lojtari

grizman.png
G. P.22:32 | 11/07/2019

Sulmuesi francez Antoine Griezmann mund të firmosë për Barcelonën javën e ardhshme. Mediat në Spanje e bëjnë fakt të kryer kalimin e 27-vjeçarit tek katalanasit.

Zyrtarizimi i Antoine Griezmann si lojtar i Barcelonës është vetëm çështje kohe. Sipas së përditshmes spanjolle “Mundo Deportivo”, katalanasit do të paguajnë klauzolën e futbollistit prej 120 milionë euro.

E përditshmja tjetër katalanase “Sport” zbulon se në kontratën e re Griezmann do të ketë një klauzolë largimi prej 300 milionë euro ndërkohë që futbollisti pritet të prezantohet ditën e hënë si përforcimi më i ri i kampionëve të Spanjës.

Nuk bëhet e ditur kontrata që do të nënshkruajë kampioni i botës me Francën, por tashmë është e qartë se 27-vjeçari ka pranuar një ulje të pagës për te firmosur me Barcelonën. Afrimi i mëngjarashit tek katalanasit mund të ketë një efekt zinxhir për objektivin tjetër të Barcelonës, Neymar.

Braziliani nuk ka pranuar të paraqitet në grumbullim me skuadrën e Paris Saint Germain duke dhënë sinjale të forta se dëshira e tij është rikthimi në Katalunjë. Gjithsesi Barcelona nuk mund të paguajë klauzolën e Neymar që kushton plot 270 milionë euro nëse nuk i siguron këto të ardhura nga shitja e futbollistëve të tjerë në skuadër. Nënshkrimi i Griezmann me kampionët e La Liga-s ka komplikuar jo pak rikthimin e Neymar në Camp Nou./ABC News Albania 24/7

casillas.jpg
G. P.14:21 | 02/05/2019

Portieri Iker Casillas nuk mund të luajë më futboll. Pas atakut kardiak gjatë seancës stërvitore me Porto-n, ai u operua me urgjencë. Mjekët thanë se Casillas mund të ketë një jetë normale, por jo të ushtrojë sporte profesioniste.

Ish-portieri i Real Madridit, i cili aktualisht luan me Porton, Iker Casillas, duhet të tërhiqet nga futbolli pas atakut që pësoi në zemër. Deklarata u bë nga kardiologu Huan Antonio Korbalan, i cili vetë ka qenë dikur një basketbollit i Real Madridit.

Sipas Korbalan, Iker Casillas do ta ketë të vështirë ta vazhdojë karrierën me një stentë koronare, sidomos për shkak të pozicionit të tij si portier.

“Nuk mund të luajë futboll me një stentë koronare, e sidomos një portier”, theksoi ai.

Ai shtoi se portieri do të dalë shpejt nga spitali dhe do të ketë një jetë normale, por nuk do të luajë sporte profesionale. Casillas pësoi të mërkurën një atak kardiak në momentin që po stërvitej te skuadra e Portos./ABC News Albania 24/7

Durmishaj-Panionios.jpg
ent ela14:58 | 04/03/2019

Fiorin Durmishaj nuk do të pranojë të luajë për Shqipërinë, por do të aktivizohet me Greqinë. Trajneri grek, Anastasiadhis, deklaron se sulmuesi 22-vjeçar e ka pranuar ftesën e tij.

Mendohej si përforcimi më i fundit i kombëtares. Fiorin Durmishaj ishte në listën e të preferuarve të Kristian Panuçit, i cili kishte në plan ta thërriste për ndeshjen ndaj Turqisë në Europian, por lajmet nga Greqia janë të tjera.

Durmishaj do të luajë për Greqinë, janë fjalët që ka thënë trajneri i kombëtares helene, Angelos Anastasiadhis.

Ky i fundit, i ftuar në emisionin televiziv “Total Futboll” u shpreh se sulmuesi shqiptar I është përgjigjur pozitivisht ftesës së tij.

Anastasiadhis bën me dijë se ka ndjekur shumë ndeshje të Durmishajt gjatë këtij sezoni, dhe se e ka takuar personalisht sulmuesin 22-vjeçar me synimin për ta ftuar në kombëtare.

Mediat greke njoftojnë se tashmë kanë nisur procedurat e nevojshme që futbollisti të ketë mundësi për të luajtur për Greqinë, dhe se shpejt ai do të jetë në gjendje të veshë fanelën me ngjyrat blu e bardhë.

Me Panioniosin ka shënuar 11 gola në 27 ndeshje këtë edicion, nga të cilët 6 rrjeta për Superligën greke dhe 5 në Kupën e Greqisë.

Njëzetedyvjeçari vlerësohet lart për talentin dhe parametrat e tij fizikë, duke qenë 1.87 metra shtatlartë, tepër i fuqishëm, por edhe shumë i saktë pranë portës.

Në vendin fqinj jepet e sigurt që sezonin e ardhshëm, Durmishaj do të largohet nga Panioniosi për t’u bashkuar me skuadrën numër 1 të Greqisë, Olimpiakosin e Pireut. /abcnews.al

 

NBA-KLEJ-TOMPSON_ABC-1280x720.jpg
ent ela14:50 | 22/01/2019

Klej Tompson pati një ndeshje të madhe në derbin e Kalifornisë në basketbollin amerikan. Kapiteni I Golden Stejtit u tregua i shkëlqyer në gjuajtjet për tri pikë.

E kemi thënë se ky qenka sezoni i rekordeve. Thuajse nuk ka javë pa sjellë ndonjë kulm të ri në NBA, dhe më I fundit që e bëri këtë ishte Klej Tompsoni.

Kapiteni i Golden Stejtit u tregua i pandalshëm në ndeshjen që mendohej e komplikuar, në fushën e Lejkërsave, duke realizuar njërën pas tjetrës 10 gjuajtje për tri pikë.

Kurrë më parë nuk kishte ndodhur që një basketbollist i NBA-së të shënonte 10 kosha tripikësh radhazi.

Tompson e humbi gjuajtjen e 11-të, por kjo nuk pati rëndësi, pasi rekordi ishte vendosur, dhe po ashtu ndeshja ishte fituar.

Në fund, kapiteni shënoi 44 pikë, në një mbrëmje ku Xhejms Harden realizoi 37 për Hjustonin, dhe barazoi njërën prej serive të Uilt Çembërlenit, me 20 ndeshje radhazi me të paktën 30 pikë të shënuara.

Golden Stejti u hakmorr ndaj Lejkërsave për humbjen e pësuar në fushën e vet, në derbin e parë të Kalifornisë, dhjetorin e kaluar, dhe u përgjigj po me një fitore të thellë.

Rezultati ishte 130-111, por padyshim kampionët e NBA-së u ndihmuan nga dëmtimet e vendasve.

Përveç Lebron Xhejmsit, në derbi nuk luajtën as Rejxhën Rondo dhe as Lonzo Boll, të tre lojtarë që organizojnë lojën.

Golden Stejti mbajti vendin e parë në Konferencën Perëndimore, me 33 fitore e 14 humbje, ndërsa është ende skuadra e tretë më e mirë e sezonit në basketbollin amerikan. /abcnews.al

james-harden.jpg
G. P.17:17 | 08/01/2019

James Harden është favorit për t’u shpallur Lojtari më i mirë i sezonit në basketbollin amerikan. Ylli i Houstoni kryeson ndaj pretendentëve të tjerë si Curry apo Lebron James.

Pak javë më parë, nuk do të ishin vënë shumë baste për të. James Harden po kalonte një periudhë të errët në fushën e lojës, ashtu si Houstoni, veçse kohët kanë ndryshuar. Lojtari më i mirë i sezonit të kaluar, jo vetëm hyri përsëri në garë për të fituar këtë titull këtë vit, por mund të thuhet se ka dalë në krye.

Faqja zyrtare e NBA-së bën një analizë të pretendentëve për çmimin e lartë individual, dhe nxjerr kapitenin e Houston si favorit, pasi ndihmoi skuadrën të fitonte 12 nga 13 ndeshjet e fundit. I mbiquajturi “Mjekra” pati disa ndeshje radhazi me 40 pikë e më shumë të shënuara dhe i ka të gjitha mundësitë t’i lerë prapa gjithë yjet e tjerë.

Nuk do ta ketë edhe aq të lehtë, gjithsesi. Sipas NBA-së, në vend të dytë tani për tani, është superlojtari i Milwaukee, Janis Antetokumpo. Afrikani me pasaportë greke shkëlqeu edhe në mbrëmjen e fundit duke shënuar 30 pikë e duke kapur 10 topa në tabela, në suksesin 114-102 ndaj Utah Jazz, ndërsa paraqitjet e tij gjatë edicionit nuk kanë të sharë.

Antetokumpo po udhëheq thuajse i vetëm një skuadër që nuk ka forcën e Golden State, Houston apo Torontos, por që ndodhet në vendet e para të renditjes. Pretendentët e tjerë janë Stephen Curry, Lebron James dhe Anthony Davis. Ylli i Golden State është shënuesi i dytë më i mirë i NBA-së me mesataren 29.4 pikë për ndeshje, po ashtu është numri 2 për koshat tripikësh të shënuar, pas James Harden.

Më shumë falë tij, kampionët mbeten ende në pozita të forta, pavarësisht dobësisë poshtë koshit.Lebron James natyrisht nuk është një emër i ri në këtë garë. Kapiteni i Lakers synon titullin e pestë të lojtarit më të mirë të sezonit, dhe po bën maksimumin, edhe pse mosha dhe dëmtimi po e pengojnë disi, duke ndihmuar yje më të rinj si Anthony Davis i New Orleans-it./abcnews.al

HIGUAIN-TEK-MILANI-1280x720.jpg
ent ela17:37 | 03/08/2018

Gonzalo Higuain u prezantua si lojtar i Milanit. Sulmuesi argjentinas shpreson të fitojë tituj edhe me skuadrën milaneze, pas sukseseve me Realin, Napolin dhe Juventusin.

Kjo ishte dita e së vërtetës.

Gonzalo Higuain që prezantohej tek Milani ishte lajmi Ii ditës në Itali, madje ndër më të rëndësishmit në Europë, dhe sulmuesi nuk zhgënjeu në paraqitjen e parë si kuqezi.

Në krah edhe të Matia Kaldarës, sulmuesi argjentinas u shpreh shumë I lumtur për aventurën e re.

“Jam këtu pasi të gjithë më deshën dhe besuan tek unë, – u shpreh ai, – më kërkoi Leonardo, dhe po ashtu trajneri Gatuzo, ndërsa tek Çelsi më donte vetëm Sarri, për të cilin kam respekt të jashtëzakonshëm”.

Përse largim nga Juventusi?

Kampionët e Italisë duket se kanë vënë bast gjithçka për Ronaldon, dhe donin të rregullonin bilancet.

Gjithsesi, Higuain falenderon klubin juventin, edhe pse pohon se pati mendime të ndryshme për futbollin në krahasim me trajnerin Alegri.

Sulmuesi 30-vjeçar do të kërkojë të arrijë suksese të tjera pas atyre me Realin dhe Juventusin.

Ai ka shënuar gati 300 gola në karrierë me klubet dhe është shpallur 3 herë kampion i Spanjës dhe dy herë kampion i Italisë, si dhe ka fituar kupën me këto skuadra, si dhe me Napolin.

Trajneri i Milanit, Xhenaro Gatuzo, ndërkaq, ndihet i lumtur që skuadra e tij po merr përforcimet e duhura.

Më parë, kroati Ivan Striniç, tani Higuain e Kaldara, pra potenciali është rritur për të pretenduar të paktën kualifikimin për në Champions, pse jo edhe titullin. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono