lajm i fundit

pjimage.jpg
Veronik Istrefaj17:44 | 21/09/2019

Disa minuta më parë, dy tërmete njëri pas tjetrit tronditën Tiranën dhe paniku mes qytetarëve ishte i madh. Rreth orës 16:05, një tërmet 5.8 ballë me epiqendër në Detin Adriatik tronditi Tiranën, Durrësin dhe disa zona tjera. Në kryeqytet, qytëtarët vrapuan për të dalë nga banesat e tyre, pasi dëmet nuk munguan.

Disa pallate kanë pësuar dëme të mëdha, ku vihen re shumë shembje dhe çarje të mureve. Dëmet më të mëdha kanë qenë në Fakultetin e Gjeologji Minierës, ku muret e larta janë shembur dhe kanë rënë mbi disa makina të parkuara, të cilat janë shkatërruar plotësisht.

Edhe në lagjen e Astirit, dëmet kanë qenë të mëdha, madje qytetarët kanë kërcyer nga dritaret për të shpëtuar. Një situatë shumë kaotike dhe qytetarët vazhdojnë të jenë në panik. Sallat e Komandimit në të gjitha drejtoritë Vendore të Policisëjanë vënë në lëvizje, ndërsa qytëtarëve iu është njoftuar që për çdo problem, të kontaktojnë në numrin 112, për t’iu ofruar ndihma e nevojshme./abcnews.al

lac-1280x705.jpg
ad min08:15 | 13/06/2019

Policia e Laçit ka shpallur në kërkim një person nga Tirana për vrasjen e 24-vjeçarit Viktor Shkorreti. Paraprakisht dyshohet se vrasja ndodhi gjatë sherrit për një vend parkimi.

Sherri për një vend parkimi çoi në vrasjen e një të riu në Laç. Për ketë krim policia është duke kërkuar 32-vjeçarin E. K nga Tirana.

Krimi ndodhi mesnatën e së mërkurës, pranë Gjykatës së Kurbinit.

Viktima Viktor Shkorreti u qellua me kallashnikov dhe vdiq në vend.

Nga shoqërimet e personave në vendin e ngjarjes, policia zbuloi se midis autorit dhe të vrarit, pati fillimisht konflikt fizik.

Sebepi ishte një vend-parkim. Kur u duk se sherri u mbyll, autori hapi makinën dhe nga aty nxori armën e zjarrit.

Ai shtiu mbi 24 -vjeçarin disa herë dhe u largua me shpejtësi.

Viktor Shkorreti, me origjinë nga Mirdita, jetonte prej disa vitesh në qytetin e Laçit, bashke me familjen e tij.

Kurse autori 32 -vjeçar nga Tirana ndodhej në Laç për t’u takuar me disa shok të tij. Për kapjen e tij janë angazhuar edhe Forcat e Ndërhyrjes së Shpejte të metropolit. Patrullat kontrolluan lokalet e banesa gjatë natës dhe ditën e enjte, por pa marrë rezultat të menjëhershëm. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono