kujite

MichaelRoth-1160x757.jpg
ent ela20:38 | 16/09/2018

Ministri gjerman për Evropën, Michael Roth, gjatë një vizite në Beograd ka njoftuar se Berlini dhe Bashkimi Evropian janë kundër ndryshimit të kufijve mes Kosovës dhe Serbisë. Sipas tij, problemet nuk do të zgjidhen përmes rishikimit të kufijve.

Ministri për Evropën në Ministrinë e Punëve të jashtme të Gjermanisë Michael Roth, gjatë një vizite zyrtare në Beograd, tha se “me vullnet të mirë dhe me guxim mund të arrihet zgjidhja për Kosovën”. Megjithatë ka përcjellë edhe mesazhin nga Berlini se “problemet nuk mund të zgjidhen me vizatimin e kufijve të rinj”. Zyrtari gjerman në një deklaratë për agjencinë shtetërore të lajmeve të Serbisë, Tanjug, ka sjellë në vëmendje se “shtetet e Ballkanit Perëndimor prapa vetes kanë një histori tragjike, një luftë civile me qindra mijëra të vrarë dhe me miliona njerëz të dëbuar dhe të zhvendosur. Pikërisht për këtë arsye, tha Roth, të gjithë duhet të nxjerrin mësime nga ajo histori tragjike.

Michael Roth, ministër i Gjermanisë për Evropën: “E ardhmja e Ballkanit Perëndimor janë shoqëritë që janë të hapura për të gjithë popujt, religjionet, kulturat. Për këtë angazhohet Evropa dhe BE-ja. Për këtë arsye edhe një herë mundem vetëm të paralajmëroj se problemet nuk zgjidhen me atë që do të vizatohen kufij të rinj”.

Roth u pyet edhe për mundësinë e ndryshimit të kufijve, apo shkëmbimit të territoreve mes Kosovës dhe Serbisë. “Kam një përshtypje se as në Ballkanin Perëndimor, sepse shumë shpesh e vizitoj, nuk ka simpati për një ide të tillë. Hapja e Kutisë së Pandorës mund të jetë me pasoja të rënda”, tha diplomati gjerman. Në fund ai nënvizoi se rasti i marrëveshjes për emrin mes Maqedonisë dhe Greqisë duhet të shikohet si shembull për zgjidhjen e mosmarrëveshjeve./abcnews.al

BEOGRADI-REAGON-IDRO-ABCM4T1.mpg_snapshot_00.15-1280x720.jpg
G. P.15:38 | 09/09/2018

Në fjalimin e tij para serbëve në veri të Mitrovicës, presidenti Aleksandër Vuçiç u shpreh dhe njëherë se nuk do e njohë pavarësinë e Kosovës dhe se do ruante atë që mundej. Kreu i shtetit serb u premtoi atyre mbështetje të plotë ngë Beogradi.

Presidenti i Serbisë, Aleksander Vuçiç, në ditën e dytë të vizitës në Kosovë i drejtua serbëve në veri të Mitrovicës, me anë të një fjalimi. Fillimisht ai u kërkoi falje banorëve të Banjës që nuk i takoi por premtoi se do e bënte shumë shpejt. Ai tha se ka guxim të luftojë për popullin e vet për një të ardhme më të mirë.

“Do të bëj gjithçka. Le të më quajnë tradhtar. Dy gjëra nuk do t’i bëj, nuk do ta gënjej popullin tim dhe nuk do të punoj kundër shtetit tim. Ju them se ata që e thonë se unë duhet të pranojë pavarësinë e Kosovës deri në fund të vitit, ju garantoj se kjo është gënjeshtër”.

Më tej ai shprehu shqetësimin e tij për numrin e vogël të lindjeve.

“Nuk po lindim sa duhet, po vdesim shumë. Po i braktisim trojet. Nuk do t’ju premtoj municion dhe armatim, por ju premtoj që municionin dhe armatimin nuk do ta përdor askush. Këtë po e them që të keni shkolla dhe të rrisni fëmijë e të jetoni këtu në Kosovë”.

Ndërsa për sa i përket ndryshimit të kufijve mes Kosovës dhe Serbisë ai theksoi se nuk është e vërtetë.

“Kur ju thonë se dua t’i ndryshoj kufijtë nuk është e vërtetë. Dua të ruaj gjithçka që është e mundur në Kosovë, pasi situatën nuk e kemi njësoj si para 30 viteve”.

Presidenti serb, Aleksander Vuçiç se Serbia po bëhet çdo ditë e më e madhe dhe këtë për shkak se nuk është në konflikt me askënd dhe gëzon mbështetjen e gjithë botës.

“Sot, kemi më shumë se kurrë mbështetjen e botës. Faleminderit miqve tanë nga Rusia të cilët politikisht ishin me ne kur nuk ishte askush tjetër. Dhe kjo është arsyeja pse ne mund të zgjedhim të ardhmen tonë dhe të themi se nuk duam të hyjmë në NATO sepse duam të mbajmë neutralitetin tanë ushtarak”.

Presidenti serb u prit nga qytetarë serbë në Mitrovicë dhe u shoqërua nga forca të shumta sigurie./abcnews.al

BERISHA-ME-ALBIN-KURTIN-ABC-M5-T1.mpg_snapshot_00.15-1280x720.jpg
G. P.12:40 | 08/09/2018

Ish-kryeministri Berisha u bën thirrje shqiptarëve të Kosovës të mos e mbështesin idenë e rregullimit të kufijve mes Kosovës e Serbisë, pasi është një ide e hershme e Beogradit që synon aneksimin e territoreve të Kosovës.

“Dua t’i informoj qytetarët e Kosovës, se kjo idea e kufijve që serviret si ide shqiptare dhe me një dhimbshuri të madhe për Preshëvën, është absolutisht falsitet. Kjo është ide e mirfilltë e Beogradit, e shtruar tek unë në Selanik nga Vuk Drashkoviç, e propozuar në mënyrë të përsëritur, e kundërshtuar në mënyrë kategorike nga Tirana zyrtare por dhe Prishtina zyrtare. Ndërsa tani na u gdhi si një ide shqiptare. Kjo është një ide serbomadhe, me të cilën asnjë shqiptar nuk duhet ta mbështesi. Eshtë nja nga aktet më destabilizuese të rajonit përpjekja e Beogradit për Serbinë e Madhe, për aneksimin e territoreve të Kosovës dhe destabilizimin e Ballkanit”.

Qëndrimin Berisha e dha pas një takimi në zyrëne tij me kreun e Levizjes Vetevendosja, Albin Kurti dhe deputetin Liburn Aliu me të cilët ka biseduar rreth sfidave të Kosovës dhe kombit shqiptar. Ish kryeministri ka shprehur shqetësim për këto propozime dhe ka kujtuar se asnjëherë në karrierën e tij ekzekutive nuk ka qenë çështje integriteti territorial i Kosovës

“Çdo shqiptari dhe çdo qytetari të Kosovës në mënyrë të veçantë, dua t’i them, në mënyrën më të sigurt, se kurrë në karrierën time politike nuk kam patur, pas çlirimit të Kosovës dhe deri sot, nuk kam dëgjuar një shtetar, diplomat, burrështetas, deputet apo të huaj, që të vërë në diskutim kufijtë e Kosovës. Mund të kem patur shumë pretendime, mund të kem ngritur çështje të ndryshme po kurrë kufijtë e saj aktual, kurrë integritetin e saj territorial”.

Berisha thotë se ka mbështetur që në fillim dialogun Serbi-Beograd, por nxjerrja e çështjes së kufijve të Kosovës, la në harresë 30 marrevëshje të pazbatuara, të negociuara gjatë dialogut, teksa disa banda në Mitrovicën e veriut funksionojnë në unison me qeverinë e Beogradit dhe shprehin gatishmëri për shkëputje, duke e përdorur Preshevën si plaçkë tregu. Ish kryeministri përsëriti thirrjen ndaj qytetarëve të Kosovës të mos pranojnë atë që e quan projekt i Serbisë së madhe, duke shigjetuar edhe interlokutorin e Kosovës Presidentin Thaçi.

“U bëj thirrje qyetarëve të Kosovës, u bëj thirrje deputetëve të Kosovës, t’i japin fund kësaj situate dramatike. Nuk ka kush autoritet të diskutojë, të vërë në tavolinë integritetin territorial të Repubilikës së Kosovës. Nuk ka asnjëri tager, cilido qoftë ai, nuk ka kush tagër të diskutojë kufijtë e Kosovës. Nuk ka asnjë të drejtë Serbia të pretendojë kufijtë e Kosovës. Nuk ka Kosova asnjë pëllëmbë tokë, as dhuratë nga Tito, as nga Rakoviçi dhe nga askush tjëtër. E theksoj këtu se, hapja e kutisë së Pandorës përbën një rrezik të madh për paqen dhe stabilitetin në Ballkan. Si Mitrovica me tre komuna janë të paktën gjashtë të tjera në një distancë jo shumë të largët, pak qindra kilometra ose më pak nga ai rajon. A do hymë ne tani të hapim zinxhirin e në seri konflktesh për ambicien e një Serbie të Madhe, të cilët kësaj here, me një operacion të paimagjinueshëm, nuk e shprehin më vetë, por e shprehin me argatët e tyre në Prishtinë”.

Ish-kryeministri Berisha është politikani i vetëm shqiptar që shpreh hapur shqetësimin për hipotezat e artikuluara për rregullimin e kufijve, përmes një marrëveshjeje mes Thaçit e Vuçiç. Më herët Berisha ka pritur edhe një delegacion të shqiptarëve nga lugina e Preshevës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono