lista serbe

kuvendi.jpg
G. P.12:33 | 03/04/2018

Qeveria Haradinaj tashmë nuk ka mazhorancën në Kuvend pasi me largimin e listës serbe ng koalicioni qeverisës, i mbeten vetëm 51 vota. Por nga ana tjetër as opozita nuk ka votat e mjaftueshme për të rrëzuar qeverinë. Kjo situatë ka nxitur dhe më shumë zërat për zgjedhje të reja në vend.

Pas daljes së Listës Serbe nga qeveria e Kosovës, koalicioni qeverisës ka humbur shumicën në Kuvend, duke nxitur një pjesë të opozitës që të parashikojë zgjedhje të parakohshme në vend. Por aktualisht dhe pse qeveria e Haradinaj nuk ka më mazhorancën, as opozita nuk ka 61 votat që i duhen për ta rrëzuar atë. Një gjë e tillë do të ndodhte vetëm nëse Lista serbe e larguar nga koalicioni, do i bashkohej opozitës.

Subjekti politik që po inkurajon pjesën tjetër të spektrit politik në Kuvend për zgjedhje të parakohshme është Lidhja Demokratike e Kosovës, e cila ndonëse në opozitë, aktualisht përbën grupin më të madh parlamentar.

Deputeti Arben Gashi, nga Lidhja Demokratike e Kosovës, tha për Radion Evropa e Lirë se një qeveri e pakicës nuk mund ta udhëheqë vendin, prandaj sipas tij, vendi duhet të shkojë në zgjedhje sa më parë.

Nga ana tjetër, kryetari i Partisë Demokratike të Kosovës, njëherësh edhe kryetari i Kuvendit të Kosovës, Kadri Veseli, në deklaratat për media shprehet se nuk i cilëson  serioze propozimet për zgjedhje të parakohshme të Lidhjes Demokratike të Kosovës.

Ndërkohë, Lëvizja Vetëvendosje, e cila po kalon një moment të vështirë pas largimit të një numri të madh të deputetëve dhe zyrtarëve të saj, vlerëson se ka shumë arsye pse kjo qeveri duhet të dorëhiqet.

LDK bën apel që përfaqësuesit e partive politike të takohen sa më parë që të bisedojnë për një proces të shpejtë zgjedhor. Një opsion tjetër që i krijon shumicën Qeverisë, pa pasur nevojë të shkohet në zgjedhje është që një subjekt opozitar, në këtë rast edhe LDK-ja, t’i bashkohet koalicionit qeverisës. Por, deputet Arben Gashi e përjashton çdo mundësi që LDK t’i bashkohet qeverisë Haradinaj.

Pas konfirmimit të largimit të Listës Serbe, Qeveria e Kosovës, e cila ishte zgjedhur me 61 vota në Kuvend, edhe zyrtarisht tani mbetet në kuotën e 51 votave, që nënkupton se e ka humbur shumicën./abcnews.al

Gjuric-2.jpg
ent ela11:03 | 30/03/2018

Lista serbe ka ngritur kallëzim penal ndaj policisë së Kosovës për rastin e arrestimit të drejtorit të Zyrës serbe për Kosovën, Marko Gjuriç. Kjo është bërë e ditur nga zëvendësministri i brendshëm i Kosovës në largim, Milan Radojeviç. Ai tregoi për televizionin shtëror serb “RTS” se kallëzimi penal ishte një nga konkluzionet e takimit të përfaqësuesve të 10 komunave me shumicë serbe. Përfaqësuesi i Listës Serbe thotë se ka prova të mjaftueshme për të nisur jo vetëm një hetim, por edhe për të përcaktuar përgjegjësinë penale të individëve që kanë ushtruar dhunë gjatë operacionit./abcnews.al

MBLEDHJA-E-QEVERISE-KOSOVE-1280x720.jpg
ent ela14:18 | 29/03/2018

Lista Serbe, me anë të një deputeti të saj që mori pjesë në mbledhjen e qeverisë së Kosovës, shpalosi kushtet për qëndrimin në koalicion. Kryeministri Haradinaj nënvizoi se ekzekutivi aktualisht nuk mund të diskutohet për formimin e Asociacionit të komunave me shumicë serbe.

Qeveria e Kosovës zhvilloi një mbledhje, në të cilën ishte i pranishëm edhe Dalibor Jevtiç, zëvendëskryeministër nga radhët e Listës Serbe. Gjatë fjalës së tij, duke parashtruar kushtet e qëndrimin në koalicion, theksoi se arrestimi i Marko Gjuriç të hënën në Mitrovicë nuk ishte vendim i ekzekutivit. Jevtiç kërkoi sqarime rreth dhunës së përdorur gjatë operacionit dhe i rikujtoi ministrave se deputetët e Listës Serbe i mbështetën gjatë gazit lotësjellës të lëshuar në kuvend nga Vetëvendosje.

Dalibor Jevtic, Zv/Kryeministër i Kosovës: “Do të më vinte turp nëse ndonjë ministër shqiptar do të trajtohej në Beograd sikurse Gjuriç në Prishtinë. Atë nuk do t’ia dëshiroja askujt sepse nuk bëhet fjalë për nacionalitet por për njerëz. Njerëzit nuk trajtohen ashtu. Nëse jeni të hapur dhe dëshironi që në të ardhmen të punojmë në paqe e qetësi e pakta që duhet të bëni është që të hapni hetime për të gjetur përgjegjësit për atë çfarë ndodhi”.

Atij iu përgjigj drejtëpërdrejtë kryeministri Haradinaj duke thënë se operacioni nuk ishte kundër qytetarëve dhe deputetëve të Listës Serbe, por ndaj një zyrtari të Beogradit që kishte hyrë ilegalisht. Pas mbledhjes shefi I qeverisë mbajti një konferencë për shtyp ku njoftoi se ende nuk është arritur në diskutimin për formimin e Asociacionit të Komunave Serbe në Kosovë, që është një ndër kushtet e deputetëve serbë.

Ramush Haradinaj, Kryeministër i Kosovës: “Ajo që është me rëndësi është qe si Kosovë, shqiptaret e kanë traditë që dinë t’i ruajnë të gjithë. E hëna ka pasur ato zhvillimet që dimë. Por është për t’u përshëndetur guximi i Jevtiç për te lënë mundësinë e hapur për diskutim. S’kemi zgjidhje tjetër pos të ulemi, pos tavolinës”.

Gjithashtu sqaroi se ministri i bujqësisë, Nenad Rikalo është dhunuar nga agjentët e “ROSU”, pasi nuk është njohur dhe është menduar se ai ishte pjesë e sigurimit të Gjuriç për shkak të gjatësisë. /abcnews.al

 

 

aleksandar-vucic.jpg
ent ela11:31 | 28/03/2018

Presidenti i Serbisë, Aleksandër Vuçiç tha se qeveria e Kosovës nuk do të rrëzohet pasi shqiptarët do të bëhen bashkë. Ndërsa bëri të ditur se deputetët e Listës Serbe do të jenë pjesë e parlamentit si grupim opozitar.

Presidenti i Serbisë Aleksandër Vuçiç, në një intervistë për televizionin shtetëror serb “RTS” pas takimit me Përfaqësuesen e Lartë për Politikë të Jashtëme, Federica Mogherini, komentoi zhvillimet e fundit pas arrestimit të Marko Gjuriç në Veri të Mitrovicës. Ai nënvizoi se Lista Srpska do të vazhdojë të jetë pjesë e parlamentit të Prishtinë ndonse në opozitë. Gjithashtu Vuçiç foli edhe për fatin e ekzekutivit të kryeministrit Ramush Haradinaj.

Aleksandër Vuçiç, President i Serbisë: “Nuk mendoj se Qeveria në Prishtinë do të rrëzohet. Nuk do të bjerë pasi kur është puna të bëhen kundër serbëve të gjithë shqiptarët do të bëhen bashkë, për dallim nga serbët të cilët asnjëherë nuk do të bashkohen pasi nuk u vjen keq për Gjuriç, e as për Vuçiç në Srebrenicë, e as nuk u vjen rëndë për diçka të tillë.

Vuçiç thotë se Lista Srpska duke qëndruar në opozitë do të luftojë për sebët në Kosovë. Madje për këtë do të ndihmohet edhe nga shteti i Serbisë. Ndërkohë, presidenti serb bëri të ditur se përveç takimit me Mogherinin, ka folur në telefon edhe me Ndihmëssekretarin Amerikan të Shtetit Ëess Mitchell. Vuçiç, në intervistë nuk ka komentuar faktin që Lista Serbe ka paralajmëruar formimin e Asociacionit të Komunave me Shumicë Serbe në mënyrë të njëanshme më 20 prill./abcnews.al

vucicqq-1280x663.jpg
G. P.15:34 | 27/03/2018

Në një konferencë për shtyp në presidencën serbe, Lista Serbe dha dorëheqje nga qeveria e Kosovës dhe paralajmëroi formimin njëanshëm të Asociacionit të Komunave Serbe. Marko Gjuriç tha se problemet kishin filluar nga tensionet në takimet e fundit të Brukselit.

Marko Gjuriç, shefi i zyrës për Kosovën, është shfaqur me fasha në të dy duart. Zyrtarët e Listës Serbe kanë arritur në kryeqytetin serb për të njoftuar se do të dalin nga qeveria e Kosovës dhe do të mbajnë mbledhje për shpalljen e Asociacionit të Komunave Serbe. Sërish ngjarja e Mitrovicës është quajtur brutale dhe terroriste. Shqiptarët kanë minuar kompromisin dhe dialogun. Gjuriç nuk u përgjigj direkt nëse Serbia i jep përfundimisht fund bisedimeve. Serbët e Kosovës do ta kenë mbështetjen e qeverisë për çdo vendim.

Marko Gjuriç, shef i Zyrës për Kosovën: “Formimi i Asociacionit të Komunave serbe është e motivuar nga një nevojë e thellë dhe e arsyeshme e popullit serb për të arritur të drejtat e tyre pa pushkë dhe tirani. Natyrisht se serbët do ta kenë mbështetjen tonë”.

Fund pritjes thonë se do t’i japin më 20 Prill, por do të luftojnë pa armë për të drejtat e tyre.

Goran Rakiç, kryetar i Listës Serbe: “Me këtë nuk do të shkelim asnjë llojë marrëveshjeje, pasi marrëveshja e Brukselit është një akt ndërkombëtar dhe Prishtina tani ka nxjerr vetëm probleme. Ata vetë e kanë ratifikuar një gjë të tillë në Kuvendin e Kosovës”.

Gjuriç tha se është futur me makinë në Kosovë, pasi në territorin e Serbisë nuk ka kufi. U bëri thirrje serbëve të bojkotojnë Ushtrinë e Kosovës.

Idro Seferi:Dialogu mes Prishtinëss dhe Beogradit duket klinikisht i vdekur në këto momente dhe tensionet janë ngritur mjaft në konferencë për shtyp. Dhe reagimet e Serbisë kanë qenë që Prishtina ka treguar se çfarë mendon për dialogun. Megjithatë pritet arritja e zyrtarëve të lartë të BE-së dhe siç bëhet e ditur e vetë shefes për siguri dhe politikë të jashtme, Mogherini, e cila do të takojë Presidentin Vuçiç dhe nga ai pritet një vendim për atë që pritet të ndodhë më tutje”./abcnews.al

rakic.jpg
ent ela13:09 | 27/03/2018

Partia “Lista Serbe” e minoritetit serb në Kosovë ka njoftuar vendimin e saj për t’u tërhequr nga koalicioni qeveritar i kryeministrit Ramush Haradinaj. Kjo është bërë e ditur nga kryetari i kësaj force politike, Goran Rakiç. Vendimi erdhi pas një konsultimi të gjatë që deputetët e Listës Serbe zhvilluan me presidentin e Serbisë Aleksandër Vuçiç. Pas takimit, krerët politikë të serbëve nga veriu i Kosovës dolën në një konferencë për shtyp bashkë me drejtorin e zyrës për Kosovën në qeverinë e Beogradit, Marko Gjuriç. Ky i fundit nxiti tensionet mes dy vendeve pasi hyri ilegalisht në territorin e Kosovës dhe më pas u arrestuar nga forcat speciale, të cilët e ekstraduan për në Serbi. Në konferencë, deputetët e Listës Serbe njoftuan se nesër do të zhvillohet një mbledhje në Veri të Mitrovicës. Ndërsa me 20 prill do të formojnë Asociacionin e Komunave Serbe. /abcnews.al

g_1522137257-4943228.jpg
ent ela10:12 | 27/03/2018

Mediat e Beogradit njoftojnë se Lista Serbe ka braktisur qeverinë e Kosovës pas arrestitmit të Marko Gjuriç në Mitrovicën e Veriut. Madje deputetët e kësaj force politike gjenden në Beograd për t’u takuar me presidentin Aleksandër Vuçiç që t’ia komunikojnë personalisht këtë vendim.

Deputetët e Listës Serbe kanë udhëtuar drejt Beogradit për t’u takuar me presidentin serb në mënyrë që ta njoftojnë drejtëpërdrejtë për largimin e tyre nga koalicioni qeverisës. Vendimi i tyre raportohet nga mediat serbe dhe është shtyrë nga arrestimi i shefit të zyrës për Kosovën, Marko Gjuriç. Ky takim do të mbahet pas ngjarjeve që ndodhën të hënën në veri të Mitrovicës.

Një grup zyrtarësh të lartë të Serbisë tentuan të hynin në Kosovë, ndonëse disa prej tyre nuk patën leje për t’u futur në vend. Në mesin e tyre ishte drejtori i Zyrës për Kosovën në Qeverinë e Serbisë, Marko Gjuriç, i cili ndonëse pa leje, u fut në veri të Mitrovicës përmes rrugëve ilegale. Por kjo I kushtoi shumë shtrenjtë atij. Jashtë Shtëpisë së Kulturës në veri, ku Gjuriç po mbante takimin, ishin mbledhur grupe serbësh të cilët u bënin presion gazetarëve dhe reporterëve që ishin aty për të pasqyruar zhvillimet e fundit.

Pasi verifikuan vendndodhjen e tij, forcat speciale të Kosovës, “Rosu” ndërhynë dhe arrestuan zyrtarin serb. Gjuriç u dërgua fillimisht në stacionin policor të Prishtinës e më pas iu dorëzua autoriteteve të Beogradit në Merdarë. /abcnews.al

vulin-1280x650.jpg
ent ela14:36 | 09/03/2018

Vonesa në krijimin e Asocacionit të Komunave serbe në Kosovë është një nga arsyet që mund të çojë në rrëzimin e qeverisë Haradinaj. Marrëveshja dypalëshe e arritur ne Bruksel per kete Asosacion nuk po zbatohet ende.

Ministri serb i mbrojtjes, Aleksandër Vulin i kërkon listës serbe që të rrëzojë qeverinë e Haradinaj në Prishtinë në rast se nuk krijohet asocacioni i komunave serbe në veri të Kosovës.

Në një intervistë për televizionin serb “Pink”, ai u shpreh se Marrëveshja për krijimin e këtij asocacioni është arritur në Bruksel dhe për këtë a\rsye nuk mund të ndryshohet asnjë pikë e saj.

Aleksandër Vulin, Ministri i Mbrojtjes, Serbi: “Nëse Prishtina nuk është në gjendje ta zbatojë Marrëveshjen për Asociacionin, atëherë Lista Serbe duhet të rrëzojë Qeverinë. Nëse ata nuk janë në gjendje ta mbajnë fjalën, atëherë duhet të ketë zgjedhje. Asociacioni është marrëveshje e Brukselit, dhe nuk mund të rinegociohet”

Sipas Vulinit, nëse ndërkombëtarët nuk reagojnë atëherë Serbia duhet të shqyrtojë dhe njëherë qëndrimin e saj. Edhe presidenti serb, Aleksandar Vuçic, u shpreh një ditë më parë se asocacioni duhet të krijohet menjëherë. Dhe në rast se një gjë e tillë nuk do të ndodhte pasojat do të binin në dialogun mes Prishtinës dhe Beogradit, i cili do të bllokohej për të disatën herë./abcnews,al

 

vlcsnap-error850-1-1280x719.jpg
us er18:24 | 18/12/2017

Zëvendëskryeministri i Kosovës, Dalibor Jevtiç, tha se partia që drejton mbështet formimin e Gjykatës Speciale. Ai u shpreh kundër formimit të ushtrisë ndërsa nënvizoi se për Pavarësinë e Kosovës duhet pyetur Beogradi dhe jo ai.

Zëvendëskryeministri Dalibor Jevtiç në një intervistë për Dojçe Vele tha se Lista Serbe nuk do të përkrahë formimin e ushtrisë së Kosovës. Ndërsa theksoi se mbështet formimin e Gjykatës Speciale.

Dalibor Jevtiç, zëvendëskryeministër i Kosovës: “Në një luftë është e pamundur që vetëm njëra palë të jetë fajtore e të akuzohet për çdo gjë e pala tjetër pothuajse për asgjë. Është shumë e rëndësishme që për shkak të së ardhmes dhe bashkëjetesës, të përgjigjen me emër e mbiemër ata që kanë bërë luftë në mënyrë që gjërat të mos përgjithësohen”.

I pyetur nëse do të njohë Serbia pavarësinë e Kosovës, ai u përgjigj se kjo pyetje duhet të shtrohet në Beograd dhe jo këtu. “Mendoj që kryesore janë marrëdhëniet mes shqiptarëve dhe serbëve”, theksoi kreu i Listës Serbe duke nënvizuar se ka shumë probleme të pazgjidhura që duhet të zgjidhen. Gjithashtu tha se forca politike që drejton I merr vendimet në mënyrë të pavarur nga Beogradi./abcnews.al

us er11:29 | 15/11/2017

Marrëdhëniet institucionale mes Listës serbe dhe presidentit të kosovës Hashim Thaçi aktualisht janë të ngrira. Kjo sepse sipas kësaj partie mënyra se si trajtohen seërbët e Kosovës është anti kushtetuese

Lista Serbe në Kosovë deklaroi se ka ngrirë marrëdhëniet me presidentin e vendit Hashim Thaçi. Kjo sepse sipas kësaj partie, politika e kreut të shtetit kosovar në lidhje me serbët në Kosovë është antikushtetuese, e paligjshme dhe në dëm të popullit serb.

Në një letër dërguar Presidentit të Kosovës, Lista Serbe thekson se është organizimi më i fortë politik i serbëve në Kosovë dhe rrjedhimisht përgjegjëse për mbrojtjen e të drejtave dhe interesave të popullit serb.

Lista serbe proteston në këtë mënyrë dhe për faktin se Thaci duke qënë një nga nënshkruesit e marrëveshjes së arritur në Bruksel mes Prishtinës dhe Beogradit për krijimin e asocacionit të komunave serbe në veri të Kosovës, nuk ka ndërmarrë asnjë hap për krijimin e tij

Letra, gjithashtu, thekson faktin se Presidenti i Kosovës keqinterpretohet dhe keqinterpreton çështjet politike të serbëve në Kosovë dhe përpiqet të fusë agjentët e tij në trupin politik serb. Në fund të saj theksohet se komunikimi i Listës Serbe me Presidentin e Kosovës mund të rikthehet në momentin kur ai fillon të reflektojë sipas interesave të komunitetit serb në Kosovë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono