legalizimet

LEGALIZIMET-BRENDA-KORRIKUT-1280x720.jpg
ent ela14:14 | 24/01/2019

Në korrik do të përfundojë i gjithë procesi i regjistrimet të lejeve të legalizimit. Njoftimin e bëri kryeregjistruesi i Republikës së Shqipërisë Valdrin Pjetri në analizën e punës së hipotekës së Tiranës.

Nisi si fushatë e qeverisë shpërndarja e çertifikatave për pronat e legalizuara. Viti 2019 do të shënojë përfundimit e regjistrimit të këtyre lejeve. Afatin e bën të ditur kryeregjistruesi  Valdrin Pjetri.

Zyra e regjistrimit të pasurive të paluajtëshme Tiranë ka shtuar shërbimet 24 orëshe për qytetarin dhe grupet e interesit në platformën fast track. Deri në muajin mars parashikohet të shtohen edhe rreth 10 nënshërbime të tjera.

Nuk do të vonojë dhe krijimi i Agjencisë Shtetërore të Kadastrës njoftoi krryeregjistruesi i Republikës së Shqipërisë, e cila do të zgjidhë një herë e mirë shqetësimet që kanë qytetarët në trajtimin e pronave. Ky shërbim do të mundësohet nga një sportel i vetëm.

Një risi e kësaj zyre e nisur në vitin 2018 janë aktet e verifikimit.Para këtij viti qytetarëve u kthehej dosja me listën e dokumentacionit që qytetari duhet të plotësonte për të marrë shërbimin.

Ulja e numrit të ankesave, dixhitalizimi i regjistrit të pronave janë ende këtë vit në axhendën e punës së zyrës së regjistrimit të pasurive të paluajtshme Tiranë. /abcnews.al

 

LEGALIZIMET-NE-DURRES_ABC-M2-T1.mpg_snapshot_00.54-1280x720.jpg
G. P.14:29 | 22/12/2018

Ndërkohë që zona A në Durrës vazhdon të jetë e bllokuar për procesin e legalizimit, brenda vitit 3 mijë dosje kanë përfunduar. Drejtori i ALUIZNI-t u ka bërë thirrje qytetarëve të presin inspektorët për të kryer veprimet.

Tre mijë dosje legalizimi përfunduan gjatë këtij viti nga drejtoria e ALUIZNI-t në Durrës, ndërkohë që një pjesë janë skualifikuar për shkak se bien ndesh me ligjin e legalizimit të ndërtimeve pa leje. Drejtori i ALUIZNI-t Arben Isaku tha se afro 30 ndërtime dhe ngrehina që nuk kanë pasur qëllime banimi, nuk do të legalizohen.

Arben Isaku, drejtor ALUIZNI Durrës: “Kemi pasur dhe raste ku kanë qenë ngrehina, pra ndërtesa që nuk konsiderohen të banueshme që për një arsyë apo një tjetër qytetarët i kanë bërë dhe kanë bërë ehde aplikimet këtu. Jemi përqëndruar me skualifikimin e tyre.”

Drejtoria e ALUIZNI-t do të vazhdojë punën me orar të zgjatur edhe gjatë ditëve të fundit të vitit. Iu bëhet thirrje personave të interesuar që të presin inspektorët e ALUIZNI-t për kryerjen e procedurave në terren.

“Ne edhe siç bëmë gjatë periudhës së gushtit edhe tani, me ardhjen e emigrantëve që vijnë për festa ne rrijmë deri vonë dhe punojmë. I kemi thënë edhe personave që vijnë se nuk është nevoja që të rrini ju, por mund të caktojnë një familjar që të bëjnë të mundur mbylljen e procesit në kohë reale.na ka ndodhur disa herë që ku shkojmë për verifikim në shtëpitë e tyre, nuk gjejmë njeri.”

Në qytetin e Durrësit vazhdon të jetë e bllokuar zona A ku nuk mund të kryhen legalizime të ndërtimeve pa leje, ndërsa në zonën B po shqyrohen pjesë-pjesë./abcnews.al

ARTAN-LAME-1280x720.jpg
ent ela14:07 | 07/12/2018

Kreu i ALUIZNI-t Artan Lame doli në një konferencë për mediat për të folur për situatën problematike të ndërtimeve pa leje në zonën e Unazës së Madhe, i cili theksoi se në periudhën 2006-2013 janë kryer legalizime të paligjshme, madje pronarëve të objekteve iu është marrë edhe pagesa sikur do iu bëhej legalizmi, por një gjë e tillë nuk ndodhi kurrë.

Kreu i ALUIZNI-t Artan Lame gjatë një komunikimi për mediat foli për problematikat e krijuara ndër vite për legalizimin e objekteve pa leje në zonën e Unazës së Madhe duke vënë theksin se gjatë vitit 2006-2013 janë kryer legalizime të paligjshme në zonën e kasharit dhe të Unazës së Madhe.

“Në zonën e Kasharit, përgjatë gjithë 8 vjetëve të qeverisjes 2006-2013 janë bërë 49 legalizime. Dhe nga këto 49 legalizime 40 janë bërë vetëm në periudhën mars-shtator 2013. Legalizimi i fundit është bërë në 10 shtator, ndërsa Qeveria e re krijohej në 11 shtator”.

Sipas kreut të ALUIZNI-t një fenomen tjetër problematik ka qenë edhe ai i legalizimeve me tokë pronar.

“Fenomeni i legalizimeve në tokë me pronar. Kategoria më e dhimbshme dhe revoltuese, është ajo e legalizimeve në troje me pronarë legjitimë.

Ligji i Legalizimeve i vitit 2006, ndërpret procesin e legalizimit të ndërtimit kur trualli është me pronarë dhe aty parashikohen ndërtime të larta”

Një fenomen tjetër i dhimbshem sipas Lames ka qenë edhe fenomeni i mbledhjes së parave dhe mosbërjes së legalizimit nga personat përgjegjës.

“Fenomeni i mbledhjes së parave dhe mosbërjes së legalizimit. Në shumë raste jemi ndeshur me fenomenin kur qytetarëve ju merreshin paratë e tokës edhe kur dihej qartë që aty nuk mund të bëhej legalizimi”.

Kreu i ALUIZNI-t bëri të ditur edhe shifrat e legalizimeve në rang kombëtar gjatë muajit nëntor.

“Gjatë muajit nëntor morën lejen e legalizimit 3142 familje shqiptare, nga të cilat rreth 300 vetëm në zonën e Kasharit, tëNJB. 6 dhe NJB. 7”.

ALUZINI fton qytetarët që janë ende në procedura legalizimi të vijojnë bashkëpunimin me drejtoritë rajonale për përmbylljen e tyre. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono