LSI

LUAN-RAMA-1.jpg
G. P.15:44 | 19/06/2019

Lëvizja Socialiste për Integrim i bën thirrje kryeministrit dhe institucioneve që zbatojnë urdhrat e qeverisë të tërhiqen. Nëse kjo nuk ndodh  zëvendëskryetari i LSI-së Luan Rama paralajmëron revoltë të pamëshirshme.

“Përballë një situate kriminale zgjedhjesh natyrisht edhe produkti nuk mund të jetë i ndryshëm. Zgjedhjet me kriminelë prodhojnë qeverisje me kriminelë. Zgjedhjet em banda prodhojnë qeverisje banditeske. Ajo çfarë duhet bërë në këtë moment është tërheqja e menjëhershme e qeverisë dhe të gjitha institucioneve që zbatojnë nën urdhrat e saj dhe jo ligjin sepse përndryshe revolta, zemërimi popullor do të jetë i pamëshirshëm përballë të gjithë atyre që veprojnë në kundërshtim me ligjin”, tha Luan Rama./ABC News Albania 24/7

KRONIKE-KOLEGJI-ZGJEDHOR.mpg_snapshot_00.21-1280x720.jpg
ent ela17:00 | 06/06/2019

Kolegji Zgjedhor rrëzoi kërkesën e PD-së dhe LSI-së për të pasur anëtarë në Komisionet Zonale të Administrimit Zgjedhor në zgjedhjet lokale të 30 qershorit. Të njëjtin vendim kishte marrë më hereët edhe Komisioni Qendrori i Zgjedhjeve.

Partia Demokratike dhe Lëvizja Socialiste për Integrim nuk do të kenë komisionere në Komisionet Zonale të Administrimit të Zgjedhjeve, në zgjedhjet e 30 qershorit. Kolegji Zgjedhor rrëzoi padinë e bërë nga dy partitë kryesore të opozitës. Kolegji vendosi që këtë padi ta dokumentonte si një të vetme, veprim i cili u përshëndet nga sekretari i Çështjeve zgjedhore në PD, Ivi Kaso. Pas përfundimit të seancës Kaso u shpreh për mediat se Kolegji nuk kishte asnjë prove për të rrëzuar kërkesën.

PD dhe LSI paraqiten Padi në kolegjin zgjedhor pasi Komisioni Qëndror i Zgjedhjeve rrëzoi kërkesën e tyre për të pasur komisionerë në KZAZ. KQZ e kishte rrëzuar kërkesën me arsyetimin se Partia Demokratike dhe Lëvizja Socialiste për Integrim i nuk jane regjistruar si subjekte pjesëmarrëse në këto zgjedhje. /ABC News Albania 24/7

OPOZITA-PER-PERGJIMET111-1280x661.jpg
ent ela16:28 | 06/06/2019

Partia Demokratike dhe LSI janë bashkuar në qëndrimin se dorëheqja e Kryeministrit do dukej të ishte rutinë pas përgjimeve të publikuara nga gazeta gjermane Bild. Në dalje të veçanta publike, Enlekejd Alibeaj e Luan Rama deklaruan se Rama po bën të kundërtën e reflektimit, duke kërcënuar ata që publikojnë provat e blerjes së votave.

E kërkojnë prej kohësh dorëheqjen e kryeministrit.Pas përgjimeve të publikuara nga gazeta gjermane Bild ky gjest duhet të ishte rutinë thonë demokratët. Megjithatë janë të ndërgjegjshëm se Edi Rama nuk do ta hedhë atë firmë.

Enkelejd Alibeaj: “Por, kur bëhet fjalë për pushtetin dhe mbajtjen e tij në çdo formë e me çdo mjet, Edi Rama, është krejt i parashikueshëm dhe nuk zhgënjen asnjëherë”.

Kryeministri ilegjitim, i ardhur në pushtet me votat e blera nga krimi, siç konfirmuan edhe përgjimet e fundit të gazetës Bild, jo vetëm nuk po e konsideron dorëheqjen, por është vënë në mbrojtje të Vangjush Dakos, duke arritur deri tek kërcënimi publik i kujtdo që nxjerr sekretin e bashkëpunimit me krimin për blerjen e votave.

Jo vetëm nuk e dha dorëheqjen por po ndërmerr edhe akte të paprecedenta deklarojnë nga kampi tjetër opozitar.

Luan Rama: “Dhe kur duhej që Kryeministri i maxhorances se krimit të jepte menjëherë dorëheqjen, ndërseu lukuninë e budallenjve të shfaqeshin se ishin të shqetësuar medemek, ngase nuk është ruajtur sekreti hetimor?!”

Ruajtja e sekreti hetimor është çeshtje e Prokurorisë, jo e deputeteve te maxhorancës!

Sipas opozitës së bashkuar zbardhja e të vërtetës përmes publikimit të disa përgjimeve që lidhen me atë që është njohur si dosja 339, në fakt është vetëm maja e aisbergut të krimit shtetëror! Prandaj ata nuk shohin zgjidhje tjetër për numrin një të qeverisë.

Enkelejd Alibeaj: “Pjesëmarrja dhe vendosmëria e shumicës së shqiptarëve për të mos pranuar paktin e tij me krimin, është përgjigja më e mirë për kryeministrin ilegjitim të votave të blera me krimin”.

Luan Rama: “E vërteta është apel për t’u ngritur, të gjithë bashkë e më të vendosur kundër krimit shtetëror! E keqja nuk largohet, por luftohet!” /ABC News Albania 24/7

LUAN-RAMA-1280x706.jpg
G. P.13:51 | 06/06/2019

Zv/kryetari i Lëvizjes Socialiste për Integrim, Luan Rama, përmes një konference për mediat reagoi në lidhje me përgjimet e publikuara nga gazeta gjermane “BILD”. Sipas Ramës, përgjimet e publikuara tregojnë se krimi i organizuar përmes krimit elektoral është shndërruar në krim shtetëror.

“Krimi elektoral për fat të keq është i shtrirë në një zonë më të gjërë. Dosja 339 edhe për aq sa na është dhënë përmes publikimit të disa përgjimeve, edhe ato që u dhanë së fundmi nga BILD është mjaftueshme për të kuptuar se krimi i organizuar përmes krimit elektoral është shndërruar në krim shtetëror.

Të gjithë tashmë e kanë të qartë se si janë vjedhur votat, si janë blerë votat dhe si është krijuar mazhoranca e krimit. Të gjithë janë të qartë se si janë bërë listat për deputet të mazhorancës”, tha Rama.

Për sa i përket reagimit të depuetetëve socialistë në lidhje me nxjerrjen e sekretit hetimor, Rama tha se ata kanë problem përmbajtjen e përgjimeve të zbardhura.

“Ruajtja e sekretit hetimor është çështje e prokurorisë dhe jo e deputetëve të mazhorancës. Halli i deputetëve të mazhorancës është përmbajtja e përgjimeve të zbardhura. Përmbajtja e dosjeve që mbahen të mbyllura dhe pa u trajtuar ligjërisht siç e kërkon ligji, të cilat nëse nuk do ishin publikuar do ishin varrosur për shkak të një prokurorie të kapur”, tha Rama.

Urdhrin e prokurorisë për të mos publikuar më përgjimet e dosjes në media, Luan Rama e konsideroi akt të shëmtuar që cenon lirinë e medias dhe të drejtën e shqiptarëve për informim./abcnews.al

Lulzim-Basha-2.jpg
nev ila09:21 | 02/06/2019

Opozita shqiptare sot mban protestës e radhës në Tiranë, një ditë pas fillimit të fushatës zgjedhore nga PS për zgjedhjet e 30 qershorit.

Protesta organizohet nga Partia Demokratike dhe aleatët e tyre dhe do të zhvillohet në mbrëmje në orën 19:00.

Protesta do të zhvillohet para Kryeministrisë, ndërsa sipas burimeve njoftohet se, do të ketë edhe një marshim paqësor para Parlamentit, ashtu si edhe në protestën e 25 Majit.

Opozita shqiptare është shprehur e vendosur, gjatë gjithë këtyre ditëve në takimet e zhvilluara në qytete të ndryshme, se nuk do të ndërpres protestat deri në largimin e kryeministrit Rama, të cilin e akuzojnë për kapje të shtetit./abcnews.al

LUAN-RAMA-1280x697.jpg
Sej rie15:00 | 29/05/2019

LSI ka reaguar nëpërmjet zëvendëskryetarit të saj, Luan Rama në një deklaratë për mediat në lidhje me rekomandimin e KE-së për hapje të negociatave me Shqipërinë. Në fjalën e tij Luan Rama u shpreh se mazhoranca ka refuzuar bashkëpunimin kombëtar me opozitën për integrimin evropian të vendit.

Deklarata për mediat e Zëvendëskryetarit të LSI-së, Luan Rama

Duke marrë shkas nga konferenca për shtyp që zhvilluan pak minuta më parë dy komisionerët Mogherini dhe Hanh në Bruksel, përmes të cilit u bë e ditur se Komisioni Europian sërish rekomandon çeljen e negociatave me Shqipërinë, jam këtu për të theksuar në emër të LSI-së, se natyrisht, përveç vullnetit të Komisionit që ne e përshëndesim, rekomandimi i sotëm nxjerr edhe njëherë zbuluar atë që në fakt ne e kemi denoncuar që një vit më parë, gënjeshtrën e para një viti kur qeveria me hipokrizi dhe pafytyrësi i gënjeu shqiptarët duke ua paraqitur atyre rekomandimin e 2018-ës si vendim për çeljen e negociatave me Shqipërinë.

Jo vetëm kaq, por u bë dhe festë, u hapën shampanja, pati mesazhe emfatike edhe nga ish-eurodeputetë, siç pati një ceremoni shpërndarjeje dekoratash nga Kryeministri për disa ambasadorë që kishin luajtur apo kishin ndikuar sipas tij me rolin e tyre të veçantë për të mundësuar çeljen e negociatave me Shqipërinë.
Mirëpo ja ku jemi prapë sot në rekomandimin e radhës që gjithashtu ka të bashkëlidhur edhe shumë “por”, por si kushtëzuese dhe duhet gjithashtu si kushte të cilat Shqipëria do duhet ti përmbushë. Për koherencë, më lejoni t’ju bëj të qartë dhe të sjell në vëmendje tuaj se një vit më parë, pra përpara sesa Komisioni Europian në vitin e kaluar të bënte rekomandimin e radhës, opozita i ndërpreu protestat, ndërpreu reagimet demonstrative për të krijuar kushtet që rekomandimi i 2018-ës, të gjente miratimin e Këshillit dhe për rrjedhojë Shqipëria të meritonte çeljen e negociatave, gjë që nuk ndodhi.
Edhe në kuadër të këtij viti, pas bojkotit parlamentar prej shtatorit deri në dhjetor të vitit të kaluar, opozita u rikthye në Kuvend për t’i dhënë mundësi reflektimi të gjithë klasës politike, por dhe për t’i ofruar shansin mazhorancës që të institucionalizohej dialogu politik, që të krijohej një klimë bashkëpunimi dhe mundësisht kompromisi për të mbërritur tek një pakt kombëtar për integrimin europian të vendit, pasi përmbushja e këtij prioriteti është mbi të gjitha detyrë atdhetare, detyrë patriotike dhe që ka si komponentët e përbashkët interesin e Shqipërisë dhe përmbushjen e dëshirës së qytetarëve shqiptarë për tu bërë dhe ata pjesë e bashkësisë së vlerave të familjes europiane.
Mirëpo çfarë ndodhi?Qeveria, mazhoranca me arrogancë dhe me mospërfillje, me fyerje, refuzoi klimën e bashkëpunimit dhe të kompromisit. Sabotoi edhe Paktin Kombëtar për integrimin europian, duke e kthyer këtë prioritet kombëtar në një sfidë të egos së vet politike dhe duke demonstruar në këtë mënyrë jo thjesht dhe vetëm mungesë vullneti, por ç’është më e rënda duke e sabotuar me papërgjegjshmërinë në qeverisje të gjithë procesin e integrimit europian të Shqipërisë, çka dëshmohet tek dy nënvizime të rëndësishme që përmbajnë edhe rekomandimet e sotme dhe që kanë të bëjnë me luftën kundër korrupsionit dhe krimit të organizuar, të këtyre dy sëmundjeve endemike të shoqërisë shqiptare.
E afërmendsh, korrupsioni dhe krimi i organizuar janë detyrat e para të qeverisë, ashtu sikundër korrupsioni dhe krimi i organizuar janë përgjegjësi e drejtpërdrejtë e qeverisë, e cila mesa duket dëshmon se nuk ka prioritet integrimin europian të vendit, dëshmon se ka një axhendë tjetër të ndryshme nga axhenda kombëtare e integrimit europian të Shqipërisë.
Prandaj theksohet dhe kjo është e rëndësishme në rekomandim, se Shqipëria duhet të vazhdojë luftën kundër krimit të organizuar, duhet të vazhdojë luftën kundër korrupsionit. Por edhe duke mbërritur në një konsensus të fortë kombëtar për të bërë të mundur përmbushjen e këtij prioriteti kombëtar. Edhe njëherë dua të theksoj, nuk thotë kot populli, gënjeshtra i ka këmbët e shkurtra, pavarësisht se e keqja e qeverisë për fatin e keq të shqiptarëve i ka jo vetëm këmbët, por edhe duart e gjata./ABC News Albania 24/7

ilir-meta123.jpg
G. P.11:08 | 24/05/2019

Kreu i Shtetit Ilir Meta ka deklaruar se është i gatshëm të rishikojë dekretin presidencial që ka përcaktuar datën 30 qershor për zhvillimin e zgjedhjeve vendore. Përmes një reagimi Meta ka theksuar se për zgjidhjen e krizës është i gatshëm të sakrifikojë edhe mandatin e tij.

“Presidenti cakton datën e zgjedhjeve për Kuvendit, për organet e pushtetit vendor dhe për zhvillimin e referendumeve”

Është kjo pika kushtetuese e referuar nga presidenti Meta si bazë ligjore e zgjidhjes që ai ofron nga karrigia e kreut të shtetit për krizën politike në vend.

“Në këtë kuadër, shpreh gadishmërinë time institucionale, që në përputhje me kompetencën që më jep shkronja “gj” e nenit 92 të Kushtetutës, të rishikoj Dekretin për caktimin e datës së zgjedhjeve vendore dhe të dekretoj një datë tjetër për zhvillimin e tyre, në përputhje me vullnetin e shprehur të palëve politike”.

Për këtë përsërit deklaratën e pak muajve më parë.

“Mbetem i gatshëm që për një zgjidhje që i shërben interesit më të mire, stabilitetit dhe demokracisë së vendit; të vendos në dispozicion edhe mandatin tim si President i Republikës, nëse palët e gjykojnë edhe këtë element si të rëndësishëm për një zgjidhje gjithëpërfshirëse, që do t’u jepte qyetetarëve shqiptarë të drejtën për të zgjedhur edhe Presidentin me votën e tyre të lirë”.

Garantimi i rendit kushtetues, sigurisë publike, stabilitetit të vendit dhe i zgjedhjeve demokratike, të lira dhe të ndershme janë parime kushtetuese që mbizotërojnë mbi çdo aspekt tjetër formal, përfshirë këtu rishikimin e datës së zgjedhjeve. – deklaroi Meta duke i bërë thirrje palëve të ndalojnë retorikat si reflektim i sinqertë ndaj apelit të Parlamentit Gjerman, i shprehur i gatshëm për ndërmjetësimin e dialogut mes palëve.

/ABC News Albania 24/7

 

kqz.jpg
G. P.12:46 | 23/05/2019

Komisioni Qendror i Zgjedhjeve ka hedhur poshtë kërkesën e Partisë Demokratike dhe Lëvizjes Socialiste për Integrim për të pasur komisioner në zgjedhjet e 30 Qershorit. Mazhoranca në KQZ kundërshtoi me argumentin se partitë nuk janë subjekte zgjedhore, ndërsa opozita e mbështet kërkesën në ligj.

Partia Demokratike dhe Lëvizja Socialiste për Integrim nuk do të kenë komisionerë në Komisionet Zonale të Administrimit të Zgjedhjeve në vendoret e 30 Qershorit.

Me katër  vota kundër  dhe një pro Komisioni Qendror i Zgjedhjes ka rrëzuar kërkesën e opozitës jo parlamentare. Anëtarët socialiste në KQZ kanë argumentuar votën kundër me arsyetimin se PD dhe LSI i kanë bojkotuar këto zgjedhje.

“Nëse nuk je i regjistruar në zgjedhje nuk mund të kesh pjesë në administrimin dhe në menaxhimin e zgjedhjeve. Nuk mund të çosh komisionerë në strukturat e nivelit të dytë dhe të tretë. Është shumë e qartë. Nuk e di pse u bë ky provokim”, tha nënkrytari Bibaj.

Ndërsa kryetari i Komisionit Qendror të Zgjedhjeve, Klement Zguri, thotë se kërkesa e PD-së dhe LSI-se vjen brenda kornizës ligjore.

“Neni 29, pika 5, paragrafi 2 thotë “anëtarët e emëruar kryesisht qëndrojnë në detyrë deri në emërimin e anëtarëve të propozuar nga partitë politike”. Sipas këtij neni zëvendësismet duhet të kryhen jo më shumë se 30 ditë para datës së zgjedhjeve. Pse qenka provokim ma thoni? Këta zotërinjt që kanë sjellë listën a janë parti politike”, tha Zguri.

Para se KQZ të vendoste, përfaqesuesi ligjor i Partisë Demokratike paralajmëroi anëtarët se nëse nuk udhëhiqen nga ligji do të përballen me forcën e tij.

“Procesi zgjedhor i ofrohet këtij vendi është një proces i mbushur me paligjshmëri, të cilat shkojnë që nga shkelja e afatit deri në tentativat e emërimit të një opozite fasadë me qëllimin që të zëvendësohet opozita e vëretetë. Gjej rastin të paralajmëroj anëtarët e KQZ se në qoftë se vendimmarrja e tyre nuk udhëhiqet nga ligji do ballafaqohet me forcën e ligjit dhe me përgjegjësi penale”, tha Kaso.

Me mbyllje të mbledhjes, Kaso u shpreh se KQZ vendosi me urdhër politik.

“KQZ në mënyrë të paprecedentë në mnëyrë antiligjore dhe me urdhër të drejtpërdrejtë të eksponentëve të PS-së, Damian Gjiknuri dhe Taulant Balla iu nënshtruan presionit joligjor dhe i mohuan opozitës së bashkuar të drejtën e saj për të paraqitur komisionerë në KZAZ. Është një e drejtë që opozitës i buron nga fryma e Kushtetutës, nga Kodi Zgjedhor”, tha Kaso.

Partia Demokratike sipas Kasos do të ndërmarrë të gjithë hapat ligjor për ta kundërshtuar vendimin e KQZ-së./ABC News Albania 24/7

PROVOKACIJA-17-MAJ-MONOLOGU-ALFRED-PEZA-PJESA-1.mpg_snapshot_27.09-1280x720.jpg
ent ela20:45 | 17/05/2019

I pyetur për tentativën e PD dhe LSI për të prishur zgjedhjet e 30 qershorit, Peza thekson se kjo nuk është e mundur, pasi edhe matematikisht duhet të jenë  1, 2 ose 3 mijë kamikazë në 5300 qendrat e votimit në gjithë vendin, që të hedhin vetën në erë për t’u futur në burg se i duhet Bashës dhe Kryemadhit.

Nano: “Ti mendon që PD e LSI mund ta kenë në plan tentativën për të prishur zgjedhjet?”

Peza: “Kurrë mos thuaj kurrë në politikë e sidomos në Shqipëri. Në Shqipëri sipas KQZ janë 5300 qendra votimi në gjithë territorin.

Nëse ata kanë ndërmend t’i prishin janë 5300 -5400 qendra, mjafton një numër të tillë ku vihet në diskutim mandati i të zgjedhurit në atë territor. Nëse një kryetar bashkie do zgjidhet me një deiferencë 1 mijë vota dhe grupet e tyre do shkatërrojnë procesin që bëjnë difëerncën fituese, atëherë ky proces konsiderohet teknikisht i prishir. Por që kjo të ndodhë në gjithë territorin dhe kaq të kalkuluar matematikisht duhen nja 1, 2, 3 mijë kamizkazë që të hedhin veten në erë për t’u futur në burg se i duhet Lulit e Monikës që të prishet rezultati dhe ai të futet 7 vjet në burg. Unë nuk besoj që sot ka kaq shumë budallenj”. /abcnews.al

monika-kryemadhi.jpg
Sej rie15:23 | 04/05/2019

Kryetarja e Lëvizjes Socialiste për Integrim Monika Kryemadhi ka dhënë disa mesazhe nga konventa e partisë. Ajo e cilësoi kryeministrin Edi Rama një telekomandë me dy funksione që komandon krimin dhe komandohet nga ata, por që nga sot e tutje, LSI nuk do të tërhiqet nga angazhimi i saj për largimin e shefit të qeverisë.

Në fjalimin përpara anëtarëve të Lëvizjes Socialiste për Integrim, Monika Kryemadhi i bëri thirrje shqiptareve te bashkohen ne protestën e 11 Majit duke nënvizuar se nuk do të ketë zgjedhje farse pa opozitën.

Trëndafilin e Partisë Socialiste e ka zëvendësuar me uturakun e qarqeve antishqiptare ka deklaruar kryetarja e LSI-së duke e akuzuar kryeministrin Edi Rama si një faktor pro ndarjes së Kosovës.

Në fund Konventa e Lëvizjes Socialiste për Integrim miratoi rezolutën me të cilën po përgatitet për zgjedhjet e përgjithshme parlamentare pas krijimit të një qeverie tranzitore./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono