largim

modricccc-1280x720.jpg
G. P.16:14 | 04/08/2018

Reali nuk do të lejojë largimin e kroatit Luka Modriç për tek Interi. Klubi madrilen e cilëson të pazëvendësueshëm lojtarin më të mirë të Kupës së Botës në Rusi.

Italianët kanë shpresë të shtojnë edhe një kroat tjetër, por duket e vështirë. Luka Modriç, superylli kroat, nuk pritet ta ketë të lehtë të largohet nga Reali edhe pse dëshira e tij duket se është Interi.

Presidenti Florentino Perez dhe trajneri Julen Lopetegui kanë diskutuar mes tyre dhe kanë vendosur se regjisori 32-vjeçar është i pazëvendësueshëm për kampionët e Europës.

Lopetegui kërkon një lojë të shpejtë e vertikale, dhe për këtë janë të domosdoshëm lojtarë të mesfushës si Modriç, Kross apo Casemiro, baza e suksesit të deritanishëm.

Perez ka ritheksuar se do të duhen plot 750 milionë euro për ta lejuar kroatin që të largohet, ndryshe nga lëshimi që bëri për Cristiano Ronaldon, duke pranuar diçka më shumë se 100 milionë.

Serioziteti i Madridit duket nga fakti se Perez apo Lopetegui nuk kanë bërë asnjë përpjekje për të gjetur një zëvendësues për numrin 10. Modriç ka 6 vjet me Realin dhe ka fituar gjithçka, veçse mosha e tij gati 33-vjeçare nuk i ka stepur drejtuesit madrilenë.

Botërori e tregoi qartë se në rruzull, sot për sot, nuk ka asnjë të ngjashëm me të. Jo më kot, kapiteni i Kroacisë u shpall lojtari më i mirë i Kupës së Botës në Rusi, dhe arriti finalen./abcnews.al

ozil.jpg
G. P.11:20 | 23/07/2018

Mesfushori i Arsenalit me origjinë turke, Mesut Ozil, konfirmoi se nuk do të luajë më me kombëtaren gjermane pasi në Federatën Gjermane të Futbollit është përballur me racizëm dhe diskriminim.

Mesut Ozil konfirmoi tërheqjen e tij nga kombëtarja gjermane, si pasojë e polemikave pas takimit të tij me presidentin turk Erdogan në muajin Maj të këtij viti. Mesfushori i Arsenalit, që u eliminua me Gjermaninë në fazën e grupeve në botërorin Rusi 2018, ishte objekt kritikash për lojën e tij dhe për takimin me presidentin turk.

Lojtari, i cili ka origjinë turke mbrojti veten me anë të një letre të gjatë, ku nuk i kurseu kritikat për Federatën Gjermane të Futbollit. Ozil shpjegoi ndër të tjera se trajtimi që i ishte bërë nga federate gjermane dhe nga shumë të tjerë, e ndalonte atë që të vishte sërish fanellën e kombëtares gjermane. Ai theksoi se ndihej i padëshiruar dhe çdo gjë që ai dhuroi me debutimin në 2009-n ishte harruar.

Duke iu referuar në mënyrë të drejtpërdrejtë Reinhard Grindel, presidentit të federatës, mesfushori shtoi se personave me qëndrim racial dhe diskriminues nuk u duhet lejuar që të punojnë në federatën më të madhe të futbollit në botë. Kjo pasi sjellja e tyre nuk reflekton lojtarët që përfaqësojnë.

“Në sytë e Grindel dhe njerëzve të tij unë jam gjerman kur fitojmë, por jam emigrant kur humbasim. Me zemër të rënduar dhe pas një reflektimi të gjatë kam vendosur se nuk do të luaj më për Gjermaninë pas kësaj shfaqjeje racizmi dhe mungese respekti”, përfundon Ozil..abcnews.al

TRUMP-POPULLARITETI-1280x720.jpg
G. P.13:29 | 12/07/2018

Pas dokordësimit të vendeve anëtare të NATO për rritjen e shpenzimeve, Presidenti amerikan Donald Trump ka ndryshuar qëndrimin e tij për tërheqjen e SHBA nga Aleanca ushtarake. Në përfundim të takimit mes 29 liderëve të aleancës, Trump deklaroi  rritjen e shpenzimeve me 33 miliardë dollarë.

“Mund të largoheshim nga NATO, por nuk do ta bëj”.

Kështu Donald Trump tërheq kërcënimin për të lënë Aleancën Atlantike në rast se aleatët nuk do të rrisin shpenzimet ushtarake. Kthesa erdhi pas qëllimit të anëtarëve, të njoftuar nga vetë presidenti amerikan, për të “rritur kontributin e mbrojtjes me 33 miliardë dollarë”. Fjalët e kreut të Shtëpisë së Bardhë kishin bërë që NATO të thërriste një mbledhje të jashtëzakonshme.

“Besoj në NATO, të gjithë shtetet anëtare janë dakordësuar të rrisin shpenzimet për mbrojtjen në nivele që nuk janë parë ndonjëherë. Aleanca është shumë më e fortë se dje”, ka nënvizuar Trump.

“Vendeve u kisha bërë me dije – shton ai – se isha shumë i pakënaqur me shpenzimet në mbrojtje, pasi Shtetet e Bashkuara paguajnë 90% dhe kjo nuk është e drjetë. Por sot kemi një NATO më të fortë se dy ditë më parë pasi të gjithë janë të angazhuar në rritjen e kontributeve ushtarake”.

Numri një në Shtëpinë e Bardhë kishte shpresuar që vendet e Aleancës së Atlantikut të rrisnin investimet e tyre në mbrojtje në 4% të Prodhimit të Brendshëm Bruto. Gjatë fjalës së tij në sesionin e punës të dedikuar për marrëdhëniet midis NATO-s dhe Ukrainës, Trump përsëri sulmoi Gjermaninë dhe u drejtua nga partnerët e tjerë me tone më të ashpra sesa ato të përdorura të mërkurën. Duke folur në samit, presidenti amerikan kërkoi një përpjekje të menjëhershme që shpenzimet e tyre të mbulojnë 2% të prodhimit të brendshëm bruto, në respektim të objektivit të vendosur për vitin 2024.

“Nëse kjo nuk do të ndodhë, do të vazhdoj rrugën time”.

Ky ishte paralajmërimi i fortë, i bërë gjatë takimit të vendeve anëtare me presidentin e Ukrainës Petro Poroshenko, që shkaktoi “çështjen Trump”. Fraza u interpretua nga disa media gjermane dhe belge si një kërcënim nga SHBA për largim nga NATO.

TRUMP-MACRON-G7-1280x720.jpg
G. P.12:43 | 30/06/2018

Sipas Washington Post presidenti amerikan Donald Trump i ka kërkuar në mënyrë të qartë homoogut të tij francez Emanuel Macron që të largohet nga Bashkimi Europian. Në shkëmbim të kësaj i ka premtuar marrëveshje të leverdisshme tregtare mes dy vendeve.

Dalja nga Bashkimi Europian në shkëmbim të një marrëveshjeje të leverdisshme tregtare mes dy vendeve. Është ky propozimi i Donald Trump për Emmanuel Macron në fund të muajit Prill, kur presidenti francez vizitoi Shtëpinë e Bardhë. Lajmi është publikuar nga Washington Post që citon dy funksionarë europianë të cilët kanë zgjedhur të qëndrojnë anonimë.

Por në artikullin e prestigjozes nuk thuhet se si është përgjigjur Macron ndaj këtij propozimi që sugjeron një marrëveshje më të mirë se sa ajo mes Shteteve të Bashkuara të Amerikës dhe Bashkimit Europian. Edhe pse një ofertë e tillë është në linjë me qëndrimin e Trump ndaj organizatave mdërkombëtare, Post thekson se kreu i Shtëpisë së Bardhë nuk ishte informuar si duhet për qëndrimet politike të presidentit francez.

Se pse pikërisht në rimëkëmbjen e Europës dhe në rolin e Francës në Bashkimin Europian, Macron ka ndërtuar programin e tij elektoral që e nxori fitues. I pyetur për këtë shkrim të së përditshmes amerikane, Macron tha se të gjithë e dinë impenjimin e tij për Europën dhe në këtë mënyrë mund të merret me mend se si i është përgjigjur ai Trump.

Nga ana tjetër ka reaguar presidenti i Komisionit Europian, Juncker, i cili u shpreh se dyshonte shpesh që Trump dëshiron të përçajë Bashkimin Europian. Më pas Jean Cleaude Juncker konfirmoi se do të udhëtonte në Shtetet e Bashkuara të Amerikës për t’i prezantuar kreut të Shtëpisë së Bardhë këndvështrimin europian./abcnews.al

pd-1.jpg
G. P.16:28 | 06/06/2018

Deputetët demokratë, në vijim të strategjisë së pjesëmarrjes në komisione parlamentare për artikulimin e mesazhit të tyre politik, u mblodhën tek ai i medias ku përsëritën se me ministrin e Brendshëm, Fatmir Xhafaj, Shqipërisë nuk i hapen negociatat për antarësim në samitin e Qershorit.

Ishte mbledhja e grupit parlamentar në selinë blu rreth orës 12:30 minuta, ajo e cila rikonfirmoi vijimin e praktikës disa javore të demokratëve: pjesëmarrje e kushtëzuar në parlament, vetëm për denoncimin e çështjes “Xhafaj”, ashtu si moskonformimi me rendin e ditës edhe në seancë plenare. Në përfundim të takimit me deputetët e grupit të tij parlamentar, kreu i selisë blu, Lulzim Basha, nuk pati asnjë komunikim me mediat, larg te cilave qëndron prej mbi 1 jave.

“Në ikje e sipër është plani i kokainës. 2 miliardë e gjysëm euro thonë OKB, por krimi më i madh nuk është ky. 2.8 përqinde pupullsisë janë “addicted”, janë 80.000 shqiptarë që nuk e dinë a e kanë jetën të sigurtë nesër apo jo. Është e vështirë të dalin nga kjo rrugë pa një punë serioze nga të gjithë ne.”

Demokratët kishin paralajmëruar edhe pjesëmarrjen në një mbledhje mes antarëve të komisionit të ligje në orën 14:00, të parashikuar si takim me ekspertë. Por me njohjen e faktit se takimi do të mbahej pa praninë e mediave, demokratët bojkotuan pjesëmarrjen duke mos u paraqitur në ambientet e kryesisë së Kuvendit./abcnews.al

zidane.jpg
G. P.22:57 | 05/06/2018

Zinedine Zidane pati një arsye të fortë për t’u larguar nga Reali i Madridit. Mediat raportojnë se legjenda franceze pati mosmarrëveshje me presidentin Florentino Perez.

Kur u shfaq para mediave në krah të presidentit, askush nuk e priste.

Shtangia ishte e plotë, kur Zinedine Zidane tha fjalët tashmë të famshme se “vendosa të mos vazhdoj sezonin tjetër si trajner i Realit të Madridit”, ndërsa nxitoi të shtonte se “fola me presidentin për t’i shpjeguar atë që mendoja”.

Gjithsesi, askush nuk mbeti i bindur për ato që u dhanë si arsye të largimit të tij nga klubi më i madh i botës”.

Nuk kanë kaluar shumë ditë, dhe mediat raportojnë se ishte një mosmarrëveshje mes trajnerit, tashmë një ish, dhe presidentit të plotfuqishëm Florentino Perez, që solli vendimin që të gjithë e dimë.

Përse ky konflikt mes dy njerëzve që ngjanin si vëllezërit siamezë?

Gjithçka lidhur me planet për të ardhmen, për lojtarët që duhej të afroheshin në klub.

Zidan, mësohet se dëshironte me patjetër të merrte yllin e Çelsit, Eden Hazar, pavarësisht sesa mund të kushtonte ai, 100 apo 150 milionë euro.

Presidenti kishte ide të tjera, dhe dëshironte portierin e Mançester Junajtidit, dhe të Spanjës, David De Gean.

Duhej marrë ose njëri, ose tjetri, ndërsa ndoshta nuk ka pasur dakordësi as për brazilianin Nejmar.

Pasi Perez këmbënguli për De Gean, mediat shkruajnë se Zidan iu përgjigj: “Unë nuk vazhdoj më tej, merre ti drejtimin e skuadrës”.

Përpjekjet e mëvonshme të numrit 1 të klubit për ta bindur, mesa duket nuk patën vlerë, dhe gjërat precipituan shpejt.

Zidan u largua në kulmin e lavdisë, tri herë kampion i Europës, fitues i vjetshëm i La Ligës, fitues i dy Superkupave të Europës dhe dy Kupave të Botës për klubet.

Tashmë, Reali po kërkon ethshëm një pasardhës të francezit, por ende nuk po e gjen./abcnews.al

RONALDO-1280x720.jpg
G. P.16:47 | 30/05/2018

Cristiano Ronaldo shkakton një skandal të vërtetë në festimet e Realit pas Championsit. Sjellja e tij me presidentin Perez e bën më të sigurt largimin nga Madridi.

Pamjet festive dhe pozat triumfuese nuk mund ta fshehin të vërtetën.

Cristiano Ronaldo është gjithnjë më larg Realit të Madridit, pavarësisht lavdisë shumëvjeçare në kryeqytetin e Spanjës, kulmuar me Championsin e fundit.

Superylli portugez shkaktoi një skandal të vërtetë pikërisht në momentet më të lumtura, ndërsa kremtohej në Madrid, duke mos i dhënë dorën presidentit të klubit, Florentino Perez.

Pamjet flasin tepër qartë.

Edhe kur, në një çast tjetër, ai takohet me Perezin dhe ia jep dorën, gjithçka duket e ftohtë, si në një marrëdhënie të krisur.

E gjitha kjo, në të njëjtën kohë kur Ronaldo fliste kështu në sy të tifozëve në “Bernabeu”.

Cristiano Ronaldo: “Ç’mund të them unë për këta tifozë. Ata na kanë dhënë gjithçka në çdo ndeshje. Është nder të luash në klubin më të madh të botës. Ju falenderoj. Ndihem shumë mirë prej pasionit tuaj. Po ashtu, me këta lojtarë. Unë jam i tillë, dua që të fitoj, dhe me këta lojtarë është e pamundur të mos fitosh Championsin”.

Po ashtu, mediat raportuan për konflikt mes Ronaldos dhe kapitenit Sergio Ramos, që e kritikoi për fjalët e thëna pas finales së Championsit, duke nënkuptuar largimin nga Reali.

Një gjë duket qartë, ajo që në dhomën e zhveshjes në stadiumin e Kievit, Ramos festoi me këto tjetër, përveçse me portugezin.

Largimi i CR7-s duket edhe më i sigurt kur lexon mediat europiane të cilat shkruajnë për ofertën e Paris SG për të.

Klubi francez i jep 45 milionë euro rrogë në sezon, besohet po aq sa Mesi merr tek Barcelona, ndërsa 150 milionë euro i jepen Realit për kartonin e tij.

Tashmë, pas shumë spekullimeve e grindjeve, duket se epoka e madhe 10-vjeçare e Cristiano Ronaldos në Madrid po merr fund.//abcnews.al

komisione.jpg
G. P.15:40 | 30/05/2018

Opozita ka vijuar strategjinë e saj të pjesëmarrjes në komisione parlamentare vetëm për të denoncuar çështjen më të rëndësishme për ta: largimin e ministrit të Brendshëm, Fatmir Xhafaj, nga detyra. Arena e diskutimit të së hënës për demokratët ishte komisioni i medias, i drejtuar nga Albana Vokshi.

Vend të rëndësishëm zuri diskutimi mbi dhunën e ushtruar ndaj gazetarit Blendi Kasmi gjatë protestës së të shtunës të organizuar nga opozita. Pas debatit, ku demokratët kërkuan distancimin e socialistëve nga kjo ngjarje dhe thirrjen e gazetarit në seancë dëgjimore, socialistët hodhën poshtë kërkesën dhe vijuan me rendin e ditës pas largimit të opozitës nga salla./abcnews.al

astrit-patozi-1280x590.jpg
G. P.11:35 | 01/05/2018

Astrit Patozi njoftoi zyrtarisht ndarjen nga ajo që quan Partia Demokratike e Bashës. I ftuar ne studion e gazetarit Sokol Balla, ish-nënkryetar i Partisë Demokratike sot kritik i lidershipit të kësaj force politike u shpreh se do t’i përkushtohet një projekti të ri.

Një nga kritikët më të ashpër të kreut demokrat Lulzim Basha dhe lidershipit të tij, shpejt mund të jetë edhe kundërshtari i tij politik. Astrit Patozi njoftoi ndarjen përfundimtare nga ajo që quan “Partia e Bashës”.

Astrit Patozi: “Unë nuk ndjej asnjë detyrim ndaj partisë së Lulzim Bashës, e them me bindje të plotë pa keqardhje. Ndërkohë ndihem përjetësisht borxhli dhe mirënjohësndaj PD që nuk ekziston më. Ajo sot është partia e Lulzim Bashës që nuk ekziston më. Shoqëria shqiptare në këtë stad që është ka nevojë për një projekt të ri politik”.

Nëse do të jetë Lëvizje apo Parti, këtë Patozi nuk mund ta thotë ende, duke ia lënë në dorë ekzistencën e saj reagimit të demokratëve që ndihen të papërfaqësuar.

Astrit Patozi: “Në rast se nuk e bëjmë ne, do  ta bëjnë të tjerët. Unë jam i vendosur që ta ndjek me të gjithë kapacitetet dhe energjitë e mia. Në rast të kundërt, nëse ky projekt nuk do mbështetet, nuk do shndërrisë sigurisht që jeta është e bukur edhe pa politikë”.

Astrit Patozi theksoi se nuk e ka menduar veten kryetar të Partisë Demokratike dhe se për preferenën e tij që kandidatura t’i shkonte Jozefina topallit, ka dëshmitar vetë Sali Berishën./abcnews.al

pacolli.jpg
G. P.15:19 | 02/04/2018

Qeveria e Kosovës mund të ketë probleme pas shkarkimit të ministrit të Brendshëm nga kryeministri Haradinaj. Lideri i AKR-s, Behgjet Pacolli ka paralajmëruar daljen nga koalicioni qeveritar nëse shkarkohet ministri Flamur Sefaj, i cili ishte përfaqësues i saj.

Partia e Behgjet Pacollit, Aleanca për Kosovën e Re, nuk e ka pranuar ende zyrtarisht largimin nga detyra të ministrit të Brendshëm, Flamur Sefaj. Ndonëse kryeministri Ramush Haradinaj ka kërkuar lirimin e menjëhershëm nga detyra të ministrit të AKR-s, për shkak të aksionit policor, ku u arrestuan dhe deportuan gjashtë shtetas turq, AKR-ja ende nuk ka dhënë vendimin përfundmitar për këtë kërkesë të kryeministrit.

Haradinaj në arsyetimin e tij ka thënë se Sefaj ishte në dijeni për zhvillimin e këtij aksioni disa ditë më parë se sa ai të ndodhte dhe pavarësisht kësaj nuk e kishte informuar.

Në bazë të marrëveshjes së koalicionit PAN, ministrat e AKR-s nuk ka të drejtë t’i shkarkojë askush tjetër përveç liderit të partisë, Behgjet Pacolli.

Kryetari i të rinjve në AKR, Zijadin Geci, u shpreh se Flamur Sefaj do jetë ministër, në të kundërt askush tjetër nga AKR nuk do ta zëvendësojë atë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono