kryeministri

43538875fa4f0a223ae14e5fed7df183228b4a74-1578774658-5e1a3082-630x420-1.jpg
ger ta10:19 | 12/01/2020

Avokati 42-vjeçar Robert Abela është zgjedhur drejtuesi i Partisë së Punës në Maltë, duke u bërë automatikisht kryeministër. Zgjedhja e tij u bë pas dorëheqjes së Jozef Muskat, i akuzuar për ndërhyrje në hetimin për vrasjen e gazetares investigative Dafne Galicia.

Kryeministri i ri është i biri i ish-presidentit të Maltës, George Abela, dhe pritet ta japë betimin zyrtar të hënën.

Abela, u zgjodh nga votat e 17.500 anëtarëve të partisë së Punës. Ndërsa kundërshtari i Abela-s ishte Chris Fearne, i cili mori rreth 2500 vota më pak se shefi i porsazgjedhur i qeverisë

Robert Abela, një aktivist i Partisë së Punës, u bë anëtar i parlamentit maltez vetëm gjatë zgjedhjeve të fundit të 2017.

Ai do të qëndrojë në postin e kryeministrit të vendit deri në shtator të vitit 2022./abcnews.al

sbc-1280x817.jpg
Autor E11:39 | 06/01/2020

Sulmi amerikan ndaj një gjenerali iranian afër Bagdadit ka pasoja të mëtejshme politike në Irak. Parlamenti i Irakut i bëri thirrje qeverisë që t’i japë fund pranisë së trupave të huaja.

Parlamenti irakian në Bagdad miratoi një rezolutë që kërkon tërheqjen e të gjitha trupave të huaja nga Iraku. Vendimi ka si objektiv kryesisht 5000 ushtarët amerikanë të vendosur në Irak. Angazhimi i koalicionit kundër IS, i udhëhequr nga Shtetet e Bashkuara duhet të marrë fund, u tha. Qeveria në Bagdad duhet të tërheqë kërkesën e saj katër vjeçare për mbështetje, thuhet në rezolutë. Rezoluta u mbështet nga shumica e deputetëve shiitë, të cilët mbajnë shumicën e mandateve. Shumë parlamentarë sunitë dhe kurdë nuk morën pjesë në seancë, me sa duket sepse janë kundër shfuqizimit të marrëveshjes.

Mazhoranca parlamentare plotëson me këtë hap kërkesën e kryeministrit Adel Abdel Mahdi. Ai e kërkoi këtë hap në seancën e parë të Parlamentit që nga sulmi i SHBA-së kundër gjeneralit iranian Ghassem Soleimani dhe një udhëheqësi shiit irakian. “Ne kemi dy mundësi: të përfundojmë menjëherë praninë e huaj ose të caktojmë një plan kohor për t’i dhënë asaj fund,” tha Abdel Mahdi.

Koalicioni pezullon luftën kundër IS

Koalicioni ushtarak ndërkombëtar i drejtuar nga SHBA ka pezulluar mbështetjen për luftën kundër IS përballë tensioneve të fundit. Si arsye u paraqitën sulmet e përsëritura me raketa kundër bazave të forcave të koalicionit në Irak. Aleanca ushtarake bëri të ditur se irakianët do të vazhdojnë të marrin mbështetje dhe se ajo është e gatshme të rikthehet në luftën kundër IS në një kohë të mëvonshme.

“Prioriteti ynë kryesor është të mbrojmë personelin e Aleancës, i cili i është kushtuar fitores kundër Shtetit Islamik”, u bë e ditur. Misioni tani është përqendruar në mbrojtjen e bazave, në të cilat janë vendosur forcat e koalicionit. Pezullimi i stërvitjes për forcat irakiane të sigurisë u njoftua të shtunën. Që nga fundi i vitit, sipas SHBA, ka pasur kundër bazave rreth një dyzinë sulmesh me raketa nga një milici shiite e mbështetur nga Irani

Konflikt Iran-USA | Parlamentssitzung in Teheran (picture-alliance/dpa/Tasnim News Agency/M. Hassanzadeh)

Gjermania në pozitë pritjeje

Qeveria Federale e bën të varur vazhdimin e angazhimit të Bundeswehr-it në Irak nga dakordimi i qeverisë së Irakut. “Ne po e vëzhgojmë me vëmendje të madhe situatën në Irak. Dimë ende shumë pak. Një gjë është e sigurt, megjithatë: ushtarët gjermanë mund të qëndrojnë në Irak vetëm kur qeveria iraniane e dëshiron këtë edhe më tej”, i tha Ministrja e Mbrojtjes, Annegret Kramp-Karrenbauer (CDU) Rrjetit redaksional Gjermania.

Irani: Uashingtonit i mungon “guximi” për konflikt

Irani e ka hedhur poshtë kërcënimin e presidentit Donald Trump për sulme të SHBA ndaj 52 objektivave iraniane. Shefi i ushtrisë iraniane, gjenerali Abdolrahim Mousavi, dyshon që SHBA “ka guximin” t’i kthejë në realitet kërcënimet e saj, u bë e ditur në agjencinë shtetërore të lajmeve IRNA.

Me deklarata të tilla, Shtetet e Bashkuara vetëm dëshirojnë të largojnë vëmendjen e publikut botëror nga “veprimet e tyre të neveritshme dhe të pafalshme”.

Trumpi pati paralajmëruar se disa nga objektivat e mundshme janë shumë të rëndësishme për Iranin dhe kulturën iraniane. Në lidhje me këtë, Ministri i Jashtëm i Iranit, Mohamed Jadar Sarif shkroi në twitter se çdo vendim për të goditur qendrat kulturore të vendit do të ishte një “krim lufte”. Para kërcënimit të Trump-it për 52 objektivat iraniane, Garda Revolucionare Iraniane pati shpallur se 35 objektiva të SHBA ndodhen në rajon dhe qyteti izraelit i Tel Aviv ishte brenda rrezes së goditjes. /DW

neta.jpg
in a14:45 | 27/12/2019

Kryeministri izraelit Benjamin Netanyahu ka fituar sërish besimin e anëtarëve të partisë së tij për të qenë në krye të saj. Gjatë falenderimeve për mbështetësit ai u shpreh se me këtë fitore kishte mundur dhe mediat.

Ai theksoi se një ditë më parë ishte shprehur i bindur për fitoren e tij dhe kishte konfirmuar se kundër tij qarkullonin vetëm lajme të rreme në media.

Netanyahu u shpreh se armiqtë e tij politikë nuk patën sukses dhe pse pothuajse të gjitha mediat ishin kundër tij.

Netanyahu me një zë të ngjirur për shkak të takimeve të shumta elektorale të ditëve të fundit, falenderoi ata që i konfirmuan besimin: “Unë jap shpirtin për vendin. Kam luftuar për ju dhe ju keni luftuar për mua. Ju falenderoj,” përfundoi ai./abcnews.al

parlament.jpg
in a14:49 | 26/12/2019

Kryeministri izraelit Benjamin Netanyahu u detyrua të braktisë një takim elektoral kur ranë sirenat e alarmit për një sulm me raketa nga rripi i Gazës. Netanyahu gjendej në Ashkelon, pranë Rripit të Gazës. Një raketë palestineze ishte ngritur në ajër por u sinjalizua menjëherë nga sistemi mbrojtës izraelit. Netanyahu u dërgua në një vend të mbrojtur nga agjentët e shërbimit sekret.

Kjo ishte hera e dytë që nga muaji shtator që Netanyahu është detyruar të largohet nga një vend si pasojë e lëshimit të një rakete nga rripi i Gazës gjatë një takimi elektoral. Netanyahu këmbëngul se di si ta mbrojë izraelin, por kundërshtarët e tij politikë e akuzojnë se është shumë i butë përballë kërcënimeve që vijnë nga Rripi i Gazës.

Ndërkohë, aviacioni izraelit goditi objektivat ushtarakë në Rripin e Gazës. Sipas burimeve palestineze u godit një vendqendrim i Hamas në veri të Rripit të Gazës.

Gideon Saar, sfiduesi i Netaniau në zgjedhjet e së enjtes, kërkoi një marrëveshje të gjerë për zhdukjen e infrastrukturave ushtarake të grupeve militante palestineze të Hamas dhe të xhihadit islamik. Ish ndihmës dhe ish ministër në qeverinë e Netanyahu-t, Saar prej kohësh konsiderohej një figurë në ngritj si dhe një trashëgimtar i mundshëm politik i kryeministrit në detyrë. Ndërsa të tjerët presin me durim që Netanyahu të japë dorëheqjen, Saar është i vetmi që e kërkon me këmbëngulje. Netanyahu akuzohet për korrupsion, mashtrim dhe shkelje të besimit në tre çështje të ndryshme.

Më shumë se 100 mijë anëtarë të Likud do të votojnë para zgjedhjeve të përgjithshme të muajit mars, nëse Beniamin do të jetë ende kryetar i kësaj partie.

Gjatë fushatës së tij elektorale Saar u përqendrua në faktin se këtë vit, Netaniau ka dështuar dy herë për krijimin e qeverisë. Ndërsa Netanyahu nga ana e tij shprehet i bindur se në muajin mars të vitit të ardhshëm partia nën drejtimin e tij do të fitojë zgjedhjet./abcnews.al

edi-rama-parlament.jpg
nev ila17:42 | 07/12/2019

“Ju përgjërohem, sa më pak TV, hiç portale dhe qenefe dixhitale mundësisht, hiç fare dhe ndjesë për gjuhën, po të keqen e qenefit në fakt kur sheh se çfarë ere të rëndë mërzie dhe pasigurie dhe pështjellimi e përzierje krijojnë të ashtuquajturat burime informimi dhe se sa të pakta janë pasqyrimet njerëzore dhe arsyetimet shkencore në panairin mediatik të Shqipërisë, po për fat të keq njësoj edhe të Kosovës”.

Kryeministri Rama përdori këtë gjuhë ndaj mediave, të martën e 3 dhjetorit, teksa po largohej drejt Londrës. Po shkonte për të marrë pjesë në Samitin e NATO-s, ku do kërkonte mbështetje financiare, 1 javë pasi Shqipëria u godit nga një tërmet me magnitudë 6.4 e shkallës Rihter, me 51 viktima. E kishte quajtur pabesi të natyrës, por ishte sjellja ndaj mediave ajo që ngjante e tillë. Përse vallë KM përdori aq shumë energji kundër mediave, në një situatë delikate për vendin?

Të martën e 26 Nëntorit në 3 e 54 minuta të mëngjesit, një tërmet me magnitudë 6.4 i shkallës Rihter goditi Shqipërinë, me epiqendër Durrësin. Goditja e fortë pasonte atë të gati dy muajve më parë, më 21 shtator, në 16 e 04 min të pasdites, me magnitudë 5.6 shkalla Rihter, po me epiqendër Durrësin.

Të parat ishin mediat, që u bënë burimi jetik i informacionit për situatën, teksa njerëzit dolën në rrugë të panikuar. Më pak se 30 minuta pas tërmetit, televizionet informative të parat, hapën studiot dhe nisën ekipet në terren, duke filluar kështu një maratonë informative live, mbi situatën në Tiranë e Durrës.

Rama u shfaq përmes këtij postimi në FB, pesë orë pas tërmetit. Kishte qenë duke telefonuar një pjesë të mirë të homologëve nga vendet fqinjë e në Europë për të kërkuar mbështetje.

Skuadra emergjence pritej të vinin nga vende të ndryshme, të parat nga Kosovë, sipas KM për të shpëtuar të mbijetuar nga rrënojat e pallateve e banesave, të shembura nga tërmeti. Por informacion zyrtar për situatën ende nuk kishte, dhe mediat në terren mbetën te vetmet raportuese në mbi pesë orët e para pas tërmetit.

Të dhënat e para zyrtare erdhën në orën 09.33, nga ministrja e mbrojtjes, pas inspektimeve në dy zonat ku tërmeti kishte shembur pallate e shtëpi, në Durrës e Thumanë.

Olta Xhaçka: Durrësi dhe Thumana janë dy lokalitetet e goditura më rëndë. Me dëme të mëdha materiale e tragjikisht edhe me 7 jetë të humbura, siç konfirmohet deri në këto momente sipas informacioneve paraprake. Në të gjitha këto zona, në të gjitha godinat e shembura vazhdon puna e kërkim – shpëtimit, por siç keni mundur ta ndiqni edhe përmes mediave, janë operacione tejet të vështira, ku duhet punuar ngadalë pasi ekziston një rrezik shumë i madh që godinat të pësojnë shembje ose rrëshqitje të mëtejshme, duke rrezikuar jo vetëm banorët që mund të jenë të bllokuar, por edhe forcat e shpëtimit.

Gati 10 orë pas tërmetit, Km postoi këtë video mesazh, ku fliste për pabesi të natyrës

5 orë më vonë Edi Rama bënte të ditur se qeveria do nënshkruante një marrëveshje me strukturat hoteliere të Durrësit, Kavajës dhe Vlorës, për të mos i lënë njerëzit të kalonin festat e fund-vitit në çadra.

Numri i viktimave të nxjerra nga gërmadhat kishte shkuar 19, e po shtoheshin pikëpyetjet se përse nuk shpallej gjendja e jashtëzakonshme. E parashikonte qartë një ligj i miratuar me propozim të Kryeministrit më 18 korrik 2019, ai për mbrojtjen civile, që synonte garantimin e mbrojtjen e jetës së njerëzve, pronës etj, përmes forcimit të sistemit të mbrojtjes civile. Por Kryeministri e shmangu përgjigjen, i pyetur pasditen e ditës së tërmetit, teksa ndodhej në Durrës.

Kërkimet nën rrënoja vijonin, në Durrës e Thumanë, e ato përcilleshin nga çdo TV e media sociale. Pak pas orës 19.30 të mbrëmjes, edhe Kryeministri postoi një video nga kërkimet në një pallat në Durrës, e më vonë shkoi edhe vetë, duke vlerësuar punën e ekipeve shqiptare, e posaçërisht Trupat speciale të Kosovës, të mirë-pajisur edhe me qen kërkimi nën rrënoja, si dhe ekipet e ardhura nga Greqia, Kroacia, Rumania, Franca, Turqia, Zvicra e Italia.

Të njëjtën mbrëmje të 26 nëntorit, pasi kishte vizituar të lënduarit në spitalin e traumës, Km u përball sërish me pyetjen e gjendjes së jashtëzakonshme.

Rama: Eshtë e çuditshme ta dëgjoj këtë pyetje nga mëngjesi deri në darkë. Çfarë do të thotë? Akti formal i gjendjes së jashtëzakonshme?! Nuk është se sjell më shumë se sa ka sjell sot gjithë ky solidaritet. Nuk do të ndryshojë asgjë. Natyrisht, nesër është dita për të menduar për të gjitha.

Të nesërmen, në 7 e 20 të mëngjesit, Rama thirri mbledhjen e parë të jashtëzakonshme të qeverisë. 27 orë pas tërmetit, kur nr i viktimave kishte shkuar në 31, KM shpalli ditë zie dhe gjendjen e emergjencës për Tiranën e Durrësin.

“Do shpallim gjendjen e jashtëzakonshme bazuar në Kushtetutë. Ashtu si Kushtetuta dhe legjislacioni shtjellojnë, duke nisur nga natyra dhe perimetri i situatës do të jetë gjendje e jashtëzakonshme për dy rajonet e prekura në mënyrë të drejtpërdrejtë, Tiranën dhe Durrësin”.

Në fakt, ç’ka ishte shpallur nuk ishte gjendja e jashtëzakonshme, por gjendja e fatkeqësisë natyrore, e parashikuar si në nenin 174 të kushtetutës, ashtu edhe në ligjin që vetë kishte propozuar 4 muaj më parë (neni 39). Emërtimi ishte i qartë, edhe në VKM që u publikua në FZ, por jo në faqen e KM.

Ndërsa Shqipëria tregoi kapacitete modeste të emergjencave civile, spikati lëvizja e duhur e KM, për të lidhur kontrata me hotelet e Dr, Kavajës e Vlorës në fillim, për të strehuar banorët, shtëpitë e të cilëve u dëmtuan rëndë nga tërmeti.

Në mënyrë sistematike, Edi Rama shfaqej tek këto hotele, duke takuar banorët e mbetur pa strehë, e më tej duke falënderuar ekipet e huaja që punonin nën rrënoja. Gjithçka përcillej përmes televizionit të tij online.

Eshtë momenti kur tashmë Rama nis të shfaqet disa herë në ditë, deri pas mesnate, e me vete ka vetëm ERTV-në e tij. Shfaqet edhe përkrah personazheve të njohur të vullnetarizmit, si Elvis Naçi, apo Arbri i Fundjavës Ndryshe, që kishin iniciuar fushata solidariteti në mbështetje të banorëve të prekur nga tërmeti.

Përmes ERTV shqiptarët panë se si dukej një super-magazinë, ku mblidheshin ndihmat e organizatës Fundjava Ndryshe, edhe pse nuk panë një të tillë shtetërore.

Solidarizimi i menjëhershëm i Kosovës, si në nivel shtetëror ashtu edhe qytetar, dominoi pozitivisht çdo media tradicionale e sociale, në ato orë të para, tejet të vështira. Rama u shfaq në Durrës në krah Zv.Km të Kosovës, biznesmenit të njohur Behgjet Pacolli. E falënderoi për mbështetjen që vazhdonte të vinte nga Kosova, por nuk u shfaq reflektues për heqjen e tarifës në rrugën e Kombit për automjetet dhe ekipet e solidaritetit.

Rama: Kush jep ndihma me zemër mund t’i paguaj edhe 5 euro Tarifa tek rruga është detyrim i të gjithëve dhe ka të bëjë me shërbimin e infrastrukturës, me sigurinë rrugore dhe me shtetin, tani në qoftë se vjen me zemër për të dhënë shumë më tepër se sa ato 5 euro, 5 euro nuk janë një diskriminim ato paguhen në të dy anët e kufirit dhe ne edhe ne Kosovë dhe në Shqipëri…

U provua shumë shpejt jashtë loje me pozicionin e vet, kur Koncesionari bëri të ditur se që ditën e tërmetit më 26 Nëntor, kishte lejuar kalimin pa pagese te të gjithë makinave të Kosovës e Shqipërisë, që janë solidarizuar, apo qe kane sjelle ndihma për te prekurit nga tërmeti. E kështu do vijonte deri në përfundim të situatës emergjente.

Një moment bllofi, që nuk ia lehtësonte marrëdhënien delikate me Kosovën, e reflektuar edhe në perceptimin publik. Në mbrëmje vonë, rreth orës 22.30, përmes një sqarimi të gjatë në FB, mohonte ç’ka kishte pohuar me zë e figurë dhe konfirmonte vendimin, që koncesionari e kishte bërë të ditur orë më herët.

Në siklet e sipër, u kujtonte të gjithëve se si e kishte mbrojtur pavarësinë e KS në Beograd. Mungesa e qetësisë, dukej se i kishte cenuar kreativitetin, pasi një nga lëvruesit më të mirë të gjuhës shqipe, nuk kishte përzgjedhur dot term më të mirë për të prekurit nga tërmeti, sesa epiteti “fatkeqë”.

Nuk po e kapte dot boshllëkun që kishte lënë me mungesën disa orëshe të reagimit publik, prej rënies së tërmetit. E kishte humbur garën me tempizmin e reagimit në atë situatë.

Mediat nuk kishin ndenjur në pritje të qeverisë, por ishin pozicionuar si burim informacioni në kohë reale në pikat e nxehta, Durrës e Thumanë, nga ku realizonin transmetime maratonë live, ndërsa KM, që e përcillte punën e tij, vetëm përmes ERTV, jo gjithnjë arrinte të thyente programacionin e tyre, që pasohej hapjen e studiove, kryesisht për ekspertë.

Përjashtim bënte takimi i mëngjesit, pak pas orës 7, ku televizionet i jepnin gjithë hapësirën e nevojshme, ndërsa aktivitetet pasardhëse, nuk kishin të njëjtin fat, pasi mediat tashmë e kishin shtrirë raportimin përveç Durrësit e Thumanës, edhe në Lezhë e Laç, pasi gjeografia e dëmeve ishte zgjeruar.

Kryeministri shpërtheu ndaj mediave në mbledhjen e dytë të qeverisë, në ditën e pavarësisë më 28 nëntor, duke i akuzuar se po mbillnin panik.

Rama: Iu bëj thirrje të gjithëve duket besuar se i bëjnë nga mungesa e një reflektimi pak të cekët, që të mos na detyrojnë që nga gjendja e jashtëzakonshme, që të marrin masa që t’ju fikim dritën e ekraneve e pasqyrave të tyre.

Paralajmërimin e përsëriti edhe njëherë me shkrim në faqen FB, duke kërcënuar me mbyllje mediat si tradicionale ashtu edhe sociale.

“Paralajmëroj për herë të fundit, portalet e kanalet e informimit, se në kushtet dhe kuadrin ligjor të Gjendjes së Jashtëzakonshme, do të jem i detyruar të ndërhyj, forcërisht, për mbylljen e tyre deri në fund të kësaj faze dramatike, nëse vazhdojnë me publikime rrenash që përhapin panik!”

Këto akuza të forta, të përsëritura e pa nominuar askënd, kishin tiparet e një intimidimi ndaj të gjithëve, e dukej ky ishte synimi. Vijon t’i referohet të drejtave ligjore që i lindin shtetit në kushtet e gjendjes së jashtëzakonshme, edhe pse në fakt vetë nuk ka shpallur një të tillë, por vetëm gjendjen e fatkeqësisë natyrore, të pjesshme, në disa qarqe. Të ishte vallë ai artikulim i Kryeministrit, diçka e menduar, e aspak lapsus?

Rama: Por për atë që nuk e dinë, gjendja e jashtëzakonshme nuk është çështje thjesht financash, por e një sërë masave. Nuk e di nëse janë të gatshëm ata që e predikonin gjendjen e jashtëzakonshme që t’u nënshtrohen këtyre masave. Gjendja e jashtëzakonshme, për një periudhë 30 ditore, ka hapësirat dhe detyrimet për ata që duhet ta qeverisin atë.

A e ka shpallur vallë Edi Rama këtë situatë, për të patur fuqi, që do i njiheshin, vetëm në kushtet e një gjendje së jashtëzakonshme?

Dyshimet u shtuan kur në mbledhjen e katërt të jashtëzakonshme të qeverisë, Edi Rama kritikoi hapur ministrin e brendshëm se nuk kishte marrë masa, për ato që i quajti sulme kibernetike, pasi vlerësoi negativisht emisionet televizive.

Rama: Më vjen shumë keq për rolin absolutisht problematik të mediave në këtë proces. Jo të gjitha, natyrisht. Më vjen shumë keq për klimën acaruese që krijojnë mjediset e debateve mediatike…i kam parë sintezat e këtyre debateve në raportimin që marr dhe jam i mahnitur nga mungesa e mirëkuptimit të disa prej këtyre moderatorëve për nevojën e madhe që ka ky vend, ky popull, për të marrë mesazhe qetësie…Ne nuk mund të bëjmë më shumë  sesa të kërkojmë pak më shumë mirëkuptim, pak më shumë angazhim edhe nga ata. Këto ditë kanë nxjerrë në pah një dobësi të pranueshme në Ministrinë e Brendshme, lidhur me gjithë hallkën e luftës kundër krimit kibernetik. Kapacitetet zero dhe aftësitë për të reaguar ndaj lajmeve të rreme, për të reaguar ndaj shprehjeve të urrejtjes, apo të racizmit madje, për të reaguar ndaj sulmeve kibernetike, zero

Pas kësaj, akuza më e përdorur ishte “për përhapje paniku” që pasohej me ndërhyrjen e policisë. Një aktiviste nga Durrësi u arrestua se ndau në faqen e saj FB një shkrim të italianes L’avvenire, ku thuhej se tërmeti mund të kishte dëmtuar depozitat e ujit në Durrës. Administratori dhe një punonjës i portalit JOQ u proceduan, sipas policisë pasi lejuan publikimin e lajmeve të paverifikuara, ndërsa portali u mbyll pa u publikuar një urdhër a referencë ligjore.

Një përplasje mes aktivistëve të Aleancës për mbrojtjen e Teatrit dhe ministrisë së brendshme, erdhi kur aktivistët publikuan këtë video të xhiruar prej tyre, ku duket një makinë që po shkarkon ndihma në godinën e ministrisë së brendshme.

Një aktiviste që e ndau në FB u tentua të ndalohej, por policia u tërhoq, kur aktivistët e tjerë i dolën në krah dhe e postuan live në FB atë procedurë të policisë së shtetit.

A po zbatohen vallë urdhra të një gjendjeje të jashtëzakonshme, edhe pse zyrtarisht është shpallur gjendja e fatkeqësisë natyrore, edhe ajo, vetëm në një pjesë të vendit?

Dukshëm Kryeministri nuk i duhen zërat kundër në këtë situatë, ku përgjegjësia e shtetit artikulohet krejt dobët. Pasditen e 30 nëntorit përmes një Twitteri, ftoi Lulzim Bashën të ulej në tryezë me të, për të dëgjuar idetë dhe propozimet konkrete për të dëmtuarit nga tërmeti.

Nuk mungoi edhe tirada ndaj strategjisë së zgjedhur nga PD për vetëpërmbajtje, edhe pse politikisht komode për Ramën.

“Për çdo gjë ka një kohë nën këtë qiell; një kohë me lind e një kohë me vdek; një kohë me i mbledh e një kohë me i largu gurët; një kohë me rrëzu e një kohë me ngrit; një kohë me fitu e një kohë me hum; një kohë me u luftu e një kohë me u paqtu..” Kjo është koha me u ftillu”

Lëvizja nuk mori vëmendjen e duhur mediatike, ndërsa u lexua si kosto politike për Bashën, që kujdesshëm e refuzoi.

Mungesa e interesit publik, solli edhe humbjen e interesit të Ramës mbi atë mundësi bashkëpunimi, ndërsa vijonte kontaktet për ndihma me vendet e huaja, pasi fatura financiare vinte në rritje. Basha mblodhi ekspertët, e nxori 3 propozime, por Rama nuk i konsideroi.

Iu rikthye edhe njëherë mediave, me shkak dëmtimet nga pasgoditjet në spitalin e Durrësit.

Një vizitë e Bashës në këtë spital pas atij lajmi, teksa ministrja Manastirliu e shoqëronte, tërhoqi vëmendje të lartë mediatike. Katër ditë më vonë, nga i njëjti spital, anatemonte sërish mediat

Rama: Se janë shumë interesant këta të mediave. Dje ishte njëra thoshte ‘jam këtu në qytetin fantazmë të plazhit, aty fantazmë është në dimër se nuk shkon njeri. Problemi është te struktura, prandaj po sjellim të huajt që të kemi një garanci ne…i lujtën mendsh këta televizionet.

Narrativën se mediat po përhapnin panik, pa nominuar askënd, kryeministri  e mbante gjallë në çdo rast, edhe kur e zgjedhura e tij në krye të Bashkisë Dr, Valbona Sako, dha dorëheqjen në kulmin e situatës së vështirë, me arsye publike, disa deklarata të pamenduara televizive.

Kryeministri e shmangu transparencën për këtë moment, duke kundërsulmuar mediat.

Rama: Mos të merremi me këto histori anësore. Ju jeni heronj në terren, por ata që ju drejtojnë me telefon nga redaksitë dhe të mbledhin në darkë lloj-lloj sharlatanët, pasi njerëzit janë të tmerruar. Një nga gjeneratorët e tmerrit janë ekranet e debateve pa kuptim… i luajtët mëndsh njerëzit. Jo ju që jeni këtu në terren, por përmes ekraneve…

Dozat e nervozizmit dhe humbja e durimit i lexoheshin edhe me të vetët, në transmetimet e ERTV. Një gjest spostimi i Erion Braçes në Lezhë për përparësinë e ecjes…

Ky acarim ndaj Erion Veliajt për përparësinë e fjalës.

Po pusho o Erion pusho…”

Apo edhe ky shpërthim sërish ndaj Kryebashkiakun për një punë të bërë jo mirë.

Rama: Do lyesh shkallën, nesër ti vetë në 4.30 të mëngjesit

Natyrisht që këto sjellje të KM bënin lajm, më shumë se gjestet balancuese që përpiqej të prodhonte, si kjo foto me batutë për Erion Braçen (ha or ti ha se po hyn në ujë).

A po kërkonte vallë Edi Rama protagonizëm absolut në informimin e publikut? Në fakt gara ishte e pabarabartë dhe Rama synonte përparësi në një fushë, që nuk është detyrë e qeverisë. Përballë mediave të shumta, sa në terren e në studio TV, KM e kishte marrë barrën krejt i vetëm, e shfaqej po vetë kudo, veç me ERTV e tij.

Zhgënjimi se nuk po i njiheshin meritat e çoi në vetëlavdërim, si në këtë komunikim me mediat në Durrës.

Rama: Unë i solla ekspertet e huaj për tw kërkuar trupa, unë i mora nw tel miqtë e mi dhe sollën ekspertet….

Nga ana tjetër, informacionet më të rëndësishme për nivelin e kontributeve nga vende të NATO-s, të cilat i sensibilizoi personalisht në samitin e Londrës, apo ato në nivel të BE, çuditërisht zgjedh t’i japë si biseda kafeneje përmes ERTV, me të vetmin person që duket komod, drejtorin e tij të komunikimit Endri Fuga.

Bëri bashkë aktivistë e ekspertë të njohur, për të iniciuar idenë e tij të rindërtimit pas tërmetit të 26 Nëntorit.

I sigurt se ata që kishin impakt të lartë publik, i kishte ulur në tryezën e vet, iu rikthye anatemimit të mediave, të cilat po e transmetonin live, atë që po prodhonte me ERTV-në e tij.

Marin Mema: Media nuk është macja e zezë. Po e kërkojmë fajin tek media. Media nuk është skandaloze, apo të etiketohet me përkufizime të tjera që më duken absurde, siç do sektor tjetër ka problem, por nuk do të thotë që ta anatemojmë. Nuk është për të sjellë zërin e qeverisë, por zërin e qytetarëve.

Edi Rama: .. media është skandaloze… kriminale madje …Kanë ikur njerëz me mijëra nga Tirana, Durrësi… unë e kam mbyll punën me ekranet, por marr raportet, dhe njerëzit thonë unë po iki se ka ardhur fundi i botës.

Pavarësisht se ishte e dukshme, media nuk u mor posaçërisht me kapacitetin reagues e përgatitor të vendit, por ishte i fortë kontrasti me modelin që erdhi nga Kosova. Kryeministri në largim Haradinaj tregoi se si kishte funksionuar shteti 11 vjeçar, sapo kishte mësuar për tërmetin në Shqipëri.

Ministrja e Mbrojtjes, mbeti zëri informues zyrtar për situatën e emergjencës së vendit, në 5 ditët e para pas tërmetit efekt…Vetëm në ditën e 6 u aktivizua qendra operacionale me drejtues ministrin e Bujqësisë Bledi Çuçi e zv ministren e brendshme Rovena Voda, që nisën informimin publik 2 herë në ditë. Edhe kur pranonte denoncimet me figurë të mediave, Edi Rama zgjidhte sërish anatemimin e tyre.

Rama: Po, ka pasur raste abuzimi me ndihmat, se ato që kanë dalë në televizor nuk kanë qenë me aktorë filmash, por ato abuzime – po ju shtoj unë edhe nja 30 të tjera që nuk kanë dalë në televizor, – e dini sa janë në raport me ndihmat që kanë ardhur? As 1% e tyre. ….Një dekurajim, mërzi, një çorodi tek njerëzit, që në televizor kërkonin të shikonin çfarë po ndodh në vendin e tyre, çfarë po ndodh me familjet e tyre, me lagjen e tyre, me të afërmit e të njohurit e tyre dhe shikonin hajdutë xhepash. Sikur ishin hajdutët e xhepave që kishin marrë situatën e territorin në kontroll e jo 5000 njerëz; policë, ushtarë, zjarrfikës, mjekë, infermierë, njerëz të shtetit. Pastaj edhe klithmat për “nuk paska doreza”, “kapele”, “çizme” e histori qensh.

Nuk është hera e parë që Rama në vitin e 7 si Kryeminister, shënjestron mediat. Përpjekjes së dështuar në 2015 për një ligj anti-shpifje, i është rikthyer prej gati dy vjetësh. Ndryshimet ligjore të propozuara nga qeveria, me fokus mediat online, kane nisur të diskutohen në komisionin e ligjeve, pavarësisht kundërshtive të organizatave të medias, e rezervave ndërkombëtare. A po ndërton Rama me anatemimin përgjithësues, një justifikim për ato ndryshime ligjore? E konfirmoi vetë në mbledhjen e të premtes.

Nga ana tjetër, askush nuk e ndal KM, edhe kur përdor një gjuhë të tillë publikisht, në median e tij ERTV.

Duhet pranuar se sensibilizimi ndërkombëtar i dha rezultatet e veta edhe pse ende nuk ka një shifër a faturë për dëmet e 26 nëntorit, BE akordoi si fillim 15 milionë euro e Euro-Komisioneri për emergjencat ishte në Shqipëri për të parë situatën për financimet e mëvonshme.

Pas Samitit të NATO-s në Londër, Presidenti Francez bëri të ditur se do organizonte një konferencë donatorësh në Paris, e të njëjtën gjë do bëjë edhe presidenti Erdogan me një konferencë investitorësh nga vendet islame në vendin e tij.

Tashmë Kryeministri duket i sigurt në mundësinë e financimit të asaj ç’ka ka ideuar për rindërtimin e zonave të dëmtuara nga tërmeti. Ia ka dalë të fitojë në luftën me kohën për të arritur zgjidhjen që synonte, e që pa dyshim që do i shërbejë për të kërkuar një mandat të ardhshëm.

Pas toneve kërcënuese për ndërtuesit, të cilëve u kërkoi të merrnin përsipër godinat e tyre të dëmtuara, e jep vetë edhe informacionin nga hetimet për Durrësin.

Vangjush Dako, ish Kryebashkiaku i Durrësit që ka firmosur për 12 vjet leje ndërtimi, u pa t’i fliste Kryeministrit Rama për dokumente, e të merrte edhe pohimin e tij, teksa po ndaheshin, mbrëmjen e të enjtes në Durrës.

Prej të enjtes së 5 dhjetorit, vendi ka një prokuror të ri të përgjithshëm, Olsian Çelën i zgjedhur me 101 vota pro në kuvend. Që në marrje të detyrës identifikoi si prioritet hetimet mbi tërmetin.

Edi Rama e kapërceu fazën e parë delikate të pas tërmetit të 26 nëntorit. U impenjua si kurrë më parë për të mbajtur fort nën kontroll perceptimin publik. Për ta arritur sulmoi mediat, i mbajti ditë pas dite nën presion duke i kompleksuar e duke shtruar rrugën për një mandat të tretë.

Nuk pati asnjë shqetësim nga opozita, e cila zgjodhi strategjinë e vetëpërmbajtjes, e të spostimit në hije edhe mediatikisht, në respekt të situatës pas tërmetit të 26 Nëntorit./abcnews.al

rama-mbledhje.jpg
nev ila12:49 | 02/12/2019

Kryeministri Rama, ka vazhduar edhe ditën e sotme të paralajmërojë mediat, që të filtrojnë dhe verifikojnë informacionin, ndryshe thotë kryeministri, do të bëhet si Japonia, e cila ka marrë masa ekstreme për mediat private.

Më tej, kryeministri paralajmëron se, do të ndërmarrë masa ekstreme, deri atje ku “s’ua rrok imagjinata”, shkruan ai.

“Gjatë periudhës së gjendjes së jashtzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!

Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!”, shkruan Kryeministri./abcnews.al

polonia.jpg
Vladimir Prenga16:26 | 20/11/2019

Jo vetëm në Shqipëri ndodh që kryeministri të takojë futbollistët e kombëtares. Së fundmi kreu i qeverisë polake ka takuar lojtarët e kombëtares së vendit të tij, madje takimi është bërë në dhomat e zhveshjes.

Lojtarët nuk e kanë humbur mundësinë t’i ankohen kryeministrit për gjendjen e tapetit të barit në stadiumin “Narodowy” të Varshavës, ndërkohë që trajneri i Jerzy Brzęczek pas ndeshjes tha në konferencën për shtyp që lojtarët e tyre ishin me fat që nuk u dëmtuan.

Polonia mposhti një ditë më parë Slloveninë në shtëpi, me rezultatin 3-2, dhe i mbylli kualifikueset në vendin e parë në grupin G, para Austrisë që gjithashtu do të marrë pjesë në EURO 2020. /abcnews.al

kryeministri-irlandez.jpg
nev ila15:53 | 04/11/2019

Azilkërkuesit nga Shqipëria, në pjesën më të madhe me dokumente të falsifikuara po shënojnë rritje në Irlandë. Është kjo deklarata e kryeministrit të vendit Leo Varadkar, i cili shtoi se vitet e fundit është shënuar një rritje prej 60 për qind e numrit të tyre.

Kryeministri irlandez Leo Varadkar deklaroi se dy vende të Eurppës Lindore janë shtytësit më të mëdhenj në rritjen e numrit të azilkërkuesve që shkojnë në Irlandë. Këto vende sipas tij janë Shqipëria dhe Gjeorgjia, nga ky emigrantët udhëtojnë me dokumente të falsifikuara.

Ai shtoi se ka një rritje prej 60 për qind në numrin e azilkërkuesve vitet e fundit, por gjithësesi ai mohoi që vendi të jetë përmbytur nga këto ardhje duke theksuar se ka më pak emigrant në krahasim me 20 vjet më parë.

Rreth 460 shtetas shqiptarë kërkuan azil në Irlandë në vitin 2018, duke përfaqësuar 13% të aplikuesve, 450 ishin nga Gjeorgjia dhe 330 nga Siria. Aktualisht janë 6 mijë personat në process azili në Irlandë.

Kryeministri irlandez tha se janë shtuar kontrollet në aeroporte për të ndaluar hyrjet e paligjshme në vend, dhe kjo gjë ka dhënë efektet e saj. Ai shtoi se ka shumë mënyra për të hyrë rregullisht në Irlandë me një vizë apo leje pune, kështu që nuk mund të lejohen hyrjet e paligjshme./abcnews.al

Rama-kuvendi-zgjedhjet.jpg
nev ila10:11 | 04/11/2019

Kryeministri Rama është thirrur për interpelancë e iniciuar nga deputetët e opozitës parlamentare. Për herë të parë kryeministri Rama do të flasë në parlament si Ministër i Jashtëm.

Deputetët kanë kërkuar interpelancë të posacme për rastin e Alvin Berisha por jo vetëm për të por edhe çfarë po bëhet për fëmijë të ngjashëm si Alvini.

Interpelanca është iniciuar nga deputeti Andi Përmeti. Seanca parlamentare sapo ka nisur por Kryeministri Rama nuk i është pergjigjur kërkesës per interpelancë
dhe ia ka deleguar përgjegjësinë për t’iu përgjigjur opozitës, Elisa Spiropalit./abcnews.al

edi-rama-8.jpg
ad min16:14 | 29/10/2019

Nuk dha detaje kryeministri Edi Rama për bisedimet që kanë nisur e vazhdojnë me Greqinë për kufijtë detarë dhe çështje të tjera. Vazhdon të shpresojë në arritjen e një konsensusi me qeverinë e re është përgjigja që i dha gazetares greke në një intervistë për Euroneës.

“Ne kemi punuar për qeverinë e mëparshme për ca kohë dhe kemi bërë përparime të konsiderueshme dhe duhet të vazhdojmë të punojmë me qeverinë e re, duke shpresuar se do të gjendet një zgjidhje konsensuale”.

Marrëzi e konsideroi kryeministri Edi Rama frikën e pakicës greke ndaj ligjit të shpronësimit.

“Shqipëria është një shembull i shkëlqyer i respektit për të gjitha pakicat dhe për grekët, të cilët kanë jetuar atje për shumë vite, në të njëjtat kushte si shqiptarët. Po, kur ka probleme, ato janë të njëjta për të gjithë, jo për një pakicë apo tjetrën. Pra, këto janë marrëzi”.

Sipas kryeministrit shqiptar, zhurma rreth çështjes është thjesht politike.

“Për sa i përket ligjit, ne kemi punuar për një kohë të gjatë për të zgjidhur çështjet e pronave, shumë të komplikuara pas rënies së komunizmit, kur regjimi që lejonte mos pasjen e një prone ra dhe shumë gjëra shkuan keq. Ajo që ne po përpiqemi të bëjmë është thjesht riformulimi i disa ligjeve ekzistuese për të mirën e të gjithëve, dhe të luftojmë një sistem korrupsioni që derdh – mund të themi – gjakun e njerëzve për pronën e tyre. Por nuk ka të bëjë vetëm me pakicën Greke, por me të gjithë “.

Fqinjësinë e mirë me Greqinë nuk mund ta zbehë as rasti I vdekjes së shtetasit Grek Konstantinos Katsifas theksoi kryeministri Rama sipas të cilit ai përfaqësonte cmendurinë ekstremiste e kjo nuk mund të ndikojë në marrëdhëniet mes shqiptarëve e grekëve.

“Unë nuk mendoj. Përkundrazi, besoj se historia e të dy komuniteteve tregon që nëse politika nuk ndërhyn apo axhendat e ndryshme politike, ato janë një. Prandaj nuk ka ndarje ose urrejtje në zemrat e komuniteteve ku kanë shqiptarët dhe grekët. jetuan së bashku për shumë vite. Ata janë një shembull i ndritshëm se si politika duhet të merret me faktin se ne jemi fqinjë dhe sa “të mallkuar” jemi për të jetuar së bashku dhe ta duam njeri-tjetrin. Kështu që unë nuk mendoj kështu. Nëse politika nuk bën gërmoni hundën në interesat e vendit dhe përpiquni të fitoni mbështetje duke ushqyer urrejtje, asgjë e keqe nuk mund të ndodhë “.

Këtë intervistë kryeministri Rama e dha gjatë qëndrimit të tij në Athinë ku mori pjesë në samitin e katërt euro-arab./ABC News Albania 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono