LDK

isa-mustafa-1280x704.jpg
nev ila14:16 | 17/01/2020

Deputetja e Vetëvendosjes Arbërie Nagavci paralajmëroi të premten se në Kosovë mund të ketë zgjedhje të reja. Nagavci tha për mediat në Kosovë se nëse nuk arrihet zbatimi i vullnetit të qytetarëve, atëherë prapë do të kthehen te qytetarët.

“Nëse për arsye që nuk varen prej nesh nuk arrihet implementimi i vullnetit të qytetarëve duhet të kthehemi të qytetarët”, tha ajo.

Vetëvendosje refuzoi të enjten përmes një letre ofertën e LDK-së. Kryetari i kësaj partie Albin Kurti tha se kërkesa për largimin e kryetarit të Kuvendit, Glauk Konjufca është qasje jodemokratike.

Kryetari i LDK-së, Isa Mustafa tha se nuk e konsideron letrën përgjigje zyrtare.

Mustafa tha të enjten në mbrëmje në një intervistë për mediat në Kosovë se posti i kryetarit të Kuvendit t’i takojë partisë së tij ndërsa presidenti nuk do të jetë i LDK-së, por i Kosovës.

Mustafa tha në intervistën dhënë për RTK se nëse Vetëvendosje ka kryeministrin dhe ministrat, atëherë LDK duhet të ketë kryeparlamentin ndërsa për presidentin tha se nuk do të jetë president i LDK-së, por president i Kosovës.

“Unë vetë e kam ditur që më ka rrëzuar vetëvendosje. Nuk do kishte mundur kurrë Vetëvendosje ta fitonte Prishtinën po të mos kishte pasur mbështetjen e PDK-së. Unë personalisht e kam vullnetin që të bëhet marrëveshja. Nëqoftëse nuk mundemi ta bëjmë, do të thotë duhet të lëshojmë rrugë, të lëshojmë hapësirë,” tha ai.

Vetëvendosje dhe LDK nuk janë takuar më dhe tashmë edhe ofertat po bëhen me letra dhe zarfa, të cilat po refuzohen nga palët./abcnews.al

maxresdefault-6.jpg
So Nila13:37 | 13/01/2020

Koalicioni mes LDK-së dhe Vetëvendosjes duket se së shpejti do të jetë gati.Deputeti i zgjedhur i Lidhjes Demokratike të Kosovës, Haxhi Avdyli këtë të hënë është shprehur optimist se koalicioni me Lëvizjen Vetëvendosje do të arrihet, por thotë se kjo bëhet vetëm me balancim të ndarjes së pushteteve.

Avdyli pas takimit me  ish-shefin e OSBE, William Walker është shprehur se pozita e kryeparlamentarit për LDK nuk është pengesë, pasi mund të gjenden formula të tjera.

“Nënkryetarja Vjosa Osmani e informoi për angazhimin e LDK-së që sa më shpejt të ndodhë koalicioni i cili është votuar nga shumica e qytetarëve. Besojmë shumë që ky koalicion do të ndodhë. E kuptojmë frustrimin e qytetarëve për vonesat, për këto janë diskutimet që ndodhin edhe në shtetet demokratike. Përfundimi i këtij koalicioni do të jetë në të mirë të qytetarëve. Ku do të ketë balancimi i pushteteve”, tha ai.

Gjithahstu deputeti I LDK-së ka pranuar se diskutimet ndërmjet Lëvizjes Vetëvendosje dhe Lidhjes Demokratike janë në fazën përfundimtare dhe se kanë mbetur edhe disa detaje për t’u diskutuar.

Ndërkohë sa i përket pozitës së kryeparlamentarit, Avdyli tha zgjedhja e Glauk Konjufcës nuk është pengesë drejt arritjes së koalicionit pasi mund të gjenden formula të tjera.

mimoza-kusari-lila.jpg
nev ila21:36 | 10/01/2020

Deputetja e Grupit Parlamentar të Vetëvendosjes Mimoza Kusari Lila, ka thënë për mediat në Kosovë se LDK nuk duket e interesuar për koalicion me Albin Kurtin.

Sipas saj, kjo bindje krijohet nga kërkesat e kësaj partie për postin e presidentit dhe kryeparlamentarit.

Deputetja e grupit parlamentar të vetëvendosjes, Mimoza Kusari-Lila, e cila është edhe kryetare e Alertnativës, than ë një intervistë për mediat në Kosovë se tani është moment i fundit kritik dhe final që Kosova të ketë qeverinë e re.

“Është e qartë se në vazhdimësi procesin e kanë përcjellë kërkesë të ndryshme në raport me postet të larta shtetërore dhe këto kanë ardhur siç janë bërë publike nga LDK-ja, fillimisht me postin e Presidentit dhe tash për këtë të fundit. Nuk kemi informata të konfirmuara por nëse flasim për kthimin në pikën zero të postit të Kryeparlamentarit, atëherë me të vërtetë fitohet bindja se mundohen të gjinden arsye për mos të ndodhë një koalicion i përbashkët mes LDK-së dhe VV-së. Përkundër kësaj që ka ndodhur deri më tani besoj që është momenti i fundit final dhe shumë kritik që Kosova të ketë qeverinë e sa të re dhe kjo qeveri të fillojë sa më parë punën me reforma dhe vendimet të cilat janë shumë të pritura dhe në bazë të cilave edhe janë fituar zgjedhjet e 6 tetorit”, tha Kusari Lila.

Kusari-Lila e quajti zgjedhjen e Glauk Konjufcës kryetar Kuvendi, urgjencë dhe jo lojë të Vetëvendosjes dhe shtoi se Albin Kurti i ka ofruar këtë post LDK-së deri më datën 24 dhjetor, kur edhe u mbajt seanca konstituive, por LDK-ja nuk kishte kthyer përgjigje pozitive dhe ishte vendosur të votohej Kryeparlamentari.

 “Si mund të ndryshohet mendimi brenda dy-tri javësh dhe të kërkohet zhbërja e një procesi ku ata kanë votuar në masë. Unë besoj se posti i kryetarit të Kuvendit duhet të konsiderohet si çështje e mbyllur, njëjtë sikurse edhe diskutimet pastaj të vazhdojnë prej asaj pike ose edhe të trajtohen në format të ri por me një synim të qartë që duhet të arrihet marrëveshja”, tha ajo./abcnews.al

Capture-45.jpg
in a09:59 | 10/01/2020

Në një lidhje me “Abc e mëngjesit”, gazetarja Blerta Dalloshi Berisha ka folur për takimin mes të kryetarit të Lidhjes Demokratike të Kosovës, Isa Mustafa dhe atij të Lëvizjes Vetëvendosje, Albin Kurti.

Gazetarja thotë se Lëvizja Vetëvendosje po mësohet me natyrën e negociatave, një qasje e cila fillimisht nuk i ka pëlqyer.

“VV është tashmë duke u mësuar më negocitatat. Janë kthyer në tavolinë opsione të tjera të cilat kanë dalë në tavonlinë për tu diskutuar mes tyre. Ndoshta edhe mbahen takime të fshehta. Të dyja partitë e dinë që janë humbëse nëse shkojnë në zgjedhje. LDK ka paraljmëruar se nuk do të qëndrojë më duarkryq”, u shpreh gazetarja.

Më tej ajo theksoi se ultimatumi i presidentit Thaçi nuk ka bazë Kushtetuese. Ish – kryetari i Gjykatës Kushtetuese është shprehur se ultimatumi nuk ka ndonjë efekt juridik, tha gazetarja./abcnews.al

isa-mustafa.jpg
ger ta20:21 | 09/01/2020

Lidhja Demokratike e Kosovës ka dhënë detaje lidhur me diskutimet mes kësaj force politike dhe Vetëvendosjes për formimin e qeverisë.

Në një njoftim, LDK bën me dije se lajmet që kanë qarkulluar sot në mediat kosovare për diskutimet mes Isa Mustafës dhe Albin Kurtit janë të pavërteta. Thuhet vetëm se VV-së i kanë bërë ofertë tjetër për bashkëqeverisje.

“Të gjitha supozimet dhe hipotezat që po qarkullojnë sonte nëpër medie rreth diskutimeve të sotme në mes të LDK dhe LVV janë të pavërteta. LDK, në mirëbesim dhe me vullnet për të arritur marrëveshje, i ka paraqitur ofertën LVV-së për bashkëqeverisje”, thuhet në njoftimin e LDK’së.

Ky është reagimi i parë zyrtar që nga përfundimi i takimit të sotëm mes Kurtit e Mustafës. Pasditen e sotme dy liderët, ndryshe nga herët e tjera, refuzuan të proncohen për mediat./abcnews.al

kk.jpg
in a15:08 | 07/01/2020

Lojëra të këqija politike i quan zhvillimet e fundit nga të gjitha partitë politike politologu Ramush Tahiri. Sipas tij janë duke vepruar në atë mënyrë që të përfitojë ndonjë parti e caktuar në rast se vendi shkon sërish në zgjedhje.

Ai shprehet se e vetmja që e pëson në këtë rast është Kosova.

“Vendi duhet të shkojë nga një qeveri gjithpërfshirëse”, u shpreh politologu Ramush Tahiri.

Secili në teori konspirative po llogarit që ka dicka tjetër që fshihet që ndoshta ka frikë nga udhëheqja e qeverisë. Apo të shkohet nga një qeveri gjithpërfshirëse që t ëbëhen reformat dhe të kryhen punët e mbetura përgjysmë në integrime evropiane dhe bisedimet me Serbinë.

Edhe njohësi i çështjeve politike Milazim Krasniqi vlerëson se problemet ndërmjet LVV-së dhe LDK-së janë më të mëdha ndërsa çështja e presidentit është vetëm pretekst.

Sipas tij këtu bëhet fjalë për mungesë besimi dhe guximi për të marrë përgjegjësi.

“Çështja e presidentit është vetëm një pretekst”, tha njohësi i çështjeve politike, Milazim Krasniqi

Megjithatë Tahiri thotë se presidenti ka disa mënyra për të zgjidhur këtë bllokadë.

“Presidenti ka mundësinë ti drejtohet me letër Kuvnedit dhe të kërkojë zgjidhje”, theksoi politologu Ramush Tahiri.

Presidenti ka një mundësi edhe tash ti drejtohet me një letër Kuvendit dhe të kërkoj zgjidhje. Kuvendi mund të vlerësoj dhe të shpërndaj vetveten nëse nuk gjen zgjidhje. Presidenti e ka këtë të drejtë që në letrën që ia drejton Kuvendit ti spjegojë procedurat dhe të ofrojë zgjidhje ndër to të kërkojë qeveri gjithpërfshirëse.

Lidhja Demokratike e Kosovës dhe Lëvizja Vetëvendosje po synojnë të bashkëqeverisin me vendin pas zgjedhjeve të 6 tetorit, por ndonëse kanë kaluar më shumë se tre muaj nga zgjedhjet këto dy parti ende nuk kanë gjetur një formulë të përbashkët për të arritur këtë marrëveshje.

mustafa-kurti-2.jpg
ger ta20:40 | 06/01/2020

Lidhja Demokratike e Kosovës (LDK) i është përgjigjur kërkesës së Albin Kurtit për të arritur sa më shpejt një marrëveshje, për formimin e qeverisë dhe institucioneve të tjera të Kosovës.

Përmes një njoftimi pas mbledhjes së Kryesisë, LDK bën me dije se është në interesin e vendit që të implementohet sa më shpejt rezultati i zgjedhjeve, dhe të formohen institucionet. Sipas kësaj partie, Vetëvendosja meqë ka dalë e para në zgjedhje i takon pёrgjegjёsia pёr tё themeluar instuitucionet.

Ndërkaq, LDK e Isa Mustafës ka dhe një kusht për bisedimet. Kushti i LDK mbetet balancimi i pushtetit dhe marrja e përgjegjësive të përbashkëta, të cilat janë sipas tyre jetike pёr funksionimin e koalicionit tё mundshёm, si dhe pёr funksionimin demokratik tё institucioneve.

Pasditen e sotme kreu i VV, Albin Kurti takoi presidentin Hashim Thaçi. Në një takim që zgjati vetëm katër minuta, Kurti nuk u mandatua si kryeministër, ndërsa nga ana tjetër Thaçi i la një afat kohor prej 48 orësh për emrin e kryeministrit të vendit.

Deklarata e LDK:

Kryesia e Lidhjes Demokratike tё Kosovёs, nё mbledhjen e mbajtur sot, trajtoi situatёn pas Konstituimit tё Kuvendit tё Kosovёs.

LDK-ja vlerёson se ёshtё nё interesin mё tё mirё tё vendit implementimi i rezultatit tё zgjedhjeve tё 6 tetorit 2019 dhe krijimi i intstitucioneve.

LDK-ja konsideron se partisё qё ka dalё e para i takon pёrgjegjёsia pёr tё themeluar instuitucionet.

LDK-ja, edhe njё herё shpreh gatishmёrinё qё tё vijojё bisedimet me Lёvizjen Vetёvendosje, mbi bazёn e mirёbesimit dhe tё partneritetit.

LDK-ja vlerёson se pushtetet e balancuara dhe pёrgjegjёsitё e pёrbashkёta janё jetike pёr funksionimin e koalicionit tё mundshёm, si dhe pёr funksionimin demokratik tё institucioneve.

LDK-ja fton Lёvizjen Vetёvendosje qё tё reflektojё mbi bazёn e kёtij parimi, nё bazё tё tё cilit edhe ёshtё ndёrtuar qёndrimi i LDK-sё lidhur ndarjen e pushteteve dhe balancin ndёrmjet tyre./abcnews.al

mustafa-kurti-2.jpg
nev ila17:16 | 29/12/2019

Kreu i Vetëvendosjes, Albin Kurti deklaroi se nuk është presidenti ai që i cakton datën e formimit të Qeverisë, por Lidhja Demokratike e Kosovës. Por kreu i LDK-së, Isa Mustafa u përgjigj menjëherë duke thënë se LDK nuk cakton data dhe se datat i cakton subjekti që del i pari në zgjedhje, ai që e merr mandatin për formimin e Qeverisë.

Lideri i Lëvizjes Vetëvendosje, Albin Kurti, tha të dielën se datën për formimin e Qeverisë e përcakton Lidhja Demokratike të Kosovës (LDK), dhe jo presidenti i vendit, Hashim Thaçi.

Por kreu i LDK-së, Isa Mustafa reagoi menjëherë në një postim në rrjetin social Facebook, duke thënë se LDK-ja nuk e cakton datën e formimit të Qeverisë, por është Vetëvendosje ajo e cila është fituese e zgjedhjeve dhe përgjegjësia i takon VV-së që të formojë Qeverinë.

Mustafa tha se Lidhja Demokratike e Kosovës është angazhuar për marrëveshje për bashkëqeverisje me LVV mbi bazën e rezultateve zgjedhore të datës 6 tetor, të çertifikuara nga KQZ. LVV të cilën ai e quajti fitues relative, ka 29 deputetë dhe LDK, parti e dytë, me 28 deputetë. Mustafa tha se nga zgjedhjet nuk ka fitues absolute dhe kërkoi që VV të heq dorë nga diskursi se i ka dhënë diçka LDK-së.

“Lirisht mund ta themelojë qeverinë në qoftë se kanë votë të qytetarëve dhe mandate për ta bërë atë….LDK nuk cakton data. Datat i cakton subjekti që del i pari në zgjedhe, ai që e merr mandatin për formimin e Qeverisë. Por, LDK insiston që sa më parë të kemi formim të institucioneve dhe kjo nuk do të thotë se LDK domosdoshmërisht do të bëhet pjesë e qeverisë. Është obligim i fituesit të zgjedhjeve që të shmang vonesat dhe t’i eliminojë pengesat për formimin e institucioneve. Ne bëmë punën tonë, zhbllokuam procesin, përkundër që s’kishim marrëveshje e as njoftim se VV do të procedojë me Kryetarin e Kuvendit.

Mustafa tha gjithashtu se LDK nuk ka refuzuar por ka vlerësuar se duhet ti takojë Kryeparlamentari me marrëveshje.

“Caktimi i mandatarit, marrja e manatit për Kryeministër dhe gjetja e zgjidhjes për formimin e qeverisë, në këtë fazë, është detyrim i subjektit që renditet i pari në zgjedhje”, tha ai./abcnews.al

albin-kurti-zgjedhje.jpg
ger ta20:19 | 26/12/2019

Lëvizja Vetëvendosje ka komentuar votimin e kryesisë së Kuvendit.

VV uron deputetët e rinj për marrjen detyrës së re dhe kërkon që ata të jenë në shërbim të qytetarëve, por nga ana tjetër sulmon Lidhjen Demokratike të Kosovës.

Po ashtu VV thotë se tani në krye të legjislativit qëndron një njeri i ditur, i pakorruptuar, me integritet të lartë moral e kombëtar, duke iu referuar Glauk Konjufcës.

Në këtë komunikatë flitet edhe për dështimin e lidhjes së koalicionit me LDK’në.

“Pavarësisht dëshirës dhe përpjekjeve tona, erdhëm në këtë seancë pa koalicion. Ne kemi kërkuar marrëveshje të drejtë e shpërndarje proporcionale të përgjegjësive, por pala tjetër po këmbëngul që ose të marrin më shumë se ç’u takon, ose asgjë. Të dyja këto mundësi janë zhgënjyese. Shumë më lehtë e shpejt janë lidhur në të shkuarën marrëveshje që i kanë sjellë dëm Kosovës, por e paskan shumë të vështirë të lidhin marrëveshje me subjektin e vetëm të pakorruptuar, që ka vullnet e plan të luftojë varfërinë e korrupsionin”

Deklarata e plotë:

Një kryesi ndryshe nga të shkuarat

Në kohën rekord prej 60 minutash, qysh në mbledhjen e parë të deputetëve të rinj, u konstituua Kuvendi i Republikës së Kosovës, për legjislaturën e shtatë. Pa vonesa e pa lojëra.

Seanca u hap nën drejtimin e deputetit më të moshuar të Kuvendit, Jahja Kokës, me ndihmën e deputetes më të re në moshë, Fjolla Ujkanit. Të dy nga radhët e Lëvizjes VETËVENDOSJE! Përfaqësimi i të gjitha moshave, gjinive, profesioneve e prejardhjeve, së bashku në Lëvizjen VETËVENDOSJE! gjeti simbolikë shembullore te Jahja Koka e Fjolla Ujkani. Nën drejtimin e prof. Koka u vijua sipas procedurave me betimin e deputetëve dhe zgjedhjen e kryesisë.

Betimi i deputetëve të Lëvizjes VETËVENDOSJE! si përherë u bë para ligjit e popullit të Kosovës, si edhe para flamurit tonë kombëtar, i cili gjithnjë na prin kah e mbara.

Pas betimit, subjekti fitues, Lëvizja VETËVENDOSJE! përmes kryetarit të saj Albin Kurtit, propozoi kandidatin për kryetar të Kuvendit, Glauk Konjufcën. Kjo pozitë, sipas vendimit të Gjykatës Kushtetuese të vitit 2014, i takon subjektit fitues. Dhe Glauk Konjufca, nga Lëvizja VETËVENDOSJE! u votua me 75 vota në krye të Kuvendit të Republikës. Me këtë rast Lëvizja dëshiron t’i urojë anëtarët e simpatizantët e saj, por edhe popullin e Kosovës. Në krye të legjislativit tashmë qëndron një njeri i ditur, i pakorruptuar, me integritet të lartë moral e kombëtar.

Më pas u propozuan nga grupet parlamentare edhe nënkryetarët e Kuvendit, ku nga radhët e Lëvizjes kryetari Kurti propozoi deputeten Arbërie Nagavcin. Edhe ky propozim u votua.

I urojmë aktivistët Glauk Konjufca e Arbërie Nagavci për pozitën e re, ku jemi të sigurt se do të na përfaqësojnë ndershëm e mirë, me kulturë e zbatim të ligjit, duke respektuar qytetarët, mediat, opozitën dhe gjithë deputetët, ndryshe nga ç’ka ndodhur më parë.

Pavarësisht dëshirës dhe përpjekjeve tona, erdhëm në këtë seancë pa koalicion. Ne kemi kërkuar marrëveshje të drejtë e shpërndarje proporcionale të përgjegjësive, por pala tjetër po këmbëngul që ose të marrin më shumë se ç’u takon, ose asgjë. Të dyja këto mundësi janë zhgënjyese. Shumë më lehtë e shpejt janë lidhur në të shkuarën marrëveshje që i kanë sjellë dëm Kosovës, por e paskan shumë të vështirë të lidhin marrëveshje me subjektin e vetëm të pakorruptuar, që ka vullnet e plan të luftojë varfërinë e korrupsionin.

Situata po ndryshon, me kalimin e kohës dhe afateve kushtetuese, megjithatë Lëvizja VETËVENDOSJE! vazhdimisht do të kërkojë bashkëpunim në të mirë të Kosovës.

Urime edhe një herë deputetëve për fillimin e Legjislaturës VII. Qoftë kjo legjislatura që e prodhon ndryshimin, sepse qytetarët kanë votuar për ndryshim rrënjësor, s’kanë kohë për të humbur e durim për të pritur.

mustafa-2.jpg
in a14:01 | 26/12/2019

Lideri i LDK-së Isa Mustafa tha para mbledhjes së konstituimit të parlamentit të ri të Kosovës se janë të gatshëm të votojnë kandidatin e VV-së për kryetar kuvendi dhe qeverinë e Vetëvendosjes pa LDK, nëse partia e Albin Kurtit nuk është e gatshme të bashkëpunojë me ta. Mustafa theksoi se për LDK-në, ka dy alternative, një në pushtet dhe një në opozitë.

““LDK është e gatshme që të votojë me 28 deputetë për institucione të reja, kryetarin e kuvendit dhe Qeverinë pa LDK, nëse nuk janë të gatshëm që të bashkëqeverisin me ne. Jemi shumë të interesuar që çështja e qeverisë dhe e institucioneve të zgjidhet. Nëse ne tërhiqemi nga përgjegjësitë qëndrojmë si parti opozitare, sepse parti ndërmjetëse në Kuvend nuk ka”, tha Mustafa./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono