2700 civilë në Jemen./DW

trump-2.jpg
G. P.13:18 | 02/07/2019

Në muajin Gusht, Shtetet e Bashkuara të Amerikës do të vendosin për hyrjen në fuqi të tarifave ndaj produkteve të Bashkimit Europian, me një vlerë prej 4 miliardë dollarësh. Zyra e përfaqësuesit amerikan për tregtinë ka publikuar listën e produkteve që do të preken nga tarifat e reja.

Shtetet e Bashkuara të Amerikës kërcënojnë me tarifa tregtare ndaj produkteve të Bashkimit Europian për 4 miliardë dollarë. Në objektiv janë lloje të ndryshme djathi, makarona, proshuta, ullinj dhe uiski irlandez.

Kjo është një kundërpërgjigje për ndihmat europiane ndaj avionëve tregtarë. Në një deklaratë për media lexohet se zyra e përfaqësuesit amerikan për tregtinë ka publikuar një listë produktesh që mund të jenë subjekte të tarifave shtesë.

Prej pothuajse 15 vitesh Uashingtoni dhe Brukseli akuzojnë njëri tjetrin se mbështesin me fonde publike kolosët rivalë të aviacionit, amerikanin “Boeing” dhe atë europian “Airbus”.

Në Maj të vitit 2018, ekzekutivi i Organizatës Botërore të Tregtisë dënoi Brukselin sepse nuk kishte anuluar fondin prej miliarda dollarësh për ndërtimin e dy avionëve të “Airbus”.

Uahsington vlerëson të paktën deri në 11 miliardë dollarë në vit dëmet për ekonominë amerikane si pasojë e ndihmës që qeveritë e Bashkimit Europian i japin “Airbus”.

Tarifat e reja, të cilat llogariten deri në 4 miliardë dollarë do të diskutohen në 5 Gusht. Por dhe Bashkimi Europian ka një çështje të hapur kundër “Boeing”. Në 28 Mars të këtij viti apeli i Organizatës Botërore të Tregtisë vendosi se dhe “Boeing” ka marrë ndihma shtetërore të paligjshme.

Duke u mbështetur të ky vendim Bashkimi Europian ka të drejtë të vendosë tarifa për importet nga Shtetet e Bashkuara të Amerikës./ABC News Albania 24/7

images-1.jpg
Sej rie08:20 | 01/07/2019

Italia dhe Gjermania janë përfshirë në një luftë replikash pas arrestimit të kapitenes së anijes me emigrantë, që ankoroi pa leje në portin e Lampeduzës. Ndërsa presidenti gjerman kërkon që 31-vjeçarja të mos trajtohet si kriminele, Roma i benë thirrje Berlinit të mos përzihet në punët e saj të brendshme.

Një luftë fjalësh ka nisur mes Gjermanisë dhe Italisë në lidhje me arrestimin e kapitenes gjermane të anijes me emigrantë “Sea Watch 3”, që sfidoi urdhrin e autoriteteve italiane duke ankoruar anijen në portin e Lampeduzës.

Zëvendës kryeministri i Italisë, Mateo Salvini me irritim refuzoi thirrjen e palës gjermane që të mos e trajtonte kapitenen si një kriminele. Presidenti gjerman Frenk Valter Shtajnmajer deklaroi se, si një vend anëtar i Bashkimit Europian, Italia duhet ta trajtojë çështjen ndryshe, pasi sipas tij, ata që shpëtojnë jetë nuk janë kriminelë. Nga ana e tij, Salvini i bëri thirrje Gjermanisë që të heshtë.

“I kërkojmë presidentit gjerman që të shqetësohet për atë që ndodh në Gjermani dhe nëse është e mundur t’u kërkojë qytetarëve të tij të mos shkelin ligjet italiane”, reagoi Salvini. Karola Rakete, 31 vjeç, u arrestua ditën e shtunë kur anija hyri në port pa lejen e autoriteteve. Ajo kishte qenë nën hetim nën dyshimin se ndihmonte trafikantët e qenieve njerëzore, në kuadër të ligjeve të futura nga qeveria e Salvinit për të mos u ardhur në ndihmë anijeve joqeveritare.

Qeveria italiane e akuzon kapitenen Rakete, e cila ndodhet në arrest shtëpie, për vënien në rrezik të jetëve të 4 oficerëve të policisë, që iu afruan anijes me një varkë. Salvini e quajti veprimin një akt kriminal të barabartë me një akt lufte./ABC News Albania 24/7

16x9.jpg
G. P.08:45 | 28/06/2019

Spanja është vendi i parë i Europës që po përjeton zjarre masive të nxitura nga temperaturat e larta. Flakët kanë përfshirë rajonin e Katalonjës dhe sipas autoriteteve rrezikojnë të shtrihen deri në 20 mijë hektarë. Ndërkohë, i nxehtë përvëlues është verifikuar edhe në Itali e Francë.

Disa qindra zjarrfikës po luftojnë me zjarret në rajonin spanjoll të Katalonjës, ku temperaturat kanë arritur mbi 40 gradë celsius. Autoritetet vendase kanë deklaruar se, zjarret janë më të këqijat e 20 viteve të fundit dhe mund të përhapen me shpejtësi.

Të paktën 4 mijë hektarë tokë janë prekur nga flakët në afërsi të qytetit La Torre del Espanjol, që ndodhet 80 kilometra nga qyteti bregdetar i Tarragonës. Por për shkak të të nxehtit intensiv flakët mund të përhapen deri në 20 mijë hektarë, kanë paralajmëruar autoritetet.

Për arsye sigurie, të paktën 30 persona janë evakuuar dhe 5 rrugë janë mbyllur. Në tërësi, 11 provinca në lindje dhe qendër të Spanjës kanë përjetuar ose do të përjetojnë temperatura mbi 40 gradë Celsius.

Ndërkohë, në disa zona në veri-lindje ato mund të arrijnë në 45. Përveç Spanjës, edhe Franca e Italia po kalojnë një valë të nxehti ekstrem. Pas mesditës së të enjtes, temperaturat arritën në 39 gradë Celsius në Torino të Italisë dhe 40 në qytetin jugor francez të Avinjonit.

Ndërsa të mërkurën, Gjermania, Polonia dhe Republika Çeke regjistruan temperaturat më të larta të verifikuara ndonjëherë në muajin qershor. Për shkak të ajrit të ngrohtë nga Afrika e Veriut, temperaturat pritet të rriten më tej në shumë vende të kontinentit të vjetër në 3 ditët e ardhshme./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono