largimi

424670.jpg
nev ila17:39 | 17/11/2019
Padyshim që ardhja e saj në Zonë e Lirë ishte e bujshme dhe shumë e frytshme. Kjo pasi ndryshe nga gjitha Sofitë e tjera që nuk arritën dot ta mbajnë gjatë sfidën, Xheni Brahaj arriti të qëndronte në Zonë e Lirë, aq sa të merrte gjithçka i duhej.

Deri këtë të premte!

Mjaftoi që fytyra e saj të mos ishte në ekran këtë fundjavë, për të mbushur portalet dhe për të bërë xhiron e rrjetit.

Arsyet që qarkulluan në rrjet për largimin e Xhenit ishin sigurisht (siç ndodh) të ndryshme, por për gazetaren e Albeu.com Oliverda Allmuça , Xheni ka vendosur ta tregojë vetë gjithë situatën.

Ajo sqaron hapur se nuk ka vend për të hamendësuar gjëra që nuk janë, kur realiteti është i thjeshtë:

“Emisioni Zonë e Lirë ka qenë një nga shkallet e para të karrierës time. Tani jam shkëputur sepse synimet e mia janë në rritje. Hoqa dorë sepse tashmë dua të shfaqem ndryshe në sytë e publikut, jo vetëm si një velinë e bukur” -shprehet ajo.

Përsa i përket fjalëve se ka pasur konflikte me stafin e Zonë e Lirë, përfshirë këtu moderatorin Çani, ajo i ka hedhur poshtë dhe ka treguar se ka marrëdhënie shumë të mira me stafin, marrëdhënie të cilat i ruan akoma shumë miqësisht edhe pas ikjes.

Sigurisht fama që Xheni mori nuk ishte e pakët dhe pyetjes sesi e përballoi famën, ajo i është përgjigjur duke treguar se nuk ka pasur probleme, përkundrazi është një njeri shumë i thjeshtë në përditshmërinë e saj.

Por a do ta shohim Xhenin diku së shpejti? Për këtë bukuroshja ka vendosur të jetë pak e rezervuar dhe ka deklaruar se po, do të ketë disa projekte të reja por të cilat siç edhe kuptohet preferon t’i mbajë momentalisht surprizë.

E sigurt është që do vijnë gjëra të bukura, se kur ne i presim me padurim! /albeu.com/

RENZI-LARGIMI.mpg_snapshot_00.04-1280x720.jpg
ent ela11:00 | 17/09/2019

Ish kryeministri Italian Mateo  Renzi zyrtarizoi largimin e tij nga Partia Demokratike duke theksuar se do të vazhdojë të mbështesë qeverinë. Kjo sipas dhe pse Di Maio është një figurë politike që nuk bind.

Me anë të një interviste për mediat italiane, ish kryeministri Mateo Renci zyrtarizoi largimin e tij nga partia demokratike. Një ditë më parë ai i telefonoi kryeministrit Konte për ti premtuar atij se do e mbështeste plotësisht qeverinë. Ish lideri demokrat shpjegoi se aktualisht Partia Demokratike është një bashkësi rrymash të ndryshme dhe nuk është në gjendje për tu përballur as me sulmet e Salvinit dhe as me një bashkëjetesë të vështirë me lëvizjen me pesë yje.

Renci shtoi se janë rreth 30 deputetët që do e ndjekin pas në krijimin e një partie të re, dhe pse numri do të rritet në vazhdimësi. Një nga arsyet e këtij vendimi sipas tij është beteja me liderin e Legës Salvini, një betejë që ai ka ndërmend ta vazhdojë në muajt e ardhshëm. Renci theksoi se tashmë Brenda partisë së tij nuk do të ketë mundësi askush të thotë që nuk gjendet një marrëveshje pasi disa mbështesin Rencin dhe tëtjerët janë kundër tij. Pra largimi I tij është një e mirë dhe për vetë partinë sipas ish kryeministrit.

Një nga objektivat e tij mbetet shkatërrimi I populizmit të keq, dhe pikërisht krijimi I koalicionit qeverisës ishte një goditje e fortë pasi Salvini doli në minorancë. Duke këmbëngulur se do të presë përfundimin e mandatit qeverisës aktual për të shkuar në zgjedhje, Renci u shpreh se Di Maio nuk e bind si figurë politike.

Dhe pse nuk e tha emrin e partisë së Re, Renci premtoi se do të ishte një parti tradicionale dhe feminist me shumë gra në nivel drejtues. /ABC News Albania 24/7

12-10-770x470.jpg
nev ila17:15 | 13/08/2019

Skuadra e Kukësit ka njoftuar largimin e Ylli Shametit pas 6 sezoneve me  verilindorët. Nënkampionët e Shqipërisë kanë ndryshuar organikën e sezonit të kaluar

Aventura e Ylli Shametit me Kukësin ka përfunduar. Një largim i cili nuk pritej në radhët e veri lindorëve por tashmë është fakt dhe beniamini i tifozëve kuksian nuk është më pjesë e nënkampionëve të Shqipërisë. Skuadra e Kukësit ka njoftuar largimin e Shametit dhe e falënderon për kontributin e dhënë për 6 sezone me radhë.

“Futboll Klub Kukësi falenderon Ylli Shametin për kontributin e dhënë me fanellën tonë. Gjatë 6 viteve me skuadrën kuksiane, ku shumicën e kohës si kapiten, qendërmbrojtësi ka qenë një nga futbollistët më profesionist në historinë e Klubit, si brenda ashtu dhe jashtë fushës së blertë.

35-vjeçari me skuadrën tonë arriti të fitonte Titullin Kampion, 2 herë Kupën e Shqipërisë si dhe Superkupën. Në arenën ndërkombëtare ka luajtur rol kyç, pasi ka ndihmuar ekipin në kualifikimet europiane.Me klasin dhe karakterin e tij prej lideri, ai i ka dhënë gjithmonë motiv bashkëlojtarëve, duke e çuar ekipin drejt sukseseve.

‘Mbreti’ i topave në ajër, por edhe shpesh herë autor golash, gjirokastriti do të jetë gjithmonë në zemrat dhe mëndjet e kuksianëve. Një profesionist si Ylli Shameti do ta ketë gjithmonë derën e Klubit hapur, edhe si pjesë e stafit teknik”.

Tashmë mbetet të shihet nëse Kukësi do të nënshkruajë me një pasues të Shametit apo do të përshtasë lojtarët që ka në dispozicion për të mbuluar rolin e 35 vjeçarit. /ABC News Albania 24/7

 

 

selia-PD-1280x713.jpg
nev ila19:16 | 05/08/2019

 

Ndryshe nga sa kërkon presidenti  Ilir Meta, partia më e madhe opozitare nuk do të regjistrohet në zgjedhjet e 13 tetorit. Sakrificat presidenciale për të caktuar një datë të re në kulmin e krizës politike, nuk do të përdoren nga Partia Demokratike, e cila kërkon paraprakisht largimin e Kryeministrit Edi Rama.

Partia Demokratike nuk i përgjigjet thirrjes së Presidentit Meta për tu regjistruar në zgjedhjet e 13 tetorit. Ndryshe nga aleatët e saj, ajo nuk i drejtohet me kërkesë KQZ-së, edhe pse nënkryetari Edi Paloka shpjegon se 13 tetori është data kushtetuese dhe PD e njeh dekretin e Metës.

“Për ne dekreti i presidentit është i detyrueshëm për t’u zbatuar nga institucionet, pjesëmarrja apo jo e PD lidhet me rrethana te tjera. Për ne nuk është e rëndësishme data e zgjedhjeve, për ne të rëndësishme janë standardet”, tha Paloka.

Pikërisht tek standartet, vihet re diferenca tjetër e PD-së, si ndaj LSI-së, ashtu edhe ndaj Presidentit. Demokratët kanë kusht të panegociueshëm largimin e kryeministrit Edi Rama.

“Pozicioni i PD nuk ka ndryshuar ne asgjë, dhe as i opozitës ne përgjithësi. Sot kërkesa per largimin e Edi Ramës nuk është me vetëm e PD dhe e opozitës, janë mbi 85% e shqiptareve qe kërkojnë largimin e Ramës. Rama si kryeministër nuk mund te ulet ne tavoline me PD dhe me opozitën”, deklaroi Paloka.

Edhe pse vetë nuk do të marrë pjesë në zgjedhje, PD nuk i kursen akuzat ndaj shumicës së KQZ-së, të cilës i kërkon të organizojnë zgjedhjet në 13 tetor, ku do të marrin pjesë aleatët e saj.

“Kryetari i Komisionit Qendror të Zgjedhjeve në bazë të kërkesës së disa partive për pjesëmarrje në zgjedhje kërkoi të zhvillonte mbledhjen e KQZ. Dhe cila ishte përgjigja e Denar Bibave? Përgjigja ishte ajo e Edi Rames, që ne jemi në plazh. Dmth jo vetëm nuk zbatohet ligji dhe kushtetuta, por sfidohet me arrogancë dhe cinizëm”, tha Paloka.

PD dogji mandatet në muajin shkurt dhe prej 6 muajsh është jashtë çdo institucioni duke vendosur kusht largimin e kryeministrit, si dhe organizimin e zgjedhjeve të parakohshme nga një qeveri tranzitore./ABC News Albania 24/7

dritan-1280x703.jpg
ad min21:30 | 02/07/2019

Anëtari i Këshillit Kombëtar të PD-së Dritan Shano i ftuar në “Provokacija” është shprehur se nga vendi kanë ikur pjesa më e mirë e shoqërisë dhe sipas tij këtu kanë mbetur më çyrykët.

Mustafa Nano: Këtu ekziston një ide që pjesa më e mirë e Shqipërisë e ka lënë këtë vend dhe me pjesën më të mirë e kam parasysh pjesën më të fisshme me një begraund urban dhe një edukim universitar dhe kjo e ka penalizuar fort atë fibrën civile të shoqërisë…

Dritan Shano: Jam dakord me këtë. Tani ka një gjë dhe është e vërtetë kjo se të gjithë guximtarët ose shumica e guximtarëve e kanë lënë këtë vend. Në këtë vend kanë ngelur pak guximtarë të cilët për 1 mijë arsye dhe rrethana kanë mbetur këtu. Tani nuk duhet ndonjë guxim për të ikur. Por për një qenie njerëzorë, të lërë shtëpinë, të lërë folenë, të lërë atë sigurinë do një lloj guximi sidoqoftë. Edhe pse atje ku ti shkon të pret një jetë më e mirë. Nuk duhet ndonjë guxim i madhe sot sepse ne jemi të stacionuar nëpër vendet e Evropës dhe dimë se ku po shkojmë. Ti sot kur ikën në Greqi do gjesh një kushëri sesbën që t’i zësh derën. Ai që ikte në ’91 dhe ajo që e priste ishte rruga. Kjo e diferencon këtë gjë. Por jam dakord me atë që t’i the sepse ka ik pjesa më e mirë. Ikin më të mirët dhe këtu ngelin më çyrykët. Sepse që të arrish të mbash çyrykët me bukë duhet të jesh më i zoti ti. Unë nuk jam dakord se këtë që mbeten nuk paskan fakultetin, nuk paskan aftësinë dhe kapacitetin që të veprojnë sipas vlerave evropiane ndaj të cilave ata kanë 30 vjet që ekspozohen./abcnews.al

hysaj.jpg
nev ila18:30 | 19/06/2019

Elseid Hysaj është në prag të largimit nga Napoli. Kapiteni i kombëtares shqiptare pëlqehet në Itali, Angli dhe Spanjë. Këtë herë lamtumira duket fare pranë.

Elseid Hysaj mund t’i japë fund etapës së tij napolitane dhe të largohet fare nga Italia. Mbrojtësi i djathtë besohet se pëlqehet nga shumë klube në Itali, Spanjë dhe Angli.

Tabloidi britanik “The Sun” komenton se Mançester United ka kontaktuar Napolin dhe agjentin e Hysajt, Xhufredi, por ka konkurrencë nga Atletikoja e Madridit për mbrojtësin e djathtë.

Po sipas të përditshmes angleze, trajneri Ole Gunar Solskjer e pëlqen shqiptarin për të zëvendësuar veteranin Eshli Jang.

Solskjer ka kërkuar nga drejtuesit e klubit që marrëveshja për Hysajn të përfundojë deri në 1 korrik, ashtu siç duhet bërë edhe për përforcimet e tjera, në mënyrë që ta ketë skuadrën të plotë për fazën përgatitore.

Në Spanjë, për Hysajn ka vlerësim trajneri i Atletikos, Diego Pablo Simeone, i cili ka nisur rindërtimin e skuadrës. Po ashtu, ekziston mundësia që Juventusi të kërkojë, tani pas ardhjes së trajnerit Sarri, që e ka pasur shqiptarin tek Empoli dhe Napoli. Vetë Hysaj e ka pohuar synimin për t’u larguar.

Nuk jam ai lloj njeriu që mund të rrijë gjatë në një klub, për mua, koha ime tek Napoli ka përfunduar, dhe shpresoj që të gjej një skuadër që të më japë atë për të cilën kam nevojë”, tha ai, ndërsa ka folur për Supersportin.

Në këtë linjë edhe agjenti i kapitenit të kombëtares shqiptare, Mario Xhufredi.

Për Hysajn është e sigurt që këtë verë do të largohet nga Napoli”, u shpreh ai.

Mbrojtësi 25-vjeçar luajti rol të rëndësishëm në skuadrën napolitane të Sarrit për dy sezone me radhë, duke u vlerësuar si një nga më të mirët në Serinë A në rolin e tij.

Gjithsesi, nën drejtimin e trajnerit të ardhur vjet, Karlo Ançeloti, ai pati më pak hapësirë. Hysaj ka një klauzolë transferimi prej 55 milionë eurosh, ndonëse oferta e United, për momentin, mund të jetë deri në 25 milionë./ABC News Albania 24/7

BARDHI-SINKRON-ABC-M5-T1.mpg_snapshot_00.18-1280x720.jpg
ent ela14:58 | 15/06/2019

I ktheu një herë pas protestuesit në 8 Qershor.  Sekretari i përgjithshëm  i Partisë Demokratike paralajmëron se kjo nuk do të ndodhë më nëse kryeministri Edi Rama nuk ndryshon qëndrim. E këshillon në emër të opozitës që të largohet pa ardhur protesta e 9 kombëtare që do të zhvillohet të premten.

“Edi Rama ka blerë pushtetin me krimin, ai është kryeministër ilegjitim dhe ai duhet të largohet me sa më pak kosto për vendin”.

Lidhjen e kryeministrit me krimin e kanë faktuar edhe mediat ndërkombëtare nënvizoi Gazment Bardhi duke i ri-sjellë në vëmendje audio përgjimet e publikuara nga gazeta gjermane “Bild”.

“Në përgjimet e gazetës gjermane Bild gjendet arsyeja përse Europa refuzon të pranojë në familjen e vet një vend, ku bandat dhe krimi i organizuar janë zotër të partisë në pushtet, Partisë Socialiste, blejnë vota dhe kërcënojnë kundërshtarët politikë për llogari të kryeministrit Edi Rama”.
Javën e ardhshme Bashkimi Evropian do të vendosë nëse Shqipërisë do t’i hapen apo jo negociatat për anëtarësim. Duke iu referuar së fundi mediave ndërkombëtare Reuters, EU Observer, Euroactiv demokratët lexojnë mesazhin e përbashkët që përcjellin.

“Shqipëria është një problem i madh dhe nuk është aspak premtuese”.

Zgjidhja e vetme për opozitën është një: Largimi i Edi Ramës.

“Është hapi i vetëm që i hap rrugën një zgjidhjeje politike sipas standardeve demokratike perëndimore, krijimit të një qeverie tranzitore për t’i garantuar vendit zgjedhje të lira e të ndershme”.

Në 21 qershor shqiptarët do të bashkohen përsëri për të dhënë mesazhin e tyre e paralajmëron Gazment Bardhi Kryeministrin Rama.

“Asnjë hap pas! Boll më me Shqipërinë që duan Edi Rama, një grusht pushtetarësh të korruptuar në palcë, një grusht kriminelësh dhe oligarkësh grabitqarë! Tani është koha për Shqipërinë e të gjithë shqiptarëve!”/ABC News Albania 24/7

MAVRAJ-DREJT-AVENTURES-SE-RE_ABC-M1-T1.mpg_snapshot_00.04-1280x720.jpg
ent ela13:04 | 15/06/2019

Mbrojtësi shqiptar Mërgim Mavraj është drejt largimit nga skuadra e Ingolshtad. 33 vjeçari pritet të ndryshojë ngjyrat e fanellës, por jo kampionatin.

Rrëzimi i skuadrës gjermane të Ingolshtad në kategorinë e tretë mund të sjellë largimin e mbrojtësit shqiptar Mërgim Mavraj. 33 vjeçari nuk pranon të luajë në një ligë tepër inferiore dhe largimi është i pashmangshëm dhe vetëm çështje kohe. Aventura e Mavrajt te skuadra gjermane pritet të marrë fund pas vetëm gjashtë muajve. Destinacioni i ardhshëm i qendër mbrojtësit pritet të jetë Grojte Furth pasi admirohet nga drejtuesit e skuadrës. Për Mavrajn do të ishte një rikthim tek kjo skuadër pasi ka mbajtur veshur fanellën për tre sezone ku dhe spikati si futbollist. Mbrojtësi i Kombëtares ka një eksperiencë të madhe në kampionatin gjerman ku ka luajtur për 13 sezone me radhë, ndërkohë që vitin e kaluar pati një aventurë të shkurtër tek Aris në kampionatin grek. Gjermani mbetet destinacioni i preferuar i kapitenit të Kombëtares kuq e zi ndaj dhe konfirmimi në këtë kampionat është formal. /ABC News Albania 24/7

MBULIM-SANDERS-LARGIMI.mpg_snapshot_00.03-1280x720.jpg
ent ela12:00 | 14/06/2019

Presidenti amerikan Donald Tramp konfirmoi se zëdhënësja e Shtëpisë së Bardhë Sara Sendërs do të largohet nga posti i saj në fund të muajit. Pas tre vjet e gjysëm, shkruan Tramp në Tuiter, e mrekullueshmja Sarah Sendër largohet nga Shtëpia e Bardhë dhe kthehet në shtëpinë e saj në Arkansas”.

Kreu i Shtëpisë së Bardhë e përshkruan si një person shumë të veçantë, me talent të jashtëzakonshëm dhe që ka bërë një punë të pabesueshme: Shpresoj të vendosë të garojë për postin e guvernatores së Arkansas, do të ishte fantastike!, përfundon Trump. /ABC News Albania 24/7

lul-basha-selia-1280x726.jpg
ad min11:00 | 09/06/2019

Kreu i PD-së Lulzim Basha ka reaguar sot duke ironizuar fushatën e ndërmarrë nga PS-ja për zgjedhjet e 30 Qershorit. Kryedemokrati shkruan: “Boll më me Shqipërinë që duan ata, tani është koha të luftojmë për Shqipërinë e të gjithë shqiptarëve!”

Ndër të tjera Basha e vijon reagimin e tij si më poshtë: “Ora e Shqipërisë si e gjithë Europa po troket dhe nuk ka forcë ta ndalë! Falë vendosmërisë tuaj të pathyeshme, falë bashkimit të zemrave dhe mendjeve të shqiptarëve të lirë, zgjedhjet farsë të 30 Qershorit u anulluan!
Beteja jonë do të vazhdojë deri në triumfin e standarteve dhe vlerave europiane. Pengesa e vetme për në Europë është sundimi i shtetit të bërë njësh me krimin, është qeveria e ardhur me votën e krimit, është kryeministri i Avdylajve. Largimi i Ramës është i panegociueshëm. #ShqiperiaSiEuropa 🇪🇺🇦🇱”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono