ligji

gazetaret.jpg
ger ta13:10 | 15/01/2020

Gazetarët nuk kanë ndalur betejën kundër paketën anti-shpifje që u kthye në Kuvend për rishyqrtim edhe nga Presidenti Ilir Meta. Gazetari Gjergj Erebara mendon se Presidenti i ka dhënë një shans qeverisë për të hequr dorë prej ligjeve që censurojnë lirinë e shprehjes.

“PS duhet ta marrë këtë si shans të dytë që i jepet PS pqr t’u kthjelluar dhe për tu gjykuar realiteti asbhtu siç është, që ky është një ligj anakronik, është një ligj putinist, anti-europian”, shprehet Erebara.

“Në rast se  do ti lihet në dorë AMA-s dhe AKPEP-it që të interpretojnë se një media duhet mbyllur apo gjobitur për shkak të një informacioni atëherë unë besoj se këtu çdo qeveri që mund të jetë mund t’i shfrytëzojë këto dy autoritete për të sulmuar një media të caktuar”, thotë Hakorja.

Ndërsa kreu i Unionit të Gazetarëve, Aleksandër Cipa evidenton edhe një fakt tjetër shqetësues për të.

“Variantin përfundimtar të draftit sipas arsyetimit të Presidentit nuk e kemi gjetur në faqen zyrtare të Parlamentit”, deklaron Çipa.

Kreu i zyrës për Lirinë e Medias në OSBE, Harlem Desire së fundmi premtoi që do të punojë më qeverinë për përmirësimin e ligjeve. Por gazetarët nuk e shohin me vend reagimin e tij.

“Ky qendrim i Desire është shumë i çuditshëm, kompromenton qëndrimet e organizatës që ai përfaqëson, besueshmërinë e institucioneve perëndimore në sytë e shqiptarëve”, shprehet Enton Abilekaj.

“Pretendimi i përfaqësuesit të lartë të OSBE, zotit Desire për riparje të këtij drafti është një pretendim mendoj unë alibik që nuk e tejkalon situatën”, thotë Aleksandër Çipa.

Taulant Balla paralajmëroi se qeveria pa hezitim do e miratojë sërish paketën anti-shpifje, por kjo nuk do të ndalojë betejën e gazetarëve për të vijuar kundërshtimin.

Gazetarët e shohin të panevojshme paketën pasi sipas tyre mediat online mund të vetërregullohen./abcnews.al

 

ina-zhupa.jpg
nev ila22:10 | 08/01/2020

Zëdhënësja e PD Ina Zhupa përmes në statusi në rrjetet sociale thotë se ndryshimi i ligjit për procedurat e birësimit është bërë për ti siguruar vendin si kryetare e komitetit të birësimeve gruas së nënkryetarit të bashkisë së Tiranës Andi Seferi,  Denada Seferit.

Ky ligj sipas ZHupës ka nevojë për rregullime thelbësore siç mund të jetë rishikimi i moshës së atyre që birësojnë që në ligjin aktual nuk ka limit apo siç mund të jetë dhe rishikimi i birësimit nga shtetasit e huaj.

Zhupa më tej thekson se ndryshimet ligjore në këtë ligj nuk ka të bëjë me interesin e fëmijëve por me sigurimin e një vendi pune të Denada Seferit pas skandalit të publikuar nga një emision investigativ.

Ja çfarë shkruan Ina Zhupa:  

“Ndryshimi i ligjit për procedurat e birësimit, zëdhënësja e PD, Ina Zhupa: U bë për ti qepur pozicion të ri pune për gruan e nënkryetarit të bashkisë, përgjegjëse për skandalin te Zyber Hallulli!

A u ndryshua ligji “ Për procedurat e biresimit dhe komitetin shqiptar te biresimit per ti qepur nje pozicion te ri gruas se nenkryetarit te Veliajt? A eshte bere gati Denada Seferi (bashkeshorte e Andi Seferit) per kryetare te komitetit, per tu larguar si drejtoreshe Programeve të Zhvillimit për Shëndetësinë dhe Mbrojtjen Sociale pas skandalit me “Zyber Hallullin” transmetuar nga Fiks Fare?

Me 9 Tetor 2019 jane miratuar ndryshimet për ligjin Nr.9695, datë 19.3.2007 “PËR PROCEDURAT E BIRËSIMIT DHE KOMITETIN SHQIPTAR TË BIRËSIMIT”  pas propozimit qe kishte bere Ministria e Drejtesise.

I vetmi ndryshim qe i eshte bere ligjit eshte konkretisht neni 10 i cili percakton kriteret qe duhet te plotesoj drejtuesi i ketij komiteti per tu emëruar, dhe ketu kane shtruar  “Diplome shkenca humance”.

Ky ndryshim eshte propozuar nga Ministria e Drejtesise, nderkohe kompetence qe te propozoj legjislacion sipas nenit 9 për përmirësimin e legjislacionit në fushën e birësimit, në interes të fëmijës e ka Keshilli Drejtues i Komitetit.

Ne kete rast propozimi ska lidhje me femijet por eshte ne interes te drejtuesve qe do te emerohen qe mesa duket mund ti kene paracaktuar dhe po ju qepin vendin me ndryshime ligjore!

Ne nje kohe kur ceshtje qe duhet te rregullohet ligji jane te shumta, si psh mosha e atyre qe biresojne e cila ska limit, si psh rregullimet per shtetasit e huaj qe biresojne ketu si rezident sa i kontrollon shteti me pas? Sa te sigurt jane?

E shume ceshtje madhore qe lidhen me sigurine e femijeve nuk perfshihen, por behet nje ndryshim pa pyetur keshillin drejtues, pa konsulte te gjere ne komisionin e ligjeve dhe vetem per emrin qe duan te caktojne ne krye.

A do jete valle Denada Seferi kryetarja qe kane paracaktuar, duke pasur parasysh edhe lidhjet e saj nga bashkeshortit me fushen e biresimeve? Ngelet per tu pare!

Nje gje eshte e sigurt qe ngjarja e rëndë e transmetuar në emisionin “Fiks Fare” provoi gjëndjen e rëndë ku ndodhen institucionet e trajtimit social të fëmijeve përkatësisht shtepia e fëmijes “Zyber Hallulli” dhe degradimi i institucioneve shtetërore sic është Drejtoria e Programeve të Zhvillimit për Shëndetësinë dhe Mbrojtjen Sociale në Ministrinë e Shëndetësisë  e drejtuar nga Denada Seferi që ka kompetence keto politika per rehabilitimin e fëmijeve.

Do ishte e paimagjinueshme nese mendohet per nje riciklim te saj ne nje fushe tjeter qe ka te beje me sigurine edhe mbrojtjen e femijeve jetime!”./abcnews.al

 

 

 

gylenist.jpg
R D21:07 | 02/01/2020

Ligji shqiptar parashikon dëbimet e personave të ndryshëm, përfshirë dhe ata të huaj që dënohen për vepra penale të caktuara. Por në cdo rast, duhen respektuar disa procedura, nga njoftimi me shkrim i individit, deri tek e drejta e tij për ankesë. Miqtë e Harun Celik thonë se shtetit shqiptar nuk i dha atij mundësinë të ankimonte vendimin e dëbimit. Ministria e Brendshme dhe Policia nuk dhanë asnjë shpjegim nëse mësuesit turk i ishte zbatuar ose jo këto të drejta themelore.

Janë disa kategori të huajsh që mund të dëbohen nga Shqipëria, sipas ligjit “Për të huajt”.

Një prej tyre është rasti kur një person:

dh) është dënuar për një krim të kryer me dashje, për të cilin legjislacioni shqiptar parashikon një dënim minimal 3 vjet burg., pikërisht për falsifikimin e dokumenteve. Mësuesi turk Harun Celik, mund të përfshihet në një prej tyre, pasi edhe pse u dënua me 8 muaj burg, falsifikimi pasaportës që ai u dënua, parashikon dënim nga 6 muaj, në 4 vjet.

Kjo duket se i ka dhënë të drejtën Ministrisë së Brendshme ta dëbojë atë, por ligji thotë se

“Të huajit i komunikohet në formë të shkruar, në gjuhën që kupton apo së paku në gjuhën angleze, se ndaj tij do të ekzekutohet masa administrative e dëbimit të marrë nga autoriteti përgjegjës për kufirin dhe migracionin, duke i shpjeguar shkakun e nxjerrjes së urdhrit, datën dhe vendin ku do të ekzekutohet, mënyrën e transportimit të tij për në vendin e destinacionit dhe afatin e ndalimit të hyrjes”.
Nuk dihet nëse ky njoftim i është bërë Harun Celik kur ishte në burg, por miqtë e tij dhe disa media turke thonë se kjo procedurë nuk është respektuar.

Personi ndaj të cilit është dhënë urdhëri i dëbimit, po sipas ligjit shqiptar, nuk mund të dëbohet pa u shqyrtuar ankesa e tij.

‘1. I huaji ka të drejtë të ankimojë urdhrin e dëbimit të autoritetit përgjegjës për kufirin dhe migracionin, sipas legjislacionit në fuqi. Deri në përfundimin e procedurës së ankimit, i huaji mbahet në kushtet e masave alternative të mbikëqyrjes ose në qendrën e mbyllur, në pritje të largimit të menjëhershëm, sipas urdhrit të nxjerrë për këtë qëllim”,-thotë Ligji.
Por, a e ka pasur Harun Celik këtë të drejtë? Ministria e Brendshme dhe Policia nuk ju përgjigjën kësaj pyetjeje që ABC Neës ju drejtoi.
Individë dhe organizata të ndryshme, përfshirë dhe një eurodeputete, ngenë dyshime mbi këtë dëbim, në kushtet kur Harun Celik konsiderohej si anëtar i organizatës FETO, rivales së Erdogan, dhe mësuesi turk, me rikthimin në vendin e tij mund të rrezikojë.

Nëse kjo do të ishte marrë në konsideratë, sipas nenit 113 të ligjit për të huajt, Celik duhet të ishte përfshirë në kategorinë e personave që nuk dëbohen:

1. Nuk është subjekt i një urdhri dëbimi i huaji, kur ka arsye të bazuara për të dyshuar se, në vendin e origjinës apo në një vend tjetër, do të dënohet me vdekje, do t’i nënshtrohet torturës, trajtimit çnjerëzor e degradues apo dënimeve për shkaqe diskriminuese.
Sytë mbyllen vetëm nëse i huaji, rrezikon rendin dhe sigurinë publike, si dhe përbën kërcënim për sigurinë kombëtare.

Por, a ishte Harun Celik një rrezik për sigurinë Kombëtare të Shqipërisë? A ju dha atij mundësia të kishte një avokat? Këto pyetje ngelin pa përgjigje, për sa kohë, institucionet shqiptare nuk kanë dhënë shpjegime për rastin.
/abcnews.al

etildaaaa.png
R D14:13 | 24/12/2019

Qeveria miratoi në mbledhjen e sotme projektligjin për amnistinë që do duhet të kalojë në parlament për tu bërë i zbatueshëm. Ministrja e Drejtësisë Etilda Gjonaj tha se “kemi patur në fokus gratë dhe të miturit e dënuar”.

Kësisoj nga aministia do të përfitojnë gjysma e grave të dënuara. Ajo tha se aktualisht janë në burg 56 gra, dhe gjysma e tyre (28) do të dalin menjehere sapo të miratohet ligji nga parlamenti.

Po kështu 28 gra te tjera që mbeten në qeli do përfitojnë 1/3 ulje dënimi. Sakaq pritet të lirohen edhe 4 të dënuar të mitur, dhe dy të tjere perfitojne 1/3 ulje dënimi.

Ministrja Gjonaj tha se nga amnistia do të përfitojnë edhe një numër i konsiderueshëm burrash.

“Përfitojnë ata burra që janë të dënuar deri ne 2 vite burg, ose që ju kanë mbetur për të vuajtur edhe 2 vjet burg, si dhe burrat mbi 60 vjeç që s’janë dënuar për vepra të rënda penale.

“Tashmë besojmë se edhe Kuvendi do të jetë dakord me Qeverinë, në mënyrë që dita kur këta persona të lirohen të jetë e afërt”, tha Gjonaj. /abcnews.al

votimi-ok.png
R D18:47 | 18/12/2019

Parlamenti i votoi pasditen e sotme me 82 vota pro ligjin e parë të paketës antishpifje, për funksionin e AMA-s. Edhe pse grupet e interesit ishin kundër dhe gazetarët protestuan, pasi cënohet fjala e lirë, mazhoranca e votoi atë.

Deputeti Ditmir Bushati ka abstenuar këtë ligj, raporton nga parlamenti gazetarja Esiona Konomi.

Votë kundër kanë hedhur deputetët: Arben Elezi, Alban Zeneli, Halil Jakimi, Korab Lita, Halit Valteri, Arlind Carcani, Klajdi Qama

(Mungojne R. Hajdari, M. Murrizi dhe R. Gjoni)

Votimi në terësi

82 pro

13 kundër

5 abstenim

5 nuk kanë votuar

Ligji

“Për disa ndryshime dhe shtesa në ligjin nr. 97/2013, “Për mediat audiovizive në Republikën e Shqipërisë”, të ndryshuar pdf (Neni 78 i Kushtetutës dhe nenet 55 dhe 73-77 të Rregullores, votim me shumicë të thjeshtë)”/ abcnews.al

mali-i-zi-kisha.jpg
nev ila14:30 | 17/12/2019

Kryeministri malazez Dushko Markoviç, duke komentuar ligjin për liritë fetare, theksoi se si në çdo vend demokratik, do të dihet se çfarë është kisha dhe çfarë është shteti, pavarësisht se kush do t’i shërbejë ritet në ato kisha.

Ai theksoi gjithashtu se Mali i Zi dhe Selia e Shenjtë dëshirojnë shkallën më të lartë të konsensusit mbi Aktin e Lirisë së Fesë, dhe se është punuar për të arritur një konsensus.

Kryeministri malazez tha se ka kundërshtime ndaj Malit të Zi nga Mitropolitia për arsye të njohura që janë joracionale.

Ai vuri në dukje se është punuar për katër vjet për atë ligj dhe tani është objekt i një konsultimi të gjerë.

Markoviç shtoi se ligji nuk nënkupton sekuestrimin e pasurisë së kishës ortodokse serbe në Malin e Zi, por, siç tha ai, ligji është bërë në standardet më të larta që rregullojnë këtë çështje.

“Si në çdo vend demokratik, njeriu do të dijë se çfarë është kisha dhe çfarë është shteti, pavarësisht se kush do të shërbejë ritet në ato kisha”, theksoi Markoviç, duke thënë se Mali i Zi nuk do të largojë klerin nga Kisha Ortodokse Serbe.

“Është një manipulim i thjeshtë që kërkon të ndalojë demokratizimin e Malit të Zi“, tha ai./abcnews.al

dunja_mijatovic_03_2010_bild.jpg
nev ila12:08 | 17/12/2019

Komisionerja e Këshillit të Evropës për të Drejtat e Njeriut, Dunja Mijatović i kërkon kuvendit të Shqipërisë të rishikojë draftet e paketës anti-shpifje që për herë të parë përfshin median online, me argumentin se duhen përshtatur sipas standardeve të vendosura nga Gjykata Europiane për të Drejtat e Njeriut dhe nga Këshilli i Europës.

“Këto ligje kanë nevojë për përmirësim urgjent. Disa dispozita nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e mediave. Unë jam veçanërisht e shqetësuar që kompetencat diskrecionale që u janë dhënë organeve rregullatore, mundësia e vendosjes së gjobave të tepërta, dhe bllokimi i faqeve të internetit të mediave, pa një vendim gjyqësor, si dhe futja e rregullimit shtetëror të mediave në internet, mund të sjellin një goditje të fortë për lirinë e shprehjes dhe lirinë e mediave në vend. Është me rëndësi të madhe të sigurohet që Interneti të mbetet një forum i hapur dhe publik ku mbizotëron vetë-rregullimi nga media, përfshirë mediat online. Prandaj, unë i bëj thirrje anëtarëve të Parlamentit të Shqipërisë që të rishikojnë draftet aktuale dhe t’i afrojnë ato me praktikën gjyqësore të Gjykatës Evropiane të të Drejtave të Njeriut dhe standardeve të Këshillit të Evropës”, shkruan Mijatovic.

 

david-lega.jpg
ger ta11:12 | 17/12/2019

David Lega, anëtar i Komisionit të Jashtëm të Parlamentit Europian njëherësh raporter i Parlamentit Europian për Shqipërinë nga grupi parlamentar PPE ka komentuar ligjin anti-shpifje.

Lega, teksa ka mirëpritur rezistencën e PD siç e quan ai, thekson se nëse ky ligj miratohet rrezikon kryesimin e OSBE nga Shqipëria si dhe çështjen e negociatave.

“Nëse Parlamenti shqiptar miraton ligjet e reja për median, vë në rrezik kryesimin nga Shqipëria të OSBE-së.  Do të ndërlikojë gjithashtu negociatat për anëtarësimin në Bashkimin Europian. Për këtë arsye, rezistenca e fortë nga Partia Demokratike është e mirëpritur”, tha ai./abcnews.al

69a27bcf-dab0-44ff-8148-a00b1babcd68.jpg
R D18:10 | 16/12/2019

Aleksandër Çipa që drejton Unionin e Gazetarëve Shqiptarë ishte pasditen e sotme në studion e “Abc News” me gazetarin Endri Xhafo për të folur për pr/ligjet e medias që njihen si paketa “antishpifje”. Çipa u shpreh se Kryeministri Edi Rama kërkon të vendosë kontroll mbi median online, pasi ka frikë prej tyre.

I pyetur nga Xhafo se si shpjegohet ndryshimi në sjelljen e Ramës, cili sa ishte në opozitë i doli në krah TCH që u gjobit nga qeveria Berisha, ndërsa tani ka një sjellje tjeter ndaj medias, Aleksandër Çipa u përgjigj: “Unë nuk kam kryer një studim mbi këtë, por mund ta perifrazoj me një metaforë. “Timoni” është metafora më e qenësishme. Ka sindromën e shoferit, pra ka frikë kur timonin e ka tjetri dhe jo ai”.

Më tej, Çipa vlerësoi reagimin e të gjithë organizatave kundër këtyre pr/ligjeve të qeverisë. “Eshtë një reagim në bllok që s’ka ndodhur në 20 vitet e fundit, unitet mes organizatave. Po kështu kanë reaguar edhe organizatat ndërkombëtare”.

Me ndryshimet e reja që kërkon të bëjë qeveria, AMA që merrej me TV dhe Radio, tani do merret dhe me portalet. Sipas Çipës, gazetarët nuk po refuzojnë regjistrimin e potaleve por po kundërshtojnë arkitekturën e qeverisë, që kërkon të mishërojë në dy institucione, procesin që rregullon median. “Këto institucione AKEP dhe AMA do funksiojnë si agjenci censurimi”, theksoi ai.

“Bordi i AMA-s dhe Këshilli i Ankesave sipas draftit do përcaktojnë përgjegjësitë editoriale. Në asnjë vend të botës nuk ndodh kjo. Pra masat administrative (gjobat) i vendos bordi si një akt përmbarimor, pa pritur vendimin e gjykatës. Këto sanksione që parashikohen në projektligje do intimidojnë redaktorët dhe editorët e mediave online në mos do i censurojnë”, u shpreh Çipa.

I pyetur nga gazetari, Endri Xhafo se si do të rregullohet pjesa etike që mungon në portale, Aleksandër Çipa tha se media në Shqipëri në vite ka kalua në procese vetërregulluese. Ai solli në kujtesë vitin 2005 kur Tv kaluan në transmetike digjitale.

Po kështu kujtoi edhe median e shkruar (gazetat) që tani janë etike por në vitet ’92-96 kanë patur ndotje etike. “Pse duhet të humbasim besimin për median online, kur Tv dhe gazetat kanë kaluar pëmes këtyre proceseve vetërregulluese?”, u shpreh ai.

Më tej, gjatë bisedës në studion e Abc News me gazetarin Endri Xhafo, Aleksandër Çipa tha se aktualisht janë 800 media online në Shqipëri, prej të cilave 100 funksiojnë shumë mirë dhe zbatojnë rregullat e etikës. Sipas tij, shqetësimi për censurën nuk është vetëm për këtë qeveri. “Gjatë takimit me Bashën, i kërkuam reagim sepse nëse ndodh rotacioni, pra ikën kjo qeveri dhe vjen tjetra do të censurohet sërish media. Ne duam që këto drafte të zhbëhen”, theksoi ai./abcnews.al

edi-rama-ambasadoret.jpg
nev ila15:18 | 16/12/2019

Kryeministri Rama, ka reaguar përmes një statusi në rrjetet sociale, në lidhje me polemikat e shumta, që ka ndezur ligji i paketës antishpifje për mediat. Rama shkruan se, mediat nuk e kanë lexuar projektligjin, dhe duan të shkruajnë si të duan dhe të shpifin sa të duan.

“Ose s’e kanë lexuar projekt-ligjin, ose duan të prekin lirisht dinjitetin e çdo kujt nëpër portale e faqe sociale e të tallen  me të vërtetën e opinionin publik, duke shkruar çfarë tu teket, duke shpifur sa tu teket, duke shantazhuar e duke i vënë gjoba kujt tu teket”.

Sipas Ramës ligji është konsultuar dhe përpunuar prej një viti me OSBE .

“Projektligji është ë konsultuar e përpunuar prej 1 viti, nen për nen e pikë për pikë me OSBE dhe do të hyjë në seancë pa asnjë cen në aspektin e standardeve të lirisë për tu shprehur e të së drejtës për tu informuar pa kufizim, po edhe të mundësisë për tu mbrojtur nga shpifjet“, shkroi ai.

“Sa për “ERTV” faleminderit për publicitetin dhe mos ma prekni ju lutem fjalën time të drejtëpërdrejtë, për të gjithë ata që hyjnë pa asnjë detyrim në faqen time të fejsbukut, ku po u pëlqeu rrinë po s’u pëlqeu ikin”, shkruan Kryeministri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono