kryetareve

kuvendi-770x434.jpg
ent ela11:40 | 18/03/2019

Seanca e radhës e Kuvendit të Shqipërisë do të mbahet te enjten në orën 10.00.

Kjo  është vendosur nga Konferenca e Kryetareve e mbledhur paraditen e sotme. Ky vendim pritet të pasqyrohet edhe përmes njoftimit te seancës plenare në faqen zyrtare të Kuvendit të Shqipërisë.

Ndërkohe nuk ka ende një reagim nga opozita, lidhur me qëndrimin e saj në këtë ditë, nëse do të thërrasë apo jo proteste para Parlamentit si edhe në javët e kaluara. Pas protestës se 16 Marsit, opozita nuk ka deklaruar asnjë datë për manifestimin e radhës./abcnews.al

 

 

 

BARDHI.jpg
ent ela22:44 | 21/01/2019

Partia Demokratike gjatë pasdites së të hënës mblodhi në selinë blu kryesinë e re të kësaj force politike. E dalë pas votimit të Këshillit Kombëtar të shtunën e kaluar, kryesia e re e demokratëve u mblodh në seli rreth orës 18:30 në një mbledhje e cila zgjati rreth tre orë.

Në përfundim të takimit, sekretari i përgjithshëm i Partisë Demokratike Gazment Bardhi në një deklaratë për media zbardhi vendimin e kryesisë. Kjo e fundit vendosi mbajtjen e një takimi të kolegjit të kryetarëve paraditen e së martës, një organ i ri statuor i Partisë Demokratike që në përbërje të tij ka krerët e degëve të Partisë Demokratike.

Do të jenë ata të cilët do të diskutojnë mbi strategjinë që do të ndiqet në udhëheqjen e protestave. Më pas do të vijë një tjetër mbledhje e kryesisë së kësaj force politike, pasditen e së martës, ku do të vendosen edhe specifikat e nisjes së protestave si forma dhe data kur do të nisin.

“Siç jeni në dijeni sot ishte mbledhja e parë e konstituimit të Kryesisë së re të PD. Në zbatim të vendimit të Këshillit Kombëtar të PD që ngarkoi Kryesinë e re me organizmin e protestave popullore me qëllim largimin e qeverisë së Edi Ramës. Sot Kryesia ka diskutuar mbi strategjinë e protestave që do ndjeki PD dhe opozita për realizim e kësaj vendimarrje të Këshillit Kombëtar. Vendimi është që nesër në orën 11:00 të thërrasë mbledhjen e Kolegjit të Kryetarëve, një organ i ri statutor i PD. Do diskutohet paraprakisht me ta mbi strategjine e protestave qe do ndiqen”./abcnews.al

vlcsnap-error584.jpg
ad min14:15 | 31/10/2017

Opozita u largua nga mbledhja e Konferencës së Kryetarëve ku Qeveria i prezantoi për herë të parë Kuvendit p/buxhetin dhe paketën fiskale për vitin e ardhshëm. Nuk mund të bëhemi pjesë e një fasade normaliteti, shpjeguan demokratët, duke kërkuar edhe njëherë krijimin e një qeverie antimafia. Ndërsa akuzës së socialistëve se po bojkotojnë interesat e qytetarëve, LSI iu përgjigj duke treguar firmën e munguar të Edi Ramës në draft.

Diskutimi parlamentar për buxhetin dhe paketën fiskale të vitit 2018 nisin me prezantimin para Konferencës së Kryetarëve nga ministri i Financave dhe Ekonomisë. Por para se të merrte fjalën Arben Ahmetaj, opozita njoftoi se nuk mund të bëhej pjesë e një një fasade normaliteti, duke u larguar kështu nga mbledhja.

Largimin e kolegëve të opozitës, socialistët e quajtën si një bojkot të interesave dhe pritshmërive të qytetarëve.

Në emër të LSI-së, Petrit Vasili replikoi nga salla e konferencave, duke shpjeguar mos marrjen pjesë në prezantimin e buxhetit me mungesën e firmës së Edi Ramës në draft, i cili në mungesë dhe me autorizim të Kryeministrit, është firmosur nga zv/kryeministrja Senida Mesi.

Pavarësisht kësaj situate, ministri Ahmetaj vijoi me prezantimin e tij në Konferencën e Kryetarëve.

Kryeparlamentari Ruçi falënderoi ekzekutivin për paraqitjen në kohë të p/buxhetit 2018 dhe paketës fiskale që e shoqëron, duke i lënë kështu Kuvendit kohën e mjaftueshme që gjatë muajit nëntor ta diskutojë atë në komisione dhe në dy seanca plenare.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono