kukesi

lk.jpg
Vladimir Prenga22:50 | 10/02/2020

Ermal Tahiri, ish-futbollisti i kombëtares dhe Dinamos, është i ftuar në emisionin “Pressing” në “ABC News”, si çdo të hënë. Takimi Kukësi-Laçi u diskutua fillimisht. “Kukësi është ekipi më në formë, po fitojnë bashkë me Tiranën. Nuk fituan vetëm prej eksperiencës, por prej të gjitha linjave. Kanë sulm të pandalshëm, kanë edhe Ethemin që vjen nga mbrapa.

Themi për ata të tjerët, por ai bën punën. Është më i miri te Kukësi. Nwabueze po kthehet kundër ekipit të vet, po i shërben vetës për të shënuar. Tani po kthehet në rol negativ për ekipin. Nuk është e rëndësi, duhen thënë gjërat siç janë. Në tre katër raste u kthye në egoist”.

“Abazaj, në këtë ndeshje nuk ishte mirë. Por shënoi gol dhe dha asist. I mori maksimumin ekipi. Nuk po i bie Nwabueze, ai po humb aftësinë, për të marrë përsipër më shumë seç duhet. Humbi 2-3 raste. Kualiteti i 4-5 lojtarëve të Kukësit vendosi fatet e ndeshjes”, u shpreh Tahiri. /abcnews.al

Tome-Kitanovski-1.jpg
Vladimir Prenga08:05 | 10/02/2020

“Isha në Tiranë së bashku me familjen tim dhe ju e dini që tërmeti ndodhi në orën 03:50. Nuk e kam përjetuar kurrë një lëkundje të tillë. Të nesërmen u ktheva në Manastir me familjen.

Më parë bisedova me drejtorin sportiv të Kukësit (Nderim Nexhipi). Klubi i Kukësit është i shkëlqyeshëm, ndaj më vjen keq që nuk do të vazhdojmë së bashku në të ardhmen”, deklaronte Tome Kitanovski, i cili prej muajit nëntor u largua nga Kukësi.

Mbrojtësi i djathtë pati disa oferta në merkaton e janarit dhe një opsion për të ishte edhe transferimi në Kosovë, aty ku interesohej për të Drita e Gjilanit. Gjithsesi në fund ai ka zgjedhur ta vijojë karrierën në Maqedoninë e Veriut.

Kitanovski ka firmosur për skuadrën e Makedonija GP dhe do të japë kontributin e tij deri në fund të sezonit. Mbrojtësi në të shkuarën është aktivizuar edhe në Azerbajxhan dhe Kroaci, për t’u kthyer sërish në vendin e tij. / abcnews.al

Duro-Shpetim-e1581174884787.jpg
Igli Nikolli16:12 | 08/02/2020

Shpëtim Duro është i lumtur për fitoren me Laçin. Trajneri i Kukësit analizon triumfin në emisionin ” Gol pas Goli” në Supersport, aty ku ndalet edhe te goli i pësuar dhe gjendja e ekipit të tij.

ETHEMI – “E garantoj Matkon se nuk do kem fare dhimbje koke. Jo se Ethemi ka dalë nga formacioni. Ka pasur disa probleme fizike, nuk ka qenë në nivelin që dua. Sot ka qenë në nivelin që dua unë. Ka bagazh të jashtëzakonshëm si lojtar. Tani që është në formë do të luajë dhe do të dalë nga loja një lojtar tjetër. Qëllimi të jetë i përbashkët dhe të arrijmë ku duam”.

NDESHJA – “Ndeshjet në Elbasan i kam frikë, sepse është një ambient i akullt. Ishte një test jashtëzakonisht i vështirë. Laçi ka individualitete, është ekip i ekuilibruar dhe është fitore shumë e rëndësishme në këtë moment”.

PRESIONI – “E kemi kaluar me qetësi, i thashë ekipit që Tirana bëri detyrën, ne do bëjmë tonën, kampionati është i gjatë. Për fat e fituam ndeshjen”.

TIFOZËT – “Para 5 vjetësh, isha trajneri i Partizanit. I bëra thirrje Federatës të ishin tifozët e Tiranës. Mua më pëlqen ambienti plot tifozë. Edhe pse Tirana mund të ketë më shumë tifozë se ne në Air Albania, është kënaqësi, e them sinqerisht, diçka e bukur për futbollin tonë. Pastaj, se kush fiton është çështje tjetër”.

GOLI I PËSUAR – “Edhe unë u mërzita për atë gol. Gjëra që ndodhin në futboll, por duhet të evitohej. Rëndësi ka që e përmbysëm rezultatin dhe fituam ndeshjen”.

TAKTIKA – “Kjo është vendosje që e kam aplikuar shumë edhe në Turqi. Skuadra është perfekte me këtë vendosje. Çelësi është Lulaj, është lojtar taktik dhe e ka kuptuar rolin. Kjo skemë i jep përparësi veprimeve në krah të Mustës dhe Maliqit. Janë të shpejtë dhe dalin shpesh përpara, por nuk është skemë mbrojtëse, i krijon ekuilibër ekipit”. /abcnews.al

ethemi-gol.jpg
Vladimir Prenga15:52 | 08/02/2020

Kukësi ia ka dalë të mposhtë skuadrën e Laçit, madje me përmbysje. Verilindorët triumfuan me shifrat 3-1 dhe morën sërish vendin e parë, duke i çuar një mesazh të qartë Tiranës që për titullin kampion do të kenë punë me ta.

Verilindorët e kishin lojën në kontroll në fillim, por ishte Laçi më konkret dhe Xhika e shpëtoi Kukësin në një rast ku Nwabueze doli i vetëm me të. Kurbinasit morën zemër dhe me nigerianin ia dolën të shënonin golin e avantazhit.

Kukësi u përgjigj direkt dhe Abazaj ia doli të barazonte dhe skuadrat shkuan në dhomat e zhveshjes me rezultatin 1-1. Laçi në të dytën u ndal nga tranversa, kur Deliu ekzekutoi një goditje dënimi nga jashtë zone. Verilindorët ngulmuan për të kaluar në epërsi dhe ia dolën me Shkurtajn, kurse më pas Ethemi rezultoi edhe të tretin dhe i mbylli llogaritë.

KATEGORIA SUPERIORE – JAVA 22
E shtunë, më 8 janar, ora 14:00

Kukësi-Laçi 3-1
Shënues:
Abazaj 40′, Shkurtaj 68′, Ethemi 80′ / Nwabueze 36′

abazaj-gol.jpg
Vladimir Prenga14:50 | 08/02/2020

Kanë përfunduar pjesët e para në takimet Kukësi-Laçi dhe Skënderbeu-Bylisi. Takimi i parë u mbyll në barazim 1-1, një takim ku kurbinasit realizuan të parët me atë në sulmuesit Kyrian Nwabueze. Nigeriani mund të kishte shënuar edhe më parë, por Xhika shpëtoi skuadrën e tij.

Gjithsesi Kukësi reagoi shpejt dhe vetëm katër minuta zgjati epërsia e Laçit, pasi Kristal Abazaj ia doli të shënonte në portën e portierit Stajila. 45 minutat e para nuk prodhuan gol tjetër. Në Korçë nuk pati asnjë gol.

Bicaj i Bylisit e shpëtoi skuadrën mike në një rast, duke larguar një top në vijën fatale. Në fundin e pjesës së parë pati edhe protesta për penallti dhe kemi të bëjmë me një rast shumë të dyshimtë. Korçarët protestuan, por arbitri mendoi se ndërhyrja ishte jashtë zone.

KATEGORIA SUPERIORE – JAVA 22
E shtunë, më 8 janar, ora 14:00

Kukësi-Laçi 1-1
Shënues:
Abazaj 40′ / Nwabueze 36′

Skënderbeu-Bylisi 0-0

Skenderbeu-Kukesi.jpg
Vladimir Prenga12:59 | 08/02/2020

Kukësi-Laçi dhe Skënderbeu-Bylisi luhen prej orës 14:00. Takimi i parë luhet në Elbasan dhe trajneri Shpëtim Duro nuk ka bërë asnjë ndryshim. Ethemi luan në vend të Rrocës, së dëmtuar. Te Laçi ka lëvizje. Lushkja është rikuperuar dhe e nis nga fillimi, ndërkohë që Rapo spostohet në të majtë mbrojtjes.

KUKËSI: Xhika, Maliki, Teqja, Obanor, Musta, Musolli, Limaj, Ethemi, Gavazaj, Abazaj, Shkurtaj. Trajner: Shpëtim Duro

LAÇI: Stajila, Fangaj, Ignjatovic, Gjoni, Rapo, Shehu, Deliu, Lushkja, Greca, Xhixha, Nwabueze. Trajner: Armando Cungu.

Në Korçë trajneri Ilir Daja rikthen në mesfushë Bruno Ditën dhe në prapavijë luan Pëllumbi me Pollozhanin. Këtë herë në sulm nuk aktivizohet Gripshi, por i riu Belajdi Pusi. Edhe te Bylisi ka ndryshime. Braziliani Vicente është titullar dhe Ntephe është zhvendosur në treshen e mesit të fushës. Fabian Munoz gjithashtu e nis nga fillimi.

SKËNDERBEU: Koliçi, Meksi, Pollozhani, Pëllumbi, Imami, Dita, Taipi, Elezi, Bregu, Gripshi, Pusi. Trajner: Ilir Daja.

BYLISI: Hidi, Vicente, Shkalla, Bicaj, Peposhi, Ntephe, Mëllugja, Murataj, Munoz, Ndreca, Guindo. Trajner: Veljko Dovedan. /abcnews.al

Luftetari-Kukesi-Superiore-1.jpg
Vladimir Prenga08:00 | 08/02/2020

Klasikja e futbollit shqiptar i lë vendin takimeve të tjera të Superiores. Tirana, me fitoren e arritur në Shkodër kundër Vllaznisë ka marrë kryesimin e kampionatit, por mbajtja e atij pozicioni varet nga Kukësi.

Verilindorët, prej orës 14:00 do të përballen me Laçin e vendit të tretë, skuadër ndaj së cilës këtë sezon kanë marrë vetëm një pikë. Gjithsesi statistikat nuk kanë shumë vlerë, tre pikët po. Ekipi i drejtuar nga Shpëtim Duro do e kërkojë fitoren me ngulm, që të rikthehet në vendin e parë.

Në të njëjtën orë në Korçë Skënderbeu pret Bylisin, në një ndeshje që pritet të jetë mjaft e luftuar. Prej orës 17:00 nisin dy takimet e tjera të javës së 21-të të Superiores. Partizani kampion në fuqi pret Flamurtarin e vendit të fundit, kurse Teuta Luftëtarin që po mundohet të mbijetojë. /abcnews.al

 

Ndeshjet e ditës së sotme në Superiore.
stadiumi-i-kukesit.jpg
Vladimir Prenga14:59 | 06/02/2020

Kukësi prite që shumë shpejt të bëhet me stadium të ri. Në “Zeqir Ymeri” vijojnë punimet dhe sezonin e ri besohet se verilindorët mund të luajnë në shtëpi. Qeveria dhe FSHF po investojnë në këtë stadium rreth 5 milion euro.

Qeveria e futbollit shqiptar ka postuar së fundmi edhe pamje nga stadiumi, teksa shihet edhe ecuria e punimeve deri më tani. Një pamje krejt tjetër tani, teksa tribuna kryesore është zgjeruar dhe do të ketë edhe ambiente shërbimi. /abcnews.al

Vijojnë punimet intensive në stadiumin #ZeqirYmeri, Kukës.

Vijojnë punimet intensive në stadiumin #ZeqirYmeri, Kukës. #FSHF #Infrastrukurë #Futboll #Pasion💪 ⚽ 🇦🇱

Gepostet von Federata Shqiptare e Futbollit am Donnerstag, 6. Februar 2020

 

feti-gjici-kukes.jpg
nev ila16:51 | 05/02/2020

Prestigjozja britanike “The Guardian” i ka kushtuar  një artikull të gjatë tunelit të nëndheshëm të Kukësit, i ndërtuar rreth viteve 70’.

“Për afro dy dekada, Feti Gjici punoi në një projekt tepër sekret përpara se të linte zyrën e tij çdo mbrëmje. Ai kurrë nuk foli për këtë projekt sekret me miqtë e tij apo me familjen” e nis artikullin e saj The Guardian.

“Gjici ishte planifikuesi kryesor i qytetit të Kukësit, në veri të Shqipërisë, duke punuar gjatë viteve të regjimit komunist të vendit, të udhëhequr nga diktatori stalinist Enver Hoxha. Udhëheqësi paranojak i tmerruar nga lufta ndërtoi qindra mijëra bunkerë betoni për të mbrojtur popullsinë e tij kundër kërcënimit të pushtuesit imagjinar.

Në Kukës, jo larg kufirit me Jugosllavinë socialiste, gjërat u ecën një hap më tej. Detyra e Gjicit, duke filluar në fillim të viteve 1970 dhe duke përfunduar vetëm me rrëzimin e regjimit në 1991, ishte të ndërtonte një kopje nëntokësore të Kukësit 30 metra nën qytetin mbitokësor.

Planet e para, në fillim të viteve 1970, ishin për një seri strehimesh anti nukleare. Ndërsa vazhdoi në vitet ’80, me urdhër të shefave të ushtrisë, Gjici shtoi gjithnjë e më shumë tunele dhe dhoma në projektin nëntokësor, duke përfshirë hapësira për një shtypshkronjë, një spital dhe një furrë buke. Pastaj, u ndërtuan rrjetet e energjisë elektrike dhe ujit. Duhej të kishte një qendër komande të ushtrisë, një pikë policie dhe një sallë gjyqi. Ideja ishte që 10,000 njerëz duhet të ishin në gjendje të jetonin pa asnjë shqetësim nëntokë, për një periudhë deri në gjashtë muaj.

“Sigurisht, në një kohë lufte, gjërat mund të reduktonin kapacitetin, por ideja ishte që të ndërtonim që i gjithë qyteti të futej nën tokë,” kujtoi Gjici, tashmë 72 vjeç.

Në fillim të viteve 1970, autoritetet komuniste përmbytën tërë vendbanimin e Kukësit me një liqen artificial gjatë ndërtimit të një hidrocentrali. Planifikuesit e qytetit duhej të krijonin një qytet krejt të ri përkrah tij, dhe të rivendosnin të gjithë popullsinë.

Gjici po ndihmonte për të hartuar Kukësin e dytë mbi tokë kur iu afruan shefat e ushtrisë dhe policisë sekrete.

“Meqë isha duke bërë një punë të mirë, ata më zgjodhën dhe më folën për planet për qytetin nëntokësor,” tha ai.

I pyetur se çfarë do të thoshte nëse një koleg do e pyeste se për çfarë ishte duke punuar, ai qesh dhe thotë:

“Nuk ishte një kulturë ku njerëzit të pyesnin se çfarë po bëje.”

Gruaja e tij ishte e qartë dhe ishte në dijeni që po punonte në një projekt nëntokësor për shumë vite, por ajo kurrë nuk i kërkoi detaje.

“Ajo e dinte më mirë që nuk duhet të bënte pyetje.”

Për shkak se strehimi ishte i fshehtë, Gjici kishte një ekip prej vetëm 30 punëtorësh ndërtimi për ta ndërtuar atë, dhe secili punëtor duhej të kontrollohej plotësisht nga shërbimet e sigurisë për besueshmërinë politike.

 “Sa më pak njerëz ta dinin, aq më mirë ishte,” thotë Gjici.

Ky ekip i vogël u nda më tej në çifte të cilët u dërguan për të punuar në pjesë të ndryshme të strehimoreve, duke mos kuptuar se ekzistonte një rrjet i madh e i ndërlidhur.

Gjatë viteve 1980, autoritetet kryen stërvitje të rregullta:

Kur të tingëllonte sirena, e gjithë popullata e Kukësit mund të zbriste nëntokë në shtatë minuta, përmes 30 hyrjeve në rrjet.

Ndërtimi në rrjetin nëntokësor ishte përfunduar në vitin 1989 ku u  instalua energji elektrike dhe ujë. Por përpara se secila prej zonave të mund të ishte e pajisur siç duhet për funksionin e saj të planifikuar, erdhi koha kur regjimi ra.

PO të shkosh këto ditë të vizitosh Kukësin e nëdheshëm shihet një rrugë poshtë një shkalle të zhveshur, me kalldrëm. Qasja në pjesën më të madhe të rrjetit të tuneleve dhe dhomave është bllokuar nga grumbuj të mëdhenj me rërë dhe baltë.

Por pas 30 vitesh neglizhencë, kryetari i ri i Kukësit, Safet Gjici, kushëriri i Fetiut, dëshiron të përfundojë ato që filluan komunistët dhe të përfundojnë punën në Kukësin e nëndheshëm përpara se ta hapin atë për publikun”, shkruan The Guardian.

Në fakt kamera e ABC News solli për herë të parë ekskluzivisht pamje nga ai që sot quhet Kukësi i nëndheshëm.

Të habit fakti kur mëson se për Kukësin nëntokësor është punuar gati 20 vite e shpenzuar miliarda. Ndërtime të pabesueshme. Një spital për 300 shtretër, fabrika e prodhimit të bukës, hapësirat e tjera për vendkomanda e shumë zyra për administratën.

Tunelet në trajtë labirinti lidhin çdo hapësirë e përshtatur për funksione të ndryshme. Kurse hyrja realizohej në pesë vende të ndryshme të qytetit. Një pjesë e pallateve e ndërtuar në atë periudhë, i kanë në çdo shkallë portat e blinduara dhe tunelet hyrëse për në qytetin e nëndheshëm. Porta ka edhe për konviktet e institucionet arsimore.

Pa hezitim Kukësi është një ndër qytetet më të fortifikuara.

Ndaj nuk është habi kur pak kohë më parë mediat ndërkombëtare e renditën Shqipërinë  pas SHBA dhe Zvicrës, si vendi me sigurinë më të madhe për sulmet bërthamore dhe atomike, për shkak të vendstrehimeve të shumta të ndërtuara gjatë luftës së ftohtë./abcnews.al

Kukesi-Laci.jpg
Veronik Istrefaj17:50 | 04/02/2020

Ndeshja më e rëndësishme e javës së 21-të në Superiore është padiskutim ajo mes Kukësit dhe Laçit, ku përplasen vendi i parë në renditje me vendin e tretë. Kukësi është në kuotën e 38 pikëve, ndërsa kurbinasit numërojnë 32 pikë.

Është përcaktuar dhe stadiumi ku do të luhet kjo sfidë dhe faqja zyrtare e Kukësit, me anë të një njoftimi, konfirmoi se ndeshja do të luhet në “Elbasan Arena”. Të shtunën, me datë 8 shtator në orën 14:00, këto dy skuadra do të diskutojnë fatet e takimit.

Kukësi vjen në këtë sfidë pas fitores 1-4 kundër Flamurtarit, ndërsa Laçi mposhti me rezultatin minimal 1-0 Skënderbeun. Favoritë për të triumfuar konsiderohen verilindorët e Shpëtim Duros, por sfidat ndaj Laçit kanë qenë gjithmonë delikate./abcnews.al

 

Njoftimi i Kukësit


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono