libri

mehmet-shehu-enver-hoxha.jpg
nev ila20:46 | 01/02/2020

Në librin e saj “Përjetime dhe meditime në jetën time politike” botuar këto ditë Nexhmie Hoxha bashkëshortja e Enver Hoxhës pranon për herë të parë një nga dyshimet më të mëdha të lindura pas vetëvrasjes së kryeministrit Mehmet Shehu në 17 dhjetor 1981.

Historianë e analistë të ndryshëm ishin të mendimit se Enver Hoxha kishte frikë të linte pas vetes Mehmet Shehun.

Kjo për arsye se ai nuk i besonte pikësëpari familjen e tij.

Për këtë arsye Hoxha gjeti një mundësi të artë që ta ndëshkonte Shehun menjëherë sapo mësoi fejesën e djalit të tij me një vajzë që vinte nga një familje me probleme biografike sipas gjuhës së kohës.

Ai nisi ti bënte gjyqin Shehut, ta persekutonte atë duke e detyruar të vetëvritej.

Në të njëjtën linjë, sa i përket faktit të frikës së Enverit për pasardhësin, vjen në kujtimet e saj edhe Nexhmie Hoxha, duke zbardhur në këtë formë një nga enigmat më të mëdha të kohës së diktaturës komuniste.

Ja çfarë shkruan ajo në librin e saj për Mehmet Shehun:

Në shtator 1981, Mehmet Shehu bëri fejesën e djalit të tij, Skënderit, ngjarje kjo, që do të shkaktonte një krizë të re në marrëdhëniet midis Enverit dhe Mehmetit.

Për këtë fejesë, ne mësuam nga djali ynë, Iliri, kur u kthyem nga Pogradeci. Ai na tha se atë dhe Teutën i kishin ftuar në shtëpinë e Mehmetit dhe ata kishin shkuar për urim. Iliri na tregoi se djali i Mehmetit qe fejuar me vajzën e një profesori të Universitetit të Tiranës.

*****

Është e njohur që në Kongresin e 8-të të Partisë, as nuk u zu në gojë gabimi i Mehmet Shehut, lidhur me fejesën e të birit, dhe as u bë ndonjë ndryshim në funksionet që ai kishte.

*****

Diskutimet që u bënë në mbledhjen e Byrosë Politike, më 17 dhjetor, në fakt, qenë me kritika të rënda, që këtë herë bëheshin aq haptas dhe nga të gjithë. Ata që e morën fjalën nuk u ndalën vetëm në gabimin e fejesës, por, si asnjëherë tjetër, pa druajtje, i kujtuan Mehmetit edhe gabimet që ai kishte bërë në të kaluarën, i vunë në dukje të metat në punë dhe në keqtrajtimin e kuadrove, në mosrespektimin e punonjësve etj., duke theksuar se të gjitha këto e kanë burimin në karakterin e tij të vrazhdë, në mendjemadhësinë e stimën e lartë që kishte ai për veten e tij etj.

Mund të thuhet se anëtarët e Byrosë kishin reflektuar në atë që kishte thënë Enveri në një mbledhje të mëparshme se, është në interes të Partisë dhe të vetë Mehmetit që Byroja Politike dhe Qeveria të punojnë si forume kolektive partie dhe jo si shtab ushtarak.

Sipas mendimit tim, kjo porosi flet për shqetësimin që kishte Enveri se ç’mund të ndodhte kur ai vetë nuk do të ishte më. Ai e kishte mirë parasysh se, kur i drejtonte vetë mbledhjet e Byrosë Politike, Partinë dhe, në përgjithësi,  punën për zbatimin e vijës dhe të strategjisë së saj, Mehmeti sillej korrekt ndaj shokëve, si në Byro dhe në çdo mbledhje ku ishte prezent Enveri. Po kur ky të mos ishte…?!

Është fakt që Enveri dhe të gjithë anëtarët e Byrosë në fund të mbledhjes së 17 dhjetorit propozuan për Mehmetin thjesht një masë disiplinore partie, shënim në kartën e regjistrimit, që, pas pak kohe, mund të shlyhej.

Kjo flet për dashamirësinë e treguar gjer në fund nga Enveri ndaj Mehmetit. Këtë e dëshmon edhe ajo që ka shkruar Ramiz Alia në librin e fundit të tij, ku thotë se Enveri, rrugës duke u kthyer në shtëpi, në mbrëmjen e 17 dhjetorit, pas mbylljes së seancës së parë të Mbledhjes së Byrosë, i kishte thënë Ramizit: “Ja, nesër në mëngjes, do të flas dhe unë. Edhe unë jam për masën që propozuat ju të gjithë dhe ta mbyllim me kaq”.

Por, pavarësisht nga të gjitha këto përpjekje të Enverit, Mehmeti e mbylli vetë, me aktin ekstrem të vetëvrasjes.

ENVERI E PËRJETOI SHUMË RËNDË VETËVRASJEN E MEHMETIT

Siç thashë më sipër, megjithëse i tronditur nga lajmi që mori në mëngjes për aktin e kryer nga Mehmeti, Enver Hoxha vajti në mbledhjen e Byrosë Politike të datës 18 dhjetor dhe mbajti diskutimin e tij, që e kishte përgatitur me shkrim.

Ai u përpoq të ishte i qetë dhe ta përmbante veten. Pas përfundimit të mbledhjes, ndonëse ndihej i lodhur, qëndroi me shokët e Byrosë dhe bisedoi me ta për aktin e vetëvrasjes së Mehmet Shehut dhe rreth letrës që ai i kishte lënë.

Pas një ditë pune tepër të ngarkuar, Enveri u kthye në shtëpi vonë, kur kishte kaluar koha e drekës. Unë po e prisja tërë merak. Pasi u ul të qetësohej, i mërzitur, më foli për përmbajtjen e letrës që i kishte lënë Mehmeti.

Më tha se në fund të saj ai sugjeronte që vetëvrasja e tij mund të trajtohej siç u bë me Nako Spirun dhe se i linte amanet familjen, Fiqretin dhe djemtë.

Unë e dëgjoja e befasuar. Kështu u ndjeva tërë ditën. Në mbrëmje, pas darke, Enveri nxori nga çanta letrën e Mehmetit. Ishte nja 3-4 faqe me dorëshkrimin e tij, i cili për mua ishte shumë i njohur.

Enveri nisi ta lexonte (kushedi për të satën herë atë ditë), herë për vete, herë me zë. Lexonte i përmbajtur dhe komentonte pjesë të saj, herë duke bërë pyetje mbi pyetje, herë duke shpërthyer pas ndonjë pasazhi të letrës, duke thënë: “hipokrit!”, “intrigant!” e ndonjë epitet tjetër.

Duke kapërcyer me indiferencë përbetimet e Mehmetit për miqësinë dhe për luftën e përbashkët, Enveri ndalej në ata paragrafë që dukeshin enigmatikë ose të shkruar në gjendje përçartjeje.

Në një moment shpërtheu sikur pyeste veten: “Ç’do të thotë ky, kur shkruan: “Unë e bëra detyrën time me të vetmen mënyrë që m’u dha mundësia – vetëvrasja”?”. Më pas, komentonte me zë të lartë: “Ku është parë që vetëvrasja qenka detyrë partie…?! Dhe thotë se… po vdiska për Partinë, duke më lënë amanetin që “të ruaj Partinë dhe socializmin…”! Po pse ia hoqi vetes? Si bashkëluftëtar, ai duhej të rronte që “ta ruante Partinë dhe socializmin””.

Pasi bëri një pauzë të shkurtër, dëgjova të lexonte me zë: “Po e lë jetën për Partinë, se nuk më latë rrugë tjetër për ta mbrojtur…!”.

Dhe prapë Enveri komentonte: “Po cila ishte kjo rrugë tjetër? Si nuk i paskam krijuar kushte që të më thoshte të vërtetën? Po cilën të vërtetë, kur ne shiheshim ditë e natë? Çfarë lloj kushtesh duhej t’i krijoja?”.

Mendohej e mendohej dhe përsëri lexonte: “Po lë jetën për Partinë… që të mësosh të vërtetën…”(!) Shkëpuste sytë nga letra Enveri dhe pyeste veten: ”Si u mësoka e vërteta duke vdekur?!”…

Pastaj Enveri u ndal tek ajo pjesë e letrës ku Mehmeti, çuditërisht, disa çaste para vdekjes, para se të vriste veten, kujtohet se 21 vjet më parë, kur u prishëm me Moskën, R. Alia i paskësh thënë: “Pse, vetëm ne qenkemi të vetmit marksistë-leninistë?”, domethënë që Ramizi nuk ishte dakord që u ndamë me revizionistët hrushovianë. Dhe pas kësaj, Mehmeti shtonte duke u ankuar se Enveri nuk i paska krijuar kushtet t’i fliste se kush ishin, në të vërtetë, Ramiz Alia dhe Kadri Hazbiu dhe as për ‘komplotin’ që paskëshin përgatitur këta të dy(!)….

Për ç’kushte e kishte fjalën Mehmeti? Kush e pengoi të fliste? Ai ishte anëtar i Byrosë Politike, i Plenumit të KQ, po e po. Aty i kishte të gjitha kushtet për të thënë gjithçka. Madje, po të ishin të vërteta, ai e kishte për detyrë t’ia thoshte Partisë….

Dihet që mes Mehmetit dhe Ramizit ka pasur, herë pas here, ndonjë fërkim për çështje ideologjike. Të dy ishin të ndryshëm në formimin dhe në karakteret e tyre, sa ç’është sektarizmi nga liberalizmi. Mehmeti gjeti rastin në këtë Plenum të sulmonte Ramizin, duke u përpjekur ta përfshijë atë në “grupin armiqësor” të Todi Lubonjës e Fadil Paçramit, por për çështjen në fjalë nuk tha gjë……

Enveri u ndie keq edhe sepse vetëvrasjen e Mehmetit e konsideroi dhe e përjetoi edhe si një tradhti që ai i bënte miqësisë dhe dashamirësisë që Enveri kishte treguar në dekada ndaj Mehmetit. Kjo e vrau shumë dhe, siç e kam përmendur, për këtë arsye Enveri ndjeu një zhgënjim tronditës….

Por, dua të them se akti i vetëvrasjes, që kreu Mehmet Shehu, përveç aspektit politik, qe i pafalshëm jo vetëm për Enverin, por edhe për mua, personalisht, për çka i shkaktoi familjes sime, sepse shpejtoi humbjen më të madhe dhe të pazëvendësueshme të njeriut tim më të shtrenjtë./abcnews.al

 

jorgaqi.jpg
in a22:08 | 31/01/2020

I ftuar në “Provokacija” me Mustafa Nanon, shkrimtari i njohur Nasho Jorgaqi ka folur për fatin e librit në Shqipëri. “Libri i letersisë shqipe po kalon krizë. Të vjen keq kur sheh se 80 për qind e librave në panairin e këtij viti ishin të huaj”, tha ai.

Më tej shprehet se letersia shqiptare, krahasuar me 40 vite më parë është e dobët: “S’ka shkrimtar që ia kanë kaluar Kadaresë apo Agollit”.

I ngacmuar nga Mustafa Nano se ndoshta nuk i ka ndjekur me vëmendje botimet e reja të autorëve si Ben Blushi, Preç Zogaj apo Gazmend Kapllani, Jorgaqi u shpreh: “Preçi mbetet poet edhe pse ka botuar romane. Ben Blushi bëri dy libra por s’po ndihet më. Kapllanin nuk e njoh si shkrimtar, por vetëm si gazetar”.

Shkrimtari ngre pyetjen se cili do të jetë fati i bibliotekave të intelektualëve të shquar pas ikjes së tyre nga kjo botë, ndërsa thekson se shteti nuk ka një ligj për trashëgiminë që lënë personalitetet e shquara. “Ligji do të ndihmonte që trashëgimia e këtyre intelektualëve të çmohet ligjërisht”, theksoi ai.

I ndalur tek Mid’hat Frashëri ai theksoi se ka një meritë të pazëvendësueshme dhe se kishte një bibliotekë të veten. “Nëse ne kemi fondin më të pasur alabanologjik dhe balkanologjik e kemi falë tij. Nuk kishte vepër që të dilte në botë me temën e Shqipërisë apo të Ballkanit që ai mos ta siguronte. Ai ka pasur jo vetëm bibliotekën më të madhe, por edhe më me vlerë kombëtare”, u shpreh Jorgaqi.

Çfarë është bërë me bibliotekën e Konicës dhe Nolit?

Jorgaqi: Janë përvetësuar nga njerëz të ndryshëm, siç është përvetësuar biblioteka e Enver Hoxhës.

I pyetur se përse e minimizon rëndësinë e bibliotekës së tij sërish ai u tregua modest duke u shprehur: “Biblioteka ime nuk ka ndonjë vlerë të madhe, edhe pse kam thuajse të gjitha veprat e letërsisë shqipe, ndërsa theksoi se ndjehet i privilegjuar sepse ka pothuajse të gjithë botimet e shtëpisë botuese “Naim Frashëri”./abcnews.al

enkel-demi-varvarica.jpg
nev ila09:30 | 30/01/2020

Në historinë e artit shqiptar, disa nga artistët më të mëdhenj të tij i cilësojnë si “mjeshtërit e hershëm”.

Suzana Varvarica Kuka autore e librit “20 mjeshtrit e hershëm shqiptar”, ishte e ftuar ne ABC News në emisionin e mëngjesit ABC-ja e mëngjesit me gazetarin Enkel Demi.

Në bashkëpunim me shtëpinë botuese Media Print, autorja ka zgjedhur të pasqyrojë në këtë libër, veprat e disa prej artistëve dhe stilin e aplikuar në veprat e tyre, duke përzgjedhur veprën më të mirë dhe më të njohur të tyre.

Në këtë libër, fëmijët dhe të rinjtë për herë të parë do të njihen me 20 mjeshtër, që me veprat e tyre filluan t`i jepnin jetë dhe zhvillim atmosferës së arteve figurative të shek. XX në vendin tonë.

Libri është ndërtuar në 20 artikuj të veçantë të mjeshtrave të ndryshëm shqiptarë. Secili prej tyre i përket jetës dhe krijimtarisë së një mjeshtri të vetëm.

Nga krijimtaria e gjerë e çdo mjeshtri është përzgjedhur me kujdes një vepër, për të cilën shpjegohet tema, subjekti dhe ngjyrat e përdorura.

“Jeta ime është e lidhur me Artin dhe ai ka përcaktuar profesionet e mia, të cilat kanë rrjedhur hap pas hapi, bashkë me rritjen time në sferat krijuese dhe studimore në artet pamore. Puna me fëmijët më ka mësuar që të përdorë një fjalor të thjeshtë dhe të kuptueshëm për të gjithë”, tha autorja.

Autorja Suzana Varvarica Kuka ka pasqyruar 20 mjeshtërit shqiptarë të cilët janë:  

-Kolë Idromeno – Babai i pikturës realiste shqiptare,

-Spiro Xega – Piktor figurativo-romantik i temës kombëtare,

-Vangjel Zengo – Artist i shquar humanist,

-Andrea Kushi – Piktor realist i portretit dhe mësues i artit,

-Simon Rrota – Piktori realist ijetës shkodrane,

-Vangjush Mio – Piktori i peizazhit realist e impresionist,

-Odhise Paskali – Babai i skulpturës shqiptare,

-Dhimitër Cani – Skulptor portretist realist,

-Abdurrahim Buza – Piktor ekspresiv,

-Llazar Nikolla – Mjeshtër i gdhendjes së gurit,

-Zef Kolombi – Piktor akademik realist,

-Androniqi Zengo Antoniu – Pioniere e pikturës realiste shqiptare,

-Hasan Reçi – Piktor dhe aktor shprehës,

-Janaq Paço – Skulptor i shquar monumentalist,

-Sadik Kaceli – Piktor i poetikës realiste,

-Kristina Koljaka – Skulptorja e parë shqiptare e shekullit XX,

-Sofia Zengo Papadhimitri – Piktore e traditës dhe e portretit realist,

-Nexhmedin Zajmi – Piktor i traditës,

-Bukurosh Sejdini – Piktor i traditës,

-Foto Stamo – Piktor i traditës.

Pjesë nga biseda në studio: 

Enkel Demi: Si ja keni dalë për personalitete kaq komplekse, ti përmbledhësh në kaq pak radhë?

Suzana Varvarica Kuka: Duke qenë se kam 30 vjet që merrem me këtë punë, kam selektuar mendimet e mia për të shkuar drejt fëmijëve, kam bërë progrmae të drejtpërdrejta për edukimin, dhe kjo ka bërë që të përdorë një gjuhë më të thjeshtë./abcnews.al

 

 

 

belina-Budini-1280x729.jpg
nev ila22:36 | 21/01/2020

Belina Budini, Dekane e Shkencave të Komunikimit në UET, ishte e ftuar mbrëmjen e sotme në emisionin Provokacija me Mustafa Nanon.

Budini bëri një rezyme të përgjithshme se çfarë ka përfshirë në librin e saj më të fundit të cilin e ka quajtur “ Ndikuesit” ose “Influencers”.

Budini tha se ky libër ka përmbledhur intervista të disa prej gazetarëve të njohur në vend, të cilët i kanë dhënë në disa prej forumeve universitare.

Në përzgjedhjen e intervistave të gazetarëve, profesoresha e Shkencave të Komunikimit, ka patur parasysh faktorë të influencës, të ndikimit dhe protagonizmit të lartë publik që gazetarët kanë.

Po ashtu Prof. Budini tha se gazetarët ishin më interesantë, në intervistat e realizuara në versionin e folur, se sa në atë të shkruar.

E pyetur nga gazetari Mustafa Nano se cilët nga gazetarët do të veçonte për stilin e të shkruarit, profesoresha u përgjigj se ka disa të preferuar.

Në fakt po flisja për tekstin. Teksti mund të jetë i shkruar, por edhe i folur, por për dinamika të tjera si psh, të performancës televizive, të natyrës, të ritmit etj, mendoj që ka shumë të mirë, dhe ju keni rivalë në këtë aspekt”, tha Budini.

Sipas Budinit disa prej analistëve dhe gazetarëve në Shqipëri janë influentë dhe ndikues për publikun, madje duke cituar dhe gazetarin Andi Bejtja, Budini tha:

“Ndikimi që kam konsideruar në librin tim është ai mbi politikanët, institucionet. Binomi që kam shqyrtuar aty është media-politikë, pra gazetarë-politikanë. Përballë politikanëve, gazetarët janë shpesh në një rrjetë marrëdhëniesh të dyanshme, të tipit ndikues dhe ndërveprues me njëri-tjetrin. Po të citoja Andi Bejtjan ai është kritik në këtë aspekt, ai thotë që ka gazetarë që punojnë për të fshehur çështje me dinamika të caktuara, pra bëjnë një temë e cila nuk është temë dite duke shmangur vëmendjen e çështjeve kryesore”, tha ajo. /abcnews.al

besa-shahini.jpg
ger ta10:11 | 22/11/2019

Një hartë në librin ‘Qytetaria’ për klasën e 8-të, ka sjellë reagime të shumta në rrjet për shkak shfaqej harta e Ballkanit e pa rinovuar dhe ku Kosova ishte ende pjesë e Serbisë.

Harta u publikua edhe nga ish-kryeministri Sali Berisha. Ndërsa sot ka reaguar ministrja e Arsimit, Besa Shahini. Ministrja shpreh keqardhjen e saj për sa i përket faqes së librit dhe e quan një gabim të paqëllimshëm.

Reagimi i plotë:

Më erdhi keq kur pashë të postuar në rrjete sociale një faqe të një libri me pasaktësi në hartën e rajonit të Ballkanit.

Kosova është Republikë dhe njihet si e tillë nga Shqipëria, Maqedonia e Veriut, Mali i Zi, 23 vende anëtare të BE-së, SHBA-të dhe shumë shtete të tjera aleate. Por nga autori i librit, te artisti grafik, te redaktori i shtëpisë botuese e deri te komisioni që ka dhënë OK për botim, nuk kanë qenë në gjendje ta vërejnë mungesën e shtetit të Kosovës në të!

Ky është natyrisht një gabim i paqëllimshëm dhe s’është i vetmi, megjithëse janë bërë përmirësime kolosale në korrigjimin e teksteve shkollore. Por padiskutim që nuk do të duhej të ekzistonin pasaktësi të tilla në librat shkollorë!

Lajmi i mirë është se kjo ka ndodhur ndërkohë që po zhvillohet procesi i kontrollit të librave shkollorë, pasi sivjet është mbyllur procesi i hartimit të librave të rinj. Pastaj do të vihet në lëvizje detyrimi për shtëpitë botuese që t’i adresojnë menjëherë me fletë plotësuese gabimet e konstatuara, ndërsa në vijim me redaktim të plotë./abcnews.al

 

enkel-demi-ora-e-lige-1280x758.jpg
nev ila12:17 | 18/11/2019

“Ora e ligë”, një roman që sjellë një dashuri të pamundur dhe një fund tragjik. Tom Kuka, kësaj here na sjellë në romanin e tij ngjarje dhe peizazhin historik të fund shekullit 19 dhe fillim shekullit 20. Në një intervistë për Abc News, Enkel Demi rrëfen edhe arsyet e mitizimit të femrës në romanet e tij. 

“Ora  e ligë” shënon veprën e 3-të gazetarit Enkel Demi, sfondi historik kësaj here, shërben si për të pasqyruar periudhën ku zhvillohen ngjarjet nga fund shekullit i 19-të, fillim shekulli i 20-të. Që në ballin autori të fut në atmosferën e ngjarjeve. Ora e ligë është personazhi fatal i marrë nga eposi i pasur.

Shkrimtari është mjaft i kujdesshëm edhe me emrat e personazheve që të evokojnë kohën në mënyre të përkryer. Figura femërore merr gjithë vlerat e munguara në kohë nga pena e Enkel  Demit

Kthimi te rrënjët është domosdoshmëri, për t’i dhënë përgjigje edhe orëve të liga, jo vetëm të këtij romani, por edhe të vetë vendit tonë thekson autori. Edhe te “Ora e ligë“ dora e Tom Kukës është po aq lirike dhe epike sa tek  romanet “Gurët e vetmisë” apo “Hije mbi kalldrëm”./abcnews.al

mustafa-nano-papa-1280x705.jpg
nev ila20:01 | 13/11/2019

Mustafa Nano promovoi librin e tij më të fundit “Si e kam njohur…” . Ai sjell në këtë vepër mbresat dhe kujtimet me 40 personazhe publike.

Hashim Thaçi, Edi Rama, Ismail Kadare apo Leka Zogu janë disa nga 40 personazhet që i portretizon gazetari Mustafa Nano në veprën “Si e kam njohur”.

Me një stil të thjeshte dhe të drejtpërdrejt, Mustafa Nano portretizon personazhet publike, të cilët e kanë bërë të reflektojë për vete dhe fatin e shoqërisë shqiptare.

Mustafa  Nano me librin “Si e kam njohur..” do të jetë i pranishëm për lexuesit edhe në Panairin e Librit./abcnews.al

tupja-1280x720.jpg
ent ela12:00 | 13/11/2019

Në Tiranë ka hapur dyert panairi i 22-të i librit. Ngjarja më e rëndësishme e librit sipas mjeshtrit të përkthimit Edmond Tupja duhet të konceptohet me po aq dashuri sa marrëdhënia e një çifti.

Prej dy dekadash panairi është konceptuar si festë e librit. Madje edhe ceremonia hapëse u çel nën ritmet e muzikës së Vaçe Zelës.

Mjeshtri  i përkthimit  Edmond Tupja tha se marrëdhenia me librin është e njëjtë me atë të dashurisë mes një çifti.

Kryetari i shoqatës se botuesve shqiptarë Petrit Ymeri në ceremoninë e hapjes se panairit pranoi se problemet e librit janë të mëdha ndaj përfitoj nga rasti që të ftonte Ministren e Kulturës për t’i kapërcyer vështirësitë sëbashku.

Elva Margariti premtoi  dialog me botuesit, ndërsa kryetari i shoqatës së botuesve të Kosovës , tha se letërsia shqipe është prioritare.

Mitrush Kuteli vjen i pa censuruar në veprën “Vargjet e përziera” rrëfen e bija Atalanta Pasku.

Por ka botues të cilët guxojnë me gjuhë ta pa përkthyer më herët.

Aida Baro pasi sugjeron disa nga botimet kryesore për grupmosha të ndryshme  thotë se panairi është i domosdoshëm për të komunikuar me lexuesin.

Panairi  i ka dyert e hapura deri më 17 nëntor ku lexuesit të njihen me rreth 800 tituj të rinj të autorëve të huaj dhe do të kenë mundësi që të bëjnë zgjedhjet e librave në gjini të ndryshme dhe me zbritje nga 10 deri në 50 përqind. /abcnews.al

blendi-fevziu-rrefimi-1280x681.jpg
nev ila21:43 | 12/11/2019

Gazetari dhe moderatori i njohur, Blendi Fevziu, ka qenë i ftuar mbrëmjen e sotme në emisionin “Provokacija” me gazetarin Mustafa Nano. Së bashku me Nanon, ai prezantoi për herë të parë, librin e tij të fundit të titulluar “Tirana e Nonës”.

Blendi u shpreh se ka nisur ta shkruajë librin në udhëtim e sipër, sapo avioni është ngjitur në fluturimin e radhës. Ky libër e ka rikthyer Blendin në kujtimet e fëmijërisë, në Tiranën e tij të dashur, aty ku u rrit dhe u kthye në një nga gazetarët më të suksesshëm në vend.

Duke folur për librin e tij më të fundit, “Tirana e Nonës” thekson se, në kohët e sotme kushdo që ulet të shkruajë duhet respektuar.

“Unë jam dakord me idenë se, kushdo që ulet të shkruajë duhet respektuar, për sa kohë nuk e harxhon kohën për të shkruar 5 batuta në Facebook, apo për të shoqëruar ndonjë foto në Instagram. Kur dikush vendoset përpara kompjuterit dhe mundohet të artikulojë ose të koncentrojë idenë e tij, në thelb është pozitive“, tha Fevziu.

Në rrëfimin e tij përballë Mustafa Nanos, gazetari Blendi Fevziu tregoi edhe se cilin nga librat e tij vlerëson si më të mirin dhe cilin më pak. Ndërsa përmendi disa nga titujt e librave të botuar prej tij, disa i renditi sipas cilësisë. Fevziu theksoi se libri “Tirona e Nonës” është nga librat më të mirë të shkruar prej tij.

“Në gjykimin tim, Libri “Tirana e Nonës” është më i mirë se libri “Enver Hoxha”, është më interesant, dhe aty e gjen veten një publik më i gjerë. Ka brenda edhe groteskun e shoqërisë shqiptare, ka dhimbjen, dramën njëkohësisht, ka dhe një lloj optimizmi. Ka gjithë groteskun e Shqipërisë. Shqipëria është një mini-glob ku janë vërtitur personazhe nga më të çuditshmit. Në këtë libër, unë nuk kam treguar thjesht biografinë time në ato vite, por kam rrëfyer 3 personazhe, duke i parë që prej fillimit e deri në fund të jetës së tyre, kur unë në fakt, kam qenë prezent në jetën e tyre, vetëm 10 vitet e fundit ” tha gazetari.

Pyetjes së gazetarit Mustafa Nano, se përse kishte veçuar këto 3 personazhe për librin e tij, Fevziu tha se ishte rritur më shumë me to, ndaj i kishte përzgjedhur.

Mustafa Nano: Pse keni veçuar këto 3 personazhe?

Blendi Fevziu: Sepse me to jam rritur më shumë. E kam shpjeguar edhe një herë, se unë jetoja me gjyshen. Ajo ishte personi që unë zgjohesha në mëngjes, drekë dhe në darkë. Ato ishin në fund të jetës së tyre, dhe befas ato gjetën një njeri që i dëgjonte. Zakonisht të moshuarit i dëgjojnë vetëm fëmijët, pjesa më e madhe e njerëzve të tjerë po të vësh re, nuk ja kanë ngenë, janë të lodhur etj.. Por unë i dëgjoja. Nuk besoj se ato mi thonin të gjithë gjërat, që të mbeteshin, por ato thjesht flisnin, tha Fevziu./abcnews.al

blendi-fevziu-1280x728.jpg
nev ila18:03 | 12/11/2019

Gazetari i njohur Blendi Fevziu ka prezantuar në një takim me të rinj, librin e tij më të fundit “Tirana e  Nonës”. Fevziu thotë se libri nuk është as roman e as libër kujtimesh, por një analizë e fateve njerëzore.

Blendi Fevziu ka shkruar libra artistikë, historikë, por asnjëri prej tyre nuk i ka dhënë kënaqësi  sa “Tirana e nonës”. Libër të cilin e ka nisur në fillim të viteve 90, por tashmë u jetësua, dhe këtë vepër mike siç e quan ai, ia dedikon tri grave: Nona, teta Meti dhe Bibia.

“Gjetën befas një fëmijë tek i cili filluan të rrëfenin. Rrëfimet e tyre nuk ishin rrëfime të zakonshme, që janë fantastike, të çdo gjyshi e gjysheje të çdo njeriu, sepse eksperiencat jetësore janë të jashtëzakonshme. Ato janë rrëfime që lidhen me historinë e Tiranës, me historinë e Shqipërisë, me zhgënjimin që ato kishin në raport me politikën, me zhgënjimin që kishin në raportet e miqësisë personale, gati edhe me problemet e brendshme familjare si çdo familje, dmth hatërmbetjet, prishjet,  divorcet, rivendosjet e marrëdhënieve të reja. Kështuqë ato filluan të mi rrëfenin në një periudhë 10 vjeçare, ku më shumë se sa protagonist, isha thjesht një dëgjues shumë i kujdesshëm, dhe një vëzhgues po kaq i kujdesshëm i bisedave që bënin jo vetëm me mua, por që ato bënin edhe me njëra tjetrën”, tha Fevziu.

Libri i cili i kishte ngecur prej shume vitesh , mori formë gjatë udhëtimeve të shpeshta, thekson Fevziu.

Prej gati 20 vitesh, a herë vendosja letrat për të shkruar ose hapja kompjuterin, gjithmonë ngecja, nuk shkruaja dot as frazën e parë. Më pas hapa një polder ku e quajta Tirona ku fusja gjëra që më kujtoheshin, detaje. Ai polder shkoi gati 30 faqe, vetëm me piketa. Një ditë isha në udhëtim dhe e kam thënë sapo avioni u ngrit nga pista, hapa IPAD që kisha me vete e nisa të shkruaj, dhe kur jam ulur në aeroportin tjetër kisha shkruar pothuaj dy kapitujt e parë të librit. Befas libri nuk pati asnjë subjekt të mirëfilltë, secili kapitull shkruhej si një libër më vete, pra mund të lexohen edhe kapitujt të ndarë nga njëri tjetri, por njëkohësisht kanë një histori”, rrëfeu ai.

Fevziu thotë se u gjenda në jetën e saj në vitet e fundit të jetës kur nona ishte “zhveshur” nga gjithçka. Ishte “zhveshur’ nga pushteti dhe ambiciet e familjes, ishte “zhveshur” nga pasuria që ja kishte marrë komunizmi, ishte “zhveshur” edhe nga persekutimi, dhe pikërisht në fund të jetës së saj filloi të jetonte.

“Libri lind në momentin kur stërgjyshja ime po ndërronte jetë, kur isha 14 vjeç. Në këtë moment u prish kjo 3-shja, e 3 grave që kishin shenjuar jetën time. Gjithë jeta e saj ishte një mbijetesë për të rritur fëmijët, një mbijetesë për të parë se si rrënohej pushteti i familjes së saj, pastaj i mbijetesës nga komunizmi, dhe vetëm në fund të jetës të saj, kur unë them që çdo gjë kishte mbaruar, ato kishin harruar edhe persekutimin. I kishte harruar historia dhe komunizmi. Ato filluan të jetonin duke kujtuar jetën e fëmijërisë së tyre”, tha ai.

Blendi Fevziu librin  do ta prezantoi edhe në panairin e 22-të të Librit, që do të mbahet nga data 13-22 nëntor në Pallatin e Kongreseve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono