Lezhë

d2c54a52-4a5d-4347-901f-492a4744670c.jpg
R D19:17 | 27/02/2020

Vetëm disa minuta pasi u raportua për vetëvrasjen e autorit të krimit të dyfishtë në Rreshen, Policia e Shtetit ka deklaruar se kishte rrethuar Fatmir Kolecajn në banesë, ku i ka bërë thirrje të dorëzohej. Në shkëmbimin e zjarrit mes autorit dhe policisë është palgosur dhe një efektiv i FNSH-së. Fatmir Kolecaj kur ka parë se s’kishte asnjë mundësi që të largohej nga banesa ka vrarë veten me armë zjarri.


Njoftimi:

Në lidhje me ndjekjen, lokalizmin dhe kapjen e autorit të ngjarjes së mbrëmjes të datës 25 shkurt në Kodër Rrëshen ku mbetën të vrarë me armë zjarri vëlla e motër, forca të shumta të Policisë së Shtetit prej 45 orë kërkimesh dhe kryeje të veprimeve proaktive kanë bërë të mundur që të lokalizonin autorin e ngjarjes i cili në orët e mbasdites është futur nëpërmjet pyllit në banesën e tij në fshatin Zejmen të Lezhës.

Forcat e FNSH-së të Shkodër kanë krijuar perimetrin e jashtëm të rrethimit të banesës dhe i kanë bërë thirrje autorit që të dorëzohej.

Autori i ngjarjes shtetasi Fatmir Kolecaj, nuk i është përgjigur thirrjes së Policisë për tu dorëzuar, por ka hapur zjarr në mënyrë të befasishme mbi forcat e Policisë dhe për pasojë nga të shtënat është plagosur në këmbë jashtë rrezikut për jetën një punonjës i FNSH-së, Shkodër.

Në ndihmë të FNSH-së dhe Policisë lokale kanë shkuar edhe forcat speciale RENEA ku kanë krijuar një rrethim të dytë dhe i kanë bërë thirrje autorit të hidhte armën dhe ti dorëzohej Policisë.

Autori Fatmir Kolecaj kur ka parë se s’kishte asnjë mundësi që të largohej nga banesa ka vrarë veten me armë zjarri.

Në vendngjarje ka shkuar grupi hetimor ku vijon veprimet për dokumentimin e plotë të ngjarjes.

/abcnews.al

lezhe-proteste.jpg
ger ta18:27 | 25/02/2020

Aroma e rëndë që lëshon përpunimi i mbetjeve me origjinë shtazore në ish-zonën industriale të Lezhës ka ngritur në protestë banorët përeth. Ata thonë se prej 2 muaj kjo fabrikë gjeneron ndotje në ajër dhe atë nuk hapin dot as dyert dhe dritaret.

‘Aroma është e ndyrë. Nuk mund të përballohet jeta në oborret tona”, shprehet një banor.

Banoret theksojnë se po dëmtohet dhe shëndeti i tyre.

“Jemi të rrezikuar deri në vdekje, kam vjellë sa hënga bukë’, thotë një tjerër banore.

Këta banorë kanë depozituar ankesën e tyre dhe në institucionet përgjegjëse po janë përballur me heshtjen e tyre.

Në mbështjete të dhjetra familjeve që jetojnë në këtë zonë ka dalë dhe eksperti i mjedisit Sazan Guri që ngre disa pyetje për lejen e marrë nga sipërmarrësit e kësaj fabrike.

“Edhe protesta, edhe ballafaqimi, por edhe ulja në tryezë me pronarin si e ka marrë këtë leje. A ka një studim mjedisor?”, thotë Sazan Guri.

Mësohet se pas protestës banorët janë kontaktuar nga administrator i fabrikës dhe ditën e enjte do të takohet me ta për të dhënë sqarime në lidhje me mënyrën e përpunimit të mbetjeve.

 

kronik.jpg
in a13:32 | 25/02/2020

Lezhjanët nuk kanë humbur kohë për të aplikuar në zyrat e rindërtimit të ngritura nga Bashkia. Brenda 3 javesh më shumë se 70% e të prekurve janë regjistruar në qytet dhe njësitë administrative. Ndërsa për pjesën që ende se ka kryer ende si proces, afati është i qartë.

“Të gjithë qytetarët e Lezhës nëse deri me datë 28 shkurt nuk do të aplikojnë pranë zyrave të rindërtimit, në bashkinë e këtij qyteti nuk do të përfitojnë nga programet e rindërtimit, duke mbetur në këtë mënyrë jashtë kësaj skeme”.

Për nënkryetarin e Bashkië, Ermal Paçi nuk ka nevojë për afat shtesë duke parë treguesit e deritanishëm.

“Sa i përket fazës së parë të aplikimit në platformën e rindërtimit, bashkia e lezhës ka bërë 1300 qytetarë që kanë pasur probleme nga tërmeti i datës 26 qershor. Jemi diku tek 70-80% e të gjitha ankesave që ne si Bashki kemi patur”, tha Paçi.

Paçi iu bën thirrje qytetarëve që nuk kanë aplikuar të mos e neglizhojnë si proces.

“Normalisht gjej rastin ti bëj thirrje qytetarëve ti drejtohen Bashkisë së Lezhës, janë dhe 4 ditë nga të cilat duhet të përfitojnë për të ardhur dhe bërë  aplikimin në platfomrmën e rindërtimit. Asnjë nga qytetratët nuk duhet ta marrë në konsideratë pyetjen nese ndonjeri ngel pa aplikuar pasi duhet të vijnë të aplikojnë. Nese një qytetar nuk vjen brenda datës 28 automatikisht është jashtë programit  të rindërtimit”, theksoi më tej Paçi.

Pavarësisht se kanë bërë ankesën fillestare për dëmtime nga termeti, ka raste të qytetarëve që nuk janë paraqitur për tu regjistruar për fazen e rindertimit. Ata janë me së shumti, qytetarë që kanë ndërhyrë vetë në objektet e tyre për shkak se kanë patur dëmtime të lehta./abcnews.al

maxresdefault-7.jpg
in a09:42 | 25/02/2020

Policia e Lezhës ka arrestuar 24-vjeçaren banuese në Lezhë për shkak se gjatë një konflikti ka qëlluar me thikë një person.

Personi i plagosur është Anton Shyti, banues në fshatin Barbullojë. Për shkak të plagëve të marra Shyti është transportuar në spital, jashtë rrezikut për jetën.

24 vjeçarja është arrestuar menjëherë pasi ka goditur të riun. Nuk bëhen të ditura motivet dhe shkaqet që kanë çuar vajzën të plagosë Shytin, por sipas policisë mendohet se ka qenë një konflikt i çastit mes dy të rinjve që ka përfunduar me plagosjen e të riut.

Njoftimi i policisë

Lezhë

Specialistët e Hetimit të Krimit në Komisariatin e Policisë Lezhë bënë arrestimin në flagrancë të shtetases F.M.,24 vjeçe, banuese në Lezhë, si dhe proçeduan penalisht shtetasin A.Sh.,banues në fshatin Barbullojë, Lezhë.

Gjatë një konflikti të çastit,në qytet Lezhë  shtetasja F.M. ka goditur me mjet prerës (thikë), shtetasin A.M.,i cili është transportuar në spitalin e Traumës Tiranë, jashtë rrezikut për jetën.

Materialet procedurale u referuan për veprime të mëtejshme, në Prokurorinë e Rrethit Gjyqësor Lezhë./abcnews.al

712b3edd-ec0f-4766-9c02-891063e04100.jpg
in a10:31 | 21/02/2020

Prokuroria e Lezhës ka kërkuar dënimin me 3 vite burg për ish-kryetarin demokrat të Bashkisë së Lezhës, Fran Frrokaj. Ai akuzohet për tjetërsimin e pronave në bregdet, në një zonë të lakmuar siç është “Rana e Hedhun” në Shëngjin. Ndërsa për ish-kreun e qarkut të Lezhës, Gjon Ndoka prokuroria kërkoi 4 vite burgim.

Pretenca e prokurorisë për Fran Frrokajn, Gjon Ndokën dhe 17 personat e tjerë të akuzuar është dhënë sot në gjykatën e Lezhës. Prokurori Erjon Shehaj ka kërkuar në total 43.6 vite burg në total për gjithë të pandehurit.

Gazetari i Abc News në Lezhë, Gjergj Figuri tha se “për ish kryetarin e Bashkisë Fran Frrokaj prokurori kërkoi 3 vite burg dhe për ish-nën/kryetarin Enver Hafizi 2 vite burg. Ndërsa per ish-kryetarin e qarkut Gjok Ndoka 4 vite burg. Seanca në gjykatë është mbajtur me dyer të mbyllura ku të pranishëm kanë qenë vetëm avokatët e ish-zyrtareve lokalë”.

Po ashtu prokuroria ka kërkuar të asgjësohen praktikat e regjistrimit të pasurisë që është tjetersuar në zonën bregdetare.

Në një reagim për mediat, Adrian Leka, avokati i Frrokajt theksoi se pretenca u dha duke mos qenë e mbështetur në asnjë fakt.

“Gjatë hetimit ka dalë se çdo pretendim i akuzës ka qenë mbi dyshime dhe nuk vërtetohet me asnjë provë përgjegjësia penale e të akuzuarit”, tha ai. /abcnews.al

nesho.png
in a17:00 | 20/02/2020

Policia e Lezhës bën e dije se ka arrestuar dy vëllezër të cilët akuzohen se kanë goditur për shkak të detyrës punonjësit e Policisë Bashkiake.

Mësohet se arrestimi i tyre u bë, pasi dy vëllezërit, në bashkëpunim me njeri-tjetrin, kanë goditur me sende të forta duke u shkaktuar dëmtime 2 punonjësve të Policisë Bashkiake

Informacion

Specialistët e Hetimit të Krimit në Komisariatin e Policisë Lezhë kanë bërë arrestimin në flagrancë të shtetasve: A. Ll., 22 vjeç dhe A. Ll., 26 vjeç, banues në Shëngjin.

Në Shëngjin, punonjësit e Policisë Bashkiake kanë qenë duke ushtruar detyrën mbi bazën e planit për identifikimin dhe prishjen e mureve që kanë zënë hapësirat publike pa lejen përkatëse dhe gjatë komunikimit me shtetasin Gj. Ll., i ati i dy vëllezërve, i cili ka pretenduar mosprishjen e murit të rrethimit të banesës së tij, 2 djemtë i kanë goditur me mjete të forta.

Materialet procedurale u referuan në Prokurorinë e Rrethit Gjyqësor Lezhë, për veprime të mëtejshme, për veprën penale “Goditje për shkak të detyrës”, e kryer në bashkëpunim.

romet-llezhe.jpg
nev ila21:12 | 19/02/2020

Pamundësia që kanë patur banorët e komunitetit rom, për të paguar qiratë, ndërmjet bonusit të strehimit pas dëmtimit të shtëpisë nga tërmeti i 26 nëntorit, si dhe pamundësisë,  për të qëndruar të strehuar në palestrën e gjimnazit, këta banorë janë rikthyer në pallatin i cili edhe pse është shpallu i pabanuar është streha tyre vetme.

Kjo ishte zgjidhja e vetme. Me fëmijët, nuk mund të kalonin edhe një natë tjetër në të ftohtë, është pse rikthimi ne banesa e rrënuara u rrezikon jetët.

Banesat e premtuara nga Bashkia janë në rikonstruksion…

Rreth 40 persona të këtij komuniteti u nxorën mbrëmjen e martës me dhunë nga palestra e shkollës, ku ishin strehuar pas tërmetit.  Megjithë protestën e mëngjesit të së mërkurës para Bashkisë së Lezhës, nuk morën përgjigje. Autoritetet lokale i qëndrojnë vendimit të akordimit të bonusit të qirasë, i pamjaftueshëm për shlyerjen e faturave./abcnews.al

83d7e10f-8365-4bb7-b89b-be139524f605.jpg
in a09:25 | 19/02/2020

Janë 40 banorë të komunitetit rom dhe egjiptian që kanë mbetur në mes të 4 rrugëve në Lezhë. Ata kanë kaluar natën jashtë dhe sot po protestojnë poshtë zyrës së kreut të bashkisë, Pjerin Ndreu. Shtëpitë e tyre janë shembur nga termeti i 26 nëntorit, dhe prej afro 3 muajsh kanë qenë të strehuar në palestrën e shkollës. Së fundmi janë njoftuar se duhet të lirojnë palestrën dhe të shkojnë në shtëpi me qira.

Sipas tyre, bonusi i qirasë i dhënë nga bashkia është 12 mijë e 500 lek, shumë kjo e pamjaftueshme për të marrë një shtëpi me qira. Por jo vetem kaq, ata shprehen se janë të paragjykuar, pasi pronarët e shtëpive nuk u japin shtëpi.

Në raportimin ‘live’ nga sheshi para bashkisë së Lezhës, gazetari i abcnews.al Gjergj Figuri tha se çmimi i shtëpive në Lezhë shkon nga 20-25 mijë lek në muaj, ndërsa bonusi i bashkisë është sa gjysma e kësaj shume. Ndërsa shumica e pronarëve nuk pranojnë të japin banesa për komunitetin rom dhe egjiptian, ndaj janë të detyruara të qendrojnë jashtë deri kur të vijë një zgjidhje nga bashkia për ta.

Armand Sinani kreu i shoqatës së integrimit të romëve u shpreh se janë 40 persona që e kanë kaluar natën jashtë, prej të cilëve, 9 burra, 9 gra dhe 22 fëmijë. “Jemi të varfër dhe kemi mbetur në dorë të zotit. Jemi me ngjyrë nuk na japin shtëpi. Vete kryetari i bashkisë ka dhënë se do rrini aty (palester) por tashmë na kanë thënë të dalim jashtë. Presim një zgjidhje!”, u shpreh ai. /abcnews.al

Në pamje: Familjet rome dhe egjiptiane u nxorrën mbrëmë me force nga palestra e gjimnazit

romet-lezhe.jpg
nev ila21:33 | 18/02/2020

Ky zjarr është ndezur nga disa familje rome në Lezhë pasi u nxorën jashtë nga palestra e gjimnazit ku ishin strehuar nga Bashkia që prej tërmetit të 26 nentorit. Janë 40 banorë, shumica prej të cilëve fëmijë, që sonte do të flenë përjashta.

Pasdite, shërbimi social i Bashkisë urdhëroi policinë bashkiakë për nxjerrjen e menjëhershme të tyre nga palestra.

Kjo ka qenë e papritur për këta banorë që nuk kanë mundur ende të sigurojnë një shtëpi me qera pasi bonusi është i pamjaftueshëm pasi qeratë janë të larta. Ata thonë se duhet tu jepnin afat dhe të prisnin ndërtimin e disa banesave që po realizohen pikërisht për ta.

Tashmë nuk e dinë se ku do të shkojnë dhe se ky veprim i bashkisë sipas tyre është i pajustifikueshëm.

Këto familje rome dhe egjyptiane u zhvendosën në palestër pasi pallati i tyre nr 88 në lagjen Iliria të qytetit të Lezhës ishte i pabanueshëm.

Sakaq ka ardhur edhe reagimi i kryetarit të bashkisë Lezhë Pjerin Ndreu i cili përmes një statusi në rrjetet sociale thotë se familjet trajtohen me bonus qeraje që nga dhjetori dhe nuk mund të lejohen të mbajnë të zëna ambientet e shkollës për sa kohë ata kanë tërhequr edhe bonusin.

Sipas Ndreut bashkia përveç bonusit të qerasë i ka trajtuar këto familje edhe me ushqime ndaj vendimi për të dalë prej palestrës së shkollës është i pakthyeshëm.

“Lidhur me disa prononcime te disa banoreve qe jane strehuar tek palestra e shkolles se mesme “Hydajet Lezha”, ekzaltimit te ca demokratuceve te vrerosur qe ju ka dale gjumi dhe vemendjes se shtuar te mediave lokale ju bej me dije se :

– Familjet ne fjale trajtohen me bonus qeraje qe nga dhjetori dhe nuk mund te mbajne te zene me ambjentet e shkolles per sa kohe kane terheqe bonusin.

-Nga ana e bashkise pervec bonusit te qerase dhe trajtimit ushqimore ekstra qe ju ka bere ketyre banoreve deri para nje jave, u jane siguru tashme fondet per rindertimin e banesave dhe jemi me fazen e fundit te konkretizimit.

-Sic shihet jemi kujdese me shume se per cdo grup tjeter te demtuar nga termeti dhe kemi ezauruar pertej mundesve mbeshtetjen ndaj tyre .

Bashkia nuk eshte institucion per te ushqyer pretendime pa kriter te askujt banor aq me pak atyre qe jua kemi bere hyzmetin pertej cdo limiti.

-Vendimi per te dale prej palestres se shkolles eshte i pakthyeshem dhe ne perputhje te plote me rregullat dhe aktet ligjore te nxjerra nga qeveria !”, shkruan Ndreu./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono