kuvend
Formacionet e ndeshjes

edi-rama-ne-kuvend-1280x548.jpg
nev ila14:58 | 05/12/2019

Kryeministri Edi Rama gjatë seancës parlamentare ditën e sotme ka folur për situatën tragjike që la tërmeti i 26 nëntorit. Rama duke sjellë shembullin e SHBA, paralajmëroi ndryshime ligjore që në rastet e fatkeqësive natyrore siç tha ai të mos ketë “sharlatanë që bëjnë sizmolgun e prokurorin”.

Dëgjova që flitej për Japoni e OECD e për…në fakt meqë jemi në një situatë të jashtëzakonshëm dua të ndaj me ju nevojën që në kuadrin e adresimit të problemeve të konstatuara, të marrim edhe shembullin e Japonisë, Amerikës, Izraelit që kur ndodhin fatkeqësi të këtyre përmasave jua mbyllin gojën të gjithë atyre që s’kanë ç’a thonë, jua mbyllin me ligj e nuk u jepet mundësia lloj-lloj të çorodisin e dëshpërojnë miletin.

Besoj se kjo do jetë, një nga gjërat që do adresojmë në reformën e përgjithshme ligjore në rastet e fatkeqësive të mëdha natyrore se nuk është e mundur që përvec halleve të mëdha populli të ketë edhe këtë hall të madh që me ditë e me netë bombardohet nga sharlatanë që shfaqen si sizmologë, inxhinierë, konstruktorë e prokurorë.

Dëgjova këtu që Ralfi kërkonte matrapik dhe ishte shumë i shqetësuar që në vrapin e tij për ti ardhur në ndihmë njerëzve s’kishte parë matrapik, nuk përdoret Ralf në rrënojat ku ka ende jetë.

Dëgjova zonjën tjetër që fliste për buxhetin e se kishte lexuar fare e fliste për makina luksi ndërkohë që në këtë buxhet janë hequr të gjitha shpenzimet për makina e vitrina e çdo nevojë tjetër të kësaj natyre, s’ka as mobilime asgjë, të gjitha fondet i kalojnë fondit të ndërtimit. E mirëkuptoj që tërmeti ka bërë të vetën edhe mbi ju dhe mbi familjet tuaja”, tha Rama./abcnews.al

parlament-1280x718.jpg
ent ela13:22 | 11/11/2019

Plotësimi i vakancës së krijuar në Gjykatën Kushtetuese ka shkaktuar debat në distancë mes presidentit të republikës dhe mazhorancës në parlament. Letrës së presidentit për të lexuar mirë se çfarë parashikon Kushtetuta në këtë rast i ka dhënë përgjigje Kryetari i grupit parlamentar socialist Taulant Balla duke i kërkuar kreut të shtetit të heqë maskën e të flasë troç. /abcnews.al

taulant-balla-2.jpg
ent ela11:19 | 29/10/2019

Kreu i grupit parlamentar të Partisë Socialiste Taulant Balla depozitoi sot në Kuvend projekt-rezolutën për ndërhyrjet e huaja në proceset elektorale dhe dezinformimin në proceset demokratike kombëtare.

Në rezolutën prej  faqesh thuhet se Kuvendi konsideron se ndërhyrja elektorale synon të ketë ndikim në përbërjen e institucioneve të vendit. Kuvendi beson se këto kërcënime nuk mund të adresohen vetëm nga autoritetet kombëtare që punojnë në izolim dhe as nga vetë-rregullimi i sektorit privat, por kërkojnë një qasje të koordinuar në shumë-nivele, me shumë palë të interesuara.

Për këtë arsye Kuvendi, konsideron se një kornizë ligjore për trajtimin e kërcënimeve hibride, përfshirë sulmet në internet dhe dezinformimin, duhet të zhvillohet si në Shqipëri ashtu edhe në bashkëpunim me partnerët tanë strategjikë, në mënyrë që të mundësojë një reagim të efektshëm ndaj këtij fenomeni;

Po kështu u bën thirrje të gjithë aktorëve të përfshirë që të vazhdojnë me përpjekjet e tyre për të siguruar që procesi demokratik, si dhe zgjedhjet, të mbrohen nga ndërhyrjet dhe manipulimet e aktorëve të huaj shtetërorë dhe jo-shtetërorë.

Projekt-Rezoluta

rudina-hajdari123.jpg
Autor E10:19 | 28/10/2019

Deputetja demokrate Rudina Hajdari bëri një deklaratë të fortë në nisje të seancës së sotme se është kërcënuar fizikisht nga deputetë të tjerë në zyrën e saj tek selia e Kuvendit.

Madje ajo foli për viktima duke kërkuar që të marren masa pasi mund të ndodhin gjëra të rënda.

Eshtë e papranueshme që një femër të kërcënohet. Kam raste që në zyrën time të vijnë persona që të më kërcënojnë“, tha Hajdari duke kërkuar nga Ruçi që të marrë masa.

Merrni masa para se të kemi ndonjë viktimë këtu në Kuvend. Siç janë masat që mërren në Seancë Plenare ashtu edhe në selinë e Kuvendit ku askush të mos hyjë dot dhe të kërcënojë deputetët“, tha Hajdari duke përmendur kështu problemet që ka me Korab Litën dhe grupin e tij.

Pas Rudina Hajdari edhe Kujtim Gjuzi thotë se u kërcënua: Të mos guxojë njeri

Ndërkohë kreu i Kuvendit Gramoz Ruçi iu përgjigj se duhej që deputetët t’i zgjidhnin vetë problemet brenda grupit. /abcnews.al

taulant-balla-3.jpg
ad min16:16 | 17/10/2019

Parlamenti diskutoi sot për shanset e Shqipërisë për të hapur negociatat. Mazhoranca këmbëngul se qeveria ka bërë gjithçka duhej, ndërsa opozita parlamentare e quajti Edi Ramën një dështak që nuk merr përgjegjësi. Në seancë nuk munguan dhe incidentet në foltore, ku një përplasje e Ralf Gjonit me Eduard Shalsin, ndërpreu punimet.

Me sytë nga Brukseli, Parlamenti Shqiptar u përfshi në gjetjen e fajtorëve nëse BE nuk pranon të nisë bisedimet për anëtarësim me Shqipërinë.  Për socialistët, fajtori është pak në Partinë Demokratike, e pak në Paris.

Rudina Hajdari fajëson Edi Ramën për shmangie nga përgjegjësitë. Për ish-ministrin Ditmir Bushati, Evropa nuk është udhëtim i thjeshtë, as në hyrje e as në dalje.

Në seancën parlamentare nuk ishte gjithçka evropiane. Opozita e re riktheu skenat e parapëlqyera nga opozita e vjetër./ABC News Albania 

KED-1280x823.jpg
nev ila13:08 | 14/10/2019

Këshilli i emërimeve në Drejtësi i dërgon Kuvendit të Shqipërisë renditjen e emrave të kandidatëve për gjyqtarë të Gjykatës Kushtetuese.

Renditja sipas pikëve e këtyre gjyqtarëve është:

-Arta Vorpsi me 89 642 pike,

-Elsa Toska me 85 845 pike dhe

-Besnik Mucci me 81 928 pikë.

Emrat e propozuar nga Këshilli i Emërimeve në drejtësi, janë për të plotësuar dy prej vendeve vakante./abcnews.al

ramakuvend-1280x720.jpg
Autor E10:31 | 09/10/2019

Kryeministri Rama ka shkuar në këtë moment në Kuvend për të marrë pjesë në punimet e seancës plenare pavarësisht se sot nuk ka ndonjë çështje me rendësi për t’u diskutuar.

Në foton e mësipërme duket momenti kur eskorta e tij hyn në ambientet e jashtme të Parlamentit, ndërkohë që pritet që në orën 16:00 të niset për në Serbi.

Ngjarja më e rendësishme e ditës së sotme është interpelanca e deputetit Myslim Murrizi me ministren e Financave, Anila Denaj, megjithatë duket se Rama do të mbajë fjalim në minutat në vijim. /abcnews.al/

rama-kuvend-1280x662.jpg
ent ela11:54 | 03/10/2019

Kryeministri Edi Rama ka deklaruar nga foltorja e Kuvendit se procesi i negociatave me BE është bërë më i vështirë, por sipas tij sot Shqipëria është shumë më pranë hapjes së negociatave.

“Sot cilido nga vendet që është në BE, nuk do futej në BE, sepse sot BE është në një debat të brendshëm, se nuk ka në konsideratë zgjerimin, por daljen nga një situatë që e ka vendosur BE në një pozitë të vështirtë në raport me fuqitë e tjera. Shqipëria sot është pa diskutimi shumë më gati për të hapur negociatat seç kanë qenë të gjitha vendet e tjera për të hapur negociata. Procesi i hapjes së negociatave është bërë më shumë më kërkues. Sot Shqipëria në raport me kohën kur mori vendin kandidat, është shumë më përpara. Shqipëria sot e ka nisur me procesin e një reforme në drejtësi, që asnjë nga vendet fqinje nuk e ka bërë. ”

Kryeministri theksoi se kushtet e vendosura nga Gjermania janë për politikën e tyre të brendshme dhe nuk ka ndarje mes Shqipërisë e Maqedonisë së Veriut, pasi kancelaria gjermane ka vënë veton.

“Dëgjoj këtu që Gjermania ka vënë kushte, pse i ka vënë?  I ka vënë për politikën e vet të brendshme dhe në funksion të asaj politike dhe pse bëhet debat deri në momentin e fundit se ka vota pro dhe vota kundër, për politikë të brendshme.

Nga ana tjetër, Gjermania e tha qartë, ka thënë Po, se kancelarja ka vënë veton se nuk ka ndareje mes Shqipërisë dhe Maqedonisë së Veriut dhe ka thënë po”- ka thënë Rama./abcnews.al

lul-basha.jpg
ad min14:39 | 25/09/2019

Për Lulzim Bashën kupa është mbushur. Pas një “Po”-je me kushte që Gjermania i dha Shqipërinë, kryetari i opozitës e ftoi publikisht Edi Ramën të mbajë përgjegjësi dhe t’i kthejë mandatin shqiptarëve. Përmes zgjedhjeve të reja, Basha e sfidoi kreun e qeverisë në një përballje direkte përballë shqiptarëve.

“Ky është momenti t’u kthejë mandatin qytetarëve, që të vendosin qytetarët se kush do t’i qeverisë. Të vendosin qytetarët, nëse do t;I besojnë atij një mandat të tretë apo jo, apo do të mbështesin opozitën me alternativën e daljes nga kriza e thellë sociale, ekonomike dhe politike, alternativën e Shqipërisë si gjithë Europa, që është PD dhe opozita e bashkuar. është koha që një herë në jetën e tij Edi Rama të vendosë fatin e Shqipërisë të parin dhe jo fatin e tij personal me të cilin ka mbajtur peng Shqipërinë gjatë këtyre 6 viteve”.

Jashtë institucioneve, por i gatshëm për zgjidhjen e krizës, Basha kujtoi se s’ka qenë asnjëherë pengesë për zgjidhjen e krizës. Madje në bashkëbisedimin e mëngjesit që zhvilloi me gazetarët i ftoi ata të pyesnin Edi Ramën përse refuzoi ndërmjetësimin ndërkombëtar.

Përfaqësimi me ekspertët zgjedhor në tryezën e thirrur nga OSBE ishte sinjali i parë i uljes në tryezë me shumicën, ndërkohë që formula e re përfshinte thellësisht faktorin ndërkombëtar dhe bënte të pavlefshme opozitën parlamentare.

Basha nuk tha nëse një formulë e tillë është e dakordësuar më parë me ndërkombëtarët, por u shpreh i bindur se influenca e tyre do të bënte të ngrinin kartonin jeshil edhe opozitarët e rinj në Kuvend. Kushtet e vendosura nga grupet politike të CDU/CSU për çeljen e negociatave për Shqipërinë do të jenë edhe udhërrëfyesi i ri për opozitën përballë qeverisë dhe kushtit të saj për zgjedhje të parakohshme./ABC News Albania 24/7

edi-rama-gramoz-ruci.jpg
ad min08:33 | 10/09/2019

Presidenti i Republikës, Ilir Meta, reagoi në rrjetet sociale në lidhje me takimin që pati me kryetarin e Kuvendit, Gramoz Ruçi, pas dëshmisë që dha tek komisioni hetimor parlamentar.

Meta shprehet se sëbashku me Ruçin kanë rëndë dakord se cilat kanë qenë dy opozitat parlamentare më cilësore në gjithë historinë e tranzicionit shqiptar.

Në postimin e shoqëruar me një foto ku ai shfaqet sëbashku me kryeministrin Rama dhe Gramoz Ruçin, kreu i shtetit thotë se cilësia është më e rëndësishme se sasia për të udhëhequr ndryshimin e një shoqërie.

“Ishte kënaqësi dje të rikthehesha në Kuvend. Po kështu të shkëmbeja disa mendime dhe kujtime me Kryetarin e Kuvendit z.Gramoz Ruçi. Së bashku ramë dakord se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96. Kjo më përforcon bindjen se në demokraci, cilësia është më e rëndësishme se sasia, për të udhëhequr ndryshimin e një shoqërie, edhe kur “sasia” duket fuqiplotë”, shkruan Meta në Facebook.

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono