kush

klp-1280x622.jpg
nev ila12:53 | 16/09/2019

Këshilli i Lartë i Prokurorisë u mblodh këtë të hënë  në nisje të sezonit të ri të punës duke marrë disa vendime.

Në një nga pikat e rendit të ditës në mbledhjen e sotme të KLP ka patur ndërprerjen si e përkohshme të Esmeralda Camit në Prokurorinë Dibër.

Bëhet me dije se me 8 vota pro nga KLP, është caktuar prokurori Rifat Kojku, i cili ka zëvendësuar pozicionin e Drejtuesit të Prokurorisë pranë Gjykatës së Shkallës së Parë Dibër.

KLP gjithashtu ka caktuar në pozicionin e Drejtuesit të  Prokurorisë pranë Gjykatës së së Shkallës së Parë Mat me 8 vota pro prokurorin Abaz Muça.

Drejtuesi aktual i Prokurorisë së Rrethit Gjyqësor Mat, Hysni Vata është shkarkuar nga detyra nga Komisioni i Pavarur i Kualifikimit me dt. 9 Shtator.

Ndërkohë Vladimir Mara dhe Esmeralda Cami kanë shprehur interes dhe kanë aplikuar për anëtarë të KLP, pas shkarkimit nga detyra nga KPA të anëtarit Gentian Osmani.

Esmeralda Cami, drejtuese e Prokurorisë Dibër, e cila nuk mund të merrte dosjen 184, pas shpalljes së moskompetencës nga Krimet e Rënda dhe kalimit të saj në Dibër, për shkak të konfliktit të interesit.

Ndërsa Vladimir Mara, prokuror i çështjes Tahiri e 339, u skualifikua nga gara për SPAK.

Në seancën e sotme kanë munguar  2 anëtarë, Nurihan Seiti dhe Bujar Sheshi.

Në mbledhje gjithashtu u miratua projekt-akti i vlerësimin në kuadër të rivlerësimit kalimtar për prokurorin Brahim Dragjoshi si dhe për prokuroren Pranvera Pustina.

Afati i fundit për aplikime në Këshillin e Lartë të Prokurorisë është dita e nesërme, data 17 shtator./abcnews.al

selia-PD-1280x713.jpg
nev ila19:16 | 05/08/2019

 

Ndryshe nga sa kërkon presidenti  Ilir Meta, partia më e madhe opozitare nuk do të regjistrohet në zgjedhjet e 13 tetorit. Sakrificat presidenciale për të caktuar një datë të re në kulmin e krizës politike, nuk do të përdoren nga Partia Demokratike, e cila kërkon paraprakisht largimin e Kryeministrit Edi Rama.

Partia Demokratike nuk i përgjigjet thirrjes së Presidentit Meta për tu regjistruar në zgjedhjet e 13 tetorit. Ndryshe nga aleatët e saj, ajo nuk i drejtohet me kërkesë KQZ-së, edhe pse nënkryetari Edi Paloka shpjegon se 13 tetori është data kushtetuese dhe PD e njeh dekretin e Metës.

“Për ne dekreti i presidentit është i detyrueshëm për t’u zbatuar nga institucionet, pjesëmarrja apo jo e PD lidhet me rrethana te tjera. Për ne nuk është e rëndësishme data e zgjedhjeve, për ne të rëndësishme janë standardet”, tha Paloka.

Pikërisht tek standartet, vihet re diferenca tjetër e PD-së, si ndaj LSI-së, ashtu edhe ndaj Presidentit. Demokratët kanë kusht të panegociueshëm largimin e kryeministrit Edi Rama.

“Pozicioni i PD nuk ka ndryshuar ne asgjë, dhe as i opozitës ne përgjithësi. Sot kërkesa per largimin e Edi Ramës nuk është me vetëm e PD dhe e opozitës, janë mbi 85% e shqiptareve qe kërkojnë largimin e Ramës. Rama si kryeministër nuk mund te ulet ne tavoline me PD dhe me opozitën”, deklaroi Paloka.

Edhe pse vetë nuk do të marrë pjesë në zgjedhje, PD nuk i kursen akuzat ndaj shumicës së KQZ-së, të cilës i kërkon të organizojnë zgjedhjet në 13 tetor, ku do të marrin pjesë aleatët e saj.

“Kryetari i Komisionit Qendror të Zgjedhjeve në bazë të kërkesës së disa partive për pjesëmarrje në zgjedhje kërkoi të zhvillonte mbledhjen e KQZ. Dhe cila ishte përgjigja e Denar Bibave? Përgjigja ishte ajo e Edi Rames, që ne jemi në plazh. Dmth jo vetëm nuk zbatohet ligji dhe kushtetuta, por sfidohet me arrogancë dhe cinizëm”, tha Paloka.

PD dogji mandatet në muajin shkurt dhe prej 6 muajsh është jashtë çdo institucioni duke vendosur kusht largimin e kryeministrit, si dhe organizimin e zgjedhjeve të parakohshme nga një qeveri tranzitore./ABC News Albania 24/7

download-1.jpg
Sej rie20:00 | 01/08/2019

Dy kushërinjtë Alfred dhe Elvis Vladi të cilët janë shpallur në kërkim ndërkombëtar nga Policia Shqiptare që në Qershor të vitit 2018, tashmë po kërkohen edhe nga autoritetet belge. Ata janë shpallur në kërkim për çështjen e “Toyota Yaris”, ku brenda një makine në portin e Durrësit u zbuluan rreth 3.4 milionë euro.

Policia belge ka lëshuar një njoftim sot me kërkesë të një gjykatësi hetues, i cili kërkon hetime më të imtësishme për sasinë e parave të sekuestruara më 24 Qershor të viti 2018 në portin e Durrësit.

Policia belge bën apel për kapjen e Alfred dhe Elvis Vladi, të moshës 33 dhe 39 vjeç, të cilët konsiderohen persona me rrezikshmëri të lartë për shoqërinë.

 “Kushdo që ka informacion për dy shqiptarët të kontaktojnë përmes numrit të telefonit falas 0800/30 300. Dëshmitë gjithashtu mund të komunikohen përmes adresës avisdecherche@police.belgium.eu. Ky njoftim është në dispozicion në www.police.be”, thuhet në njoftim.

Alfred dhe Elvis Vladi, të cilët dyshohet se janë personat që kishin organizuar trafikun e 3.4 milionë eurove nga Belgjika për në vendin tonë. Që nga viti 2018 është kërkuar bashkëpunim edhe me homologët belgë, gjermanë dhe atyre italian për të rënë në gjurmë të dy kushërinjve Vladi./abcnews.al

PS-1280x724.jpg
Sej rie18:30 | 18/07/2019

Partia Socialiste është tërhequr nga penalizimi me 10 vjet ndalim-udhëtimi jashtë vendit për ata që prekin votat. Taulant Balla tha se janë politikanët dhe jo njerëzit e thjeshtë ata që kryejnë krime elektorale dhe ata i ndëshkon ligji për dekriminalizimin.

Meta akuzoi edhe presidentin Ilir Meta se është kthyer në institucionin e qarjes së halleve të opozitës.

E kanë ndërruar mendjen socialist pas zgjedhjeve të 30 Qershorit.

“Dua t’ju them se amendamenti i propozuar nga z.Bushati konsultuar edhe me deputetët e opozitës, lidhur me penalizimin e përkohshëm deri në dhjetë vite të ndalimit të udhëtimit jashtë vendit, kemi menduar që ky amendament të mos votohet sot, por të jetë pjesë e një diskutimi më të gjerë të një politike të re penale që duhet të zhvillojmë në Shqipëri. Ndoshta nuk është vetëm burgu dënimi që i bën njerëzit ti thërrasin mendjes”.

Dhunën zgjedhore nuk e bëjnë njerëzit e thjeshtë thotë kryetari i grupit parlamentar socialist por politikanët e dështuar e për ta është ligji i dekriminalizimit që i ndëshkon.

“Ligji për dekriminalizimin e ka sanksionuar qartë se kush dënohet për krim zgjedhor nuk kandidon dot më. Kjo është mënyra më e mirë për të garantuar se kush bën krime penale, nuk mund të jetë i zgjedhur nga populli”.
Ndryshimet e tjera të propozuar në Kodin Penal kanë të bëjnë me ashpërsimin e dënimeve për mbajtjen e armëve të cilat i sqaron Taulant Balla se cilat janë.

“Bëhet fjalë vetëm për ato bien në kundërshtim me parashikimet ligjore dhe që kërkojnë leje paraprake të organeve kompetente. Nuk po flas për fishekzjarrët e fëmijëve të moshës së Lulzim Bashës”.

Dhuna nuk duhet të tolerohet as nga e majta e as nga e djathta sipas kreut të grupit parlamentar socialist, por opozita duhet ti fiksojë më mirë nga të gjithë pasojat e dhunës.

“Opozita ka gjithë të drejtën e saj të protestojë, por me këto ndryshime në Kod Penal, sa herë të vandalizohen institucionet, të shkatërrohet prona private që nuk e kemi bërë diskutim vlerën e dëmtimit, apo sa herë të goditen punonjësit e policisë, do të vazhdojë të ketë pasoja individuale, ligjore mbi të gjithë dhunuesit”.

Nuk ka dyshim Taulant Balla që këto ndryshime në Kodin Penal,  Presidenti i Republikës, z. Ilir Metaj  do ti i kthejë për ti rivotuar edhe njëherë në Kuvend në shtator. Por mazhoranca nuk ka shpreh lodhje ndaj një përsëritjes së një procedure.

“Ilir Meta ka vetëm sy e veshë për të dëgjuar se çfarë do Luli, Monika dhe Saliu. E ka kthyer Presidencën në institucionin e qarjes së halleve të Saliut, Lulit e Monikës. I kthen Ilir Meta këto ndryshime në Kodin Penal, aq na bën. Me të filluar sesioni i ri në shtator, këtu do jemi e do i votojmë përsëri”./ABC News Albania 24/7

save-21.jpg
Sej rie20:00 | 15/07/2019

Autoritetet britanike kanë goditur një bandë që trafikonte dhe shiste drogë dhe kanë arrestuar 12 shqiptarë. Mediat raportojnë se shqiptarët trafikonin kokainë në Londër.

12 anëtarët e “bandës së krimit të organizuar në shkallë të gjerë”, sipas drejtësisë britanike janë përgjegjëse për furnizimin e qytetit të Londrës me kokainë.
Policia e kryeqytetit britanik bën të ditur se “kanë ndërprerë” aktivitetet e bandës, të cilët kishin një sistem të shpërndarjes së “korrierëve” dhe “kontrolluesve”, të cilët dërgonin drogën tek punëtorët, në Londër.

Një hetim prej tetë muajsh arriti që të shkatërroj grupin dhe të vërë nën pranga tetë prej korrierëve, dy kontrollorë si dhe dy persona të tjerë të implikuar.
Në total, policia konfiskoi 1,2 kg drogë, të një vlere prej rreth 144,000 paund, si dhe 20,000 paund, para kesh. Gjithashtu janë konfiskuar dy telefona që i përkisnin dy kontrollorëve.
Gjithashtu shtypi britanik raporton se anëtarët e bandës në total janë dënuar me 33 vjet burg./abcnews.al

Fabio Domi, 21 vjeç, u dënua me 34 muaj burg
Mario Prendi, 27 vjeç, dënohet me dy vjet
Dritan Jella, 33 vjeç, dënohet me katër muaj
Bledar Xhani, 23 vjeç, dënohet me tre vjet
Klevis Drazhi, 20 vjeç, dënohet me 11 muaj
Koka e grupit Fjoralb Fera, 21 vjeç, dënohet me pesë vjet
Albi Hoxha, 23 vjeç, dënohet me 34 muaj
Erdi Nezaj, 25 vjeç, do dëbohet për në Shqipëri
Halil Shehu, 22 vjeç, dënohet me 32 muaj
Emirjan Demiraj, 22 vjeç, dënohet me 34 muaj
Kladji Qyra, 22 vjeç, dënohet me 25 muaj
Bosi i bandes Bledar Ponari, 28 vjeç, u dënua me pesë vjet e katër muaj
66829457_2470458399907183_8922882041628852224_o.jpg
Sej rie13:50 | 10/07/2019

Një 44-vjeçar me precedent të mëparshëm penal është arrestuar nga uniformat blu të Tiranës, për veprat penale të vjedhjes në shuma të mëdha, vetëgjyqësisë dhe fshehje e të ardhurave.

Ai është Mislim Jella, thonë burimet për tvklan.al. 44-vjeçar ka qenë i dënuar tre herë për armëmbajtje pa leje dhe kontrabandë me mallra për të cilat paguhet akcizë. Bashkë me të në pranga ka rënë edhe 45-vjeçari me iniciale F.I. Mislim Jella dhe 45-vjeçari kishin bërë një kontratë fiktive për shitjen e një prone.

Bëhet fjalë për një shtypshkronjë në Tiranë, të cilën Jella ia shiti qytetarit me iniciale F.I. për shumën 1 milionë Lekë të vjetra, kur në fakt ky biznes ka xhiro mujore prej 100 milionë Lekësh. Kjo lëvizje, sipas policisë, është bërë për të fshehur të ardhurat që duhet të paguhen nga tvsh-ja, që në këtë rast konkret përllogariten në rreth 8 milionë Lekë.

Po kështu, Mislim Jella ka përvetësuar në mënyrë të kundërligjshme dy makina tip Mercedes-Benz që janë pronë e një banke të nivelit të dytë, për të cilat kolateralin dhe kredinë e paguanin shtetasit N.SH dhe O.SH.

Gjithashtu, Jella ka përvetësuar në mënyrë të kundërligjshme xhiron mujore të një biznesi në pronësi të shtetases O. Sh, në vlerën rreth 550 milionë Lekë të vjetra. /tvklan.al

vila4.jpg
Sej rie18:00 | 03/07/2019

Dy shqiptarë janë dënuar nga drejtësia belge pasi akuzohet se kishin ngritur një fabrikë kanabisi në një vilë në qytetin Genval. Gentian L., i datëlindjes 1980, u dënua me 30 muaj burg dhe me një gjobë prej 8,000 euro si dhe iu konfiskua pasuria e tij prej afro 20,000 euro.

Ndërsa Kristjan D., u dënua me dy vite burg si dhe me 8000 euro gjobë. Të dy shqiptarët drejtonin një plantacion kanabisi në një vilë në Genval. Qiraja e vilës, e cila ishte 1,200 euro në muaj  shlyhej një herë një 6 muaj nga Gentian L, raporton dhnet.be. 

Pas bastisjes në banesë policia gjeti 845 bimë kanabis. E ndërsa identiteti i Gentian. L u dha për hetuesit nga pronari i vilës, bashkëpunëtori i tij është identifikuar përmes ADN-së pasi në pronë u gjetnë doreza që ai përdorte për tu kujdesur për bimët.  Kristjan D., rezultonte se ishte dënuar më parë me 3 vjet si dhe ndaj tij ishte dhënë një urdhër dëbimi. Ai ka pretenduar se nuk kishte fare lidhje me drogën e gjetur në banesë, por gjykatësit i kanë hedhur poshtë pretendimet e tij dhe e kanë dënuar./abcnews.al

0_SSR_MEN_110619warringtondrugsgang_13JPG.jpg
Sej rie10:45 | 12/06/2019

17 anëtarë të një bande janë dënuar, pas një operacioni sekret në Britani. Në mesin e të ndaluar janë edhe dy shqiptarë të identifikuar si Taulant Paja dhe Islam Grana, të cilët do të qëndrojnë në burg përkatësisht 6 dhe 7 vjet. Mediat britanike shkruajnë se një nga detajet që tradhtoi bandën ishte jeta e luksit që bënin anëtarët e saj. Ndërsa mediat e huaja kanë publikuar edhe videon e momentit kur njëri prej pjesëtarëve të bandës, Jamie Simpson është arrestuar, pasi policia rrethoi automjetin e tij tip Ford Transit. Oficerët kanë gjetur 185 kg kokaine të pastën, me një vlerë 20 milionë £, të fshehura brenda në makinë./abcnews.al

gjergji-cukali.png
Sej rie08:45 | 31/05/2019

Policia e Tiranës ka vënë në pranga 40-vjeçarin Gjergji Cukali, i akuzuar si autori i vrasjes së ish-policit Arben Bilali. Por, emri i  Gjergji Cukalit nuk është i panjohur për policinë e kryeqytetit. Ai njihet edhe si një nga “të fortët” e rrugës “Myslym Shyri” në Tiranë pas disa ngjarjeve të përsëritura në këtë lokalitet.  Jo vetëm personazh i njohur në botën e errët të krimit, por 40 vjeçari është edhe mik i ngushtë i Emiljano Shullazit.

Më 24 Nëntor 2006, Gjykata e Krimeve të Rënda e dënoi Gjergji Cukalin me akuzën e heqjes së paligjshme të lirisë ndaj shtetasit Fajton Demirlika në vitin 2004.

Dënimi i dhënë ndaj Cukalit ishte dhjetë vjet burg, ndërkohë fajtorë u deklaruan edhe pesë persona të tjerë të pandehur në lidhje me ngjarjen e pengmarrjes së ndodhur në rrugën “Myslym Shyri”.

Ndërkohë që ai mbaroi dënimin për pengmarrjen e Demirlikës, i ndihmuar edhe nga amnistia që i fali një vit burg, problemet e të riut me policinë nuk mbaruan.

Më 20 Gusht 2012, nga Komisariati i Policisë nr.2 Tiranë u krye arrestimi në flagrancë i shtetasit Gjergji Cukali, banues në Tiranë, i dënuar më parë.

Arrestimi i tij është bërë asokohe pasi sipas policisë, gjatë një kontrolli u kap nga patrulla e policisë me një armë zjarri pistoletë pa leje dhe me një krehër me 17 fishekë.

Korrik të vitit 2016, ai ishte si pjesë e një rrjeti kriminal të përbërë nga 16 persona, të cilët shpërndanin kokainë të cilësisë së parë në Tiranë. Personat u arrestuan në saj të  operacionit të koduar “Tangent” dhe në  pranga përfundoi edhe i forti i “Myslym Shyrit”, Gjergj Cukali.

Por si u zhvilluan ngjarjet që prej arrestimit në vitin 2016 deri në lirimin e tij?

Një vendim i Kolegjit Penal të Gjykatës së Lartë që mban datën 24 Maj 2017, i dha lirinë Gjergji Cukalit duke vendosur masë sigurie “arrest shtëpie”, gati një vit pas arrestimit.

Kolegji Penal i Gjykatës së Lartë argumentonte se u vendos që Gjergji Cukali të qëndrojë në “arrest shtëpie” për shkak të gjendjes së tij shëndetësore. Rezulton se “i forti i Myslym Shyrit” vuan nga astma bronkiale dhe ka kriza të shpeshta. Për këtë arsye, Gjykata e Lartë vendosi që Gjergji Cukali nuk mund të mjekohej në Institutin e Kujdesit të Veçantë Shëndetësor të të burgosurve Tiranë.

12 Prill 2018: Policia e Tiranës arrestoi sërish Gjergj Cukalin, pasi kishte thyer masën e “arrestit shtëpiak”. Gjykata e Lartë kishte dhënë masën e sigurisë “arrest shtëpie” për Gjergj Cukalin, pasi në vitin 2016 është arrestuar si drejtues i një grupi që shpërndante kokainë në Tiranë. Pavarësisht se është një person i rrezikshëm, i dënuar për pengmarrje dhe armëmbajtje pa leje, Gjykata e ka lënë në arrest shtëpie Cukalin, ndërkohë që vendimi i formës së prerë ende nuk është dhënë. Policia e Tiranës deklaronte në atë kohë se Cukali akuzohet për veprën penale “Largimi i të burgosurve nga vendi i qëndrimit”, që parashikon dënim deri në 4 vite burg. /abcnews.al

Edjoni-makina-810x445.jpg
Sej rie09:48 | 25/04/2019

Identifikohet i riu shqiptar që ndërroi jetë në një aksident mes të martës dhe të mërkurës të ndodhur në Pianvallico të Firences. Ai është Edjon Kapllani, 26 vjeç, i cili ndodhej në bordin e një mjeti që drejtohej nga një shok i tij, edhe ai 26-vjeç. Në automjet bashkë me dy të rinjtë ishte edhe vëllai i Kapllanit, 19-vjeçarit.

Sipas mediave italiane i riu jetonte në Borgo San Lorenzo bashkë me familjen dhe po udhëtonte për në Scarperia, pasi do të shkonte për të takuar të fejuarën. Por sikundër edhe shkruajnë mediat e vendit fqinj, një kthesë e ‘mallkuar’ ndoshta edhe shpejtësia e lartë, bëri që automjeti të humbte kontrollin dhe të rinjtë të përplaseshin me një pemë.

Për pasojë aksidenti ishte fatal për 26-vjeçarin, ndërsa vëllai i tij i vogël dhe miku i tij mbetën të plagosur rëndë. Ata u dërguan në spital dhe janë nën kujdesin e mjekëve. Sipas bluzave të bardha vëllai i Kapllanit fatmirësisht  është jashtë rrezikut për jetën. Ndërsa drejtuesi i makinës, mësohet se ka marrë dëmtime të rënda në pjesën e poshtme të trupit. Ndërsa hetimet për aksidenti vijojnë nga karabinierët e Borgo San Lorenzo./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono