lleshaj

2bf61422-056f-437a-bf43-a710086eb9ac-1280x853.jpg
Sej rie14:50 | 13/05/2019

Opozita pritet të mbajë sot pasdite një tjetër protestë kombëtare në Tiranë. Ish deputeti i PD, Enkelejd Alibeaj dënoi sërish dhunën e ushtruar, sipas tij, nga policia mbi protestuesit të shtunën. Alibeaj i kërkon Prokurorisë që të nisë menjëherë hetimet.

DEKLARATA E ENKELEJD ALIBEAJ

Partia Demokratike dënon me ashpërsi dhunën kriminale të policisë kundër protestuesve të shtunën dhe kundër sekretarit organizativ Sahit Dollapi.

Sandër Lleshaj, ky mbeturinë tranzicionit shqiptar do të mbajë përgjegjësi personale për urdhrat e paligjshëm që i ka dhënë policisë për goditjen e qytetarëve me gaz helmues luftarak dhe për përdorimin e dhunës fizike kundër protestuesve paqsorë.

Partia Demokratike disponon të dhëna të mjaftueshme për ta çuar sadistin Sandër Lleshajn para drejtësisë për shkelje flagrante të ligjit të policisë së shtetit!

Prokuroria duhet të nisë hetimet e menjëhershme për të provuar se urdhri për dhunën shtazarake kundër qytetarëve është dhënë nga Sandër Lleshaj me porosi të Edi Ramës. Sandër Lleshaj, Drejtori i Përgjithshëm i Policisë Ardi Veliu, Drejtori i Policisë së Tiranës, Rebani Jaupi dhe krimineli tjetër me uniformë Arben Baro duhet të shkarkohen nga detyra dhe të hetohen menjëherë.

Ka prova filmike se Sandër Lleshaj, i cili në shkelje të ligjit komandon operacionet e policisë kundër opozitës, është duke u larguar si hajdut nga dera dytësore e Drejtorisë së Përgjithshme të Policisë së Shtetit, pasi njoftohet të shtunën në mbrëmje për zhvendosjen e protestës së opozitës.

Bashkimi ynë në marshimin e protestës sot ne oren 18:30, për zgjedhje të lira e të ndershme të garantuara nga një qeveri e përkohshme pa kryehajdutin Edi Rama, është beteja e vërtetë europiane, që e nxjerr Shqipërinë nga udhëkryqi i rrezikshëm dhe siguron stabilitet afatgjatë për vendin.

Ne jemi sot ne krah të popullit për t’i thënë Edi Ramës dhe kujtdo tjetër që ka vendosur të ndjekë rrugën e dhunës dhe të destabilitetit, se shqiptarët e bashkuar dhe opozita nuk gjunjëzohen përpara dhunës shtazarake të një qeverie që ka ardhur në pushtet me votat e blera me krimin e organizuar.

molotov.jpg
Sej rie19:39 | 11/05/2019

Vetëm pak minuta pasi protestuesit hodhën molotov në derën e Kryeministrisë, ka reaguar Ministri i Brendshëm Sandër Lleshaj. Me anë të një shënimi në Twitter, Leshaj shkruan e me molotv nuk ndërtohet demokracia.

“Me molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur! Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri”, shkroi Lleshaj në rrjetin social./abcnews.al

SANDER-LLESHAJ-PER-KODIN-PENAL-1280x720.jpg
ent ela13:21 | 10/05/2019

Ndryshimet në Kodin Penal kanë në fokus të ulë dhunën, e cila ushtrohet kryesisht ndaj funksionarëve publik dhe personave të zgjedhur në institucionet shtetërore. Për ministrin e Brendshëm Sandër Lleshaj, dënimet janë ashëpërsuar edhe për persona që lëvizin të armatosur në ambientet publike.

Reduktimi i dhunës ndaj funksionarëve publik dhe të zgjedhurve është arsyeja kyesore për ndryshimet që janë bërë në kodin penal. Sipas ministrit të Brendshëm, Sandër Lleshaj gjatë takimit për Konsultimin me publikun ai theksoi se, si ndryshimi i parë është zevëndësimi i gjobës më një vit burg.

“Goditjet ose vepra të tjera dhune ndaj punonjësve që kryejnë kryen një detyrë shtetërore apo një shërbim publik për shkak të veprimtarisë së tij shtetërore apo të shërbimit publik dënohen me burgim nga 1 deri në 3 vjet”. Pra ndryshimi  i bërë është që gjoba është shndërruar në burgim deri në 1 vit, është rritur kufiri i poshtëm i dënimit, nga gjobë  në 1 vit burgim, pjesa tjetër ka mbetur siç është.

Kur kjo vepër kryhet ndaj personit të zgjedhur apo funksionarit publik për shkak të veprimtarisë së tij, dënohet me burgim nga 1 deri në 5 vjet.

Kur kjo vepër kryhet ndaj punonjësit të policisë për shkak të veprimtarisë së tij dhe kur cilësitë  e personit janë të dukshme ose të njohura, dënohet me burgim nga 1 deri në 5 vjet”.

Ligji i ri parashikon rëndim të dënimit kur vepra penale kryehet në institucionet shtetërore.

“Kur kjo vepër kryhet ndaj profesionistit të shëndetësor për shkak të  veprimtarisë së tij dhe kur cilësitë  e personit janë të dukshme ose të njohura, dënohet me burgim nga 1 deri në 5 vjet.

Kur kjo vepër kryhet në mjediset e institucionit, ku personi ushtron detyrën shtetërore, funksionin publik apo shërbimin publik, dënohet me burgim nga 3 deri në 5 vjet”.

Por ata persona që prangosen armë në mjediset publike do të jetë tepër i rëndë sipas ministrit Lleshaj.

“Mbajtja e armëve, e armëve shpërthyese ose e lëndëve plasëse në automjete apo në çdo mjet tjetër të motorizuar, në mjedise publike ose në mjedise të hapura për publikun, pa lejen e organeve kompetente shtetërore, dënohet me burgim nga 5 deri në 7 vjet. Po kjo vepër, kur kryhet më shumë se një herë, ose ka sjellë pasoja të rënda, dënohet me burgim nga 7 deri në 15 vjet”.

Gjatë diskutimeve, u kërkua që ndryshimet në Kodin Penal të prekim edhe mbrojten e gazetarëve, pasi një gjë e tillë nuk ka ndodhur deri më sot. /ABC News Albania 24/7

 

LLESHAJ-POROSI-POLICEVE.mpg_snapshot_00.16-1280x720.jpg
ent ela13:10 | 09/05/2019

Në ditën e zgjedhjeve askush nuk duhet të ketë shans të prekë integritetin e këtij procesi. Kërkesën ministri i brendshëm Sandër Lleshaj ua drejton strukturave të policisë duke i këshilluar gjithashtu që të qëndrojnë jashtë palëve politike.

Edhe pse jo zyrtarisht dhe në kundërshtim me ligjin, fushata zgjedhore ka nisur. Këtë fakt e ka vënë re edhe Ministri i Brendshëm Sandër Lleshaj i cili porosit vartësit e tij të kujdesen që procesi zgjedhor të mos cënohet.

“Vendi është pothuajse i futur në fushatë, të gjitha agjencitë ligjzbatuese kanë detyra për një proces zgjedhor sikur e kërkon ligji. Zhvillimi i zgjedhjeve në prag të vendimmarrjeve së rëndësishme për vendin. Ka përpjekje për të krijuar vështirësi për zhvillimin e procesit. Të gjitha strukturat, prefektët të koordinojnë institucionet me qëllim që të ofrohen të gjitha mundësitë që qytetarët të kenë mundësi të shprehin të drejtën për të votuar“.

Përgjegjësi ka edhe policia, që duhet të krijojë mjedis të sigurt, që të realizohet kjo cdo drejtues i policisë duhet të jetë i angazhuar dhe i motivuar që procesi të zhvillohet si duhet- thotë ministri Lleshaj në takimin em anëtarët e task forcës qendrore, prefektët, drejtorët e policive vendore dhe të kufirit.

“Policia është jashtë palëve. Janë disa detyra, policia është aty për të bërë detyrën e pa përfshirë me partitë dhe diskutimin politik. Askush nuk mund të cënojë procesin, janë e drejtë e qytetarëve. Dita e zgjedhjeve, askush nuk duhet të ketë të drejtë, mundësi apo shans që të prekë integritetin e një procesi që është thelbi i demokracisë së vendit”.

Pas porosive për mbarëvajtjen e procesit zgjedhor rradhën e ka paralajmërimi për fidanët e kanabisit.

“Çdo fidan që kapet në Shqipëri deri në 15 qershor është meritë e juaja, drejtuesve të policisë, cfarë kapet pas 15 qershorit, është përgjegjësi e secilit prej jush e drejtpërdrejtë.”

Vëmendjen nuk duhet ta shkëpusin as nga lufta kundër krimit të organizuar. Lista e personave në kërkim është e gjatë, qindra thotë ministri në harkun e dy-tre dekadave.

“Lista e kalon rendin e treshifrorëve, prioritet i madh është ulja e kësaj liste, që ju e keni në dorë me emra konkretë, që kërkohet të ulet me ritëm të lartë. Puna juaj matet me emra konkretë sa zbret kjo listë”.

Dy pikat e tjera për të cilat kërkoi rezultate konkrete Ministri i Brendshëm ishin goditja e grupeve që trafikojnë emigrantët nga lindja drejt vendeve të Bashkimit Evropian dhe ndalimi i azilkërkuesve, një çështje që nëse nuk shkon në zero sipas ministrit Sandër Lleshaj, prodhon pasoja negative për integrimin e vendit. /ABC News Albania 24/7

 

 

Sander-Lleshaj-1280x744.jpg
ent ela16:16 | 05/05/2019

Ministri i Brendshëm Sandër Lleshaj në aktivitetin e realizuar në kuadër të “Ditës së Dëshmorëve” ka deklaruar ndryshime të Kodit Penal ku do t’i ashpërsojnë më tej dënimet ndaj atyre që tentojnë të cënojnë punonjësit e Policisë së Shtetit në krye të detyrës.

Me rastin e ditës së Dëshmorëve ‘5 Majit’, ministri i Brendshëm, Sandër Lleshaj së bashku me Drejtorin e Përgjithhëm të Policisë së Shtetit Ardi Veliu ishin të pranishëm në aktivitetin e organizuar në Akademinë e Sigurisë në Sauk për të kujtuar dhe vlerësuar Dëshmorët e Policisë. Të pranishëm ishin edhe familjarët e policëve dëshmorëve. Ministri i Brendshëm Lleshaj në fjalën e tij shprehu mirënjohjen për Dëshmorët e Policisë të rënë në krye të detyrës dhe gjithashtu u zotua se qeveria shqiptare do të vijojë thellimin e masave për mbrojtjen ligjore të punonjësve të Policisë së Shtetit.

Sandër Lleshaj: “Qeveria shqiptare do të vijojë thellimin e masave për mbrojtjen ligjore të punonjësve të Policisë së Shtetit. Ndryshimet e pritshme në Kodin Penal do t;i ashpërsojnë më tej  dënimet ndaj atyre që tentojnë të dëmtojnë punonjësit e Policisë së Shteti në krye të detyrës”.

Drejtori i Përgjithshëm i Policisë së Shtetit Ardi Veliu, i cilësoi si krenari për të gjithë shoqërinë të gjithë kolegët që dhanë jetën në mbrojte të qytetarëve.

Ardi Veliu:Organizata e Policisë është vetmja organizatë që e ka paguar më shtrenjtë përballjen me krimin, përpjekjen për të vendosur rendin dhe sigurinë, sakrificën për të mbrojtur jetën me jetë.

Dita e sotme nuk është një ditë rutinë për të bërë detyrën dhe pasi të ndahemi nga këtu, të harrojmë për çka u mblodhëm. Por është një ditë e veçantë krenarie, obligimi, detyrimi e reflektimi”.

Pas mbylljes së falimeve Drejtori i Përgjithshëm i Policisë kërkoi që të mbahet një minutë heshtje në nderim të gjitha atyre policëve që kanë dhënë jetën duke luftuar krimin për të mbrojtur qytetarët dhe kanë reailzuar me dinjitet e krenari detyrën e tyre./ABC News Albania 24/7

lleshaj-dhe-balluku-morine-1280x733.jpg
Sej rie14:30 | 27/04/2019

Strukturat shtetërore do të jenë të angazhuara për të përballuar fluksin e turistëve që do të vizitojnë vendin tonë gjatë sezonit veror. Ministri i Brendshëm Lleshaj dhe Ministrja e Infrastrukturës dhe Energjisë Balluku, e dhanë këtë garanci nga pika kufitare e Morinës.

Pika kufitare e Morinës ka fluksin më të lartë të lëvizjes gjatë sezonit veror.  Në prag të tij ministri i Brendshëm Sandër Lleshaj dhe ministrja e Infrastrukturës dhe Energjisë Belinda Balluku kërkuan nga autoritetet të shtohen masat në drejtim të pritjes dhe menaxhimit më të mirë të numrit të turistëve.

“Do të marrim masa në bashkëpunim edhe me autoritetet e Kosovës që ta kompensojmë me masa të shtuara sigurie këtë liri të lëvizjes, që po rritet përditë e më shumë. Duke qenë se jemi edhe në prag të sezonit turistik, unë gjej rastin të kërkoj nga autoritetet dhe t’i inkurajoj ato, për të shtuar masat në drejtim të pritjes dhe menaxhimit sa më të mirë të fluksit të turistëve, me qëllim që ai të rrjedhë i lirshëm por edhe i sigurt. Të shtohet ato masa që tradicionalisht janë ndërmarrë për patrullimin e përbashkët, për kontrollin e përbashkët e çështje të tjera”.

Për të ulur kohën e pritjes së qytetarëve që duan të kalojnë kufirin ministrja Balluku bëri të ditur se do te aplikohen shërbimet e integruara.

Ndërkohë për të lehtësuar lëvizjen e automjeteve në fund të Qershorit pritet të përfundojnë dhe punimet përgjatë rrugës Kukës –Morinë.

 “Fokusi kryesor në zonën e Kukësit është infrastruktura. Ministria e Infrastrukturës dhe Energjisë po investon në aksin Kukës-Morinë dhe shpresojmë që shumë shpejt, brenda fundit të muajit qershor, të gjitha punimet e nisura të përfundojnë për të qenë gati dhe për sezonin dhe për ngarkesën e trafikut që kjo rrugë ka”. 

Ministrja e Infrastrukturës dhe Energjisë u ndal edhe punimet në aeroportin e Kukësit ndërsa u shpreh se investimi do jetë gati brenda afateve të parashikuara. Aktualisht po punohet për zgjerimin e pistës./abcnews.al

LESHAJ-VLORE.mpg_snapshot_00.03-1280x720.jpg
ent ela23:07 | 18/04/2019

Ministri i Brendshëm, shefi i shërbimit informative shtetëror e drejtori i policisë së shtetit ishin në Vlorë pasditen e të enjtes për një takim në prefekturë. Ishte prefekti i Vlorës ai që u tha mediave se në fokus të diskutimeve ishin ngjarjet kriminale në Vlorë dhe bashkëpunimi ndërinstitucional për sezonin turistik.

Pasditen e së enjtes ministri i Brendshëm Sandër Lleshaj mbërriti në Vlorë për të zhvilluar një takim në Prefekturë.

Në mbledhjen me dyer të mbyllura që zgjati mbi një orë mori pjesë edhe drejtori i përgjithshëm i Policisë së Shtetit Ardi Veliu, i Sherbimit Informativ Helidon Bendo dhe ai i Doganave.

Ministri doli u tha gazetarëve që ishte thjesht një takim pune.

Sipas prefektit të Qarkut, Flamur Mamaj, në mbledhje u kërkua zbulueshmëri e ngjarjeve kriminale dhe bashkëpunim ndërinstitucional per sigurine dhe sezonin turistik.

Në Vlorë, në dy vitet e fundit numërohen 25 djegie automjetesh dhe shpërthime me eksploziv, të cilat ende nuk janë zbardhur. /abcnews.al

beridhsa-1280x716.jpg
Sej rie22:36 | 18/04/2019

Për grabitjen e ndodhur në aeroportin e Rinasit, ish-Kryeministri Sali Berisha shprehet se duhet të arrestohen Sandrës Lleshit, Belinda Ballukut dhe Ëngjëll Agaçit. Këto deklarata Berisha i bëri në studion e emisionit “Mbrëmje Ide”.

Berisha: Pse nuk ndodhën këto vjedhje më përpara?

Milori: Kontrata me koncensionarin që shteti shqiptar ka qenë me shpatulla pas murit?

Berisha: Në 2004 është kontrata nuk është e imja. Por nuk ka ndodhur kurrë dhe nuk guxonte njeri, sepse shteti nuk vishte ndërsa këtu është shteti që po vjedh. Këtu është shteti që po vjedh në pistën e avionit. Nuk mund të vjedhë kush në pistën e avionit kurrë përveçse shteti.

Milori: Ata ishin 5 njerëz me maska dhe njëri prej tyre është vrarë? I kam lexuar edhe në faqen tuaj njoftimet që jepni në lidhje me vrasjen e tij, por kjo është çështje tjetër. Po si i ka vjedhur shteti? Janë 5 njerëz që policia i ka shpallur në kërkim. Informacioni i policisë është se dy nga tre automjetet e vjedhura kanë hyrë nga Kosova.

Berisha: Tani do të dalë se i treti na ka hyrë nga Maqedonia. Prit kur ta dëgjoni. Ndodhi vjedhja e parë dhe për hir të së vërtetës Prokuroria lëshoi 5-6 urdhra arresti. Por tani njeriu që duhet të arrestohet është Sandër Lleshi, ish-kryetar i bordit. Njeriu tjetër që duhet arrestuar është Belinda Balluku. Njeriu tjetër që duhet të arrestohet është Engjëll Agaçi. Njeriu tjetër që duhet të arrestohet është drejtori i Aviacionit Civil.

Milori: Pse duhet të arrestohen?

Berisha: Ndodhi vjedhja e parë nuk do huhej të ndodhte kurrë por ja ndodhi. Po shteti çfarë bëri? Shteri dhe enti ndërkombëtar i aviacionit përcaktoi 40 kërkesa për t’u plotësuar.

Milori: Por nuk lejonte koncensionari?

Berisha: Forcë në botë që më ndal mua të siguroj qytetarët e mi nuk ka. Një gjë tha me të drejtë kinezi. Në çdo metër katrorë është territor shqiptar dhe për çështje sigurie, nuk ia beson njeriu. Por çfarë kujton ti se kompanive private do u besojmë jetën e miliona njerëzve që lëvizin në Rinas?/abcnews.al

ced138b0-c17c-4cc1-a226-5af93f3cb48d-1280x983.jpg
Sej rie12:39 | 11/04/2019

Ministri i Brendshëm Sandër Lleshaj, tha sot nga foltorja e Kuvendit se siguria e aeroportit të Rinasit tashmë  është e garantuar. Lleshaj tha se kjo ngjarje ka shumë aktorë të përfshirë brenda saj dhe se Policia e Shtetit ka siguruar prova të rëndësishme, që do të sjellin rezultate për hetimin. Më tej ai i është përgjigjur deklaratës së deputetit të opozitës Ralf Gjoni, i cili i kërkoi dorëheqjen nga salla e Kuvendit. 

“Gjëra të tilla mund të ndodhin kudo. Ajo që ka ndodhur është e rëndë. Ne kemi marrë masa të forta të plota për të zhbërë një histori turpi që është transferuar para 20 viteve në duart e një privati. Transferuam sovranitet në duart e një koncesionari privat. Nëse shikoni do të gjeni edhe emra të njohur që kanë kontribuuar në këtë situatë. Po është një cenim i sigurisë kombëtare dhe jo rrëzim. Aktorë dhe përgjegjës ndër vite për këtë situatë shqetësohen pse ndërhyri ushtrinë në aeroport. FA e ka në mision kushtetues sigurinë kombëtare. Nëse konstatojmë se është cenuar apo kërcënuar, FA ka detyrë që të japë kontributin e tyre. Ajo nuk kanë hyrë si forca të armatosura, por në mbështetje të policisë.
Porta e Rinasit u cenuar në kuadrin e disa sekondave. Nuk është turp kombëtar por incident, mos harroni 11 shtatorin se çfarë ndodhi, apo goditje terroriste, por asnjë komb nuk cenohet të shpallë gjendje të pa shpresë. Nuk ka asgjë për t’u alarmuar. Policia reagoi në kohë rekord dhe në mënyrë të paparë. Policia u sulmua me granata dhe nuk u tërhoq, nuk rrëzohet siguria nga një incident​​​​​​​. Ky grup kriminal është arratisur nga burgu i një vendi anëtar të BE-së, por nuk u shpall turp kombëtar atje. Meqë më përmende dorëheqjen, nuk kam luftuar asnjë ditë për ta pasur këtë post, nuk kam asnjë brengë për ta lenë, faleminderit për rekomandimin por atë e gjykoj unë me dinjitetin personal”, –tha Lleshaj./abcnews.al

LLESHJA-1280x703.jpg
ent ela15:17 | 10/04/2019

Ministri i Brendshëm, ka reaguar për grabitjen që ndodhi një ditë më parë në aeroportin e Rinasit. Lleshaj tha se koncesionari i aeroportit nuk ka sinjalizuar në kohë Policinë e Shtetit, teksa iu përgjigj akuzave të Partisë Demokratike.

Pas grabitjes në Rinas ku morën një sasi e konsiderueshme parash, Ministri i Brendshëm Sandër Lleshaj bëri përgjegjës kompanitë koncesionare dhe nënkrontraktorin për mosfunksionimin e sigurisë ne aeroport.

“Nga analiza e deritanishme, rezulton se nuk kanë funksionuar aspak mekanizmat e sigurisë që janë nën përgjegjësinë e kompanisë koncensionare të aeroportit. Kompania kineze që ka koncesionin e aeroportit të Rinasit ka dështuar të përmbushë përgjegjësitë e saj për garantimin e parametrave të sigurisë fizike.  Koncesionari dhe kontraktori i zgjedhur prej tij, që përgjigjet për sigurinë fizike të Aeroportit, nuk kanë arritur të zbatojnë standardet e detyrueshme të sigurisë, që përcaktohen nga legjislacioni vendas dhe nga Organizata Botërore e Aviacionit Civil”, tha Lleshaj.

Lleshaj tha se cënimi i sigurisë së aeroportit, është pasojë e marrëdhënieve të vështira të policisë me koncensionarin që në pothuajse tre vjet ka refuzuar kërkesat për shtim të masave të sigurisë.

“Siguria e jetës, ajo e pronës dhe siguria kombëtare prevalojnë mbi të gjitha interesat e tjerë. Të gjitha masat që do të merren do të jenë plotësisht në funksion të garantimit të sigurisë kombëtare, të jetës e të pronës. Me masat e reja që do të merren do të garantohet një nivel sigurie i ri, shumë herë më i lartë dhe në përputhje të plotë me standardet më të mira ndërkombëtare”, u shpreh ministri

Ministri i Brendshëm, Sandër Lleshaj iu përgjigj akuzave të Partisë Demokratike për grabitjen me armë brenda aeroportit të Rinasit.

“Në të njëjtën kohë dua të shpreh keqardhjen e thellë për segmente të caktuara të politikës destruktive, që edhe në momentet kur Policia e Shtetit ishte në zhvillim të një përpjekjeje të rrezikshme dhe të armatosur me grupin kriminal, nxituan të rreshtohen kundër saj, të akuzojnë në mënyrë të përçartur dhe krejt të pabazuar atë, si dhe të përhapnin tymin e të pavërtetës, në një kohë kur pritej përkrahja e çdo qytetari apo grupi politik që ndjen përgjegjësinë normale ndaj sigurisë dhe rendit publik të Shqipërisë”, theksoi ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono