Luciano Moggi

moggi-1280x720.jpg
Igli Nikolli22:13 | 11/12/2019

Luciano Moggit nuk i pëlqen ky Juventus. Ish-drejtuesi i famshëm i bardhezinjve, i cili punoi për një farë kohe edhe te Partizani, thekson për Radio Bianconera se ekipi po vuan në mesfushë.

Edhe fakti që Mario Mandzukic nuk po aktivizohet ka efektin e vet, teksa Moggi bën një analizë për objektivin Champions League të ekipit të Sarrit dhe shpjegon se pse Federico Chiesa nuk bën për “Zonjën e Vjetër”.

Juventus e humbi ndeshjen për faj të mesfushës. Lazio bëri ligjin në pjesën e dytë dhe trajneri duhet t’i përshtatet skuadrës. Është fakt që ekipi nuk pësonte më parë, ndërsa tani përmbyset edhe kur është në avantazh.

Mario Mandzukic

Mendoj se ekipit i mungon Mandzukic. Kroati mund të jetë një vlerë e shtuar në sulm, por edhe në mbrojtje e mesfushë. Më duket e padrejtë lënia e tij mënjanë. Nëse do të analizojë lojtarët e Juventusit, them që Juventusi mund të fitojë Champions League, ndërsa sa i përket ekuilibrit të ekipit shoh mirë ekipe si Bayern Munchen, Manchester City, Barcelona dhe Real Madrid.

Kieza? Ai është një futbollist i mirë, por për një skuadër që luan në kundërsulm. Nuk është i përshtatshëm për Juventusin. Unë kisha Henry, ai kishte nevojë për 40 metra hapësirë. Vendosëm t’i besonim më shumë Trezeguet“, përfundon Luciano Moggi. /abcnews.al

Moggi-1.png
Igli Nikolli14:35 | 16/11/2019

Të gjithë sillen sikur dinë diçka, por në fund do të vendosë vetëm ai, Zlatan Ibrahimovic. Një prej sulmuesve më të mirë të dy dekadave të fundit ka ende adhurues, pavarësisht 38 viteve mbi supe. Karriera e suedezit do të vazhdojë në kampionatin italian, por mbetet ende mister klubi i ardhshëm.

Mund të jetë një rikthim te Milani, një aventurë emocionuese te Napoli ose transferimi te Bologna. Luciano Moggi e njeh mirë, është personi që realizoi kalimin nga Ajaksi te Juventusi shumë vite më parë dhe është i bindur për zgjedhjen e Ibrës. Në një prononcim për calciomercato.it, ish-drejtori i përgjithshëm e Juves dhe Partizanit, zbulon ekipin e ardhshëm të goleadorit të madh.

Ibra në janar do të kthehet në Itali. Kam biseduar me të dhe gruan e tij. Ajo është e dashuruar me Milanon, por besoj se Zlatan do të shkojë te Bologna. Aty do të ketë më pak presion dhe më shumë hapësira për t’u aktivizuar“, thekson Moggi. /abcnews.al

Moggi.jpg
Igli Nikolli18:50 | 08/10/2019

Luciano Moggi njihet për batutat e tij. Ish-administratori i deleguar i Juventusit, i cili pati edhe një aventurë të shkurtër në Shqipëri si drejtori sportiv i Partizanit, është ndalur te rivaliteti midis Interit dhe Juventusit.

82-vjeçari i rikthehet edhe njëherë merkatos së verës dhe thumbon zikaltrit dhe Romelu Lukakun në prononcimin e dhënë për Libero. Ky i fundit nuk shënoi përballë bardhezinjve, të cilët fituan ndeshjen me golat e Dybala dhe Higuain.

“Heqja dorë nga blerja e Romelu Lukakut ishte goditja më e madhe e Juventusit. Në verë pëshpëritej se belgu mund të transferohej në Torino dhe Higuain tek Interi. Më duket shumë e qartë se kush ka dalë i fituar… “, thekson Luciano Moggi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono