kukan

ERISA-ME-KUKAN-ABC-1280x720.jpg
ent ela17:20 | 17/10/2018

Në një intervistë eskluzive për ABC News, raportuesi në hije për Shqipërinë, Eduard Kukan, shprehet se braktisja e takimit të 13 të MSA-së në Bruksel nga opozita nuk ishte një strategji e mirë, dhe pse opozita ka evidentuar akuza shumë serioze lidhur me Taulant Ballën dhe se vazhdon të marrë informacione me ato që ajo i quan si “aktivitete kriminale” të Taulant Ballës. Raportuesi Kukan flet edhe për deklaratën e përbashkët e aprovuar në fund të takimit.

Në gjirin e komitetit të MSA-së BE-Shqipëri në nivelin parlamentar jemi mësuar të shohim debate të ashpra, me tone të larta, por këtë rradhë opozita braktisi sallën e takimit në Bruksel. Ç’mendoni për këtë?

Eduard Kukan, eurodeputet: Ne morëm disa të dhëna, sipas të cilave, kolegët tanë të partisë demokratike kanë evidentuar disa probleme lidhur me bashkëdrejtuesin e seancës, Taulant Balla. Ata erdhën në takim dhe bënë një deklaratë për këtë. Ato që ata evidentojnë janë akuza shumë serioze. Dhe ata vazhdojnë të thonë që marrin gjithnjë e më shumë informacione lidhur me ato që ata i quajnë “ aktivitete kriminale” të Taulant Ballës. Por nuk mendoj, se ishte korrekte që të braktisej salla. Sado serioze të jenë gjërat, unë mendoj se kjo çështje duhet zgjidhur në Shqipëri, në Kuvendin e Shqipërisë dhe jo të tentohet të zgjidhet në Parlamentin Europian. Në këtë kuptim, vendimi i tyre nuk ishte i drejtë. Më pas, deputetët e opozitës nuk morën pjesë më në takim. Gjithsesi, ishte pozitive që takimi u zhvillua dhe mundëm të shpreheshim. Dhe ne aprovuam një deklaratë të përbashkët. Disa amendamente u aprovuan, disa u hodhën poshtë. Do mbetet në histori që në takimin e 13 të komitetit të MSA-së u aprovua një deklaratë e përbashkët e ekuilibruar. Këshilla ime për deputetët e Partisë demokratike është kjo. Nëse ata do të kishin qënduar, ata do të mund të kishin përsëritur akuzat shumë herë. Ata e bënë këtë vetëm një herë dhe pastaj ikën. Nuk mendoj, se ishte një strategji e mirë.

Çfarë elementesh të rinj përmban deklarata që mund të jenë si vlerë e shtuar ndaj rezolutës së aprovuar për Shqipërinë?

Eduard Kukan, eurodeputet: Deklarata e përbashkët është në vijueshmërinë e rezolutës së aprovuar për Shqipërinë nga Komisioni i Punëve të Jashtme. Rezolutën e vlerësoj si shumë të mirë për arritjet që ka bërë vendi dhe për çështjet që mbeten të hapura për t’u zgjidhur para qershorit 2019, ku pritet të jepet një datë për hapjen e negociatave të anëtarësimit. Nuk kishte ndonjë thelbësisht të re, por është konfirmim që Shqipëria merret seriozisht për hapjen e negociatave të anëtarësimit në BE.

Mesazhi kryesor i rezolutës për Shqipërinë ishte që përgëzohet fillimi i zbatimit të reformës në drejtësi dhe të procesit të Vettingut, por kërkohet vijimi i saj dhe më shumë rezultate konkrete në luftën kundër krimit të organizuar, korrupsionit dhe pastrimit të parave dhe drogês. Ju vetë deklaruat se këto fenomene po dëmtojnë progresin e vendit në integrimin europian.

Eduard Kukan, eurodeputet: Ne i thamë këto, sepse janë të vërteta. Reforma e drejtësisë dhe procesi i Vettingut është një reformë shumë e vështirë. Ne e kuptojmë shumë mirë që është e komplikuar. Por ia vlen vërtet, që të merren të gjitha masat për zbatimin e saj. Ne e dijmë që ka pengesa dhe vështirësi. Nuk ka mjaftueshëm gjyqtarë në Gjykatën e Lartë dhe atë Kushtetuese, por mesa u informova, kjo pritet të zgjidhet para fundit të vitit. I kuptojmë ngërçet, por duhet vazhduar puna, sepse nëse reforma zbatohet plotësisht, ju do keni një sistem gjyqësor më të mirë se disa shtete anëtare të BE-së. Prandaj ia vlen që të bëhen të gjitha përpjekjet për këtë. Problemet e tjera të cilat janë pasqyruar në rezolutë lidhur me krimin e organizuar, korrupsionin, pastrimin e parave dhe kultivimin e kanabisit janë një mesazh i qartë për lidershipin politik dhe për qeverinë, që ne i njohim problemet, i kemi shënuar ato dhe nëse nuk do ketë progres pasi i kemi artikuluar disa herë këto çështje, atëherë ky do bëhet problem edhe më i madh. /abcnews.al

Gazetare e ABC News: Erisa Zykaj

 

KUKAN-PER-ZGJEDHOREN-1280x720.jpg
ent ela14:58 | 19/09/2018

Në një intervistë për një të përditshme shqiptare Eduard Kukan, reporter për vendin tonë në Parlamentin Europian ka folur për reformën zgjedhore dhe pritshmëritë e Bashkimit Europian ndaj ligjvënësit shqiptar për këtë çështje.

Presidenti i delegacionit për Europën Juglindore njëkohësisht reporter për Shqipërinë në parlamentin Europian Eduard Kukan ka shprehur pritshmërinë që parlamenti shqiptar të amendojë Kodin Zgjedhor bazuar në rekomandimet e OSBE/ODIHR përpara zgjedhjeve të ardhshme vendore të 2019-ës.

Kukan ka vlerësuar dialogun mes partive parlamentare në komisionin e reformës zgjedhore duke theksuar njëkohësisht nevojën e përfshirjes në këtë diskutim edhe të spektirt të gjerë të partive politike, si ato jo parlamentare apo edhe shoqërinë civile dhe ekspertët e fushës, në një process gjithpërfshirës të reformimit të kodit zgjedhor. Siç dihet, zgjedhjet e lira dhe të ndershme janë pjesqë kyçe e vlerësimit të standarteve demokratike në vendet që kandidojnë për antarësim në Bashkimin europian, ka theksuar ai.

Raporteri për Shqipërinë në parlamentin Europian Kukan ka përsëritur edhe qëndrimin e shprehur edhe më parë se një bojkot i plotë i opozitës nuk është konstruktiv për vendin pasi kjo e fundit luan rol të rëndësishëm në nxitjen e llogaridhënies. /abcnews.al

kukan-9-1280x854.jpg
ent ela14:34 | 21/05/2018

Eurodeputeti Eduard Kukan thotë për mediat serbe se Bashkimi Europian nuk është i plotë pa Ballkanin Perëndimor. Gjithashtu paralajmëron vendet e rajonit se Franca, Gjermania dhe Holanda kanë qenë gjithmonë shumë të rrepta në lidhje me pranimin e anëtarëve të rinj.

Në një intervistë për gazetën serbe “Veçernje Novosti”, eurodeputeti Eduard Kukan ka folur gjerësisht për Ballkanin Perëndimor dhe për aspiratat për anëtarësim në Bashkimin Europian. Ai nënvizon se edhe Brukseli duhet të luajë rolin e tij në këtë proces.

“Pa një rajon të rëndësishëm siç është Ballkani Perëndimor, BE nuk është e plotë e as e bashkuar. Duhet të jemi më të përgjegjshëm ndaj miqve tanë në Ballkanin Perëndimor. Nëse nga vendet kandidate kërkojmë që të plotësohen kërkesa të caktuara, atëherë edhe ne duhet t’i mbajmë premtimet tona”, është shprehur Kukan.

Eurodeputeti më tëj bën me dije se nuk pajtohet me deklarata e presidentit të Francës se nuk është koha për zgjerimin e BE-së, deri në momentin që BE të reformohet në themel. “Qëndrimi i Macron është vetëm një nga pikëpamjet në bisedimet për të ardhmen e BE-së. Kjo është një nga idetë e tij me të cilën unë thellësisht nuk pajtohem dhe jam kundër qëndrimeve të tij”, nënvizoi Kukan.

Ndërsa më tej paralajmëron në mënyrë indirekte Shqipërinë dhe Maqedoninë duke thënë se “Franca, Gjermania apo Hollanda kanë qenë gjithmonë shumë të rrepta në lidhje me pranimin e anëtarëve të rinj dhe kjo nuk ndryshon”.

Sa i përket vitit 2025, Kukan shprehet se së pari duhet të zbatohen reformat dhe më pas të shikohet çështja e anëtarësimit. /abcnews.al

vlcsnap-error670-1-1280x720.jpg
ent ela11:34 | 13/02/2018

Në ditën e dytë të takimit të Komitetit Parlamentar të Stabilizim-Asociimit, BE-Shqipëri, që po mbahet në Tiranë, eurokomisioneri Eduard Kukan ka vlerësuar vullnetin e përbashkët të aktorëve politikë për hapjen e negociatave të vendit tonë me BE. Kukan është deklaruar optimist se Komisioni Europian do rekomandojë hapjen e negociatave, por ka kujtuar se vendimin final e marrin udhëheqësit e vendeve të BE, përmes Këshillit Europian.

“Kemi opinion të qartë në lidhje me situatën në vend, është pozitive që ka një unitet për të mirëpritur hapjen e negociatave. E gjitha kjo është shumë inkurajuese për vendin. Të gjithë janë entuziastë për procesin e zgjerimit dhe kjo kërkon punë të madhe nga ana juaj. Shpresa duhet të përkthehet në veprime konkrete, sepse ju e meritoni këtë gjë, dhe mbase është me vonesë, këto negociata duhet të kishin filluar. Është këshilli ai që vendos, sepse është ai që merr vendime”- u shpreh Kukan./abcnews.al

d82f999a-ce78-4daa-8d90-7ed34bd707d2-1-933x445.jpg
us er19:05 | 07/12/2017

Gjatë vizitës në Bruksel, Ministri i Brendshëm shqiptar u takuan edhe me anëtarët e Parlamentit Europian, Eduard Kukan dhe Gianni Pitella.

Europarlamentari Eduard Kukan u shpreh gjatë takimit se për arritjet e Shqipërise ka vlerësime pozitive në Bruksel.

“Po përpiqemi për çeljen e negociatave. Reformat e nisura duhet të vazhdojnë”, tha Kukan.

Ai shtoi në bashkëbisedimin me ministrin e Brendshëm Xhafaj se ekziston një atmosferë e mirë brenda institucioneve të BE-së në Bruksel, dhe Shqipëria ka bërë progres.

Kukan nënvizoi se kanë nisur shumë procese që duhet të përfundojnë e në këtë kontekst Ministria e Brendshme ka rol kryesor.

“Siç e kam thënë shpesh, BE do të ndihmojë, por ju jeni ata që do ta kryeni procesin”, tha Kukan.

Ministri Xhafaj e falenderoi eurodeputetin për ndihmën e dhënë për reformën në drejtësi dhe theksoi se implementimi mbetet një proces shumë i rëndësishëm.

Në takimin me eurodeputetin Gianni Pitella, Xhafaj prezantoi prioritetet dhe dokumentin politik të Ministrisë së Brendshme.

Xhafaj kërkoi nga BE-ja të ndjekë procesin e implementimit të reformës në drejtësi. Sipas tij, kjo reformë mund të jetë shembull për rajonin.

Ministri informoi deputetët e PE-së mbi rezultatet e vitit 2017 në luftën antikanabis dhe i njohu me detaje të përgjithshme nga Plani i Veprimit kundër krimit të organizuar dhe grupeve kriminale/Operacioni “Forca e Ligjit”.

Ministri nënvizoi se duke pasur parasysh progresin e bërë, qeveria pret që viti 2018 të jetë vendimtar për rrugëtimin evropian të vendit. Ministri theksoi se vullneti politik dhe angazhimi i qeverisë për të forcuar sundimin e ligjit janë të palëkundur. /abcnews.al

vlcsnap-error758-1-1280x720.jpg
us er15:08 | 25/11/2017

Në një intervistë ekskluzive për ABC News, raportuesi në hije për Shqipërinë, Eduard Kukan ka deklaruar, se institucionet europiane po përdorin një retorikë shumë pozitive, konstruktive dhe të bukur për anëtarêsimin e vendeve të Ballkanit, por kjo duhet vijuar me rezultate konkrete, se përndryshe do t’i kthehet si bumerang BE-së. Për Kukan, Shqipëria ka ende kohë dëri në prill për rezultate konkrete për të hapur negociatat e anëtarësimit vitin e ardhshëm dhe nuk duhet t’a prishë këtë moment.

Një nga fjalimet e mbajtura nga deputetë të opozitës shqiptare gjatë këtij takimi është që Bashkimi Europian nuk i thotë gjërat siç janë në Shqipëri apo vende të tjera të rajonit. Ka shumë fjali të pompuara, me shumë fjalë përgëzuese dhe progres, që nuk i korrespondojnë realitetit. Nuk bëhet fjalë më shumë për Parlamentin Europian, sesa për Komisionin Europian, apo përfaqësuesen e lartë e BE-së. C’mendoni për këtë ? E pranoni këtë kritikë ?

Eduard Kukan, eurodeputet: Nuk do flas në emër të Komisionit dhe përfaqësueses së lartë, që është shumë kompetetnte dhe shumë punëtore dhe që po jep maksimumin që t’a nxisë proçesin e progresit të integrimit përpara. E njëjtja gjë vlen për Christian Danielsson që ishte prezent dhe mbajti një fjalim edhe ditën e dytë. Nuk besoj, se do ishte e ndershme të thuhej kjo, por jam dakort me faktin që aktualisht të gjitha institucionet europiane janë shumë aktive për të promovuar vendet e Ballkanit dhe proçesin e integrimit. Eshtë e vërtetë që kjo po bëhet intensivisht dhe po përdoret një retorikë shumë pozitive, konstruktive dhe e bukur. Por ama duhet të ketë një vijueshmëri konkrete nga vendet e Ballkanit ndaj kësaj retorike të bukur, përndryshe kjo do të kthehet si bumerang për ne. Ne jemi të ndërgjegjshëm që situata e re perceptohet shumë mirë në vendet e rajonit.Tani po flasim për datat e anëtarësimit, gjë që ishte e pamendueshme disa vite më parë. Tani po flasim për 2025. Komisioneri Hahn tha në Shqipëri, që nëse vendet e rajonit duhan të anëtarësohen në 2025, atëherë ato duhet të mbarojnë negociatat e anëtarësimit në 2023-shin, pasi proçesi i ratifikimit të 27 shteteve anëtare merr dy vjet. Pra, ne po hyjmë në një fazë fare te re.

Por kjo nuk është realiste. Mendoni vërtet se këto vende mund të bëhen anëtare në 2025, kur shteteve si Austria iu janë dashur 10 vjet negociata anëtarësimi për t’u bërë pjesë e BE-së? 

Eduard Kukan, eurodeputet: Kur mua më shtorhet kjo pyetje, se kur mund të presim shtetet e reja anëtare në familjen europiane, unë them gjithnjë 10 vjet dhe llogaris që për Serbinë dhe Malin e Zi mund të marrë pak a shumë 10 vjet. Por dhënia e këtyre datave, mbart në vetvete parimin e motivimit. E di që kryeministri shqiptar është shumë aktiv aktualisht për të organizuar afatet kohore e proçesit të integrimit. Nëse ju dini, që ka një mundësi të vërtetë për të mbyllur negociatat në 2023, atëherë kjo ju shtyn të punoni më shumë, pasi dihet që proçesi varet nga ju. Dihet që proçesi i negociatave është i vështirë dhe kërkues, por ju po ankoheshit se BE-ja ishte shumë e ngadaltë dhe  po e zvarriste zgjerimin dhe ja tani kemi data.

Vullneti politik nga ana e BE-së është aty. Po si e shihni ju situatën politike në Shqipëri dhe kryesisht çështjen e luftës së krimit të organizuar dhe çështjen Tahiri, që e ka përçarë shumë klasën politike shqiptare ?

Eduard Kukan, eurodeputet: Nuk do të komentoj çështjen Tahiri, pasi ne politikanët nuk duhet të komentojmë për çështje që janë sërish në proces. le të lemë drejtësinë të flasë për këtë. Përgjithësisht, dua të them që Shqipëria ka shanse të mira për vitin e ardhshëm për hapjen e negociatave të anëtarësimit. Në shkurt Komisioni do të publikojë strategjinë e zgjerimit, në prill progres raportet. Pra, keni më shumë kohë për rezultate.

Ç’do të thoni me këto rezultate konkrete, Vetting ?

Eduard Kukan, eurodeputet: Nga ç’po dëgjojmë nga Komisioni Europian, Veting ka filluar. Zonja Ruiz Calavera tha, se Vetting po shkon mirë. Nuk ka shumë burime financiare, por problemet mund të zgjidhen, pasi ato janë identifikuar dhe mund të korrigjohen. Pra, mos e dëmtoni këtë moment. Mos e prishni proçesin.

A prisni dhe ju kapjen e peshqve të mëdhenj siç ka deklaruar ambasadori amerikan në Tiranë apo edhe komisioneri Hahn më parë ?

Eduard Kukan, eurodeputet: Po zonjë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono