londra

HAKERAT-RUSIA-1280x720.jpg
ent ela21:13 | 16/04/2018

Uashingtoni dhe Londra kanë bashkuar forcat për t’iu kundërpërgjigjur kërcënimit kibernetik rus, të cilin e konsiderojnë përgjegjës për sulme në të gjithë botën, në dëm të agjencive qeveritare dhe kompanive private.

Shtetet e Bashkuara dhe Britania deklaruan të hënën se, hakera të mbështetur nga qeveria ruse kanë ndërmarrë një fushatë spiunazhi kibernetik që ka vënë në shënjestër agjencitë qeveritare, bizneset dhe operatorët e infrastrukturës në mbarë botën. Zyrtarë të të dy vendeve thanë në një konferencë për shtyp se ofensiva kibernetike e mbështetur nga Kremlini ka prekur rrjetet kompjuterike në mbarë botën, duke u kthyer në një rrezik të lartë. Për këtë arsye, ata paralajmëruan kundërsulme. “Kur të shohim aktivitete kibernetike dashakeqe, qofshin nga Kremlini apo aktorë të tjerë shtetërorë, ne do të kundërpërgjigjemi”, deklaroi Rob Joyce, koordinator për sigurinë elektronike në Shtëpinë e Bardhë. Në shkurt, Shtëpia e Bardhë fajësoi Rusinë për sulmin e koduar “Not Petja” të vitit 2017, duke iu bashkuar akuzave të bëra më herët nga Mbretëria e Bashkuar, për lëshimin e një virusi që dëmtoi infrastrukturën elektronike kudo në botë. “Ata mund t’i kenë gati për t’i përdorur sërish në kohë krizash”, paralajmëroi Ciaran Martin, shef i Agjencisë Kombëtare për Sigurinë Kibernetike të Britanisë. Sipas zyrtarëve, sulmet ruse vunë në shënjestër një gamë të gjerë organizatash, përfshirë ato për furnizimin e internetit, firma të sektorit privat dhe të tjera që kujdesen për sigurinë e infrastrukturave. /abcnews.al

 

helmimi.jpg
gra moz15:11 | 04/04/2018

Londra e ka cilësuar si përverse, kërkesën e Moskës për përfshirje në hetime për rastin e helmimit t ë ish-spiunit Skripal. Kjo deklaratë është bërë në mbledhjen emergjente të Organizatës për Ndalimin e Armëve Kimike në Hagë.

Mbretëria e Bashkuar e ka përshkruar si “perverse” propozimin e Rusisë për një hetim të përbashkët lidhur me helmimin e ish-spiunit rus dhe të bijës në Salisbury muajin e kaluar. Komentet vijnë pasi Londra mori pjesë në një mbledhje emergjence të Organizatës Ndërkombëtare për Ndalimin e Armëve Kimike, lidhur me këtë çështje. Rusia, e cila thirri mbledhjen, kërkon nga Britania që të japë prova për akuzat e saj.

Londra është plotësisht e bindur që pas sulmit ndaj Sergej dhe Julia Skripal qëndron Moska. Por Kremlini mohon çdo përfshirje në këtë ngjarje. Qeveria britanike pretendon se një agjent nervor i nivelit ushtarak i quajtur Noviçok dhe që është zhvilluar nga Rusia është përdorur në sulmin ndaj ish-spiunit me 4 Mars. Incidenti ka shkaktuar një përplasje të madhe diplomatike, me dëbimin e 130 diplomatëve të Rusisë nga Britania, SHBA dhe vende aleate ku përfshihet dhe Shqipëria. Nga ana tjetër edhe Moska ka dëbuar të njëjtin numër diplomatësh të huaj nga vendi.

Në mbledhjen e Organizatës Ndërkombëtare për Ndalimin e Armëve Kimike që zhvillohet në Hagë, Rusia si shtet anëtar i saj kërkon të dijë se çfarë provash ka prezantuar qeveria e Londrës. Ndërsa këta të fundit janë përgjigjur duke thënë: “Propozimi i Rusisë për një hetim të përbashkët për incidentin në Salisbury është pervers. Është një taktikë përçarëse dhe ka për qëllim të dezinformojë në mënyrë që autoritetet e Rusis t’i shpëtojnë pyetjeve që duhet t’iu përgjigjen”.

Ndërkohë, Organizata Ndërkombëtare për Ndalimin e Armëve Kimike, Brenda kësaj jave do të zbulojë ecurinë e hetimeve të saj të zhvilluar në mënyrë të pavarur sa i përket çështjes “Skripal”. Gjithashtu do të kontrollojë edhe nëse në Rusi nuk janë shkatërruar të gjitha armët kimike./abcnews.al

PAQJA-NE-BOTE-1280x720.jpg
ent ela15:57 | 13/03/2018

Paqja në botë është në buzë të humnerës. Sipas mediave ndërkombëtare, janë dy ngjarjet që rrezikojnë të prishin ekuilibrat botërorë dhe të fusin fuqitë e mëdha në luftë: helmimi i ish-spiunit rus në Angli dhe ndërhyrja turke në Siri.

Rendi botëror duket gjithnjë e më i rrezikuar në një kohë, kur marrëdhëniet mes fuqive të mëdha janë më të tensionuara se kurrë. Së fundmi janë dy ngjarjet që përforcojnë tezat për një konflikt të armatosur global: helmimi i ish-spiunit rus në Angli dhe ndërhyrja ushtarake e Turqisë në Siri.

Rasti i Sergei Skripal është kthyer në një luftë diplomatike mes Londrës dhe Moskës, që është përshkallëzuar nga ultimatumi i kryeministres Theresa May drejtuar Kremlinit. Akuzave të Mbretërisë së Bashkuar për përfshirjen e shtetit rus në agresionin me agjent kimik ndaj Skripal i është përgjigjur këtë të martë shefi i diplomacisë ruse, Sergei Lavrov.

Lavrov i ka bërë thirrje May që para se të ngrejë akuza të zbatojë rekomandimet që rrjedhin nga Konventa botërore për Ndalimin e Armëve Kimike, ndërsa u ka dhënë përgjigje edhe paralajmërimeve se Britania do të reagojë.

“Para se të bëjnë këtë ultimatum, se brenda 24 orëve duhet t’i japim llogari qeverisë britanike, të zbatojnë më mirë vetë detyrimet e tyre sipas ligjit ndërkombëtar, në këtë rast Konventës për Ndalimin e Armëve Kimike. Sa u përket mënyrave të sjelljes pastaj, nuk duhet të harrojmë se epoka e kolonializmit ka kohë që i përket së shkuarës”, ka thënë Lavrov.

Por ndërkohë në mediat britanike aludohet se përgjigjia e Londrës zyrtare, që helmimin e ka cilësuar një agresion në territorin e saj, do të jetë një sulm kibernetik ndaj Rusisë. Nga ana tjetër, Turqia pro-ruse vazhdon ndërhyrjen e saj ushtarake në zonat me shumicë kurde të Sirisë, ku ndodhen edhe milici të mbështetura nga Shtetet e Bashkuara.

Dhe duke u shprehur e vendosur për të vijuar operacionet e saj, Ankaraja zyrtare ka lënë të kuptohet se është gati të prishë përfundimisht marrëdhëniet me Uashingtonin, që gjithsesi janë në nivele minimale./abcnews.al

vlcsnap-error323-2-1280x720.jpg
ent ela15:29 | 28/02/2018

Britania ka kundërshtuar propozimet e fundit të Bashkimit Europian, për kufirin me Irlandën Veriore. Kryeministrja Tereza Mej thekson se qëndrimi i Irlandës Veriore në unionin doganor të BE-së, është kërcënim për “integritetin kushtetues” të vendit.

Çështja Irlandeze rrezikon që të fundosë negociatat për Brexit, ose në të kundërt mund t’I japë pavarësinë de fakto Irlandës së Veriut. Në njërin rast apo në tjetrin, ka shpërthyer një krizë e re në bisedimet mes Londrës dhe Brukselit. Këtë ngërç të ri e shkaktoi marrëveshja e arritur në dhjetor mes Britanisë së Madhe dhe Unionit Europian në përfundim të fazës së parë të negociatave që u përqëndrua në divorc, ndërsa e dyta, që filloi prej disa javëve, ka të bëjë me raportes e ardhshme mes Londrës dhe Brukselit.

Drafti i prezantuar nga shefi negociator europian, Michel Barnier, përmban dy indikacione thelbësore: qëndrimin e Irlandës së Veriut në unionin doganor, si zgjidhje për të mbajtur të hapur kufirin me Republikën e Irlandës dhe në të ardhmen, atë mes Mbretërisë së Bashkuar dhe BE-së; si dhe rolin e mbikëqyerjes për Gjykatën Europiane të Drejtësisë në interpretimin e marrëveshjes. Për Barnier bëhet fjalë për pakte të dakordësuara që në dhjetorin e kaluar dhe tani janë transkriptuar në një dokument me vlerë ligjore.

Por kjo për “Doëning Street” dhe “DUP”, partinë e vogël unionist të Irlandës së Veriut që I garanton maxhorancën qeverisë britanike, bëhet fjalë për kushte të papranueshme. Kryeministrja Theresa May thotë se propozimi I Bashkimit Europpian për kufirin në Iralndën e Veriut është një kërcënim për “integritetin kushtetues” të Mbretërisë së Bashkuar. Gjithashtu nënvizoi se asnjë kryeministër britanik mund të dakordësohej me këtë kusht./abcnews.al

 

ekstradim-933x445.jpg
ent ela09:05 | 16/02/2018

Nga specialistët e  Interpolit u krye ekstradimi nga Londra drejt vendit tonë, i shtetasit shqiptar Alban Beshiri 36 vjeç,  lindur  në Vorë, Tiranë.

Shtetasi Alban Beshiri është shpallur në kërkim pasi me vendimin penal nr. 3727, datë 30.10.2015, Gjykata e Rrethit Gjyqësor Tiranë e ka dënuar këtë shtetas me 6 muaj burg për veprën penale “Kanosje e gjyqtarit” parashikuar nga neni 317 i Kodit Penal.

 

Përmbledhje e ngjarjes së ndodhur:

Nga data 18.07.2014 e në vijim shtetasi Alban Beshiri ka kërcënuar gjyqtaren O.Ç. e cila po shqyrtonte çështjen gjyqësore ndaj tij ku ai ishte i akuzuar për veprën penale “Dhunë në familje”, duke e telefonuar dhe duke i dërguar mesazhe telefonike me përmbajtje kërcënuese.

Si rezultat i bashkëpunimit të Interpol Tiranës me Interpol Manchester, u bë i mundur arrestimi i tij në Londër, duke u finalizuar me ekstradimin e tij drejt vendit tonë./abcnews.al

brexit-1.jpg
gra moz21:51 | 09/02/2018

Brukseli i ka dërguar mesazhin e radhës Londrës, se në mungesë të respektimit të kritereve, procesi i daljes nga Bashkimi Europian do të realizohet pa atë që njihet si periudha e tranzicionit.

“Londra ose duhet të pranojë rregullat, ose nuk do të ketë fare tranzicion”. Mesazhi i qartë për Mbretërinë e Bashkuar është dhënë nga ndërmjetësi i BE për Brexit, Michel Barnier.

“Jam shumë i habitur nga mosmarrëveshjet e britanikëve. Koha nuk pret”, ka deklaruar Barnier. Ai i është referuar kushteve që kanë të bëjnë me të drejtat e qytetarëve europianë për të lëvizur lirshëm në Britani, si dhe insistimit të Britanisë për të qenë pjesëmarrëse në çështjet e drejtësisë dhe punët e brendshme të Unionit.

“Disa pika janë të panegociueshme, si ato për liritë themelore dhe tregu i brendshëm”, ka thënë Barnier. Ndërkohë, reagimi i irrituar i negociatorit të BE-së ka mbërritur menjëherë në Londër, duke shtyrë opozitën vendase që t’i kërkojë llogari kryeministres Theresa May.

Ministri hije për çështjen “Brexit”, Keir Starmer ka akuzuar May se po sillet në mënyrë të papërgjegjshme dhe i ka bërë thirrje që t’u japë fund mosmarrëveshjeve të brendshme të konservatorëve, që sipas tij mbajnë peng procesin tranzitor. Laburistët insistojnë që marrëveshja që do të arrihet me Brukselin të parashikojë qëndrimin e Mbretërisë në tregun e përbashkët dhe unionin doganor gjatë kohës së daljes nga BE-ja./abcnews.al

vlcsnap-error497-1280x720.jpg
ent ela14:26 | 23/01/2018

Qytetarët europianë që do të kërkojnë rezidencë të përhershme në Britaninë e Madhe pas Brexit do të duhet të paguajnë 72 stërlina secili. Një shumë që mendohet se do të paguhet nga buxheti i Bashkimit Europian.

Bashkimi europian mund të paguajë taksat për qytetarët europianë që do të kërkojnë të qëndrojnë në Britaninë e Madhe pas Brexit. Ministria e brendshme britanike paralajmëroi se do të vendosë një kuotë prej 72 stërlinash për cdo kërkesë për rezidencë rë përhershme në Mbretërinë e bashkuar. Për të bërë një kërkesë të tllë duhet të tregosh se ke jetuar në mënyrë të vazhdueshme pesë vitet e fundit në vend dhe se nuk ke precedent penalë.

Sipas britanikes Guardian, presidenti i komisionit europian Zhan Klod Junker është shprehur i gatshëm që kjo taksë residence të paguhet nga buxheti i Bashkimit Europian dhe deklaroi se do të flasë personalisht me kryeministren britanike Tereza Mej për këtë temë.

Ditët e ardhshme Londra do të publikojë online procedurën e re për ata që kërkojnë rezidencën britanike dhe është konfirmuar se kostoja nuk do të jetë më ajo e një pasaporte për pjesën më të madhe të aplikuesve.

Qytetarët europianë të cilët kanë bërë tashmë kërkesën dhe kanë marrë përgjigje positive, nuk do të paguajnë taksa të tjera.

Ministrja e brendshme britanike Amber Rud po përpiqet të marër personel të ri për të menaxhuar numrin e madh të kërkesave dhe synon të marrë 700 nënpunës të rinj, ndërsa deri në muajin prill të këtij viti do jenë punësuar 500. Nuk është ende e qartë se sa nga tre million qytetarë europianë në Mbretërinë e Bashkuar do të bëjnë kërkesë për rezidencë të përhershme./abcnews.al

99129790_mediaitem99123554-1.jpg
us er14:11 | 10/01/2018

Në mungesë të një marrëveshje për Brexit, Londra mund të hedhë në gjyq Bashkimin Europian. Ministri britanik i cili merret me negociatat për daljen nga BE, David Davis, ka mbledhur ekipin e avokatëve. Brukseli ka reaguar menjëherë duke shprehur befasi.

Pavarësisht progreseve të dukshme të regjistruara muajt e fundit, mundësia që negociatat për Brexit të mbyllen pa asnjë marrëveshje, duk ecuar në një dalje të çrregullt të Londrës nga BE, janë gjithnjë e më konkrete.

Mediat britanike madje raportojnë se ministri për Brexit, David Davis i ka shkruar një letër kryeminoistres Tereza Mej për ti propozuar idenë e tij më të fundit: hedhja në gjyq e Bashkimit Europian në momentin që qeveria nuk do arrijë një marrëveshje për Brexit.

Letra e shkruar një muaj më parë është publikuar nga Financial Times, ndër të tjera aty shkruhet e Davis i ka kërkuar avokatëve të shetetit të përgatisin një ekip në momentin që Brukseli, sipas tij po përgatit një skenar të dëmshëm për ekonominë britanike. Davis paralajmëron se shum sipërmarrje mujnd të detyrohen të largojnë selitë e tyre nhga Britania e Madhe duke u vendosur në qytete të tjera në Europë. Madje ai shprehet i zemëruar me faktin se BE do të trajtojë mbretërinë e bashkuar si një vend të tretë në momentin që do të largohet në mars të 2019-ës.

Reagimi i komisionit europian ka qenë i menjehershëm me anë të një deklarate ku shprehej befasia që mbretëria e bashkuar nuk ishte në dijeni se BE po përgatit një skenar të propozuar nga vetë qeveria britanike. Madje aty theksohet se ka qenë vetë kryeministrja Mej e cila kishte deklaruar më parë se do të ishte më mirë të mos kishte asnjë marrëveshje se sa një marrëveshje të keqe./abcnews.al

 

 

164.jpg
us er12:31 | 29/11/2017

Ndarja e Britanisë së Madhe nga Bashkimi Europian do t’i kushtojë Londrës 55 miliard euro. Sipas Financial Times tashmë Mbretëria e BAshkuar i ka pranuar kërkesat e BE-së.

Titulli kryesor i Financial Times paralajmëron se Mbretëria e Bashkuar i është përulur kërkesave të Bashkimit Europian. Qeveria e Londrës premton të paguajë deri në 100 miliard euro për tu ndarë nga BE. Lajmi u publikua së pari nga Daily Telegraph dhe më pas u konfirmua nga Financial Times. Pas muajsh negociatash të gjata dhe aspak frytdhënëse, marrëveshja financiare është arritur. Cmimi i Brexit është reth 44 seri në 55 miliard eurosh. Një pikë e pakthyeshme kjo e domosdoshme për të kaluar në fzën e dytë të negociatave ku do të përcaktohen marrëveshjet tregtare ,es Mbretërisë së Bashkuar dhe Bashkimit Europian në kuadër të sigurisë e qëndrueshmërisë që kërkohen nga sipërmarrjet, bankat dhe investitorët.

Por kryenegociatori i BE-së, Mishel Barniet, i cili dhe pse nuk përgënjeshtron marrëveshjen thekson se po punohet ende shumë në pritje të një marrëveshjeje përfundimtare.

Marrëveshja, nëse do të konfirmohet, është një humbje për Mbretërinë e Bashkuar dhe qeverinë e Theresa May, ministrat e të cilës për muaj të tërë kanë refuzuar të flasin për para. Ndoshta për këtë arsye një zëdhënës i qeverisë nxitoi tu thoshte gazetarëve se bisedimet mes Londrës dhe Brukselit vazhdojnë.  Por në Tuiter dhe në rrjete social enë Britaninë e MAdhe shumë gazetarë dhe jo vetëmi kujtojnë qeverisë së tyre se në referendumin 2016 britanikëve iu premtua se do të kursenin me miliarda nëse do të dilnin nga Bashkimi Europian.

Data e fundit kur do të merret vesh se cfarë është vendosur është mes 14 dhe 15 dhjetorit të këtij viti, kur do të mbahet dhe samiti i 27 vendeve anëtare të BE-së

Kryeministrja britanike May do të takohet me presidentin e komisionit europoian Zhan Klod Junker të hënën e katër dhjetorit dhe dy ditë më pas komisioni europian do të diskutojë gjendjen e negociatave. Marëveshja për detyrimet financiare, të drejtat e qytetarëve europianë në Mbretërinë e Bashkuar, kufijtë angloirlandezë konsiderohen nga Bashkimi Europian pika kyce ku duhet të bëhen progrese domethënëse në mënyrë që të hapen negociatat për marrëdhëniet e ardhshme mes Bashkimit europian dhe Mbretërisë së Bashkuar.

As qeveria britanike dhe as Komisioni europian nuk kanë komentuar këtë marrëveshje që të [paktën deri pak javë më parë dukej shumë larg./abcnews.al

 

ixECPqgQ-1280x1280.jpeg
us er13:13 | 24/10/2017

Presidenti i këshillit të Bashkimit Europian, Donald Tusk u shpreh se varet nga Londra se si do të përfundojnë negociatat për Brexit. Tusk shtoi se do të jetë qeveria britanike që do të vendosë nëse do të ketë një marrëveshje të mirë apo nëse nuk do të ketë aspak një marrëveshje. Por presidenti i këshillit të Bashkimit Europian shtoi se në cdo rast BE do të mnbrojë interesat e saj dhe do të jetë e bashkuar. Dalja e Britanisë së Madhe nga Bashkimi Europian sipas tij, është nëj test shumë i vështirë dhe nëse dështojnë do të ishte një humbje për të gjithë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono