kunder

bullgari-1280x672.jpg
ent ela09:45 | 20/03/2019

Në kryeqytetin bullgar në Sofje, agjentët e policisë po përpiqeshin të shpërndanin një turmë njerëzish që protestonin para Parlamentit. Agjentët përdorën “spraj djegës, por mbetën vetë viktima të këtij gjesti. Agjentët e policisë nuk morën në konsideratë drejtimin nga frynte era, kështu që spraj ka përfunduar i gjithi në fytyrat e tyre. Sipas mediave, policia nuk është aspak eksperte për shkak të mungesës së trajnimit dhe ushtrimeve, pasi zakonisht protestat janë paqësore dhe policia nuk përdor masa të tilla./abcnews.al

 

serbi-2-1280x690.jpg
ent ela14:11 | 19/03/2019

Një nga arsyet e shpërthimit të protestave në Serbi, është dhe akuza ndaj presidentit serb Vuçiç, i cili sipas protestuesve nuk po mban një qëndrim të qartë rreth të ardhmes së vendit. Kjo sepse kreu i shtetit synon anëtarësimin në BE pa u shkëputur nga ndikimi i Moskës.

Dimri është drejt fundit, por protestat në shesh, në Serbi, që e kanë shoqëruar që nga fundi i muajit Nëntor, nuk kanë ndërmend të ndalen. Me dhjetëra mijëra persona vazhdojnë të manifestojnë, jo vetëm në rrugët e kryeqytetit serb, kundër censurës, shkeljes së të drejtave, korrupsionit dhe nepotizimit. Objektivi kryesor i protestave është presidenti Aleksandër Vuçiç, fajtor, sipas manifestuesve se shtyp duke përdorur madje dhe dhunën, pakënaqësinë në popull, duke mbajtur një qëndrim jo të qartë për sa i përket të ardhmes së vendit. Edhe pse deklaron se mbështet anëtarësimin e Serbisë në Bashkimin Evropian ai nuk ka prerë asnjëherë lidhjen e fortë që lidh Beogradin dhe Moskën.

Protestuesit kundërshtojnë dhe dhunën e përdorur ndaj përfaqësuesve e të opozitës si në rastin e Borko Stefanoviç i cili u rrah brutalisht nga katër persona të maskuar në protestën e 23 nëntorit të një viti më parë. Por gjithashtu kërkohet dhe zbardhja e vrasjes së Oliver Ivanoviç, i ekzekutuar teksa shkonte në selinë e partisë së tij në veri të Mitrovicës. Nga manifestime kundër dhunës së përdorur ndaj opozitës, portestat nga Beogradi u shtrinë në qytete të tjera duke u profilizuar si anti-qeveritare, dhe duke mos kursyer as ministrin e brendshëm, Nebojša Stefanovic, apo kryeministren Ana Brnabić. Por cdo kritikë e zemërim përqendrohet ndaj Vuçiç i cili akuzohet si përgjegjësi kryesor i shkeljeve të të drejtave të opozitës; ai akuzohet dhe se nuk lufton korrupsionin dhe nepotizmin, se ka dobësuar shtetin e mbështetur partitokracinë.

Protestat arritën kulmin në 16 mars, kur një grup manifestuesish u mblodhën përreth ndërtesës së televizionit publik serb, duke hyrë dhe në studio e tij, me qëllimin për tiu drejtuar me një fjalim popullit serb. Një grup tjetër manifestuesish rrethuan presidencën për të ndaluar kreun e shtetit Vuçiç që të largohej.

Në drejtim të protestave janë emra të njohur të politikës si për shembull, lideri i partisë së ekstremit të djathtë nacionalist, Dveri, Boško Obradoviç, ish-kryebashkiaku i Beogradit, Dragan Djilash, dhe ish presidenti I asamblesë së përgjithshme të kombeve të bashkuara Vuk Jeremiç. Por Vuçiç vijon të refuzojë çdo lloj mundësie për të dialoguar me manifestuesit apo përfaqësuesit e tyre. Ai u shpreh se fashisti Obradović dhe miliarderët Jeremić e Djilash janë nervozë dhe kërkojnë të kthehen në pushtet për të grabitur sërish vendin.

Në shesh ku kanë zbritur sidomos student universiteti dhe përfaqësues të shtresës së mesme, është e vështirë të gjendet një unitet politik. Ajo që bën bashkë manifestuesit është sidomos kundërshtimi ndaj qeverisë aktuale dhe presidentit Vuçiç, lider i partisë progresiste serbe i cili drejton shtetin që nga viti 2012.

Në shesh protestojnë përfaqësues të krahut liberal, socialdemokratë, e djathta nacionaliste filoruse e cila kundërshton planet për afrimin ndaj Bashkimit Ruropian, popullorë dhe përfaqësues të shumë realiteteve të ndryshme

Mes kushteve të panegociueshme të vendosura Beogradit ndaj Brukselit, është normalizimi i marrëdhënieve me Kosovën. Nga njëra anë Vuçiç duhet të përpiqet të mbështesë dialogun me qeverinë e Prishtinës, nga ana tjetër duhet të ruajë mbështetjen e bashkëkombësve të tij që jetojnë në Kosovë. Në Veri të lumit Ibër që ndan Mitrovicën, qytet simbol i përplasjes etnike në vend, dhe në enklavat e vogla serbe të shpërndara nëpër Kosovë, vendi konsiderohet ende pronë e Beogradit, duke përdorur ende emrin Kosova e Metohi.

Pranimi I institucioneve të Prishtinës nga ana e presidentit të Serbisë Vuçiç dhe lëshimi gradual ndaj kërkesave të Bashkimit Evropian do të nënkuptonte humbjen e mbështetjes së popullit dhe përplasje me vullnetin e Moskës dhe krahut nacionalist të popullsisë serbe./abcnews.al

beografd-1280x707.jpg
ent ela11:30 | 18/03/2019

Pas protestave të radhës në Serbi kundër presidentit Aleksandër Vuçiç, kreu i shtetit pritet t’i drejtohet qytetarëve me një fjalim. Ndërkohë, në vend ka pasur dhe arrestime pasi një grup manifestuesish u futën me forcë në zyrat e radiotelevizionit serb.

Presidenti i Serbisë, Aleksandar Vuçiç do t’i drejtohet kombit me një fjalim pas protestave kundër tij në fundjavë. Situata u përshkallëzua kur një grup manifestuesish u futën me forcë në ndërtesën e Radio Televizionit të Serbisë, për të kundërshtuar, mbulimin e njëanshëm të ngjarjeve nga ky televizion.

Maniestuesit u nxorën me forcë nga ndërtesa e Radio Televizionit të Serbisë, pasi kishin qëndruar aty për dy orë. Në mesin e protestuesve ishin edhe udhëheqësit e Aleancës për Serbinë, një grupi prej rreth 30 partish politike dhe lëvizjesh të ndryshme. Pasi protestuesit u nxorën nga ndërtesa e RTS, njerëzit u mblodhën jashtë për të kundërshtuar veprimet e policisë.

Protestat antiqeveritare “Një në pesë milionë” mbahen në Beograd çdo të shtunë që në 8 dhjetor të vitit të kaluar. Ndërkohë, ato janë shtrirë edhe në qytete të tjera të Serbisë. Protestuesit kërkojnë dorëheqjen e Vuçiç, më shumë liri në media dhe transparencë gjatë zgjedhjeve.

Një grup manifestuesish mes të cilëve dhe intelektualë, shkrimtarë dhe përfaqësues të shoqërisë civile u vendosën para presidencës duke thënë se nuk do të largoheshin deri sa kreu I shtetit të pranonte të fliste me ta.

Ndërkohë policia serbe ka arrestuar shtatë persona në Beograd, të akuzuar për akte dhune. Vuçiç ka bërë apel për qetësi, ndërsa asnjë grup protestuesish u zhvendosën para komisariatit të policisë për të kërkuar lirimin e të arrestuarve.

Presidenti Vuçiç  nga ana e tij është larguar nga presidenca nga dera kryesore, ndërsa gazetarët e Tanjug, u shprehën se ai këtë gjë e bën gjithnjë, edhe pse një grup protestuesish kishin rrethuar presidencën për të mos lejuar largimin e kreut të shtetit. Me anë të një videoje në profilin e tij në Instagram Vuçiç dënoi aktet e dhunës në kryeqytet duke akuzuar opozitën si nxitëse të trazirave në vend. Duke iu referuar lajmit së grupe të shumta mbështetësish të tij do të mblidheshin në Beograd, ai bëri apel për qetësi për të shmangur çdo përplasje mes palëve./abcnews.al

 

lusen-1280x734.jpg
ent ela13:30 | 17/03/2019

Banorët e fshatit Lusen në Kukës kanë protestuar në qendër të fshatit kundër ndërtimit të një hidrocentrali, punimet e të cilit kanë nisur para pak ditësh.

Sipas banoreve, ky hidrocentral, i dyti në fakt brenda një kohe të shkurtër, i sjell dëme të pallogaritshme fshatit. Ato pak burime që janë në ketë zonë do të futen në tubacione e nuk do të kenë mundësi përdorimi nga fshatarët, qoftë për vaditje, gjënë e gjallë apo edhe si përdorim për ujë të pijshëm.

Në Kukës deri tani janë ndërtuar 13 hidrocentrale të vegjël, dhe shtatë të tjerë janë në proces ndërtimi. Banorët e Lusenit thonë se nuk do të tërhiqen nga protestat deri kur ky HEC të anulohet./abcnews.al

frpd-1280x728.jpg
ent ela13:10 | 17/03/2019

Një ditë pas protestës së opozitës ku qytetarët u përballën me gaz lotsjellës të përdorur nga forcat e policisë për të shpërndarë turmën në momentin që protestuesit thyen traun e hyrje-daljeve të automjeteve në godinën e zbrazët të seancave plenare, pamja e një vajze të vogël që mbulonte fytyrën për t’i shpëtuar gazit lotsjellës, është kthyer në simbolin e një marshimi të Forumit Rinor Demokratik.

Me fotografinë e vajzës të printuar në bluza dhe vogëlushe të veshura me maska kundra-gazit përdore, ne shenjë simbolike zonjat marshuan nga selia blu, përgjatë bulevardit “Dëshmorët e Kombit”, dhe drejt sheshit “Skëndërbej”, ku zhvillohen festimet e ditës së verës, të spostuara nga dita e enjte në ditën e shtunë, për shkak të motit./abcnews.al

 

trumpp.jpg
ent ela22:25 | 14/03/2019

Presidenti amerikan Donald Trump ka pësuar brenda dy ditësh humbjen e dytë në Senat, ku senatorë republikanë rebelë kanë mbështetur rezolutat e demokratëve, këtë herë për t’i dhënë fund gjendjes së jashtëzakonshme në kufi me Meksikën.

Senati amerikan miratoi të enjten një propozim për t’i dhënë fund gjendjes së jashtëzakonshme në kufirin jugor me Meksikën, të shpallur nga presidenti Donald Trump. Sipas mediave amerikane, ishin 12 senatorë republikanë rebelë që dolën pro shfuqizimit të masës së shpallur nga kreu i shtetit, që nga ana e tij ka paralajmëruar me vendosjen e vetos ndaj rezolutës. Votimi, që kaloi me 59 vota kundrejt 41, përbën humbjen e dytë të Trump në Senat në vetëm dy ditë. Të mërkurën, senatorët aprovuan një rezolutë që kërkon që Shtetet e Bashkuara t’i japin fund mbështetjes së koalicionit të udhëhequr nga sauditët në luftën në Jemen.

Një refuzim i hapur ky i politikave të Trump ndaj mbretërisë. Përpara votimit të së enjtes, lideri i mazhorancës në Senat, Miç Mek Konell u bëri thirrje republikanëve që ta hidhnin poshtë propozimin e demokratëve, por nuk ndodhi kështu. Tani, senatorët që dezertuan druhen se në të ardhmen presidentët, qofshin edhe demokratë, do të përpiqen të uzurpojnë Kongresin për të miratuar programet e tyre. Përmes shpalljes së gjendjes së jashtëzakonshme, Trump kërkoi një rrugë alternative për të siguruar fondet miliardere për ndërtimin e murit në kufi me Meksikën, pas refuzimit të Kongresit për lëvrimin e tyre./abcnews.al

66-1280x689.jpg
ent ela21:35 | 08/03/2019

E shqetësuar nga tensionet që sipas saj kanë përfshirë mbarë rajonin e Ballkanit, Serbia ka kundërshtuar platformën kosovare të bisedimeve, duke e cilësuar një platformë lufte. Presidenti Aleksandar Vuçiç ka deklaruar se në Prishtinë vendosin njerëz të rrezikshëm e të papërgjegjshëm.

David Heil, nënsekretari amerikan për punë politike, përveç urimeve për 8 marsin kryeministres serbe, nuk ka folur për publikun në kryeqytetin serb. Por, porositë e tij kanë qenë për anashkalimin e provokimeve dhe kthimin në dialog. Ai përveç kryeministres, Ana Brnabic, si takime të fundit, porositë e SHBA i përcjelli edhe tek shefi i diplomacisë, Ivica Daçiç. Kryesisht çfarë u tha në takime u bënë publike në rrjetet sociale dhe njoftime. Vizita e  diplomatit amerikan u zhvillua nën tensionet e ngritura për shkak të platformës së Kosovës. Takimet me Vuçiç ishin herët në mëngjes dhe pas largimit të tij nga presidenca aty arritën spektri i sigurisë për mbledhjen e jashtëzakonshme të Këshillit të Sigurisë Kombëtare. Platforma është quajtur për luftë. Presidenti Vuçiç këtu nuk foli për mediat. Ekspertët thonë se tensionet janë të mëdha në tërë rajonin. Analisti Jaksha Shcekic, thotë se presidentit amerikan, Donald Trump i duhet një sukses dhe administrate po rritë rëndësinë e të dërguarve. Por, Vuçiç mundësitë i ka të vogla, pavarësisht qëndrimeve në Kosovë, ku gjithashtu duket se pritet një kohë tjetër.

Jaksha Shçekiç, analist: “Presidenti serb Vuçiç ka një hapësirë të vogël për të vepruar pasi shumica e serbëve nuk duan zgjidhje, por një konflikt të ngrirë pasi presin, siç thonë, të shpërbëhet BE-ja, NATO dhe Rusia të ketë dalje në portet e detit me ujëra të ngrohta dhe më pas zgjidhja me ndryshimet gjeo-strategjike”.

Presidenti Vuçiç, është nisur në punët e zakonshme, promovimin e punës së qeverisë dhe premtimeve për rimëkëmbje të çdo cepi të Serbisë. Rrugës, disa herë ka folur për Kosovën dhe, ka paralajmëruar se pasdite do të jap edhe një intervistë. Shqiptarët nuk duan dialog.

Alleksandar Vuçiç, president i Serbisë: “Kam frikë pasi kemi të bëjmë me njerëz të papërgjegjshëm dhe të rrezikshëm në Prishtinë. Përgjigja e Serbisë do të jetë e përgjegjshme dhe e fortë. Ne kemi vetëm një atdhe dhe atdhe rezervë nuk kemi. Do të mbrojmë popullin tonë në Kosovë, por do të mundohemi të ruajmë paqen pasi vetëm kështu mund të kemi progres. E pyes Prishtinën dhe ata që i mbështesin, edhe sa larg jemi nga katastrofa?”

Krerët e politikës serbe të dielën do të takohen me ata të kishës për të diskutuar mundësitë e një rruge drejt zgjidhjes dhe masave për Kosovën./abcnews.al

basha-kqz.jpg
ent ela14:40 | 05/03/2019

Mediat ndërkombëtare i kanë kushtuar një hapësirë të gjerë protestës së sotme në kryeqytet, ku kërkohej largimi i qeverisë së kryeministrit Rama. Disa prej tyre e transmetuan live.

Jo vetëm mediat e vendeve fqinjë por dhe ato amerikane e ruse I kanë dhënë një hapësirë të gjerë protestës së opozitës para parlamentit të vendit. Zëri Amerikës, dhe Ruptly TV kanë transmetuar dhe disa moment të protestës “live”. Në titujt kryesorë shkruhej se Tirana portestonte sërish kundër qeverisë, në një kohë që brenda sallës së parlamentit betoheshin deputetët e rinj.

Mediat italiane citojnë kryeministrin Rama i cili nga parlamenti deklaroi se nuk është i gatshëm të dorëzojë pushtetin në tavolinë, por që gjithësesi mbetej i hapur për bisedime.

Por lideri i opozitës Lulzim Basha, jashtë sallës kërkonte ndërkohë dorëheqjen e ekzekutivit, një qeveri tranzitore dhe zgjedhje të parakohshme.

Por kryeministri Rama theksoi se parlamenti ishte vendi ku e kishin vendosur pjesa më e madhe e shqiptarëve duke i dhënë detyrën për të qeverisur deri në vitin 2021

Uashington Post në postoi një fotografi që në fakt është publikuar dhe nga pjesa më e madhe e mediave të huaja, me titullin: Protestuesit rrethojnë parlamentin dhe kërkojnë zgjedhje të reja.

Dhe media prestigjoze si Foks Njus e Asociated Press, fokusonin raportimin e tyre pikërisht në këtë kërkesë të protestuesve dhe opozitës./abcnews.al

asambleja-KiE.jpg
ent ela13:03 | 26/02/2019

 Bashkëraportuesit për monitorimin e Shqipërisë në Asamblenë Parlamentare të Këshillit të Europës, gjermani Andrej Hunko dhe irlandezi Joseph O’Reilly kanë shprehur shqetësim për heqjen dorë nga mandatet nga opozita parlamentare në Shqipëri.

“Në një shoqëri demokratike, parlamenti është qendra e debatit politik, dialogut dhe e vendimmarrjes. Deputetët e kanë vendin në parlament, nënvizohet në një deklaratë të dy raportuesve”. Duke përshendetur faktin se protestat e fundjavës u mbajtën në mënyrë paqësore, raportuesit sidoqoftë i bëjnë thirrje deputetëve të opozitës të rikonsiderojnë dorëheqjen, e t’i rikthehen punës në Kuvend.

Njëkohësisht raportuesit i bëjnë thirrje shumicës qeverisësë që t’i sigurojë opozitës hapësirën e duhur për të funksionuar e të angazhohet në një dialog të sinqertë e domethënës me opozitën mbi reformat kyçe dhe qeverisjen e vendit.

“Të dyja palët duhet të përdorin parlamentin për t’u angazhuar në mirëbesim në një dialog të tillë, për të kapërcyer ngërcin actual politik. Nëse kërkohet, ne jemi të gatshëm për të ndihmuar kolegët tanë nga të dyja palët në këtë përpjekje”, -përfundon deklarata e  bashkë-raportuesve./abcnews.al

ekspozite-1280x634.jpg
ent ela16:29 | 12/02/2019

75  vajza nga 5 vende të rajonit janë bërë bashkë në ekspozitën “Fuqia e vajzave të Ballkanit”. Me gjuhën e fotografisë ato dokumentojnë jetën, ëndrrat dhe perspektivat e tyre, ndërsa vendet e tyre përpiqen të bëhen pjesë e Bashkimit Evropian. Mesazhi kryesor i tyre është kundër shtypjes së femrës në rajon.

Të vëzhgosh jetën teksa po e jeton atë, është paksa e vështirë. Por 75 femra nga 5 vendet te Ballkanit  si Shqipëria , Kosova, Mali i Zi, Maqedonia dhe Serbia, janë përpjekur të dokumentojnë fytyrën e femrës përmes , ëndërrva, pikëpamjeve dhe shqetësimeve në ekspozitën fotografike “Fuqia e vajzave të Ballkanit”.

Barazia gjinore në Shkup si edhe në vende të tjera të bllkanit është ende e largët, edhe pse ka përmirësime sipas fotografes Arbnora Mehmeti e cila është bërë pjesë e ekspozitës . “Shtypja dhe dhuna ndaj grave dhe vajzave është prezente në rajon ndaj edhe ne sëbashku i themi stop”, shprehet Mehmeti./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono