lufte

20200218-Gabbana-1280x720.jpg
So Nila10:40 | 19/02/2020

“Ndjenim se do duhej të bënim diçka për të luftuar këtë virus të tmerrshëm, që duke u nisur nga Kina, po godet gjithë njerëzimin”.

Domeniko Dolcie dhe Stefano Gabbana kanë vendosur të bëjnë një donacion të rëndësishëm për Humanitas University për të mbështetur një studim të koordinuar nga Prof. Alberto Mantovani që mund të qartësojë mekanizmat e përgjigjes së sistemit humanitar te koronavirusi Sars-CoV-2.

Sipas Bazzar objektivi i studimit, i realizuar në bashkëpunim me virologët Elisa Vicenzi dhe Massimo Clementi të Universitetit Vita-Salute San Raffaele, është të vendosen bazat në zhvillimin e mjeteve diagnostikuese.

Dy pyetjet të cilave do t’u përgjigjet programi i kërkimeve:

1.A e njohin molekulat e imunitetit të lindur me funksione të ngjashme me anti-trupat koronavirusin Sars-CoV-2 dhe a luajnë një rol mbrojtës në ruajtjen nga infeksioni?

2.A mund të  jenë ato tregues të përparimit dhe ashpërsimit të sëmundjes tek pacientët?

“SARS-CoV-2 – shpjegojnë profesoresha Elisa Vicenzi dhe profesor Massimo Clementi, virologe e Universitetit Vita-Salute San Raffaelo- i përket familjes të koronavirusit.

Disa përbërës të kësaj familjeje shkaktojnë infeksione jo të rënda të aparatit të sipërm të frymëmarrjes, ndërsa të tjerë, si: Sars- CoV, Mers-CoV dhe i riu Sars-CoV-2 janë në bazë të sëmundjeve të rëndësishme, të cilat shkaktojnë vdekjen.

Kapaciteti i disa subjekteve të infektuara për t’u shëruar më me shpejtësi, apo për të pasur infeksione më pak agresive mund të varet nga faktorë të ndryshëm.

Nga kjo vjen ideja për të testuar molekulat imunitare të lindura për të verifikuar aktivitetin e tyre viral dhe për të kuptuar në çfarë mënyre ndërveprojnë me Sars-CoV-2, duke qartësuar për shembull nëse kanë ndikim me përgjigjen e qelizave të infektuara nga virusi me mekanizma edhe të panjohur. Kjo mund të hapte dyert për gjetjen e strategjive të dobishme për pacientët./abcnews.al

 

iman.jpg
Autor E09:32 | 15/02/2020

Ajo ishte një vjeç e gjysmë, por lufta dhe tmerri në Siri nuk e kursyen. Vogëlushja Iman vdiq e ngrirë në duart e babait që po vraponte për ta dërguar në spital duke i bërë me dije edhe njëherë botës tmerrin që po ndodh në Siri.

Ajo u sëmur rëndë në një kamp refugjatë pranë qytetit të Idlibit. Vogëlushja pati temperaturë dhe probleme me frymëmarrjen duke bërë që babai ta marrte në krah për ta çuar në një spital dy orë larg në këmbë, shkruan abcnews.al.

Zona tani është mbërthyer nga një i ftohtë i madh duke bërë që temperaturat të jenë shpesh nën zero.

Babai i Iman u nis për në një spital pranë qytetit të Alepos, por vajza nuk mbërriti gjallë. Ajo kishte ngrirë në duart e babait.

Iman nuk është fëmija i vetëm që ka humbur jetën nga tmerri i Sirisë. Prej më shumë se 9 vitesh vijon lufta e përgjakshme duke u bërë shkak për vdekjen e dhjetra mijëra fëmijëvë.

Operacioni u ushtrisë së Asadit për të marrë qytetin e fundit të madh në duart e rrebelëve ka gjasë të kthehet në një tragjedi humanitare pasi më shumë se 700 mijë njerëz janë shpërngulur tashmë nga zonat e luftës duke ndejtur në tenda dhe nën të ftohtë. /abcnews.al

senati-amerikan.png
eri Ida10:01 | 14/02/2020

Senati i Shteteve të Bashkuaraki ka kufizuar autoritetin presidentit Donald Trump për të nisur operacione ushtarake kundër Iranit.

Përmes një rezolutet të miratuar të hartuar nga senatori demokrat, Tim Kaine, thotë se Trump duhet të ketë miratimin e Kongresit përpara se të ndërmarrë veprime ushtarake kundër Iranit.

Tetë republikanë u janë bashkuar demokratëve për të miratuar rezolutën me 55 vota për dhe 45 kundër.Me Kushtetutën e Shteteve të Bashkuara, Kongresi ka fuqinë për të shpallur luftë  jo presidenti.

Trump dhe mbështetësit e tij thonë se rezoluta do t’i dërgojë mesazhe të gabuara Iranit dhe kundërshtarëve të tjerë të mundshëm. Ndërkohë pritet që Trump të vendosë veto ndaj saj.

Trump, së voni, ka përdorur veton ndaj një rezolute për luftën në Jemen. Rezoluta e fundit vjen pasi Trump, muajin e kaluar, ka urdhëruar një sulm me dron për vrasjen e komandantit iranian, Kasem Sulejmanit, pa e informuar Kongresin paraprakisht./abcnews.al

pedonale.png
R D09:10 | 06/02/2020

Policia ka arrestuar 3 autorët e dyshuar të përplasjes me armë që ndodhi në orët e vona të së mërkurës në pedonalen e Shkodrës. Dy grupe të rinjsh kishin lënë takim për “t’u sqaruar” por e shndërruan sheshin e qytetit, në shesh lufte. Në vendin e ngjarjes policia ka gjetur 10 gëzhoja. Paraprakisht mësohet se kemi të bëjmë të rinjtë që janë konflikuar për motive të panjohura, por ata nuk identifikohen si pjesëtarë të grupeve kriminale.

Siç raporton gazetari Simon Shkreli për abcnews.al, si pasojë e përplasjes me armë në hyrje të pedonales “Kol Idromeno” mbeti e plagosur në këmbë një 35-vjeçare kalimtare, e cila ndodhej në shoqërinë e motrës dhe dy kunetërve. E plagosura Liljana Jeremija ndodhet në spital jashtë rrezikut për jetën.

Ajo ka treguar jashtë kameras, për gazetarin e ABC News, se kishte vënë re se në një nga stolat e pedonales ishin ulur dy të rinj dhe më pas janë afruar disa të tjerë dhe kanë shtënë me armë në drejtim të tyre. Papritur plumbi ka prekur 35-vjeçaren në këmbë dhe janë bërë copë dhe xhamat e një makine të tipit BMW që ishte parkuar aty pranë. Më pas të rinjtë janë larguar me vrap.

E plagosura nga nga fshati Golem kishte dalë nga spitali pasi po vizitonte vjehrrën, ndërsa motra e saj ka të shtruar djalin në spital. Gratë kishin dalë për të blerë ilaçe në farmaci dhe më pas ishin ulur në një lokal.

Më pas e plagosura Liljana Jeremija, motra e saj dhe dy kunetërit pasi dolën nga lokali ranë pre e plumbave të dy grupeve që u përplasën me armë. Për ngjarjen e rëndë të katërt dëshmitarët kanë dhënë dëshminë në polici./abcnews.al

Turkish-soldiers.jpg
So Nila19:06 | 03/02/2020

Gjashtë ushtarë turq janë vrarë dhe nëntë të tjerë janë plagosur në bombardimet nga forcat e qeverisë siriane në provincën Idlibin veriperëndimor të Sirisë.

Mediat ndërkombëtare bëjnë me dije se presidenti turk Erdogan u shpreh se në një kundërsulm hakmarrës janë vrarë 35 ushtar sirian.

“Të dhënat fillestare flasin për 30 deri në 35 sirianë të vrarë”, deklaroi kreu i shtetit turk. Gjithahstu mediat raportojnë se Erdogan ka bërë thirrje Rusisë aleates kryesore të Damaskut  që të mos përfshihet në këtë hakmarrje të trupave turke kundër atyre siriane./abcnews.al

Capture-37.jpg
in a08:51 | 09/01/2020

Ambasadori  i Iranit i dërgoi një letër Sekretarit të Përgjithshëm të SHBA dhe Presidentit të Këshillit të Sigurimit duke i quajtur raketat një veprim “të matur dhe proporcional” të “vetëmbrojtjes”.

Në letër thuhet se sulmet e raketave kishin në shënjestër bazën ushtarake ku ishte nisur sulmi kundër gjeneralit iranian Soleimani, dhe thuhej: “Operacioni ishte i saktë dhe synonte bazat ushtarake duke mos lënë dëme kolaterale ndaj civilëve dhe pasurive civile në zonë”.

Letra vjen pasi sekretari i përgjithshëm i SHBA Antonio Guterres tha përmes një zëdhënësi se ai është i shqetësuar për ndikimin që konflikti midis SH.B.A-së dhe Iranit mund të ketë tek njerëzit e Irakut.

“Është detyra jonë të bëjmë çdo përpjekje për të shmangur një luftë që bota nuk mund ta përballojë. Ne nuk duhet të harrojmë vuajtjet e tmerrshme njerëzore të shkaktuara nga lufta. Si gjithmonë, njerëzit e zakonshëm paguajnë çmimin më të lartë,” Zëdhënësi i KB, Stephane Dujarric u tha gazetarëve. “Për Sekretarin e Përgjithshëm, është e rëndësishme që të gjithë të respektojnë sovranitetin dhe unitetin e Irakut.”/abcnews.al

 

usairani.jpg
Autor E09:18 | 06/01/2020

Pasi presidenti amerikan Donald Trump urdhëroi vrasjen e gjeneralit të lartë të Iranit, Qassem Soleimani, shumëkush ka shtruar pyetjen se sa do të mund ta përballonte ky vend një konfrontim me ushtrinë më të fortë në botë.

Një pyetje e tillë vjen pasi, ndërsa Irani mban zi për vdekjen e gjeneralit, zyrtarët nga të dy vendet kanë shkëmbyer paralajmërime të ashpra, duke u bërë thirrje forcave ushtarake dhe aleatëve përkatës “për gatishmëri”.

Sipas Global Fire Power, një faqe interneti e renditjes së ushtrive, ajo e SHBA-së renditet si ushtria më e fortë në botë, ndërsa Irani gjendet në vendin e 14-të nga 137 vendet që konsiderohen në rishikimin vjetor.

Sidoqoftë, rrjeti i fortë i Iranit “aleatët rajonalë” përbëjnë një kërcënim të madh për objektivat e SHBA-së dhe pritet të luajnë një rol të madh në rritjen e tensioneve midis dy vendeve, shkruan mediumi britanik Metro.

Presidenti amerikan tha që ai urdhëroi sulmin ajror në Aeroportin Ndërkombëtar të Bagdadit sepse Soleimani, 62 vjeç, po ‘komplotonte vrasjen’ e amerikanëve që banonin në vend, përcjell Telegrafi.

Trump akuzoi komandantin e dytë më të fuqishëm të Iranit si përgjegjës për një seri luftërash në të gjithë Lindjen e Mesme, përfshirë sulmet e ‘orkestruara’ të milicisë në bazat e koalicionit amerikan në Irak.

Ai gjithashtu mendohet të ketë mbështetur demonstratat e dhunshme në ambasadën amerikane në Bagdad, në fillim të javës.

Irani e ka bërë të qartë tashmë se SHBA do të ketë pasoja të rënda për sulmin, me udhëheqësin suprem Ayatollah Ahmad Khatami që ka kërcënuar trupat amerikane në Lindjen e Mesme.

Ai paralajmëroi se është ‘koha për të pastruar rajonin nga këto kafshë tinëzare’, duke shtuar: ‘Unë po u them amerikanëve, veçanërisht Trump, ne do të marrim një hakmarrje…’.

Sipas Metro, përcjell Telegrafi, Irani vuan disavantazhe të mëdha ushtarake në krahasim me SHBA-në, pasi është detyruar të mbështetet në prodhimin e brendshëm të armëve pas një embargoje të armëve të SHBA-së dhe jo vetëm.

Sidoqoftë, forca e tij qëndron në rrjetin e saj të forcave të përfaqësuara të udhëhequra nga Forcat Quds, një njësi e Trupave të Gardës Revolucionare Islamike (IRGC) – një degë e Forcave të Armatosura të vendit të themeluara pas Revolucionit Iranian në 1979.

Fuqia ushtarake e Iranit

Irani ka një personel ushtarak aktiv prej rreth 523,000 trupave – me marinën, forcat ajrore dhe IRGC.

Por me një popullsi prej më shumë se 83 milionë banorësh, vendi ka aftësinë të tërheqë më shumë fuqi njerëzore nëse është e nevojshme (rreth 47 milionë).

Buxheti i tyre i mbrojtjes arrin në 6.3 miliardë dollarë, që është shumë më i vogël se ai i SHBA-së.

Fuqia e saj tokësore përbëhet nga 8,577 tanke luftarake, projektues raketash, artileri vetëlëvizëse, automjete të blinduara luftarake dhe artileri tërheqëse.

Fuqia ajrore, përfshirë edhe helikopterët, qëndron në 512 njësi, ndërsa ajo posedon 398 anije dhe nëndetëse.

Vendi aktualisht ka 12 raketa operative, të cilat janë kryesisht me rreze të shkurtër dhe me rreze të mesme, ndërsa një numër janë në zhvillim.

Sidoqoftë, një raport i Departamentit të Mbrojtjes së SHBA-së thotë se forcat raketore të Iranit janë më të mëdhatë në Lindjen e Mesme.

Fuqia ushtarake e SHBA-së

SHBA-ja pranohet gjerësisht se ka ushtrinë më të fortë në botë.

Fuqia e saj ushtarake është dukshëm më e fortë se ajo e Iranit me 1.281.900 personel aktiv dhe një shtesë 144,872,845 në dispozicion.

Ka një buxhet mbrojtës tronditës prej 716 miliardë dollarësh dhe megjithëse ka më pak raketa se Irani (shtatë), ato janë shumë më të avancuara, përfshirë Trident D-5 dhe një raketë balistike ndërkontinentale (ICBM).

Thuhet se SHBA dhe Rusia posedojnë më shumë se 90 për qind të kokave bërthamore në botë dhe të dy kombet kanë pothuajse një numër të barabartë.

Kombi amerikan gjithashtu ka forcën më të madhe ajrore dhe detare – kjo e fundit e matur me tonazh – në botë

Ushtria amerikane krenohet me 48.422 tanke luftarake, projektues raketash, artilerie vetëlëvizëse, automjete të blinduara luftarake dhe artileri tërheqëse. Në fuqinë e saj ajrore, SHBA aktualisht ka 10.117 njësi, si dhe 415 në forcat detare.

Siç edhe tanimë është bërë e ditur, presidenti Trump autorizoi sulmin ndërsa Soleimani po linte aeroportin ndërkombëtar të Bagdadit në Irak.

Soleimani, arkitekti i operacioneve klandestine dhe ushtarake të Teheranit, si shef i forcave të Qudsit të Gardës Revolucionare, u vra të premten në një sulm me dronë amerikanë derisa gjendej në një kolonë në aeroportin e Bagdadit.

Si përgjigje, autoritetet iraniane thuhet se kanë bërë të ditur se do të ofrojnë një shpërblim prej 80 milionë dollarësh për kokën e presidentit amerikan Donald Trump, pas vrasjes së gjeneralit Qasem Soleimani.

Sipas Mirror, një “ofertë e tillë” është bërë gjatë transmetimit televiziv të funeralit nga transmetuesit zyrtarë shtetërorë.

Veç kësaj, Irani ka bërë të ditur se nuk do të respektojë me asnjë kufizim të marrëveshjes bërthamore të vitit 2015, njoftoi të dielën televizioni shtetëror i vendit.

Gjithashtu, vrasja e gjeneralit iranian ka ndikuar që një vendim të merret edhe nga Parlamenti i Irakut, i cili ka nxjerrë një rezolutë me të cilën kërkohet largimi i trupave amerikane nga vendi.

trump-kina-1280x704.jpg
nev ila19:58 | 17/10/2019

Krahas luftës tregtare, që ka ndikuar në tkurrjen e ekonomisë botërore, Uashingtoni dhe Pekini tani janë përfshirë edhe në një luftë diplomatike. Kjo, pasi administrata amerikane ka nxjerrë një seri kufizimesh për aktivitetet e diplomatëve kinezë në Shtetet e Bashkuara.

Diplomatëve kinezë në Shtetet e Bashkuara do t’u duhet të njoftojnë para kohe autoritetet amerikane përpara se të zhvillojnë takime me zyrtarët vendas. Kështu thotë një udhëzim i ri i Departamentit të Shtetit, i cili përfshin edhe vizitat e diplomatëve në institucionet arsimore, si shkolla dhe universitete.

Duke reaguar qeveria kineze deklaroi se Shtetet e Bashkuara po shkelin ligjet ndërkombëtare, por Uashingtoni tha se diplomatët amerikanë përballen me të njëjtat kufizime në Kinë.

Lëvizja e administratës amerikane vjen në një kohë tensionesh mes dy vendeve për shkak të luftës tregtare. Sipas Departamentit të Shtetit, rregullat do të aplikohen për takimet me zyrtarë të pushtetit qendror e lokal, si dhe për vizitat në institucionet arsimore e ato kërkimore.

Një zyrtar amerikan deklaroi se në këtë mënyrë Shtetet e Bashkuara po balancojnë nivelin e lojës diplomatike me Kinën.

“Në Kinë, diplomatët amerikanë nuk kanë akses të lirë në takimet sociale, që janë të rëndësishme për të bërë punën e tyre”, sqaroi zyrtari.

Ndryshe, vijoi ai, diplomatët kinezë deri më sot kanë patur mundësi të shfrytëzojnë shoqërinë e hapur amerikane. Autoritetet në Shtetet e Bashkuara argumentojnë se diplomatëve kinezë nuk u është dashur të kërkonin leje për takimet e tyre, por vetëm të njoftonin Departamentin e Shtetit më parë./abcnews.al

Turqia.png
Vladimir Prenga09:31 | 12/10/2019

Turqia nuk po kalon momente të qeta, teksa ka nisur një mësymje në Sirinë Veriore. Një ditë më parë populli turk gëzoi për triumfin ndaj Shqipërisë në futboll, por sigurisht sytë janë në tjetër vend. Gjithçka e qartë, mjafton vetëm të lexosh atë që trajneri Senol Gunes ka shprehur pas ndeshjes me kuqezinjtë tanë.

“Vendi ynë lufton prej vitesh me terrorizmin. Është e vështirë të flasësh për futboll në një ditë si kjo. Jemi gati të jetojmë në harmoni me të gjithë në vendin tonë, pa dallim rrace, gjuhe apo feje. Ata që rrisin terroristë, shpresoj që të mbyten në gjakun e tyre. Ka qenë një periudhë e vështirë për shtetin tonë dhe zhvilluam një ndeshje stresuese. I uroj të gjithë tifozët, ndërsa lojtarët i putha në ballë. Po kalojmë një moment jashtëzakonisht të vështirë. Ishte një përballje stresuese dhe shumë e vështirë, kështu që nuk dua të bëj shumë analiza për takimin”, ka deklaruar Gunes.

Në fakt gjithçka ishte kuptuar pa nisur ndeshja. Masa sigurie të një niveli të lartë, ndalim i futjes së pankartave dhe shumë sendeve të tjera në stadium, kontrolle të rreptësishme, ndërkohë që edhe festa e golit ishte me një qëndrim “gati-tu”. Edhe Turqia e futbollit po e përjeton luftën.

Lojtarët e Turqisë, duke festuar golin e Tosun

LOTËT DHE GAFAT – Tërbim për humbjen. Shqipëria nuk e meritonte, por në futboll ndodh gjithçka. Rey Manaj mund të ishte kthyer në një hero, por lushnjari në dy raste nuk ia doli të shënonte dot. I pari ishte më flagranti dhe sulmuesi sqaroi pas ndeshjes se ia devijuan topin, ndërsa në rastin e dytë e mori keq dhe nuk diti të përfitonte.

Të gjithë gabojnë, sikurse bëri edhe portieri Thomas Strakosha. “Nuk munda ta ndihmoj skuadrën time atëherë kur duhej. Më vjen keq, pasi jam 24 vjeç dhe e kam njëfarë eksperience. Nuk më lejohet të bëj gabime të tilla”, deklaroi pas ndeshjes portieri, i cili më parë kishte marrë mbështetjen e gjithë shokëve të skuadrës.

Madje i pari që shkoi drejt Strakoshës së përlotur ishte Etrit Berisha, ai të cilit “gardiani” i Lazios i ka zënë vendin. Shqipëria vjen e para dhe normalisht të gjithë mbështesin njëri-tjetrin. Berisha ka provuar në të shkuarën të jetë në vendin e Strakoshës dhe e di çfarë do të thotë të gabojë portieri. Turqia i përket së shkuarës, Shqipëria tani duhet të mendojë për Moldavinë dhe më shumë për të ardhmen. Është momenti… /abcnews.al

Manaj në një aksion kundër Turqisë
djathi-italian-1280x719.jpg
nev ila23:07 | 03/10/2019

Rreziku për një luftë tarifash tregtare mes Shteteve të Bashkuara dhe Bashkimit Europian ka futur në “ethe” vendet e kontinentit të vjetër. Mes tyre, Italia po bëhet gati për të mbrojtur produktet e saj më prestigjoze si djathi, midhjet dhe pije te ndryshme.

Tarifat amerikane për produktet “Made in Italy”, që do të hyjnë në fuqi më 18 tetor, do të prekin me 25 për qind djathin, midhjet dhe pijet italiane.

Kështu thuhet në një listë të hartuar nga autoritetet amerikane, ku bëjnë përjashtim vetëm vaji i ullirit dhe vera.

Administrata Trump, sipas një zëdhënësi, shprehet megjithatë e gatshme të negociojë me BE-në për t’i zgjidhur nyjet e problemeve në tryezë.

Por rreziku për të thelluar klimën e tensionuar dhe për të arritur në një luftë të mirëfilltë tregtare ekziston dhe duke parë reagimin e tregjeve, do të kishte një efekt shkatërrues.

Situata ka shkaktuar reagimin e krerëve të shtetit italian. Vetë presidenti Serxho Matarela ka deklaruar se duhet të veprohet me përgjegjshmëri.

“Duhet të veprojmë me një përgjegjshmëri të madhe dhe të përbashkët. Zëvendësimi i politikave të bashkëpunimit me ato të konkurrencës nuk ndihmon”, ka thënë Matarela.

Ndërsa ministri i Jashtëm, Luixhi Di Maio, që në ditët e fundit u takua me sekretarin e Shtetit, Majk Pompeo ka deklaruar se do të bëjë gjithçka për të mbrojtur sipërmarrjet italiane.

“Do t’i mbrojmë me të gjitha forcat kompanitë italiane. E kam diskutuar çështjen edhe me sekretarin Pompeo dhe kemi nisur punën për një zgjidhje që mbron produktet ‘Made in Italy’”, ka thënë Di Maio.

Shefi i diplomacisë italiane ka theksuar se, një luftë tarifash do të dëmtonte edhe vetë Shtetet e Bashkuara.

Ndërkohë, në Europë lista me produktet amerikane që do të bien pre e “hakmarrjes” është tashmë gati.

Ajo varion nga verërat kaliforniane tek arrat dhe lajthitë dhe nga çamçakëzat tek duhani./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono