kutitë

kqz-hap-kutite-1280x720.jpg
nev ila21:08 | 11/07/2019

Komisioni Qendror i Zgjedhjeve ka pranuar të numërohen 11 kuti votimi në Bashkinë e Lezhës. Ankimimi i kandidatit për kryebashkiak Eduart Ndocaj është përkrahur edhe nga përfaqësuesi ligjor i Partisë Socialiste në këtë komision.

Atë që nuk e bëri dot Astrit Patozi, e bëri Eduard Ndocaj.
Kutitë e votimit të 30 qeshorit, do të hapen.

Ky subjekt ndryshe nga Bindja Demokratike e bindi Komisionin Qendror të Zgjedhjeve që të numërohen 11 kuti votimi.

 Edhe Partia Socialiste reagon ndryshe nga rasti i Bindjes Demokratike duke thënë se kandidati i Partisë “Kombëtare Konservatore Albania” kishte qendra konkrete me dyshime.

Dorëlëshuar duken socialistët në këtë mbledhje, jo vetëm pranojnë hapje të kutive por paralajmërojnë se do të bëjnë kallëzim penal ndaj komisionerëve të tyre nëse kanë kryer falsifikime gjatë procesit zgjedhor.

Dy vota mjaftojnë që kutitë të hapen. I surprizuar nuk u gjet as kryetari i KQZ-së.

Numërimi i kutive do të nisë të premten në orën 10./ABC News Albania 24/7

skenderi-1-1280x712.jpg
nev ila17:15 | 05/07/2019

Partia Demokratike vijoi denoncimet e saj mbi procesin zgjedhor duke nxjerë një video ku një komisioner shfaqet duke votuar. KQZ thotë se këtë e lejon ligji, ndërsa anëtari Bledar Skënderi u shpreh se do të padisë këdo që hedh baltë mbi të apo institucionin e tij.

Në video shihet një komisioner i cili shfaqet duke plotësuar një fletë votimi në bashkinë Kavajë. Për Partinë Demokratike kjo është një provë e mbushjes së kutive me urdhër politik.

Në KQZ, anëtari Bledar Skënderi, citon nenin 106 të Kodit Zgjedhor që rregullon mënyrën se kur dhe si votojnë komisionerët.

Në një dalje të dytë, Partia Demokratike akuzoi sërish Komisionin Qendror të Zgjedhjeve për manipulim me shifrat e pjesëmarrjes.

Nga tryeza e KQZ-së, anëtari Skënderi paralajmëroi ngritjen e padive ndaj atyre që i drejtojnë akuza publike.

Nga ana e saj, KQZ vijoi punën duke miratuar tabelën e rezultateve për bashkinë Durrës, Lezhë dhe Fier./ABC News Albania 24/7

 

lezhe-1280x720.jpg
Sej rie15:20 | 27/06/2019

Fletët e votimit janë shpërndarë thuajse në të gjitha KZAZ-të e vendit. Transporti i tyre është bërë nën masa të forta sigurie, ku autokolona e kamionëve ushtarakë, është shoqëruar me eskortë policore. ABC News udhëtoi këtë mëngjes nga Lundra në Lezhë bashkë me fletët e votimit.

“Është ora 8 e mëngjesit dhe ne ndodhemi pranë ambienteve të Komisionit Qendror të Zgjedhjeve në Lundër. Aktualisht, një task forcë e përbërë nga stafi i KQZ-së, punonjës të ushtrisë dhe policisë së shtetit janë duke punuar për të shpërndarë materialet zgjedhore”.

ABC News do të ndjekë transportin e materialit më të rëndësishëm zgjedhor, fletëve të votimit, nga magazinat e Lundrës deri në selitë e Komisioneve Zonale të Administrimit të Zgjedhjeve.

 “Në këtë kamion të ushtrisë shqiptare po transportohen rreth 170 000 fletë votimi për qarkun e Lezhës. Ky qark ka 4 KZAZ, dy në Lezhë, një në Kurbin dhe një në Mirditë”.

Gjatë gjithë rrugës, kamionët e ushtrisë ecin në autokolonë, dhe shoqërohen nga policia shqiptare. Pas dy orësh udhëtim, gjithçka shkon qetë. Lezha ka dy KZAZ në zonë të qeverisura nga demokratët, referuar protestave në këtë bashki, vëmendja është maksimale.

 Kryetari i bashkisë Fran Frrokaj është nën hetim për pengim të subjekteve zgjedhore, ndaj policia ka marrë të gjitha masat në rast surprizash.

“Kjo KZAZ me numërin 13 po funksionon në një ambient të bashkisë, e cila, e qeverisur nga demokratët kërkon lirimin e ambienteve”.

Por, siç kishin paralajmëruar demokratët, forcat policore lokale u hodhën në aksion. Policia bashkiake kërkon lirimin e ambienteve.

Socialistët i përgjigjen shkurt.

“Ne sapo kemi marrë në dorë materialet zgjedhore dhe gjithçka është në rregull. Ne kemi një vendim të KQZ-së që prevalon mbi atë të bashkisë dhe do t’i bindemi atij, konform të gjitha rregullave dhe ligjeve”, -thotë Elona Ndrecaj, anëtare e KZAZ-se numer 13.

Pas të dielës, kjo sallë do të kthehet në vend për numërimin e votave, ku për herë të parë do të mungojnë numëruesit e PD dhe LSI.

Në bashkinë Lezhë Pjerin Ndreu i Socialistëve ka dy rivalë: Salvador Kaçajn e Bindjes Demokratike, që edhe pse ka emrin në fletën e votimit, është tërhequr nga gara, dhe Eduard Ndocajn, që vijon përpjekjet./ABC News Albania 24/7

2857802e-f733-4053-bc2e-bdb5d42f6d2c.jpg
ent ela18:08 | 14/03/2019

Hetuesit në Francë kanë marrë në dorëzim kutitë e zeza të avionit etiopian që u rrëzua 4 ditë më parë në vendin afrikan. Përmes analizës së të dhënave të dy objekteve, ekspertët do të mundohen të hedhin dritë mbi shkaqet e rrëzimit të “BOINGUT 737 MAKS 8”.

Kutitë e zeza të avionit të linjës ajrore etiopiane që u rrëzua ditën e diel në Adis Ababa janë dërguar në Paris për t’u analizuar. Lajmin e ka bërë të ditur vetë kompania ajrore, një ditë pas refuzimit të Gjermanisë për t’i pranuar ato. Enti federal gjerman për incidentet ajrore deklaroi se nuk mund t’i pranonte objektet për shkak të mungesës së softuerit të duhur për të bërë analizën.

Dy kutitë, që regjistrojnë aktivitetin e fluturimit të avionit, në këtë rast një “Boeing 737 Max 8”, janë dëmtuar si pasojë e rrëzimit dhe hapja e tyre rezultoi një proces kompleks për autoritetet etiopiane. Rrjedhimisht, vendi afrikan shprehu dëshirën për t’i dërguar në Europë, pasi nuk dispononte teknologjinë e duhur për leximin e të dhënave. Ndërkohë, një ditë më parë edhe Shtetet e Bashkuara vendosën të ndërpresin përdorimin e modelit “737 Max” dhe vetë “Boeing” konfirmoi se do të mbajë në tokë të gjithë flotën e avionëve.

Incidenti i së dielës ndodhi fare pak momente pasi avioni ishte ngritur në ajër nga aeroporti i kryeqytetit Adis Ababa dhe i mori jetën 157 personave të 35 kombësive të ndryshme që ndodheshin në bord. Ai ishte aksidenti i dytë brenda 5 muajsh që përfshinte një avion të modelit “737 Max” dhe disa agjenci aviacioni kanë konstatuar ngjashmëri mes dy rasteve./abcnews.al

helikopter-1280x711.jpg
ent ela22:38 | 11/03/2019

Në Etiopi janë gjetur kutitë e zeza të avionit që u rrëzua një ditë më parë. Nga të dhënat paraprake rezulton se teksa ishte ende në ajër, piloti i avionit ka kërkuar ndihmë, por autoritetet thonë se është ende herët për të dalë në përfundime.

Autoritetet që po hetojnë incidentin e avionit të linjës ajrore të Etiopisë, që u rrëzua ditën e diel teksa udhëtonte drejt Kenias, kanë gjetur kutitë e zeza të mjetit fluturues. Sipas mediave ndërkombëtare, dy pajisjet u gjetën në vendin e ngjarjes ku avioni tip “Boeing 737” u përplas në tokë. Mjeti po udhëtonte nga kryeqyteti i Etiopisë, Adis Abeba drejt atij të Kenias, Nairobi dhe humbi kuotë 6 minuta pasi ishte ngritur në ajër me 157 persona në bord.

Pas incidentit, linja të shumta ajrore në Afrikë por edhe në Kinë ndërprenë përdorimin e Boeingëve, ndërsa Europa vijoi me përdorimin e tyre. Avioni i prodhuar para pak muajsh u rrëzua në afërsi të qytetit Bishoftu, rreth 60 kilometra në jug-lindje të kryeqytetit etiopian. Në bord udhëtonin pasagjerë të 30 kombësive të ndryshme, përfshirë këtu kenianë, etiopianë, kanadezë, britanikë dhe europianë.

Rezulton se pak momente përpara rrëzimit, piloti kishte raportuar për vështirësi në fluturim dhe kishte kërkuar të kthehej sërish në Adis Ababa. Por për autoritetet është ende herët për të arritur në përfundime. “Në këtë fazë ne nuk mund të përjashtojmë asgjë dhe nuk mund t’i atribuojmë askujt dhe asgjëje shkakun e rrëzimit, sepse sipas ligjit ndërkombëtar duhet të presim përfundimin e hetimeve”, deklaroi një zyrtar vendas. Rezulton gjithashtu se shikueshmëria në momentin e incidentit ishte e mirë, por monitoruesit e trafikut ajror raportuan se shpejtësia vertikale e avionit kishte qenë e paqëndrueshme pas ngritjes në ajër./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono