la liga

Manaj.jpg
Veronik Istrefaj20:36 | 20/01/2020

Sulmuesi shqiptar, Rey Manaj, është zyrtarizuar sot si lojtari më i ri i Barcelona B. 22 vjeçari shqiptar u largua nga Albacete dhe iu bashkua skuadrës katalanase. Sot, Manaj ka kryer vizitat mjekësore, ka vizituar ambientet e klubit, është takuar me shokët e rinj të skuadrës, si dhe ka firmosur kontratën e tij të re.

Bomberi i kombëtares shqiptare ka firmosur deri në verën e vitit 2023 me Barcelonën dhe klauzola e tij, është e frikshme. Plot 50 milion euro duhet të paguajnë skuadrat e tjera për firmën e Manaj, pasi kjo është klauzola që Barcelona ka vendosur.

Manaj luajti 29 ndeshje me Albacete dhe shënoi 8 gola, si dhe një gol në Kupën e Mbretit. Te Barcelona, sulmuesi kuqezi do të mbajë të veshur fanellën me numrin 22./abcnews.al

Video-prezanti i Rey Manaj:

Reiner.jpg
Veronik Istrefaj17:17 | 20/01/2020

Dihej prej disa ditësh, por tashmë është zyrtare. Real Madrid ka siguruar firmën e talentit 18 vjeçar brazilian, REiner Jesus Carvalho. 18 vjeçari ishte një ndër talentet më të kërkuar në këtë merkato dimri dhe “Galaktikët” kanë arritur të sigurojnë firmën e tij.

Reiner konsiderohet si Kaka i ri dhe ka bërë paraqitje shumë të mira me fanellën e Flamengos. Mesfushori ka fituar Copa Libertadores me klubin legjendar brazilian dhe u shpall kampion sezonin e shkuar. Pas Vinicius Junior dhe Rodrygo, Real Madrid siguron një tjetër talent me të ardhme premtuese.

Reiner ka firmosur me Realin e Madridit deri në vitin 2026 dhe do t’i bashkohet “Los Blancos” menjëherë sapo të mbarojë ndeshjet me Brazil U-23 në Lojërat Olimpike./abcnews.al

Zidane-Real.png
Klejdi Kaimi16:58 | 20/01/2020

Real Madrid është rikthyer te fitoret dhe tashmë janë ato në krye të La Liga. Zinedine Zidane po i rikthen sërish lavdinë galaktikëve dhe sekreti i tij këtë sezon janë mesfushorët. Trajneri francez e ka kthyer repatin e mesfushës në një makineri golash, ku shpesh herë kanë qenë dhe vendimtarë.

Rasti i fundit është ai i fitores 2-1 kundër Sevillas në ‘Bernabeu’ këtë fundjavë që kaloi. Ishte mesfushori Casemiro ai që i dha 3 pikët madrilenëve, me 2 golat e shënuar nga braziliani. Mesfusha e Realit deri në këtë fazë të sezonit është në kuotën e 16 golave, ku 5 prejt tyre i ka shënuar Modric, 4 Casemiro dhe Toni Kroos, 2 nga Valverde si dhe 1 gol nga James.

Zidane ende po pret rikupreimin e plot të kolumbianit. James Rodriguez ka luajtur vetëm 13 minuta që nga 22 tetori deri në gjysmëfinalen e Superkupës kundër Valencias. Përpara tetorit, James numëron 8 paraqitje, ku dhe ka shënuar golin e tij të vetëm në fitoren 4-2 kundër Granada. Mesfushori pritet të kthehet shumë dhe shpejt dhe do të jetë një as nën mëngë më shumë për Zidane. /abcnews.al

Januzaj.jpg
Igli Nikolli10:34 | 20/01/2020

Dëmtimi i rëndë i Nicolo Zaniolos e ka shqetësuar jo pak Romën. 20-vjeçari është një nga pikat më të forta të ekipit dhe trajneri Fonseca pret që drejtuesit t’i dhurojnë zëvendësuesin e tij. Një nga emrat që pëlqehet është ai i Adnan Januzajt.

24-vjeçari aktivizohet në të dy krahët e sulmit dhe ka një kontratë deri në vitin 2022 me Real Sociedad. Lojtari dardan është një nga të preferuarit e verdhekuqve, por gara për shërbimet e tij nuk është e lehtë.

Mundo Deportivo raporton se Januzaj ka edhe tre oferta të tjera. Përveç Romës, për lojtarin e kombëtares belge interesohen edhe dy skuadra të tjerë të Serie A dhe një nga Premier League.

Januzaj nuk është aktivizuar shumë këtë sezon me ekipin bask dhe largimi nga kampionati spanjoll është i paevitueshëm, teksa e ardhmja e tij është e ndarë mes Italisë dhe Anglisë. /abcnews.al

Setien-Barcelona-2.jpg
Igli Nikolli08:36 | 20/01/2020

Quique Setien e nisi me fitore aventurën në pankinën e Barcelonës. Kampionët e Spanjës fituan jo pa vështirësi ndaj Granadës në “Camp Nou”, sfidë që u zgjidh nga një aksion model. Vidal dhuroi një asist me finte dhe Leo Messi konkretizoi nga brenda zonës.

Një rekord u shënua në këtë ndeshje, teksa Barcelona realizoi 1005 pasime. Setien uron lojtarët për fitoren, konfirmon rëndësinë e madhe të “Pleshtit” dhe e mbyll me një koment për rekordin e pasimeve.

U treguam të jashtëzakonshëm. Nuk është e thjeshtë kur kundërshtarët mbyllen dhe duhet të gjejmë gjithmonë alternativa të reja loje. Messi bëri atë që bën prej një jete. Kur ke Leon në ekip je më i qetë.

Rekordi? Do të doja të kishim luajtur më shpejt, por Granada na e uli shumë herë ritmin me faullet e shumtë që shkaktonte. Kam një objektiv fiks, Barcelona ime duhet të kontrollojë gjithmonë ndeshjen“, thekson Quique Setien. /abcnews.al

Barcelona-2.jpg
Veronik Istrefaj23:00 | 19/01/2020

Barcelona ia ka dalë të fitojë përballë Granadas, me rezultatin e ngushtë 1-0, Kjo sfidë, ishte shumë më e vështirë nga sa ishte menduar për katalanasit, që vuajtën shumë të gjenin golin. Megjithatë, kur ke Lionel Messin në ekip, ke gjithmonë mundësi për të fituar.

Ishte pikërisht ylli argjentinas ai që i dha fitoren Barcelonës, në minutën e 76-të. Aksioni i Barcelonës ishte fantastik për këtë gol dhe gjithçka nisi me një top të rikuperuar nga talenti Riqui Puig. 20 vjeçari pason për Sergio Busquets, i cili gjen Messin me një pasim të shkurtër.

Argjentinasi pason shpejt për Griezmann. Francezi pason në mënyrë të shkëlqyer me të jashtmen për Vidal. Më pas, mesfushori kilian pason me thembër për Messin, i cili konkretizon me gol këtë aksion fantastik. Barcelona rimerr kreun e La Ligas me 43 pikë, duke qëndruar para Real Madridit vetëm prej golaverazhit./abcnews.al

Atletico.jpg
Igli Nikolli15:12 | 19/01/2020

Objektivi i madh i Atletico Madrid për sulmin është Edinson Cavani, por PSG ka kërkesa të larta për të lënë të lirë “El Matador”. Sulmuesit uruguaian i përfundon kontrata në fund të sezonit dhe kampionët e Francës duan 30 milion euro.

Spanjollët ofrojnë deri në 10 milion euro për shërbimet e 32-vjeçarit, i cili po pret me padurim transferimin nën urdhrat e Diego Simeones. Distanca mes ofertës dhe kërkesës është e madhe dhe Atletico po sheh edhe për alternativa të tjera.

Mundo Deportivo raporton se dy janë alternativat e Cavanit: Alexandre Lacazette i Arsenalit dhe Paco Alcacer i Borussia Dortmund. Nëse nuk gjendet gjuha e përbashkët me PSG për Cavanin, Atletico do të nisë ofensivën për sulmuesin francez ose atë spanjoll. /abcnews.al

Marcelo.jpg
Igli Nikolli11:29 | 19/01/2020

Mund të kesh dhënë gjithçka për ekipin tënd, mund të kesh fituar çdo trofe të mundshëm dhe mund të kesh qenë një nga më të mirët në botë prej vitesh në rolin tënd, por mjafton një paraqitje jo pozitive që tifozët të “harrojnë” çdo të mirë që u ke dhuruar.

Aq më shumë kur bëhet fjalë për tifozët e Real Madrid, të cilët njihen dhe preferojnë të jenë gjithmonë pak “aristokratë”. Marcelo nuk ndodhej në formën e tij më mirë në ndeshjen e djeshme kundër Sevillas.

Ekipi i Zidane fitoi 2-1 falë dygolëshit të Casemiros, teksa mbrojtësi i majtë brazilian u zëvendësua në minutën e 71-të me Mendy. Fishkëllima të shumta në “Santiago Bernabeu” në këtë moment. Të gjitha për 31-vjeçarin. Marcelo e ka përjetuar keq kontenstimin e madh dhe ka shpërthyer në lot në pankinë. Një moment prekës që i emocionoi të gjithë. /abcnews.al

Morata-Eibar.jpg
Veronik Istrefaj22:57 | 18/01/2020

Është mbyllur takimi në La Liga mes Eibar dhe Atletico Madridit, me vendasit që kanë marrë një fitore të madhe 2-0. Një gol i akorduar me VAR i Burgos dhe një supergol nga Exposito kanë vendosur fatet e kësaj sfide.

Djemtë e Simeones e nisën sfidën në mënyrën më të keqe të mundshme, pasi u ndëshkuan brenda 10 minutave të para. Gjatë zhvillimeve të një goditje këndi, Burgos ndodhet i lirë në shtyllën e dytë dhe shtyn topin në rrjetë. Fillimisht, ky gol u anulua për pozicion të parregullt, por pas konsultimit me VAR, u akordua.

Atletico nuk u pajtua për asnjë moment me këtë rezultat dhe kërkoi gjatë gjithë takimit të barazonte. Megjithatë, mbrojtja vendase nuk u thye, madje Eibar arriti të shënonte sërish në minutën e 90-të, me anë të supergolit të Exposito. Atletico mposhtet kështu dhe largohet edhe më shumë nga Real Madrid e Barcelona./abcnews.al

La Liga, java 20

Eibar – Atletico Madrid  2-0
Burgos 10′, Exposito 90′

Monchi.jpg
Igli Nikolli20:16 | 18/01/2020

Real Madrid iu fal dygolëshit të Casemiros dhe mposhti 2-1 Sevillan e Lopeteguit në “Santiago Bernabeu”. Sukses i vështirë për ekipin e Zidane dhe polemika të shumta të krijuara pas anulimit të një goli të ekipit mik.

Holandezi De Jong shënoi me kokë në minutën e 31-të, por VAR-i ndërhyri dhe goli u cilësua i parregullt për një faull ndaj mbrojtësit Militao. Drejtori sportiv i Sevilla, Monchi nuk përmbahet në deklaratën e dhënë pas ndeshjes, teksa pranon se do të tërhiqte ekipin nga fusha nëse anulohej edhe goli tjetër.

E pa gjithë bota atë aksion. Një veprim i tillë ndodh në ndeshje dhe pas atij momenti mbaron çdo analizë tekniko-taktike. Refuzoj të komentoj ndeshjen, sepse anulimi i golit ishte një moment kyç dhe është absurde të flasësh për ndeshjen.

Nëse do të anulonin edhe golin e dytë, do të zbrisja në fushë dhe do të tërhiqja skuadrën. Zhvilluam një ndeshje të madhe dhe jam i kënaqur me skuadrën, por mbetem i zemëruar dhe indinjuar, edhe pse po përpiqem të përmbahem“, thekson drejtuesi i klubit andaluzian. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono