kuc

ok-termeti-kuc-e-diele-3-1280x715.jpg
ent ela12:17 | 07/01/2019

Bashkia e Himarës njoftoi se dërgoi ekipet e saj në fshatin Kuç për të verifikuar dëmet nga tërmeti. Pas këtij procesi sipas autoriteteve vendore do të merren masat për dëmshpërblimin e banorëve. Por deri tani nuk është kryer asnjë veprim në ndihmë të tyre.  Ata vazhdojnë të qendrojnë brenda shtëpive të tyre të krisura nga tërmeti, pasi nuk kanë ku të shkojnë. Ndërkohë fëmijët nuk kanë shkuar në mësim, sepse shkolla e tyre është nga ndërtesat më të dëmtuara. Në këtë zonë është pezulluar mësimi edhe në disa fshatra të tjera, por kjo për arsye të motit. /abcnews.al

ok-termeti-kuc-e-diele-3-1280x715.jpg
ent ela13:52 | 06/01/2019

Disa familje në Kuç të Vlorës janë frikësuara për situatën që po kalojnë. Atyre u janë dëmtuar shtëpitë dhe ndodhen në mes të ftohtit. Emergjencat Civile kanë kërkuar futjen e forcave të Ushtrisë për të ndihmuar banorët.

Jashtë është borë dhe brenda muret e çara. Në këto ditë të ftohta banorët e fshatit Kuç në Vlorë po kalojnë momente të vështira. Tërmeti i së premtes u ka dëmtuar shtëpitë dhe temperaturat ndjehen më të ulëta brenda mureve sesa jashtë tyre.

“Nuk pati lëkundje se të kishtë pas nja dy lëkundje u shkarkuan këto. U çuam të iknim sa erdhëm te dera lekundja e parë mbaroi”.

Tërmeti me magnitudë 4.8 rihter, në thellësi 27 km me epiqendër në Borsh, lëkundjet u ndjenë në Gjirokastër, Sarandë si dhe në zonat përreth.

Por këtu në Kuç situata është e rëndë. Disa familje nga frika u strehuan tek të afërmit e tyre.

“Dola përjashta me fëmijët dhe ika nga shtëpia shkova te shtëpia e motrës, fjeta atje mbrëmë”

Pasditen e së shtunës pranë banorëve shkuan autoritetet e Emergjencave Civile dhe ata vendore. Në mbledhjen e Shtabit të Emergjencave u vendos për vlerësimin e dëmit dhe ndërhyrjen e menjëhershme me forcat e ushtrisë për t’u garantuar strehë dhe ngrohje familjeve në Kuç. /abcnews.al

Gazetar i ABC News, Vlorë: Elton Nika

DEMET-NGA-TERMETI-VLORE-1280x720.jpg
ent ela16:15 | 05/01/2019

Shtëpitë dhe shkolla e fshatit Kuç në Vlorë janë dëmtuar nga tërmeti që preku Jugun e vendit të premten në mbrëmje. Banorët thonë se e kanë kaluar natën tek të afërmit.

Fshati Kuç është më i prekuri nga tërmeti i të premtes. Këtu të gjitha shtëpitë kanë pësuar dëmtime.

Pesë prej tyre dhe shkolla e fshatit janë më të dëmtuarat nga lëkundjet e tërmetit. Për pasojë procesi mësimor nuk do të nisë të hënën. Banorët thonë se janë ndjerë të frikësuar. Natën e kaluan tek të afërmit.

“Tërmetin e kemi ndjerë në darkë pas orës 7”.

Në zonë mbërriti edhe prefekti Flamur Mamaj për të takuar banorët e prekur. Të paktën tre lëkundje janë ndjerë në qytetin bregdetar.

Sipas IGJEUM, tërmeti ka qenë me magnitudë 4.8 rihter me thellësi 27 km me epiqendër në Borsh. Lëkundjet e tërmetit janë ndjerë edhe në Gjirokastër, Sarandë si dhe në zonat përreth. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono