Liban

LAJMET-DT-8-NENTOR-ORA-19.mpg_snapshot_07.03-1280x720.jpg
ent ela19:54 | 08/11/2019

Konsulli i nderit i Shqipërisë në Liban Marc Gorayeb ka hedhur dritë mbi operacionin e shpëtimit të Alvinit të vogël nga kampet siriane dhe vështirësitë që kanë hasur.

Në një lidhje të drepërdrejtë me skype në emisionin “Mbrëmje në ABC News” të Mirela Milorit, Gorayeb tregon se situata në Liban ishte e tmerrshme, ndërsa transporti në kufirin Liban- Siri ishte katastrofë.

“Situata në Liban ishte e tmerrshme dhe kishim një lloj revolucioni në vend, të gjitha rrugët ishin të zëna dhe transporti dhe kufiri Liban- Siri ishte një lloj katastrofe.

Kishim momente të komplikuara dhe operacione shumë të komplikuara gjatë situatës, me  ndërprerje rruge, digjeshin goma në rrugë dhe nuk ishte mundur të lëvizje nga një zonë në tjetrën dhe kështu kishte shumë faktorë që luanin rolin e tyre rreth e qark”.

Por Gorayeb thekson se çelësi i këtij suksesi sinkronizimi i të gjithë atyre që u përfshinë në këtë operacion, qën ia dolën të shpëtojnë Alvinin.

“Duke pasur parasysh unitetin e skuadrës ne mundëm me gjithë strukturën dhe sinkronizimin midis kanaleve që u përfshinë ne kishim mundësi ta realizonim këtë dhe të gjithë operacionin.

Ne jemi këtu dhe arritëm ta nxirrnim Alvin Berishën që të takonte babanë  e tij.

Çelësi i këtij sukesei ishte se ishim të bindur që u dorëzuan dokumentet e duhura nga pala tjetër. Në fillim ata nuk mund ta dorëzonin djalin, por pas negociatave me Francesko Rrokon dhe palët ata kërkuan një dokument që Alvin Berisha të na dorëzohej neve.

Pas kësaj unë fola me babain që është në Romë dhe gjatë natës i kërkuam me mbështejen e Ministrit Brendshëm dhe ai foli me amabsadorin e Shqipërisë në Romë dhe i dërguam Afrim Berishës në ambasadën e Shqipërisë në Romë. Nuk i kishim dokumentat e nënshkruara dhe konfirmuam te pala tjetër. Është fotoja ku ai nënshkruan dokumentin. Ne mundëm të dërgonim pasaportën e Afrim Berishës që ky është babai i këtij fëmije dhe ai u kërkoi autoriteteve që ta dorëzonin te kryqi i kuq. Ne mundëm ta shpëtonim jetën e Alvinit dhe të kthenim një faqe”.

Për konsullin shpëtimi i Alvinit është një detyrim si shqiptaro libanez, ndërsa njoftoi se si ai do të shpëtohen edhe të tjerë që kanë mbetur në Siri, por pa dhënë shumë detaje.

”Ky është detyrimi im si shqiptaro-libanez sepse Siria nën juridiksionin e saj nuk ka një konsullatë në Liban dhe ne nuk pranojmë që fëmijët tanë shqiptarë të jetojnë në jetë të tilla.

Diçka të rëndësishme. Është një model operacional e strategjik që Shqipëria e autoritete shqiptare që kishin ekspertizën tani pas shpëtimit të Alvin Berishës, ne do të bëjmë të njëjtin operacion për ata që kanë mbetur, por preferoj ta mbaj diskrete sepse kemi nevojë që të bëjmë veprime dhe jo vetëm të flasim”.

I pyetur se pse nuk ndërhyri ambasadori shqiptar në Turqi për këtë operacion, Gorayeb shprehet se ambasada në Turqi nuk ka juridiksion për të mbuluar Sirinë.

“Nuk e njoh ambasadorin në Turqi, ambasada në Turqi nuk ka juridiksion për të mbuluar Sirinë. Ai nuk mund të ndërhyjë në Siri, është shumë e thjeshtë. Është shumë e vështirë që të njohësh terrenin në Liban e Siri dhe praktika më e mirë që ne përdorim është që unë e njoh terrenin në Liban e Siri dhe kam të gjitha kanalet e duhura për të ndihmuar në këtë rast”.

Gjatë fjalës së tij konsulli falënderoi të gjithë ata që morën pjesë në operacionin e shpëtimit të Alvinit të vogël.

“Dua të mbani në mendje se dua të falënderoja personalisht autoritetet italiane, Interpolin italian, forcat e sigurisë në Liban, shërbimin e sigurisë së shtetit në Liban, forcat e brendshme kryqin e kuq ndërkombëtar dhe gjysmëhënën e kuqe siriane, se ato kanë bërë një sinkronizim të mirë dhe më lejuan që të kishim një komunikim të mirë bashkë”.

Me rrënjë shqiptare nga Shkodra Gorayeb tha se do të mbështesë çdo shqiptar me gjithë fuqitë e tij.

“Jam nga Shkodra nga nëna dhe falë zot kam gjak shqiptar dhe falënderoj çdo shqiptar, vendi ynë është këtu dhe jam këtu për të mbështetur çdo shqiptar me gjithë fuqitë dhe lidhjet tona dhe falënderoj autoritetet shqiptare që më kanë dhënë këtë autorizim për të bërë këtë punë”. /abcnews.al

 

kryeminittri-libani-1280x742.jpg
nev ila16:21 | 29/10/2019

Kryeministri i Libanit Saad Hariri ka dhënë dorëheqjen nga posti i tij si pasojë e protestave të dhunshme që kanë tronditur vendin.

Ai u shpreh se ishte e domosdoshme një kthesë e fuqishme për të zgjidhur krizën në vend.

Gjatë deklaratës së tij të transmetuar drejt për së drejti në televizionin kombëtar ai sqaroi se dorëheqja e tij vinte pas kërkesave të protestuesve në rrugët e Libanit:

“Qëndrimet politike shkojnë e vijne, dinjiteti dhe siguria e vendit janë më të rëndësishme,” përfundoi ai./abcnews.al

protesta-liban-1-1280x691.jpg
ent ela13:18 | 28/10/2019

Vijojnë ende protestat në Liban kundër klasës politike e cila akuzohet se abuzon me pushtetin pasi shfrytëzon burimet shtetërore për arsye personale. Ndërkohë bankat në vend janë mbyllur prej tetë ditësh për të mos lejuar njerëzit të tërheqin kursimet e tyre.

Të protestosh dorë për dore: një zinxhir njerëzor i gjatë 170 kilometra, nga Tripoli në Tiro nëpërmjet Bejrutit ka shënuar ditën e 11 të protestave ne Liban.

Ashtu si dhe në të kaluarën, çdo gjë nisi pas vendimit të qeverisë për të vendosur taksa të reja për duhanin, benzinën dhe aplikacionet e mesazheve. Por kjo është vetëm maja e Ajsbergut.

Manifestuesit shpjegojnë se ka protesta në zona të ndryshme të vendit, ndërsa objektivi I këtij zinxhiri njerëzor është që të shihet qartë se janë duke ecur së bashku, dhe këtë herë janë të bashkuar.

Protestat i japin zë vuajtjeve të një vendi që më shumë se të tjerët po paguan çmimin e krizës ekonomike. Borxhi publik i Libanit është më shumë se 150 për qind i prodhimit të brendshëm bruto. 16 për qind e banorëve në kryeqytet nuk fitojnë as 290 euro të pagës minimale. Dhe pa një shtim të burimeve jashtë vendit, rreziku është ai i një zhvlerësimi.

Për të shmangur që njerëzit të tërheqin kursimet e tyre, bankat qëndrojnë mbyllur prej tetë ditësh. As paketa e reformave të emergjencës e shpallur një javë më parë nga qeveria nuk arriti të ulë tensionet në vend.

Protestat në nivel kombëtar kanë si objektiv një klasë politike e cila akuzohet për abuzim me pushtetin, sepse shfrytëzon burimet shtetërore në avantazh të saj. /ABC News Albania 24/7

protesta-liban-1280x703.jpg
nev ila13:39 | 21/10/2019

Bllokimi i privatizimeve, anullimi i rritjes së taksave dhe përgjysmim i pagës së politikanëve. Janë këto vetëm nga tre pasojat e protestave të dhunshme të shpërthyera në Liban, teksa qeveria u përpoq të vendoste taksë për përdorimin e Whats app.

Partitë politike në Liban kanë bllokuar privatizimet. Kryeministri Saad Hariri i kishte dhënë kohë politikës deri mbrëmjen e së hërës për të gjetur nëj marrëveshje dhe marrëveshja u arrit mbrëmjen e së dielës. Por mund të mos mjaftojë pasi protestuesit në shesh nuk duan më të dëgjojnë për sistemin e korruptuar në vend.

Libanezët u mblodhën me dhjetëra mijëra për të kundërshtuar taksën për përdorimin e Uhats app si dhe për të kërkuar dorëheqjen e qeverisë aktuale. Por ata kanë dhe shumë arsye të tjera, si të rinjtë që nuk gjejnë dot një vend pune dhe korrupsioni që ka përfshirë pjesën më të madhe të sistemit.

Manifestuesit janë aq të shumtë në numër sa politika ka shumë pak mundësi për t’i bindur, pavarësisht premtimeve. Libanezët ankohen për arsimin, mungesën e energjisë elektrike dhe të ujit të pijshëm

Mes problemeve më të rëndësishme është ai i një sistemi korruptiv, ku miq dhe armiq ndihmojnë dhe mbështesin njëri tjetrin duke përfituar nga burimet e vendit, i cili a problem dhe me fqinjët. Siria nga një anë dhe Izraeli nga ana tjetër.

Madje zemërimin e protestuesve nuk e ka zbutur as anulimi i rritjes së taksave dhe as përgjysmimi i pagave të politikanëve./abcnews.al

siria.jpg
ad min10:54 | 21/01/2018

Pesëmbëdhjetë refugjatë sirianë, disa prej të cilëve fëmijë, janë gjetur të ngrirë për vdekje ndërsa përpiqeshin të kalonin kufirin malor në Liban.

Sipas BBC-së, trembëdhjetë trupa u gjetën të premten, ndërsa dy të tjerë u zbuluan të shtunën, pasi zona ku ata po përpiqeshin të kalonin u godit nga një stuhi e madhe e dëborës.

Sipas mediave, grupi ishte braktisur nga kontrabandistët.

Refugjatët po merrnin të njëjtën rrugë, që qindra mijëra sirianë të tjerë kishin marrë para tyre, duke u përpjekur të arratiseshin nga konflikti në vendin e tyre.
Libani, me një popullsi prej katër milionë banorësh, ka pranuar rreth një milion sirianë që nga fillimi i luftës në vitin 2011./abcnews.al

vlcsnap-error937-1280x720.jpg
ad min10:47 | 18/12/2017

Policia libaneze, ka arrestuar gjatë natës një taksist të dyshuar për vrasjen e diplomates britanike Rebeka Dykes, trupi i së cilës është gjetur ditën e shtunë, në një autostradë në veri të Bejrutit. Hetuesit e policisë konfirmojnë se ngjarja po hetohet si një krim i zakonshëm dhe jo- politik. Ekzaminimi i parë mjeko-ligjorë mbi 30-vjecaren, diplomate pranë Ambasadës Britnaike në Liban ka konfimuar vdekjen si pasojë e mbytjes me litarë. Për momentin mjekët, nuk konfimojnë lajmin nëse është përdhunuar apo jo./abcnews.al

vlcsnap-error474-1280x720.jpg
ad min11:30 | 10/12/2017

Në Liban ka përshkallëzuar protesta kundër ambasadës së Shteteve të Bashkuara lidhur me vendimin për njohjen e Jeruzalemit si kryeqytet të Izraelit. Forcat e Sigurisë në Liban kanë lëshuar gaz lotësjellës dhe ujë me presion kundër shumë protestuesve që gjendeshin jashtë selisë diplomatike në Bejrut. Situatat u përshkallëzua, në momentin kur disa manifestues tentuan të hapnin me forcë kangjellat e ambasadës. Mediat ndërkombëtare raportojnë se nga ndërhyrja e policisë ka dhe të plagosur. Bëhet fjalë për manifestimin e radhës kundër vendimit të Presidentit Trump, i cili vendosi edhe për të zhvendosur ambasadën amerikane nga Tel Avivi në Jeruzalem./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono