lejkersa

james-ball-1280x713.jpg
G. P.17:25 | 16/12/2018

Lebron James dhe Lonzo Ball barazuan një rekord të skuadrës së tyre, Los Angelos Lakers, në basketbollin amerikan. Ata arritën diçka që kishte ndodhur plot 36 vjet më parë.

Për herë të parë dhe të fundit deri mbrëmë kishte ndodhur në 1982. Gjithsesi, Lebron James dhe Lonzo Ball vendosën të mos i linin vetëm legjendat e atëhershme, Magic Johnson e Karim Abdul Jabbar, ndaj edhe e përsëritën rekordin për Los Angelos Lakers. Realizuan secili nga një tripëll dabëll në fitoren në fushën e Memfisit, arritur lehtësisht me shifrat 128-100, madje me Lebronin që nuk luajti fare në pjesën e katërt të ndeshjes.

James shënoi 24 pikë, kapi 12 topa në tabela dhe shërbeu 11 pasime për kosh në vetëm 30 minuta që ishte në parket. Nga ana e tij, Ball, dha kontribut me 16 pikë, 10 topa në tabela dhe po 10 asistë. Në janar 1982, Magic Johnson dhe Jabbar i realizuan tripëll dabëllat ndaj Detroitit, veçse Jabbari ia doli me 10 bllokime gjuajtjesh, dhe jo me 10 pasime për kosh. Në total, vetëm 8 çifte lojtarësh kanë arritur secili nga një tripëll dabëll në të njëjtën ndeshje, në gjithë historinë e NBA-së, dhe këtu bëjnë pjesë edhe dyshet e famshme Michael Jordan-Skoti Piken, Larry Bird-Robert Parish apo Vins Karter-Jason Kid.

Duke u kthyer tek Lakers e sotëm, duhet thënë se Lebron James po udhëheq një skuadër të re në moshë, dhe që ka si objektiv të dominojë basketbollin amerikan për disa sezone. Lonzo Ball është 21 vjeç, Josh Hart 23, Brandon Ingram 21 vjeç dhe Kajl Kuzma 23. Skuadra nga Kalifornia është në vendin e 4-t në Konferencën Perëndimore, veçse shumë pranë kreut./abcnews.al

vlcsnap-error087-1-1280x720.jpg
us er12:19 | 21/12/2017

Një yll i ri ka nisur të shkëlqejë në basketbollin amerikan. Kajl Kuzma ndihmoi Los Anxhelos Lejkërsat në fitoren ndaj Hjustonit, dhe shpresohet që të ndjekë gjurmët e legjendës Kobi Brajant.

Është vetëm 22 vjeç dhe ka krijuar shpresa të mëdha.

Edhe basketbolli amerikan jeton me yjet, dhe një brez i ri duket se po shfaqet pas atij të Lebron Xhejmsit apo Kobi Brajantit.

Njëri prej këtyre yjeve të rinj e tregoi veten në arenën e famshme “Stejpëlls Sentër” në Los Anxhelos, në fitoren që Lejkërsat arritën ndaj Hjustonit.

Kajl Kuzma udhëhoqi ekipin edhe pse është vetëm në sezonin e parë në NBA.

Shënoi 38 pikë në 39 minuta lojë, kapi 7 topa në tabela dhe shërbeu 4 asiste, si dhe bllokoi një gjuajtje të kundërshtarëve.

Kuzma shkëlqeu në një skuadër të ndërtuar për të ardhmen, në radhët e së cilës ka shumë basketbollistë të rinj.

Brjuer, Nens, Boll apo Ingram luajtën edhe ata shumë mirë, në një përballje ndaj Hjustonit kryesues, pra ekipit më të fortë të momentit në NBA.

Triumfi ishte me shifrat 122-116, një sukses që vlen më shumë për moralin sesa për klasifikimin, pasi Lejkërsat kanë 11 fitore e plot 18 humbje.

Tifozët shpresojnë që Kuzma të bëhet pasardhësi I Kobi Brajantit dhe që Lejkërsat të rivalizojnë Golden Stejtin, në një derbi të Kalifornisë.

Hjustoni, ndërkaq, u detyrua të bënte një ndalesë, edhe pse ylli I saj, Xhejms Harden, ishte padyshim më I miri në fushë.

Harden shënoi 51 pikë, kapi 3 topa në tabela, shërbeu 9 asistë, vodhi një top dhe bllokoi një gjuajtje, por nuk e pati këtë herë mbështetjen e zakonshme nga Kris Pol./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono