Londër

BASHA-NE-LONDER-1280x720.jpg
ent ela22:37 | 17/05/2019

Kreu i Partisë Demokratike Lulzim Basha gjatë vizitës së tij në Londër, zhvilloi të premte një takim me komunitetin shqiptar që jeton prej vitesh atje.

Basha ka përsëritur qëndrimin e palëkundur të opozitës së bashkuar se zgjedhje më 30 qershor me Ramën kryeministër, nuk do të ketë.

“Ka një padurim të madh që ndryshimi të ndodhë sa më shpejt, jo për të ardhur PD në pushtet, por për të patur të gjithë mundësitë për të jetuar përmes punës së ndershme. Kjo është beteja që luftojmë sot. Ata që mendojnë se kjo është luftë për pushtet, ndodhen vetëm në sipërfaqen e një vullkani zemërimi që zien shumë thellë” – theksoi Basha. Më tej kreu i PD shtoi se, Pa pasur një parlament që është peng i votës së lirë jo i kriminelëve, nuk ka zhvillim ekonomik, mundësi të barabarta për të gjithë. /ABC News Albania 24/7

12679522-6956767-image-m-16_1556140550261.jpg
Sej rie09:21 | 25/04/2019

Një shqiptar famëkeq që bastisi shtëpitë e të pasurve dhe të famshmëve për disa vite, kishte shkuar në Britani si një refugjat i rremë kosovar. Kjo është deklarata e bërë nga vëllai i tij një ditë më parë.

Shqiptari Asdrit Kapaj, 42 vjeç, i cili  njihej me nofkën “Vagabondi i Wimbledon”, u shpall dje fajtor për varg vjedhjesh. Ai akuzohet se ka përfituar 500,000 euro gjatë 22 vjedhjeve në zonat e pasura të Londrës.

Më parë është akuzuar se ai është përgjegjës për shumë bastisje të tjera, me një vlerë totale 10 million euro, gjë që do ta bënte atë një nga hajdutët më ekspert të Evropës.

Në gjykatë u tha dje se ai kishte shkuar në Britani si shtetas kosovar në vitin 1990. Por vëllai i tij Nexhip Kapaj hodhi poshtë pretendimet e tij, duke thënë se ai është në fakt shqiptar. Ai për tha Daily Mail se vëllai i tij ishte lindur në një spital afër fshatit Gjorm, rreth 20 milje nga qyteti i Vlorës, në vitin 1977, dhe nuk ka lidhje me Kosovën.

Vëllai i tij Nexhip tha se duke pretenduar se ishte kosovar ishte mënyra më e lehtë për shqiptarët që të fitonin hyrjen në Britani të Madhe. Natën e kaluar, Zyra e Shtëpisë tha se nuk do të komentonte mbi rastin e hajdutit, por zyrtarët e Britanisë së Madhe kanë gjasa të hetojnë sfondin e tij.

Mbrëmë, viktimat e Kapaj në Wimbledon festuan fundin e mbretërimit të tij, ndërsa disa thanë se do të mbanin një parti. Shumë prej tyre ndoqën dje procesin gjyqësor në gjykatë.

Më parë hajduti shqiptar kishte punuar si si inxhinier elektrik dhe mund të çaktivizote kamerat CCTV. Ai më në fund u arrestua më 22 Shkurt të këtij viti pasi u ndalua jashtë një shtëpie dhe mbante në dorë një pishtar, thikë me stilolaps. I martuar dhe baba i dy fëmijëve, Kapaj kishte hapur një dyqan peshku në Altringham, Greater Manchester.

Ai ishte kthyer në një hajdut “të rafinuar”, godiste gjithnjë natën, e ngjitej përmes tubacioneve të kullimit apo shkallëve për të shmangur kësisoj rënien e alarmeve. Por, më e rëndësishmja ishte se ai mbyllte dyert pas grabitjeve, duke bërë që shumë prej viktimave të tij të mos kuptonin që kishin rënë prè e vjedhjes.

Asdrit Kapaj, ndonëse “mbretëroi” për 10 vite në këtë zanat, nuk ka pasur kurrë precedentë të mëhershëm penalë. Ai pranoi para gjykatës të ishte autor i 22 vjedhjeve dhe dy tentativave për grabitje, vlera e produkteve të rrëmbyera gjatë të cilave arrin në rreth 542 mijë paund. Prokurorja e çështjes ka thënë se vlera e grabitjeve gjatë 10 viteve të aktivitetit të pazbuluar të tij shkon në rreth 10 mln stërlina.

“Ai ka qenë këtu që prej moshës 16-vjeçare. Ka pasur leje qëndrimi të pakufizuar, është shtetas kosovar nga Serbia dhe ka ardhur këtu gjatë adoleshencës. Jeton këtu prej viteve ’90, është i martuar dhe me dy fëmijë dhe jeton në zonën Cheshire. Ka prova të mjaftueshme që tregojnë qarkullim të automjetit të tij gjatë kohës që kanë ndodhur grabitjet”, tentoi më kot mbrojtjen, avokati i tij.

Kjo, pasi kamerat e sigurisë “CCTV” e shfaqnin atë me mjetet e posaçme për grabitje dhe me kapuç në kokë. Vendimi për të do të jepet më 21 Qershor, e deri atëherë ai do të qëndrojë në paraburgim./abcnews.al

waterloo.jpg
G. P.18:30 | 16/04/2019

100 të rinj janë arrestuar në Londër, pas ndërhyrjes së policisë ndaj aktivistëve për ndryshimet e klimës, që synonin të bllokonin për disa ditë qytetin me protestat e tyre.

Mbi 100 aktivistë janë arrestuar në Londër për bllokimin e rrugëve të kryeqytetit në kuadër të protestave kundër ndryshimeve të klimës.

Të martën pritej të mbahej dita e dytë e manifestimeve, pasi aktivistët e kaluan natën të mbledhur në urën Waterloo, në sheshin e Parlamentit dhe në atë që njihet si Cirku i Oksfordit.

Policia i urdhëroi aktivistët ta kufizonin protestën e tyre pasi mjaft probleme kishin hapur ditën e hënë, por në mungesë të një përgjigjeje, mëngjesin e së martës ajo kreu një valë arrestimesh.

Policia metropolitane bëri të ditur se gjithsej u arrestuan 113 persona, shumica e të cilëve nën akuzën e cënimit të rendit publik, ndërsa disa nën dyshimin për kryerjen e sulmeve kriminale ndaj zyrave të një kompanie nafte.

Organizata “Rebelimi ndaj Zhdukjes”, që u bën thirrje qeverive të reduktojnë emetimet e karbonit në nivelin zero brenda vitit 2025, synon të bllokojë Londrën deri më 29 Prill, me një seri protestash.

Disa aktivistë u vendosën poshtë një kamioni të parkuar në urën Woterloo për t’u bërë ballë përpjekjeve të policisë për t’i larguar prej andej. Pas orës 10 e 30 në urë kishin mbetur rreth 600 persona./abcnews.al

ASSANGE-PLANI-_ABC-M1-T1.mpg_snapshot_00.17-1280x712.jpg
ent ela13:07 | 11/04/2019

Arrestohet në Londër themeluesi i Uikiliks, Julian Asanzh. Policia britanike e prangosi në ambasadën e Ekuadorit menjëherë pasi autoritetet e shtetit amerikanojugor i hoqën të drejtën e azilit.

Julian Assange, një nga themeluesit e Uikileaks, është arrestuar në Londër në ambasadën e Ekuadorit ku jetonte si refugjat që nga viti 2012 për të shmangur ekstradimin. Lajmi është konfirmuar nga Skotland Jard. Qeveria ekuadoriane i ka hequr të drejtën e azilit.

Asanzh nuk doli nga ambasada në Londër: ishte ambasadori ai që lejoi policinë britanike të hynte në selinë diplomatike ku themeluesi I Uikiliks u arrestua. Menjëherë pas arrestimit, Uikiliks akzuoi vendin amerikanojugor se kishte hequr në mënyrë të paligjshme azilin duke shkelur të drejtën ndërkombëtare.

Moska ishte ndër të parat vende që reaguan duke kërkuar që të respektohen të drejtat e Asanzh. Zëdhënësi i presidencës ruse DImitri Peskov u shpreh se në Mbretërinë e Bashkuar dora e demokracisë kishte mbytur lirinë.

Presidenti i Ekuadorit Lenin Moreno shpjegoi se i kishte hequr të drejtën e azilit Asanzh pasi kishte shkelur konventën ndërkombëtare. Ai kërkohej nga drejtësia britanike që nga viti 2012 pasi kishte shkelur rregullat e lirisë me kusht pasi u arrestua në Londër për dhunë seksuale, ndërsa në Suedi për përdhunim.

Ministri i Brendshëm britanik konfirmoi arrestimin e tij duke shtuar se pas shtatë vjetësh pasi kishte hyrë në ambasadën ekuadoriane tashmë ai do të përballet me akuzat, sepse askush nuk është mbi ligjin

Asanzh ishte strehuar në ambasadën e Ekuadorit në Londër në qershor të vitit 2012 duke marrë dhe nënshtetësinë në 2018-ën. Marrëdhëniet e tij me autoritetet ekuadoriane u tensionuan gradualisht, sa që në vitin 2016 atij I ishte mohuar përdorimi i internetit, pasi Uikiliks kishte publikuar një seri e-mail-esh të rezervuara të kandidates së atëhershme për në shtëpinë e Bardhë, Hilari Klinton.

Assange ka deklaruar gjithnjë se është i pafajshëm ndaj akuzave për përdhunim dhe abuzime sekskuale, por frikësohet se mos Londra e ekstradon në Shtetet e Bashkuara të Amerikës për shkak të publikimit të dokumenteve të rezervuara të Departamentit Amerikan të Shtetit. Një ekstradim që deri tani Uashingtoni nuk e ka kërkuar asnjëherë zyrtarisht. /abcnews.al

protesta-londer.jpg
G. P.19:18 | 23/03/2019

Me mijëra persona protestuan në Londër kundër Brexit. Manifestuesit janë mbledhur fillimisht në Central Park Lane për të marshuar më pas drejt selisë së parlamentit dhe kryeministrisë.

Kanë qenë  të shumtë flamujt e Bashkimit Europian. Manifestimi u organizua nga grupe të ndryshme anti Brexit, të cilët kërkojnë qëndrimin e Britanisë së Madhe në Bashkimin Europian.

Një nga kërkesat kryesore ishte një votim i ri për daljen ose jo të vendit nga BE./abcnews.al

MAY-1280x732.jpg
G. P.14:23 | 12/03/2019

Pasditen e sotme parlamenti britanik do të votojë për herë të fundit për marrëveshjen e arritur mes kryeministres May dhe Brukselit, për daljen e vendit nga Bashkimi Europian. Presidenti i komisionit Europian deklaroi se kjo është mundësia e fundit e Londrës.

Kryeministrja angleze, Theresa May, ka arritur të marrë nga Bashkimi Europian modifikimet për mekanizmin e kundërshtuar të pikave të ndalimit për kufirin irlandez në kuadër të Brexit.

Këto modifikime, që mund të garantojnë dritën jeshile për miratimin e marrëveshjes në parlamentin britanik, në votimin e pasdites së të martës, përforcojnë dhe përmirësojnë marrëveshjen për Brexit.

May në negociatat në Strasburg me presidentin e Komisionit Europian, Jean Claude Juncker, dhe me kryenegociatorin e Brukselit, Mishel Barnier, realizoi përcaktimin e një instrumenti të përbashkët që synon të qartësojë interpretimin e pikave të ndalimit si një mekanizëm garancie.

Në thelb kryeministrja britanike theksoi se kishte shmangur rrezikun e humbjes së sovranitetit të pjesshëm mbi Irlandën e Veriut, pjesë e Britanisë së Madhe dhe jo e Bashkimit Europian, në avantazh të mbrojtjes së të drejtave të Republikës së Irlandës, vend anëtar i BE-së.

Në përfundim të takimit me presidentin e Komisionit Europian, May deklaroi se pasja e një garancie për të shmangur një kufi fizik në Irlandë është një hap pozitiv, por pikat e ndalimit nuk mund të kthehen në një marrëveshje të përhershme. Sipas saj duhen ndryshime ligjore për të cilat nuk është rënë dakord.

Nga ana e tij, Juncker u shpreh prerë se nuk do të ketë negociata të reja dhe se kjo ishte mundësia e fundit që i jepej Londrës.

Përpjekjet e mëparshme të May për të bindur deputetët britanikë që të mbështesin marrëveshjen e arritur në Nëntor, kanë dështuar. E njëjta situatë mund të përsëritet dhe në pasditen e të martës kur pritet votimi i ri dhe vendimtar i parlamentit. Pa modifikimet domethënëse në planin e May, qeveria do të kishte humbur sërish. Ndërsa me ndryshimet e minutës së fundit, shpresat janë ndezur sërish.

Ky hap para, mund të rezultojë vendimtar për të shmangur një tjetër dështim të planit të May, që në Londër mund t’i hapte rrugë skenarëve të reja. Më dramatiku është ai i ndërprerjes së lidhjeve me Europën, në 29 Mars, pa një marrëveshje. Një perspektivë që tremb më shumë sipërmarrjet britanike. Një kërkesë e mundshme për shtyrjen e afatit duhet të miratohet nga 27 vendet e tjera anëtare, të cilat do të takohen për një samit në Bruksel në datat 21 dhe 22 Mars.

Por reagimi i parë i liderit laburist Jeremy Corbyn ka qenë shumë i ashpër duke deklaruar se negociatat kanë dështuar dhe se marrëveshja nuk përmban asgjë që i afrohet ndryshimeve të premtuara nga kryeministrja May./abcnews.al

ndertesa-933x445.png
ent ela09:14 | 03/03/2019

Arrestimi i një 23-vjeçari të enjten në qytetin e Durrësit ka gjetur hapësirë në mediat britanike. Kjo pasi i riu shqiptar akuzohet se vitin e shkuar vrau një ndërtues britanik. Ngjarja në fjalë ndodhi në një ndërtesë në rikonstruksion në Londrën Qendrore.

Fillimisht u mendua se 47-vjeçari John Woodward ra nga aksidentalisht nga çatia e ndërtesës ku po punonte, në zonën e Hatton Garden, në Prill të 2018-s. Por nga ekzaminimi mjeko-ligjor rezultoi se shkaku i vdekjes kishte qenë goditja që 47-vjeçari kishte marrë pas koke.

Lajmi për mediat britanike u përcoll nga Policia Metropolitane dhe u pasqyrua nga BBC, DailyMail, Evening Standard, etj.

23-vjeçari, për të cilin Policia e Durrësit dha inicialet E.S, lindur në Kukës dhe banues në Xhafzotaj të Shijakut, u arrestua pasi ndaj tij kishte një kërkesë ndërkombëtare për ekstradim. Ai do të qëndrojnë në burg deri në përfundim të procesit të ekstradimit.

Mbeten të paqarta shkaqet që e çuan të riun shqiptar për të vrarë ndërtuesin 47-vjeçar./tvklan.al

105599165_colman_bafta.jpg
ent ela22:15 | 11/02/2019

Një regjisor grek dhe një meksikan kanë qenë protagonistët që rrëmbyen pjesën më të madhe të çmimeve Bafta. Çmimet kinematografike britanike paraprijnë mbrëmjen e Oskar në Los Angeles.

Të cilësuar si çmimet Oskar Britanike, BAFTA janë çmime kinematografike që dorëzohen nga shoqata e pavarur British Academy of Film and Television Arts.

Ceremonia e zhvilluar në Royal Albert Hall, në Londër, në prani të shumë yjeve të kinematografisë, por dhe të Uilliam dhe Kejt, duka dhe dukesha e Kembrixh, kishte si protagonist filmin “E preferuara” të regjisorit grek Jorgos Lantimos dhe “Roma” të drejtuar nga meksikani Alfonso Kuaron.

“E preferuara “, me 12 kandidatura mes të cilave ajo e Rachel Ueisz e Olivia Colman si aktoret më të mira, tregon historinë e betejës cinike mes dy grave të fisnikërisë britanike për të përfituar ndere nga mbretëresha.

Filmi mori çmime dhe për make – up dhe krehjet më të mira, skenarin original, kostumet dhe skenografinë më të mirë.

Katër çmime për filmin “Roma”, të Alfonso Cuaròn, i shpallur si regjisori më i mirë.

Çmimi si filmi më i mirë është një ngjarje e rrallë për një film jo në gjuhën angleze, i ambientuar në qytetin e Meksikos në vitet ’70.

Mes fituesve të tjerë ishin dhe Rami Malek si aktori kryesor për intepretimin e Freddie Mercury në “Bohemian Rhapsody” dhe BlacKkKlansman i Spike Lee për skenarin më të mirë jo original.

Çmimet britanike paraprijnë ato që do të jepen në Los Angeles në mbrëmjen e Oskar. /abcnews.al

ERMONELA-JAHO-SHKELQEN-NE-LONDER-1280x720.jpg
G. P.17:49 | 01/02/2019

Sopranoja shqiptare Ermonela Jaho me realizimin e shfaqjes së fundit të Traviatës në operan e Londrës shkëlqen. Performanca e saj nën petkat e Violetës u ndoq drejtpërdrejtë nga Royal Opera në 1500 kinema. Në faqen zyrtare të operas shoqëruar me një video të artistes shkruhet “emocionuese, kjo është prova që opera është forma më sublime e artit”.

Është hera e tretë që sopranoja shqiptare Ermonela Jaho magjeps publikun londinez. Fillimisht me interpretimin e saj “Suor Angelica” në 2015-n, “Madamë Butterfly” në 2017-n dhe së fundmi  me rolin e Violetës tek Traviata. Dy vjet pas “Madame Butterfly”, ajo jo vetëm përsërit historinë, duke u ndjekur nga opera e Londrës në 1500 kinema të botës, por ajo përlot spektatorin me interpretimin e saj të ndjerë.

Në faqen zyrtare të Royal Opera House shkruhet “Emocionuese, kjo është prova se opera është forma më sublime e artit”. Mbyllja e perdes në performancën e shqiptares Ermonela Jaho në “La Traviata” është veç vërtetim i kësaj thënieje.

Ermonela Jaho është tashmë një nga interpretueset e mëdha të verizmit. Rolin e Violetës e ka interpretuar 256 herë  në teatro të ndryshëm në botë. Pas suksesit ne Londër Ermonela Jaho me 12 Shkurt do të jetë në Berlin me Puçinin./abcnews.al

piontek1.jpg
ent ela21:02 | 23/01/2019

Milani merr një përforcim të rëndësishëm tani në Janar. Sulmuesi polak, Piontek, mbërrin nga Xhenoa dhe pritet ta ndihmojë që të kualifikohet për në Champions. Një biznes për të gjithë.

Kristof Piontek do të shënojë që tani e tutje me fanelën e Milanit, ndërsa ish-klubi i tij, Xhenoa, do të marrë një pagesë të rëndësishme. Përfundon gjithçka mirë në bisedimet për sulmuesin polak, një nga më të mirët e Serisë A këtë sezon, që është tashmë lojtar i trajnerit Gatuzo, kundrejt shifrës së 35 milionë eurove. Piontek nuk vonoi aspak, por kaloi vizitën mjekësore në klinikën e klubit, duke qenë i gatshëm që të dalë në fushën e lojës.

“Nis Epoka Piontek, shkruan “La Gazeta delo Sport”, – sulmuesi është në Madonina, dhe mund të debutojë ndaj Napolit. Higuain mbërrin në Londër”.

Xhenoa kërkoi deri në 45 milionë euro për autorin e 13 rrjetave në Serinë A, njërin prej golshënuesve më të mirë, dhe padyshim zbulimi më i madh i kampionatit. Klubi gjenovez shpenzoi vetëm 4 milionë euro në verë, duke realizuar një biznes të r ëndësishëm. Të gjitha palët duken të kënaqura, por e vërteta është se ka një pakënaqësi.

Kjo, nga trajneri i parë i Piontekut në Poloni, që kërkon pagesën që i takon për formimin e sulmuesit, sipas rregullave të FIFA-s. Nuk dihet nëse do të ketë gjyq për këtë. Me Piontekun në sulm, pritet që Milani të shënojë më shumë gola dhe të sigurojë kualifikimin për në Champions, për herë të parë që nga sezoni 2013-2014. Ky transferim bëri të mundur që Gonzalo Higuain të largohet nga skuadra milaneze, dhe të shkojë në Londër ku do të luajë në fazën e dytë në radhët e Çelsit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono