Librazhd
Rezultati përfundimtar

akso.jpg
in a11:31 | 22/01/2020

Në hyrje të Librazhdit një automjet me targa AA518BC ka dalë nga rruga dhe për pasojë ka përfunduar në përroin e Shesë.

Burime për abcnews.al bëjnë me dije se nga aksidenti tre të rij kanë mbetur të plagosur dhe janë dërguar në spitalin e Librazhdit. Ndërkohë mësohet se të rinjtë kanë dëmtime të lehta, por fatmirësisht janë jashtë rrezikut për jetën.

 

/abcnews.al

deshmitarja-1.jpg
ger ta17:00 | 21/01/2020

Një ngjarje e rëndë ka ndodhur në Librazhd ditën e sotme, ku një foshnjë vajzë dy muajshe ka humbur jetën.

Burime për abcnews.al bëjnë me dije se foshnja është gjetur në banesë nga nëna e saj, e cila e kishte lënë vetëm për disa orë dhe është dërguar në spital pa shenja jete.

Nga hetimet e para dyshohet se foshnja ka ndërruar dhe ka qenë e kotë ndërhyrja e mjekëve. Ndërkaq, policia ka shoqëruar nënën e vajzës së vogël që humbi jetën, Sote Ozuni.

Gazetari Aldo Kozarja në një lidhje direkte për Abc Neës raporton se sipas dëshmive të të afërmve nëna e ka brakrisur foshnjën për rreth 6 ose tetë orë, pasi ka dalë në qytetin e Librazhdit.

Ndërkaq gazetari Agim Blloshmi thotë se, gruaja nuk është e panjohur për policinë e Librazhdit me veprimet e saj.

E njëjta familje ka pësuar dy ngjarje të rëndë me fëmijët pak kohë më parë, ku një prej tyre i vdiq në një aksident rrugor, ndërsa tjetri ra nga ballkoni, por për fat të mirë arriti që të shpëtonte mrekullisht. Fëmija ishte kyçur nga nëna dhe tentoi të hidhej nga ballkoni.

Nga ana tjetër dëshmiatër japin versionin e tyre për ngjarjes. Kjo grua rrëfen se e ëma kishte shkuar për t’i blerë qumështin dhe e ka gjetur tëpajetë vajzën kur ka mbërritur në banesë.

“Unë nuk e di bëri vaksinat pardje. Vajtëm në shtëpi t’i jepte gji, goca ishte pajetë. Unë e kam rritur vetë atë gocë. Ishim në supermarket, bleu dy tasa për ushqimin, qumësht gocës. Kaq ishte moj bijë si të ikte fëmija aq shpejt. E ka zënë sëmundja e tokës ose i ndikuan vaksinat”, thotë ajo./abcnews.al

komiteti.jpg
in a20:16 | 15/01/2020

Në 15 janar të vitit 1979, në ujërat e lumit Shkumbin, 41 vjet më parë u mbytën shtatë 16 vjeçarë aksionistë, që po ndërtonin tarracat në kodrat dhe malet e  Spatharit në Librazhd.

U deshën javë të tëra që trupat e tyre të gjendeshin. Në 15 janar të këtij viti ata përkujtohen nga të afërm të tyre dhe miqtë, të cilët kërkojnë të paktën të ngrihet një përmendore që të kujtohen brez pas brezi. Ndër ta, është Gani Allushi që humbi motrën, Fluturën, dhe ende pa u gjetur trupi i saj e zëvendësoi atë duke vijuar punë i detyruar nga regjimi komunist.

“Motra im ka qenë 16-vjeçe kur e kam nisur në aksion, prindërin nuk ishin dakord”, tregon Gani Allushi.

Ndërsa dëshmitari Faik Balla tregon se si ka ndodhur ngjarja.

“Isha në punë dhe marrim vesh se aksionistët ranë brenda”, thotë Balla.

Koloneli Muhamet Çota, një prej ish ushtarakëve që mori pjesë në  nxjerrjen e disa prej trupave i ka ende të freskëta përpjekjet që bënë duke rrezikuar edhe jetën në atë natë të acartë.

“Vraponim me ushtarë dhe pika më e përshtatshme ka qenë tek ura e Murrashit, jam zhveshur dhe shoh që pas meje u futën disa ushtarë. Kapëm trupa të aksionistëve dhe i kemi sjellë në anë të lumit. Kemi patur vështirësi të jashtëzakonshme. Na është rrezikuar jeta”, shprehet Çota.

Ngjarje të tilla të rënda sistemi komunist i anashkalonte dhe Hekuran Rezhda që ishte funksionar në atë kohë në Degën e Brendshme dëshmon mbi tronditjen që përjetuan për ngjarjen e rëndë.

“Ndër ngjarjet më të hidhura në jetën time. Më të vështirat që kam kaluar. Komiteti Ekzekutiv dhe Byroja e Partisë së rrethit përcaktuan që Komiteti i Rinisë të përgjigjeshin për çështjen e aksionistëve. Kjo ngjarje shkaktoi një shok në të gjithë rrethin e Librazhdit”, tha më tej Rezhda.

Flutura Allushi, Bule Përrenja, Mereme Brahja, Fatime Guga, Naim Elezi, Refie Ceni dhe Ruzhdie Çerri janë adoleshentët që në moshën më të bukur humbën jetën, sapo lanë punën e rëndë për moshën e tyre, duke u mbytur në ujërat e lumit Shkumbin. Disa nga trupat e tyre u gjetën në kohë ndërsa të tjerë u harruan në ujë deri sa banorë të rastësishëm i gjetën pas disa muajsh./abcnews.al

a6ee66b4-d262-4f41-b4d8-1c12ea4665bb.jpg
Autor E10:59 | 11/01/2020

Shumë pak nga ne do e mendonin Librazhdin si një vend për të kaluar fundjavën.

Në qendër të qytetit, një grup ciganesh indian, perfomojnë falas për kalimatërët dhe tursitët muzikën e tyre vendase.

Teksa flasin për vendin e tyre, dy banorë të librazhdit tregojnë për  mundësitë që ofron ky vend, veçanërisht për turistët.

Kryetari i bashkisë së qytetit të Librazhdit Kastriot Gurra se Librazhdi shquhet edhe edhe për folklorin dhe vallet e zonës.

Teksa lëmë qytetin, rruga na çon në një nga zonat më të bukura malore në këtë zonë.

Nuk janë të paktë njerëzit me shpirtin e aventurës që sfidojnë motin e ashpër.

“Ka shumë vende për t’u vizituar, siç është mali i Sopotit, ai i Shebenikut apo Fushë-Studëni që ja vlejnë të vizitohen”, shprehet një banor.

kryetari i bashksë  tregon se për këtë zonë në vitin 2020 janë parashikuar një sërë projektesh për turizimin.

“Librazhdi është destinacion turistik edhe sa i përket kulturës, siç janë vallet, këngët dhe tradita tona. Kemi bërë disa aktivitete për promovimin e tyre”, shprehet kryebashkiaku Kastriot Gurra.

Në malet e Librazhdit ekzistojnë sipërfaqe të mëdha që prej pak vitesh shfrytëzohen nga turistët si pista për ski.

 

kapsolle1.jpg
in a18:44 | 31/12/2019

Mbrëmjen e këtij fundviti në oborrin e ish Gjimnazit në qytetin e Librazhdit është regjistruar një ngjarje e rëndë.

Si pasojë e shpërthimit të një kapsolle, ka mbetur i plagosur një 9 – vjeçari, U. T., djali i Behar Terziut, drejtor i OSHEE për Librazhdin.  Mësohet se i mituri ka dëmtuar një gisht.

Burime për abcnews.al bëjnë me dije se nuk janë të qarta rrethanat e ndodhjes së ngjarjes, ndërsa i mituri është transportuar me urgjencë drejt Traumës.

video-4.jpg
in a12:35 | 27/12/2019

Emigrantët që kanë aplikuar për pasaporta për shkak të fluksit po përballen me vonesa në tërheqjen e tyre. Një prej tyre thotë se në sportelet e Librazhdit ka shpenzuar 18 mijë lekë për shërbimin ekspres por afati ka përfunduar dhe pasaportën nuk e ka marrë ende. Ndërsa për të zënë një radhë qytetarët shkojnë pranë sportelit që pa gdhirë.

Ishte e pritshme që gjatë ditëve të fundvitit të shtoheshin radhët në sportelet e aplikimit dhe tërheqjes së pasaportave. Prej fluksit të papërballueshme në Librazhd kanë nisur dhe problematikat në marrjen në kohë të tyre. Një emigrant ankohet se ka paguar një tarifë të kripur që ta merrte sa më shpejt po afati ka përfunduar dhe pasaportën nuk e ka ende në dorë.

“Kemi paguar edhe paratë për pashaporta expres, Kemi paguar faturën prej 18 mijë lëkësh, ose 180 mijë lekë të vjetra dhe asnjë zgjidhje”, shprehen qytetarët.

Qytetarët për të përfituar kohë janë të detyruar që të zënë radhë pa zbardhur dita.

“Kemi zënë radhë që në 5 të mëngjesit”, tregojnë ata.Në këto kushte sipas qytetarëve zyrtarët duhet të kishin menduar që të shtoheshin sportelet pasi jo vetëm po shpenzojnë kohë por në disa raste nuk po mbarojnë as punë./abcnew.al

BEDRI-HASANAJ.jpg
ger ta13:01 | 20/12/2019

Bukurosh Teqja është komanduar shefi i Komisariatt të Librazhdit, pas pezullimit nga kjo detyrë të Bedri Hasanaj.

Ky i fundit së bashku me 9 punonjës të tjerë të policisë akuzohet se lejoi kultivimin e kanabisit në disa zona të Librazhdit, ndërsa u shkarkuan.

Po ashtu janë komanduar Leonard Allkja  shef Krimesh dhe Henri Ruçi Shef Rendi.

10 efektivët e pezulluar në Drejtorisë së Policisë së Elbasanit:

-Shefi i komisariatit të Librazhdit Bedri Hasanaj,

-Shef i Qarkullimit Rrugor në Drejtorinë Vendore të Policisë Elbasan Adriatik Huti,

-Shef Seksioni për Rendin në Komisariatin e Policisë Librazhd Leonidh Zaimi.

Ndërkohë u pezulluan gjithashtu edhe 7 specialistë të tjerë të hetimit të krimeve të akuzuar për shpërdorim detyre.

Pezullimi i tyre erdhi si pasojë e mos ushtrimit të detyrës së tyre kundër  veprave penale siç është ajo e kultivimit të lëndëve narkotike.

Sipas policisë nga tërësia e veprimeve hetimore dhe procedurale të kryera në lidhje me procedimin penal, referuar mosveprimit të tyre në funksion të përmbushjes së detyrave, rezulton se nga ana e punonjësve të Policisë dyshohet se është lejuar kultivimi i bimëve narkotike./abcnews.al

 

 

kana.jpg
nev ila17:10 | 19/12/2019

Dhjetë punonjës të policisë së Elbasanit dhe të Librazhdit u pezulluan nga detyra për shpërdorim detyre. Mes të pezulluarve është edhe Bedri Hysenaj me detyrë shef Komisariati, i cili bashkë me 9 vartësit e tij akuzohet se lejoi kultivimin e kanabisit në disa zona të Librazhdit.

10 efektivët e policisë u pezulluan nga detyra me vendim gjykate njofton Ministria e Brendshme, pasi kanë “shpërdëruar detyrën”, ku në territorin që ishte në monitorim të Bedri Hysenaj.

“ABC News” publikoi gjatë muajti shtator materiale konfindencile të siguruara nga Komisariati i Elbasanit se në  njësinë Administrative Orenjë, policia asgjesoi më shumë se 3000 bimë kanabis sativa.

Shefi i Komisariatit Bedri Hasanaj, shefi i Rendit në Librazhd Leonidh Zaimi dhe Adriatik Huti, shef i Qarkullimit rrugore në Drejtorinë e Elbasanit, si drejtues nuk kanë zbatuar planin e masave për të parandaluar kultivimin e lëndëve narkotike në qarkun e Elbasanit. Mësohet se pjesa tjetër e efektivëve të pezulluar janë isnpektor zone.

Në verën e 2019 ka pasur një rritje të lehtë të kultivimit të lëndëve narkotike krahasuar me të njëjtën përiudhë të një viti më parë.

Librazhdi ka kryesur në mbelljen e kanabisit. Pas tij, vijnë Erseka, Kukësi, Malësia e Krujës dhe rrethi i Gjirokastrës.

Lidhur me aksionet antikanabis, Shërbimi për Çështjet e Brendshme dhe Ankesave ka nisur hetimet edhe për punonjësit e pyjeve dhe administratorët dhe kryetarët e fshatrave përreth. Ndërkohë problem mbetet identifikimi i autorëve kur bimët narkotike mbillen në pronat publike./abcnews.al

librazhd-cifti-hajdari.jpg
nev ila21:59 | 15/12/2019

Olsi Hajdari, 27-vjeçari nga fshati Xhyrë i Librazhdit që mbërriti në koma në spital, ndërsa bashkëshortja e tij 19 vjeçe vdiq, pas 48 orëve jo vetëm që është ndjerë mirë, por këtë fundjavë ka lënë edhe shtratin e spitalit.

Edhe mjekët që e kanë trajtuar, nuk kanë besuar te mrekullia, dhe kjo është një tjetër mister, ashtu sikurse tragjedia e ndodhur gjatë mesjavës, në familjen Hajdari ku në dhomën e çiftit të martuar, plot një javë më parë, e ëma e 27 vjeçarit u shokua, kur gjeti në koma të birin dhe nusen e tij.

Bukurie dhe Dilaver Hajdari të alarmuar nga ajo që i kishte ndodhur çiftit kanë njoftuar fqinjët, shërbimin e urgjencës, kryetarin e fshatit, ndihmës mjeken dhe policinë duke kërkuar ndihmën e të gjithëve.

19-vjeçarja mbërriti e vdekur ne spital, ndërsa Olsi pas një dite në gjendje të rëndë e kaloi të keqen dhe të dielën doli nga spitali.

Stafi i mjekëve, pasi thirri një psikologe, komunikoi me të rreth asaj çfarë ai mbante mënd, nga nata e fundit në shtëpinë e tij. Sipas Olsi Hajdarit, ai pasi kishte darkuar  me prindërit, dhe bashkëshorten, e më pas kishin shkuar në dhomën e gjumit.

Aty meqenëse ishte ftohtë, kishin vendosur mangallin me prush, dhe më pas i kishte marrë gjumi. Ai ka treguar se më pas nuk kujtonte asgjë se kush e ka marrë dhe ku e kishin dërguar./abcnews.al

olsi-1.jpg
nev ila21:40 | 15/12/2019

Olsi Hajdari ,27-vjeçari nga fshati Xhyrë e Librazhdit që mbërriti në koma në spital, ndërsa bashkëshortja e tij 19 vjeçe vdiq, pas 48 orëve ka lënë shtratin e spitalit dhe është kthyer në shtëpi.

Ndërkohë sipas burimeve konfidenciale, mësohet se oficerët e policisë kanë shkuar në banesën e tij në Zhyrë për të zbardhur rastin.

Ngjarja e rëndë është regjistruar mëngjesin e së premtes në Xhyrrë të Librazhdit dhe çifti ishte martuar të dielën e kaluar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono