kuvend

rudina-hajdari-1280x721.jpg
Sej rie12:11 | 08/05/2019

Parlamenti ka mbajtur një minutë heshtje për efektiven e Forcave të Armatosura shqiptare të gjendura në Letoni për një mision të Aleancës së Atlantikut të Veriut, gjatë të cilit humbi jetën efektivja Zarife Hasanaj. Por moment nuk ka kaluar pa konfuzion në Parlament, kur deputetja Hajdari kërkoi nderimin.

Hajdari: “Zoti kryetar ditën e hënë më 6 Maj humbën jetë tre ushtarakë shqiptarë në Letoni gjatë misionit të NATO-s”.

Zëra nga salla: “Dy të plagosur jo të vrarë…”

Hajdari: ‘Tre, mund t’ua them emrat. Dy të tjerë janë plagosur. Dakord!”

Ruçi: “Vazhdoni zonja Hajdari…”

Rudina: “Dakord! Do i kërkoja Kuvendit të Shqipërisë një minutë heshtja për zonjën Zarife Hasanaj, 32-vjeç e lindur në “Bajram Curr” Tropojë. Zonja Hasanaj ishte një vajzë e cila pavarësisht mentalitetit të vjetër ajo kishte ëndrrën e saj të vishte uniformën ushtarake dhe të shërbente për kombin e saj. Përulem para veprës së saj dhe kërkoj që ta nderojmë dëshmoren tonë”.

Ruçi: “Zoti Balla të lutem…”

Balla: “Plotësisht dakord por mirë do të ishte që minuti i heshtjes të mbahet në fillim të votimit kur të gjithë deputetët të jenë njoftuar sepse askush nuk mund të mungojë në sallë në një moment të rëndësishme të respektit që ky parlament ka ndaj një dëshmoreje në emër të luftës për paqe që Shqipëria përçon kudo në botë”.

Ruçi: “Edhe unë e përgëzoj zonjën Hajdari që bëri këtë propozim në fillim të kësaj seance. këtë e kisha edhe unë para sysh dhe padyshim që nuk mun të ishte jashtë vëmendjes  së Kuvendi kjo ngjarje, ndaj po prisja momentin që të ishin edhe të tjerët, megjithatë nuk është nevoja të përcaktojmë një orë dhe na ta kryejmë ritualin në përmbushje të propozimit. Është e vërtetë ajo që thotë zoti Balla që po prismin një moment që të ishte një korum më i madh për të pasi ishte një rast i jashtëzakonshëm dhe ka konsensusin e të gjithë Parlamentit. Ftoj deputetë për të nderuar veprën e zonjës Hasanaj me një minutë heshtje”./abcnews.al

endrit-hoxha-1280x745.jpg
Sej rie10:41 | 08/05/2019

Një situatë e pazakontë ndodhi sot në Kuvend. Ndërsa kryeparlamentari Ruçi po drejtonte seancën për betimin e deputetëve të rinj, Indrit Hoxha nga listat e PD-së nuk pranoi që të merrte mandatin e deputetit. Ai e ka  refuzuar mandatin në sallën e Kuvendit.

Në momentin që kryetari i Kuvendit, Gramoz Ruçi thirri emrin e tij të betohej ai u ngrit dhe u shpreh: “Unë Indrit Hoxha, kandidat në listën vijuese të Partisë Demokratike të Shqipërisë ndërmarr sot  këtë akt politik në emër të babait tim të ndjerë Fatmir Hoxha, i burgosur politik i regjimit kriminal që nuk reshti deri në frymën e fundit luftën për liri dhe demokraci. E ndërmarr ketë akt politik në shenjë revolte dhe neverie kundër krimit të rilindur të këtij parlamenti ilegjitim dhe në respekt të vlerave të familjes time dhe sidomos ato që im atë me la trashëgimi. Refuzoj të marr mandatin e deputetit në një vend ku klika kriminale ne pushtet ka asgjësuar Gjykatën Kushtetuese dhe Gjykatën e Lartë dhe ka kapur drejtësinë. Refuzoj të marr mandatin në Parlamentin ilegjitim që e drejton urdhëruesi i vrasësve të Arben Brocit dhe shokëve të tij në masakrën e 2 Prillit. Refuzoj të bëhem pjesë e një Parlamenti ilegjitim ku ulen hetues dhe prokurore te diktaturës të cilët kanë torturuar dhe vrarë të rinj shqiptarë. Refuzoj të marr mandatin në një parlament ilegjitim ku në karrigen e kryeministrit ulet i biri i njeriut që firmosi për varjen e poetit Havzi Nela. Refuzoj të bëhem pjesë e një parlamenti ilegjitim ku ndodhen urdhëruesit e vrasjes se tribunit të demokracisë Azem Hajdari. Ky nuk është Parlament, por galeri e krimit. Fundi i kësaj farse kriminale është shume i afërt. Unë refuzoj të bëj betimin dhe të marr mandatin sepse ai mandat i takon popullit dhe jo kriminelëve, hajdutëve dhe delenxhinjve që ndodhen sot këtu. Rroftë Shqipëria! Rroftë Demokracia! Zoti i bekoftë shqiptarët”.

Gramoz Ruçi: Zoti Indrit këtë mund ta bëje deklaratë për shtyp  jashtë seancës dhe në sallë mund të mos vije. Ti me vullnetin tënd ke bërë kërkesën dhe kë kërkuar mandatin e deputetit. Është e drejta jote kushtetuese të mos bësh betimin. Rrugë të mbarë dhe suksese në jetë!/abcnews.al

betohen-deputete-1280x657.jpg
Sej rie11:31 | 25/04/2019

Në seancën e sotme parlamentare janë betuar gjashtë deputetë të rinj pasi kanë marrë konfirmimin nga Komisioni Qendror i Zgjedhjeve.

Ata janë Zef Shtjefni kryetar i Partisë “Ora e Shqipërisë”, Nikolin Staka nga listat shumëemërore të Partisë Demokratike në Shkodër, kryetari i Partisë Balli Kombëtar Demokrat Artur Rroshi, Fatjona Koço, Eugen Bojaxhi, Andi Përmeti i cili vjen nga nga listat e Partisë Demokratike por është edhe themelues i partisë së re ‘Bindja Demokratike’.

Me betimin e gjashtë emrave të fundit, numri i deputetëve të betuar në Kuvend shkon në 108.

Erjon Piciri, i cili ka qenë kandidat për kryetar të Partisë Demokratike nuk ishte i pranishëm në seancë për t’u betuar pas marrjes së mandatit, ndërsa dy të tjerë pritet që të marrin mandatin, pasi kanë dorëzuar dokumentacionin në KQZ./abcnews.al

 

policia-para-parlamentit.jpg
G. P.12:03 | 18/04/2019

Kuvendi ka vazhduar seancën e radhës plenare si çdo të enjte. Por ndryshe nga herët e tjera, ajo nuk është shoqëruar me protesta nga ana e opozitës.

Megjithatë edhe pse jashtë oborrit të Kuvendit nuk ka protestues, policia ka marrë masat e saj. Ndërkohë opozita pritet të vendosë sot për vazhdimësinë e protestave të saj. Mësohet se në mesditë në selinë blu do të mblidhen kryesia e PD dhe grupi i ish-deputetëve.

Sipas një njoftimi, në fokus të kësaj mbledhje do të jenë një vlerësim i situatës politike dhe vijimi i aksionit politik opozitar. Po ashtu është vendosur që në orët e  pasdites së sotme të zhvillohet edhe mbledhja e Këshillit Kombëtar të PD-së./abcnews.al

lleshaj-5.jpg
G. P.10:39 | 18/04/2019

Në seancën plenare të kësaj të enjteje deputetët e opozitës kanë kërkuar interpelancë urgjente me ministrin e Brendshëm, Sandër Lleshaj në lidhje me grabitjen në Rinas. Gjatë fjalës së tij në foltoren e Kuvendit, Lleshaj tha se nuk kemi të bëjmë me cënim të sigurisë kombëtare.

Sipas tij, kjo ngjarje është një seri dështimesh e disa hallkash që janë përgjegjëse për sigurinë e aeroportit.

“Ngjarja është e rëndësishme sepse është e përsëritur dhe ngarkon me përgjegjësi shumëkënd. Kjo ngjarje ka marrë vëmendjen e duhur të Policisë së Shtetit, pavarësisht ngarkesave të shumta paralele që ka Policia e Shtetit për të menaxhuar situata të ndërlikuara që rrallë herë e kanë përqendruar fokusin e saj. Ka pasur një gatishmëri të madhe për të prodhuar skenarë apokaliptikë të ndërtuar me argumentit çfarë do kishte ndodhur.

Rëndësia e madhe e çdo diskutimi duhet të fokusohet në kuptimin e mirë ngjarjesh që është një episod e një serie ngjarjesh për të parandaluar në të ardhmen, për të nxjerrë përgjegjësitë personale dhe institucionale. Nuk është shkatërrim i sigurisë kombëtare të Shqipërisë. Siguria kombëtare e Shqipërisë nuk mund të cënohet nga 5 vetë”, tha ai.

Lleshaj tha se duhet përmendur fakti që siguria e aeroportit është transferuar në duar private. Gjithashtu Lleshaj theksoi se policia është njoftuar nga palë të treta, ndërsa operatori i sigurisë që funksion brenda aeroportit “Nënë Tereza” ka njoftuar me 5 minuta vonesë dhe nuk ka hapur portën për policinë.

“Është dëshmi e një seri dështimesh e disa hallkave që janë përgjegjësie për sigurinë e aeroporti. Përgjegjësia e sigurisë së aeroportit i është transferuar një operatori privat. Askush nuk e ka atakuar faktin bazë që çështja e rëndësishme e sigurisë së aeroportit të është transferuar në duar private.

Policia kishte marrë në rrugë të treta njoftimin për ngjarjen dhe cënimin e sigurisë. Në rrugë zyrtare salla ka njoftuar Komisariatin e Rinasit 6 minuta e 30 sekonda më vonë. Në të njëjtën kohë, TIA ka njoftuar Aviacionin Civil 30  minuta pasi ka ndodhur ngjarja. Kontraktori privat i sigurisë së aeroportit nuk ka lejuar FNSH të hyjë në aeroport për arsye se porta përkatëse nuk është hapur”, tha Lleshaj./abcnews.al

rama-3-1280x701.jpg
Sej rie14:15 | 11/04/2019

Kryeministri Edi Rama nuk ka dhënë garanci për hapjen e negociatave këtë vit. Në fjalimin e tij në Parlament, kryetari i qeverisë është shprehur i sigurt se kurdo që të jetë koha për tu bërë pjesë e Bashkimit Evropian, do të jetë Partia Socialiste që qeveris vendin.

Nuk i ka rezervuar shumë kohë opozitës në fjalimin që ka përgatitur në seancën parlamentare të kësaj të enjteje.

Është fokusuar në çeljen e negociatave për anëtarësim në Bashkimin Evropian por nuk ndan të njëjtën bindje nëse do të ndodhë apo jo.

Fillimisht kryeministri Edi Rama flet për detyra të realizuara.

Madje çka ka realizuar Shqipëria po merret si pikë referimi gjë që bie pak në kontradiktë me skepticizmin e disa vendeve evropiane shprehet kreu i qeverisë.

Pikëpyetjet vazhdojnë kur përmend edhe presidentin e Francës.

Këto deklarata i bëri për të sqaruar shqiptarët se përse mbajnë një qëndrim të tillë disa shtete për hapjen e negociatave të Shqipërisë. Të tjerat i ka ruajtur për politikën e brendshme të Shqipërisë.

Opozitës nuk i la pa i përsëritur ftesën për tu ulur bashkërisht në tryezën e reformës zgjedhore duke i kujtuar gjithashtu se zgjedhjet do ti bëjnë me apo pa ta.

Sido që të jetë vazhdimi i reagimit opozitar, fitoren e ka të sigurt edhe nëse vendosin t’i dalin përballë në zgjedhjet vendore të 30 qershorit apo ato të përgjithshme në vitin 2021.

Në seancën parlamentare renditi arritjet sipas tij të qeverisë në reformimin e administratës publike, rritjen ekonomike, luftën ndaj korrupsionit dhe krimit por nuk tha asgjë për rrethimin e aeroportit të Rinasit. Këtë e la për ndjekësit e tij në Instagram të cilëve u publikoi disa foto.

Dhe i informoi se këta janë Forcat ushtarake në aeroportet e Parisit, Venecias, Frankfurtit dhe Amsterdamit, si reagim ndaj akteve cënuese për sigurinë e infrastrukturave aeroportuale dhe qytetarëve që i përdorin ato.

Ndërkohë beretat e kuqe të policisë sonë ushtarake janë vendosur thjesht në ruajtje të perimetrit të jashtëm të sigurisë shkruan kryeministri i cili i quan marrëzira të gjitha ata që flasin  për shkelje kushtetute, gjendje lufte, juntë ushtarake./abcnews.al

deputett-1280x686.jpg
Sej rie10:24 | 11/04/2019

Sot në seancën plenare të Kuvendit janë ulur tre deputetë të rinj të opozitës. Ata vijnë nga listat shumëemërore të Partisë Demokratike. Korba Lita nga qarku Tiranë, Arlind Çaçani nga qarku Korçë dhe Halil Jakimi nga qarku Dibër bënë sot betimin.

Numri i deputetëve në Kuvendin e Shqipërisë arrin në 102, nga të cilët 79 janë nga mazhoranca dhe 23 nga opozita. Një ditë më parë në Komisionin Qendror të Zgjedhjeve dorëzuan formularin e dekriminalizimit edhe dy kandidatë të tjerë. Andi Përmeti nga lista shumëemërore e Partisë Demokratike në qarkun Korçë dhe Eugen Bojaxhiu nga lista e Lëvizjes Socialiste për Integrim në qarkun e Beratit./abcnews.al

protesta-opozita.jpg
G. P.13:01 | 03/04/2019

Protestues të shumtë u mblodhën përpara parlamentit për të protestuar këtë të mërkurë, ndërkohë që Kuvendi ishte mbledhur për të vazhduar seancën plenare të radhës.

Pasi protestuan aty për rreth dy orë, ata u zhvendosën nga godina e Kuvendit drejt Piramidës. Aty tubuesit i vunë zjarrin një piramide prej letre, të cilën e kishin etiketuar si “Piramida e Krimit”. Pas qëndrimit për disa minuta aty, protestuesit u zhvendosën drejt selisë blu.

“Shumë shpejt do ta shihni si do marrë vrapin dhe nuk do dijë ku të ndalet. Ka dalë dhe numëron sa ishin demokratët sot, sa kishte mbledhur opozita sot sa do mbledhë nesh. Ai nuk kupton një gjë, ne do të jemi në shesh, dhe që urrejtja e grumbulluar sot në shpirtin e shqiptarëve është gjithë ditën aty dhe një ditë do ta mbysë”, tha Paloka.

Ndërkohë gjatë momentit që Kryeministri Rama mbante fjalimin e tij në foltoren e Kuvendit, pati përplasje mes protestuesve dhe policisë.

Gjithashtu tensionet e para janë shënuar në mëngjes pranë Ministrisë së Brendshme, aty ku banorët e Unazës së Re janë ndaluar nga policia të kalojnë në pedonalen Murat Toptani. Ndërkohë, ish-deputeti Klevis Balliu në një prononcim të shkurtër për mediat tha se e gjithë përplasja bëhet nga policia që më pas të arrestojë dhe shoqërojë protestuesit.

“Kjo bëhet vetëm për shoqërime, s’bëhet për asnjë gjë tjetër. Kjo këtu është një pikë grumbullimi, s’është pjesa e protestës dhe mundohen që të përplasen me banorët që më vonë t’i arrestojnë dhe shoqërojnë kot. Për këtë bëhet kjo”, tha Balliu.

Mësohet se kreu i Partisë Demokratike, Lulzim Basha mungon në këtë protestë sepse ka udhëtuar në Berlin mbrëmjen e së martës. Ai do të zhvillojë takime punë me anëtarë të PPE. Kjo është protesta e dytë nga 8 të tilla, ku kryetari i PD-së nuk do të jetë prezent. Megjithatë, ai i ka inkurajuar protestuesit nëpërmjet një statusi në rrjetet sociale.

“Qytetarët shqiptarë janë ngritur kundër Maduros së Ballkanit i cili është kapur duke vjedhur. Ky vend ka zot! Sovrani në Republikën e Shqipërisë është populli shqiptar”, shkruan Basha

Ndërkohë policia ka marrë masa të shumta përpara parlamentit. Mësohet se kësaj here, drejtuesit e uniformave blu kanë vendosur shumë efektivë edhe pranë Kryeministrisë dhe Ministrisë së Brendshme për shkak të zhvendosjes së protestuesve.

Ndërkohë rruga George W. Bush u bllokua për automjetet. Gjithashtu edhe pedonalja Murat Toptani u bllokua për qarkullimin e këmbësorëve./abcnews.al

rudina-hajdari.jpg
G. P.11:06 | 03/04/2019

Ndryshimet në kodin zgjedhor dhe miratimi i tyre kanë shkaktuar debat në seancën e sotme parlamentare. Deputetja Rudina Hajdari e ka cilësuar të pasinqertë ftesën për bashkëpunim që socialistët i kanë drejtuar deputetëve të dorëhequr.

“Zoti Gjiknuri pa pikë turpi i shtriu dorën opozitës jashtë që të marrin pjesë në komisionet e ngritura të reformës zgjedhore. Ku është dëgjuar që një ish-deputet që është një qytetar të ketë votë dhe të drejtën e tij të vetos. Kjo ofertë është një mënyrë për të pasur një marrëveshje nën tavolinë me PD-në dapo LSI-në. Kjo zotëri nuk ka për të ndodhur”, tha Hajdari në fjalën e saj.

Kryetari i grupit parlamentar të Partisë Socialiste Taulant Balla është përpjekur ta sqarojë se ky bashkëpunim është i detyrueshëm sipas rekomandimeve të OSBE/ODIHR.

“Pa dashur të bëj replikë me znj.Hajdari dua të them se të gjitha këto janë çështje që duhen ndarë. Çështja e Kodit Zgjedhor ka të bëjë me infrastrukturën e administrimit të procesit zgjedhor. Nevoja për të punuar së bashku për Kodin Zgjedhor ka buruar nga rekomandimet e OSBE/ODIHR. Kemi tre raporte, raportin e zgjedhjeve të 2013-ës, 2015-ës, 2017-ës që ende nuk kemi mundur të transpozojmë në amendamentet e Kodit Zgjedhor të gjitha rekomandimet e ODIHR-it. Komisioni i Posaçëm për reformën zgjedhore ka një mandat: transpozimin e të gjitha rekomandimeve të OSBE/ODIHR në amendamente. Për sa i përket partive të vogla politike, çdo parti e cila financohet nga KQZ përpara zgjedhjeve dhe nuk përmbush detyrimin duhet ti kthejë paratë mbrapsht. Ja kujtoj Partisë Demokratike se duhet ti paguajë KQZ-së 120 milionë lekë, sepse nuk e ka respektuar kuotën gjinore në asnjë prej qarqeve të vendit. 50 veta ka vënë kandidatë në listën e Tiranës dhe nuk i doli koha për të plotësuar kuotën gjinore”, tha Balla./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono