lek

euro.jpg
G. P.16:49 | 11/06/2018

Monedha e përbashkët europiane po forcohet gradualisht, pas nivelit më të ulët në 10 vjet që preku në datën 5 Qershor. Sot një euro arriti  të këmbehet me 128,34 lekë.

Jo vetëm nuk ka pësuar më rënie, por monedha e përbashkët euro është rritur me 4.17 lekë, duke arritur në nivelin më të lartë që nga fundi i muajit Prill.

Ndërsa këtë të hënë, sipas kursit zyrtar të Bankës së Shqipërisë, një euro u këmbye këtë të hënë me 128.34 lekë, me një rritje prej 0.76 lekë në raport me fundin e javës së kaluar.

Banka e Shqipërisë ndërhyri në treg, pasi euro ra me shpejtësi në Maj dhe Qershor, duke zbritur në 5 Qershor në 124.17 lekë, niveli më i ulët në 10 vjet. Banka tha se kjo rënie ishte e papritur dhe kishte shkuar përtej parashikimeve, duke u ndikuar dhe nga efekti psikologjik i pritshmërive për një rënie të mëtejshme.

Individët nxituan të blinin valutë, në pritje të rritjeje të mëtejshme të euros dhe kjo ndikoi në forcimin e shpejtë të monedhës së përbashkët.

Luhatjet e mëdha kanë bërë që agjencitë e këmbimit valutor të rrisin marzhin e tregtimit në blerje dhe shitje, nga 0.5 lekë, në gati 2 lekë. Një euro mund ta blesh sot mesatarisht në agjencitë valutore me 129.3-130.3 lekë.

Për shkak të kësaj situate, ekspertët e tregut pohojnë se është e vështirë të bëhen parashikime për ecurinë në muajt në vijim, ndonëse tradicionalisht vera është një periudhë kur valutat dobësohen, për shkak të efekteve sezonale nga remitancat dhe prurjet e turistëve, që këtë vit pritet të arrijnë në nivel rekord./abcnews.al

lekuuuu.jpg
G. P.18:48 | 08/06/2018

Ekspertët e ekonomisë thonë se efektet e paketës së deurizimit të nisura nga Banka e Shqipërisë nuk kanë ndikuar në forcimin e monedhës kombëtare. Elvin Meka thotë se këto masa do të japin efekte të ngadalta të cilat pritet të nisin ndikimin në fund të këtij viti ose në fillim të 2019-s.

Operacionet e nisura të Bankës së Shqipërisë për të stabilizuar kursin e këmbimit valutor në Shqipëri gjykohen nga ekspertët si masa të duhura. Elvin Meka, profesor i ekonomisë dhe ekspert për çështjet financiare, sqaron se Këshilli Mbikëqyrës ka marrë vendimin e duhur për të blerë sasi të valutës së huaj të cilat kanë rritur artificialisht ofertën për lekun të shoqëruar me uljen e normës bazë të interesit të monedhës kombëtare.

“Banka e Shqipërisë ka ndëryrë relativisht fortë sepse dueht të kemi parasysh se masa e ndërhyrjes në tregun e valutave është shoqëruar njëkohësisht edhe me një ulje të normës bazë të interesit”.

Meka thotë se arsyet që kanë ndikuar në lëvizjet e mëdha të muajve të fundit të vlerës së euros lidhen me konvertimin e kapitalit të bankave dhe elementet spekulativë. Ai nuk është dakord me disa aktorë të tregut, të cilët ia venë peshën e rënies së euros strategjisë së Bankës Qëndrore për të ulur përdorimin e kësaj monedhe në Shqipëri.

Ai thotë se dy rregulloret e miratuara nga Banka e Shqipërisë për të rritur rezervën e detyrueshme në valutë nga 10 në 12.5%, në kuadër të paketës së deurizimit nuk do të japin efekt në këtë periudhë, por në fund të vitit apo fillimit të 2019-s.

Sot euro arriti në vlerën 127.58 lekëve, duke u forcuar me 2.33 lekë vetëm gjatë ditës së fundit. leku ka shënuar rënie të ndjeshme edhe ndaj dollarit amerikan dhe paundit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono