lartë

47319588_303.jpg
ad min15:10 | 09/06/2019

Gjermania i ka bërë thirrje klasës politike shqiptare që të pranojë vendimin e presidentit Meta për anulimin e datës së zgjedhjeve lokale. Përmes një deklarate, ligjvënësit gjermanë kanë deklaruar se më parë duhet të ndodhë pajtimi ndërpartiak dhe më pas të shkohet në procesin zgjedhor.

Nënkryetari i grupit parlamentar të Unionit Kristiandemokrat dhe Kristiansocialist në Parlamentin gjerman, Johan David Vadephul i ka sugjeruar klasës politike shqiptare që të pranojë vendimin e presidentit për shtyrjen e zgjedhjeve.

Vadephul: “Pas këtij vendimi të presidentit ekziston një situatë e re politike. Të gjitha palët tani duhet të kërkojnë rrugën e pajtimit. Kjo presupozon që të gjithë ta pranojnë vendimin e presidentit dhe pastaj të marrin pjesë në garën politike”.

Sipas Vadephul, çdo lëvizje tjetër do të ishte anti-europiane dhe do të forconte dyshimet mbi procesin e integrimit. Ndërsa me pranimin e vendimit të presidentit krijohet një bazë e re për një bashkjetesë paqësore mes rivalëve politikë.

Vadephul:Në Europë çdo qeveri duhet të pranojë një opozitë kritike dhe çdo opozitë një qeveri efikase. Ky është një aspekt kyç për një shtet të qëndrueshëm dhe demokratik”.

Vadephul ka shtuar se, nëse Shqipëria dëshiron të përshkojë këtë rrugë për të arritur Europën, atëherë Gjermania do ta mbështesë. Vendimi i presidentit Ilir Meta, ditën e shtunë, erdhi pas një vizite në Berlin ku zhvilloi takime me deputetë të shumtë të Bundestagut, mes të cilëve zotin Vadephul. /ABC news Albania 24/7

deputeti-maqedoni-1280x711.jpg
ad min21:00 | 23/05/2019

Publikimi i disa përgjimeve ka gjunjëzuar kreun e Komisionit Parlamentar të Mandateve në Maqedoninë e Veriut. I ndodhur përpara një skandali droge, Pavle Bogoevski ka dhënë dorëheqjen para se komisioni që drejtonte të vendoste heqjen e mandatit.

Përgjimet e publikuara në rrjetet sociale ku dëgjohet se si deputeti Pavle Bogoevski porosit lëndë narkotike, e detyruan që të jep dorëheqje. Ashtu siç pritej, që në fillim të seancës së Komisionit për çështje të mandatit dhe të imunitetit u kërkua që Pavle Bogoevski mos ta udhëheq seancën. Deputetja Nevenka Stamenkovska madje kërkoi që të ndryshohet edhe rendi i ditës, dhe përveç marrjes së mandatit të Gruevskit, të vendoset edhe pika për përgjegjësinë etike të Pavle Bogoevskit.

Nevenka Stamenkovska, deputete e VMRO DPMNE-së: “I propozojmë Komisionit për çështje të mandatit dhe imunitetit e cila është kompetente për të verifikuar veprime që shkelin kodeksin, rendin e ditës ta plotësojë me pikë të re e cila do të jetë e para, e ajo është, verifikimi i shkeljes së Kodeksit për sjellje etike të Deputeteve të Republikës së Maqedonisë nga ana e deputetit Pavle Bogoevski dhe shqiptimin e masave për shkelje që janë të parapa në suaza të kodeksit”.

E deputeti Bogoevski nuk lejoi as të votohet ndryshimi i rendit të ditës, por doli dhe dha dorëheqje. Dorëheqja e tij do të zyrtarizohet menjëherë pasi të kryhet votimi në seancë plenare për marrjen e mandatit të Nikolla Gruevskit, paralajmëroi Bogoevski. Në fjalimin e tij, u drejtua edhe deputeteve të VMRO DPMNE-së

Pavle Bogoevski, deputet i pavarur:  “Nga ky moment e më tutje, më nuk ekziston pyetja se a ka legjitimitet Pavle Bogoevski ta udhëheq komisionin që do t’ia merr mandatin Nikolla Gruevskit, ose a duhet që Pavle Bogoevski të vazhdoj të jetë deputet… Tani lind pyetja se a do të tregojnë deputetet e VMRO DPMNE-së, qoftë edhe pak nga etika dhe morali që në mënyrë arrogante e tregonin këto javë dhe a do ta mbrojnë kriminelin në ikje Nikolla Gruevskin apo do t’ia marrin mandatin!? Mos ta gënjejmë veten… Nëse në Kuvend nuk ka vend për një njeri që e ka shkel ligjin që të blej vaj nga kanabisi për një familjar të sëmurë, sigurisht nuk ka vend për deputet që i përdor paratë e qytetarëve për të paguar hotelin derisa po ik nga drejtësia e Maqedonisë”.

E deputeti i VMRO DPMNE-së, Dimitar Stevananxhija ia dha dorën Bogoevskit, por kolegët e tij nuk e morën as guximin të dalin në foltoren e Kuvendit. E thirrën pres konferencën në parti, ku foli zëdhënësi.

Naum Stoilkovski, zëdhënës i VMRO-DPMNE-së:  “I mbajtët 30 pres konferenca për etikën dhe moralin e Pavle Bogoevskit, e ku është tani etika dhe morali… Po e mbroni Gruevskin që është i akuzuar në dhjetëra raste…? Bëhet fjalë për përndjekje politike… Cila pjesë nga përndjekja politike nuk është i qartë për ju?”

Mbrëmë, deputeti Emil Dimitriev u pyet nga gazetarët se a do të votonte personalisht për marrjen e mandatit të Gruevskit… Tha se nuk mund ti merr dikujt diçka që nuk ia ka dhënë. Menjëherë pas dorëheqjes së Bogoevskit, deputetja Frosina Remenski, kërkoi dorëheqje nga Trajko Veljanovski, i cili është i akuzuar për organizimin e 27 prillit./ABC News Albania 24/7

lufte-1280x861.jpg
ad min22:15 | 21/05/2019

Rreziku që bota të përjetojë një luftë bërthamore aktualisht është në nivelet më të larta që prej Luftës së Dytë Botërore. Kështu thotë një studim i Kombeve të Bashkuara, që u bën thirrje fuqive të mëdha që ta marrin seriozisht problemin.

Rreziku i përdorimit të armëve bërthamore aktualisht është në nivelin më të lartë që prej Luftës së Dytë Botërore. Kështu ka deklaruar një eksperte e OKB-së për sigurinë, duke e cilësuar problemin një çështje urgjente që bota duhet ta marrë më shumë seriozisht.

Renata Duejn, drejtoreshë e Institutit të OKB për Kërkimet e Çarmatimit ka deklaruar se të gjitha shtetet e pajisura me armë bërthamore kanë hartuar programe modernizimi dhe korniza e kontrollit të armëve po ndryshon, pjesërisht për shkak të rivalitetit strategjik mes Kinës dhe Shteteve të Bashkuara.

Gjithashtu, marrëveshjet tradicionale për kontrollin e armëve po çrrënjosen për shkak të emergjencës që rrjedh nga lloje të reja luftërash, si ato mes grupeve të armatosura, njësive ushtarake private dhe teknologjisë, që po eliminojnë vijën ndarëse mes sulmit dhe mbrojtjes. “Mendoj se do të ishte e mençur të pranonim se risqet për një luftë bërthamore në këto momente janë jashtëzakonisht të larta, më të larta që prej Luftës së Dytë Botërore”, deklaroi ekspertja e OKB-së për gazetarët në Gjenevë.

Aktualisht, 122 vende të botës kanë nënshkruar traktatin që ndalon armët bërthamore, traktat që ka arritur vetëm 23 nga 50 ratifikimet e nevojshme që ai të hyjë në fuqi. Mes vendeve që kanë bërë ratifikimin janë Afrika e Jugut, Austria, Tajlanda, Vietnami dhe Meksika, ndërsa ato që e kanë kundërshtuar janë Shtetet e Bashkuara, Rusia dhe vende të tjera të pajisura me armë bërthamore./ABC News Albania 24/7

palmer-1-1280x734.jpg
ent ela19:44 | 07/04/2019

Këtë fillim javë pritet të mbërrijë në Tiranë zëvendës ndihmës sekretari amerikan i shtetit, për çështjet e Evropës dhe Euroazise, Mathew Palmer, në përpjekje për të zgjidhur situatën e krijuar pas fillimit të protestave nga opozita dhe djegien e mandateve parlamentare.

Ai do të zhvillojë një tur në gjithë rajonin e Ballkanit. Gjatë vizitës së tij në Shqipëri Palmer do të zhvillojë takime me zyrtarët më të lartë politik në vend, si kreu i shtetit Ilir Meta, Kryeministrin Rama si dhe me drejtues të opozitës së bashkuar.  Vizita e Mathew Palmer u parapri nga ajo e Jonathan Moore, Zëvendës Ndihmës Sekretar i Përgjithshëm për Organizatat Ndërkombëtare në Departamentin Amerikan të Shtetit. Por nga takimet e këtij të fundit, të vetmet të publikuara ishin ai me ish-kryeministrin Sali Berisha dhe ai me deputeten Rudina Hajdari, e cila refuzoi vendimin politik të opozitës për djegie mandati./abcnews.al

SHTYLLA-TRITOLI-1280x730.jpg
ent ela15:05 | 18/03/2019

Një shtylle të tensionit të lartë i është vendosur tritol në Fushë-Krujë. Për pasojë njëra këmbë e saj është dëmtuar. Ky është një rast i përsëritur dhe policia ende nuk ka të dhëna për autorët e të dyja ngjarjeve.

Një sasi tritoli ka shpërthyer në një shtyllë të tensionit të lartë në fshatin Krastë të Fushë-Krujës. Ngjarja ka ndodhur në një nga shtyllat pranë fabrikës së çimentos e për pasojë njëra këmbë është dëmtuar.

Ende nuk dihen autorët e kësaj ngjarjeje, por kjo nuk është hera e parë që kësaj shtylle të linjave Tiranë-Podgoricë dhe Tirane-Prizren, i vendoset tritol.

Policia njoftoi se për këtë rast është ngritur grupi hetimor dhe po punon për zbardhjen e saj. Ndërkohë ministrja e Shtetit për Marrëdhëniet me Parlamentin, zëdhënëse e qeverisë, Elisa Spiropali, reagoi për këtë ngjarje në Twitter.

Vesi del me shpirtin! Goditet me tritol linja e transmetimit 400 KW në Laç dhe pas 30 vjetësh kapituj sherresh e rrëmujash të nxitura nga e njëjta dorë, dihet kush u bie shtyllave nga tërbimi i dëshpërimit”, shkruan Spiropali në postimin e saj.

Dyshohet se tritoli është vendosur para tre ditësh. Shtylla e tensionit të lartë ndodhet në një zonë malore, larg banesave.

Gazetar: Ahmet Zani

aksident-2-1280x718.jpg
ent ela17:30 | 21/02/2019

Organizata Boterore e Shëndetesisë e rendit vendin tonë ndër shtetet me nivel të lartë vdekjesh në aksidentet rrugore. Vetëm në muajin janar sipas Institutit të Statistikave 15 persona humbën jetën në rrugë. Numri më i lartë i aksidenteve në këtë periudhë është kryer nga grupmoshat 25 deri ne 35 vjeç.

Rrugët në Shqipëri vrasin më tepër se në shumë shtete europiane. Vetëm gjatë muajit janar 15 persona kanë humbur jetën në aksidentet rrugore nga 13 që ishin të njëjtën periudhë të një viti më parë.   Të dhënat raportohen nga Instituti i Statistikave sipas te cilit muajin e parë të vitit u shënuan gjithsej 104 aksidente rreth 30 me pak se janarin e 2018.  Shkaku kryesor i tyre në 86.5%  të rasteve është sjellja e drejtuesit të mjetit. Numri më i lartë i aksidenteve në këtë periudhe është kryer nga grupmoshat 25 deri ne 35 vjeç.  Instituti i Statistikave vëren një rritje me 30.4% te aksidenteve rrugore shkaktuar nga kjo grupmosh karahasuar me të njëjtën periudhe të një viti më parë. Shqipëria renditet nga Organizata Botërore e Shëndetësisë ndër  vendet me nivel të lartë të vdekjeve nga aksidentet rrugore në Europë, 13.7 vdekje për 100 mijë banorë. Raporti i fundit thekson se rrugët me vdekjeprurëse i ka Rusia me 18 vdekje për 100 mijë banorë, ndërsa rrugët me të sigurta janë në Norvegji dhe Zvicër përkatësisht 2.7 dhe 2.8 vdekje për 100 mijë banorë. Përdoruesit e rrugës në këto vende kanë 5 herë më pak të ngjarë që të vriten në një aksident rrugor se në Shqipëri dhe 7 herë më pak se në Rusi./abcnews.al

ss-1280x696.jpg
ent ela19:43 | 20/02/2019

Numri i prekurve nga gripi në vendin tonë ka shkuar në 379 persona. 87% e tyre, sipas Institutit të Shëndetit Publik, rezultojnë të prekur nga virusi i gripit të derrit. Mjekët thonë se pacientët kërkojnë ndihmën e tyre kur gjendja shëndetësore është rënduar.

Shqipëria renditet nga Organizata Botërore e Shëndetësisë ndër shtetet me intensitet të lartë të gripit në qarkullim ndërsa Instituti i Shëndetit Publik konfirmon 379 persona të prekur nga virusi i tipit A. 87% të rasteve rezultojnë me nëntipin A/H1 dhe 9.7% me A/H3.  Mjekët e Shërbimit Infektiv në Qendrën Spitalore Universitare “Nënë Tereza” tregojnë se një pjesë e pacientëve kërkojnë ndihmën e tyre kur gjendja shëndetësore është komplikuar.

Pacientët në gjendje më të rëndë janë shtruar në spital. Të sëmurë me grip nuk po trajtohen vetëm në shërbimin infektiv. Mjekët tregojnë se po trajtojnë dhe pacientë në shërbime të tjera të Qendrës Spitalore “Nënë Tereza” ku sëmundja për të cilën janë shtruar në spital është komplikuar për shkak të virusit të gripit.  Në këtë situatë bluzat e bardha i bëjnë apel qytetarëve për kujdes të shtuar, shmangie të kontaktit të tepërt me personat e sëmurë dhe kryerjen e  vaksinës kundër gripit./abcnews.al

ardi-veliu-1280x715.jpg
ent ela15:18 | 26/01/2019

Disa drejtues te Policise se Shtetit, mes tyre Drejtori i Pergjithshem Ardi Veliu morën pjesë në analizën vjetore të Policisë së Shkodrës. Asnjë prej tyre nuk foli për gazetarët që prisnin jashtë, por mësohet se brenda është folur ashpër për ngjarjet e rënda që trondinën qytetin gjatë vitit 2018.

Drejtuesit e lartë të Policisë së Shtetit dolën pa zë nga Shkodra. I konsideruar “Palermo” për shkak të krimeve të rënda, asnjë nga të dërguarit e Tiranës nuk pranoi të flasë me gazetarët në përfundimin të analizës në Policinë e Shkodrës.

Drejtori i Përgjithshëm i Policisë së Shtetit Ardi Veliu i gjendur përballë interesit të shumtë të gazetarëve për zbulimin e këtyre ngjarjeve kriminale nuk ka pranuar që të japë asnjë prononcim, pasi sipas tij ishte i papërgatitur për të dhënë një sqarim për mediat.

Ardi Veliu: “Në këtë analizë vjetore janë diskutuar problematikat dhe situatat. Ne nuk diskutuam që unë do bëja një prononcim publik. Më mirëkuptoni, unë erdha për analizat”.  

Burime të policisë i thanë “ABC neës” se gjatë analizës janë bërë shumë kritika, por rezultatet kanë treguar se në Shkodër ende nuk ka shenja për rend dhe siguri.

Drejtori i Policisë lokale Vehbi Bushati u ka kërkuar vartësve më tepër punë. Në tre orë analizë është folur shumë për zbulimin e vrasjeve që tronditën qytetin vitin e kaluar, duke filluar nga Arhan e Fatos Ferracaku, Boran e Silva Ndoci, dajë e nip të zhdukur./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono