kryeprokurorja

laura-kovesi-1280x720.jpg
ad min23:01 | 19/09/2019

Ish-shefja e Drejtorisë së Anti-Korrupsionit në Rumani, Laura Kovesi ka shanse të bëhet kryeprokurore e BE-së. Kovesi ka marrë mbështetjen në parim të vendeve anëtare të Unionit, ndërsa votimi pritet të bëhet në javët e ardhshme.

Ish-shefja e Prokurorisë së Anti-Korrupsionit në Rumani, Laura Kovesi ka gjasa të jetë kryeprokurorja e re e Bashkimit Europian, pavarësisht kundërshtimeve që vijnë nga vetë qeveria rumune.

Të enjten, përfaqësuesit e vendeve anëtare të Unionit dhanë mbështetjen që ajo të marrë drejtimin e Zyrës së Prokurorisë Publike Europiane. Tani mbetet vetëm që emërimi i saj të konfirmohet me votë nga Këshilli Europian, që pritet të mblidhet posaçërisht në javët e ardhshme.

Kovesi, aktualisht 46 vjeç, u kthye në “dhimbje koke” për klasën politike rumune teksa ishte në krye të Drejtorisë Anti-Korrupsion të vendit. Ajo u vendos në këtë detyrë në 2013-n dhe në vitet që pasuan në Rumani pati një rritje të ndjeshme të dënimeve për korrupsion.

Ndërkohë, në Korrik të vitit të kaluar, ajo u shkarkua nga detyra me nismë të qeverisë rumune. Duke folur për mediat ditën e enjte, Kovesi deklaroi se mbështetja e marrë nga vendet anëtare ishte një hap i rëndësishëm, por shtoi se duhet pritur për vendimin përfundimtar.

Një basketbolliste e talentuar në rini, gjatë drejtimit 5-vjeçar të Drejtorisë Anti-Korrupsion zonja Kovesi çoi në gjyq 68 funksionarë shtetërorë, përfshirë 14 ministra dhe ish-ministra, si dhe 53 deputetë nga të dyja dhomat e parlamentit rumun.

Nga këta, 37 politikanë janë dënuar, ndërsa ndaj të tjerëve proceset gjyqësore vazhdojnë./ABC News Albania 24/7

maqedoni-kuvendi.jpg
ad min17:13 | 05/09/2019

Komisioni parlamentar për zgjedhje dhe emërim, në Maqedoninë e veriut, ka shkarkuar nga posti i kryeprokurores speciale Katica Janevën. Vendimi që u miratua në mënyrë unanime do t’i çohet parlamentit të cilit i duhen dy të tretat e votave për ta konfirmuar.

Dhjetë faqet e raportit të Këshillit të Prokurorëve për Katica Janevën, i bindën për më pak se dy orë deputetët se ajo duhet të shkarkohet. Pa debat dhe me vendim unanim, Komisioni për Çështje të Zgjedhjeve dhe emërimeve e aprovoi konkluzionin e Këshillit të Prokurorëve dhe i propozoi kuvendit që Katica Janeva të shkarkohet.

Ilija Dimovski: Komisioni pa diskutim, me vendim të njëzëshëm, e konfirmoi propozimin që ka ardhur deri tek Kuvendi, që zonja Katica Janeva të shkarkohet nga funksioni Prokuror Publik Special, për shkak të udhëheqjes së Prokurorisë në mënyrë të jashtëligjshme, të pandërgjegjshme dhe jo profesionale.

Epilog i tillë pritet edhe në seancën plenare. Sipas paralajmërimeve të dy partive më të mëdha në vend, të gjithë deputetet do të votojnë për shkarkimin e Janevës. E dëshpërimin nga veprimet e saj nuk e fsheh deputeti i LSDM-së, Muhamed Zekiri.

“Si person, ajo i dëshpëroi të gjithë që i dhanë përkrahje. E përkrahje ajo pati edhe nga pushteti i atëhershëm, edhe opozita por edhe nga të gjitha subjektet politike, kur u emërua në Kuvendin e Republikës së Maqedonisë”, tha Zekiri.

Propozimi për shkarkim tanimë është dorëzuar deri tek kryetari i Kuvendit, e ai duhet të caktojë datën e mbajtjes së seancës. Për t’u shkarkuar Janeva nevojiten 2/3 të votave, si dhe votimi me badenter./ABC News Albania 24/7

KRYEPROKURORJA-RMV_ABC-1280x720.jpg
ent ela15:50 | 23/07/2019

Kryeprokurorja e Maqedonisë së Veriut, Katica Janeva, foli para gazetarëve duke mohuar se është e përfshirë në rastin “Reket”, duke kërkuar që organet të hetojnë rastin. Ajo nuk iu përgjigj pyetjeve të gazetarëve në lidhje me atë se si e ka humbur telefonin, pasi Prokuroria doli me njoftim se telefoni nuk është humbur, por është gjetur te një person, të cilit i është dhënë dhuratë.

Pasi kaloi më shumë se një javë që nuk dihej gjë për Katica Janevën, ajo sot vendosi të paraqitet në Prokurorinë Speciale dhe të prononcohet për media.

Erdhi, e shpalli vetën viktimë të politikës dhe mediave.

“Që nga momenti kur u zgjodha si Prokurore Speciale, biografia ime profesionale, jeta private, familja, janë qëllim i shumë thashethemeve,  sulme dhe tentime që të më përfshijnë në luftën politike ditore të partive”.

U shfajësua për rastin “Zhvatja”.

“Me përgjegjësi të plotë e them se as me vetëdije, as pa vetëdije, as që kam bërë diçka që ta keqpërdor detyrën që momentalisht po e kryej. Publikisht u bëj thirrje organeve të drejtësisë që deri në fund ti pastrojnë të gjitha rrethanat për rastin konkret. Po, është e vërtetë, se unë, njësoj si shumë persona tjerë që janë në funksione shtetërore, njihemi me personin Bojan Jovanovskin. Asnjëherë nuk e kam fshehur se djali im punon në 1TV, dhe se për shkak të punës që e bën, në bazë ditore komunikon me personin. Por kjo nuk do të thotë se dikush ka të drejtë ta keqpërdor detyrën time zyrtare, që eventualisht të fiton privilegje të caktuara, ose të bëj vepra joligjore”.

Dhe u largua pa u përgjigjur në asnjë pyetje.

Janeva do të vazhdoj ta udhëheq Specialen, deri sa të votohet ligji i ri për Prokurorinë Publike, i cili parasheh që Specialja të integrohet në Prokurorinë për krim të organizuar dhe korrupsion të lartë.

E sa do të zgjasë procedura për sjelljen e ligjit, varet nga Qeveria dhe vullneti politik i partive, tha kryetari i Kuvendit, Talat Xhaferi.

E Qeveria ende nuk e ka dorëzuar propozim-ligjin në Kuvend. Xhaferi do të presët sot edhe nesër që propozim-ligji të dorëzohen, e nëse kjo nuk ndodh. /ABC News Albania 24/7

ARTA-MARKU-NE-KOMISION.mpg_snapshot_00.18-1280x720.jpg
ent ela14:45 | 27/05/2019

Zbardhja e 700 CD-ve të Dosjes 339 po ecën me ritme të shpejta. Kështu i është përgjigjur interesimit të deputetit të grupimit demokratik Myslim Murrizi kryeprokurorja në detyrë Arta Marku pas prezantimit  përpara Komisionit të Ligjeve të raportit të Prokurorisë për vitin 2018.

Zbardhjen e Dosjes 339 nuk e kërkon vetëm opozita jashtë parlamentit por ajo Brenda institucionit. Është deputeti Myslim Murrizi që kërkon një përgjigje nga kryeprokurorja në detyrë Arta Marku për 700 CD e përgjimeve që nuk janë transkriptuar.

“700 CD e përgjimeve. Janë përgjuar prej vitesh thotë. Janë përgjuar kot për qejf këta. Është kthyer në call center prokuroria.Po bëjnë videoklip këta? Çfarë është kjo gallatë që harxhohen pare nga taksat e shqiptarëve. A ndiheni përgjegjëse për një anëtar të KLP që rezulton bashkëpunëtor i sigurimit me emrin Venusi, se ka vajt me firmën tuaj?”

Prokurorja e përgjithshme në detyrë Arta Marku pranon se nuk janë zbardhur 700 CD , një çështje e referuar që në vitin 2016 tha ajo.

“Për 700 CD e pazbardhura, janë shumë është e vërtetë. Kam ndërhyrë sipas komptencave. Kjo çështje është referuar që në vitin 2016. Vetëm në vitin 2018, është parë kjo problematikë e përgjimeve të pazbardhura. Duket numri i lartë po është normal duke marrë parasysh volumin e çështjes. Janë dy prokurorë dhe 11 oficerë të policisë gjyqësore që po merren me këtë. Po ecet me ritme të shpejta. Për një pjesë të të pandehurve është ndarë çështja, s’ka lidhje me zgjedhjet, por me trafikimin e narkotikëve, në këtë pikë është edhe dosja 184”.

Këto përgjigje kryeprokurorja në detyrë i dha pas prezantimit përpara Komisionit të Ligjeve të raportit të Prokurorisë për vitin 2018, vit në të cilin janë ndarë edhe pasojat e vettingut tek radhët e prokurorëve tha ajo.

“2018 ka qenë një vit jo i zakonshëm për shkak të Vettingut. Janë bërë shumë shkarkime prokuroresh prandaj kanë qenë pak apatike sepse ky proces i ka bërë të pasigurtë”.

Prokuroria e përgjithshme ka bërë dhe matjen koeficientit të kriminalitetit në vend. Përfundimet kanë nxjerrë Vlorën si qarkun me numrin më të lartë të veprave penale për numër banorësh dhe Dibrën si qarkun me shifrat më të ulëta të rekordeve kriminale. /ABC News Albania 24/7

 

ARTA-MARKU-MBULIM-ABC-M4-T2.mpg_snapshot_00.01-1280x720.jpg
ent ela17:05 | 07/09/2018

Prokurorja e Përgjithshme, Arta Marku, zhvilloi një takim të premtën me drejtuesit e Prokurorive të Rretheve Gjyqësore dhe të Apelit. Kryeprokurorja kërkoi rritjen e bashkëpunimit me Policinë dhe agjencitë e tjera të ligjit, ngritjen e grupeve të përbashkëta hetimore, për hetimin e krimit në tërësi, dhe në veçanti krimit kundër jetës, pronës, korrupsionit dhe krimit të organizuar. Vëmendje e shtuar u kërkua për dosjet e pezulluara pa autor, kryesisht të vrasjeve, riaktivizimin e hetimit për to dhe zbulimin e autorëve.  Në mbledhje Marku u kërkoi titullarëve të prokurorive që brenda muajit shtator të paraqesin listën e përditësuar të personave në kërkim dhe marrjen e masave për kapjen e tyre. Kryeprokurorja u ka kujtuar drejtuesve të prokurorive detyrimin ligjor për raportimin dymujor të gjendjes së kriminalitetit në rrethet përkatës.

Njoftimi i Prokurorisë

Më datë 07 shtator 2018, Prokurori i Përgjithshëm znj. Arta Marku zhvilloi një takim me të gjithë drejtuesit e Prokurorive të Rretheve Gjyqësore dhe të Apelit.

Në mbledhjen e zhvilluar në Prokurorinë e Përgjithshme, zonja Marku, kërkoi rritjen e bashkëpunimit me Policinë dhe agjencitë e tjera të ligjit, ngritjen e grupeve të përbashkëta hetimore, për hetimin e krimit në tërësi, dhe në veçanti krimit kundër jetës, pronës, korrupsionit dhe krimit të organizuar.

Kryeprokurorja ka kërkuar vëmendje të shtuar për dosjet e pezulluara pa autor, kryesisht të vrasjeve, tërheqjen dhe analizën e detajuar të tyre, me qëllim kryerjen e veprimeve të gjithanshme, me shpejtësi dhe efikasitet në drejtim të zbulimit të autorëve.

Gjithashtu, gjatë mbledhjes, nga Prokurori i Përgjithshëm u është kërkuar drejtuesve të prokurorive, të paraqesin brenda muajit shtator, listën e përditësuar të personave në kërkim dhe në bashkëpunim me Policinë e Shtetit marrjen e të gjitha masave për evidentimin dhe kapjen e tyre.

Për më tej, Kryeprokurorja u ka kujtuar drejtuesve të prokurorive detyrimin ligjor për raportimin dymujor të gjendjes së kriminalitetit në rrethet përkatës. /abcnews.al

vlcsnap-error990-1280x720.jpg
ad min10:51 | 05/01/2018

Reforma në Drejtësi dhe dosjet e përbashkëta të bandave kriminale të trafikut të drogës mes Italisë dhe Shqipërisë kanë çuar paraditen e sotme në Prokurorinë e Përgjithshme ambasadorin italian në vendin tonë, Alberto Cutilo. Takimi ishte rreth 30 minuta me Kryeprokuroren e Përgjithshme, Arta Marku, në zyrën e kësaj të fundit.

Takimin e parë zyrtar për 2018, kryeprokurorja e përkohshme Arta Marku e nisi me ambasadorin Italian Alberto Cutillo.

Takimi zgjati për rreth 30 minuta në zyrën e shefit të akuzës dhe ishte pa praninë e medias. Në njoftimin zyrtar të prokurorisë theksohet se u diskutua për Reformën në Drejtësi dhe dosjet e përbashkëta të bandave kriminale, ku kryefjalë ka qenë trafiku i drogës mes Italisë dhe Shqipërisë.

Ambasadori Italian diskutoi me kryeprokuroren Marku edhe për shumë dosje të tjera të përbashkëta në të dy anët e kufirit, që përfshijnë grupet e trafikut të marijuanës dhe kokainës. Gjithashtu, një tjetër temë e nxehtë e diskutuar mes dy zyrtarëve të lartë ishte dhe Reforma në Drejtësi. Cutillo ka ofruar mbështetje për zbatimin e kësaj reforme mjaft të rëndësishme, që pritet të luftojë korrupsionin dhe krimin në vend.

Nga ana e saj, Kryeprokurorja Marku vuri theksin te Vettingu, si një ligj shumë i rëndësishëm në sistemin e drejtësisë në Shqipëri. Shefja e akuzës u shpreh se forcimi i integritetit të prokurorëve dhe gjyqtarëve do të ndikojë edhe në rritjen e luftës kundër krimit të organizuar dhe trafikut ndërkombëtar

Më herët në zyrën e  Kryeprokurores Arta Marku kanë qenë ambasadorët, Donald Lu  i Shteteve të Bashkuara të Amerikës dhe ajo e gjermanisë dhe Susanne Schütz.  Ndërkohë lëvizjet në radhët e prokurorëve vijojnë të jenë present në institucionin qëndror të akuzës. Kështu, Marku emëroi këshilltar në kabinetin e saj prokurorin e Tiranës Besnik Cani, vend i cili ishte vakant edhe në kohën kur drejtohej nga Adriatik Llalla./abcnews.al

vlcsnap-error813-1280x720.jpg
ad min22:43 | 21/12/2017

Kryetari i PD, Lulzim Basha, ka zbuluar 3 mundësitë që po shqyrton opozita për aksionin e saj politik, pas zgjedhjes, sipas tij, në mënyrë antikushtetuese të Kryeprokures së përkohshme nga Kuvendi i Shqipërisë. I ftuar në emsionin “Opinion” në TV Klan, Basha tha se skenari i parë është një marrëdhënie e kushtëzuar e deputetëve të opozitës me parlamentin”. Kusht do të jetë kthimi në kushtetutshmëri për çështjen e kryeprokurorit- sqaroi Basha. Mundësia e dytë që po shqyrton opozita është bojkoti pa afat, por ai sipas tij ka disavantazhin sepse nuk mund të bëjë presionin e duhur në parlament. Edhe djegia e mandateve është një opsion në tavolinë – tha Basha. Por për të ndërmarrë këtë masë reaguese, Basha sqaroi se do të nevojitej dakordësia e gjithë partive të opozitës dhe jo vetëm e PD-së. “Me djegien e mandateve të opozitës, edhe faktorët ndërkombëtarë do të shihnin qartë parlamentin monist në vendin tonë- deklaroi Lulzim Basha në Opinion. Kryetari demokrat bëri të ditur se ky aksion politik i opozitës në çdo rast do të kombinohet me protestat e paralajmëruara nga janari./abcnews.al

 

vlcsnap-error160-1-1280x721.jpg
ad min17:33 | 21/12/2017

Kryetari i Partisë Demokratike, Lulzim Basha, ka zhvilluar një takim informues me pesë ambasadorë të vendeve të Bashkimit Europian, me të cilët ka konsumuar diskutimin mbi qëndrimin e opozitës, sa i përket zgjedhjes së Prokurores së përgjithshme të përkohshme. Basha u tha se kompromisi dhe interesat pragmatike, nuk mund të ndryshojnë këtë qëndrim të demokratëve.

Kryetari i opozitës, Lulzim Basha, ka zhvilluar një takim me ambasadorët e 5 vendeve anëtare të Bashkimit Europian, më përkatësisht Gjermanisë, Francës, Austrisë, Italisë dhe Greqisë për ti njohur nga afër me qëndrimin e Partisë demokratike, sa i përket zgjedhjes së Prokurorit të përgjithshëm të përkohshëm.

Në takimin e mbajtur në selinë blu kryedemokrati njohu përfaqësuesit diplomatikë me hapat konkretë të ndërmarrë nga qeveria, që për Lulzim Bashën çuan në një puç kushtetues.

Mosngritja e Këshillit të lartë të prokurorisë, marrja e kompetencave të KLP-së nga Parlamenti dhe zgjedhja e Prokurorit të përgjithshëm me shumicë të thjeshtë votash në parlament dhe pa Vetting janë tre hapa flagrantë në shkelje të Kushtetutës së Shqipërisë, theksoi Basha për ambasadorët.
Kjo antikushtetutshmërie procesit, tha ai, fut sistemin e drejtësisë në krizë, shkatërron procesin politik dhe prodhon destabilitet,

Lulzim Basha shprehu bindjen se këto veprime kanë qenë të paramenduara dhe planifikuara, në mënyrë që Kryeprokurori të manovrohet në shkatërrimin e hetimeve për dosje kriminale të politikanëve të lidhur me krimin.

Kryetari demokrat theksoi se procesi i integrimit është mbështetur me fakte nga Partia Demokratike dhe se sot ky proces është plotësisht në dorën e qeverisë, e cila duhet të përmbushë 5 prioritetet, të cilat nuk varen aspak nga opozita.

Interesat e shqiptarëve dhe atyre të Bashkimit Europian sipas tij, janë në dënimin dhe jo mundësimin e veprimtarive kriminale dhe të turpshme si kthimi i vendit në hambar droge apo tolerimi i lidhjeve të qeverisë me kriminelët, për të cilët edhe kërkojnë drejtësi.

Asnjë kompromis dhe asnjë interes pragmatik politik nuk do ta ndryshojë këtë qëndrim – përfundoi Lulzim Basha./abcnews.al

 

 

 

vlcsnap-error688-1280x719.jpg
ad min18:14 | 18/12/2017

Nga qetësia e selisë së tij, Edi Rama e cilësoi kushtetuese dhe legjitime zgjedhjen e Arta Markut në krye të Prokurorisë, ndonëse pranoi se do kishte preferuar dakortësinë e opozitës.

Para se të falënderonte Adriatik Llallën për punën e tij, Kryeministri Rama rikujtoi edhe njëherë trajtimin që pushtetet I kanë rezervuar ndërvite drejtuesve të organit të Akuzës, ndërsa nënvizoi se ai nuk kishte akuzuar apo sulmuar asnjëherë Kryeprokurorin.

Duke komentuar situatën e krijuar nga opozitë në Parlament, Rama foli për një tjetër shfaqje të përpjekjes për të bllokuar reformën në drejtësi.
Të njëjtën gjë ia kishte thënë demokratëve kur protestuan për 3 muaj në boulevard, por për herë të parë, Rama pranoi se çadra para dritares së tij, kishte pasur për bashkëautor edhe aleatin e tij të LSI.

Sipas Ramës, opozita do ta ketë të pamundur të bllokojë reformën në drejtësi, ndonëse ai ritheksoi se dëshironte të dialogonte me të. Ftesat në adresë së demokratëve, këshilloi të mos ja merrnin për dobësi./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono