liverpool

Champions-League.jpg
Vladimir Prenga08:09 | 18/02/2020

Magjia e Champions League rikthehet në mbrëmje. Dy ndeshje për t’u parë dhe që me shumë mundësi do të kenë edhe gola, nëse nuk kthehen në beteja shahu. Të dyja takimet nisin prej orës 21:00.

Atletico Madrid-Liverpool është njëra prej përballjeve. Trajneri Diego Simeone nuk ka të gatshëm për këtë përballje yllin e skuadrës, Joao Felix, por me grupin që ka në dispozicion dhe mbështetjen e publikut, do mundohet ta kalojë me sukses këtë përballje.

“The Reds” vijnë në këtë ndeshje pas një fitoreje të vuajtur me Norwich në kampionat. Skuadra e Klopp do tentojë të mbrojë kurorën e Champions dhe në Madrid shkon me objektivin e qartë për të fituar.

SFIDA TJETËR – Thomas Tuchel do të sfidojë Borussia Dortmund në shtëpi dhe PSG do të ketë në fushë edhe Neymar, i cili është rikuperuar nga dëmtimi. Francezët janë në kërkim të një suksesi në arenën ndërkombëtare dhe kalimi i verdhezinjve shikohet si detyrim.

Gjithsesi Dortmund ka treguar gjithmonë që është një kockë e fortë për këdo. Të përforcuar me Haaland, si dhe me Hakim e Sancho në një formë shumë të mirë, PSG duhet të ketë kujdes nga kundërzbritjet e shpejta të gjermanëve. / abcnews.al

Simeone-e1580067179812.jpg
Veronik Istrefaj21:38 | 17/02/2020

Atletico Madrid pret Liverpoolin të martën në mbrëmje në Madrid dhe Diego Simeone, ka folur në konferencë për shtyp. Fjalën e tij, strategu argjentinas e nisi me një rikthim të mundshëm të Diego Costa: “Ai po bëhet më mirë dhe po stërvitet me shumë motivim. Është një nga 19 lojtarët e thirrur për këtë ndeshje”.

“Kjo do të jetë një ndeshje e vështirë për Atletico Madrid, pasi ne luajmë kundër një skuadre të pandalshme, megjithatë, ndeshjet fitohen në fushë. Njerëzit thonë ose mendojnë gjëra të tilla, por e vetmja gjë që ka rëndësi është ajo që ndodh në fushë”.

Unë nuk e ndiej pesimizmin, unë e kuptoj dhe motivimin e lojtarëve. Stadiumi do të jetë i mbushur dhe ne kemi lojtarë me shumë cilësi. Ne jemi përgatitur me pasion dhe optimizëm, kjo është ajo që më pëlqen. Klopp? Unë e mbaj mend skuadrën e tij te Borussia Dortmund dhe tani ka këtë Liverpool të pandalshëm. Kjo skuadër e Liverpool do të futet në histori”, përfundoi Simeone./abcnews.al

Klopp.jpg
Veronik Istrefaj21:17 | 17/02/2020

Trajneri i Liverpool, Jurgen Klopp, iu bëri thirrje të tijve të kenë kujdes para ndeshjes së nesër në Ligën e Kampionëve kundër Atletico Madrid. Strategu i ‘Reds’ vlerësoi dhe Diego Simeonen, duke e quajtur një ndër trajnerët më të mirë në botë.

“Ata nuk kanë luajtur aq keq sa njerëzit mendojnë. Unë e di se ata janë detyruar të bëjnë ndryshime dhe janë në një periudhë tranzicioni. Kjo kërkon kohë dhe njerëzit nuk ju japin kohë. Ata humbën Griezmann, Juanfran, Gabi…

Duhet të rindërtojnë ekipin dhe ata e kanë bërë atë. Kam parë pesë nga ndeshjet e tyre këtë sezon, 90 minutat e plota dhe nuk ka të bëjë me lojën tërheqëse, ka të bëjë me atë që funksionon dhe çfarë është e suksesshme.

Ata janë një makinë e vërtetë dhe nëse nuk je i përqendruar, atëherë Atletico të godet. Unë jam gjerman dhe admiroj gjëra të tilla. Por ne jemi gjithashtu të organizuar dhe jemi këtu për të provuar të fitojmë takimin.

Unë nuk e njoh Simeonen sa duhet për të thënë se sa të ngjashëm apo sa të ndryshëm jemi. Ai ishte një lojtar i madh dhe unë nuk isha lojtar i klasit botëror. Më pëlqen organizimi i mirë që ai i ka bërë ekipit të tij. Simeone ka tetë vite tek Atletico, kjo është një kohë me të vërtetë e gjatë. Njerëzit thonë se unë jam emocional, por unë ndoshta jam në notën 4, ndërsa Diego është një nivel 12. Ne kemi shkëmbyer mesazhe dhe nesër do të takohemi për herë të parë. Do të jetë interesante”, përfundoi Klopp./abcnews.al

Atletico.jpg
Veronik Istrefaj17:19 | 17/02/2020

Atletico Madrid po përballet me një moment përcaktues të sezonit, ndërsa Liverpool viziton “Wanda Metripolitano” të martën në pozita shumë herë më të mira. Në një ndeshje kaq të rëndësishme, skuadra spanjolle mund të jetë pa një nga sulmuesit e saj më të mirë, Joao Felix. Sipas Goal, Felix nuk do të jetë i gatshëm, pasi vuan nga virozat e stinës.

20-vjeçari u transferua në Atletico Madrid këtë verë për një çmim faraoni, 140 milion eurosh. Edhe pse nuk i ka përmbushur ende pritshmëritë, portugezi mbetet një nga sulmuesit më të mirë të Atleticos.

Atleti është 13 pikë mbrapa Barcelonës, ​​duke qëndruar në vendin e katërt në tabelën e La Liga. Atletico është gjithashtu jashtë Copa del Rey, e eliminuar nga modestët e Leonesa.

Champions League është shansi i fundit i Diego Simeone për të shpëtuar sezonin. Përveç mungesës së mundshme të Felix, Atleti është gjithashtu pa mesfushorin Hector Herrera, ndërsa Kieran Trippier vazhdon rikuperimin nga një dëmtim i ijëve./abcnews.al

Cantwell-Firmino.jpg
Veronik Istrefaj16:39 | 17/02/2020

Skuadra e Liverpool duket e kompletuar në çdo repart dhe jo më kot, të kuqtë e Jurgen Klopp po e dominojnë Premier LEaguen angleze, me plot 22 pikë më shumë se Manchester City ndjekës. Edhe pse jemi ende në shkurt, Liverpool e ka siguruar kualifikimin për në Champions League sezonin e ardhshëm.

Yje si Chamberlain, Keita, Matip, Origi e të tjerë, nuk arrijnë dot të gjejnë një vend titullari, duke treguar forcën që ka grupi i ndërtuar nga Jurgen Klopp. Megjithatë, kjo gjë nuk e pengon strategun gjerman të ndërhyjë në merkato.

Mediet britanike kanë mësuar objektivin e Jurgen Klopp për merkaton e verës dhe ai është Todd Cantwell. Talenti i Norwich, po konsiderohet si zbulimi i sezonit, pasi me “Kanarinat”, po bën një edicion futbollistik të shkëlqyer. Me një ofertë pranë 30 milion eurosh, Cantwell mund ta transferohet në Anfield Road sezonin e ardhshëm./abcnews.al

klopp-1-e1581801150549.jpg
Veronik Istrefaj22:14 | 15/02/2020

Trajneri i Liverpool, Jurgen Klopp, iu thuri elozhe të tijve për fitonte 0-1 në transfertën ndaj Norwich, në “Carrow Road”. Pasi analizoi ndeshjen dhe pasi pranoi se titulli kampion nuk është fituar ende, strategu gjerman foli edhe për dënimin e Manchester Cityt.

Klopp, për dënimin e Manchester City nga UEFA, tha: “Ishte një shok. “Uau” e madhe. E vetmja gjë që mund të them është për futbollin. Ajo që ata kanë bërë në fushën e futbollit është e jashtëzakonshme. Pjesa tjetër, unë nuk e di. Ju besoni njerëzit me të cilët punoni, kështu është. Më vjen keq Guardiolën dhe lojtarët e Cityt”, u shpreh Klopp./abcnews.al

Alisson.jpg
Veronik Istrefaj21:04 | 15/02/2020

Portieri i Liverpool, Alisson Becker, është një ndër më të mirët në botë dhe ndeshje pas ndeshje, po tregon të gjitha aftësitë e tij. Në Premier League, gardiani ka luajtur 18 ndeshje dhe ka arritur ta mbajë rrjetën e paprekur në 10 prej tyre, një rekord absolut në futbollin anglez.

Kur janë luajtur 26 javë kampionat, portierët e tjerë kanë ndeshje më shumë se braziliani, por është pikërisht Alisson ai që ka arritur i pari të mbajë 10 rrjeta të paprekura, normalisht duke u ndihmuar dhe nga një mbrojtje fantastike e të kuqve./abcnews.al

MAne.jpg
Veronik Istrefaj20:37 | 15/02/2020

Sadio Mane është rikthyer nga dëmtimi dhe sot, i aktivizuar nga stoli, i dha fitoren Liverpoolit kundër Norwich. Ylli senegalez u aktivizua në minutën e 60-të dhe iu deshën vetëm 16 minuta për t’u bërë vendimtar.

Numri 10 i të kuqve merr një pasim të gjatë dhe e kontrollon në mënyrë të shkëlqyer brenda zonës. Më pas, senegalezi gjuan me të majtën dhe ndëshkon gardianin Krul në shtyllën e parë, i cili deri në këtë moment, po bënte një sfidë të shkëlqyer.

Mane rikthehet në mënyrën e duhur, Liverpool merr fitoren e radhës, Klopp duket shumë pranë titullit dhe tashmë, edhe matematika i bëjnë të besojnë. Të kuqve iu duhen edhe 5 fitore për t’u shpallur kampionë të Premier League dhe me “krizën” e Manchester Cityt, mund ta bëjnë edhe më herët diçka të tillë./abcnews.al

Jurgen-Klopp-Liverpool.jpg
Klejdi Kaimi12:27 | 15/02/2020

Ditën e martë rikthehet kompeticioni më i rëndësishëm europian, Champions League. ‘Trofeu me vëshë’ do të vijë me dy ndeshje të vlefshme për raundin e 1/16. Atletico do të presë Liverpool dhe Dortmund do të sfidojë franezët e PSG-së. Trajneri i ‘’The Reds’’, Jurgen Klopp, në një intervistë të fundit largon presionin nga ekipi i tij dhe thur elozhe për rivalët e tjerë.

‘’Përpara fillimit të sezonit ishte Juventusi ekipi im favorit për të fituar Championsin. Nuk arrij do ta kuptoj se përse ata nuk janë 10 pikë përpara vendit të dytë. Ata kanë një ekip me shumë lojtarë cilësorë, ku të gjithë janë yje. Është një çmenduri,’’ deklaron tekniku gjerman.

‘’Bayern Munchen gjithashtu ka një super ekip, por dhe PSG-ja nuk duhet harruar. Barcelona është gjithmonë aty, nuk ka nevojë për koment. Manchester City do të bëjë çmos për ti shkuar deri në fund. Ndërsa ne nuk jemi favorit. Ajo që synojmë tani është rezultati pozitiv në sfidën e të martës në Madrid,’’ mbyll Klopp. /abcnews.al

Liverpool.jpg
Klejdi Kaimi22:15 | 14/02/2020

Jemi në mesin e muajit shkurt dhe në pesë kampionatet më të forta në Europë, vetëm tre ekipe janë ende të pamposhtura. Në krye të listës qëndrojnë të besuarit e Klopp, të cilët po vazhdojnë të thyejnë rekorde në Angli dhe jo vetëm. Ecuria pozitive e Liverpool duket qartë dhe nga distancomi që “The Reds kanë nga vendi i dytë, plot 22 pikë nga Manchester City.

Në këtë listë gjenden dhe kampionët në fuqi të Ligue 1, PSG-ja. Gjigantët francezë nuk regjistrojnë asnjë humbje mes kampionatit dhe kupës në vitin 2020. Gjithashtu edhe ekipi i Tuchel është shkëputur nga vendi i dytë me një diferencë prej 12 pikësh.

Klubi surprizë në këtë listë është Arsenali. Ekipi londinez nuk ka asnjë humbje këtë vit, ku në 9 ndeshje kanë 4 fitore dhe 5 barazime. Një statistikë pozitive kjo për “Topçinjtë”, por tifozët ende nuk janë të kënaqur me ekipin e tyre të zemrës. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono