Laçi

SHORTI-EUROPA-LEAGUE.mpg_snapshot_00.10-1280x720.jpg
ent ela23:45 | 18/06/2019

Shorti i Europa League i hedhur në Nion të Zvicrës ka rezervuar sfida të vështira për ekipet shqiptare, me përjashtim të Teutës. Pas Championsit, në Nion të Zvicrës është hedhur shorti për eliminatoret e Europa League. Goglat kanë përcaktuar çiftet e turit të parë kualifikues ku skuadrat shqiptare kanë rezultuar të pafata me përjashtim të Teutës. Skuadra nënkampione e Shqipërisë Kukësi do të përballet me ekipin hungarez të Debreccen.

Një emër i madh në raport me klubin verilindor duke komplikuar ecurinë e skuadrës së teknikut Gjoka në turet pasardhëse. Debreccen ka eleminuar sezone më parë skuadrën tjetër shqiptare të Skënderbeut. Skuadra e Laçit që mund të zëvendësohet nga Skënderbeu në rast se KAS i heq dënimin 10 vjeçar do të luajnë ndaj izraelitëve të Hapoel Bersheva. Skuadra izraelite ka një eksperiencë në kompeticionet Europian dhe konsiderohen si favorite për të kaluar në turin tjetër.

Shorti i lehtë për skuadrën e Teutës. Durrsakët peshkuan ekipin letonez të Ventspilsit që gjithsesi nuk duhen nënvlerësuar pasi sezonin e kaluar eleminuan Luftëtarin.

Skuadra e Prishtinës ka një duel të lehtë në turin paraeleminator ndaj skuadrës nga Gjiblartari Zhozef e më pas do të duelojë në Rangers. Ndeshjet e para do të zhvillohen në datën 11 korrik, ndërsa sfidat e kthimit në datën 18 korrik. /ABc news Albania 24/7

partizani-laci.jpg
G. P.12:13 | 28/04/2019

Asnjëri nga trajnerët nuk ishte i kënaqur pas barazimit mes Partizanit e Laçit. Skënder Gega kritikoi lojtarët e tij për fillimin e keq të ndeshjes, ndërsa Sulejman Starova priste që skuadra të merrte fitoren

Për Superligën shqiptare ishte ndeshje e mirë dhe e fortë. Të paktën, për atë që u pa në fushën e lojës, por përfundimi I saj nuk kënaqi asnjë nga trajnerët, qoftë të Partizanit, apo edhe të Laçit.

Skënder Gega natyrisht pretendonte fitore për një duel në shtëpi, dhe që do ta afronte edhe më shumë me titullin kampion. Ai pranon diçka që nuk shkoi.

“Nuk ishim përgatit. E kishim menduar ndryshe sepse e mendonim që do i mbanim në presion. Minutat e para u zumë në befasi sepse në qendër ndoshta gabuam”, tha Gega.

A mund të thuhet se barazimi ia trondit pak pozitat Partizanit?

“Nuk mund të them asgjë. Kemi dhe pesë ndeshje të tjera siç është një javë nuk është një tjetër. Ky ishte një hap që mbrapsht, që nuk duhej. Do shikojmë me optimizëm”, tha Gega.

Në stolin kundërshtar ishte një partizanas i shquar, Sulejman Starova.

Tashmë, trajner i Laçit, as ai nuk ishte i kënaqur.

“Kishim një objektiv për kupat e Europës dhe vazhdojmë ta kemi. Ndeshje shumë të fortë me skuadrën që udhëheq me meritë. Le të themi që jam i kënaqur vetëm me lojën, por të jesh kaq afër fitores, sigurisht është pak e hidhur”, tha Starova.

Çfarë mendon për Partizanin, trajneri që e shpalli për herë të fundit kampion në 1993?

“Ka qenë skuadra më e kujdesshme nga të gjitha të tjera. Këtu e ka bërë diferencën. Nuk është se ka qenë ndonjë klas shumë i madh. Partizani ka qenë skuadra më e mirë në aspektin difensiv, kundërsulmin e shpejtë dhe ka çaluar në sulmin gradual. E them me bindje që Partizani do dalë kampion”, tha Starova.

LUFTETARI-NE-PRAG-TE-LAÇIT_ABC-M1-T1.mpg_snapshot_00.41-1280x720.jpg
ent ela15:38 | 13/04/2019

Luftëtari nuk ka rrugë tjetër përveçse të kërkojë fitoren ndaj Laçit në javën e 29-të të Superligës. Futbollisti Donald Rapo thotë se skuadra e ka kaluar tronditjen e humbjes me Kastriotin.

Është padyshim një nga skuadrat më të çuditshme.

Luftëtari ka qenë në gjendje për rezultate tepër kontradiktore këtë sezon, ndërsa ndërsa vlerësohet si mjaft cilësor edhe pse i janë larguar disa nga më të mirët.

Gjithsesi, gjirokastritët po përgatiten për ndeshjen e radhës me Laçin për javën e 29-të, të ndërgjegjshëm se rrezikojnë seriozisht statusin në elitë, sidomos pas humbjes në fushën e Kastriotit.

Vetëm 4 pikë I ndajnë nga vendi I parafundit, dhe mesfushori Donald Rapo, thotë se çfarë kërkohet këtë herë.

Kërkohet fitorja, por si është gjendja psikologjike e futbollistëve pas humbjes me një rival direkt?

Luftëtari ka 34 pikë në vendin e 7-të, një më shumë se Tirana dhe 4 mbi Kastriotin. /abcnews.al

 

kastrioti-vs-kukesi.jpg
G. P.19:40 | 06/04/2019

Kastrioti mund Kukësin dhe thuajse i dorëzon titullin kampion Partizanit. Skuadra krutane mori tri pikë tepër të rëndësishme në luftën për mbijetesë në Superligë.

Një pjesë loje nuk mjafton për të fituar, herë edhe mund të jetë mjaft. Kukësit nuk i bëri punë epërsia në gjysmën e parë të ndeshjes në Fushë-Krujë të cilën e humbi, por Kastriotit nuk iu deshën më shumë se 45 minutat e dyta për të fituar. Një sukses 2-1, arritur me forcën e karakterit dhe që ka një efekt të dyfishtë mbi Superligën shqiptare të këtij sezoni.

Së pari, kuksianët thuajse e kanë humbur plotësisht titullin, tani në fund të fazës së tretë kur kanë 46 pikë, dhe së dyti, krutanët vazhdojnë të kenë shpresë për të mbijetuar, duke rrezikuar dy ekipe të tjerë, Tiranën dhe Luftëtarin.

Në pjesën e parë, miqtë ishin më lart dhe mund të kishin fituar më shumë se 1-0. Vasil Shkurtaj bëri më në fund atë për të cilën u mor nga Luftëtari, pra shënoi, veçse vetë Shkurtaj dhe Reginaldo shpërdoruan gola të tjerë.

Pas pushimit, Kastrioti luajti më mirë e bëri presion, në një fushë të cilën e njeh shumë mirë. Ky presion dha rezultat, pasi fillimisht u barazua rezultati me golin e brazilianit Rozher. Pasi iu afrua edhe disa herë të tjera portës së Frashërit, ekipi krutan shënoi pikërisht në fund, në minutën e 89-të me anë të Ndrecës.

Më herët, Kastrioti fitoi po në Fushë Krujë ndaj Skënderbeut e ndaj Tiranës, por që të dyja herët me polemika, me korçarët për kërcënim të lojtarëve miq, dhe me tiranasit me një penallti të padrejtë.

Në ndeshjen tjetër, Laçi fitoi habitshëm 5-0 me Teutën, në një ndeshje që pritej të ishte mes pretendentëve. Gjithsesi, durrsakët e mbajtën vendin e tretë me 43 pikë ndaj 41 të kurbinasve./abcnews.al

gjoka.jpg
G. P.13:33 | 04/04/2019

Shteti duhet të ketë ndëshkime të forta ligjore për dhunën në futboll, edhe kur ajo kryhet nga njerëz të tribunës VIP. Ky është mendimi i specialistit të njohur, Ernest Gjoka, që flet edhe për kërcënimet ndaj trajnerëve në Shkodër

Nga Tirana, në Laç apo Shkodër, ky vështirë të cilësohet sport.

Veçanërisht e rëndë ngjarja mes presidentëve të Laçit e Tiranës, në vazhdim të skandalit në “Selman Stërmasi”, dhe trajneri i njohur, Ernest Gjoka, mendon se gjithçka është në dorë të shtetit.

“Kur dikush që ka një status në tribunën VIP ngrihet, bërtet, shan, provokon, atëherë çfarë do të bëjnë njerëzit? Ne duhet të kemi një ligj. Ligji duhet të jetë si për tribunën VIP, sipër njeëzit, si për ndokënd, si për trajnerin apo lojtarin sepse ne që e ndiejmë dhe e kemi në kurriz këtë lloj presioni nuk e keni idenë se sa të vështirë e kemi të punojmë”, tha Gjoka.

Gjoka ishte vjet trajner i Vllaznisë dhe u kërcënua, ndërsa tashmë lajmet janë që është kërcënuar edhe trajneri aktual, Agim Canaj.

“Me një dashuri shumë të madhe sepse shkova në një qytet që ka prodhuar gjithmonë jo vetëm futboll, por edhe në art. Pata problem deri në rrezik të jetës sime për arsye sepse u mundova të jem profesionit dhe për arsye sepse ata njerëz që nuk e meritojnë të jenë pjesë e ekipit të mos jenë nëpër këmbë dhe të na pengojnë punët. Qytetin e ka kap pjesa e keqe. Ai qytet duhet të luftojë shumë me pjesën e keqe. Nuk është e kollajtë. Kam qenë prezent në disa raste sëbashku me kryetaren e bashkisë, ku presionin që kisha unë e kishte dhe ajo”, tha Gjoka.

Tekniku që fitoi Kupën e Shqipërisë me Flamurtarin në 2014, analizon çerekfinalet e luajtura në mesjavë.

“Kam parë dy fytyra të Partizanit. Një fytyrë ndryshe në kampionat dhe një fytyrë ndryshe në ndeshjet e Kupës. Një Partizan që në Kupë është një ekip jo me atë agresivitetin e kampionatit, një ekip që e merr ndeshjen lehtë. Laçi bëri mirë, por Tirana arriti t’ia merrte në momentet e fundit. Kryendeshja ishte mes Kukësit dhe Teutës. Aty pashë një Kukës me një dëshirë për të kaluar dhe pashë një Teutë edhe pse është ekip me shumë cilësi nuk arriti të bënte asgjë”, tha Gjoka./abcnews.al

pashk-laska-dhe-refik-halili.jpg
G. P.12:30 | 04/04/2019

Përleshja mes presidentëve të Laçit dhe Tiranës ishte si një skenar filmash. Një konflikt i paralajmëruar pas dhunës në ndeshjen e Superligës në “Selman Stërmasi”.

Një ndeshje futbolli paska kosto tepër të lartë. Një skenar si ai i filmave uestern ndodhi vetëm pak kohë për përballjes Laçi-Tirana në Kupën e Shqipërisë, me presidentin kurbinas që sulmoi presidentin kryeqytetas, por që më pas e gjeti veten të sulmuar.

Burime pranë klubit tiranas bëjnë me dijë se ngjarja ndodhi pranë rrethrrotullimit tek ish-Shqiponja, ku presidenti laçian, Laska, po e priste Refik Halilin, i ndodhur në shoqërinë e një presidenti të një akademie futbolli. Mësohet se Halilit i është kërkuar të hapë xhamin e makinës dhe më pas është goditur me një send të fortë, aq sa thuhet se ka çarje në ballë.

Pas kësaj, njerëz të Halilit dolën nga makina dhe sulmuan presidentin kurbinas, duke e goditur disa herë. Policia ndërhyri më pas, ndërsa mësohet se të dy presidentët bënë denoncim për njëri-tjetrin. Tashmë, ka nisur një hetim për të zbuluar sesi ndodhi ngjarja.

Burime nga Tirana, ndërkaq, bëjnë me dijë se policia e ka braktisur autobusin e skuadrës, sapo ai ka dalë nga Laçi, në shkelje të rregullave të sigurisë për një ndeshje futbolli dhe lojtarët janë shqetësuar se mund të sulmoheshin.

Konflikti i rëndë pas ndeshjes së Kupës, pason dhunën që ndodhi në përfundim të sfidës së Superligës në korridoret e “Selman Stërmasit”, ku presidenti laçian, Laska, dhe lojtari i Tiranës, Michael N’go, tentuan konflikt fizik me njëri-tjetrin, dhe ku djali i Laskës goditi futbollistin anglez.

Besohet se një nga shkaqet e zemërimit të numrit 1 kurbinas ishte edhe publikimi i videos, por shkak tjetër mund të kenë qenë fjalët e Halilit pas asaj që ndodhi në “Selman Stërmasi”, ku akuzoi drejtuesit laçianë se shpërdoruan mikpritjen e tij./abcnews.al

VENDIMET-E-KOMISIONIT-TE-DISIPLINES.mpg_snapshot_00.10-1280x720.jpg
ent ela21:59 | 01/04/2019

Komisioni i Disiplinës ka dënuar Tiranën me 4 ndeshje pa tifozë për shkak të sjelljes së gabuar. Disiplina nuk ka kursyer as zyrtarët tek të dyja skuadrat duke i dënuar me disa javë nga aktivitetet sportive.

Komisioni i Disiplinës pranë Federates Shqiptare të Futbollit ka gjykuar me dorë të hekurt dhunën që ndodhi pas ndeshjes mes Tiranës dhe Laçit në ambientet e brendshme të stadiumit Selman Stërmasi. Skuadra e Tiranës është dënuar me 4 ndeshje pa tifozë në ndeshjet në shtëpi për shkak të sjelljes së gabuar të fansave bardh e blu.

Nuk mungojnë as dënimet individuale ku futbollisti i kryeqytetasve Majkëll Ngo është pezulluar me 5 ndeshje për sulm ndaj kundërshtarit. Dënimit nuk i ka shpëtuar as trajneri i portierëve të bardhebluve, Emanuele Egbo për shkak te protestave ndaj zyrtarëve të ndeshjes duke u skualifikuar për dy sfidat e radhës.

Dënime të ashpra edhe për skuadren e Laçit. Presidenti i kurbinasve Pashk Laska është dënuar me tre ndeshje për sjellje jo sportive dhe i ndalohet hyrja në ambientet sportive.

Ndërkohë që zyrtaret e skuadrës së Laçit, Kleo Laska dhe Klevis Hima janë dënuar me 9 ndeshje për dhunë ndaj kundërshtarit të ndeshjes.  /abcnews.al

SI-NDODHI-SHERRI-TIRANA-LACI-1280x720.jpg
ent ela15:05 | 31/03/2019

Pjesëmarrësit në sherrin pas ndeshjes Tirana-Laçi pritet të ndëshkohen nga Komisioni I Disiplinës në Federatë. Rregullorja parashikon 6 ndeshje pezullim dhe gjobë.

Përkufizimi i ngjarjes është i thjeshtë, ishte një turp. Personazhe të Tiranës dhe Laçit turpëruan një ndeshje që duhej të ishte model për të respektuar kujtimin e legjendës Ali Mema, dhe sipas rregulloreve, rrezikojnë ndëshkimin.

Neni 50 I Kodit të Disiplinës parashikon se kushdo që përfshihet në përleshje pezullohet me 6 ndeshje, si dhe merr gjobë 100 000 lekë.

Futbollisti i Tiranës, Majkëll Ngo, u përplas verbalisht me presidentin e Laçit, Pashk Laska, e më pas palët tentuan të përlesheshin edhe fizikisht, besohet pas një debati për mënyrën sesi shkoi ndeshja.

Në vijim, djali i presidentit kurbinas kapi lojtarin e Tiranës nga prapa dhe u përpoq ta godiste, por menjëherë u ndalua nga dy lojtarë kryeqytetas, Hasani e Imami.

Kaosi ishte i madh, megjithë ndërhyrjen e rojeve të sigurisë private, ndërsa Policia e Shtetit ishte tepër e ngadalshme në veprimet e saj. Në konflikt pati edhe kacafytje mes lojtarëve, ku doli i dëmtuar futbollisti laçian Sefgjini, ndërsa drejt tij u vërsul një portier i Tiranës.

Nuk dihet nëse Sefgjini ka goditur, dhe nëse ai vetë është goditur nga portieri kryeqytetas. Gjithë sherri nuk zgjati më shumë se 1 minutë, por mjaftoi për të prishur imazhin e ndeshjes.

Tirana pati pretendime për gjyqtarin Kridens Meta, si dhe për gjyqtarin e katërt, dhe konkretisht për shtesën e dhënë 6 minuta, shtesë e cila u shtua në 9 minuta nga Meta.

Vonesat gjatë ndeshjes, në të vërtetë, nuk e justifikuan as shtesën, dhe as zgjatjen e saj. Gjithsesi, gjatë lojës, nuk mund të thuhet se Meta mbajti krahun e njërës skuadër apo tjetrës.

Në minutën e 53-të ai akordoi 11-metërsh për Tiranën, që ishte në avantazh 1-0. Vendimi ishte i saktë, por penalltia u humb nga Hasani.

Në minutën e 65-të, arbitri anuloi me të drejtë golin e shënuar nga Grent Halili për Tiranën, sepse ai u realizua me dorë.

Meta u informua nga ndihmësit dhe ndryshoi vendimin, pasi fillimisht e dha gol të rregullt.

Në minutën e 4-ët shtesë, ai nuk ngurroi të nxirrte me karton të kuq futbollistin e Laçit, Najdenov, një vendim që mund të ishte edhe i ndryshëm, dhe lojtari kurbinas mund të ndëshkohej edhe vetëm me të verdhë. /abcnews.al

SHERRI-TIRANA-LACI-1280x720.jpg
ent ela08:21 | 31/03/2019

Një ngjarje e shëmtuar ndodhi në përfundim të ndeshjes mes Tiranës dhe Laçit, në stadiumin “Selman Stërmasi”. Të përfshirë në këtë konflikt ishin presidenti i kurbinasve, Pashk Laska dhe sulmuesi i Tiranës, Majkëll Ngo, që patën debat verbal mes tyre, dhe u përpoqën të konfrontoheshin fizikisht. Në sherr u përfshi edhe djali i Presidentit laçian, i cili goditi futbollistin e Tiranës. U desh ndërhyrja e dy lojtarëve tiranas që të largonin agresorët nga Ngo, ndërsa rojet private të sigurisë nuk u treguan të afta për të shmangur skena të tilla, e po kështu edhe Policia e Shtetit.

Lojtarët e Tiranës ishin shumë të revoltuar nga gjyqtari Kridens Meta, që shtoi lojën me 9 minuta, dhe pikërisht në fund erdhi goli i barazimit nga ana e Laçit. Në përfundim të ndeshjes, tiranasit shkuan t’i kërkonin llogari arbitrit, dhe besohet në këtë moment nisi edhe sherri. /abcnews.al

tirana-laci-1280x628.jpg
ent ela20:53 | 13/03/2019

Tirana arriti një fitore të thellë me shifrat 3-0 ndaj Laçit, në çerekfinale të Kupës së Shqipërisë. Dy golat e Majkell Ngo dhe një i Hasanit, i dhanë fitoren bardhebluve që janë me një këmbë në fazën tjetër.

Tirana shkëlqen në çerekfinale të Kupës së Shqipërisë ndaj Laçit. Bardheblutë fituan me shifrat e Poastras 3-10 falë dopietes së Majkëell Ngo dhe Edon Hasanit. Rezultati që do ta ndihmojë shumë Tiranën për të kaluar në gjysmëfinale të kupës së Shqipërisë.

Në pjesën e parë të dyja skuadrat krijuan raste shënimi si dhe pati disa vendime të kontestueshme të arbitrit. Në minutën e 36, gjyqtari ngre lart flamurin për pozicion jashtë loje të Xhixhës, por pamjet tregojnë që futbollisti ishte në pozicion të rregullt. Gjithsesi dy minuta me pas, Ngo del i vetëm përballë portierit, por gjyqtari ndalin lojën për pozicion të parregullt, ndërkohë që pamjet tregojnë të kundërtën. Në minutën e 39 janë sërish protagonistë arbitrat. Edon Hasani shënon një gol të rregullt, por që i anulohet për pozicion jashtë loje. Pjesa e parë e takimit mbyllet në barazim pa gola. Fillimi i pjesës së dytë nis në mënyrën më të mirë për Tiranën që shënon me Majkëll Ngol min 53.

Imami kroson saktë për shtalartin që e dërgon topin në trekëndësh për shifrat 1-0.

Tirana qëndron në sulm dhe shënon edhe golin e dytë sërish me Majkëll Ngo. Sulmuesi rrotullohet brenda zonës dhe me një goditje të bukur mposht portierin Selmani, që e ka të pamundur të ndalë atë top.  Laçi dorëzohet totalisht pasi Tirana shënon edhe golin e tretë me Hasanin. Konini kombinon bukur me Ngo, ndërkohë që Hasani shfaqet në momentin e duhur për të vulosur këtë takim. Ndeshja përfundon me fitoren e thellë të Tiranës që hedh një hap të rëndësishëm drejt kalimit në gjysmëfinale të kupës së Shqipërisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono