lleshaj

10f13710-4f01-45f6-858e-9c9e5332b354.jpg
R D13:04 | 18/02/2020

Ministri i Brendshëm, Sandër Lleshaj nga Elbasani ka deklaruar se OFL-ja po vazhdon normalisht punën me dërgimin e letrave për justifikimin e pasurisë, ndërsa sekuestrimet do bëhen me vendim gjykate. I pyetur se çfarë do të bëhet me pasuritë e sekuestruara,  ai tha se “kur të miratohet ligji, Ministria e Brendshme do të ketë detyrë që ti administrojë në funksion publik. Kur them funksion publik, besoj e kuptoni, shkolla, Qendra Shëndetësore, Komisariat policie etj”.

Pyetje: Zoti Lleshaj shohim që OFL ka zbarkuar edhe në qytetin e Elbasanit, janë dërguar formularët, ndërkohë që nuk ka asnjë informacion a ka pasuri të sekuestruara, sa u takon këtyre elementeve?

Ministri Lleshaj: “Operacioni Forca e Ligjit” tashmë ka filluar aktivitetin në të gjithë Shqipërinë, është ende në hapat e parë, pra në fazën fillestare. Ndërkohë që do të ketë përshkallëzim të intensitetit të punës dhe të angazhimit të operacionit, në Elbasan dhe kudo tjetër. Nuk ka ndonjë objektiv selektiv, për arsye se i gjithë rrethi i personave që përfshihen nga ligji tashmë janë të përcaktuar nga vetë ligji.

Në qytetin e Elbasanit dhe në të gjithë Shqipërinë operacioni do të vazhdojë me intensitet të shtuar në mënyrë që të arrihet që brenda vitit, pra brenda afatit ligjor të përfundojë edhe adresimin e të gjithë personave që janë subjekt i këtij ligji.

Pyetja: Kemi pasuri të sekuestruar në Elbasan deri tani?

Ministri Lleshaj: Sekuestrimi sipas këtij ligji të sapo miratuar duhet të bëhet në dy rrugë, ose në kushtet e emergjencës që bëhet me urdhër të Drejtori të Përgjithshëm të Policisë së Shtetit, në dijeninë time nuk ka në Elbasan ndonjë rast në kushte të emergjencës, ndërkohë që sekuestrimi normal sipas ligjit bëhet në bazë të vendimit të gjykatës së posaçme. Do kohën e vet gjykata për të marrë vendimin.

Pyetje: Verifikimi dhe sekuestrimi i aseteve pasurore, të vëna në mënyrë të paligjshme nga grupet kriminale i kanë kaluar tashmë MInistrisë së Brendshme. Si do të administrohet këto pasuri të grupeve kriminale?

Ministri Lleshaj: Administrimi nuk i ka kaluar ende Ministrisë së Brendshme, pritet t’i kalojë në të ardhmen e shpejtë përmes një ndryshimi ligjor. Ligji parashikon që pasuritë që do të konfiskohen për shkak të këtij ligji, do të kalojnë kryesisht për interes publik. Pra destinacioni i tyre do të jetë interesi publik. Agjencia përkatëse e administrimit të aseteve, e cila parashikohet të kalojë te MB, do të ketë detyrë që të administrojë në funksion publik. Kur them funksion publik, besoj e kuptoni, shkolla, Qendra Shëndetësore, Komisariat policie etj. /abcnews.al

sander-lleshaj.jpg
eri Ida11:01 | 12/02/2020

Kuvendi i Shqipërisë paraditen e kësaj të mërkure ka mbajtur një seancë parlamentare me interpelancë me Ministrin e Brendshëm Sandër Lleshaj, pas kërkesës së deputetit Lefter Maliqi dhe disa deputetë të tjerë të opozitës.

Në këtë interpelancë ato kanë kërkuar një raport nga ministri Lleshaj për çështjet e krimit në vend, për kanabisin, për dhunën policore që është ushtruar ndaj disa banorëve të Astirit, për çështjet e azilkërkimit dhe për ngjarjet e pazbardhura kriminale.

Në fjalën e tij ministri Lleshaj është shprehur se qëllimi kryesor i qeverisë dhe i institucionit që ai drejton është lufta ndaj kanabisit dhe krimit.

Punën e bërë nga oranet e sigurisë publike në tëresi them se ka pasur rezukltare pozitive rendi i përmirësuar i sigurisë në vend është në kuadër të sjelljes së mirë, është produkt i jashtëzakonshmën i strukturave të policisë në vend. është bërë një volum i madh pune, në 2019 janë shkatërruar 24 grupe kriminale dhe janë arrestuar për Qeveria nuk liron, por është përgjegjëse për ti çuar para sistemit të drejtësisë dhe çfarë ndodh më pas është puna e një sistemi tjetër. Rezonanca e sistemit të drejtësisë e prokurorëve apo gjyqtarëve nuk është ajo që duhet të jetë pasi shumë raste të rënda janë dënuar me masa të papranueshme dhe të papërshtatshme që vijojnë për detyrim paraqitje për vrasje, mbyllje hetimi apo lirim nga burgu. Kjo është një situatë e papranueshme ndaj qeveria mori hapa tjetër ndaj luftës së krimit të organizuar dhe grupeve kriminale duke miratuar dhe paketën, e cila funksionon ndaj kudo. Mund të them se 2019 ka qenë një vit i rëndësishëm ndaj luftës së kanabisit dhe drogës në përgjithësi. Është bërë një kontroll i madh i vendit dhe kontroll i lartë që kanë çuar në goditje jo vetëm ndaj kultivuesve.Viti 2020 do të jetë viti i thellimit të luftës ndaj kanabisit që e është thelluar që në fillim të viteve 90’. Kanabisi në Shqipëri është prodhuar për tu trafikuar jashtë vendit dhe Italia ka qenë dhe vendi i parë,” tha Lleshaj

Në fjalën e tij në kuvend, ministri Lleshaj deklaroi se për protestat e opozitës është përdorur gazi që ka qenë nga rezervat e policisë së shtetit. Gjithashtu ai pranuar se  janë marrë nga Kosova sasi me granata gazi lotsjellës por mohon që të jetë përdorur në protesta.

Menaxhimi i protestës ishte sipas librit të shkollës më të mirë europiane të policisë. Gazi është përdorur nga rezervat e policisë së shtetit që ka pasur në dispozicion që prej qeverisë së mëparshme. Sigiurisht që është marrë një sasi nga Kosova, por nuk është përdorur asnjëherë dhe është kthyer në dijeninë time nga është marrë,” tha Lleshaj./abcnews.al

lleshaj.jpg
So Nila11:23 | 02/02/2020

Ministri i Brendshëm Sandër Lleshaj ka qenë i pranishëm këtë të dielë në repartin RENEA ku është trajnuar Njësia Operacioni Forca e Ligjit (lexo ketu), për të prezantuar ligjin special të miratuar dy ditë më parë, për masat pasurore ndaj personave të dënuar apo akuzuar për krim të

Ministri i Brendshëm Sandër Lleshaj ka qenë i pranishëm këtë të dielë në repartin RENEA ku është trajnuar Njësia Operacioni Forca e Ligjit (lexo ketu), për të prezantuar ligjin special të miratuar dy ditë më parë, për masat pasurore ndaj personave të dënuar apo akuzuar për krim të organizuar.

Ministri në fjalën e tij është shprehur se tashmë një pjesë e aseteve të krimit që do të sekuestrohen do të vihen në dispozicion të policisë në funksion të modernizimit. Lleshaj ka deklaruar se miratimi i paketës Anti-KÇK, shënon përshkallëzimin e panjohur, shënjestra do të jetë pasuria e krijuar nga krimi i organizuar.

 “Krimi në përgjithësi dhe ai i organizuar kanë marrë goditje përgjatë viteve. Suksesi afatgjatë lidhet me rrënjëjt e tij, dhe shkulja e rrënjëve është dhe lufta e vërtetë. Shkatërrimi i këtij modeli është nevoj e procesit të parë. Operacioni  Forca e Ligjit do të ketë si synim shkatërrimin e financimit të krimit të organizuar. Operacioni do të zhvillohet në bashkëpunim me SPAK dhe partnerët në një kuadër të përcaktuar ligjor. Objekt do të jenë pasuritë e deklaruara apo të fshehura. Paketa nuk i jep autoritet të ri policisë, por detyra të reja dhe instrumete për arritjen e qëllimit madhor kundër krimit. Policia ka mbajtur me përkushtim shumë barrë të rëndë, janë përballuar dhe goditur, edhe kanë pësuar dhe sot përfaqësojnë një ndër institucionet më të besueshme. Suksesi i këtij operacioni do të jetë i garantuar. Një pjesë e aseteve do të vihen në dispozicion të policisë në funksion të modernizimit dhe personelit,” është shprehur ministri i Brendshëm.

Ministri Lleshaj gjithashtu në fjalën e tij i ka dhënë një mesazh edhe klasës politike , duke theksuar  që të lënë mënjanë akuzuat për Policine e Shtetit.

“Për politikën, korrigjoni shënjestrën, policia nuk mund të jetë tabelë. Për kriminelët, u them tërhiquni nga rruga e krimit për të shpëtuar familjen, kthjellohuni dhe kuptoni se keni përgjegjësi për ata që vijnë pas jush. Është thjeshtë çështje kohe, udhëtimi kriminal do të ndërpritet keq, në mos sot nesër, por nesër do të jetë vonë”, tha Lleshaj./abcnews.al

KRONIKE-LLESHAJ-AVRAMOPULOS.mpg_snapshot_00.23-1280x720.jpg
ad min17:43 | 09/10/2019

Konferenca e shtypit e Komisionerit për Migracionin dhe Punët e Brendshme, Dimitris Avramopoulos dhe ministrit të Brendshëm të Shqipërisë, Sandër Lleshaj, nxorri në pah këndvështrimet e ndryshme mbi çështjen e luftës kundër krimit të organizuar dhe problematikës së azilkërkuesve shqiptarë. Lidhur me skepticizmin e Holandës, ministri Lleshaj konsideron se problemi i krimit të organizuar është një çështje perceptimi i zmadhuar i realitetit, pasi krimi i ushtruar nga personat që mbajnë pasaportën shqiptare dhe kryejnë krime në Holandë është shumë i vogël krahasuar me vende të tjera të Bashkimit Europian.

Sandër Lleshaj, Ministër i Brendshëm: “Perceptimi është ai që është. Është një perceptim i zmadhuar i realitetit. Jemi përpjekur ta sqarojmë dhe më shumë  dhe po përpiqemi për të ndërtuar mekanizma bashkëpunimi, për të adresaur këtë problem për krime që kryhen në Holandë dhe juridikisht janë përgjegjësi e Holandës. Por ne ndjejmë përgjegjësi për këtë”.

Lidhur me pyetjen e ABC News, se pse nuk janë arrestuar krerët e strukturale kriminale pas kapjes së sasive të mëdha të kokainës në Shqipëri, por vetëm ekzekutuesit e urdhrave, ministri Lleshaj konsideron se janë kapur shumë peshq të mëdhenj. Ndërkohë që komisoneri Avramopolous njeh progresin në operacionin e goditjes së drogës, por bën thirrje për rritjen e hetimeve dhe dënimeve të kriminelëve.

Sandër Lleshaj, Ministër i Brendshëm: “Nuk e di se ç’quani ju peshq të mëdhenj. Ne mendojmë se u kemi dhënë fre grupe të organizuara dhe kemi kapur dhe sasi të mëdha kokaine në bashkëpunim me shtetet anëtare si Greqia. Nuk e di nëse ju quani peshq të mëndhenj ndërkombëtarë ata që kontrollojnë kokainën në vend. Ndoshta këta mund të jenë peshq të mëdhenj. Por për mendimin tonë, ne kemi kapur shumë peshq të mëdhenj në kuadër të krimit të organizuar”.

Dimitris Avramopoulos, komisioner për migracionin: “Fakti që operacionet kundër krimit të organizuar janë në vazhdimësi në Shqipëri janë si rrjedhojë edhe e bashkëpunimit të vendeve anëtare të Bashkimit Europian, kjo është gjë e mirë. Por hetimet dhe ndjekjet penale duhet të jenë më të thella. Duhet që të goditen grupet kriminale dhe për kriminelët të ketë dënimet përfundimtare në Gjykatë”.

Për azilkërkuesit, statistikat e ministrit Lleshaj ndyshojnë nga ato të komisionerit Avramopoulos. Ministri Lleshaj flet për një rënie konsekutive të numrit të azilkërkuesve në zonën Shengen, ndërkohë që komisioneri Avramopoulos flet për një rritje të lehtë këtë vit.

Sandër Lleshaj, Ministër i Brendshëm: “Në të gjithë zonën Shengen ka një rënie të vazhdueshme dhe eskpotenciale të numrit të azilkërkuesve shqiptarë me një anomali në Francë. Kjo lidhet me politikat e ndryshme që ndjek Franca”

Dimitris Avramopoulos, komisioner për migracionin: “Në gjysmën e parë të këtij viti, ka patur një rritje të lehtë të azilkërkuesve shqiptarë. Ndaj Shqipëria duhet të vazhdojë të verë në zbatim ato masa që ka aprovuar dhe të vazhdojë të punojë me të gjitha shtetet anëtare dhe marrëveshjet e ripranimit duhet të funsionojnë mirë. Lidhur me aktivizimin e mekanizimit të pezullimit të vizave, pas njoftimit të marrë nga Holanda ne arritëm në përfundimin, se nuk përmbushen rrethanat për aktivizimin e këtij mekanizmi. Por unë i bëj thirrje autoriteteve shqiptare që të marrin masa të sigurojnë këtë dhuratë që u është bërë nga Bashkimi Europian”.

Lidhur me pyetjen e ABC News, nëse ka siguri 100% që ky mekanizëm nuk do aktivizohet nëse ka njoftim nga autoritetet franceze, komisioneri Avramopoulos është përgjigjur:

“Unë isha i qartë se ne nuk duam të aktivizojmë këtë mekanizëm.. Mos më drejtoni pyetje lidhur me 100% siguri. Nuk mund të kesh siguri 100% për asgjë në jetë”.

Konferenca e shtypit është zhvilluar në vijim të nënshkrimit të marrëveshjes mbi luftën kundër terrorizmit midis komisionerit Dimitris Avramopoulos dhe Ministrit të Brendshëm të Shqipërisë, Sandër Lleshaj  Kjo marrëveshje është pjesë e planit të përbashkët të veprimit për luftën kundër terrorizmit midis BE-së dhe Ballkanit Perëndimor. Ky plan kërkon veprime ambicioze dhe konkrete për të arritur 5 objektiva kundër terrorizmit, përfshirë parandalimin dhe kundërveprimin e radikalizmit, shkëmbimin efektiv të informacionit, luftimin e financimit të terrorizmit dhe mbrojtjen e qytetarëve.  /ABC News Albania 24/7

sander-lleshaj-pustec-1280x705.jpg
nev ila13:43 | 30/08/2019

 

Ministri i brendshëm Sandër Lleshaj ka deklaruar se Shqipëria i ka përmbushur detyrat e saj për çeljen e negociatave dhe vendimi pritet të merret në tetor. Lleshaj i bëri deklaratat pas takimit me homologun maqedonas në bashkinë e Pustecit ku u diskutua për lehtësimin e procedurave në pikat kufitare që lidhin dy vendet.

“Shqipëria i ka përmbushur më së miri  detyrimet e saj për çeljen e negociatave për në BE”.

Kështu është shprehur ministri i brendshëm Sandër Lleshaj pas një takimi që zhvilloi me homologun maqedonas në bashkinë e Pustecit.

Ai u tha gazetarëve se për vendin tonë dhe Maqedoninë e Veriut vendimi do të merret në tetor.

“Detyrat e integrimit evropian të shqipërisë janë përmbushur më së miri dhe kjo ësht certifikuar nga komisioni evropian i cili ka rekomanduar pa kushte hapjen e negociatave me Shqipërinë dhe maqedoninë e Veriut dhe ne presim që në një kohë shumë të shkurtër negociatat të hapen. Nuk ka ende një vendim, as për shqipërinë as për Maqedoninë”.

Mes dy ministrave u ra dakort për një lehtësim të procedurave në pikat kufitare që lidhin Shqipërinë me Maqedoninë e Veriut.

Në takim u diskutua edhe për bashkëpunimin policor mes dy vendeve në luftën kundër krimit./ABC News Albania 24/7

 

 

LLESHAJ-HIMARE-1280x720.jpg
ad min14:00 | 10/08/2019

Ministri i Brendshëm Sandër Lleshaj ka reaguar disa dita pas publikimit të dokumentarit të televizionit publik italian RAI mbi fuqizimin e mafias shqiptare në trafikun e kokainës. Në një postim në rrjetin social Facebook, Lleshja shkruan se  fenomeni i ‘Kanabisit’ është tanimë një histori e të shkuarës dhe lufta kundër tij një “bast” i fituar i kësaj mazhorance.

Reagimi i plotë:

“Një emision i televizionit italian “Rai 3” i pak ditëve më parë i mjaftoi opozitës që, si përherë, të nxitonte për të kërcyer tek konkluzione haluçinante, të cilat meritojnë vërtet keqardhje. Disa histori nga e shkuara si Lazarati, kjo “markë” autentike e PD, apo edhe episode të tjera të shkuara (përzier në njē sallatë televizive sensacionale, pa asnjë vlerë dokumentare, po me synimin e vetëm audiencën e interesuar për show) kanë frymëzuar opozitën e plandosur jashtë-parlamentare.

Ajo ka rimarrë vrullin e një shiu vere, për të akuzuar Policinë e Shtetit dhe Qeverinë për njollat që ata vetë i kanë vënë vendit kur ishin në pushtet. E vërteta është krejt ndryshe nga çka paraqet mishmashi televiziv i përgatitur nga njerëz që janë larg së qeni në nivelin e respektit tonë për kanalin publik italian. Falë edhe bashkëpunimit të ngushtë me partnerët italianë, lufta kundër kanabisit si fenomen, është një luftë e fituar e shtetit shqiptar! Rezultatet në këtë fushë, të konfirmuara nga monitorimi i specializuar i partnerëve italianë, janë kokëforta dhe të mirënjohura. Kultivimi apo sasitë e kanabisit me origjinë nga Shqipëria, të kapura nga vendet fqinje, kanë rënë në minimumet historike.

Monitorimi nga ajri vijon intensivisht, duke provuar ecurinë e shkëlqyer të përpjekjes sonë. Ndërkohë, goditja në tokë dhe në det nga Policia e Shtetit dhe agjencitë ligjzbatuese, është konstante dhe shkurajuese për krimin.   Rrjetet dhe organizatat kriminale që kanë vepruar në këtë fushë janë goditur rëndë në të gjitha aspektet, përfshirë edhe atë financiar. Fenomeni ‘Kanabis’ është tanimë një histori e të shkuarës dhe lufta kundër tij një “bast” i fituar i kësaj mazhorance. Të gjitha shifrat provojnë këtë fakt. Fatmirësisht, autoritetet italiane e njohin shumë mirë dhe nga shumë afër, të vërtetën e luftës kundër kanabisit dhe bashkëpunimin e shkëlqyer policor mes dy vendeve.  Ato kanë folur në të gjitha nivelet për këtë dhe unë besoj se do te shprehen edhe pas këtij reportazhi të Rai 3 – një mishmash i denjë për të ilustruar epideminë e ‘fake news’.

Gjithashtu një ditë më parë zv/ministrja e Brendshme, Rovena Voda tha se të dhënat zyrtare tregojnë një pasqyrë tjetër sa i takon kultivimit të kanabisit.

MBULIM-LLESHAJ-TAKON-TURKUN_ABC-M2-T1.mpg_snapshot_00.15-1280x720.jpg
ent ela15:10 | 26/07/2019

Për të rritur bashkëpunimin në fushën e sigurisë publike, Ministri i Brendshëm Sandër Lleshaj takoi në Tiranë homologun e tij turk Sulejman Soylu. “Shqipëria është një nga vendet e rajonit, me të cilën Turqia bashkëpunon më së shumti”, u shpreh Soylu. Ndërkohë Ministri Lleshaj veçoi si prioritar bashkëpunimin për luftën kundër krimit ekonomik dhe pajisjet policore. Dy ministrat e Brendshëm kërkuan rritjen e bashkëpunimit për shkollën e lartë të policisë e njohur ndryshe si “Akademia e Sigurisë”, ndërsa gjatë takimit fokusi u vendos edhe te sistemi i menaxhimit doganor shqiptar.

/ABC News Albania 24/7

LLESHAJ-HIMARE-1280x720.jpg
ent ela16:45 | 19/07/2019

Në takimin e Task Forcës në Himarë Ministri i Brendshëm Sandër Lleshaj u ka kërkuar llogari institucioneve vendore për mbarëvajtjen e sezonit turistik. Ai deklaroi se subjektet private që administrojnë plazhet nuk janë pajisur me elementet e sigurisë dhe janë këto biznese që nuk paguajnë taksa.

Ministri i Brendshëm Sandër Lleshaj gjatë një takimi në Himarë u ka kërkuar llogari drejtuesve të institucioneve vendore për masat e marra në sezonin turistik.

Ai u ndal tek siguria në plazhe, kullat e vrojtimit dhe personeli që mungon në disa plazhe të Jugut.

Të gjitha ato institucione që nuk marrin masat e nevojshme do të ndëshkohen ashtu si edhe ata që kanë në administrim stacionet e plazheve, tha Lleshaj.

Sipas Lleshajt çdo subjekt duhet t’i nënshtrohet formalizimit për të derdhur të gjitha detyrimet që në bashkitë përkatëse. /ABC News Albania 24/7

LLESHAJ-TAKIM-ME-PREFEKTET.mpg_snapshot_00.22-1280x720.jpg
ent ela19:15 | 15/07/2019

Ministri Brendshëm Sandër Lleshaj u kërkoi 12 prefektëve që të angazhohen maksimalisht për t’u ardhur në ndihmë turistëve të huaj dhe vendas, pasi në disa bashki bregdetare, fokusi nuk është te pushuesit.

Uroj që askush nga kryetarët e bashkive që nuk ka fituar zgjedhjet e 30 qershorit të mos çmendet për të mos liruar zyrën e tij. Kështu u shpreh ministri Brendshëm Sandër Lleshaj gjatë takimit me 12 Prefektët e vendit, duke i kërkuar këtyre të fundit që të zbatojnë ligjin që ia njeh kushtetuta.

Ministri Lleshaj theksoi se punonjësit e administratës vendore nuk do të largohen gjatë konstituimit të Bashkive, pasi ata janë me statusin e nëpunësit civil.

Prefektët kanë përgjegjësi të drejtpërdrejt sipas shefit të ministrisë, që të reagojnë kur bashkitë bgredetare nuk iu përgjigjen turistëve gjatë sezonit veror.

Në fund të fjalës së tij, Ministri Lleshaj kërkoi angazhimin e strukturave vendore për të shmangur zhurmat e panevojshme në plazhe. /ABC News Albania 24/7

lleshaj-2-1280x709.jpg
ad min09:50 | 30/06/2019

Ministri i brendshëm Sandër Lleshaj ka votuar në orën 09.30 mëngjes në qendrën e votimit të vendosur në ambientet e shkollës Fan Noli. Për gazetarët, Lleshaj tha se qytetarët sot kanë të drejtë të zgjedhin dhe se ndjen keqardhje që opozita nuk është në këtë proces, por kjo është përgjegjësi e saj dhe e askujt tjetër.

“Ky është një ndër vendimet më kryesore që merr një qytetar për pushtetin vendor. Pas një periudhe shumë të ndërlikuar përgatitje sot mund të them me kënaqësi që zgjedhjet në të gjithë vendin po vijojnë të lira, të qeta dhe në një atmosferë shumë të mirë. Është e rëndësishme që t’u bëj thirrje gjithë qytetarëve që të shfrytëzojnë mundësinë për të ushtruar përgjegjësinë e tyre qytetare, aq më tepër që jemi në vigjilje të një vendimi shumë të madh për Shqipërinë, pra për hapjen e negociatave të anëtarësimit të Shqipërisë në BE”, tha Lleshaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono