libra

petrit-ymeri.jpg
G. P.17:15 | 20/06/2019

Dimensioni i  shkrimtarit të njohur italian dhe europian në shekullin e 20 Alberto Moravia  bëri bashke studiues, përkthyes dhe studentë të letërsisë. Botuesi Petrit Ymeri tha se prezenca e autorëve të rëndësishëm bashkëkohor duhet të jetë më e madhe në këto mjedise. Ndërsa shqipëruesja e veprës  “Agostino” nënvizoi fuqinë e Moravisë për të zhytur në mendime.

Prezantimin e veprës “Agostino” të autorit italian Alberto Moravia botuesit kanë përzgjedhur ta prezantonin në auditorët e letërsisë. Petrit Ymeri thotë se edhe pse është një ndër emrat më të njohur të letërsisë italiane dhe europiane  të shekullit 20, nuk është i pranishëm në kurrikulat shkollore.

Shqipëruesja e romanit Diana Kastrati e cilëson një roman të shkëlqyer psikologjik, i cili tejkalon edhe kohën. Kastrati na shpjegon edhe vështirësitë e të përkthyerit të cilat nuk janë leksikore, por psikologjike dhe intelektuale.

Alberto Moravia është ndër ato autorët, të cilët guxon dhe ka fuqinë e mendjes dhe penës për të artikuluar edhe anët më të errëta të qenies njerëzore. Krahas  romanit Agostino u diskutua edhe rreth veprës “Çoçarja” dhe “Burri që këqyr”./ABC News Albania 24/7

librat.jpg
G. P.15:43 | 05/06/2019

Një tjetër fushatë ka nisur. Nuk bëhet fjalë për premtime elektorale, por për fshirjen e teksteve shkollore nga shënimet.

Kjo nxënëse e klasës së parë në shkollën “Edit Durham” në Tiranë na tregon se mësuesja i ka porositur që për një javë t’i bëjnë gati librat për fëmijët që futen rishtas në klasë të parë e do t’i marrin në përdorim.

Situata ka vënë në presion të vegjlit, të cilët kanë angazhuar të gjithë familjen. Ejsi nxënëse e klasës së katërt na tregon se pavarësisht mundimit s’po ja del ti dorëzojë në gjendje fort të mirë tekstet shkollore.

“Këtu ku kam shkruajtur duken shenjat e lapsit. Historia është grisur, dhe kjo është agti. Mendoj se librat duhet ti paguajmë e gjithë klasa sepse nuk ëhstë e cilësisë së mirë. Më janë prishur rreth 3-4 libra. Iu shkëputën librat vetë”, tha një nxënëse.

Librat janë të papërdorshëm edhe sipas disa prej prindërve.

“Kjo është gjë që duhet ta mendojë ministria”.

Ata janë gati të paguajnë, e t’u heqin stresin fëmijëve. Mësuesit me të cilët ne komunikuam refuzuan të shprehen para kamerës për këtë çështje, por jashtë saj na treguan se në çdo shkollë me urdhër të drejtuesit do të ngrihen komisionet e administrimit të teksteve.

Ato do të vlerësojnë gjendjen e librave pas dorëzimit. Nëse rezultojnë të papërdorshme prindërit pavarësisht mundit për t’i fshirë do të duhet të paguajnë dhe për vlerën e tyre.

Rreth 190 mijë nxënës që ndjekin arsimin 9-vjeçar për herë të parë vjet tekstet shkollore i morën në përdorim. Kjo i kushtoi buxhetit të shtetit rreth 610 milionë lekë./ABC News Albania 24/7

internet-te-rinj.jpg
G. P.15:51 | 04/04/2019

Të rinjtë shqiptarë shpenzojnë shumë kohë në internet dhe pak për të lexuar. Rreth 93% e tyre, sipas një studimi të Fondacionit “Fridrih Ebert” kanë akses të rregullt online, ndërkohë që vetëm 20% e vajzave dhe 8% e djemve lexojnë rregullisht.

Të kërkosh në internet, ndërsa përshkon rrugën për diku është një pamje që e ndesh shpesh në Tiranë, por rrallë sheh dikë që ndërsa qëndron në park shfleton një libër. Rreth 93 % e të rinjve shqiptarë sipas një studimi të kryer nga Fondacioni “Fridrich Ebert” kanë akses të rregullt në internet, ndërkohë që vetëm 20% e vajzave dhe 8% e djemve lexojnë rregullisht.

Rreth katër orë në ditë mesatarisht të rinjtë në vendin tonë e kalojnë online. Një tendencë që ka ardhur në rritje nga viti 2014, kur ata shpenzonin mesatarisht rreth 3 orë në internet.

“Interneti më shumë për të lundruar në rrjete sociale. E përdor për të kërkuar gjëra edhe për shkollën. Më shumë përdor ËhatssApp dhe Messenger. Mund ta përdor pothuajse gjithë ditën, varet nëse ka njerëz që më shkruajnë. Ndërsa për gjëra të tjerë kur më duhet, maksimumi dy orë. Librat e shkollës ngaqë studioj inxhinieri ndërtimi dhe nuk kam kohë të lexoj gjëra të tjera shumë”, tha një vajzë.

“Varet nga mësimet që marr. Libra jashtë klase nuk lexoj. Jam e zënë me mësimet e shkollës se janë të vështira. Internetin e përdor për të hyrë në rrjetet sociale, ose për të marrë informacione për shkollë”, tha një nxënëse.

“Në degën që jam studioj për informatikë dhe detyrimisht leximet më shkojnë më shumë në internet se sa në libra. Gjithë ditën tek katër orë”, tha një i ri.

“Ka disa ditë që rri më shumë se sa ditë të tjera. Varet. Dy orë. Qëndroj për çështje të shkollës ose për të marrë informacione të ndryshme”, tha një studente.

Studimi ka nxjerrë në pah se ata pak të rinj që nuk e përdorin internetin, arsye kane kushtet ekonomike. 1 në 10 të rinj nga ky grup nuk kane akses online. Sa i përket të lexuarit, 31 % e djemve dhe 12% e vajzave kanë pohuar se nuk lexojnë kurrë./abcnews.al

vlera.png
G. P.21:47 | 27/10/2018

Mediat serbe, por dhe organizata jo qeveritare në Serbi kanë dënuar ashpër promovimin e librit të kriminelit serb të luftës Nebojsha Pavkoviç, në panairin e librit në Beograd.

Promovimi i një libri të dënuarit të Hagës për krime në Kosovë, Nebojsha Pavkoviç, në panairin e librit në Beograd, është cilësuar si një glorifikim i kriminelëve të luftës. Një pjesë e medias, por edhe organizata joqeveritare në kryeqytetin serb, kanë kërkuar ndalimin e promovimit dhe të shtypjes së ditarit që flet për luftën e vitit 1999 në Kosovë. Gjenerali Pavkoviç është dënuar me 22 vjet heqje lirie nga Gjykata e Hagës për krime kundër njerëzimit.

Këtë fillimjavë në Panairin e librit në Beograd, në stendën e Ministrisë serbe të Mbrojtjes, u bë promovimi i Ditarit në katër vëllime të gjeneralit Nebojsha Pavkoviç, që në luftën e Kosovës ishte në krye të forcave ushtarake serbe. Me këtë rast, Shefi i Shtatmadhorisë së Ushtrisë së Serbisë, gjeneral-nënkoloneli Milan Mojsiloviç, duke folur edhe në emër të ministrit të Mbrojtjes, Vulin, ka glorifikuar Pavkoviçin, por edhe gjeneralin tjetër Nebojsha Lazareviç, që të dy të dënuar në Gjykatën e Hagës për krime kundër njerëzimit, për deportim, shpërngulje me forcë, vrasje dhe përndjekje të shqiptarëve në luftën e vitit 1999 në Kosovë.

Promovimi me pompë i Ditarit të luftës nuk ka kaluar pa reagime negative të medias, personaliteteve të shquara dhe organizatave joqeveritare. Kështu, e përditshmja ‘Blic’ duke raportuar nga ngjarja, thotë se ministri i Mbrojtjes, Aleksandar Vulin vazhdon promovimin e kriminelëve të luftës; Aleksandar Popov, drejtor i Qendrës për Rajonin thotë se promovimi i Ditarit të gjeneralit të dënuar është provë se Serbia nuk është shkëputur nga nëntëdhjetat luftarake e as që është e përgatitur të pranojë krimet e veta të luftës;shkrimtari dhe intelektuali i njohur Filip David është shprehur se ‘ky është një turp për shtetin që u jep një satisfaksion të madh të dënuarëve të Hagës’.

Grupimi joqeveritar ‘Nisma e të Rinjve për të Drejtat e Njeriut’ i ka drejtuar një letër të hapur kryeministres serbe, Ana Bërnabiq, me kërkesën që t’i jepet fund botimit dhe promovimit të mëtejshëm të Ditarit në katër vëllime. Kërkohet nga kryeministrja që të bëj zap Ministrinë e Mbrojtjes që të mos ‘promovojë pjesëmarrjen në luftë të gjeneralëve dhe komandantëve ushtarak veprimet e të cilëve janë karakterizuar shumë qartë në aktgjykimet’ e Gjykatës Ndërkombëtare të Hagës./abcnews.al

JONILA-GODOLE-TIRANA-LEXON.mpg_snapshot_01.52-1280x720.jpg
ent ela16:50 | 22/10/2018

“Tirana Lexon” këtë vit në qender të leximit dhe diskutimeve ka “Identiteti dhe kujtesa”. Jonila Godole thotë se autorë të njohur shqiptarë dhe të huaj do të ndajnë me publikun qasjet e tyre autobiografike në vepra. Rënien e leximit tek brezi i ri, Godole e lidh edhe me përzgjedhje të veprave jo efikase në kurrikulat shkollore.

Kujtesa dhe identiteti është në fokus të “Tirana Lexon” këtë vit. Ditët e leximit nisën me shkrimtaren e Besa Myftiu me romanin , “Dashuria në kohën e komunizmit” Jonila Godole thotë se përballja e lexuesve me autorin është shumë e rëndësishme dhe kjo nxit në një formë leximin tek brezi i ri.

Jonila Godole, ideatore e “Tirana Lexon”: “Pjesë nga jeta e tyre personale, se i i kanë shkruar këto libra, cilin personazh kanë pasur në kokë, cilin komshi ose kush i ka frymëzuar për ta shkruar?!… Kjo është një gjë shumë e rrallë. Nëse lexuesi shkon tek panairi dhe blen librin, ose shkon në librari dhe blen librin, blen thjesht një libër, por nuk ia ka idenë se kush është autori që fshihet pas saj. Pra kontakti me lexuesin është ai që i bën të rinjtë shumë më të lidhur pas librit sidomos e të tjerët.”

Kësaj here do të ketë njën ndërthurje mes autorëve shqiptarë dhe të huaj për të folur mes ngjizjes së veprave të tyre që lidhen me identitetin dhe kujtesën.

“Në kuartetin kombëtar, ditën e mërkurë, në të cilin do të prezantohen veprat e katër autorëve: “Kohë e pamjaftueshmë” nag Elena Kadare, “A është vallë njeri” nga Primo Levi, “Valsi i lumturisë” nga Ylljet Aliçka dhe “Më kujtohet nga” Ylli Demneri, pra kemi autobiografi plus një biografi ë rrëfehet.”

Është fakt që leximi ka rënë ndjeshëm referuar edhe statistikave të INSTAT-it, por Godole thotë se kjo është një formë, ajo sheh si shqetësim përzgjedhjen e veprave në kurrikulat shkollore.

“Ne shpresojmë që me aktivitetet tona të sjellim bashkë shkrimtarët këtu të cilët lexojnë nga tekstet e tyre dhe prezantojnë veten e tyre para të rinjve dhe përpara publikut shqiptar. Shpresojmë që të zgjojmë interesin e tyre për librat që ne prezantojmë dhe për autorët që ne prezantojmë. Por patjetër kjo gjë nuk zgjidhet kaq kolla, kjo duhet që të zgjidhet në disa nivele mund të ketë politika të caktuara të leximit. Varet nga politikat që përzgjidhen nga ministria në kurrikulën shkollore. Të cilat janë libra që në thelb duhet të lexojnë shijen e lexuesit të ri me vlerat të larta estetike dhe kjo jo gjithmonë ka ndodhur. Ne e dijmë shumë mirë se jetojmë në këtë realitet. Në çastin që ti e dëmton shijen e dikujt për letërsi, atëhere është shumë e veshtirë për ta rikuperuar atë. Do të duhen breza që kjo të ndryshojë pas nga vitet ’90 e deri tani kurrikula është e mbushur me vepra të cilat në thelb nuk kanë ndonjë vlerë të lartë estetike dhe artistike, jo më pastaj për të folur për vlera ideore.”

Aktiviteti “Tirana Lexon”, mbështetur nga Ministria e Kulturës, synon të afrojë publikun me librin dhe ta kthejë leximin në trend jo vetëm në Tiranë, por edhe në qytete të tjera./abcnews.al

NIKOLLA-MBULIM.mpg_snapshot_00.20-1280x647.jpg
G. P.19:15 | 12/09/2018

Ministrja e Arsimit, Lindita Nikolla, ka shpërndarë libra falas për fëmijët e familjeve në nevojë në zonën e Mirditës. Sipas ministres Nikolla, ky është vetëm hapi i parë për ti lehtësuar shpenzimet që këto familje duhet të bëjnë për të dërguar fëmijët në shkollë. Kryefamiljarja e familjes i tregoi ministres se këtë vit nuk do i duhet të marrë para borxh për të blerë librat për vajzën në klasën e V-të dhe të prese te rimbursohet nga shteti, pasi librat fëmijët i morën në dorë pa paguar. Ministrja Nikolla shkoi edhe në familjen Marku ku theksoi se taksat e prindërve shqiptarë rikthehen për të lehtësuar shpenzimet e familjeve që kanë më shumë nevojë./abcnews.al

donald-trump-administrata.jpg
G. P.21:58 | 10/09/2018

Ndërsa të martën del në shitje libri i radhës që fshikullon qeverisjen e Donald Trump, presidenti amerikan ka reaguar në Twitter duke paralajmëruar se do të shkruajë vetë një libër që do të tregojë të vërtetën e presidencës së tij.

Donald Trump ka deklaruar se do të shkruajë vetë një libër që do të tregojë të vërtetën e presidencës së tij. Paralajmërimi i Trump vjen si një përgjigje ndaj kritikave të ardhura në adresë të tij nga burime anonime të administratës amerikane dhe kur të martën del në shitje libri “Frika” i gazetarit Bob Uduord.

“Libri i Uduord është qesharak, është vetëm një tjetër sulm ndaj meje që vjen nga burime të pacituara ose anonime”, ka thënë Trump.

Në profilin e tij në Twitter, presidenti amerikan është shprehur se akuzat që ngrihen ndaj tij janë fiktive dhe rrjedhimisht libri që do të dalë në treg është vetëm një thriller.

“Do të jem unë ai që do të shkruajë një libër të vërtetë”, ka shtuar Trump.

Në librin e gazetarit Uduord citohen figura kyçe të administratës amerikane, të cilat e etiketojnë Trump si një “amator” dhe një “idiot”. Sidoqoftë, sekretari i Mbrojtjes Xhim Metis dhe shefi i stafit të Shtëpisë së Bardhë, të cilëve u atribuohen citimet, kanë mohuar që të kenë thënë fjalë të tilla.

Por britanikia “The Guardian”, që zotëron një kopje të librit “Frika” ende pa u publikuar, shkruan në edicionin e saj online se Uduord i ka paraprirë akuzave të Trump sa i takon përdorimit të burimeve anonime. Veterani i shtypit amerikan thotë se intervistat e tij janë kryer në bazë të parimit të gazetarisë që lejon publikimin e informacionit pa cituar burimin.

Shumë pjesë të librit të tij janë rrëfyer me citime direkte, që në pamje të parë duket se vijnë nga shumë ish-funksionarë të administratës, mes të cilëve ish-shefi i personelit Rein Pribus, ish-strategu Stiv Benon, ish-sekretari Rob Porter dhe ish-këshilltari ekonomik Geri Kohn. Gjithashtu, në libër Bob Uduord shkruan se presidenti Trump refuzoi të intervistohej./abcnews.al

MINISTRAT-SHPERNDAJNE-LIBRA.mpg_snapshot_00.56-1280x720.jpg
G. P.14:59 | 09/09/2018

Pas kryeministrit Edi Rama kanë nisur shpërndarjen e librave falas edhe ministrat e kabietit qeveritar. Minstri Ditmir Bushati ka udhëtuar drejt Malësisë së Madhe, ndërsa ministrja Ogerta Manastirliu drejt Vlorës.

Nuk është vetëm kryeministri Edi Rama që po shkon në dyert e familjeve në nevojë me libra në duar. Janë edhe ministrat e kabinetit që po ndjekin shembullin e tij. Ministri për Evropën dhe punët e jashtme Ditmir Bushati ka shpërndarë libra falas në dy familje në zonën e Malësisë së Madhe.

Ditmir Bushati, ministër për Evropën dhe Punët e Jashtme: “Tërë familjet me mungesë të ardhurash me i rimbursu për këtë punë. Vitin tjetër duke e zgjeru sa më shumë aq sa kemi mundësi të bëjmë, se edukimi është një gjë shumë e rëndësishme edhe për fëmijët edhe për vendin në përgjithësi. ”

Në jug ka zbritur Ministrja e shëndetësisë Ogerat Manastirliu. Në një një familje vlonjate që përfiton ndihmë ekonomike ajo ka përsëritur rëndësinë e kësaj nisme të qeverisë.

Ogerta Manastirliu, ministre e Shëndetësisë: “Na duhet që të mbështesim familjet për të mbështëtur fëmijët, sepse për ne fëmijët janë të parët dhe e gjithë vëmendja jonë është tek fëmijët, të rinnjtë dhe familja.”

Ministrja Manastirliu u shpreh se të gjithë familjet që përfitojnë ndihmë ekonomike do të marrin pagesën e posaçme për çdo fëmijë që nuk braktis shkollën si dhe për çdo fëmijë që vaksinohet. Janë 70 mijë fëmije të familjeve në nevojë, si fëmijë të familjeve me ndihmë ekonomike, të komunitetit rom dhe egjiptian, me aftësi të kufizuar, fëmijët pa mbështetje prindërore, etj që përfitojnë me këtë vendim të qeverisë, libra falas./abcnews.al

edi-rama-1.jpg
G. P.19:36 | 06/09/2018

Nga Elbasani kryeministri Edi Rama tha se 2/3 e nxënësve të shkollave 9-vjeçare marrin libra falas këtë vit shkollor. Rama paralajmëroi hapjen e shkollës së drejtorëve dhe nuk kurseu batutat për protestuesit disa metër larg tij.

“Në radhë të parë mendojmë për Shqipërinë e fëmijëve nesër, jo thjeshtë për të konsumuar të sotmen”, u shpreh Rama gjatë fjalës së tij në Elbasan.

Gjatë një takimi në Elbasan me mësuesit ndihmës për fëmijët me nevoja të veçanta kryeministri Edi Rama nënvizoi se 190 mijë nxënës përfitojnë libra falas këtë vit shkollor.

“Janë gati 2/3 e nxënësve që i marrin falas nuk është thjeshtë nga klasa e I në të IV, por janë edhe pjesa tjetër nga e V në të IX që hyjnë te ato kategoritë që thashë e që i marrin falas. Ndryshimi nga viti i kaluar  nuk është më bleji ti që t’i kompensojë shteti, por është merri librat dhe kaq”, tha Rama.

Kryeministri paralajmëroi hapjen e shkollës së drejtorëve.

“Do të jetë një shkollë për të trajnuar në mënyrë të vazhduar menaxherët e  shkollave dhe kjo do të ndryshojë shumë gjëra për shkollat besoj. Sikundër edhe trajnimi i mësuesve sot ka ndryshuar rrënjësisht si praktikë dhe si mundësi”, tha ai.

Duke kritikuar gjendjen e këndit sportiv të shkollës ku u bë takimi, Rama nuk i kurseu batutat dhe ironinë për disa qytetarë që e pritën me protestë vizitën e tij në Elbasan.

“Të studiosh me tekste të Oxford-it dhe të kesh këto kosha  basketbolli janë dy gjëra që nuk shkojnë me njëra tjetrën. Këto kosha basketbolli janë për ata që bërtasin aty te rruga nuk janë për ne. Ata mund të lozin basketboll me këto kosha, jo ne. Jo  fëmijët që ju themi keni tekstet e Oxford-it pavarësisht se ata nuk lozin dot basketboll se nuk njohin topin, por gurin. Kjo është tjetër gjë. Edhe sport për të gjuajtur me gurë nuk ka”, tha Rama.

Protestuesit me pankarta në duar qëndruan rreth 100 metra larg vendit ku kryeministri u takua me mësuesit dhe pas përfundimit të aktivitetit u shpërndanë paqësisht./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono