kushtetuta

termeti-durres-1280x718.jpg
nev ila16:30 | 27/11/2019

Në 30 ditët në vijim qarku i Tiranës dhe i Durrësit janë në gjendje të jashtëzakonshme që u shpall mëngjesin e kësaj të mërkure nga kryeministri Rama. Por Kushtetuta në pjesën për situata të rënda ka dy parashikime; atë për gjendje të jashtëzakonshme dhe për fatkeqësi natyrore. Kronika ju informon me ndryshimet mes dy termave dhe detyrimet që i lindin shtetit ndaj të dëmtuarve.

Për Tiranën dhe Durrësin kryeministri Edi Rama shpalli gjendjen e jashtëzakonshëm për një afat 30 ditor, ende pa u bere vlerësimi paraprak për gjendjen e krijuar nga tërmeti. Në Kushtetutë për gjendje të rënda parashikohen dy terma; gjendja e jashtëzakonshme dhe fatkeqësi natyrore.

Në nenin 173 të Kushtetutës parashikohet që “gjendja e jashtëzakonshme vendoset nga Kuvendi me propozim të Këshillit të Ministrave, në rastet kur cenohet rendi kushtetues dhe siguria publike”

Kjo gjendje bën të detyrueshëm ndërhyrjen e forcave të armatosura, që sërish bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.

Ndërsa fatkeqësitë natyrore parashikohen në nenin 174. Në këtë nen thuhet se,

“Për parandalimin ose mënjanimin e pasojave të një fatkeqësie natyrore ose aksidenti teknologjik, Këshilli i Ministrave mund të vendosë, për një periudhë jo më të gjatë se 30 ditë, gjendjen e fatkeqësisë natyrore në një pjesë ose në të gjithë territorin e shtetit”.

Me bilancin e rëndë të viktimave të shkaktuara nga tërmeti, sipas këtyre dy parashikimeve në Kushtetutë, duke e arsyeshme që  gjendja të konsiderohet si fatkeqësi natyrore. Sipas ligjit të miratuar në 17 korrik 2019, parashikohet që shteti shqiptar të përgjigjet për dëmet që shkaktohen nga pasojat e një fatkeqësie.

Në rast të shpalljes së gjendjes së fatkeqësisë natyrore, kompensimi për qytetarët e dëmtuar bëhet me vendim të veçantë të Këshillit të Ministrave.

Këtë të mërkurë kryeministri Rama deklaroi se deri në vitin 2020 mund të ndërtohen shtëpitë e reja./abcnews.al

 

 

ILIR-META-23.11.2019.mpg_snapshot_00.54-1280x720.jpg
ent ela16:49 | 23/11/2019

“Ku po shkon Ilir Meta?” Eshtë pyetja të cilës tenton t’i japë një përgjigje këtë javë Politika në ABC News. Përplasja e kreut të shtetit me mazhorancën e ambasadorët është frontale, por Ilir Meta e çoi edhe më tej, duke u bërë thirrje shqiptarëve të marrin fatet e tyre në dorë.

Emocionet personale dominuan ato institucionale, në përplasjen tashmë frontale mes presidentit e mazhorancës. Shkak i dukshëm është konflikti për ngritjen e Gjykatës Kushtetuese. Për herë të parë një President, pasi vizaton një shtet të kapur nga mazhoranca qeverisëse, i bën thirrje popullit për referendum, në mbrojtje të demokracisë. Përkundër këtij qëndrimi të Presidentit, opozita jashtë Kuvendit po e gjen gjuhën me mazhorancën për reformën zgjedhore, që do i hapte rrugë synimit të saj për zgjedhje të parakohshme. Në këtë panoramë, vetë Kryeministri pati kohë edhe për pasionin profesional, artin.

Po çfarë ndodhi javën politike që lamë pas?

Emërimi i dy kandidateve për vakancën e Presidentit në Gjykatën Kushtetuese, solli një përplasje të fortë politike, që në vijë të parë ka institucionet, e kosto edhe ndërkombëtarët.

Ideja për të marrë një opinion profesional nga Komisioni i Venecias për situatën në GJK, si dhe shkarkimi nga KPA i të dekretuarit të parë të presidentit Meta, Besnik Muci, rindezi edhe më tej tensionin politik.

Dy herë brenda pak ditëve Ilir Meta tha se do publikonte një video ku faktohej faktohej sesi kreu i KED Ardian Dvorani, kishte përvetësuar kompetencat kushtetuese Presidentit, duke çuar në shpalljen automatikisht fituese të një gjyqtareje e renditur e para nga KED, Arta Vorpsit. Ndërkaq e dekretuara e tij Marsida Xhaferllari, u njoh si e tillë nga trupa 4 antarëshe e Gjykatës Kushtetuese, që drejtohet nga gjyqtarja më e vjetër, Vitore Tusha, përcaktuese edhe në ndarjen 2 me 2 në vendimin e trupës pro Xhaferllarit. Pikërisht Vitore Tushën shigjetoi javën politike që lamë pas, ish-drejtuesi parlamentar i hartimit të reformës në drejtësi Fatmir Xhafaj.

Në web e Gjykatës znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare, që nuk respekton as vendimin e organit që drejton. Në cilin kuorum të Gjykatës Kushtetuese u bazua kjo vendimmarrje?

Kreu i shtetit e konsideroi presion skandaloz dhe kujtoi videon që po përgatitej si provë. Në pritje, finalizoi padinë penale ndaj Ardian Dvoranit për shpërdorim detyre dhe përvetësim të titullit apo detyrës shtetërore. Kallëzimi 38 faqesh ku thuhet se veprimet e kreut të KED e kapërcejnë kufirin e shkeljes disiplinore, u përcollën me korrierin presidencial në PP, PKR dhe PT.

“Presidenti i Republikës vlerëson ekzistencën e një rreziku real që i akuzuari Ardian Dvorani të kryejë sërish veprime kriminale dhe mafioze në shkelje të ngjashme të Kushtetutës dhe ligjit, që do të ndikonin drejtpërdrejt në mirëfunksionimin e organeve te reja kushtetuese”.

Reagimi i kreut të KED, ishte i gjatë, e po aq emocional sa deklaratat e presidentit.

“Për momentin, parashtroj publikisht se, edhe vetë sjelljet dhe veprimet e mia, qoftë edhe ato të pavërteta por të dëshiruara si të tilla nga kallëzuesi, janë të tilla në natyrë që jo vetëm nuk përbëjnë ndonjë vepër penale, por as edhe ndonjë shkelje tjetër të ligjit. Por akoma më serioze është fakti që vetë ky kallëzim penal, sikurse edhe të gjitha deklarimet e zhurmshme të Presidentit, bazohen në një vlerësim dhe interpretim tërësisht të gabuar dhe aspak profesional të Kushtetutës dhe të ligjit”.

Në fakt një regjistrim kallëzimi penal, do e nxirrte jashtë loje Ardian Dvoranin, por edhe vinte në pikëpyetje funksionimin e KED së ardhshme, që zgjidhet çdo vit me afat një vjeçar. Sipas ligjit Presidenti duhet të hedhë brenda 5 ditëve të para të dhjetorit shortin për KED e re, që drejtohet nga një anëtar i Gjykatës së Lartë i paracaktuar është Ardian Dvorani, anëtar i vetëm i kësaj gjykate, i vetmi që qëndron në detyrë, edhe pse mandati i ka mbaruar prej afro 6 vitesh, konkretisht në shkurt 2014.

Por ulja e Xhaferllarit në karrigen e Gjykatëses Kushtetuese, nuk duket një histori e mbyllur. Interesante ishte javën politike që lamë pas, mënyra se si u hodh në publik ideja për të marrë një opinion nga Komisioni i Venecias nëse vendi në Kushtetuese i takonte Arta Vorpsit të përzgjedhur nga KED apo Marsida Xhaferllarit të dekretuar nga Presidenti. I pari e propozoi ambasadori italian më 15 Nëntor, pikërisht ditën kur kuvendi në një seancë të jashtëzakonshme miratoi një rezolutë, që i kërkonte GJK, të mos njihte dekretin e presidentit për Xhaferllarin.

“Kam parë se ka fatkeqësisht divergjenca në interpretimin e ligjeve për Gjykatën Kushtuese mes institucioneve më të larta në vend, që duhet të bashkëpunojnë në mënyrë të përgjegjshme për gjetjen e një zgjidhjeje jo të imponuar por të pranueshme nga të gjithë. Prandaj uroj që kjo zgjidhje e pranueshme të gjendet. Personalisht mendoj se do ishte e nevojshme, për të ndihmuar arritjen e një vizioni të përbashkët, që t’i kërkohet opinion një organizmi ndërkombëtar kompetent, kam parasysh komisionin e Venecias, që mund të tregojë rrugën e duhur që duhet ndjekur”.

Deklarata e ambasadorit italian kaloi pa vëmendje, madje edhe kur ideja u rimor nga Fatmir Xhafaj, pas publikimit në faqen e GJK të anëtares Marsida Xhaferllari.

“Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqësore. Nëse duhet ka edhe precedentë e ekspertizë ndërkombëtare”.

Por ndryshe nga homologu e bashkëkombasi Cutillo, ambasadori i BE Luiggi Soreca sugjeron që çështja të zgjidhet me dialog të brendshëm.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe të ngrenë një institucion të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

E ndryshe nga ambasadori, disa orë më vonë, zëdhënësja e KE në largim, artikuloi idenë që zgjidhja të vinte nga Komisioni i Venecias.

“Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias, duket si një zgjidhje efektive për ta trajtuar këtë situatë, si një çështje me përparësi”.

Sërish ajo ide nuk pati vëmendjen e duhur publike, mes zhurmës së debatit, që protagonist kishte presidentin e Republikës, deri kur u risoll mëngjesin e të mërkurës në një deklaratë zyrtare të ambasadës usa.

“Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre interpretimeve të debatuara. Në mungesë të një institucioni të përshtatshëm ligjor, i cili mund të vendoste mbi interpretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”.

Ishte momenti kur ideja mori vëmendje, por edhe kundërvënie nga Presidenti i Republikës. Së pari përmes zëdhënësit, duke shigjetuar propozuesin e parë, ambasadorin italian, por edhe të fundit, ambasadën amerikane.

“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës. Mjaft më “Rule of Embassy”. Është koha për “Rule of Laë” si çdo vend demokratik”.

Biseda zyrtare tepër e përgjegjshme, të cilës i referohej zëdhënësi Tedi Blushi, rezultoi të ishte një telefonatë 30 minutëshe me Mattheë Palmer, që u konfirmua si nga ambasada e SHBA në Shqipëri, ashtu edhe nga Presidenca.

Burime për ABC Neës bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri, si dhe betimi para presidentit të 8 prokurorëve të SPAK.

Aktivizimi i instinktit politik tek Ilir Meta, u shoqërua me simbolika luftarake. Ky nderim i gardistit të institucionit, me komentin se ai do ishte ushtari i dytë pas presidentit, në mbrojtje të Republikës

“Hipokritët që po çojnë aktet në Venecia janë hipokritë, sepse duhet të kishin çuar emërimin e Arta Markut me 69 vota. Nuk besoj se keni harruar deklaratën e Xhafës”

A lidhej vallë shpërthimi i Metës, me një tjetër ngjarje të ditës, shkarkimin e të dekretuarit të tij të parë në Kushtetuese, Besnik Muçi?

Besnik Muci, e cilësoi të pavlefshëm procesin dhe vendimin e KPA ndaj tij.

Argumentimi mbrojtës ishin tiradat për institucionet që e kishin konfirmuar.

Në fakt Besnik Muçi spikat për pasionin për të kandiduar për çdo funksion në 2 vitet e fundit. Ai ishte pjesë e garës që u nxit nga ndërkombëtarët për PPP në 2017, ku fituese u shpall Arta Marku. Të ishte vallë ajo gatishmëri e treguar prej tij në 2017, siguria që ambicja profesionale të mos ndalej aty? Kur në shtator 2019 nisi shqyrtimi i ankimimit në shkallën e dytë të vettingut, përveçse anëtar i KLP, Besnik Muçi ishte edhe kandidat si për Gjykatën Kushtetuese, ashtu edhe për SPAK. Më 15 tetor Presidenti e dekreton gjyqtar kushtetues, por 6 ditë më vonë, Besnik Muçi shkarkohet nga shkalla e dytë e vettingut, e Gjykata Kushtetuese mbetet sërish me 4 anëtarë.

“0 surprizë nga vettingu i partisë. Ju e dini që vetting-u i Partisë u shpall para pak ditësh për zotin Muçi. Nuk jam i habitur se ai që ditën e parë që ka hyrë në zyrë ka pasur presione që të bëhej pjesë e puçit për të penguar Marsida Xhaferllarin që u betua si anëtare e Gjykatës Kushtetuese…Nëse doni emra, nuk e keni harruar zotin Xhafaj, i cili publikisht i bëri shantazh Vitore Tushës, e cila jo vetëm kaloi vetting-un, por qëndroi në detyrë me sforco, për të mbajtur hapur dyert e Gjykatës Kushtetuese”.

Të nesërmen Besnik Muçi iu drejtua me një kërkesë kryetares Vitore Tusha, ku i kërkonte të shprehej mbi përfundimin e mandatit të tij në GJK. Deri në një vendim, bënte të ditur Muçi, do të qëndronte në detyrë. Por lëvizjet që pasuan ishin interesante: Presidenti e thirri të dekretuarin e vet dhe i kërkoi të rishikonte vendimin, e të mos qëndronte në detyrë. Pak minuta pas atij takimi, emri i Muçit u hoq nga përbërja e trupës në faqen zyrtare të Gjykatës Kushtetuese, ndërsa Presidenti shpalli vakancën për postin e tij.

A ishte vallë lëshimi i menjëhershëm i Besnik Muçit, pavarësisht anatemimit të vendimit të KPA, një lëvizje tolerance, që të pranohej e zgjedhura tjetër e Presidentit, Marsida Xhaferllari?

Ndryshe nga një vit më parë, Ilir Meta duket i vendosur ta hedhë siç i takon shortin për KED e re, më 5 dhjetor, e të rrisë monitorimin ndaj punës së këtij Këshilli. Nga ana tjetër po kërkon legjitimitet për veprimet e veta, përmes takimeve, të nisura prej ditësh, me aktorë politikë e të shoqërisë civile, duke nisur nga ish presidentët. Dobësia e njohur për Sali Berishën kapërceu protokollin institucional, në pritje e përcjellje. Si ish president e ish Kryeminsitri, Berisha u shfaq sinkron me Presidentin e Republikës.

Njëlloj edhe paraardhësi i Metës, Bujar Nishani.

Bamir Topi e sheh problemin më thellë, tek ndryshimet kushtetuese të 21 prillit 2008, në atë kohë, të dakordësuara mes Berishës e Ramës e të kundërshtuara nga Ilir Meta.

Edhe takimi me opozitën e bashkuar pati simbolika që e tejkaluan protokollin. Lulzim Bashës iu ofrua hyrja nga porta kryesore, që protokolli e parashikon për presidentë, Kryeminstra e ambasadorë, ndërsa aleatët, hynë njëri pas tjetrit nga dera anësore e institucionit. Në njoftimin për shtyp të presidentit spikati mbështetja për qëndrimin e opozitës për zhvillimin e zgjedhjeve të parakohshme të menjëhershme. I dha zë edhe Lulzim Basha.

Duket se Ilir Meta po luan gjithçka për gjithçka, në rastin e Gjykatës Kushtetuese, duke mos kursyer as vetë ambasadorët. Javën politike që lamë pas, shpalli non grata në institucionin që drejton ambasadorin e OSBE Borchard. Në notën verbale që i ishte përcjellë selisë qëndrore të OSBE, prezencës në Tiranë dhe ministrisë së jashtme, si shkak jepej qëndrimi i ambasadorit për dekretin e Presidentit për zgjedhjet e 30 qershorit, si dhe një gjest të dënueshëm me gisht në publik. Kërkesa e presidentit u respektua nga OSBE dhe ambasadori Borchardt nuk e shoqëroi delegacionin e nivelit të lartë të Asamblesë Parlamentare të OSBE-së, në takimin me kreun e shtetit. Por ndryshe nga Presidenca, me gjithë qasjen e ngjashme për Borchard, PD e priti ambasadorin, që shoqëroi të njëjtin delegacion, në takimin me Lulzim Bashën. Në fakt ishte pikërisht ambasadori Borchardt, ai që mundësoi uljen e opozitës politike në tryezën e reformës zgjedhore, bashkë me komisionin e posaçëm parlamentar që bashkëdrejtohet nga Damian Gjiknuri e Rudina Hajdari. Opozita joparlamentare e mori kështu de fakto vendin që i ishte rezervuar në tryezën e reformës zgjedhore. Pas diskutimit 5 orësh me dyer të mbyllura, PS e PD u shfaqën në sinkron për një proces që duket se po u ecën edhe më mirë, nga sa shprehen publikisht.

Nga ana tjetër, duket sikur socialistët po sillen kujdesshëm me Presidentin, duke shmangur konfliktin direkt, që Ilir Meta e ka pikë të fortë. Nuk po nxitojnë më të votojnë shkarkimin e tij, i parashikuar në 8 Dhjetor, ndërsa KM nuk është përfshirë në debatin për Gjykatën Kushtetuese. Mungesa e tij e pati një arsye të dukshme javën politike që lamë pas. Ajo ishte artistike, pasi Muzeu i Artit në Nevada të SHBA, njoftoi për një ekspozitë të Km të Shqipërisë, duke i ftuar që të takonin Edi Ramën, i pranishëm, të enjten e 21 Nëntorit. Prania e Kryeministrit u bë e ditur edhe nga një postim i zv/guvernatores së Nevadës, që e kishte takuar në përgatitjet për hapjen e ekspozitës së tij. Ditën e caktuar, 4 orë para hapjes së ekspozitës, Galeria bënte njoftimin e ri, sipas të cilit Kryeministrit i ishte dashur të largohej për punë urgjente politike. Edi Rama e zbardhi një arsye në Tëitter. U shfaq në kryeqytetin e Arabisë Saudite në Rijad, për të diskutuar siç shkruante mbi ecurinë e përgatitjeve për investime të rëndësishme, ndërsa i kishte dhuruar princit saudit të kurorës librin e fundit për artin e tij, i titulluar “Punë”.

Në Tiranë ndërkohë Taulant Balla njoftonte zgjatjen e afatit të punës së komisionit parlamentar për shkarkimin e Metës, për t’i shtuar hetimit edhe dekretimin e Marsida Xhaferllarit.

A po i jepet vallë mundësi një marrëveshjeje, si ato që kemi konstatuar në të kaluarën? Padyshim që GJK ka një peshë të jashtëzakonshme për çështjet e nxehta në vend. I duhen edhe dy anëtarë për të arritur nr. 6, kur bëhet funksionale për vendimmarrje, që nga zgjedhjet e 30 qershorit, një nga 9 kushtet e Bundestagut, që ose do ta çonte vendin automatikisht vendin në zgjedhje të parakohshme vendore, ose do t’i jepte të drejtë socialistëve që kërkojnë shkarkimin e Metës.

A është vallë lëshimi i të zgjedhurit të tij Besnik Muçi, një sinjal kompromisi i Metës, që të pranohet dekretimi i të zgjedhurës tjetër të tij, Marsida Xhaferllarit? Koha do e tregojë, por duket edhe një sinjal ndaj merakut të lexueshëm, se mos Meta nuk pranon betimin e anëtarëve të SPAK, struktura e posaçme e hetimit, që pritet të zgjidhet javën e ardhshme.

Kreu i KLP, institucionit që i përzgjedh anëtarët më të mirë për SPAK, i shkoi në zyrë Presidentit javën politike që lamë pas, për ta informuar personalisht mbi këtë proces, i cili ka qenë pjesë edhe e telefonatës që zv ndihmës sekretari amerikan Palmer i bëri kreut të shtetit mbrëmjen e të mërkurës.

Një komunikim të kujdesshëm në distancë pati mes DASH dhe presidentit Meta mbrëmjen e të premtes. Zëdhënesi i tha VOA se DASH po e ndjek situatën teksa ishte njohur me deklaratën e Metës “Jo më shtet të ambasadave, por shtet të së drejtës”. Sipas tij qëndrimi i SHBA nuk ka ndyshuar, se respektimi i ligjit është mbi të gjitha, ndërsa përparimi me reformat është jetik për stabilitetin dhe begatinë e Shqipërisë, e antarësimin në BE. Nga ana e tij Presidenti përshëndeti deklaratën, duke konfirmuar vendosmërinë për të bashkëpunuar ngushtë me DASH e SHBA për zbatimin e Reformës në Drejtësi sipas Kushtetutës së miratuar me SHBA e komisionin e Venecias. Kujdeshëm Ilir Meta kujtoi se as qëndrimet e tij nuk kishin ndryshuar, të shprehura zyrtarisht për përfaqësuesit e lartë amerikanë gjatë 5 viteve të fundit, e të përsëritura edhe në bisedën e fundit telefonike me Mattheë Palmer.

Nuk pati një reagim nga Presidenti, ndaj qëndrimit të përcjellë nga zëdhënësja e KE Maja Kocijançiç, që i cilësoi të papranueshme deklaratat e Metës që venë në dyshim integritetin e bashkësisë diplomatike të BE në Tiranë europianë në Tiranë.

Por mbrëmjen e të premtes, Meta president ftoi shqiptarët për një referendum, në mbrojtje të kushtetutës, por pa e përcaktuar se si do orgnizohet, në kushtet kur ligji ia njeh këtë të drejtë parlamentit dhe 50 mijë zgjedhësve, aryeja për të cilën Shqipëria ka njohur vetëm 3 referendume ne tre dekadat e fundit, të tre të iniciuar nga parlamenti.

META-PER-REFERENDUMIN-1280x720.jpg
ent ela23:19 | 22/11/2019

21 vjet pas miratimit me referendum të Kushtetutës së parë, Ilir Meta kërkon një referendum popullor për rikthimimin e dinjitetit tek akti themeltar i shtetit. Presidenti nuk specifikoi se cfarë pyetjeje dëshiron të shtrojë në referendum.

Vetë Kushtetuta ka paracaktuar se ndryshimi i saj nuk mund të hidhet në referendum  vetëm me firmat e 50 mijë zgjedhësve sic ndodh për ligjet, por duhet të mbështet nga 94 deputetë.

 “Shqipëria nuk mund të drejtohet me Rezolutë, por vetëm me Kushtetutë!

Tashmë jemi përpara një situate edhe më dramatike, ku Kushtetuta e Republikës së Shqipërisë, ajo që na rekomandoi Komisioni i Venecias, po shkelet hapur dhe dhunshëm me qëllimin e vetëm tëpërqendrimittë të gjitha pushteteve në duart e Kryeministrit aktual.

Ndaj është koha për t’i thënëNDAL këtij degradimi të shtetit dhe të atdheut tonë!”

Me këto akuza ndaj Edi Ramës, Ilir Meta kërkoi ndihmën e qytetarëve për të organizuar një referendum.

“Shqiptarët të hapin sytë, të marrin fatin e tyre në dorë, në mbrojtje të Kushtetutës dhe që fëmijët e tyre të mos ikin më nga sytë këmbët në atdheun e tyre!

Presidenti do të kërkojë mbështetjen e mbarë popullit shqiptar, qëpërmes Referendumit të mbrojë Republikën.

Le të jetë populli shqiptar dhe vetëm ai, që do të vendosë nëse pranon të rikthehet në Diktaturë apo do të mbrojë Demokracinë që është fituar me shumë trimëri, vuajtje dhe sakrifica njerëzore”.

Presidenti nuk e bëri të qartë se cila do të jetë mënyra për të shkuar në referendum, dhe as nuk lejoi pyetje për të mësuar se cfarë pyetjeje do të hidhet në referendum.

Në fakt kushtetuta,  në neni 150 të saj, përcakton se  Populli, nëpërmjet 50 mijë shtetasve me të drejtë vote, ka të drejtën e referendumit për shfuqizimin e një ligji, si dhe t’i kërkojë Presidentit të Republikës zhvillimin e referendumit për çështje të një rëndësie të veçantë.

Këtu, nuk parashikohet ndryshimi i Kushtetutës. Rishikimi i aktit themeltar të shtetit, përcaktohet në nenin 177 të tij. Ky nen në pikën 4 thotë se është  Kuvendi  ai që mund të vendosë, me dy të tretat e të gjithë anëtarëve të tij, pra me 94 deputetë, që mund të kërkojë ndryshime kushtetuese përmes referendumit.

Meta po ashtu, në vitin 2008, tentoi të kërkonte një referendum për të rrëzuar marrëveshjen Rama-Berisha, por nuk u realizua.

Në Shqipëri janë zhvilluar 3 referendume. Dy për kushtetutën, njëri është rrëzuar në vitin 1994, dhe një në vitin 1998.

Në vitin 1997 në vendin tonë u zhvillua një referendum për qëndrimin e republikës, apo rikthimin në monarki, referendum në të cilin republika parlamentare fitoi. /abcnews.al

 

 

239.jpg
in a19:47 | 22/11/2019

Thirrjet e Presidentit Meta drejtuar popullit shqiptar për një referendum, juristi, Çlirim Gjata i ka vlerësuar si të drejta. Në një lidhje telefonike për “ABC News”, Gjata tha se vendi është në një moment politik shumë të rëndësishëm.

“Ky është një moment politik shumë i rëndësishëm që presidenti po shfaq për gjendjen e rëndë ku ndodhet shteti dhe me manovrat që po bën qeveria për të kapur drejtësinë, qëndresa e Metës është shumë e drejte. Nga pikëpamja teknike, duhet zgjidhur njëherë se çfarë referendumi do jetë dhe për cilën çështje”, tha Gjata.

Sipas tij referuar Kushtetutës populli e ka të drejtën e referendumit. “Popullit i është dhënë e drejta e referendumit me Kushtetutë, por mënyra se si është ndërtuar kjo  e drejtë është e vështirë që të arrihet”, deklaroi Gjata.

Çështja është e një rëndësie të jashtëzakoshme, ky regjim po shkatërron demokracinë, tha Gjata.

“Vendimi i Metës është i rëndësisë së veçantë, ka disa procedura penguese për shkak të mënyrave sesi janë sjellë procedurat, duhet të dalë njëherë çështja se për çfarë do të jetë rëferendumi për të vlerësuar më pas në Parlamenti ka hapësira ligjore për ta bllokuar”, tha ndër të tjera Gjata.

Theksojmë që Presidenti Ilir Meta tha në një konferencë të jashtëzakonshme se do të bëjë gjithçka për të bërë referendum në mbrojtje të Kushtetutës, ndërsa kërkoi mbështetjen e mbarë popullit shqiptar për këtë lëvizje.

“Unë do të qëndroj si kryegarant i Kushtetutës dhe do iu kundërvihem me gjithë forcat e mia përpjekjeve shkatërrimtare dhe antikombëtare. Shqiptarët të marrin fatin e tyre në dorë, që fëmijët e tyre të mos ikin më. Shqipëria do të drejtohet vetëm me Kushtetutë, jo me rezolutë. Kushtetuta është vija e kuqe flakë, Shqipëria nuk do të jetë shpresëhumbur”, deklaroi Meta.

/abcnews.al

meta9.jpg
ent ela19:06 | 22/11/2019

Me tone të ngritura, Presidenti Ilir Meta u bëri thirrje shqiptarëve që të mbrojnë Kushtetutën dhe premtoi se do të bëjë gjithçka për të bërë Referendum në mbrojtje të saj. Në konferencën e jashtëzakonshme për shtyp, kreu i shtetit u shpreh se kushtetuta është vija e kuqe që nuk duhet të kalohet, ndërsa i bëri apel popullit që t’i thotë ndal degradimit të vendit.

“Tani jemi në situatë dramatike, kushtetuta po shkelet hapur e dhunshëm me qëllim përqëndrimin e pushteteve nga Kryeministri. Pushteti ekezekutiv është unifikuar me atë legjiskativ, numri kushteues prej 140 vendesh nuk e plotëson Kuvendin. Janë kapur të gjithë bashkitë. Kuvendi është lënë qëllimisht pa gjykatë kushtetuese e pa gjykatë të lartë dhe janë mbivendosur mbi 32 mijë çështje gjyqësore që do të duheshin 30 vite. Me këto afate një pensionist nuk do të arrijë të gëzojë pensionin. Kryeprokurori i përkohshëm është zgjedhur në mënyrë antikushteuese. Rrëmbehet prona e biznesi në mes të ditës. Qeveria për të pasuruar një kastë oligarkësh. Fjala e lirë është zëvendësuar nga në shërbim të propagandës.

Vendi po shpopullohet pa ndalim. Si rezultat i sukseseve imagjinare nuk ka asnjë inevstim serioz ndaj është koha për t’i thënë ndal degradimit të shtetit e atdheut tonë.

Shqipëria është betuar se diktatura nuk do të përsëritet as de facto e as de jure. Unë do i qëndroj Kushtetutës dhe do i kundërvihem përpjekejeve shkatërrimtare. Shqipëria nuk do të drejtohet me rezolutë, po me Kushtetutë. Shqiptarët të marrin fatet në dorë, Kushtetuta është vija e kuqe dhe e kuqe flakë. Shqipëria nuk është shpresëhumbur.

Presidenti do të kërkojë që përmes Referendumit të mbrojë Republikën. Vendimi i popullit dhe sovranit është mbi të gjitha. Demokracia absolute është demomkracia në veprim,. Kjo është detyra ime për të cilën jam betuar dhe me gjithë zemër e me dorë në kushtetutë, të mbrojmë sot Kushtetutën dhe të ardhmen e fëmijëve tanë”.

Presidenti e nisi komunikimin me mediat, duke sjellë në vëmendje vitin kur është miratuar Kushtetuta dhe parimet e saj.

“Kushtetuta është ligji suprem. Jetëgjatësia e Kushtetutës është treguesi më i drejtpërdrejtë i fuqisë së saj për të qëndruar e pacënuar dhe e paprekshme, si një tempull i shenjtë, që i shërben shtetit të së drejtës. Sa më serioz sistemi demokratik i një vend, aq më i panevojshëm është ndryshimi i Kushtetutës. Kushtetuta thuajse gjithmonë ka lindur në kohë krizash, si domosdoshmëri për t’u mbrojtur nga pushteti arbitrar. Për këtë arsye, është Kushtetuta ajo që vendos kufirin e përqendrimit të pushtetit të çdokujt, që lakmon të jetë i gjithpushtetshëm.

Kushtetuta mbetet vijë e kuqe e pakalueshme, për sa kohë fuqia e saj buron nga populli. 22 nëntori është datë historike. Për herë të parë populli shqiptar miratoi përmes referendumit Kushtetutën post-komuniste. Na u dhurua Kushtetuta më demokratike që ka pasur Shqipëria deri më sot. Populli vendosi që sovraniteti i përket vetëm atij. Populli shqiptar përcaktoi se liritë themelore të njeriut duhet të ishin të pandara, të patjetërsueshme. E projektuar për të hedhur themelet e një shteti, Kushtetuta e ’98 mundësoi vendosjen e paqes në vend. Kjo Kushtetutë që ende gëzon respektin e qytetarëve shqiptarë fatkeqësisht u zhbë brenda natës, në errësirë të plotë nga marrëveshja politike e 2008. Si pasojë e kësaj marrëveshje, deputetët nuk përfaqësojnë më popullin. Ndryshimet e vitit 2016 kanë nxjerrë në pah probleme të tjera.

Kushtetuta u kthye në rregullore me data e afate, që janë shkelur nga të gjithë. Kjo po con në paralizimin dhe destabilizimin e drejtësisë në vend. Organet e reja të gjyqësorit do duhet të kenë një trup me integritet. Zbatimi i reformës në drejtësi vazhdon të jetë i njëansahëm. Venecia i ka thënë të gjitha për ata që kanë vesh për të dëgjuar”. / abcnews.al

 

shalsi.jpg
in a20:45 | 18/11/2019

I ftuar në studion “Mbrëmja në ABC” me Mirela Milorin, Ministri i Shtetit për Mbrojtjen e Sipërmarrjes Eduard Shalsi, ka komentuar ngërçin e Gjykatës Kushtetuese.

“Një betejë që do të vazhdojë edhe për pak kohë dhe ndoshta janë përpëlitjet e fundit të të gjithë atyre që nuk e kanë dashur këtë reformë e cila është e inicuar nga PS në konsultë me partnerët tanë”, tha Shalsi.

I pyetur për vendimin e Presidentit Meta, se do të hedhë në gjyq kreun e KED Ardian Dvorani, Shalsi u shpreh se ky vendim nuk e ka surprizuar.

“Nuk është veprim i panjohur i presidentit Meta kundër reformës në drejtësi pasi ai nuk ka surprizuar me qendrimin e tij. Shqiptarët e kanë parë qartazi qëndrimin e BE dhe SHB-ve. Kushtetuta përcakton rrugën që ne kemi ndërmarrë, nëse do të shohim të gjithë rrugëtimin që ka përjetuar reforma në drejtësi ky nuk është rasti i parë si presidentit për të penguar reformën”, tha Shalsi.

Ndërkohe thekson se reforma ka partnerë BE dhe SHBA.

“Nuk këmi qenë vetëm, pa ekspertizën e parterëvë tanë strategjik, reforma nuk do të ishte e mundur të shkruhej në letër, as në praktikë. Kjo reformë ka si partnërë BE dhe SHBA-në”, deklaroi Shalsi.

Lufta që i kanë shpallur titullarëve të institucioneve të BE-së le ta vazhdojnë ta bëjnë, shprehet ai.

Reforma do të vijojë, nuk jam ekspert, por nuk ka nevojë për t’ju drejtuar Venecias.

Ministri i Shtetit për Mbrojtjen e Sipërmarrjes, i pyetur për ftesën e Presidentit Meta drejtuar Opozitës dhe aleatëve, thotë se ky nuk është shqetësimi i PS, pasi janë të fokusuar tek problematikat e shqiptarëve.

“Ne duam ti fokusojmë energjitë tona në të gjitha komplekset me të cilat përballet Shqipëria. Dalja e palogjikshmee e opozitës nga Parlamenti dhe braktisja e zgjedhjeve provoi se kanë dëmtuar veten e tyre, por në do të merremi me hallet e shqiptarëve. Jemi të përqëndruar tëek problemet që kërkojnë zgjidhje. Se ç’bën presidenti me opozitën është puna e tyre”, tha Shalsi.

Në një marrëdhënie konfliktuale me Presidentin dhe me një opozitë jasht parlametit a do ta zgjidhnin krizën politike zgjedhjet e parakohshme?

Shalsi: “Nuk ndikon aspak, nuk kemi arsye për të menduar për zgjedhje të parakohshme, por për një proces që do të sjellë zgjedhje më të mira”.

“Sipas ekspertëve të ekonomisë situata ekonomike në vend nuk është pozitive, ka një tkurrje të ekonomisë. Si do të jetë viti që vjen: “Ne i kemi dëgjuar shqetësimet, shifrat e investimeve të huaja në 6-mujorin parë kanë njohur rritje. Kemi projekte që po punojmë intensivisht, si investimi i projektit të aeroportit të Vlorës që është në fazën finale. Janë disa projkte të cilat shpresojmë të nisin duke u mbështetur në partneritetin publik-privat”, tha ndër të tjera Shalsi./abcnews.al

berisha11.jpg
ent ela20:49 | 14/11/2019

I pyetur sesi po i qëndron presidenti Meta presionit të mazhorancës si institucion, ish-kryeministri Berisha thotë se kreu i Shtetit po mban qëndrim institucional, pavarësisht përpjekjeve të Ramës për t’i marrë kompetencat. Sipas tij Meta është i mbrojtur nga Kushtetuta, po aq sa është i detyruar ta mbrojë atë.

“Është qëndrim insitutcional. Përpjeka e Ramës t’i marrë kompetencat, përdor parlamentin, përdor një rezolutë tjetër, përdor një akt tjetër puçist”.

Milori: Do t’ia dalë dot Meta ta mbajë presionin?

Berisha: Si institucion padiskutim është i mbrojtur nga Kushtetuta. Deshën ta nxjerrin se ka thyer kushtetutën, ua tha Venecia, e përkthyen në mëyrë të turpshme. Atë nuk e bënë ndërkombëtarët, e bëri Engjëll Agaçi.

I pyetur nëse po bën Presidneti Meta opozitën përballë kësaj mazhorance, Berisha shprehet se kreu i Shtetit, po u përmbahet vetëm kompetencave të tij kushtetuese.

“Ai thjesht po i përmbahet kompetencave kushtetuese, u përpoqën 3 muaj ta nxirrnin jokushtetues me zgjedhjet. Ata që janë më doktrinarë thanë jo, nuk ka shkelje kushtetute. Presidenti është i detyruar të mbrojë kushtetutën, por edhe i mbrojtur nga kushtetuta”. /abcnews.al

edi-rama-erion-brace-1280x717.jpg
nev ila18:10 | 11/11/2019

Pavarësisht votimit në Parlament, 3 gjyqtaret e reja të kushtetueses nuk fillojnë dot punë pa bërë betimin tek Presidenti Meta siç e parashikon Kushtetuta. Ky prodhon një ngërç të ri në marrëdhëniet e tensionuara mes palëve, ndërsa edhe me 5 anëtarë, Gjykata Kushtetuese nuk është tërësisht funksionale.

Gjykata Kushtetuese ka tashmë 5 anëtarë. Vitore Tushën, e vetmja që i mbijetoi vettingut, Besnik Muçin të dekretuar nga Presidenti, Arta Vorpsin të emëruar automatikisht përmes Fletores Zyrtare pas mos zgjedhjes brenda 30 ditëve nga Presidenti, si dhe Elsa Toskën dhe Fiona Papajorgjin, të zgjedhur së fundmi nga Kuvendi.

Por, tre të fundit, nuk mund të vijojnë punën pa bërë më herët betimin përpara Presidentit, siç neni 129 i kushtetutës përcakton.

Meta e quajti kontrabandë botimin në Fletoren zyrtare të emrit të Arta Vorpsit, ndërsa nuk bie dakord me radhën e votimeve nga Kuvendi.

Socialistët e shqyrtuan daljen nga kjo situatë në Këshillin e Legjislacionit, dhe propozuan alternativën, që, nëse presidenti nuk organizon ceremoninë e betimit, atëherë 3 gjyqtaret të betohen në Kuvend.

Por edhe nëse gjithçka shkon mirë, me 5 anëtarë, Gjykata Kushtetuese nuk është tërësisht funksionale. Marrjen e vendimeve kjo gjykatë e bën me 6 anëtarë, dhe me 5 gjyqtarë ajo mund të bëjë vetëm verifikime paraprake, për t’i kaluar apo jo çështjet në seancë.

Ligji për teatrin, apo vlefshmëria e zgjedhjeve të 30 qershorit janë çështjet e nxehta që presin shqyrtim, ndërsa “patatja e nxehtë”, shkarkimi i presidentit do të mbërrije brenda vitit në këtë gjykatë./abcnews.al

KRONIKE-KUSHTETUESJA-NE-KUVEND.mpg_snapshot_00.00-1280x720.jpg
ent ela16:35 | 25/10/2019

ABC News ka mësuar se Kuvendi ka vendosur t’i zgjedhë dy gjyqtarët e rinj kushtetues në limiten e afateve, pikërisht në seancën e 14 nëntorit.  Kjo datë bie ndesh me afatet e presidentit, i cili duhet ta zgjedhë gjyqtarin e dytë brenda 8 nëntorit, por thotë se nuk mund të veprojë nëse sipas Kushtetutës Kuvendi nuk zgjedh emrin e tij të parë. Për këtë arsye, pritet që vakancën e dytë Meta ta kthejë  pas në KED.

Kushtetuta e Republikës së Shqipërisë, në nenin 179 pika 2 të tij, përcakton se: “Anëtari i parë për t’u zëvendësuar në Gjykatën Kushtetuese emërohet nga Presidenti i Republikës, i dyti zgjidhet nga Kuvendi dhe i treti emërohet nga Gjykata e Lartë. Kjo radhë ndiqet për të gjitha emërimet që do të bëhen pas hyrjes në fuqi të këtij ligji.”

Po ashtu, edhe në nenin 7 pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, përcaktohet se: “Përbërja e Gjykatës Kushtetuese përtërihet çdo 3 vjet, me një të tretën e saj. Anëtarët e rinj caktohen sipas radhës, përkatësisht nga Presidenti i Republikës, nga Kuvendi dhe nga Gjykata e Lartë. Ky rregull ndiqet edhe në rastet e përfundimit para afatit të mandatit të anëtarit të Gjykatës Kushtetuese”. /ABC News Albania 24/7

PENDAROVSKI-PER-NEGOCIATAT.mpg_snapshot_00.15-1280x720.jpg
ad min16:11 | 20/10/2019

Presidenti i Maqedonisë së Veriut Stevo Pendarovski nuk do të ndërhyjë në vendimin e partive politike për zgjedhje të parakohshme. Zyra e Presidentit tha për ABC News se zoti Pendarovski pret lançimin e një forumi për dialog politik i cili do të ishte një platformë për diskutimin e çështjeve më të rëndësishme për vendin.

Zyra e Presidentit të Maqedonisë së Veriut, Stevo Pendarovski, tha për ABC News se takimi i parë i liderëve i thirrur nga Presidenti, pas konkluzioneve të Këshillit Evropian, duhet të përqendrohet në riafirmimin e orientimit euro-atlantik të Maqedonisë së Veriut.

Zyra e shtypit e Presidentit Pendarovski vuri në dukje se në fjalën e tij drejtuar qytetarëve të vendit, Presidenti tha se me gjithë lajmin e marrjes në konsideratë të një marrëdhënieje speciale të vendeve të rajonit me Bashkimin Evropian, ky nuk është opsion për Maqedoninë e Veriut, e cila e konsideron integrimin euro-atlantik si të vetmen alternativë, dhe Presidenti pret konsensus nga udhëheqësit e partive politike në takimin e sotëm të liderëve.

Lidhur me shqetësimin e Francës për metodologjinë e bisedimeve të anëtarësimit me BE-në, “Presidenti është i ndërgjegjshëm për shqetësimet dhe mbështet reformat e metodologjisë, duke pasur parasysh se Maqedonia e Veriut është plotësisht e përgatitur për t’iu përgjigjur kërkesave të procesit negociues.”

Lidhur me deklaratat e udhëheqësve të partive politike për zgjedhje të parakohshme, Presidenti Pendarovski tha se ai nuk do të ndërhynte në atë vendim dhe ua lë partive politike.

Presidenti pret që takimi i lidershipit të sjellë lançimin e një forumi për dialog politik i cili do të ishte një platformë për diskutimin e çështjeve më të rëndësishme për vendin nën kujdestarinë e Presidentit në përputhje me pozicionin e tij kushtetues./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono