kukesi

KUKESI-BARAZON-ME-PARTIZANIN.mpg_snapshot_00.02-1280x720.jpg
ent ela23:22 | 29/03/2019

Ka përfunduar me barazim 1-1  kryendeshja e javës së 26 e kategorisë superiore mes Kukësit dhe Partizanit. Me këtë rezultat fiton Partizani, që ruan diferencën në 9 pikë me Kukësin.

Përfundoi në barazim 1-1 superfida e javës së 26 e Kategorisë Superiore mes Kukësit dhe Partizanit. Një rezultat nga i cili përfiton Partizani që mban në 9 pikë diferencën me Kukësin e vendit të dytë ndërkohë që janë edhe 10 javë për t’u luajtur. Të dyja skuadrat luajtën mjaft mirë, por nuk arritën të shënonin në pjesën e parë të takimit.

Sfida nis me një minutë heshtje në nder të legjendës Ali Mema i cili ndërroi jetë pak ditë më parë. Në minutën e ‘17, Kukësi lëshon tentativë e parë të rrezikshme por tregohet i vëmendshëm Alban Hoxha. Reagon Partizani që i afrohet golit me Çinarin, por topi shkon ngjitur me shtyllen.

Pjesa e parë mbyllet me rrjeta të paprekura. Fillimi i fraksonit të dytë të lojes nis në mënyrën më të mire për Kukësin që kalon në avantazh me Rexhinaldon falë ekzekutimit të saktë nga goditja e dënimit. Një gol mjaft i bukur i sulmuesit nga Mozambiku duke e lënë të palëvizur portierin Hoxha.

Festa e verilindoreve nuk zgjati shumë pasi Partizani barazoi në të 68 minutat falë një 1 metërshi. Cuculi ndërhyn me faull ndaj Asanit në zonën e rreptësisë.

Nga pika e bardhë e 11 metërshit Asani tregohet i saktë duke vendosur baraspeshën. Minutat e mbetura nuk sjellin ndryshim rezultati dhe ndeshja përfundon në barazim 1-1 me Partizanin vendos një dorë tek titulli kampion. /abcnews.al

 

PRAG-KUKESI-PARTIZANI.mpg_snapshot_00.04-1280x720.jpg
ent ela16:13 | 29/03/2019

Kukësi e Partizani luajnë sot ndeshjen kryesore të javës në Superligë, në orën 18:00, në stadiumin “Loro Boriçi” të Shkodrës. Kuksianëve u bën punë vetëm fitorja.

Shpresa, thonë se vdes e fundit, por sot mund të shuhet plotësisht. Kukësi pret Partizanin, në ndeshjen e Superligës që luhet në orën 18:00 në Shkodër, dhe vetëm fitorja mund ta mbajë në garë për titullin.

Veriorët, tashmë pa trajnerin Cungu, janë 9 pikë prapa kryeqytetasve të trajnerit Gega, dhe çdo rezultat tjetër do t’ia pakësonte shanset për kampionat, ndërsa do të mbeteshin edhe 10 javë deri në mbyllje të sezonit.

Nëse fiton Partizani, atëherë mund të thuhet se çështja e titullit merr fund. Kuksianët do të kenë disa rikthime të rëndësishme, pasi Cuculi e Rrumbullaku janë në dispozicion të trajnerit Ndreu.

Po ashtu, besohet se braziliani Melo mund të jetë në gjendje për të luajtur, madje titullat. Ekziston mundësia që Ndreu të lerë në stol Shkurtajn, e të aktivizojë në sulm Rezhinaldon.

Trajneri krutan gjykon kështu. Partizani, ndërkaq, ka disa mungesa si Rexhepin e pezulluar, ndërsa Telushi e Idrizaj janë të dëmtuar.

Në dyshim edhe Mala. Trajneri Gega, si gjithnjë, ndihet i qetë përpara ndeshjes.

Partizani kryeson renditjen me 53 pikë ndaj 44 të Kukësit të vendit të dytë, kur janë luajtur 25 javë. /abnews.al

armando-cungu.jpg
ent ela15:28 | 20/03/2019

Largimi i Armando Cungut nga Kukësi ishte i paralajmëruar. Trajneri ishte në dyshim gjatë gjithë vitit 2019, pasi skuadra mbeti prapa Partizanit në Superligë, edhe pse u përforcua ndjeshëm në dhjetor.

Duhej të kishte ndodhur ndryshe. Pas një faze të parë shumë të mirë, Kukësi i drejtuar nga trajneri Armando Cungu, mori edhe tre përforcime të nivelit të lartë, si sulmuesin Vasil Shkurtaj, mesfushorin Rroca, dhe ish-lojtarin e kombëtares, Valdet Rama.

Për fatin e keq të kuksianëve, skuadra nuk e nisi mirë vitin 2019, ndonëse në fund të 2018-ës u ndodh vetëm 3 pikë larg Partizanit të vendit të parë. Siç ndodh shpejt në klubin verior, tensioni u ngrit dhe presidenti Gjici kërkoi ndryshim të menjëhershëm.

Pavarësisht përpjekjeve, të besuarit e Cungut nuk mundën të realizonin kthesën dhe trajneri u ndodh thuajse i shkarkuar, pas disfatës së pësuar në Durrës me Teutën.

Burime në klub, u shprehën për Abc News-in se edhe trajneri, edhe presidenti e menduan përfundimin e bashkëpunimit, por Gjici, pasi u mendua gjatë, vendosi ta mbante shkodranin.

Gjithsesi, kriza ishte në ajër, dhe shpërtheu pas humbjes së radhës në Superligë, asaj në fushën e Skënderbeut. Kaluan vetëm tri ditë, dhe Gjici vendosi largimin e trajnerit, i cili sipas njoftimit zyrtar të klubit, u bë me mirëkuptim. Reagimi i tifozëve ishte i dyfishtë.

Një pjesë e tyre, ishin dakord me largimin e Cungut, duke përdorur si argument rezultatet jo aq të mira sa priteshin, sidomos pas përforcimeve të dhjetorit.

Sidoqoftë, disa tifozë të tjerë i kujtuan klubit se shkarkon shumë teknikë, duke e quajtur të gabuar vendimin. Ata theksuan se Kukësi po luan jashtë fushe, si dhe që ekipi nuk është I plotësuar siç duhet në çdo repart.

Drejtori teknik, Ramadan Ndreu, e ka nisur ndërkaq stërvitjen me skuadrën, në përgatitje të ndeshjes së radhës në kampionat. Për Cungun, ky ishte largimi i dytë nga Kukësi, pas atij të vitit 2013.

Nën drejtimin e tij, dhe me drejtor sportiv Sulejman Starovën, u kaluan 4 ture në Ligën e Europës, një rekord shqiptar i thyer vetëm nga Skënderbeu. Gjithsesi, sukseset e jashtëzakonshme nuk mjaftuan, pasi shkodrani dha dorëheqjen pas humbjes me Partizanin në Krujë, duke ndjerë se do të shkarkohej.

Që nga ajo kohë, Kukësi ka pasur në drejtim të paktën 10 njerëz të stolit, duke arritur të shpallet kampion e të fitojë Kupën, pas shpenzimeve të mëdha të presidentit Gjici./abcnews.al

Baluku-1280x706.jpg
ent ela13:45 | 20/03/2019

Vendimi u mor, kuksianët do të bëhen me aeroport.

“Këshilli i Ministrave ka miratuar nënshkrimin e Kontratës së Koncesionit për “Rehabilitimin, operimin, transferimin e Aeroportit të Kukësit””.

Procesi i tenderimit u krye në Dhjetor 2018 dhe fitues doli bashkimi i përkohshëm i operatorëve “Global TechnicalMechanichs” sh.p.k. dhe “Bami” sh.p.k.. Sipas Ministres së Infrastrukturës dhe Energjisë kontrata u negociua dhe u dërgua për mendim në institucionet respektive, mendime këto të dakordësuara dhe të reflektuara në kontratën përfundimtare të nënshkruar, e cila u miratua me Vendim të Këshillit të Ministrave të kësaj të mërkure.

“Hyrja e saj në fuqi i hap rrugë ndërtimit të aeroportit të Kukësit. Kohëzgjatja e Kontratës se koncesionit është 35 vite. Kohëzgjatja e zbatimit të punimeve dhe afati i vënies në operim është 24 muaj, ndërsa vlera e rehabilitimit të Aeroportit të Kukësit është rreth 8 milionë”.

Ministrja Balluku bën të ditur se pozita e mirë gjeografike dhe rëndësia e zhvillimit të këtij Aeroporti ka tërhequr vëmendjen e linjave të mëdha Low Cost, ndër të cilat mund të përmendim WizzAir, Easy Jet, Ryan Air, Voeling, Pegasus etj.

Nga studimet paraprake parashikohet që ky aeroport të ketë një fluks lëvizjeje rreth 300 mijë pasagjerësh në vit, me rritje të ndjeshme në vitet pasuese.

Synimi është që përmes çmimeve të ulëta dhe shërbimeve cilësore, ky aeroport të shërbejë si pikë referimi në funksion të lëvizjes rajonale të udhëtarëve, veçanërisht atyre nga Kosova, Mali i Zi dhe Maqedonia./abcnews.al

cungu1.jpg
ent ela12:10 | 19/03/2019

Rezultatet e dobëta dhe humbja me Skënderbeun, kanë bërë që Armando Cungu të mos jetë më trajner i Kukësit. Lajmi është konfirmuar nga faqja zyrtare e skuadrës që njoftoi se palët kanë arritur me mirëkuptim përfundimin e bashkëpunimit me tyre. Në vendin e Cungut do të ulet Ramadan Ndreu, i cili më parë mbante postin e drejtorit sportiv.

Armando Cungu nuk është më trajneri i Kukësit. Palët kanë njoftuar përfundimin e bashkëpunimit mes tyre pas rezultateve të dobëta. Lajmi është konfirmuar nga klubi verilindor nëpërmjet një njoftimi në faqen zyrtare. Pas largimit të Cungut në vendin e tij do të ulet Ramadan Ndreu, i cili më parë mbante postin e drejtorit sportiv të klubit. 52-vjeçari do të drejtojë skuadrën në pjesën e mbetur të sezonit.

“Futboll Klub Kukësi njofton përfundimin e bashkëpunimit me trajnerin Armando Cungu. Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit. Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë! Që nga dita e sotme në krye të bankinës sonë do të jetë Ramadan Ndreu,  i cili mbante detyrën e drejtorit të menaxhimit te klubi ynë”.

Është reagimi i zyrtar i skuadrës së Kukësit për ndërprerjen e bashkëpunimit me trajnerin Armando Cungu. Rezultatet e dobëta, por mbi të gjitha humbja ndaj Skënderbeut që pothuajse e ka nxjerrë nga gara për titullin kampion skuadrën e Kukësit, ishte shkaku për largimin e Armando Cungut nga pankina e verilindorëve./abcnews.al

partizani-1-933x445.jpg
ent ela20:11 | 17/03/2019

Partizani hodhi një hap të sigurt drejt titullit kampion me fitoren ndaj Teutës në kryeqytet. Skuadra e trajnerit Gega u shkëput 9 pikë nga Kukësi, rivali më i afërt.

Mund të themi se matematikisht ende nuk është mbyllur. Kjo do të ishte thjesht për të mbajtur “me gajret” ata që duan sërish garë në Superligë, ata që janë tifozë me Kukësin apo të Tiranës, që nuk duan Partizanin kampion, veçse verdikti duket se është dhënë.

Brenda dy ditëve, java e 25-të solli humbjen e Kukësit në Korçë dhe fitoren 3-0 të të kuqve ndaj Teutës.

“Me një gur, si të thuash, u vranë dy zogj”, dhe Partizani u shkëput 9 pikë nga ndjekësi më i afërt, duke lënë pas rivalët e vetëm që i rrezikonin titullin.

Në “Selman Stërmasi” u duk sikur gjithçka ishte krijuar për festë, pasi golat e kryeqytetasve erdhën shumë shpejt.

Fillimisht Telushi në minutën e 4-ët, dhe pastaj Hila me penallti në minutën e 32-të, krijuan epërsinë 2-0, tepër të vështirë për t’u përmbysur.

Edhe pse trajneri Skënder Gega humbi Telushin në pjesën e dytë, dhe nuk kishte Hebajn në dispozicion për shkak dëmtimi, sërish ekipi i tij ishte shumë i fortë.

U përsërit fitorja e fazës së parë ndaj durrsakëve, dhe u shlye shija jo edhe aq e mirë e barazimit 1-1 në Durrës, ku Teuta dominoi.

Tani, edhe dyshuesit më të mëdhenj mund të jenë bindur se ky është sezoni i Partizanit. Zhgënjimet e më shumë se çerek shekulli pritet të lihen pas dhe në maj të fillojë festa thuajse e harruar për të kuqtë.

Kur mbeten edhe 11 javë për në Superligë, Partizani ka 53 pikë, ndërsa Kukësi 44. /abcnews.al

SKENDERBEU-MUND-KUKSIN.mpg_snapshot_00.06-1280x720.jpg
ent ela22:14 | 16/03/2019

Skuadra e Skënderbeut ka mundur Kukësin në kryendeshjen e javës së 25 të kategorisë superiore. Bruno Dita vendosi fatet e takimit me golin e shënuar në fillimin e lojës. Në rast se Partizani fiton ndaj Teutës, titulli kampion mund të cilësohet si një kapitull i mbyllur për skuadrën e trajnerit Armando Cungu.

Skënderbeu nuk ka zhgënjyer në kryendeshjen e javës së 25 të kategorisë superiore pasi ka mundur Kukësin me shifrat minimale 1-0. Goli i Bruno Ditës në minutën e 5 të takimit i dha tre pikë korçarëve që rikthehen te rezultatet pozitive. Pervan lëshon një goditje të forte me topin që ndalet në shtyllë dhe me pas përfiton Bruno Dita që realizon me portën e boshatisur.

Një goditje e rëndë për kukësin qe mund të dalë nga lufta për titullin kampion, nëse Partizani fiton ndaj Teutës pasi diferenca do të zgjerohej në 9 pikë. Në këtë takim nuk munguan as kartonat e kuq me Skënderbeun qe mbeti me 10 lojtarë në minuten e 78 të takimit.

Leonit Abazi u ndëshkua me karton të kuq pas një ndërhyrje të ashpër ndaj Maliqit. Gjithsesi Skënderbeu rezistoi edhe me një lojtar më pak dhe në fund doli me tre pikë ndaj një rivali që nuk po tregon vazhdimësinë. Skënderbeu tashmë ngjitet përkohësisht në vendin e 4 në kuotën e 37 pikëve ndërkohë që Kukësi mban vendin e dytë me 44 pikë. /abcnews.al

52797009_1693259127486094_3550373327270838272_n.jpg
ent ela20:41 | 02/03/2019

Kukësi bëri detyrën duke mundur Luftëtarin në Elbasan dhe duke u afruar me Partizanin kryesues të Superligës. Kukësianët janë tani 6 pikë larg kreut.

Nuk pritej të ishte nga më të vështirat, por jo edhe kaq e lehtë.

Ka disa herë ndeshje të tilla në Superligën shqiptare ku gjithçka shkon sipas parashikimit, dhe ku me më shumë interes është të marrësh vesh rezultatin, sesa të ndjekësh lojën.

Kukësi mundi 2-0 Luftëtarin në një “Elbasan Arena” të boshatisur dhe u afrua në 6 pikë me Partizanin kryesues.

Limaj dhe Xharia shënuan në pjesën e parë për formacionin e trajnerit Cungu, ndërsa gjirokastritët u kujtuan të luanin vetëm në 25 minutat e fundit.

Në dhjetor, dy klubet u morën vesh për transferimin e Shkurtajt dhe Rrocës nga Luftëtari te Kukësi, dhe sulmuesi ishte në formacion, madje dha edhe top për gol, kurse mesfushori mungoi për shkak dëmtimi.

Kuksianët dominuan lojën deri në minutën e 65-të, dhe i vetmi lajm i keq për ta ishte dëmtimi i mbrojtësit të rëndësishëm Cuculi, i cili u detyrua të linte fushën e lojës.

Me Musollin po ashtu të dëmtuar, Cungu mund ta ketë problem qendrën e mbrojtjes, nëse shqiptari I Maqedonisë mungon gjatë.

Pas 24 ndeshjesh të luajtura, Kukësi ka 44 pikë ndaj 50 të Partizanit, ndërsa Luftëtari mbeti në kuotën e 25 pikëve, 5 pikë mbi zonën që të zbret në Kategorinë e Parë. /abcnews

safet-gjici.jpg
G. P.15:12 | 18/02/2019

Kukësi nuk ka ndërmend të shkarkojë trajnerin Armando Cungu. Presidenti i klubit, Safet Gjici, mohoi lajmet e dala në media, por tregoi se kërkon maksimumin në ndeshjet e ardhshme të Superligës.

Nuk është i kënaqur, por ka vendosur të presë. Presidenti i Kukësit, Safet Gjici, e quajti të domosdoshme të dilte përpara gazetarëve për të larguar atë që e quajti krizë të stisur nga mediat në klubin e tij. Ai pati një përgjigje për ata që menduan se do ta hiqte trajnerin Armando Cungu.

“Nuk ka pasur asnjë vendim për ta hequr trajnerin nga skuadra. Armando Cungu është trajneri i Kukësit. Ka besimin tim në mënyrë absolute sepse këto rezultate të dobëta paçka se kanë qenë kanë qenë lojëra të mira, jo të dobëta. Doshta edhe fati edhe lojtarët e rinj akoma nuk janë përshtatur 100 përqind”, tha Gjici.

Gjithsesi, presidenti tregoi qartë se nuk mund të kënaqet me pak, dhe tha se çfarë kishte kërkuar nga lojtarët.

“Futbolli nuk është matematikë. Unë pres që sot kemi bërë një marrëveshje me lojtarët dhe në 4 ndeshjet e radhës duhet të marrin 12 pikë pastaj ecim”, tha Gjici.

Shpesh thuhet se vetë Gjici e vendos ekipin nën presion duke kërkuar gjithnjë fitore.

“Ne nuk vuajmë për presion se e kemi kaluar njëherë atë punën e presionit e kemi marrë njëherë titullin. Nuk ka presion fare te ne”, u shpreh ai.

Presidenti kritikoi edhe një herë udhëtimet e Cungut drejt Shkodrës, dhe deklaroi se trajneri këtej e tutje do të jetë më pranë ekipit. Kukësi është në vend të tretë në Superligë, me 8 pikë më pak se Partizani kryesues./abcnews.al

kukesis.jpg
G. P.17:48 | 17/02/2019

Krizë te Kukësi pas disfatës së pësuar në Superligë me Teutën. Trajneri Cungu ishte në prag të largimit, por presidenti Gjici duket se i ka dhënë edhe një shans tjetër.

Pritej që humbja të mos kalonte lehtë, dhe kështu ndodhi. Kukësi është gjithnjë një klub me pikëpyetje për trajnerët sa heqë që rezultatet nuk janë të mira, dhe trajneri Armando Cungu thuajse e pagoi me stolin e tij, disfatën në Durrës. Burime në klubin verior, por me bazë të përhershme në Tiranë, bëjnë me dijë për ABC Neës se atmosfera ishte shumë e tensionuar për shkak të humbjes me Teutën, ndërsa edhe presidenti Gjici, edhe trajneri menduan që t’i jepnin fund bashkëpunimit.

Gjici, i mërzitur nga ecuria e dobët e vitit 2019, ndërsa trajneri ndoshta i shqetësuar edhe nga rezultatet, por edhe nga presioni i brendshëm, që kulmoi me kritikat publike të presidentit. Numri 1 i klubit u shpreh pak ditë më parë se Cungu kishte besimin e tij, por duhej të hiqte dorë nga udhëtimet e përditshme drejt Shkodrës. Kriza u duk edhe tek fakti se skuadra, një ditë pas ndeshjes, u stërvit nga zv. trajneri Rrahman Hallaçi, në prani të drejtorit teknik, Ramadan Ndreu.

Vetë Cungu mësohet se pati një takim me Gjicin, në selinë e këtij të fundit, ku u diskutua e ardhmja, ndërsa burimet në klub pohuan për ABC Neës se shanset janë që trajneri të vazhdojë.Besohet se presidenti ka lënë edhe një afat tjetër për kthesën e rezultateve, dhe kërkon jo vetëm ngjitjen në vendin e dytë, por edhe që të vazhdohet me synimin për të fituar titullin.

Cungu e mori skuadrën në verë, pas shkarkimit të ish-trajnerit Peter Pakult, duke zhvilluar një fazë shumë të mirë të sezonit, vetëm tri pikë larg Partizanit kryesues. Paradoksalisht, viti 2019 filloi dhe po vazhdon negativisht, edhe pse u morën përforcime të rëndësishme si sulmuesi Shkurtaj dhe mesfushori Rrocaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono