lufte

dhuna-q.jpg
gra moz22:02 | 07/05/2018

Të kesh prerë biletën dhe të të anulohet filmi në kinema në momentin e fundit është e mërzitshme, por shto këtu faktin, që bëhet fjalë për filmin më të shitur të të gjitha kohërave, atëherë mërzia kthehet në zemërim.

Kjo ka ndodhur me fansat e filmit “Avengers: Infinity War” në Meksikë, të cilët pasi morën vesh që filmi nuk do të jepej, shpërthyen me zemërim ndaj stafit të kinemasë.

The Mirror shkruan se ata organizuan “luftën e tyre të pafundme” pasi morën vesh këtë lajm.

Në video dallohen fansat e irrituar ndaj stafit, ku nuk munguan edhe grushtet.

Ndërkohë, e njëjta situatë ka ndodhur edhe në Indi disa ditë më parë. Fansat e filmit kishin shkuar për  të parë Avengers në kinema, por u lajmëruan se shfaqja e tij ishte anuluar.

Filmi “Infinity War” është një nga filmat më të pritur nga fansat i të gjithë kohërave. “Avengers” ka thyer rekorde në përfitime vetëm 11 ditë pas premierës. Pritet që fitimet e filmit shumë shpejt t’i kalojnë 1 miliard dollarët./abcnews.al

download-2-1280x853.jpg
gra moz16:49 | 15/04/2018

Presidenti sirian Assad është takuar me një delegacion politikanësh rusë dhe nënvizoi se bombardimet e Perëndimit do të bashkojnë më shumë vendin. Ndërsa nga ana tjetër, Britania rithekson dhe njëherë se sulmet e Perëndimit ishin një shenjë treguese se “u mbush kupa” lidhur me sulmet me armë kimike në Siri.

“Raketat e vendeve perëndimore kundër Sirisë nuk do të kenë efekt tjetër përveç bashkimit të vendit nën udhëheqjen time”.

Këtë e deklaroi Presidenti sirian Bashar al-Asad, duke pritur një delegacion të politikanëve rusë në Damask. Presidenca siriane ka postuar një foto të takimit në profilin zyrtar në Twitter. Politikanët rusë e përshkruan Asadin si absolutisht “pozitiv dhe në një humor të mire”.

Sëfundmi për bombardimet ajrore kundër regjimit sirian reagoi dhe ministri i Jashtëm i Mbretërisë së Bashkuar, Boris Johnson.

“Sulmet në Siri u ndërmorën për të thënë se u mbush kupa, lidhur me përdorimin e armëve kimike”, nënvizoi ai në një emision të BBC. Gjithashtu Johnson tha se veprimi nga SHBA, Britania e Madhe dhe Franca nuk do të “shndërronte rrjedhën” e konfliktit dhe nuk ka të bëjë me ndryshimin e regjimit.

Megjithatë theksoi se shpresonte se do të vepronte si një pengesë ndaj sulmeve kimike “barbare”.  Gjithashtu kërkoi që t’i jepet fund arsenalit me armë kimike të regjimit të Assad.

Ndërkohë, Lideri i Laburistëve, Jeremy Corbyn, ka vënë në pikëpyetje ligjshmërinë e veprimit. Ai bëri thirrje për legjislacion të ri për të siguruar që deputetët të marrin një votim përpara se të ndërmerren veprime të ardhshme ushtarake dhe tha se ai do të mbështeste ndërhyrjen në Siri vetëm nëse Kombet e Bashkuara e mbështesin atë. Konservatorët thanë se kjo nuk do të ndodhte kurrë për shkak të Rusisë duke përdorur veton e saj në OKB./abcnews.al

eksod-1280x655.jpg
gra moz14:06 | 16/03/2018

Në Siri është regjistruar eksod masiv në dy zona të ndryshme, ku po zhvillohen ofensiva ushtarake. 30 mijë persona janë larguar nga qyteti Afrin, ku gjendet ushtria turke, ndërsa në Gutën Lindore numërohen mbi 25 mijë të zhvendosur.

Më shumë se 50 mijë persona janë arratisur nga dy ofensiva të ndryshme ushtarake kundër forcave rebele në Siri gjatë ditëve të fundit. Kjo është konfirmuar nga aktivistë të shumtë që operojnë në vendin e prekur nga konflikti disavjeçar. Rreth 30 mijë banorë janë larguar nga qyteti Afrin, ndërsa ushtria e Turqisë dhe aleatët e tyre rrethuan zonën. Shënjestra e tyre e vetme janë milicitë kurde, të cilat Ankaraja i akuzon si organizata terroriste. Të paktën 18 persona janë vrarë gjatë luftimeve në këtë ofensivë gjatë të premtes, thonë aktivistët dhe militantët.

Në Gutën Lindore, jashtë Damaskut, më shumë se 20 mijë banorë janë larguar nga zona që janë në shënjestër të forcave që mbështesin presidentin sirian Bashar Al-Assad. Eksodi masiv vjen 7 vite pas fillimit të luftës, nga e cila rreth 12 milionë janë larguar nga shtëpitë e tyre. Të paktën 6 milionë janë zhvendosur brenda territorit sirian, ndërsa mbi 5 milionë të tjerë kanë udhëtuar për në shtete të tjera.

Më shumë se 400 mijë persona besohet se janë vrarë ose janë shpallur të zhdukur, që prej kryengritjes kundër presidentit Bashar Al-Assad, që nisi në Mars të 2011-ës. Aktualisht situata më e keqe humanitare është regjistruar në Gutën Lindore për shkak të bombardimeve ajrore. Mbi 1 mijë civilë janë vrarë muajin e fundit në këtë zonë dhe shumë spitale janë shkatërruar.

Një tjetër problem është dhe futja e automjeteve me ndihma humanitare në këtë zonë afër Damaskut, pasi ushtria pro-qeveritare vijon me sulmet ajrore. Bombardimet vijojnë pavarësisht armëpushimit të miratuar në Këshillin e Sigurisë së Kombeve të Bashkuara./abcnews.al

greqi-turqi-lufte-1280x662.jpg
gra moz16:11 | 11/03/2018

Ministri i Mbrojtjes i Greqisë, Panos Kamenos, ka dhënë alarmin se Athina dhe Ankaraja janë shumë pranë fillimit të një lufte. Nga ana tjetër Turqia do të zhvillojë stërvitje ushtarake pranë Qipros, që mund të nxisë fillimin e përplasjeve ushtarake mes dy vendeve.

“Jemi shumë pranë një incidenti fatal me Turqinë”.

Ky është alarmi i dhënë nga ministri grek i Mbrojtjes, Panos Kamenos. Në një intervistë dhënë për francezen “Liberation”, zyrtari i qeverisë së Athinës foli për tensionet mes dy vendeve dhe për ato që i quajti “agresione” të Turqisë.

“Ne jemi të detyruar të mbrojmë territorin tonë, që nuk është territor vetëm i Greqisë, por është territor i Bashkimit Europian”, tha Kamenos.

Nga ana tjetër Ankaraja vijon të rrisë tensionet. Turqia ka vendosur së fundmi të kryejë një stërvitje ushtarake në det, në një kohë kur janë përshkallëzuar ndjeshëm mardhëniet me Greqinë.

Lëvizja e fundit e Ankarasë vjen në një kohë që Qipro njoftoi kompanitë e huaja për kërkime për gaz në zonën ekskluzive ekonomike në Egje. Këto stërvitje ushtarake me anije rimorkimi e pajisje nënujore, zhvillohen nga 11- 18 Mars dhe nga 22 deri më 29 Mars.

U duk sikur vizita historike e presidentit turk, Rexhep Tajip Erdogan, në Athinë më 7 Dhjetor të vitit të kaluar hapi një kapitull të ri në marrëdhëniet mes dy vendeve. Por në fakt nuk ndodhi kështu. Pak javë pas kësaj vizite, tensionet u ndezën edhe më shumë, për të kulmuar me disa përplasje të anijeve ushtarake në Egje dhe rastin e dy ushtarëve grekë që mbahen të burgosur nga Turqia.

Greqia pretendon se ushtarët kaluan kufirin gabimisht, ndërsa ministri i Jashtëm turk deklaroi për të përjavshmen gjermane “Die Zeit” se drejtësia turke po mundohet të kuptojë nëse ushtarët grekë e kaluan kufirin aksidentalisht apo qëllimisht./abcnew.al

turqia.jpg
gra moz16:07 | 20/02/2018

Forcat siriane pro-qeveritare kanë hyrë në kufirin e mbajtur nga kurdët.

Sipas raportimeve të BBC, kjo rrit rrezikun për një përplasje me Turqinë.

Kjo lëvizje vjen një ditë, pasi agjencia shtetërore e lajmeve siriane deklaroi se “Forcat Popullore “do të dërgoheshin për të mbështetur kurdët në Afrin, “kundër sulmeve të Turqisë”.

Turqia ka luftuar ushtrinë kurde në Afrin gjatë gjithë muajit të kaluar dhe patën paralamëruar Sirinë që të mos ndërhynte në mbështetje të kurdëve.

Akoma nuk është e qartë sesa luftëtarë janë dërguar në Afrin nga forcat pro-qeveritare./abcnews.al

vlcsnap-error255-1280x720.jpg
gra moz22:10 | 13/02/2018

Kreu i shërbimeve amerikane të inteligjencës ka deklaruar se rreziku për një konflikt të tretë botëror nuk ka qenë kurrë më i lartë. Duke raportuar në Kongres, Dan Coats e ka vënë theksin tek rreziku që vjen nga ekspansioni kinez dhe ai rus.

Rreziku për konflikte të reja botërore, përfshirë ato mes fuqive të mëdha, nuk ka qenë kurrë më i lartë që nga fundi i Luftës së Ftohtë. Alarmi është dhënë nga drejtori i inteligjencës kombëtare të Shteteve të Bashkuara, Dan Coats, i cili ka raportuar në Kongresin amerikan.

Coats ka nënvizuar se Kina dhe Rusia do të përpiqen të zgjerojnë më shumë dhe në mënyrë agresive sferat e tyre të influencës. “Gara mes shteteve do të rritet ndjeshëm në vitet e ardhshme”, ka deklaruar Coats, i cili ka cilësuar Korenë e Veriut dhe konfliktin mes Arabisë Saudite dhe Iranit si rreziqet më të mëdha që i kanosen botës. Ndërkohë, ka shtuar ai, Rusia po influencon në fushatat elektorale në botën perëndimore, duke u bërë gati për zgjedhjet e vitit 2018 në Shtetet e Bashkuara dhe në Europë.

“Bashkimi Europian dhe qeveritë kombëtare europiane do të hasin vështirësi në hartimin e një qasjeje të përbashkët për një sërë sfidash që kanë të bëjnë me sigurinë. Dhe kjo e dobëson botën perëndimore”, ka thënë më tej Coats. Ai ka shtuar se problemet më akute të kontinentit të vjetër janë emigracioni, destabiliteti i zonave periferike të BE-së, kërcënimi terrorist në rritje dhe ndikim rus në zgjedhje./abcnews.al

macron-1.jpg
gra moz12:51 | 31/01/2018

Franca paralajmëron Turqinë për dyshimet se në ofensivën kundër kurdëve po tenton të pushtojë veriun e Sirisë. Megjithatë, Ankaraja është përgjigjur duke nënvizuar se nuk është shtet pushtues.

Presidenti francez, Emmanule Macron, ka paralajmëruar Turqinë për rrezikun që përbën një pushtim i mundshëm i veriut të Sirisë. “Do të ishte një problem real nëse nuk do të respektohet sovraniteti sirian”, theksoi kreu i pallatit Elize. Duke komentuar operacionin ushtarak të filluar nga ushtria e Ankarasë në enklavën kurde Afrin, Macron nënvizon se ka kërkuar menjëherë qetësi dhe maturi dhe se ka shfaqur që prej orëve të para shqetësimin e tij për situatën.

Këtij pretendimi i është përgjigjur kryeministri i qeverisë së Ankarasë, Bilani Yıldırım. “E gjithë bota e di dhe duhet ta dijë se Turqia në asnjë mënyrë nuk vepron me logjikë okupuesi. Kjo shihet në Operacionin Mburoja e Eufratit”, theksoi ai.

Ndërkohë, Presidenti Recep Tayyip Erdoğan zhvilloi bisedë telefonike me homologun e tij rus Vladimir Putin. Lajmi është konfirmuar nga agjencia shtetërore e lajmeve Anadolu. Erdoğan dhe Putin trajtuan zhvillimet në lidhje me Sirinë, Kongresin e Dialogut Kombëtar Sirian në Soçi, operacionin “Dega e Ullirit” dhe Idlibin. Megjithatë nuk jepen shumë detaje të tjera lidhur me bisedën e dy liderëve.

Prej disa javësh ushtria turke vijon ofensivën në kufirin e saj me Sirinë. Por kjo manovër ushtarake shikohet më shumë si një luftë kundër milicive kurde. Por shumica e tyre mbështeten nga Shtetet e Bashkuara, gjë e cila mund të çojë edhe në një përplasje diplomatike. Që nga nisja e ofensivës “Dega e Ullirit”, numërohen mbi 200 viktima./abcnews.al

vlcsnap-error574-1280x720.jpg
gra moz21:05 | 30/01/2018

Një avion luftarak rus ka kryer manovra pranë një avioni mbikëqyrës amerikan, një lëvizje kjo që ka acaruar Shtetet e Bashkuara. Uashingtoni ka akuzuar Moskën për veprime provokuese, që mund të çojnë në një përplasje ajrore.

Një avion luftarak rus “SU-27” ka kryer manovra fluturimi pranë një “kolegu” amerikan, një lëvizje kjo që është konsideruar si “veprim i rrezikshëm” nga Departamenti i Shtetit.

“Fërkimi” mes dy avionëve është verifikuar në qiejtë mbi Detin e Zi. Shtetet e Bashkuara shprehën shqetësim të lartë për këtë lëvizje të forcave ajrore ruse, të cilën e cilësuan të rrezikshme. Uashingtoni akuzoi Moskën për shkelje flagrante të marrëveshjeve dhe ligjeve ndërkombëtare, me pretendimin se një veprim i tillë mund të çonte në një përplasje në qiell të hapur.

“Incidenti është shembulli i fundit i aktiviteteve ushtarake në kundërshtim me normat dhe marrëveshjet ndërkombëtare”, deklaroi zëdhënësja Heather Nauert. Nga ana tjetër, Ministria ruse e Mbrojtjes u shpreh se avioni rus kishte lokalizuar atë amerikan dhe e kishte penguar të hynte në hapësirën ajrore ruse.

“Pasi avioni mbikëqyrës amerikan ndryshoi kursin, atëherë avioni ynë u kthye në bazë”, thuhet në një deklaratë, ku nënvizohet e drejta e Rusisë për të kryer manovra mbi ujëra territoriale neutrale. Rusia dhe Shtetet e Bashkuara kanë shkëmbyer shpesh herë replika për përplasje të tilla ajrore, të ndodhura kryesisht mbi Detin e Zi dhe atë Baltik./abcnews.al

vlcsnap-error432-1280x720.jpg
gra moz19:33 | 29/01/2018

Bashkimi Europian ka deklaruar se ndaj Shteteve të Bashkuara do të reagojë me masa reciproke nëse preket nga rritja e taksave për mallrat e importuara, masë të cilën presidenti Donald Trump e njoftoi javën e kaluar.

Bashkimi Europian është gati të veprojë shpejt dhe në mënyrën e duhur në rast se eksportet e tij do të preken nga masat agresive të qeverisë së Shteteve të Bashkuara.

Deklarata është bërë nga zëdhënësi i presidentit të Komisionit Europian, Jean Claude Juncker, pas njoftimit të presidentit amerikan, Donald Trump, mbi rritjen e taksave për produktet e importuara nga Amerika.

“Kjo mund të zgjidhet vetëm në mënyrë të barabartë, ose reciproke, duke u bazuar tek rregullat përkatëse”, ka thënë zëdhënësi. Njoftimi për rritjen e taksave për produktet e importuara në Shtetet e Bashkuara u bë nga presidenti Trump javën e kaluar.

Në marrjen e vendimit, kreu i shtetit u bazua tek të dhënat e Komisionit Amerikan për Tregtinë me Jashtë, që sugjeronin se importet e huaja po dëmtonin prodhuesit vendas. Shefi i Shtëpisë së Bardhë akuzoi partnerët tregtarë se po bënin një lojë të padrejtë me Shtetet e Bashkuara.

Më së shumti masa, që parashikon rritjen deri në 50 për qind të taksave, pritet të prekë Kinën dhe Korenë e Jugut, e para ndër prodhuesit më të mëdhenj në botë për panelet diellore dhe e dyta ndër të parat në prodhimin e lavatriçeve. Edhe Pekini me Seulin reaguan ndaj vendimit të administratës amerikane duke premtuar marrjen e masave analoge./abcnews.al

vlcsnap-error638-1280x720.jpg
ent ela11:21 | 23/01/2018

Përveç luftimeve në provincën Afrin në Siri, qeveria turke vazhdon operacionet kundër kurdëve edhe brenda vendit. 42 persona u arrestuan në Izmir, pasi akuzohen se kanë shpërndarë propagandë terroriste në internet.

Policia e Turqisë ka arrestuar 42 persona, përfshirë një politikan pro-kurd për akuzën se kanë “shpërndarë propagandë terroriste” në rrjetet sociale lidhur me operacionet e ushtrisë së Ankarasë kundër milicive kurde në Siri. Kjo është raportuar nga mediat shtetërore. Operacionet policore, që u fokusuan në provincën perëndimore Izmir, çuan në 70 numrin e personave të arrestuar që prej nisjes së ofensivës “Dega e Ullirit”.

Operacioni në rajonin Afrin në Siri, ka në shënjestër ushtrinë kurde YPG të mbështetur nga SHBA, por që shikohet nga Ankaraja si një grupim terrorist dhe zgjatim I Partisë Punëtore të Kurdistanit, PKK. Kjo forcë politike ka luftuar prej 3 dekadash për autonomi në juglindje të Turqisë.

Skuadrat e anti-terrorizmit kryen arrestimet. Mes të ndaluarve është dhe kreu I Partisë Demokratike Popullore “HDP”, forca e dytë më e madhe opozitare në parlament, e cila akuzohet nga Ankaraja se është pjesë e PKK. Megjithatë kjo parti mohon këtë pretendim. 6 persona të tjerë të arrestuar akuzohen për shpërndarje propaganda në rrugë. Agjencia shtetore e lajmeve Anadollu nënvizon se ata kanë shqetësuar qytetarët dhe po planifikonin mbajtjn e një proteste. 14 të dyshuar të tjerë u ndalian për shkak të postimeve në rrjetet sociale.

Ndërkohë, të hënën qeveria Turke ndaloi mbajtjen e tubimeve, protestave, mbledhjeve dhe koncerteve në kryeqytet deri në përfundimin e operacionit “Dega e Ullirit”. Sipas Anadollu, në luftimet në Siri, një ushtar turk është vrarë. Gjithashtu në Kombet e Bashkuara u mbajt edhe séanca e jashtëzakonshme e Këshillit të Sigurisë mbi zhvillimet në Siri. Ambasadori i Francës në OKB, Francois Delattre, deklaroi se e kupton shumë mirë shqetësimin e Turqisë lidhur me çështjen e sigurisë. Ai i bëri thirrje Ankarasë që të përbahet nga luftimet në provincën Afrin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono