Kukës

Koncerti_gjate_krizes_Kosoves_ne_sheshin_e_Bashkise_Kukes-1280x849.jpg
nev ila17:35 | 16/04/2019

Mijëra qytetare të Kosovës shkuan në Kukës për  të kujtuar 20 vjetorin e eksodit masiv të të shpërngulurve me dhunë nga trojet e tyre etnike.

Kësaj here kufiri Shqipëri- Kosovë u kalua simbolikisht në këmbë nga kosovarët dhe kryetarët e komunave.

Autobus e mjete të shumta zbarkuan në Kukës i cili mori pamjen festive e me aktivitete të shumta kulturore.

Panairi i librit me botues nga trojet shqiptare ishte një  prej aktiviteteve të shumta e që kulmuan me unionin artistik të kombit në stadiumin e qytetit./abcnews.al

PRISHJET-NDERTIMET-KUKES-MBULIM_ABC-M2-T1.mpg_snapshot_00.01-1280x720.jpg
ent ela15:45 | 12/04/2019

Në Kukës ka rinisur aksioni për prishjen e ndërtimeve pa leje dhe lirimin e hapësirave publike në lagjen nr. 2 të qytetit.

Me shembjen e objekteve do t’i hapet rrugë rehabilitimit të plotë të lulishteve në rrugët e brendshme të lagjes përfshirë edhe ndriçimin. Projekti do të mbulohet nga buxheti i Bashkisë së Kukësit.

Gjatë vitit të kaluar u prishën 280 objekte pa leje, ndërsa me një fond prej 16 milionë lekësh të reja u rehabilitua tërësisht një bllok pallatesh me infrastrukturën rrugore, lulishtet, ndriçimin përfshirë dhe fasadat e jashtme. /abcnews.al

ushtria-1280x702.jpg
Sej rie11:32 | 11/04/2019

Në kuadër të një stërvitjeje disaditore, që do të zhvillohet në rajonin Verilindor, ata qëndruan në sheshin kryesor të qytetit për të prezantuar mjetet dhe armatimin luftarak para qytetareve të Kukësit. Dhjetëra autoblinda e ushtare komando, të shoqëruar nga policia ushtarake demonstruan arsenalin që zotëron kjo forcë.

Qindra qytetarë të Kukësit vizituan panairin ushtarak duke marrë edhe sqarime nga oficerët e lartë të Forcave të Armatosura, rreth mjeteve e armatimit të ushtrisë./abcnews.al

Fierzes-1280x725.jpg
ent ela15:00 | 10/04/2019

Reshje të dendura shiu vazhdojnë në Kukës dhe kjo ka ndikuar përveçse në përmirësimin e situatës për bujqit, por edhe në nivelit e ujit në liqenin e Fierzës. Aktualisht ai ndodhet në kuotën 247 m ndërsa kuota maksimale duhet të jetë 296 metra mbi nivelin e detit.

Thatësirës së tejzgjatur në Verilindje i ka ardhur fundi. Në Kukës shiu nuk pushuar prej së dielës. Veç situatës premtuese për fermerët në mbjelljet e pranverës, duket se është një shenje e mire  edhe për përmirësimin e situatës hidrike në vend.

Liqeni i Fierzës i ka ndjerë menjëherë këto reshje. Më shumë se 30 cm është rritur niveli i ujit. Edhe pse kuotë e papërfillshme, referuar situatës në të cilën ndodhet aktualisht liqeni i Fierzës, duket se do të ketë përmirësime në ditët në vijim.

Meteorologët kanë parashikua reshje shiu edhe për shtatë ditë të tjera . Sot liqeni i Fierzës ndodhet në kuotën e 247 metrave, ndërsa i mungojnë rreth dy te tretat e sasisë totale të ujit. Kuota maksimale e tij është 296 metra mbi nivelin e detit me një kapacitet prej 3 miliard metër kub ujë./abcnews.al

dru-arrore.jpg
G. P.15:24 | 07/04/2019

Në Kukës, fermerët po mbjellin tokat dhe vështirësia qëndron te kulturat që duhet të zgjedhin. Ata patën një përvojë të keqe me sherebelën ndaj u janë kthyer druve arrore.

Sherebela nuk po preferohet me nga fermerët kuksianë. Kjo bimë humbi tregun me shpejtësi dy vjet më parë. Shumë bujqër u penalizuan pasi sherebela u mbeti stok. Tani po kujdesen të përzgjedhin cilën kulturë bujqësore apo me cilën pemë mund të kenë më tepër fitime.

Bekim Lekica është gazetar, por prej vitesh nuk i ndahet bujqësisë e frutikulturës. Edhe ai si fermerët e tjerë fillimisht u mor me sherebelë. Kurse tani, Lekica i është kthyer arroreve.

“Sherebelën e dështoi tregu, nuk e dështoi fermeri që të jemi të qartë. Ishte tregu që shkoi me një çmim qesharak”, tha ai.

Me një sipërfaqe të konsiderueshme rreth 6 hektarë me arrë, këtë vit pritet të hyjë në prodhim të plotë. Çdo rrënjë në fazën e prodhimit jep më shumë se 25 kilogramë, por shpenzimet janë të papërballueshme në mungese të subvencioneve.

Është shumë e vështirë. Mbështetje subvencioni nuk kemi sepse mungon certifikata e bujqësisë. Ajo na penalizon dhe nuk bhemi pjesë e asnjë lloj granti. Nuk marrim dot një kultivator. E punojmë me krah”, tha Lekica.

Këtë vit bashkia e Kukësit ka premtuar se do të zgjidhë problemin e regjistrimit të pronave në Shtiqën, njësia më e madhe e bashkisë dhe me sipërfaqen më të madhe të tokës bujqësore.

Ajo ka kontraktuar një kompani që do merret me regjistrimin  e pronave nën mbikëqyrjen e Zyrës Qendrore të Regjistrimit të Pasurive të Paluajtshme. Mungesa e certifikatës së pronësisë ka qenë pengesa kryesore e fermerëve për përfitimet e subvencioneve apo lehtësira të tjera në treg./abcnews.al

kukes-1280x720.jpg
G. P.15:08 | 07/04/2019

Një automjet me targa të Kosovës që udhëtonte drejt Tiranës u përfshirë nga flakët mëngjesin e së dielës në tunelit të Thirrës në Kalimash. Për 30 minuta u bllokua qarkullimi i automjeteve në tunel, duke krijuar radhë edhe të gjata.

Drejtuesi i mjetit e si edhe personat që udhëtonin me të nuk pësuan lëndime. Për të vënë flakët nën kontroll, u desh ndërhyrje e një zjarrfikëse. Edhe në të kaluarën në tunelin  e Thierrës në Kalimash kanë ndodhur aksidente të tilla duke krijuar panik te udhëtarët./abcnews.al

RAMA-NE-AEROPORTIN-E-KUKSIT-1280x720.jpg
ent ela15:58 | 06/04/2019

Aeroporti i Kukësit do të përfundojë pas dy vjetësh. Garancinë kryeministri Edi Rama e mori gjatë inspektimit të nisjes së punimeve. Këtë fundjave Kryetari i qeverisë është ndalur edhe në  rikonstruksionin që po i bëhet rrugës së Torovicës, e cila do të jetë gati në fund të muajit dhjetor.

Përtej deklaratave të përsëritura mbi çka do të ofrojë aeroporti i Kukësit, vendosi ta vizitojë me qetësi terrenin ku kanë nisur punimet.

“Është vendosur që të gjitha ndërtesat ekzistuese do të shemben për të ndërtuar një terminal të ri modern dhe me efikasitet të plotë. Shtimi i pistës do jetë kryesorja, pasi duhet të shtohet me disa qindra metra, gjë që do kërkojë kohën e vet, padyshim. Megjithatë ne jemi brenda afateve, pa i kaluar asnjë ditë”. 

 “Punimet do të realizohen brenda vitit”.

Kryeministri Rama nga ana e tij tha se menjëherë pas përfundimit të këtij projekti do të krijohet dhe certifikohet operatori i specializuar i aeroportit, me ndihmën e partnerëve europiane, ku stafi i aeroportit do të trajnohet për manaxhimin e tij.

“Ka shumë procedura certifikimi, akreditimi. I pamë me “Air Albania” që kërkonin kohë me kontrolle, verifikime me grupe të ndryshme të organizmave ndërkombëtare, por ajo që është e rëndësishme është që puna civile të mbarojë më shpejt”.

Fundjava e inspektimeve në terren e bëri të ndalojë edhe në Torovicë. /abcnews.al

 

PROCEDIMET-PROTESTA-KUKES-MBULIM_ABC-M2-T1.mpg_snapshot_00.01-1280x720.jpg
ent ela13:44 | 06/04/2019

Policia e Kukësit ka proceduar penalisht në gjendje të lirë 13 persona të cilet protestuan një ditë më parë në këtë qytet dhe tentuan t’i bllokojnë rrugën kryeministrit Edi Rama. Protesta ishte organizuar nga dega e PD në këtë qytet së bashku me mbështetësit e saj. Personat që ndodhen nën hetim janë të moshës 28-60 vjeç nga Kukësi dhe Hasi.

Ata dyshohet se kanë penguar qarkullimin e mjeteve të transportit, si dhe kanë kundërshtuar punonjësit e Policisë së Shtetit.

Materialet për veprime të mëtejshme do t’i kalojnë Prokurorisë Pranë Gjykatës së Shkallës së Parë Kukës, për veprat penale “Kundërshtimi i punonjësit të rendit publik”, “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”. /abcnews.al

Rama-ne-Kukes-1280x748.jpg
ent ela19:10 | 05/04/2019

Kryeministri Edi Rama ka konfirmuar kandidimin e Safet Gjicit për kryetar të Bashkisë së Kukësit. Para se të mbërrinte në takimin për Bashkinë që duam, kryebashkiaku aktual së bashku me një grup opozitarësh u përpoqën t’i bllokojnë rrugën shefit të ekzekutivit.

Ia zunë rrugën dhe pretendojnë se vetëm nga qielli mund të zbresë në Kukës.  Janë një grup të prirë nga opozita që i kujtojnë kryeministrit Edi Rama se protestat do ti ndeshë ngado që udhëton. Atë që pa ua tha banorëve në takimin Bashkia që duam në Kukës.

“Traditën e mikpritjes e keni shumë të fortë, edhe pse disa dalin te rruga. E dimë që pyll pa derra s’ka”, tha Rama. 

Të paktë në numër i konsideron ata që sot drejtojnë bashkinë e Kukësit, prandaj ndjehet i sigurt për fitoren me kandidatin e tij Safet Gjicin.

Pikëpyetje kanë për Tropojën megjithatë edhe atje nuk i kanë ulur pritshmërinë. Arsyeja pse duhet të votojnë majtas edhe demokratët është puna sipas shefit të ekzekutivit, mjafton që të kuptojnë  kush fle e kush rri zgjuar natën

E ilustroi edhe me shembuj konkretë se cilët janë më punëtorët. Socialistët kanë vënë në rrugë të mbarë ndërtimin e aeroportit të Kukësit që i cili mbledh shqiptarët këtej dhe andej kufirit, por që do të sjellë një erë zhvillimi për të gjithë zonën dhe do të hapë deri në 12 mijë vende pune.

“Do i japë mundësinë çunave të Kukësit të vijnë me shumë pak paund. Disa do vijën për punë dhe festa. Ka dhe nga ata që do vijën për protesta. Parashikohet një fluks prej rreth 300 mijë pasagjerësh në vitin e parë për të shkuar deri në 1 milion pasagjerë në vit. Është një projekt që na jep garancinë se do të jetë edhe një gjenerator vendesh pune. Çdo dollar në aviacion përkthehet në 4 dollar përfitim”.

Në përfundim është edhe projekti për ndërtimin e stadiumit, një arsye më shumë pse duhet fituar kjo bashki sipas kryeministrit.

“Së shpejt do të jemi këtu për të filluar punën për ndërtimin e stadiumit. Me ndërtimin e tij do t’i prisni këtu miqtë që do vijnë. Besoj ka ardhur koha që Bashkinë të na e jepni ne, si detyrë për të bërë për Kukësin shumë gjëra që duhet të ishin bërë me kohë”.

Votën e kërkon edhe për reflektimin që qeveria e tij bën ndaj gabimeve, siç ndodhi me rrugën e kombit.

“Ne nuk jemi të pagabueshëm. Ai nuk ishte një gabim i vogël sepse futi në siklet një komunitet të tërë. Jemi vazhdimisht këmbëngulës për të bërë më të mirën. Jo gjithmonë ata që protestojnë ka në të drejtë”.

Në këtë kategori sipas kryeministrit janë edhe këta opozitarë kuksianë që tentuan të çajnë kordonin e policisë për tu përballur me të. Uniformat blu ia dolën ti bllokojnë duke e lënë kryeministrin të vazhdojë agjendën e tij në qarkun verior./abcnews.al

besa-shahini-1.jpg
ent ela13:28 | 03/04/2019

Pas denoncimit në emisionin “Stop” në TV Klan Ministrja e Arsimit Besa Shahini ka pezulluar nga detyra mësuesen Bedrie Kastrati në shkollën “Bajram Curri” në Kukës. Mësuesja e shkollës 9-vjeçare ushtronte dhunë verbale dhe fizike ndaj nxënësve të saj.

Ministria e Arsimit Sportit dhe Rinise Besa Shahini ka pezulluar nga detyra mësuesen e shkollës 9-vjeçare “Bajram Curri” në Kukës, Bedrie Kastrati. Masa ndaj mësueses vjen pasi emisioni “Stop” në TV Klan denoncoi dhunën verbale dhe fizike që Kastrati ushtronte ndaj nxënësve të saj. Sjellje të tilla thotë Ministrja Shahini përmes një postimi në Facebook, janë të patolerueshme.

 E kam të pamundur të toleroj çdo lloj forme të dhunës ndaj nxënësve apo mësuesve brenda shkollave, qoftë kjo dhunë fizike, verbale apo psikologjike. 
Gjuha me të cilën mësuesja i referohet nxënëses dhe dhuna e përdorur në shkollën 9-vjeçare “Bajram Curri” në Kukës, nuk lë vend për justifikime.
Që sot, mësuesja është pezulluar dhe ndaj saj po merren urgjentisht masa. Falenderoj emisionin Stop që e solli rastin në vëmendjen e autoriteteve”,
shkruan Shahini.

Në emisionin “Stop” në TV Klan u shfaqën pamje të mësueses e cila ofendonte nxënësit e klasës së katërt, ndërsa u shpjegonte lëndën e matematikës.

Mësuesja: Po, i mori mësuese Aida. Mori Redin, Asin edhe Anën. Ku di unë, për ça i duhen?

Nxënësi: Pse? Për prova?

Në këtë orë mësimi nuk mungonin as goditjet fizike. Emisioni “Stop” erdhi pas denoncimeve të shumta për sjelljen e mësueses.

Mësuesja: Çfarë është elektriciteti?

Elektriku i dorës punon, kur x e tij prodhojnë elektricitet.

(Bërtet)

Këtu me…

A do tashti me ta lëshuar kokën te muri unë ty?!

Pise!

/abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono