kuvendi

ibrahimi-1.jpg
ent ela18:19 | 12/11/2019

Kreu i KLP-së Gentian Ibrahimi ka deklaruar pas miratimit të metodologjisë orientuese për vlerësimin e 3 kandidatëve për prokuror të përgjithshëm ku fokusi do të jetë tek aftësitë profesionele, se Kuvendi nisur nga 14 nëntori ka 30 ditë kohë për zgjedhjen e kryeprokurorit te vendit. Ndërsa sipas Ibrahimit emërimet e 8 prokuroreve në SPAK do të bëhen me 25 nëntorë.

Këshilli i Lartë i Prokurorisë miratoi metodologjin për vlerësimin dhe pikëzimin e 3 kandidatëve për prokuror të përgjithshëm. Kreu i KLP Gentian Ibrahimi deklaroi pas përfundimit të mbledhjen se për 30 ditë do të kemi prokurorin e ri të përgjithshëm

Sipas Ibrahimit metodologjia orientuese për vlerësimin e Kandidatëve për Kryeprokuror ka si kriter kryesore aftësitë profesionele, ku  vlerësimi është nga 1 deri në 20 pikë. Gjatë zhvillimit të mbledhjes, 3 anatërë të KLP, Esmeralda Cami Këshi, Tartar Bazaj dhe Kosta Beluri deklaruan se gjenden në situatën e konfliktit të interesit me Kryeprokuroren e Përkohshme, Arta Marku dhe kërkuan që të mos marrin pjesë në vleërsim, por kërkesat e tyre u rrëzuan nga anëtarët e tjerë të KLP me shumicë votash. Ndërsa Ibrahimi deklaroi se ligji parashikon që përpara çdo vendimmarrje ne të deklarojmë konfliktet e interesit në rast se kemi të tilla. I pyetur nga ABC News se përse nuk u  deklaruan, nga asnjëri prej antarëve të KLP situatat e konfliktit të interesit në të cilën gjendet Besnik Cani, i cili ka qenë Këshilltar i Markut, Ibrahimi deklaroi se kjo mbetet në vlerësim të anëtarëve.

Gentian Ibrahimi u shpreh se në datën 25 nëntor  do të bëhet  emërimi i 8 prokurorëve, që tashmë e kanë kaluar vettingun në Prokurorinë e Posaçme. Të mërkurën do të përballen me anëtarët e KLP-së 3 kandiatët Arta Marku, Fatjona Memçaj dhe Olsian Çela, ku do të zhvillojnë intervistat, dhe fokusi do të jetë tek aftësitë profesionale, menaxheriale dhe organizative. Gjithashtu ata do të japin sqarime në lidhje me karrieriën dhe çështjet që ata kanë hetuar. /abcnews.al

balla1.jpg
ent ela12:06 | 11/11/2019

Kreu i grupit parlamentar të PS-së, Taulant Balla, i është përgjigjur presidentit të Republikës në lidhje me ngritjen e Gjykatës Kushtetuese. Sipas Ballës Presidenti nuk ka hall, as kushtetues dhe as kriteresh, por do të çojë në kushtetuese një person që ai ka besim dhe njohje.

“Presidenti të heqë maskën dhe të flasë troç, nuk ka hallin e afateve as të Kushtetutës, ai ka ngulmuar që lista nga KED ti shkojë me 4 veta, se është renditur një person që ai ka besim, ka njohje. Ai do të çojë në Kushtetuese bashkëjetuesen e Alibealjt. Presidenti nuk ka hall, as kushtetues as kriteresh, troç. Presidenti nëse do të lexojë kushtetutën nuk ka të drejtë të bëjë të tretin”.

Balla tha se Kuvendi do të votojë sot dy anëtarët e rinj të Kushtetueses, ndërsa theksoi se presidenti ka kaluar afatet.

“Institucioni bazë nuk është as Presidenti as Gjykata e Lartë, as Kuvendi por KED, ku aplikojnë 700 veta dhe sjell 3 veta, presidenti dhe kuvendi ka afat. “Ka dalë sot nga kafja me njërin që e pi përditë dhe thotë Kuvendi është me vonesë, po si mor lum miku, ne na ka ikur afati që jemi brenda afatit, ndërkohe që ty që të ka ikur afati ti qenke në rregull. Më 3 nëntor i ka mbarur afati Presidentit, shpikje e re kjo që presidenti paska të drejtë të pezullojë afatin, me këtë precedent ai thotë pezulloj afatin 5 vjecar të presidentit dhe e bëj 50 vjet, deri kur të më teket mua”. /abcnews.al

 

 

manja1.jpg
ent ela11:21 | 11/11/2019

Arsyetim dashakeq me qëllim bllokimin e Gjykatës Kushtetuese e ka konsideruar kreu i komisionit të ligjeve Ulsi Manja reagimin e presidentit Ilir Meta në lidhje me ngritjen e Gjykatës Kushtetuese.

Nga foltorja e Kuvendit Manja sqaroi se nëse zbatojmë radhën, ajo i shkon Gjykatës së lartë, por në kushtet kur nuk ka Gjykatë të Lartë funksionale, bllokohet edhe për një vit Gjykata Kushtetuese.

“Radha është përcaktuar edhe për një arsye tjetër. Ka pasur në konsideratë ripërtëritjen e Gjykatës Kushtetuese. Ne nuk jemi në situatë normale, se vettingu e spastroi Gjykatën Kushtetuese,  vetëm një anëtar u konfirmua nga vettingu.

Çfarë ndodh? Kemi Gjykatën e lartë.

Një pyetje kam për juristët e Presidentit. E supozjmë që do zbatojmë radhën të parin Presidenti, të dytin ne sot, po radha i shkon Gjykatës së lartë, ne nuk e kemi funksionale, atëherë çfarë do bëjmë? Do bllokojmë Gjykatën Kushtetuese  edhe për një vit tjetër? Arsyetimi i presidentit është dashkeq, se me këtë formë synohet bllokimi i Gjykatës Kushtetuese?.

Kreu i Komisionit të Ligjeve, ftoi deputetët të votojnë dy emrat për anëtarët e rinj të Gjykatës Kushtetuese.

“Sot është momenti të dëshmojmë seriozitetin e vullnetin politik për ta bërë funksionale kushtetuesen. Duhet të bëjmë detyrën tonë, kandidatët që na ofrohen për votim janë dy zonja që i bëjnë nder gjykatës Kushtetuese. Kemi një debat me Presidentin, si përherë na paraqetitet si debat kushtetues po në thelb është konfliktik i pastër politik, që kur Presidenti e lexon kushtetutën politikisht e jo si garant i saj. Në rastin e kushtetueses duhet të çlirohet nga mentaliteti i konfliktit politik dhe të bashkëpunojë për plotësimin e vakancave në Gjykatën Kushtetuese”./abcnews.al

 

metapendarovskiu-1280x938.jpg
ent ela10:45 | 10/11/2019

Presidenti Ilir Meta ka bërë publike letrën drejtuar Kryetarit të Parlamentit, Gramoz Ruçi në lidhje me emërimin e anëtarëve të Gjykatës Kushtetuese. Meta bën thirrje ripërtëritja e Gjykatës Kushtetuese, të ndjekë radhën kronologjike të diktuar nga Kushtetuta dhe ligji.

Sipas tij propozimi i KED nuk mund të realizohet, pasi është radha e Kuvendit që të zgjedhë anëtarin e dytë të Gjykatës Kushtetuese.

“Synoj të respektoj normën e zbatimit të radhës në emërimin e anëtarëve të Gjykatës Kushtetuese. Nuk mund të pranoj shkeljen e dispozitave kushtetuese, për shkak të veprimtarisë së gabuar të KED”.

Ndërkohë kreu i shtetit u jep edhe një këshillë deputetëve që ta lexojnë me durim dhe kujdes letrën në fjalë.

“Duke vlerësuar rëndësinë e jashtëzakonshme që ka ngritja sa më parë e Gjykatës Kushtetuese, vetëm në respekt të Kushtetutës, e cila ndan përgjegjësitë dhe radhën e ushtrimit të këtyre përgjegjësive nga secili institucion, po ju bëj publike letrën drejtuar Kryetarit të Kuvendit, z.Gramoz Ruçi për këtë çështje mjaft të rëndësishme.

Po kështu, është e domosdoshme që këtë letër ta lexojnë me durim dhe kujdes, të gjithë deputetët përpara se të ushtrojnë përgjegjësitë e tyre”, shkruan ndër të tjera Meta. /abcnews.al

Letra:

OK-HAPAT-PER-KUVENDIN-DHE-QEVERINE-KOSOVE.mpg_snapshot_00.26-1280x720.jpg
ent ela17:40 | 08/11/2019

Grupet e punës të Lëvizjes Vetëvendosje dhe Lidhja Demokratike e Kosovës, dy subjekte që janë renditur të parat në zgjedhjet në Kosovë, kanë mbajtur deri tani 6 takime për të përafruar programin qeverisës. Dy partitë kanë 30 ditë kohë deri sa presidenti të thërrasë seancë konstituive të parlamentit të ri të dalë nga zgjedhjet e 6 tetorit.

Megjithëse KQZ në Kosovë shpalli rezultatin përfundimtar të zgjedhjeve të 6 tetorit, ende mbeten një sërë procedurash për të shkuar deri në parlamentin dhe qeverinë e re. Dy partitë që kanë dalë të parat Lëvizja Vetëvendosje me 32 deputetë dhe Lidhja Demokratike e Kosovës me 29 deputetë tashmë kanë mbajtur gjashtë takime për të përafruar programin qeverisës të udhëhequr nga këto dy subjekte politike. Nisma nuk arriti të futej në Kuvend për 134 vota.

Instituti Demokratik i Kosovës (KDI) ka shpjeguar hapat drejt konstituimit të Kuvendit dhe formimit të Qeverisë.

Pas shpalljes së rezultateve përfundimtare nga Komisioni Qendror i Zgjedhjeve (KQZ), Presidenti thërret seancën konstituive të Kuvendit brenda 30 ditëve nga shpallja e rezultateve përfundimtare.

Në seancën konstituive, konfirmohen (verifikohen) mandatet e deputetëve. Pastaj Kuvendi konsiderohet i konstituuar pas votimit të suksesshëm të kryetarit dhe nënkryetarëve të tij. Në rastin tjetër sipas KDI-së, nëse Presidenti nuk e thërret këtë seancë, ajo mund të thirret nga vet Kuvendi.

Pas kësaj seanca e parë konstituive udhëhiqet nga deputeti më i vjetër dhe më i ri i Kuvendit.

Më pas kryetari i Kuvendit propozohet nga grupi më i madh parlamentar dhe zgjedhet me shumicën e votave të të gjithë deputetëve të Kuvendit. Me shumicë të votave zgjedhen edhe tre nënkryetarët, të propozuar nga tri grupet më të mëdha parlamentare dhe dy nënkryetarë që përfaqësojnë komunitetet që nuk janë shumicë në Kuvend.

Pas konstituimit të Kuvendit, Presidenti i propozon Kuvendit kandidatin për kryeministër. Kandidati për kryeministër, duhet ta paraqes përbërjen e kabinetit të tij qeverisës para Kuvendit të Kosovës brenda 15 ditës pas emërimit.

Nëse përbërja e propozuar e Qeverisë nuk merr shumicën e votave të nevojshme, Presidenti obligohet që brenda 10 ditësh të emëroj kandidatin tjetër sipas të njëjtës procedurë.

Më pas propozimi për kandidatin për kryeministër bëhet në konsultim me subjektin politik që ka fituar më së shumti ulëse në Kuvend. Qeveria konsiderohet e zgjedhur nëse merr shumicën e votave të të gjithë deputetëve të Kuvendit të Kosovës.

Në rastin kur përbërja e propozuar e Qeverisë nuk merr shumicën e votave nevojshme, atëherë Presidenti shpall zgjedhjet ku duhet të mbahen jo më vonë se dyzetë (40) ditë nga dita e shpalljes së tyre.

Por të gjitha këto procedura duhet të ndodhin pas shqyrtimit të të gjithave ankesave të subjekteve politike nga ana e PZAP-së dhe ankesave nga Gjykata Supreme. Sipas nenit 66 të Kushtetutës së Kosovës, brenda 30 ditëve pas shpalljes përfundimtare të rezultateve nga KQZ, presidenti duhet të thërras seancën konstituive të Kuvendit.

Nëse Presidenti nuk e bën këtë, seanca mund të thirret nga vet Kuvendi. Sipas KQZ-së pjesëmarrja e qytetarëve në zgjedhjet e 6 tetorit ishte 44,72 për qind. Ndërsa në bazë të rezultateve të KQZ-së, Lëvizja Vetëvendosje ka fituar 220 mijë e 811 vota apo 26,159 për qind, LDK 206 mijë e 458 vota apo 23,458 për qind, PDK ka 178 mijë e 645 vota apo 21.163 për qind, AAK-PSD koalicioni 100 për qind Kosovë ka 96 mijë e 883 vota apo 11, 477 për qind, Lista Serbe 57 mijë e 15 vota apo 6.754 për qind, Nisma-AKR-PD 42 mijë e 72 vota apo 4.984 për qind. /abcnews.al

majlinda-halili-deputetja-1280x717.jpg
nev ila17:11 | 28/10/2019

Pasi e provoi duke folur e duke shkruar dhe nuk pati sukses, këtë të hënë, Majlinda Halilaj provoi të shkëlqejë përmes heshtjes.

Kur ka kaluar më shumë se një javë nga fjalimi i Korporatës, deputetët kanë mendime të ndryshme për kolegen e tyre.

Shumica jua hedhin fajin emocioneve.

Të tjerë nuk komentojnë.

Kujtim Gjuzi është si përherë origjinal.

“Majlinda Halili është një zonjë jo vetëm e mençur por edhe e bukur dhe është deputetja e parlamentit të Republikës së Shqipërisë”, tha Gjuzi.

Majlinda Halilaj është deputete që prej marsit, dhe ka zënë karrigen e Lulzim Bashës./abcnews.al

KRONIKE-KUSHTETUESJA-NE-KUVEND.mpg_snapshot_00.00-1280x720.jpg
ent ela16:35 | 25/10/2019

ABC News ka mësuar se Kuvendi ka vendosur t’i zgjedhë dy gjyqtarët e rinj kushtetues në limiten e afateve, pikërisht në seancën e 14 nëntorit.  Kjo datë bie ndesh me afatet e presidentit, i cili duhet ta zgjedhë gjyqtarin e dytë brenda 8 nëntorit, por thotë se nuk mund të veprojë nëse sipas Kushtetutës Kuvendi nuk zgjedh emrin e tij të parë. Për këtë arsye, pritet që vakancën e dytë Meta ta kthejë  pas në KED.

Kushtetuta e Republikës së Shqipërisë, në nenin 179 pika 2 të tij, përcakton se: “Anëtari i parë për t’u zëvendësuar në Gjykatën Kushtetuese emërohet nga Presidenti i Republikës, i dyti zgjidhet nga Kuvendi dhe i treti emërohet nga Gjykata e Lartë. Kjo radhë ndiqet për të gjitha emërimet që do të bëhen pas hyrjes në fuqi të këtij ligji.”

Po ashtu, edhe në nenin 7 pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, përcaktohet se: “Përbërja e Gjykatës Kushtetuese përtërihet çdo 3 vjet, me një të tretën e saj. Anëtarët e rinj caktohen sipas radhës, përkatësisht nga Presidenti i Republikës, nga Kuvendi dhe nga Gjykata e Lartë. Ky rregull ndiqet edhe në rastet e përfundimit para afatit të mandatit të anëtarit të Gjykatës Kushtetuese”. /ABC News Albania 24/7

balla-1.jpg
ad min20:08 | 22/10/2019

Mazhoranca nuk do të shkojë në zgjedhje të parakohshme. Kreu i grupit parlamentar socialist, Taulant Balla, gjatë një interviste në televizionin ABC News, deklaroi se nuk e kanë ndërmend të abuzojnë me detyrën që qytetarët u kanë dhënë. Sipas Ballës zgjedhjet do të mbahen në vitin 2021 dhe do të zhvillohen me Kod të ri Zgjedhor.

“Të gjithë e dimë edhe ju. Këtu nuk bëhet fjalë që ka ndonjë dyshim që PS nëse bëhen zgjedhje të dielën nuk i fiton zgjedhjet, madje i fitojmë edhe me diferencë të madhe. Ky popull është lodhur nga historitë që partitë të bëjnë llogaritë e tyre. Ata duhet t’i qëndrojnë kalendarit politik për të cilën janë votuar. PS ka përditë një punë për të realizuar. Ka ca të papunë që e masin normën e punës me daljet në konferencë për shtyp. Ne kemi një objektiv.

Askush, as ne nuk e kemi këtë drejtë të themi në mënyrë abuzive që i duam zgjedhjet tani se ti na ke thënë me Kushtetutë ti kemi në Qershor 2021. Do zhvillohen me Kodin e ri Zgjedhor. Ka vetëm një palë zgjedhje të parakohshme për shkak të dorëheqjes së kryetarit të Bashkisë së Shkodër”, tha Balla, duke i bërë edhe thirrje Presidentit Meta që të dekretojë datën e re të zgjedhjeve.

Për sa i përket opozitës, Balla tha se duhet të njohë deputetët e saj në parlament dhe në këtë mënyrë do të realizohet edhe detyra që ajo ka në lidhje me 9  kushtet e caktuara nga Bundestagu gjerman.

“Ju thatë që edhe opozita i respekton 9 pikat. Opozita ka vetëm 1 detyrë në 9 pikat. E dini kush është detyrimi? Që të mos vonojë më historinë e miratimit… miratimit se nuk kanë gjë në dorë se e bën Kuvendi.  Mirë të njihnin deputetët në parlament, dhe bashkë me ta të hartonin vlerësimet e tyre dhe Kuvendi ta miratojë”, tha Balla, i cili rikujtoi edhe qëndrimin e Palmer disa muaj më parë, sipas të cilit ka një mënyrë për të ripërfshirë PD dhe LSI-në, që është njohja si përfaqësues të tyre deputetët që kanë hyrë në Kuvend nga listat e tyre./abcnews.al

abelard-tahiri.jpg
ad min15:45 | 17/10/2019

Kryetari i PDK-së, Kadri Veseli tha se ministri Abelard Tahiri është ftuar nga Gjykata Speciale për shkak të pozicionit institucional që e ka. Gjykata thirri javën e kaluar edhe 4 ushtarakë të tjerë të UÇK-së. Ministri i në largim i Drejtësisë, Abelard Tahiri, është i ftuari i radhës i Gjykatës Speciale në Hagë.

Zoti Tahiri tha se është ftuar nga gjykata speciale para dy javësh, në cilësinë e dëshmitarit. Kryetari i PDK-së, Kadri Veseli, i cili ka konfirmuar ftesën e gjykatës, ka thënë se ministri Tahiri është ftuar nga Gjykata Speciale për shkak të pozicionit institucional që e ka.

“Duhet të jetë intervistë qartësuese në procesin që po kalon Specialja”, tha Veseli.

Numri i personave të thirrur nga Gjykata e Hagës për intervistim ka vazhduar të rritet. Së fundi është thirrur edhe Salih Mustafa, i cili gjatë kohës së luftës së UÇK-së ka qenë epror i Zonës Operative të Llapit.

Ndërsa javën e kaluar, Gjykata e Hagës thirri edhe Fadil Bekën, Fatmir Sopin dhe Sejdi Veselin. Beka është ish-deputet i Kuvendit të Kosovës, i njohur si kirurgu i UÇK-së./ABC News Albania 

esiona-konomi-1.jpg
ad min10:03 | 17/10/2019

Negociatat. Këtu pritet të jenë të fokusuara diskutimet në seancën plenarë të ditës së sotme, e cila do të zhvillohet pa protagonizmin e kryeministrit Edi Rama. Ai  ndodhet në Luksemburg ku po përpiqet të marrë një PO nga krerët e shteteve të Bashkimit Europian.

Megjithatë një pikë e nxehtë diskutimesh do të jenë edhe problemet e brendshme të kryesimit brenda grupit parlamentar demokrat.

“Në tavolinën e kreut të Kuvendit Gramoz Ruçi janë dy shkresa. Një që mban firmat e shtatë deputetëve demokratë që kërkojnë të shkarkojnë rudina Hajdarin dhe të bëjnë Korab Litën kryetar dhe një shkresë tjetër e gjashtë deputetëve të pavarur që kërkojnë t’i bashkohen grupit të Rudina Hajdarit”, raportoi nga Kuvendi gazetarja Esiona Konomi.

Në rend dite është edhe buxheti faktik 2018 dhe votimi i një projektligji të debatueshëm i agjencisë shqiptare të investimeve, një agjenci që sipas ekspertëve dhe opozitës do përbëjë një rrezik real për ngritjen e çmimit të karburanteve në Shqipëri.

Gjithashtu pritet që opozita parlamentare të ngrejë si çdo seancë parlamentare kërkesën e saj për ndryshimin e sistemit zgjedhor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono