Llapi

plaku-gjilani-1280x853.jpg
Vladimir Prenga12:21 | 05/01/2020

Sebino Plaku do të jetë krahu i djathtë i Tomislav Busic te Gjilani. Sulmuesi ka nënshkruar dhe është zyrtarizuar sot pjesë e skuadrës së drejtuar nga Gentian Mezani. Ai i bashkohet kolonisë së futbollistëve që lanë Superioren për të luajtur në Kosovë.

“Gjilani dhe futbollisti nga Shqipëria, Sebino Plaku, kanë arritur marrëveshje bashkëpunimi, nga ku do ta mbajë futbollistin e lartcekur si pjesë e skuadrës së Gjilanit deri në fund të këtij edicioni garues.

I lindur në Tiranë, Plaku, karrierën e tij futbollistike e nisi me Partizanin e Tiranës. Sulmuesi më i ri i Gjilanit, pas vetes ka karrierë të gjatë futbollistike, ndërsa në këtë edicion ai luajti për skuadrën e Llapit nga Podujeva.

Sebino Plaku, gjithashtu kishte luajtur edhe në skuadra të ndryshme në Shqipëri, ku karrierë kishte bërë edhe në kampionatet Europiane, më saktësisht në Poloni me skuadrën e Slask Wroclaw dhe në Norvegji me skuadrën e FC Hamkam”, njofton klubi i Gjilanit. /abcnews.al

Sebino Plaku dhe menaxheri Altin Firat duke pozuar pas hedhjes së firmës
plaku-1280x853.jpg
Vladimir Prenga11:31 | 05/01/2020

Sebino Plaku do të ndryshojë skuadër në Kosovë dhe do të jetë Gjilani ekipi i ri. Pas një pjese të parë të sezonit te Llapi, sulmuesi ka pranuar ofertën e klubit gjilanas dhe do të vihet nën urdhrat e trajnerit Gentian Mezani.

Vetë trajner i Llapit, Tahir Batatina, ka konfirmuar se është mbyllur gjithçka dhe Plaku do t’i bashkohet Gjilanit. “Kemi arritur marrëveshje me skuadrën e Gjilanit që ta transferojmë tek Gjilani Sebinon”, tregon fillimisht Batatina për “Zëri.info”.

Më tej ai shton: “Kemi kaluar jashtë zakonisht mirë me lojtarin, i cili është një super profesionist dhe super djalë dhe i kulturuar. Unë mendoj se do ta ndihmojë shumë Gjilanin, pasi  e njeh edhe skuadrën dhe lojtaret që janë aty”. /abcnews.al

Sebino-Plaku-Llapi.png
Vladimir Prenga09:35 | 05/01/2020

Sebino Plaku pritet të ndryshojë skuadër. Sulmuesi kryeqytetas zgjodhi në verë t’i bashkohej skuadrës së Llapit, ndërkohë që për të ka mbërritur prej ditësh një ofertë nga Gjilani i Gentian Mezanit. Vlonjati e do Plakun në skuadrën e tij.

Bisedimet kanë përparuar dhe raportohet për një akord mes palëve, por më parë duhet zgjidhur çështja e kontratës. Plaku ka marrë një pjesë të konsiderueshme të pagesave te Llapi, që normalisht do t’i kthehet diçka pas.

Gjasat janë që Gjilani të paguajë dhe sulmuesi të vihen nën urdhrat e trajnerit  Mezani, i cili kërkon titullin kampion me skuadrën e tij. Ballkani i vendit të parë është pranë dhe shanset janë të mëdha që në fund tifozët gjilanas dhe “Skifterat” të gëzojnë ngritjen e një trofeu. /abcnews.al

Sebino-Plaku-Llapi.png
Vladimir Prenga09:32 | 03/01/2020

Miliona euro të shpenzuara. Tahir Batatina, trajneri i Llapit, së bashku me vëllezërit e tij investojnë në klubin nga Podujeva dhe për ta kthyer në një ekip pretendent në Ipko Superliga e Kosovës, kanë shpenzuar 3.5 milionë euro.

Batatina, në një intervistë të dhënë për “Gazeta Infokus”, tregon për shpenzimet e mëdha që klubi ka. Ai zbulon se rreth 70 mijë euro janë kostot mujore, ndërkohë që zbulon edhe dy prej lojtarëve më të paguar.

Mentor Zhdrella dhe Sebino Plaku marrin 60 mijë euro në sezon, pra një pagë mujore që kap shifrën e 5 mijë eurove. Siç ndodh zakonisht në botën e futbollit, një pjesë e pagesës jepet në fillim dhe këta dy lojtarë kanë marrë parapagim gjysmën  e shumës që përfitojnë nga kontrata.

 

PËRFITIMET – Synimi i Batatinës është që në të ardhmen të shesin lojtarë. Deri më tani kanë përfituar vetëm nga transferimi i Mirlind Dakut tek Osijek. 60 mijë euro kanë kaluar në llogarinë e klubit, ndërkohë që klubi nga Podujeva ka akoma 15% të kartonit dhe nëse sulmuesit shitet sërish, atëherë do të përfitojnë përqindjen e tyre.

Të njëjtën përqindje kartoni Llapi ka ruajtur edhe pas transferimit të anësorit Festim Alidema, por për këtë të fundit nuk kanë marrë asnjë para. Batatina shpreson që duke u transferuar jashtë lojtarët e rinj, vlera e tyre do të rritet ndjeshëm dhe ai 15% i kartonit që kanë, mund të kapë shifra të konsiderueshme. /abcnews.al

 

Sebino-Plaku-Llapi.png
Vladimir Prenga12:07 | 02/01/2020

Sebino Plaku në shënjestër të disa klubeve, në Kosovë dhe Shqipëri. Sulmuesi, i cili është nën kontratë me Llapin, mund të ndryshojë ambient së shpejti, por fillimisht duhet të zgjidhë çështjen e kontratës me klubin nga Podujeva.

Gazeta Sheshi raporton se në Superiore e duan klube si Partizani dhe Teuta. Me të kuqtë ai ka luajtur edhe më parë, kurse durrsakët e kanë tentuar edhe në verë.

Në garë për shërbimet e Plakut është vënë edhe Gjilani, klub që synon të përforcohet dhe të tentojë fitimin e titullit kampion në IPKO Superliga e Kosovës. /abcnews.al

Llapi.jpg
Igli Nikolli16:31 | 17/12/2019

Llapi ka nisur merkaton dhe ka zyrtarizuar përforcimin e parë. Klubi nga Podujeva ka prezantuar Egzon Krasniqin, duke përforcuar krahët e sulmit. 22-vjeçarit i përfundoi kontrata me Flamurtarin e Prishtinës dhe tani është gati të nisë aventurën me ekipin e Batatinës.

Mesfushori i djathtë ofensiv ka firmosur një kontratë 1.5-vjeçare me Llapin. “Egzon Krasniqi nga sot edhe zyrtarisht është pjesë e KF Llapit. Mesfushori këmbëshpejtë, pasi shkëputi kontratën me ekipin e tij, Flamurtarin, kishte oferta tjera, por vendosi për Llapin, sepse vetë futbollisti potencoi se oferta e Llapit nuk mund të refuzohet“, shkruhet në postimin e klubit në faqen zyrtare.

Ekipi dardan ka objektiva të mëdha për këtë sezon, por ecuria e pjesës së parë të sezonit nuk ka qenë pozitive. Llapi renditet në vend të shtatë në IPKO Superliga me 24 pikë të grumbulluara, dhjetë më pak se kryesuesit e Ballkanit. /abcnews.al

daku-aksion-1280x853.jpg
Vladimir Prenga11:22 | 10/12/2019

Mirlind Daku, sulmuesi që shpërtheu në Kosovë me Llapin dhe më pas kaloi në Kroaci tek Osijek, aktualisht është pjesë e Kukësit në Superiore. I riu ka shënuar vetëm një gol në kampionat dhe hapësirat nuk i ka pasur të shumta, edhe pse kroatët e kanë huazuar me shpresën që do të luajë dhe të rritet.

Në Kosovë së fundmi është lakuar emri i Dakut si një përforcim i mundshëm për Llapin, por është trajneri Tahir Batatina që shuan çdo zë përmes një postimi në llogarinë e tij në “Facebook”.

“Po shoh që po shkruhen lajme rreth rikthimit të Dakut tek KF Llapi, por as një lëvizje për momentin nuk ka në këtë drejtim. Me respekt, por duhet të jemi të sinqertë!”, shkruan trajneri pasionant i ekipit nga Podujeva. /abcnews.al

Postimi i trajnerit të Llapit
gjilani-prishtina.jpg
Vladimir Prenga14:59 | 01/12/2019

Ballkani ka mundësinë të shkëputet në krye të klasifikimit, pasi rivalët janë ndalur ditën e sotme. Gjilani është ndalur në barazim pa gola në shtëpi me Prishtinë, që gjithashtu kërkon titullin kampion në Kosovë.

Drita është mundur keqas në Mitrovicë, aty ku në pjesën e parë bardhekaltrit kanë pësuar dy gola. Emini ka ndëshkuar ekipin nga Gjilani, ndërkohë që në shtesë ka realizuar një autogol Ardian Cuculi. Trepcca ’89 i ka mbyllur llogaritë me Jasharin, kurse goli i Gilberto ishte sa për statistika.

Llapi është turpëruar në shtëpi sot. Ekipi nga Podujeva pësoi katër gola nga Flamurtari i Prishtinës. Begolli dhe Kelmendi e çuan ndeshjen në 0-3, për të shkuar në 1-3 pas një goli të Hysenit. Kuqezinjtë nuk u ndalën me aq, pasi në fund shënuan edhe golin e katërt.

IPKO SUPERLIGA E KOSOVËS – Java
E diel, më 1 dhjetor, ora 12:55

Gjilani-Prishtina 0-0
Llapi-Flamurtari 1-4
Shënues:
Hyseni 89′ / Begolli 28′, 74′, Kelmendi 33′, Krasniqi 94′
Trepça ’89-Drita 3-1
Shënues:
Emini 17′, Cuculi 45+1′ (aut.), Jashari 57′ / Gilberto 63′

/abcnews.al

Prishtina.png
Igli Nikolli14:54 | 09/11/2019

Prishtina ka treguar forcën e saj. Ekipi kryeqytetas zhvilloi ndeshjen më të mirë të sezonit në Podujevë dhe mposhti Llapin me rezultatin 0-4. Bardhekaltrit u hakmorën për humbjen e fazës së parë dhe siguruan një trepikësh shumë të rëndësishëm.

Endrit Krasniqi dhe Ahmet Haliti shënuan në pjesën e parë, ndërsa Ahmed Januzi dhe Armend Thaçi vulosën fitoren e thellë të miqve në 45 minutat e dyta. Kastriot Selmani arriti të shënojë golin e vetëm të Llapit në minutën e 75-të. Kjo fitore e ngjit Prishtinën përkohësisht në vend të katërt me 27 pikë, ndërsa ekipi i Batatinës numëron 3 pikë më pak.

Renditja e IPKO Superligës

Nuk ka fitues në duelin Feronikeli-Drita. Kampionët në fuqi nuk arritën të siguronin fitoren e dytë radhazi pas asaj kundër Prishtinës. Ndeshja ishte shumë e fortë, por asnjë prej lojtarëve nuk arriti të dërgonte topin në rrjetë.

Ekipi nga Drenasi renditet në vend të gjashtë me 23 pikë, ndërsa miqtë nga Gjilani qëndrojnë të tretët më 28 pikë, dy më pak se kryesuesit e Gjilanit dhe Ballkanit. /abcnews.al

Feronikeli – Drita 0-0

Llapi – Prishtina 1-4
(Selmani 75′ / Krasniqi 25′, Haliti 32′, Januzi 46′, Thaçi 70′)

Sebino-Plaku-Llapi.png
Veronik Istrefaj18:29 | 06/11/2019

Në Kosovë, po zhvillohet kampionati më i bukur deri më tani, pasi shumë skuadra janë në luftë për titull dhe diferencat mes ekipeve janë shumë të vogla. Megjithatë, jo të gjitha gjërat po shkojnë në mënyrën e duhur. Një nga ekipet e pakënaqura është Llapi, që në fundjavë, luajti kundër Ballkanit.

Kjo sfidë, u mbyll me rezultatin 1-1. Llapi po kryesonte deri në minutën e 72-të, madje shënoi dhe golin e dytë, i cili u anulua. Pikërisht për këtë gol, ka dhe shumë polemika, pasi pozicioni është i dyshimtë. Pasi kanë siguruar pamjet filmike, klubi i IPKO Superligës i ka kërkuar shpjegime Federatës së Futbollit të Kosovës, duke shkruar:

“FFK ku jeni? Vazhdon avazi i vjetër i krimit dhe masakrimit ndaj KF LLAPIT

Shikojeni se si i anulohet Llapit goli i pastër i shënuar nga Sebino Plaku. Pamjet në këtë video pasqyrojnë qartë se si gjyqtari anësor, Gzim Mehmeti e ‘masakroi’ Llapin me këtë gol të anuluar.

Anësori pasi sheh që topi hyn në rrjetë pas 20 sekondave, futbollistët dhe stafi në bankinë gëzohet, e anulon golin e pastër, gol që nuk kishte lidhje me pozitë jashtë loje.

Është gjynah se si po humbet mundi i donatorëve dhe djersa e futbollistëve në fushë, kur FFK delegon gjyqtarët e këtij rangu si Gzim Mehmeti me këso tendenca të qarta po na dëmtojnë qëllimisht dhe po na pengojnë në rrugën tonë drejt kreut të tabelës”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono