Laçi

Juljan-Shehu-Laci.jpg
Veronik Istrefaj19:50 | 21/01/2020

Mesfushori i Laçit, Juljan Shehu, ishte një ndër më të mirët në fushën e lojës për kurbinasit. Pas fitores 0-1 kundër Teutës, 21 vjeçari foli për Supersport, aty ku pranoi se ekipi i tij e meritoi plotësisht fitoren.

NDESHJA – “Të them të drejtën, ishte një fitore e merituar nga ana jonë. Luftuam shumë dhe e merituam rezultatin, pasi dominuan në të dyja pjesët ndaj Teutës. Ishte një tre pikësh i rëndësishëm, pasi fituam në një fushë shumë të vështirë si ajo e Teutës”.

LIDER – “Nuk dua të jem lider, apo të marr këtë status. Ne bëjmë punën tonë dhe duam të ecim përpara, si unë, ashtu dhe ekipi”.

OBJEKTIVI – “Siç e dini dhe ju, tabela është mjaft e ngjeshur. Me tre pikë shkon në Europë, nëse humbet, shkon në zonën e ftohtë. E mira është të bëjmë maksimumin në çdo ndeshje dhe të marrin tre pikët. Shpresoj të marrim maksimumin në çdo ndeshje dhe ky është objektivi ynë”./abcnews.al

Cungu.jpg
Veronik Istrefaj19:23 | 21/01/2020

Trajneri i Laçit, Armando Cungu, u shpreh shumë i kënaqur me të tijtë pas fitores 0-1 kundër Teutës. Menjëherë pas ndeshjes, numri një i stolit kurbinas foli për Supersport, aty ku preku shumë tema.

NDESHJA – “Është e drejtë, pas dy rezultateve aspak të pritshme në shtëpi kundër Tiranës, ekipi duhej të reagonte, pasi deri në ato momente kishim bërë një kampionat të mirë. Humbëm terren me ato humbje dhe sot ishte detyrim fitorja. Ajo që është më e rëndësishme është mënyra si e fituam ndeshjen”.

ZËVENDËSIMET – “Të them të drejtën është e vështirë të bësh dy zëvendësime shumë të shpejta. Rapo dhe Ignjatovic janë lojtarë të rëndësishme për ne. Megjithatë, dua të komplimentoj djemtë që u aktivizuan, si Gjoni, ashtu dhe Turkaj. Si rezultat i kontributit të gjithë skuadrës, fituam”.

STRESI – “Kur bën dy ndërrime, nuk është e lehtë për një trajner. Përderisa një lojtar futet titullar, i bie që është më mirë se pjesa tjetër në stol. U shtua dhe stresi për ne, pasi 70 e ca minuta lojë ishin për t’u luajtur dhe kishim vetëm një ndërrim. Çdo gjë ndodh në futboll dhe ne ishim të detyruar të bënim ndërrime. Të gjitha minutat më pas ishin stresuese. Falë djemve dhe Zotit, gjithçka shkoi mirë më pas”.

MERKATO – “Pyetja është e drejtë, normalisht duam të përmirësojmë edhe më shumë grupin. Vecaj, Greca përveçse kanë shtuar konkurrencën në ekip, më kanë dhënë mundësinë edhe të bëj ndërrime taktike. Nuk më dhëmb koka për të bërë një lëvizje. Besoj se shton forcën dhe etjen e ekipit për të shkuar edhe më para. Duhet të mendojmë për çdo ndeshje, pasi ky ekip i ka të gjitha potencialet për të qenë në Kupat e Europës. Gjendja e lojtarëve? Duhet të shohim nesër. Ignjatovic ka një problem në kavilje dhe nuk e di nëse do të jetë gati. Rapo pati një çarje në vetull dhe shpresoj të jetë i gatshëm për ndeshjen kundër Vllaznisë”./abcnews.al

Teuta-Laci-1.jpg
Veronik Istrefaj18:57 | 21/01/2020

Është mbyllur takimi mes Teutës dhe Laçit në Durrës, me kurbinasit që kanë marrë një fitore 0-1 në transfertë. Ka mjaftuar një gol nga 24 vjeçari, Rudolf Turkaj në pjesën e dytë, që të besuarit e Cungut të marrin pikët e plota në një fushë të vështirë.

Pjesa e parë ishte me raste nga të dyja skuadrat, por asnjë konkretizim me gol. Lufta më e fortë u bë në mesfushë, aty ku Laçi tregoi disi superioritet. Në pjesën e dytë, do të vinte dhe goli i vetëm i takimit.

Në minutën e 53-të, braziliani Teco krosoi nga goditja e këndit dhe pas një devijimi me kokë, Turkaj është i lirë në shtyllën e dytë dhe nuk e ka të vështirë të shënojë me kokë. Ky gol, mjaftoi që Laçi të marrë tre pikë shumë të rëndësishme, ndërsa Teuta nuk arriti të evitojë humbjen./abcnews.al

Kategoria Superiore, java 18

TEUTA – LAÇI   0-1
Turkaj 53′

Teuta: Frashëri, Todorovski, Hoxha, Shkalla (Arapi 57′), Kouros, Aleksi, Avdyli (Kalaja 67′), Kallaku, E. Vila, Cyrbja, L. Vila.  Trajner: Edi Martini

Laçi: Stajila, Fangaj, Ignjatovic (Gjoni 6′), Domgjoni, Rapo (Turkaj 20′), Shehu, Deliu, Lushkja, Teco, Greca, Nëabueze. Trajner: Armando Cungu

Gjyqtar: Eldorjan Hamitaj

Kartonë të verdhë: Kallaku 41′ / Greca 44′

Teuta-Laci-Superiore.jpg
Veronik Istrefaj17:49 | 21/01/2020

Është mbyllur pjesa e parë në Durrës mes Teutës dhe Laçit, me rezultatin e barabartë 0-0. Të dyja skuadrat kishin mundësitë e tyre për të shënuar, por loja u dominua më shumë në mesfushë, aty ku nuk mungoi lufta e ashpër sportive.

Nwabueze u markua mjaft mirë nga Shkalla, me mbrojtësin e Teutës që fitoi pothuajse çdo duel ajror me bomberin e Laçit. Cungu bëri dhe një zëvendësim të shpejtë, pasi Ignjatovic u dëmtua dhe u zëvendësua nga Gjoni.

Në minutën e 32-të, Avdyli kishte mundësinë më të mirë për Teutën, por e majta e tij brenda zonës ndalet mjaft mirë nga Stajila. Pjesa e parë u mbyll pa gola dhe skuadrat do të tentojnë ta fitojnë sfidën në 45 minutat e dyta. /abcnews.al

Kategoria Superiore, java 18

TEUTA – LAÇI   0-0

Teuta: Frashëri, Todorovski, Hoxha, Shkalla, Kouros, Aleksi, Avdyli, Kallaku, E. Vila, Cyrbja, L. Vila.  Trajner: Edi Martini

Laçi: Stajila, Fangaj, Ignjatovic (Gjoni 6′), Domgjoni, Rapo (Turkaj 20′), Shehu, Deliu, Lushkja, Teco, Greca, Nwabueze. Trajner: Armando Cungu

Gjyqtar: Eldorjan Hamitaj

Kartonë të verdhë: Kallaku 41′ / Greca 44′

teuta-fanellat.jpg
Vladimir Prenga16:22 | 21/01/2020

Teuta dhe Laçi përballen prej orës 17:00, ndërkohë që janë zbuluar edhe formacionet e të dyja ekipeve. Martini ia ka besuar sulmin një të riu, Lorenco Vilës, ndërkohë që rikthehet Cyrbja titullar. Kapitenin Arapi e zëvendëson Shkalla.

Ndryshime edhe te Laçi, me Grecën dhe Rapon që e nisin nga fillimi. I pari si sulmues i majtë, kurse i dyti në mbrojtje. Mungon Xhxiha i pezulluar, kurse Domgjoni është preferuar para Gjonit në qendër të mbrojtjes.

Formacioni i Teutës: Frashëri, Todorovski, Hoxha, Shkalla, Kouros, Aleksi, Avdyli, Kallaku, E. Vila, Cyrbja, L. Vila,  Trajner: Edi Martini

Formacioni i Laçit: Stajila, Fangaj, Ignjatovic, Domgjoni, Rapo, Shehu, Deliu, Lushkja, Teco, Greca, Nwabueze. Trajner: Armando Cungu. /abcnews.al

ymeri1-1280x960.jpg
Vladimir Prenga21:42 | 17/01/2020

Ersil Ymeri do ta vijojë karrierën në Kosovë. Mesfushori nga Malësia e Madhe ka nënshkruar me ekipin e Llapit. Ai i është bashkuar skuadrës nga Podujeva në stërvitje, ndërkohë që kontrata e tij është 6 mujore me opsion për ta zgjatur edhe për një vit.

“Zyrtare: Ersil Ymeri i bashkohet Llapit. Nënshkruan kontratë gjashtë mujore me mundësi vazhdimi edhe për 1 vit Mesfushori i qendrës, Ersil Ymeri, edhe zyrtarisht është pjesë e Llapit.

Gjatë ditës së sotme, 25-vjeçari nga Shkodra iu bashkua pjesës tjetër të skuadrës në Durrës për fazën përgatitore. Ersil Ymeri, 25 vjeç, i lindur më lindur më 06.07.1994 në Shkodër.

Mesfushor qendror dhe mesfushor defanziv që vjen nga KF Laçi. Ka bërë karrierë edhe për nga një edicion tek FK Veleçiku, FC Kamza dhe KS Kastrioti. Mirë se vjen Ersil Ymeri”, shkruhet në njoftimin e bërë nga klubi i Llapit. /abcnews.al

Vecaj.jpg
Igli Nikolli17:11 | 16/01/2020

Laçi vijon të përforcohet dhe ka zyrtarizuar goditjen e tretë në merkato pas mbrojtësit Irlian Ceka dhe anësorit ofensiv Bedri Greca. Klubi kurbinas ka prezantuar Uendi Vecajn, sulmuesin e djathtë shkodran.

22-vjeçari njihet mirë nga trajneri Armando Cungu, i cili e ka pasur nën urdhra për disa ndeshje te Vllaznia dhe më pas ai u transferua në Kroaci te Dinamo Zagreb II. Lojtari u rikthye në Superiore verën e vitit 2018 dhe nisi një aventurë me Teutën.

34 ndeshje zhvilloi Vecaj me ekipin durrsak dhe shënoi gjashtë gola, teksa tani është gati të nisë aventurën e radhës me bardhezinjtë. Shkodrani, së bashku me Grecën, brazilianin Teco dhe Xhixhën kompletojnë krahët e sulmit, ndërsa drejtuesit vazhdojnë punën për të tjera afrime. /abcnews.al

 

View this post on Instagram

 

Zyrtarizimi i rradhës në shtëpin ⚪️⚫️⚪️⚫️ mirë së vjen @uendivecaj7

A post shared by K.F.Laçi Official (@k.f.laci_official) on

vecaj.png
Vladimir Prenga14:28 | 16/01/2020

Irlian Ceka ishte iu pari që iu bashkua Laçit në merkaton e janarit. Mbrojtësi i majtë u rikthye nga huazimi prej Apolonisë, ndërkohë që pak ditë më parë nënshkroi edhe sulmuesi anësor Bedri Greca.

Kurbinasit nuk janë ndalur me kaq, pasi ditën e djeshme kanë arritur marrëveshjen dhe kanë firmosur me anësorin e djathtë, Uendi Vecaj. Shkodrani, së bashku me Grecën, brazilianin Teco dhe Xhixhën kompletojnë krahët e sulmit.

Vecaj njihet mirë nga trajneri Armando Cungu, i cili e ka pasur nën urdhra për disa ndeshje te Vllaznia dhe më pas ai u transferua në Kroaci te Dinamo Zagreb II. Anësori verën e shkuar u kthye në Shqipëri, ku u bë pjesë e Teutës dhe pas 18 muajsh vendos të ndryshojë sërish ambient.

Oferta e Laçit ishte e duhura për të dhe Vecaj ka nisur stërvitjen me kurbinasit. Drejtuesit e bardhezinjve po punojnë për të tjera afrime në ekip, pas largimet kanë qenë të shumta në muajin dhjetor dhe stafi teknik kërkon një ekip më të kompletuar. /abcnews.al

Edi-Martini-Teuta.jpg
Veronik Istrefaj18:12 | 15/01/2020

Trajneri i Teutës, Edi Martini, foli pas ndeshjes miqësore të luajtur sot kundër Skënderbeut, të cilën e humbi 1-4. Për mediet, numri një i stoli durrsak foli për ndeshjen në fjalë, rifillimin kampionatit dhe afrimet në merkato.

“Po normalisht, jemi në fundin e përgatitjeve, jemi futur në ciklin e kampionatit. Ngarkesa ka qenë më e madhe. Ndeshja sot më bëri të kuptoj se kemi disa mangësi, por mirë që ndodhi kjo, që të shohim mangësitë tona.

Sidoqoftë, jemi gati për javën tjetër. Rifillimi i kampionatit? Teutën do e shoh ndeshje pas ndeshje, me Laçin kemi një ndeshje shumë të fortë. I dimë kapacitetet tona, si dhe ato të Laçit. Do të bëjmë çmos që të fitojmë.

Patjetër që kemi nevojë për përforcime, po presim 2-3 pika për t’u përforcuar nga dita në ditë. Ardhja e tyre është pak vonë, gjithsesi do të na shërbejnë./abcnews.al

Greca-1.jpg
Veronik Istrefaj17:51 | 14/01/2020

Skuadra e Laçit ka bërë afrimin e parë në këtë merkato janari. Klubi kurbinas zyrtarizoi pak çaste më parë sulmuesin anësor, Bedri Greca. 29 vjeçari u aktivizua gjysmën e parë të këtij sezoni te skuadra e Gjilanit në IPKO Superliga. Greca në të kaluarën ka qenë pjesë e Flamurtarit, Kukësit dhe Tiranës në Superiore. Një afrim i bujshëm ky për kurbinasit dhe Greca ka marrë numrin shtatë në fanellë.

Njoftimi i KF Laçit:

Zyrtare – Bedri Greca eshte lojtari me i ri i KF Lacit.

Mireserdhe ne familjen bardhezi, Bedri Greca. Suksese!/abcnews.al

 

View this post on Instagram

 

Zyrtare:@bedri_greca eshte lojtari me i ri i KF Lacit. Mireserdhe ne familjen bardhezi @bedri_greca . Suksese

A post shared by KF Laçi 1960 (@kf.laci_official) on


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono