kupa

vlcsnap-error126-1280x720.jpg
gra moz18:38 | 12/01/2018

Dy ndeshje derbi do të luhen në çerekfinalet e Kupës së Spanjës. Real Madrid dhe Barcelona do të përballen me Leganes dhe Espanyol.

Shorti për çerekfinalet e Kupës së Mbretit në Spanjë solli dy ndeshje derbi.
Leganes – Real Madrid dhe Espanyol – Barcelona.
Leganes është një skuadër nga rrethinat e Madridit, ndërsa Espanyol është skuadra e dytë e katalunjas në La Liga. Duelet pritet të kenë tension dhe emocione, aq më tepër për Realin dhe Barcelonën që janë pretendente kryesore jo vetëm në garën e kupës.
Për Realin ndeshja ndaj Leganes do të jetë vendimtare, pas rezultateve të munguara në kampionat dhe kritikave ndaj të gjithëve në ekip. Leganes është për herë të parë në histori në këtë fazë të kupës dhe tashmë nuk ka ç’të humbë. Ndërsa Barcelona kurrë nuk do t’ia linte pa luftuar deri në fund një ndeshje të tillë rivales së krahinës.
Ndeshjet e tjera çerekfinale janë Atletico Madrid – Sevilla dhe Valencia – Alaves. Takimet do të luhen me 16 dhe 18 janar, ndërsa të kthimit një javë më pas./abcnews.al

vlcsnap-error765-1-1280x720.jpg
us er15:32 | 13/12/2017

Tirana arrin një kualifikim të vështirë dhe të rëndësishëm në Kupën e Shqipërisë, në Shkodër ndaj Vllaznisë. Përballja ishte e tensionuar dhe në fund u sulmua gjyqtari Jorgji.

Nervat nuk u përmbajtën dot në fund.
Dy ekipet më të vjetër dhe historikë të vendit e mbyllën me turp përballjen e tyre në Kupën e Shqipërisë dhe nuk mungoi as sherri me lojtarëve dhe as tentativa për të goditur gjyqtarin.
Tifozë shkodranë, që nga tribuna kryesore nuk i kursyen sendet e forta të hedhura në drejtim të Enea Jorgjit, të cilin e akuzuan për arbitrim të njëanshëm.

Tensioni kishte nisur që gjatë ndeshjes së kthimit të të tetave të finaleve, madje pa kaluar mirë gjysmë ore, kur Hoxhallari i Tiranës dhe Krymi i Vllaznisë patën sherr dhe si rrjedhojë u përjashtuan me karton të kuq.

Vllaznia arriti të fitonte, por suksesi 1-0 me golin e zëvendësuesit Kalaja nuk i mjaftoi, pasi tiranasit kishin fituar 2-0 në sfidën e parë në “Selman Stërmasi”.
Madje, kryeqytetasit e nisën më mirë sfidën, duke pasur më pak presion për shkak se vinin në epërsi të dy golave.
Po nuk shënove, në futboll mund të ndëshkohesh, dhe thuajse kështu i ndodhi miqve të trajnerit Ze Maria.

Vllaznia e mori veten shpejt dhe e kërkoi me ngulm golin e avantazhit, duke krijuar disa raste të mirë, por duke shpërdoruar shumë.
Për fat të keq, asnjëra nga skuadrat nuk bindi plotësisht dhe deri diku ishte e kuptueshme.

Vllaznia vërtet është në Superligë, por vetëm në vend të parafundit, ndërsa Tirana këtë sezon është më e dobësuar, pasi luan një kategori më poshtë.
Vetë trajneri Ze Maria pranoi se ekipi i tij luajti një ndeshje të dobët dhe se meritonte të eleminohej.
Gjithsesi, ndodhi e kundërta dhe tiranasit do të kërkojnë të kalojnë edhe Kukësin në çerekfinale, të fitojnë Kupën dhe të kualifikohen për në Europë sezonin e ardhshëm./abcnews.al

vlcsnap-error427-1-1280x721.jpg
us er18:16 | 28/11/2017

Tirana luan ndaj Vllaznisë në Kupën e Shqipërisë, në atë që cilësohet si derbi më i vjetër në histori. Trajneri i kryeqytetasve, Ze Maria, nuk e ka harruar rënien e vjetshme nga Superliga, që ndodhi pikërisht në Shkodër.

E kishte mendjen në ndeshje të tjera, dhe e pyesnin për këtë.
Trajneri i Tiranës, Ze Maria, doli më në fund përpara gazetarëve për atë sfidë që publikut i duket më interesante.
Kryeqytetasit, që janë në Kategorinë e Parë, do të kenë shans të maten me një skuadër të Superligës.

Ze Maria: “Sot mund të flasim për Vllazninë, djem, sot mund të pyesni për Vllazninë”.

Ze Maria nuk ishte në stol sezonin e kaluar, por braziliani nuk e ndan veten nga disfata e madhe që u vulos pikërisht me barazimin në fushën e Vllaznisë, në javën e fundit të kampionatit.

“Do të jetë një derbi, për vetë historinë, për kohën e gjatë të ekzistencës së këtyre skuadrave. Një ndeshje e rëndësishme për tifozët e Tiranës. Do të jetë një ndeshje e vështirë, delikate nga çdo këndvështrim sepse plaga e vjetshme kur ekipi ra nga Superliga është ende e hapur dhe do të dojë ende kohë që të mbyllet. Gjithsesi, kam folur edhe me lojtarët. Ajo që ndodhi vjet, është e kaluara. Sot ekipi ka trajner tjetër, shumë lojtarë të tjerë dhe mentalitet tjetër. Do të luajmë për fitore dhe kualifikim”.

Kurioziteti tjetër ishte lidhur me ndryshimin e kapitenit.
Përse Ze Maria ia dha shiritin Sentamos në ndeshjen e fundit?

“Zgjodha Junes Sentamon si kapiten sepse ai është një shembull për të tjerët, për mënyrën sesi stërvitet. Veçse, jo vetëm ai. Mund të ishte edhe Daja, apo edhe lojtarë të tjerë. Zgjodha Sentamon për të treguar se kur lojtarët stërviten me seriozitet mund të jenë të gjithë kapitenë të kësaj skuadre, pavarësisht se nga vjen dhe sa kohë ke luajtur. Kapiteni i Milanit arriti atje vetëm para dy muajve”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono