kukesi

shameti-2.jpg
Igli Nikolli23:21 | 20/02/2020

Ylli Shameti vazhdon analizën rreth ndeshjes Kukësi-Tirana në emisionin “Pressing” në ABC News. Mbrojtësi i njohur tregon se kjo përballje do të zgjidhet nga pjekuria e lojtarëve me eksperiencë.

Unë mendoj se ndeshje si kjo e nesërmja, në të tillë stadium dhe atmosferë, më mungon personalisht. Kampionati do të ishte ku e ku në nivel nëse do të luanim gjithmonë ndeshje të tilla. Duhet marrë parasysh edhe pjesa e marketingut.

Kjo është politika e klubit të Kukësit. Mbrojtja e Kukësit? Duhet para i gjithë ekipi në fazën mbrojtëse. Mendoj se kanë bërë një kampionat shumë të mirë, kanë ndër mbrojtjet dhe sulmet më të mira, njësoj si Tirana. Ndeshjen do e zgjidhë më shumë pjekuria e lojtarëve.

Favori i Kukësit është që edhe barazimi e mban në krye dhe e mban të qetë. Kanë bërë shumë gabime, s’e di sa do ndikojë barazimi në Ballsh. Kukësi ka fituar dy ndeshjet me Tiranën, por është vetëm një pikë më lart. Kjo tregon se kanë bërë gabime. Do të jetë një ndeshje e fortë, do e zgjidhë pjekuria dhe eksperienca e lojtarëve, asgjë tjetër”, deklaron Shameti. /abcnews.al

ftuar-sport.jpg
Veronik Istrefaj22:59 | 20/02/2020

Presidenti i nderit i Kukësit, Safet Gjici, bëri një lidhje telefonike me emisionin Pressing, në ABC News. Numri një i skuadrës verilindore foli për ndeshjen kundër Tiranës, cilësitë që ka grupi i tij i lojtarëve, si dhe titulli kampion.

“Është e vërtetë që është një ndeshje për tu parë dhe mbi të gjitha, dua që ato tifozë që do të vijnë në stadium, të shohin futboll të bukur. Ne si Kukës, luajmë çdo ndeshje për të fituar, por në fushë, fiton ai që e meriton. Nuk është ndeshje që vendos titullin. Ndeshja me Ballshin na ka djegur pak, por futbolli i ka këtu. Besoj se do të jetë një ndeshje e bukur për tu parë dhe dua sa më shumë tifoz në stadium, sidomos kuksianë. Nuk është Tirana e viteve të shkuara, është mbledhur mirë si ekip. Ka dhe shumë ndeshja pa humbur dhe duhet vlerësuar maksimalisht nga stafi, klubi lojtarët, nga të gjithë.

Realisht, ekipi i Kukësit ka lojtarë cilësorë në përbërje, tani ka dhe eksperiencë, pasi u bënë 10 vite në kampionatin Superiore, kemi marrë pjesë çdo vit në Europë, kemi fituar edhe trofe. Objektivi që kemi ne, titulli kampion, duhen marrë ndeshjet me radhë, na duhet të fitojmë tre pikëshin, më pas Tirana do të ketë ndeshje më të vështira se ne, por gjithsesi duhet të mendojmë për ndeshjen e nesërme. Kukësi i ka të gjitha cilësitë për të fituar titullin. Kemi dhe 90 vjetorin e klubit, por nuk dua ta fryj shumë këtë 90 vjetor, ose 100 vjetor. Kush ta meritojë titullin, ta fitojë.

Qoftë Tirana, qoftë Partizani, janë rivalë kryesorë. Nuk duam ta neglizhojmë Partizanin, janë 14 ndeshje në lojë. Por kur tregon që fiton kundër këtyre rivalëve kryesore, është tregues që ekipi i meriton titullin kampion. Por do të shohim në fund të kampionatit, kur të mblidhen pikë. Kundër Tiranës, kemi pasur gjithmonë rezultate pozitive, përjashto ndonjë rezultat. Kjo ndeshje është ndryshe nga ndeshjet tjera, pasi jemi me një pikë diferencë. Tirana është më e kompletuar, por unë mendoj se Kukësi i ka kapacitetet që të dalë fitues nesër nga fusha e lojës.

Ne luajmë në Tiranë, pavarësisht se ekipi është i Kukësit. Ju e dini se kemi rreth dy vite që luajmë jashtë, po të luanim në Kukës, do të kishim 10 pikë më shumë. Tirana e ka fushën e vet, pavarësisht se nuk po luajmë tamam në fushën e vetë. Besoj se mund të quhet fusha e të dyve, në një farë mënyrë. Ne kemi bërë ndeshje në këtë stadium, i mrekullueshëm, me standartet. Edhe tifozët janë kënaqur, me futbollin që është paraqitur, edhe nga kushtet e stadiumit.

Unë besoj se ndeshja do të jetë e mirë, do të prodhohet futboll. Do të jetë ndeshje e fortë, kush do të gabojë më pak, do ta fitojë ndeshjen. Unë kam besim te stafi dhe lojtari që do e fitojnë këtë ndeshje, pasi shumë gabime kanë bërë deri tani. Dikush mund të thotë se jemi në vend të parë, nuk kemi bërë gabime, por kemi bërë, në Gjirokastër, në Ballsh. Unë besoj shumë se me këtë kualitet që ka ekipi i Kukësit dhe po luajti si në ndeshjen e shkuar kundër Tiranës, do të fitojnë me rezultat të kënaqshëm. Unë nuk pranoj as barazime, as humbje, dua vetëm fitore. Hamitaj është arbitër i FIFA-s dhe do të mbajë mirë ndeshjen. Të dyja ekipet të marrin atë që japin në fushë. Gabime njerëzore janë gabime njerëzore.

Nuk është problemi te tërheqja e veshit dhe ata e dinë vetë dhe kur klubi është shumë korrekt me ta, edhe lojtarët duhet të japin maksimumin. Kundër Tiranës, duhet me patjetër fitorja. Jo se vendoset nesër titulli kampion, por fitorja me Tiranën, na jep shumë moral”, përfundoi Gjici./abcnews.al

limaj-1280x853.jpg
Vladimir Prenga12:59 | 20/02/2020

Vesel Limaj, mesfushori i Kukësit, doli sot para mediave për të folur për ndeshjes e nesërme me Tiranën. Fillimisht ai foli për situatën në kampin verilindor para kësaj përballje. “Situata në ekip është shumë e mirë dhe kemi shumë harmoni”, thotë fillimisht mesfushori dardan.

Sa i takon ndikimit të sfidës me Tiranën në luftën për titull, Limaj shton: “Nëse fitojmë nesër, atëherë jemi një hap përpara. Gjithsesi nuk vendos për titull, pasi ka akoma shumë ndeshje përpara”.

A ka Kukësi diçka më shumë se Tirana? Limaj shprehet kështu: “Mendoj se kemi më shumë kualitet. Kemi lojtarë cilësorë. I kemi mundur dy herë”. Në lidhje me këshillat e profesor Duros, mesfushori shton: “Nuk është se profesori kanë thënë diçka speciale. Jepni maksimumin, kjo është ajo që na kërkohet”.

Rivali më i fortë, Tirana apo Partizani? “Për mua janë të dyja, edhe pse Partizani ka pasur ulje dhe ngritje. Gjithsesi ata janë sërish aty”. Limaj ka shënuar shpesh gola të bukur dhe ai është gati të realizojë sërish: “Gati jam gjithmonë. Normalisht kam dëshirë të shënoj gol, por kryesorja është të marrim tre pikët. Nuk ka rëndësi kush shënon. Kemi shumë kualitetet. Nuk mund ta them kush e zgjidh këtë ndeshje, pasi mundet çdokush nga ne”, përfundoi Limaj. /abcnews.al

Shpetim-Duro-Konference.jpg
Vladimir Prenga12:31 | 20/02/2020

Shpëtim Duro, trajneri i Kukësit, ka dalë sot para mediave dhe ka folur për ndeshjen e radhës me Tiranën dhe garën për titull. “Futbolli nuk ka gjëra absolute. Varet si vjen edhe barazimi. Po të shohim ndeshjen me Bylisin, para ndeshjes ishte  i pranueshëm. Në fund dolëm të mërzitur, pasi morëm një pikë kur duhet të merrnim tre. Varet si vjen barazimi dhe situatat e lojës. Ne dhe Tirana do mundohemi të marrim maksimumin. Pastaj vendos fusha kush do jetë fituesi”.

“Ka shumë përballje, sa ka kaluar gjysma e kampionatit. Është ndeshje e rëndësishme për të dyja skuadrat. Do ndikojë shumë në aspektin moral, por në aspektin e kampionatit kam mendimin se nuk është vendimtare. Do jetë një luftë deri në momentet e fundit, sido të shkojë kjo ndeshje, së bashku me Partizanin që u fut në garë. Kështu kampionati do të jetë më interesant. Çdo javë ka llogari, kampionati është i hapur. Kjo ndeshje nuk vendos gjithçka, është e rëndësishme.

“Nuk u mërzita në Ballsh pse e pësuam golin në fund, por pse nuk e mbyllëm ndeshjen më parë. Kishim shumë mundësi për ta mbyllur. Ndeshja 1-0 nuk ka asnjë garanci. Sulmi më i mirë kundër mbrojtjes më të mirë? Ne jemi skuadra më e mirë, si në aspektin sulmues – jemi mbrapa Tiranës me 2-3 gola më pak – si në aspektin mbrojtës. Treguesit teknikë e thonë këtë gjë. Do kujdesemi të kemi ekuilibër. Kemi marrë masa për mbulimin e kundërshtarëve, pasi kanë lojtarë cilësorë. Edhe ne kemi lojtarë cilësorë në sulm dhe Tirana do e vuajë këtë”.

“E respektoj Tiranën si skuadër. E kam pritur të vijë në këtë situatë, pasi është një nga klubet që ka investuar më shumë në verë. Kështu që nuk i druhem, e respektoj për paraqitjen që kanë bërë dhe për cilësitë që kanë. Edhe ata duhet të na respektojnë, pavarësisht se ne e luajmë gjithë sezonin si mysafirë”.

“Gavazaj dhe Rroca jashtë forme? Janë dy lojtarë të rëndësishëm. Kemi grupin e plotë. Të dy kanë pasur probleme kohët e fundit. Dëmtimet i kanë pasur të lehta. Janë gati për ndeshjen nesër”.

“Nuk ka ndeshje të njëjta, po të ishte ashtu e kishim fituar dhe nuk luanim fare. Kështu që çdo ndeshje ka historinë e vet, edhe pse ne i kemi fituar dy ndeshjet me ta. Kjo është një ndeshje tjetër dhe nuk ka favoritë, të jemi realistë. Të shohim kush do interpretojë më mirë për të arritur maksimumin”.

“Jemi mësuar me problemin e fushës. Ne kudo jemi mysafirë, nuk kemi entuziazmin që kanë Tirana e Partizani. Në këto ambiente na kanë bërë më mirë, pasi kemi pasur tifozë. Të shikojmë nesër për kë do flasë më shumë stadiumi e fusha”.

“Më pëlqen koreografia e tifozëve të Tiranës. Para pesë vitesh kam dalë me deklaratë, kur u falën tifozët e Tiranës që të vinin në stadium në derbi. Bëra mirë sepse erdhën tifozët e Tiranës dhe të Partizanit dhe në fund fitoi Partizani. Kështu që më pëlqen ambienti. DO ishte njëlloj edhe në Elbasan, edhe atje do kishte më shumë tifozë Tirana. Nuk e shikoj si disfavor. Në fund vendos fusha”, u shpreh Duro. /abcnews.al

stadiumi-i-kukesit.jpg
Vladimir Prenga09:34 | 20/02/2020

Shpenzimet në stadiumin e Kukësit kanë arritur në gati 3.8 miliardë lekë të vjetër dhe në Federatën Shqiptare të Futbollit ka shqetësim për rentabilitetin e impiantit. Investimi madhor besohet se është kryer me ndikim politik

Besohet të jetë gati në nisje të sezonit të ardhshëm. Stadiumi i Kukësit është një kantier i madh ndërtimi, ndër më të rëndësishmit në Shqipëri, por burime në Federatën Shqiptare të Futbollit shprehen se investimi përbën edhe një shqetësim.

Deri tani, Federata ka shpenzuar rreth 3.2 milionë euro, apo rreth 3.8 miliardë lekë të vjetër, të paktën sipas këtyre burimeve, që do të thotë diçka më pak sesa buxheti vjetor i këtij institucioni, që arrin afërsisht 8 milionë euro.

Po nga këto burime, mësohet se investimi në stadiumin e Kukësit u kërkua nga qeveria shqiptare, me gjasë për ta pasur si ndihmë në zgjedhjet lokale që u zhvilluan vitin e kaluar. Besohet se pritej garë e fortë për Bashkinë e Kukësit, e cila vazhdimisht është fituar nga demokratët, pavarësisht se në përfundim zgjedhjet nuk patën konkurrim.

Ndërkaq, burime në ish-stafin teknik të skuadrës së Kukësit pohuan për ABC News se vetë presidenti Duka u shpreh privatisht i pakënaqur për shpenzimin e madh në një stadium, që nuk pritet të ketë mundësi të nxjerrë fitime të rëndësishme.

Presidenti, sipas këtij pjesëtari të ish-stafit teknik kuksian, u shpreh se me 2 miliardë lekë të vjetër, sa ishin harxhuar deri në atë kohë, mund të ndërtoheshin shumë fusha futbolli në të gjithë Shqipërinë.

Në përfundim, stadiumi padyshim që do të ketë kushte shumë të mira për të luajtur futboll, madje edhe ndeshje ndërkombëtare, por nuk pritet që të nxjerrë të ardhura, për vetë gjendjen ekonomike të krahinës së Kukësit, dhe e vetmja shpresë, siç është diskutuar në Federatë, është që ta përdorë skuadra e Prizrenit për ndeshjet e saj në Kosovë. /abcnews.al

meta-teqja.jpg
Veronik Istrefaj19:43 | 18/02/2020

Mbrojtësi i Kukësit, Aldo Teqja, ka folur për Supersport para ndeshjes ndaj Tiranës, që do të luhet në Air Albania. Kjo sfidë, vë përballë dy ekipet e kreut dhe Teqja parashikon një takim delikat dhe të vështirë.

“Jemi 2 prej skuadrave më në formë të Superiore dhe është e sigurt që do të jetë një ndeshje shumë e bukur, me ritëm dhe futboll spektakolar, që do t’u pëlqejë edhe tifozëve. Do të fitojë skuadra që do të gabojë më pak dhe ndonëse ne kemi fituar dy përballjet me Tiranën, kjo nuk do të thotë asgjë për takimin e të premtes”, deklaroi Teqja.

Të them të drejtën u bënë tre sezone që jam larguara nga Tirana dhe normalisht që doza emocionale ka rënë disi. Për më tepër, unë nuk kam një marrëdhënie shumë të mirë me golin dhe nuk mund të jap fjalën që nuk do festoj, nëse shënoj në një stadium si ‘Air Albania’, para tifozerisë aty.

Fillimisht shpresoj të shënoj, pasi vendimin për të festuar apo jo, do ta marr në ato momente. Ecuria është shumë pozitive, pasi humbjen e fundit e kemi kundër Laçit në transfertë, edhe atë me polemika, pra rreth 10 javë pa humbje.

Më vjen mirë që po përligj edhe besimin e klubit, që më ka dhënë një rol të rëndësishëm. Me Obanor jemi përshtatur mirë dhe deri tani jemi mbrojtja më e mirë e kampionatit. Kam fituar 5 trofe në karrierën time dhe i vetmi që më mungon është titulli kampion. Dua ta fitoj patjetër edhe titullin kampion”, përfundoi Teqja./abcnews.al

Air-Albania.jpg
Vladimir Prenga14:35 | 18/02/2020

Kukësi dhe Tirana përballen mes tyre të premten në “Air Albani Stadium”. Dy skuadrat e kreut duan pikët e plota në këtë përballje, ndërkohë verilindorët kanë edhe një mesazh për tifozët. Ata u bëjnë me dije atyre se nga nesër nis shitja e biletave dhe presin që të ketë sa më shumë përkrahës të Kukësit në stadium.

POSTIMI I KUKËSIT – Njoftim i klubit! Nga dita e nesërme, do të nisë shitja e biletave për ndeshjen që skuadra jonë luan kundër Tiranës në stadiumin “Air Albania”, në datën 21 shkurt, ora 18:00. Biletat do të shiten edhe në Kukës te pika “Info Point” para Bashkisë!

Çmimet e biletave janë këto:
W104 – 3000 lekë (përfshirë edhe katering)
W101, W102, W103, W105, W106, W107 – 2000 lekë
E1, E2, E3 – 1000 lekë

N1, N2, N3, S1, S2, V1 – 500 lekë – Tifozeria mike do të akomodohet në tribunat W105, W106, W107 dhe S1, S2, V1 (Tribuna “Vasillaq Zëri”) Biletat mund t’i blini në këto pika: – Dyqani i FSHF, rruga e Elbasanit. 9:00 – 19:00

– Dyqani te stadiumi Selman Stermasi. 9:00 – 18:00
– Dyqani te 9-katëshet, ngjitur me Neptun! 8:00 – 21:00
– “All In One ltd” Godina 14-15, Ish Fusha e Aviacionit Civil. 9:00 – 20:00. /abcnews.al

Kukesi.jpg
Veronik Istrefaj23:15 | 17/02/2020

Sulejman Starova, në Pressing, vazhdon të analizojë skuadrën e Kukësit, që është kryesuese e Superiore. Bobi është ndalur te sulmi i verilindorëve, që sipas tij, është i mbushur me yje.

“Abazaj, Gavazaj, Rroca dhe Shkurtaj, ka qenë katërshja e sulmit, me Limajn e Musollin në mesfushë. Në katër pozicione, janë pesë lojtarë për të luajtur. Dhe trajneri, bën rotacion, herë njërin, herë tjetri. Abazaj është ose majtas, ose djathtas, por luan dhe pas pykës, ashtu si Et’hemi.

Janë të pestë lojtarë shumë të mirë dhe Et’hemi nga rezervë, futet në lojë dhe del më i mirë. Abazaj është me hope, mund të bëj golin gjatë ndeshjes, por me minuta rri në hije. Edhe Musta vazhdimisht nga e majta është fantastik, po ashtu dhe Maliqi nga krahu tjetër./abcnews.al

 

Starova në Pressing
Kukesi.jpg
Veronik Istrefaj16:58 | 17/02/2020

Klubi i Kukësit ka publikuar çmimet e biletave për ndeshjen që do të luhet në Air Albania, përballë Tiranës. Kjo sfidë, vë përballë kryesuesit e Superiores dhe vendin e dytë, që ndahen nga vetëm një pikë. Biletat në Air Albania, variojnë nga 30 mijë lekë (të vjetra), deri në 5 mijë lekë, ndërsa tifozeria e Tiranës, do të akomodohet në tribunën “Vasillaq Zëri”.

Njoftimi i klubit të Kukësit:

“Nga dita e nesërme, do të nisë shitja e biletave për ndeshjen që skuadra jonë luan kundër Tiranës në stadiumin “Air Albania”, në datën 21 shkurt, ora 18:00. Biletat do të shiten edhe në Kukës e Kamzë dhe për pikat e shitjes do të ketë një njoftim të dytë!

Çmimet e biletave janë këto:
W104 – 3000 lekë (përfshirë edhe katering)
W101, W102, W103, W105, W106, W107 – 2000 lekë
E1, E2, E3 – 1000 lekë
N1, N2, N3, S1, S2, V1 – 500 lekë
-Tifozeria mike do të akomodohet në tribunat W105, W106, W107 dhe S1, S2, V1 (Tribuna “Vasillaq Zëri”)

Biletat mund t’i blini në këto pika:
-Dyqani i FSHF, rruga e Elbasanit. 9:00 – 19:00
-Dyqani te stadiumi Selman Stermasi. 9:00 – 18:00
-Dyqani te 9-katëshet, ngjitur me Neptun! 8:00 – 21:00
-“All In One ltd” Godina 14-15, Ish Fusha e Aviacionit Civil. 9:00 – 20:00.”/abcnews.al

Kukesi-Partizani-1280x608.jpg
Vladimir Prenga10:31 | 17/02/2020

Superiorja nuk njeh pushime. Java e 23-të nis të premten, me një takim mjaft të fortë: Kukësi-Tirana. Dy vendet e para në klasifikim përballen mes tyre në “Air Albania Stadium” dhe spektakël nuk do të ketë vetëm në fushë, por edhe në tribuna. Do jetë pa diskutim takimi më i rëndësishëm i kësaj jave.

Të shtunën zhvillohen katër takimet e fundit dhe në orën 14:00, Laçi dhe Vllaznia do mundohen të harrojnë humbjet e fundit. Kurbinasit luajnë në transfertë ndaj Flamurtarit, që dje regjistroi fitoren e parë në kampionat. Shkodranët nga ana tjetër presin Luftëtarin në Shkodër.

Java mbyllet me dy sfida të forta. Në Korçë Skënderbeu pret Teutën pretendente për Europë, kurse në kryeqytet Partizani ka një betejë të vërtetë me Bylisin. Ballshiotët i kanë dhënë provat dhe në kampin e kuq fitoren me Laçin duhet ta harrojnë menjëherë. /abcnews.al

KATEGORIA SUPERIORE – JAVA 23
E premte, më 21 shkurt 2020
Ora 18:00 | Kukësi-Tirana

E shtunë, më 22 shkurt 2020
Ora 14:00 | Vllaznia-Luftëtari
Ora 14:00 | Flamurtari-Laçi

Ora 17:00 | Skënderbeu-Teuta
Ora 17:00 | Partizani-Bylis


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono