levizja pese yjet

matteo-salvini-lega.jpg
G. P.13:40 | 16/04/2018

Këtë javë pritet që presidenti Matarela të japë mandatin për krijimin e qeverisë së re në vend dhe pse për momentin nuk ka ende një marrëveshje mes palëve. Sipas mediave italiane, kreu i shtetit do të vendosë të mërkurën.

Ka nisur në Itali java përfundimtare për krijimin e qeverisë. Kandidati për kryeministër i Lëvizjes Pesë Yjet, Luixhi di Maio, ka përsëritur refuzimin e tij për idenë e një marrëveshjeje me të gjitha partitë e koalicionit duke iu rikthyer apelit ndaj Partisë Demokratike.

Lideri i Legës, Matteo Salvini, nga ana e tij vijon të mbetet i vendosur për krijimin e një qeverie të qendrës së djathtë të bashkuar. Vendimi i presidentit Matarela për dhënien e mandatit për krijimin e qeverisë mund të merret të mërkurën. Hipotezat janë dy një mandate paraprak ose një paraprak eksplorues

Një ditë pas replikave në distancë me Di Maion, Salvini do të vazhdojë takimet e tij elektorale për zgjedhjet lokale në mbështetje të kanididatëve të tij. Partia Demokratike nga ana e saj është ende në pritje duke mos refuzuar menjëherë kërkesën e rradhës së Lëvizjes Pesë Yjet për krijimin e një koalicioni qeverisës./abcnews.al

di-maio12.jpg
G. P.12:07 | 07/04/2018

Luixhi di Maio lideri i Lëvizjes Pesë Yjet tashmë kërkon hapur një bashkëpunim me Partinë Demokratike për të krijuar qeverië e re italiane. Ai u shpreh se është i gatshëm të ndryshojë disa nga qëndrimet e tij për hir të interesave të italianëve.

Lideri i lëvizjes Pesë Yjet si dhe kandidati i kësaj partie për kryeministër, Luixhi di Maio, i ka kërkuar Partisë Demokratike që të bashkojnë forcat për t’i dhënë qeverinë e re Italisë. Ai theksoi se nëse askush nuk lëviz nga qëndrimet e tij atëherë nuk mund të ketë progres. Deklarata e tij vjen pas dështimit të raundit të parë të bisedimeve me presidentin e vendit Matarela.

Pas deklaratës së qendrës së djathtë, ku kundërshtonte propozimin që vetëm Lega e Mateo Salvinit të bashkëpunonte me Lëvizjen Pesë YjeT, Di Maio është kthyer nga e majta duke thënë se mendon për të mirën e vendit. Madje për këtë arsye ëshTë i gatshëm dhe të ndryshojë disa nga qëndrimet e tij.

Duke theksuar se nuk po mohonte idetë dhe kitikat për Partinë Demokratike, Di Maio përsëriti se është moment që forcat politike të bëjnë paqe në mënyrë që vendi të ketë sa më shpejt një qeveri që do zgjidhte problemet konkrete të italianëve.

Kandidati për kryeministër i Lëvizjes Pesë YjeT këmbënguli se nuk mund të ketë asnjë bashkëpunim me qendrën e djathtë për sa kohë në radhët e saj të jetë Forza Italia e Silvio Berlusconit. Sipas tij ish-kryeministri i përket të kaluarës, ka pasur mundësinë ta ndryshonte vendin dhe nuk e bëri. Ndërsa Salvini, i cili nuk heq dorë nga partneri i tij parazgjedhor, sipas Di Maios është në kërkim të restaurimit dhe jo revolucionit duke e mbylluR qendrën e djathtë në një cep./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono