leonard olli

PROVOKACIA-25-TETOR-LEONARD-OLLI-PJESA-3.mpg_snapshot_18.17-1280x720.jpg
ent ela23:09 | 25/10/2019

Anëtari i Bindjes Demokratike Leonard Olli ka folur në studion e Provokacijas për reformën zgjedhore. Ai ndan qëndrimin për një reformë të thellë, e cila duhet të ishte bërë që në vitin 2011.

“Vendi ka nevojë për një reformë të thellë zgjedhore për faktin e thjeshtë se pas 30  vitesh që kemi kaluar diktaturën komuniste ne vazhdojmë të flasim për reformën zgjedhore. Çdo dy vjet mendojmë që të bëjmë reformë zgjedhore ne kemi dështuar si klasë politike me sukses të plotë.

Duhet të ishte bërë më kohë të paktën ën 2011, është propozim i hershëm i OSBE ODIHR”.

Reforma e thellë, shpjegon Olli është ajo që ndan shtetin nga pushteti, prek kodin zgjedhor, dhe ligjin e financimit të partive.

“Prek nenet e kodit zgjedhor deri te ligji i financimit të partive politike, që nga ndryshimi i ligj epër reformën territoriale administrative dhe ligji për punonjësit e administratës publike përfshirja në fushatë. Reformë për të ndarë shtetin nga pushteti”.

Olli thotë se duhet forcuar dhe organi i KQZ për pavarësi në vendimmarrje.

“KQZ që në situatën që jemi sot është organ i tredhur se nga fillimi deri në fund të zgjedhjeve KQZ nuk ka asgjë në dorë

Duhet forcuar në kuptimin e pavarësisë në vendimmarrje dhe duke hequr administratën politike. Duhet transparenca për financimin e partive politike“. /abcnews.al

leonard-olli-1.jpg
ad min18:17 | 27/06/2019

Korça ka në afërsi të saj dy-tre bomba ekologjike për të cilat nuk flet askush. Kështu u shpreh këtë të enjte kandidati i Bindjes Demokratike për kryetar bashkie atje, Leonard Olli.

Ai ishte i ftuar në studion e ABC News përballë gazetares Juli Xhokaxhi ku theksoi se Korça është qyteti më i ndotur pas Tiranës. Ndërkohë si bomba ekologjike renditi edhe burgun e Drenovës, por edhe faktin që kurora e gjelbër e qytetit juglindor është zhdukur.

“A e dini ju sot që Korça është qyteti më i ndotur pas Tiranës. Mendoni se merrni ajër të pastër dhe sidomos ditëve të Krishtlindjeve ta dini që merrni ajrin më të ndotur duke shkaktuar dëm të pallogaritshëm në shëndetin e njerëzve. A e dini ju që në afërsi të Korçës ka dy-tre bomba ekologjike që nuk flet askush. Burgu i Drenovës që është në një afërsi 6 kilometra nga qyteti. A e dini që është i paintegruar në sistemin e ujërave të zeza? A e dini që sistemi i ujërave të zeza të burgut të Korçës sipas ekspertëve kalon në rrjedhje të lirë në të gjithë basenin ujor dhe shkon shumë pranë Turanit që është baseni kryesor që furnizon me ujë të pijshëm qytetin. Kush ka bërë një analizë në raport me  këtë? Kush ka bërë një studim në raport me këtë? Sa herë është matur cilësia e ajrit në Korçë? Po fakti që kurora e gjelbër e qytetit është denatyruar komplet. Fakti që pjesa jugperëndimore është lënë në mëshirë të fatit. E kam parë me sytë e mi, por edhe me kamera, edhe e fotografuar. Korça përtej fasadave është shumë herë më e madhe”, tha Olli.

Kandidati i Bindjes Demokratike deklaroi gjithashtu se ka gjetur një vendim të Këshillit Bashkiak të Korçës, në të cilën këshilltarët pa kryer asnjë tender, kishin bërë një vizitë 3 ditore në Korfuz me paratë e qytetarëve. Ai theksoi se edhe pse ka pasur investime në qytet, ato kanë qenë sa për fasadë pasi nuk kanë sjellë rritje të ekonomisë.

“E dini çfarë kam gjetur në një vendim të Këshillit Bashkiak? Vizitën e 32 këshilltarëve në Korfuz. Se ashtu ishte një punë dhe fondet nuk ishin bërë me tenderim që vizita të tenderohej nga agjencitë turistike, por ishte përcaktuar një element X nga ana e financierëve dhe 32 këshilltarë kishin kaluar 3 ditë të bukura në Korfuz. Jo me lekët e tyre ama, me lekët e bashkisë. Epo janë lekët e korçarëve ata. Nuk e mohoj pjesën e fasadës, por është një pjesë që nuk ka prodhuar asgjë për qytetin, pra investimet nuk kanë sjellë  rritje të ekonomisë për qytetin”, theksoi Olli./abcnews.al

leonard-olli.jpg
ad min17:42 | 27/06/2019

Kandidati i Bindjes Demokratike për Bashkinë e Korçës, Leonard Olli, deklaroi këtë të enjte se është futur në garë për të fituar. Ai ishte i ftuar në studion e ABC News dhe theksoi se Bindja Demokratike ka hyrë me pretendime për të fituar dhe jo thjesht sa për të shërbyer si legjitimues i zgjedhjeve.

Ka qenë koha e shkurtër sipas Ollit ajo që nuk i dha mundësinë BD-së që të ketë kandidatë në çdo bashki të vendit. Është ky fakti që rrëzon çdo pretendim sipas tij që Bindja shërben si legjitimues i zgjedhjeve.

“Të paktën për aq sa më njihni nuk kam pranuar të hyj sa për garniturë as kur kam qenë jashtë tyre. Problemi është që unë nuk kam qenë nga ato natyra që jam mjaftuar me atë frazën e famshme se nuk jemi në konkurset e bukurisë ‘e rëndësishme është të marrësh pjesë’.  Ne kur hymë, hymë shumë serioz dhe me pretendimet për të fituar. Nuk shkova në Korçë për të qenë garniturë e zotit Filo as ndonjë Filoje tjetër. Hyra në Korcë sepse kam pasur me dhjetëra herë ftesën e miqve të mi dhe shumë bashkëqytetarëve të mi për të qenë në garë për bashkinë e Korçës, herë si anëtar i PD-së dhe në rastin konkret përtej të qenit anëtar i PD-së.

Beteja ime është për të marrë Bashkinë e Korçës jo për të marrë pjesë në garë dhe për t’u rritur në mënyrë elektorale. Po të ishte ashtu konkurronim vetëm në Këshillat Bashkiakë. Nuk kishim të nevojshëm të vinim emra të përveçëm. Koha e shkurtër në dispozicion na pamundësoi për të patur kandidat në çdo pjesë. Kjo. Kjo rrëzon çdo pretendimi që thotë se shërbejmë si legjitimues. Nëse do shërbenim si legjitimues do të kishim ndihmuar të plotësonim të 61 bashkitë që funksionojnë. Nuk ka qenë ky qëllimi, qëllimi ka qenë të bëjmë diferencën”, tha Olli./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono