ligji

Hristijan-Mickosk.jpg
ger ta20:55 | 09/12/2019

Pas vërejtjeve të Komisionit të Venecias, kryetari i VMRO-DPMNE-së, Hristijan Mickoski ka paralajmëruar amendamente në Ligjin për Gjuhët, që lejon përdorimin edhe gjuhës shqipe në Maqedoninë e Veriut. Drejtori i Agjencisë për Zbatimin e Gjuhës Shqipe, Ylber Sela, thotë se dy gjuhësia nuk duhet të jetë problem për një shtet europian.

Kryetari i VMRO-DPMNE-së, Hristijan Mickoski përmes një konference për media ka paralajmëruar amendamente për Ligjin për Gjuhët, sic tha konform vërrejtjeve të Komisionit të Venecias.

“ Një ligj jokushtetues ta bëjmë kushtetues, në frymën e praktikave evropiane konform vërrejtjeve të Komisionit të Venecias. Askush në këtë shtet të mos ndjehet I dëmtuar. Për këtë shkak këto amendamente duhet të përkrahen nga qeveria, me cka do të demostrojnë pjekuri por edhe të tregohet se nuk do të ketë kompromise me të drejtën”, tha Hristijan Mickoski.

Rekomandimet e Komisionit të Venecias I ka komentuar edhe Drejtori iAgjencisë për Zbatimin e Gjuhës Shqipe, Ylber Sela. Sipas tij, nëse duam që të kemi një shtet evropian dygjuhësia nuk duhet të jetë problem.

‘Të gjithë rekomandimet pozitive të cilat i sjell Komisioni i Venecias duhet ti marrim parasysh ti zbatojmë ato dhe të shkojmë më tutje sepse zbatimi i dygjuhësisë në vend normalisht që mund të përmirësojë marrëdhëniet ndëretnike ndërmjet maqedonasve dhe shqiptarëve, poashtu përmbyllet një çështje që del nga Marrëveshja e Ohrit”, u shpreh Sela .

Sela nuk ka dashur t`i komentojë përplasjet politike rreth Ligjit të Gjuhëve, por thotë se politizimi I kësaj cështjeje mund të ketë pasoja mes dy komuniteteve më të mëdha në vend.

‘Ne jemi në Ballkan poashtu populizmi nacionalizmi politik është i theksuar këtu, unë nuk dua të ndërhyj aty. Poashtu jemi edhe në vit zgjedhor vitin e ardhshëm dhe dikush dëshiron të përfitojë pikë politike në këtë drejtim, por unë do kisha thënë që të mos politizohet, kthim prapa nuk ka.’, tha ai.

Sela poashtu theksoi se Agjencia për zbatimin e Ligjit për Gjuhët do të vazhdojë me fazën e implementimit të këtij ligji. Ai shtoi se tashmë përgatiten edhe për fazën e dytë kurse nga 15 janari siç theksoi, institucionet duhet të flasin dhe të shkruajnë shqip./abcnews.al

bylykbashi-1280x863.png
nev ila23:22 | 25/11/2019

I ftuar në studion e Mirela Milorit, Ish-deputeti i PD dhe juristi Oerd Bylykbashi, tha se ligji që kërkon Edi Rama  të aplikojë, është një nga iniciativat më të rrezikshme që një qeveri ka ndërmarrë.

Sipas Bylykbashit krijimi i një ligji të tillë synon të kontrollojë organet e drejtësisë gjithashtu normat e tij bien ndesh me një sërë ligjesh por sidomos me ligjin anti-mafia.

Pjesë nga biseda në studio:

Mirela Milori: Abc News ka siguruar draftin për parandalimin, ndjekjen dhe marrjen e masave ndaj krimit të organizuar, terrorizmit dhe Krimeve të rënda. Si ju duket në pamje të parë një paketë e tillë?

Oerd Bylykbashi: Ata që kanë dy parë mend dhe janë profesionistë janë skandalizuar të gjithë. Është një nga iniciativat më të rrezikshme që mund të propozohet nga një qeveri. Në gjithë këtë katrahurë është një përsëritje e tentativës së Edi Ramës me Saimir Tahirin në krye, që më pas ju e dinin pse iku nga ministër dhe për çfarë u dënua. Saimir Tahiri nën hyqmin e Edi Ramës në vitin 2014 donte të fuste në ligjin e Policisë së shtetit Byronë Kombëtare të Hetimit. Të njëjtën gje po tentojnë të bëjnë edhe me këtë ligj. Kjo paketë shkel të drejtat e njeriut dhe publikon disa ligje të tjera. Një analizë shteruese më e plotë do ta kemi në ditët në vijim. Ne e kemi ligjin anti-mafia që pak a shumë vepron si ky ligj që kërkon të bëjë Edi Rama por me ndryshimin që ligji anti-mafia është në përputhje me Kushtetutën. Lufta kundër terrorizmit duhet të jetë pa ekuivok dhe i ashpër dhe ligji anti-mafia këtë e lejon. Për çfarë duhet një ligj tjetër i cili jo vetëm publikon çfarë kemi deri më sot por i nxjerr edhe nga loja. Shteti ka Kodin Penal, shtetasi ka Kodin e Procedurës Penale, me këtë ligj Kodi Procedurës Penale nuk ekziston më dhe kjo cenon shqiptarët.

Mirela Milori: Duke qenë se krimi ka ngritur kryet, ndoshta një ligj i tillë do të parandalojë krimin, si mendoni?

Oerd Bylykbashi: Kushtetuta nuk është VKM, aty thuhet mun dt kufizosh por deri në një farë kufiri. Pse erdhi kjo situatë kur në krye ishte Edi Rama? Edi Rama i dha mundësinë krimit të fuqizohet. I pari që duhet të jetë subjekt i ligjit anti-mafia duhet të jetë Edi Rama./abcnews.al

 

edi-rama-show-1280x714.jpg
nev ila21:44 | 25/11/2019

Kryeministri bëri përpara strukturave të partisë bilancin e 6 vjetëve qeverisje. Rama pranoi se 2019 ishte viti i tij më i vështir politik, si dhe fajësoi Bashën dhe Metën për krijimin e një krize artificiale. Takimi i Ramës në një sallë teatri, pati të gjithë elementët e spektaklit, si të ishte një mitting elektoral.

Kishte zgjedhur t’i fliste partisë nga një sallë teatri dhe shqiptarëve nga një skenë e mirë kuruar, ku nuk mungonin elementët e spektaklit.

Bilancin e 6 vjetëve qeverisjeje, Edi Rama e nisi duke pranuar për herë të parë se kundërshtari e kishte vënë në vështirësi.

“Në të 6 vitet e mandatit tonë qeverisës ky ka qenë më i vështiri”.

Pranon se kontaktet e Lulzim Bashës në Gjermani nuk ishin aq të parëndësishme, por përkundrazi.

“Mundësia e komunikimit të drejtëpërdrejtë përmes marrdhënieve ndërpartiake na kishin krijuar një barrierë domethënëse”.

Nuk mban përgjegjësi për largimin e shqiptarëve për azil.

“Kush thotë se largimi i shqiptarëve lidhet me qeverisjen ose nuk kupton asgjë ose është i poshtër”

Thotë se Shengeni Ballkanin u projektua me Merkelin në lindje të Procesit të Berlinit, por dikush e pati Penguar.

Ka qenë i penguar deri para pak muash nga presidenti i serbisë sepse:

ka qenë i penguar deri para pak muajsh nga presidenti i serbisë, se pse kjo e forconKosovën dhe Shqipërinë, nuk e dobëson”.

Thumbime ju dërgon politikanëve kosovarë që janë treguar kritikë për këtë projekt.

“Historia nuk shkruhet duke ndenjur në shtëpi dhe duke bërë patriotin me bizhama”.

Ilir Metës i thotë se është kthyer në një turp për traditën e shqiptarit.

“Është e turpshme dhe për të gjithë paraardhësit tanë që kur është shkruar kanuni i shqiptarëve që thotë që shtëpia e shqiptarit është e zotit dhe e mikut”

Në shteg, nxorri përmes regjisë dhe shtëpinë e tij…

Ajo vila ime në Surrel ka një formë që e ka të ndryshme, sic jam unë i ndryshëm nga të tjerët. Është një banesë e një familjeje shqiptare më shumë.efekt pyetje nga FB

Por shpjegimin e ka gati. Shtëpi të rrënuara ka 1600, ndërsa vila si ajo e tija, gjysmë milioni. Usink S jam si të tjerët

Nuk përjashton mëkatet e bashkëpunëtorëve të tij. SINK S kemi rënë nga qielli

I ngjashëm me një Stand Up Comedy apo One Man Shoë, Edi Rama, dirigjon gjithcka, kërkon vëmendjen e të gjithëve, si të ishte një mitting hapës i një fushatee elektorale, por nuk është gati të mirëpresë duartrokitjet e të gatshmes Elisa Spiropali.

Nuk ka nevojë për duartrokitje, nuk ka nevojë për duartrokitje, ti ke detyrë të merresh me palët për universitetin. Kjo është merita ime, ti ske meritë këtu./abcnews.al

rudinaa.jpg
ger ta13:32 | 22/11/2019

Parlamenti rus miratoi amendamentet kontroverse të ligjit për median, duke lejuar autoritetet ruse të cilësojnë si agjentë të huaj dhe individë të caktuar si gazetarë dhe blogerë.

“Amnesty International” dhe “Reporterët pa kufij” e cilësuan projektin si një hap më shumë drejt kufizimit të mediave të lira dhe të pavarura.

Pro amendamenteve votuan 311 deputetë, ndërsa 4 abstenuan. Ligji i ri duhet të miratohet nga senati dhe më pas të firmoset nga presidenti rus Putin./abcnews.al

ligji-duhani-1280x710.jpg
nev ila16:17 | 18/11/2019

Prej fillimit të vitit ka një dyfishim të gjobave për duhanpirjen si në institucione ashtu edhe në lokale.  Inspektoriati Shëndetësor thotë se shkelës të këtij ligji janë bërë edhe deputetët, të cilët gjithashtu janë gjobitur.    

Nga 1 janari deri më 17 nëntor 2019 Inspektoriati Shtetëror Shëndetësor ka vendosur 410 masa administrative për shkelje të “Ligjit të Duhanit”. Sipas drejtoreshës së këtij institucioni, Vjollca Braho kemi një dyfishim të gjobave kundrejt shkelësve pasi në 2018 ishin vetëm 180 të tilla.

Një problem tjetër që has Inspektoriati Shtetëror Shëndetësor sipas Brahos janë edhe ambientet e jashtme të cilat janë izoluar në masën mbi 50% dhe kjo përben shkelje

Inspektoriati Shtetëror Shëndetësor bën të ditur se shkelës të Ligjit të Duhanit janë bërë edhe vetë ligjvënësit, ku gjatë këtij viti janë vendosur 10 masa administrative edhe në institucionet shtetërore./abcnews.al

rusi.jpg
ent ela09:57 | 02/11/2019

Më shumë kontrolle, dhe më shumë lehtësi në bllokimin e hyrjes në uebsajte të ndryshme apo përmbajtje në internet. Ligji i sapo hyrë në fuqi në Rusi, bën më të lehtë kontrollin dhe censurën nga ana e shtetit.

Ka hyrë në fuqi në Rusi ligji i diskutueshëm për internetin Sovran, i cili kërkon realizimin e një uebi autonom rus, në gjendje për të funksionuar dhe nëse përjashtohet nga rrjeti botëror, si pasojë e një lufte kibernetike.

Kremlini prezantoi ligjin si një masë të domosdoshme për sigurinë kibernetike, por shumë kritikë mendojnë se bëhet fjalë për një mënyrë për të shtuar kontrollin dhe censurën në internet nga ana e shtetit rus. Ligji detyron menaxhuesit e uebsajteve që të instalojnë aparatura të afta për të gjurmuar, filtruar dhe riadresuar trafikun në internet.

Duke iu mundësuar në këtë mënyrë autoriteteve ruse që të bllokojnë me më lehtësi hyrjen në uebsajte apo përmbajtje të caktuara. / abcnews.al

gazment-bardhiii.jpg
ad min20:08 | 11/10/2019

Sekretari i Përgjithshëm i Partisë Demokratike, Gazment Bardhi deklaroi se nuk ka pasur asnjë tryezë për reformën zgjedhore të organizuar të enjten dhe ku opozita nuk ka marrë pjesë.

Gjatë një interviste me gazetaren Mirela Milori në televizionin ABC News, Bardhi tha se ajo që u organizuar ditën e djeshme ishte mbledhje e komisionit parlamentar të reformës zgjedhore, diçka që opozita e bashkuar nuk e njeh dhe e konsideron ilegjitime.

“Dje nuk ka patur asnjë tryezë për reformën zgjedhore ku PD të ketë qenë e ftuar. Ka pasur një mbledhje të komisionit parlamentar. Atje marrin pjesë deputetët e Kuvendit. Kuvend që opozita e konsideron jo legjitim dhe të dalë nga zgjedhjet e manipuluara të vitit 2017. Zoti Gjiknuri apo PS është palë në këtë proces dhe është palë e barabartë me opozitën. Qoftë PD, qoftë PS janë aktorë të zgjedhjeve dhe në momentin kur reformohen rregullat e lojës secila prej tyre është e barabartë në trajtimin apo ndërmarrjes së reformës që sjell rregulla të tjera loje. Opozita e ka bërë të qartë qëndrimin që jemi të gatshëm, duke qenë se është prioritet kryesor i vendosur për hapjen e negociatave, që ditën e parë kur kjo çështje u kthye në një kusht të Bundestagut opozita tha se do të japë kontributin e vet në reformën zgjedhore. Si mund të përfshihemi? Duke siguruar barazi mes palëve në këtë proces”, tha Bardhi.

Në të njëjtën studio të enjten, bashkëkryetari i Komisionit të Posaçëm për Reformën Zgjedhore, Damian Gjiknuri deklaroi se Partia Socialiste është e hapur për depolitizim të plotë zgjedhor. Madje ai theksoi se mazhoranca është e gatshme të rishikojë formulën e Komisionit Qendror të Zgjedhjeve.

Për këtë të fundit, sekretari i PD-së tha se opozita është tërësisht dakord pasi janë kapur në shkelje në zgjedhjet e 30 Qershorit. Megjithatë, Bardhi vuri theksin te garantimi i një administrate zgjedhore që i nënshtrohet ligjit.

Sipas tij, edhe ndërkombëtarët janë larguar nga ideja e depolitizimit të plotë dhe flasin për ndryshim të procedurës që propozon administratorët e zgjedhjeve për të garantuar që ata i nënshtrohen në çdo rast ligjit.

“Edhe ne jemi të hapur për të parë të gjitha modelet që garantojnë administratë zgjedhore të balancuar dhe që qëzon besimin e të gjitha palëve sikundër një administratë zgjedhore që i bindet ligjit dhe jo urdhrave politikë. Përsa i përket KQZ është provuar që ky KQZ i zgjedhjeve është në pamundësi për të administruar zgjedhje të lira dhe të ndershme sepse është kapur në flagrancë nga OSBE/ODIHR duke shkelur ligjin, dhe kështu reformimi i KQZ dhe mbajtja përgjegjësi e anëtarëve aktualë për shkeljet gjatë votimeve moniste të 30 Qershorit sigurisht janë kërkesa të opozitës dhe këtu biem dakord. Unë fola për një administratë zgjedhore biem dakord dhe kemi bërë propozimet tona për një administratë zgjedhore që i nënshtrohet ligji. Nëse do të ketë një procedurë të tillë që garanton pavarësi në ushtrim të detyrës nga administrata zgjedhore, kjo është diçka që duhet parë. Gjiknuri është për depolitizimin e administratës zgjedhore, mundësisht propozimi i tij është që ti administronin mësuesit dhe drejtorët e arsimit, por ne i kemi parë si i trajtonte ata në 2016-n. I merrte në telefon dhe i kërcënonte. Këta do e administrojnë zgjedhjet? Kështu do e bëjnë depolitizmin e zgjedhjeve”, tha Bardhi.

Për sa i përket ndryshimit të sistemit zgjedhor, Bardhi tha se ky ka qenë qëndrim i hershëm i kreut të selisë blu Lulzim Basha. Megjithatë, për momentin opozita kërkon që të garantohet leximi i votës së qytetarëve.

“KÇK shkarkohet nga institucionet kushtetuese që quhen komisionet e vettingut. Nëse zotëria do të ngrejë një zyrë në këshillat e ministrave që të identifikojë prokurorët dhe gjyqatrët që hetojnë këtë dhe i shpall, kjo është çështje kundër Kushtetutës dhe akt që tregon identifikimin e të keqes tek të tjerët, kur të keqen e ka tek vetja”, tha Bardhi.  /abcnews.al

qente20.jpg
Autor E13:56 | 08/10/2019

Pas publikimit në Fletoren Zyrtare, sot kanë hyrë në fuqi ndryshimet e reja në Kodin Penal, të cilat ashpërsojnë dënimet për një sërë veprash penale siç janë keqtrajtimi i kafshëve, zënia e rrugëve, dhunë në ndeshje sportive apo cënimi i sigurisë ushqimore.

Ndërkohë, mbajtja e qenve të rracave agresive pa maska në parqe, lagje dhe rrugë është kthyer në një problem të madh për banorët e qyteteve shqiptare.

Ka patur mjaft raste kur qytetarë të ndryshëm, madje edhe fëmijë janë kafshuar nga qen të tillë duke i shkaktuar dëme të mëdha fizike.

Sipas ndryshimeve në Kodin Penal,. në rast se një qen kafshon dikë, pronari i tij dënohet me gjobë deri në 6 muaj burg nëse kemi të bëjmë me dëme fizike. Por, nëse i kafshuari humb jetën për shkak të sulmit nga qeni, atëherë pronari dënohet deri në pesë vite burg sipas ndryshimeve të reja në Kodin Penal të Republikës së Shqipërisë.

Ndryshimet gjithashtu parashikojnë gjoba të majme për pronarët e qenve që shëtisin në qytet pa maskë si edhe nëse ata i braktisin apo keqtrajtojnë kafshët. Ndalohet ndërkohë ndeshja me qen, duke u ndëshkuar me gjobë deri në tre muaj burg për ata që i organizojnë. /abcnews.al/

tabaku-1280x727.jpg
ent ela12:19 | 04/10/2019

Ish deputetja demokrate Jorida Tabaku ka reaguar pas miratimit të qeverisë së kryeministrit Rama të disa ligjeve për për pronat. Në një deklaratë nga selia blu Tabaku shprehet se PD ka denoncuar këto ligje. Sipas saj për këto ligje edhe Komisioni i Venecias ndan të njëjtin opinion.

“I mungon qartësia, saktësia dhe ka mungesë proceduriale dhe afatet papërcaktuara qartë. Qeveria ka marrë kompetenca që nuk i takojnë duke ndarë pronën private e publike. PD e ka njohur Komisionin e Venecias me plan të ri për njohjen e pronave. Ka shkelur kushtetutën ka marrë kompetenca që nuk i takojnë.

PD do pezullojë ligjet që mohojnë të drejtën e pronës dhe një grup paketash ligjore që qeveria ka marrë muajt  fundit”.

Deklaratë e Partisë Demokratike, Jorida Tabaku

Që nga viti 2013 Qeveria e Edi Ramës ka miratuar disa ligje për pronën, të cilat kanë një qëllim të vetëm: zaptimin e pronës private dhe publike dhe tranferimin e saj tek disa klientë të Edi Ramës.

Çdo ligj për pronën i kësaj qeverie është kundër pronarëve dhe në shkelje të të drejtave të njeriut.

Në këtë përfundim ka dalë edhe Komisioni i Venezias, i cili ndan të njëjtin opinion si opozita, Presidenti dhe shoqatat e pronarëve se qeveria shqiptare, me të padrejtë, u heq mundësinë e kompensimit fizik pronarëve, duke i përdorur këto toka për interesat grabitqarë të disa oligarkëve, pa u dhënë pronarëve të vërtetë mundësinë e gëzimit të pronës.

Komisioni i Venecias ka dalë në përfundimin se edhe ligji i ri për “Tokën”, është në kundërshti me të drejtat e njeriut dhe nuk merr parasysh të drejtat e sanksionuara në konventat ndërkombëtare të njeriut.

Ashtu si çdo ligj tjetër që kanë hartuar për pronën, gjithë paketës ligjore i mungon qartësia, – thotë Venecia,- i mungon saktësia dhe, ç’është më e rëndëisshme, ka një fuqi shumë të gjerë rregulluese të Këshillit të Ministrave, ka mungesë të hapave procedurialë dhe afate të caktuara qartë.

Me këtë paragraf Komisioni Venecias përmbledh shumë qartë çdo gjë që ka bërë qeveria për pronën: ka shkelur kushtetutën, ka zaptuar pronën private dhe publike, ka marrë kompetenca që nuk i takojnë, duke ndarë prona private dhe publike me Korporatën e investimeve.

Me vetëdijen se gjatë qeverisjes sonë nuk I dhamë zgjidhje çështjes së pronës, Partia Demokratike e ka njohur Komisionin e Venezias me një plan të ri të opozitës për të zgjidhur problemin e pronave.

Partia Demokratike në qeveri do të pezullojë të gjitha ligjet anti-kushtetuese, që mohojnë të drejtën e pronës si Ligji Investimeve Strategjike, Ligji për Kompensimin e Pronës të vitit 2015, Ligjin e Kadastrës dhe ligjet e tjera në lidhje me pronën.

Partia Demokratike në qeveri do të krijojë një bazë të dhënash me të gjitha pronat publike që sot jepen për 1 euro, por në vend që t’u jepen pronarëve, shfrytëzohen nga oligarkët.

Me besimin se pa gëzuar pronën, nuk mund të gezojmë liri të vërtetë, Partia Demokratike do të bëjë të mundur që të drejtën e pronës ta gëzojnë pronarët e vërtetë, jo miqtë dhe klientët e kryeministrit, siç po ndodh me qeverinë e Edi Ramës.

Këto janë bazat mbi të cilat Partia Demokratike do të miratojë një paketë të plotë ligjore që respekton pronarët dhe trajton me drejtësi çështjet e pronave, kthimin apo kompensimin fizik të tyre. /abcnews.al

bkh.jpg
ad min13:34 | 26/09/2019

Duke pasur parasysh ritmin me të cilin po ecën Procesi i Vetingut në sistemin e drejtësisë, Këshilli i Lartë i Prokurorisë (Këshilli), shumë shpejt, do të njoftojë krijimin e Prokurorisë së Posaçme kundër Korrupsionit dhe Krimit të Organizuar (SPAK).

Menjëherë pas këtij çasti Këshilli do të emërojë Drejtuesin e Prokurorisë së Posaçme. Pas emërimit të Drejtuesit të Prokurorisë së Posaçme do të fillojë procesi për përzgjedhjen e Drejtorit të Byrosë Kombëtare të Hetimit (BKH).

Ata që janë të interesuar për të aplikuar për pozicionin e Drejtorit të BKH-së duhet t’i referohen ligjit “ Për Organizimin dhe Funksionimin e Institucioneve për të Luftuar Korrupsionin dhe Krimin e Organizuar” (Ligji për SPAK-un), 2016.

Neni 34, i Ligjit për SPAK-un, liston kriteret minimale që duhet të plotësohen nga kandidatët, ku përfshihet përvoja në punë, arsimimi, dhe sjellja në të shkuarën. BKH do të ketë në përbërje 60 hetues.

Aplikantët për pozicionin e drejtorit dhe hetuesit të BKH-së duhet të dinë që procesi i përzgjedhjes do të jetë shumë rigoroz dhe sfidues. Ai është përcaktuar në Ligjin për SPAK-un dhe do të vlerësojë aftësitë profesionale, integritetin si dhe aftësitë mendore e fizike të aplikantëve.

Kandidatët do të plotësojnë një formular aplikimi online dhe Deklaratën e Kontrollit të Pasurisë dhe të Kontrollit të Figurës, sipas Neneve 6(3), 6(4) dhe 38(2) & (3), në ligjin për SPAK-un. Vetëm ata aplikantë që plotësojnë këta formularë dhe plotësojnë kriteret bazë do të ftohen për të marrë pjesë në hapat e mëposhtëm të përzgjedhjes, të cilët do të përfshijnë:

(a) Një provim me shkrim ku përfshihen teste konjitive të sjelljes dhë të arsyetimit logjik.

(b) Një provim me shkrim që mat aftësitë në hartimin e raporteve.

(c) Hetim mbi verifikimin e figurës që konfirmon që personi nuk është dënuar e nuk është shpalluar më parë fajtor për vepra penale.

(d) Intervistim dhe përzgjedhje nga Paneli i Përzgjedhjes i SPAK-ut.

(e) Testim i gjendjes fizike e shëndetësore


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono