kukesi

Abazaj-Kukesi.jpg
Vladimir Prenga15:57 | 27/09/2019

Kukësi triumfoi kundër Tiranës dhe tashmë ka një tjetër ndeshje të vështirë. Këtë herë verilindorët luajnë në transfertë me Teutën dhe synimi janë tre pikët. Ky është momenti i duhur për t’u shkëputur në krye, duke parë që edhe Tirana luan kundër Partizanit.

Trajneri Shpëtim Duro edhe për këtë ndeshje do të ketë dy mungesa të rëndësishme. Valon Ethemi dhe Emiljano Musta vijojnë të mbeten në infermieri dhe me shumë mundësi do të rikthehen pas pushimit të kampionatit prej ndeshjeve të kombëtares.

Gjithsesi Kukësi ka një organikë të zgjeruar me lojtarë dhe nuk është se pranohen justifikimet. Nesër ndaj Teutës problemi kryesor do të jetë fusha e stadiumit “Niko Dovana”, që nuk ofron kushte shumë të mira. /abcnews.al

allmuca.jpg
Vladimir Prenga22:28 | 26/09/2019

Igli Allmuça është në listën e atyre lojtarëve që ka luajtur me të tria skuadrat e kryeqytetit. Nuk janë të shumtë ata që i kanë provuar dy derbet e kryeqytetit. Trajneri aktuali i Dinamos, në emisionin “Pressing” në ABC News” ka deklaruar fillimisht:

“Është ndeshje e bukur, një vitrinë që shikohet edhe nga shkallët e stadiumit. Të gjitha derbet janë të bukura. Tirana-Partizani ka specifike tjetër, pasi ka edhe përplasjen e tifozëve mes tyre”, u shpreh fillimisht Allmuça.

“Tirana ka bërë mirë, por skuadra më e kompletuar është Kukësi. Edhe pse Tirana ka më shumë bujë. Derbi do të thotë shumë për ta, është skuadër që i ka rënë autoriteti, sikur nuk e kanë frikë më. Një fitore do e ndryshonte situatën”.

“Tirana historikisht ka menduar për sulmin, nuk dinë të luajnë ndryshe. Kanë bërë afrime përpara, trajneri do e ketë vështirë të zgjedhë. Partizani do jetë më pritëse, edhe kur doli kampion ashtu bëri. Tirana është shumë agresive në sulm”.

“Mendoj se Tirana nuk të tremb prej rezultateve të viteve të fundit. Tirana ka lojtarë për të krijuar situata, por duhet ekuilibër për të mos pësuar. Kjo ka rëndësi”.

“Partizani nuk dhuronte spektakël as vjet. Skema po e penalizon, pasi ishin mësuar me atë të mëparshmen. Ndoshta e kanë të vështirë të ambientohen. Gjithsesi them se Partizani nuk e humb derbin”.

/abcnews.al

banka-boterore-zyrtare.jpg
G. P.12:33 | 26/09/2019

Përfaqësues të lartë të Bankës Botërore kanë shfaqur interes për qytetin e nëndheshëm të Kukësit pas reportazhit të transmetuar një muaj më parë në Abc News. Banka Botërore e sheh vend-strehimin nëntokësor si një potencial për zhvillimin e turizmit.

Gati një muaj pasi ABC News transmetoi pamjet ekskluzive të vendstrehimeve nëntokësore në Kukës aty mbërritën përfaqësues të insitucioneve financiare ndërkombëtare. Qyteti i nëndheshëm ka ngjallur interes tek zyrtarët e Bankës Botërore.

Një histori e panjohur më parë prej tyre, por pas vizitës në tunel e shohin si një potencial për zhvillimin e turizmit.

“Kukësi është një qytet i bukur me potenciale për zhvillim e turizmit dhe bujqësisë.Tuneli ishte shumë interesant dhe përmes tij mund të zhvillohet turizmi. Ne jemi të interesuar për zhvillimin e turizmit dhe infrastrukturës. Inkurajoj banorët që të jenë kreativ dhe të punojnë sëbashku dhe të mendojnë për zhvillimin e rajonit”.

“Jam i interesuar për historinë në Shqipëri, pjesë e historisë së botës. Nuk e dija që në Kukës kishte një tunel nëntokësor. Personalisht mendoj se ky tunel mund të shërbejë shumë mirë për zhvillimin e turizmit në të ardhmen.”

Zyrtarët e lartë të Bankës Botërore në Uashington u takuan edhe me Kryetarin e Bashkisë Kukës Safet Gjicin dhe banorë të fshatit Shtiqen ku u diskutua për projekte të përbashkëta në fushën e turizmit dhe infrastrukturës rurale. Kujtojmë se një vlerësim i fundit i Bankës Botërore për zhvillimin e rajoneve në Ballkanin Perëndimor  e renditi Kukësin në mesin e rajoneve më të varfra në Ballkan./ABC News Albania 24/7

Musolli.png
Veronik Istrefaj16:44 | 25/09/2019

Mesfushori i Kukësit, Besar Musolli, është një nga lojtarët më të rëndësishëm te verilindorët. Kapiteni i bluve luan prej vitesh me ekipin e Kukësit dhe që nga nënshkrimi i tij në fillim të sezonit 2012/13, ka mbajtur mbi shpinë numrin 23. Musolli nisi sezonin e tij të shtatë me fanellën blu të Kukësit, ku është aktivizuar në tre takime në kampionat dhe një në Kupën e Shqipërisë. Numri 23 është shumë i veçantë për Musollin, i cili nuk ka menduar asnjëherë që ta ndërrojë.

Për më tepër, 30-vjeçari ka vendosur ta bëjë dhe tatuazh. Në rrjetet e tij sociale, Musolli tregoi tatuazhin e tij më të fundit, numrin 23 në krahun e tij të djathtë. Numri 23 në këtë tatuazh ka dhe disa simbole të tjera, që me shumë gjasa kanë një domethënie speciale për kapitenin e Kukësit./abcnews.al

probleme-ne-uren-e-drinit.jpg
G. P.15:08 | 24/09/2019

Reshjet e shiut kanë rënë me intensitet të lartë në Kukës dhe probleme ka patur në Rrugën e Kombit. Ndërkohë prurjet e lumenjve kanë qenë të pakta dhe nuk kanë ndikuar fare në nivelin e liqenit të Fierzës.

Në urën e lumit Drin në Rrugën e Kombit mjetet kanë lëvizur me vështirësi. Punimet për riparimin e saj, të cilat nisën vetëm disa ditë më parë, u dëmtuan nga reshjet e forta.

Inerte dhe mbetje të tjera ishin prezente. Uji mbuloi gjithçka në këtë segment rruge edhe elementet metalike të urës. Mjetet e kompanisë sipërmarrëse po punojnë për të shmangur avaritë e mundshme.

Ndërkohë bllokime të turbinave dhe kanaleve kulluese janë vënë re në qytetin e Kukësit, kryesisht në vendgrumbullimet pranë kolektorit kryesor të ujërave të bardha dhe në rrugët e brendshme të lagjeve.

Por reshje nuk ka patur në zonat malore të Kukësit. Prurjet e lumenjve që furnizojnë Fierzën kanë qenë normale dhe të papërfillshme.

Liqeni i Fierzës vijon të ruajë kuotat minimale prej 278 metra me prurje që nuk i kalojnë 80 metër kub ujë në sekondë, por kjo mbetet në varësi të intensitetit të reshjeve në vijimësi./ABC News albania 24/7

Hasani.jpg
Veronik Istrefaj11:39 | 24/09/2019

Partizani dhe Kukësi luftuan deri në javët e fundit sezonin e shkuar për titullin kampion, por në fund ishin “Demat e Kuq” ata që triumfuan. Gjatë merkatos së verës, të dyja skuadrat janë përforcuar në merkato, por duket se “dueli” mes tyre nuk ka përfunduar.

Mësohet se të dyja klubet e Superiores janë vënë pas shërbimeve të Ferhan Hasanit. Ish-kapiteni i Shkëndijës së Tetovës është aktualisht pas skuadër, pasi aventura e tij në Arabi me ekipin e Al-Raed ka përfunduar.

Hasani vlerësohet 1 milionë euro nga Transfermarkt dhe do të ishte një vlerë e shtuar si për Partizanin, ashtu dhe për Kukësin. Mësohet se të dy klubet i kanë ofruar një pagë 120 mijë euro mesfushorit anësor, të cilit do t’i duhet të vendosë shumë shpejt./abcnews.al

Musta-Emiljano.jpg
Igli Nikolli17:29 | 23/09/2019

Emiljano Musta e nisi mjaft mirë aventurën me Kukësin, duke shënuar dy gola në finalen e Superkupës dhe më pas ndihmoi verilindorët të shmangnin humbjen kundër Laçit. “Xholi” i Kukësit është ndalur së fundmi për shkak të një shqetësimi që ka me muskujt e barkut. Musta edhe në të shkuarën ka pasur probleme me to, madje para pesë vitesh ka bërë edhe një ndërhyje.

Problemi aktual nuk ka të bëjë me një shfaqje të problemeve të shkuara. Anësori i majtë tani shqetësohet prej muskujve të brendshme të barkut, të quajtura psoasis. Ky problem ka ardhur prej sforcimit dhe stërvitjes në fusha me bar artificial për një kohë të gjatë.

Gjithsesi asgjë serioze për Mustën, i cili aktualisht ndodhet në Francë. Aty ai ka kryer rezonancën dhe ka bërë analizat, në klinikat më të mira në vend. Kalimi i këtij problemi arrihet përmes ushtrimeve, që quhen “pilates”.

Për ta kaluar këtë situatë, Musta është konsultuar me trajnerin personal të mbrojtësit Mamadou Sakho, lojtar që ka qenë pjesë e Liverpool dhe PSG. Shumë shpejt lojtari pritet të vihet nën urdhrat e trajnerit Shpëtim Duro, për të dhënë kontributin e tij në arritjen e objektivave të Kukësit. /abcnews.al

tirana-kukesi.jpg
Vladimir Prenga10:46 | 22/09/2019

Kukësi e Tirana u përballën një ditë më parë në “Elbasan Arena” dhe në fund të takimit pati tension. Gjithçka nisi në fushë, ku u përplasën Besar Musolli dhe Agustin Torassa. Këta të dy thuhet se janë kapur edhe në tunel, ndërkohë që më pas e gjitha është kthyer në një “betejë”. Më së shumti ka pasur shtyrje dhe gjërat janë qetësuar.

Delegati i ndeshjes ka mbajtur shënime, ndërkohë që në ndihmë mund të vijnë edhe kamerat. Në mesjavë pritet që Komisioni i Disiplinës të mblidhet dhe të vendosë mbi atë që ka ndodhur në “Elbasan Arena”.

Si te Kukësi, ashtu edhe te Tirana që ka derbin përpara, shpresojnë që të mos ketë dënime lojtarësh. Një gjë e tillë do i penalizonte këto dy ekipe, edhe pse në organikë kanë mjaft lojtarë të rëndësishëm. Mbetet për t’u parë se çfarë do të ndodhë në ditët në vijim. /abcnews.al

kukesi-tirana-1.jpg
Vladimir Prenga09:11 | 22/09/2019

Kukësi theu Tiranën me rezultatin 2-1 një ditë më parë, ndërkohë që pas ndeshjes folën në emisionin “Gol pas Goli” Astrit Hafizi dhe Matko Djarmati. Shkodrani mendon se verilindorët ia dolën të ishin të suksesshëm, për shkak se ishin më lart në mesfushë.

“U duk se do ta fitonte lehtë ndeshjen Kukësi, kur shkoi 2-0. Për Tiranën ishte një humbje normale, duke qenë se kishte përballë një ekip me pretendime. Nuk ishte nga ato ndeshjet e veta. Gaboi në organizimin e lojës. Kukësi e meritoi fitoren”, u shpreh Astrit Hafizi.

Më tej ai shtoi: “E thashë para ndeshjes, që mund të zgjidhej në mesfushë. Aty ishte pika më e fortë e Kukësit. Batha dhe Hasani mendojnë më shumë për presingun”. Nga ana tjetër dha opinionin e tij edhe kroati Matko Djarmati, i cili vlerëson Kukësin për atë që bëri në 60 minutat e para. Ka kritika për Shkurtajn, që duhet të shënonte edhe golin e tretë.

“Deri në minutën e 60-të Kukësi bëri ndeshjen më të mirë të sezonit. Më pas ra. Goli i dytë ishte një kundërsulm shumë i shpejtë. Shkurtaj tregoi që është shënues shumë i mirë, por bëri edhe disa gabime që nuk janë në kalibrin e tij”, deklaroi Djarmati. /abcnews.al

Duro.png
Vladimir Prenga21:30 | 21/09/2019

Shpetim Duro i gëzohet fitores me Tiranën. Pas ndeshjes ai ka deklaruar: “Sigurisht ndeshje të tilla janë derbi dhe duhet lojë racionale dhe e kujdesshme. Sigurisht duke shfrytëzuar situata të veçanta. Ata ishin më mirë psikologjikisht. Falënderoj ekipin që diti të reagojë dhe të fitojë ndaj një ekipi që ishte në momentin më të mirë. Kemi reaguar pas dy humbjeve, e bëmë edhe më Partizanin në kampionat pas Superkupës.

ZËVENDËSIMET– “Ishin minutat e fundit. Gavazaj luajti mirë. Sulmi ishte mirë, bashkë me Shkurtajn dhe Abazajn. Fatkeqësisht nuk kanë pasur minuta, por në këtë ambient bëjnë diferencën në momente të veçanta”.

20 MINUTAT E FUNDIT – “Psikologjikisht ishin në vend të dytë. Po të humbnim nuk e kapnim kreun. Në fund duhet të bënim tre gola dhe ta mbyllnim. Në të 85’ kur shënoi Tirana, normalisht krijohet tension. Para golit duhet ta realizonim të tretin me Shkurtajn.

PRESIONI I GJICIT – “Nuk ka pasur presion. Kam dy muaj trajner dhe e kam takuar dy herë. Ai ka angazhime të tjera. Kam 22 vite trajner dhe nuk është e lehtë. Kam kaluar shumë presidentë. Nuk është e lehtë ta ha presion”, përfundoi Duro në emisionin Gol pas Goli në Supersport. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono